അനുരാഗം 6️⃣3️⃣ " സിദ്ധു ഏട്ടാ ഈ പോർഷൻ ഒന്ന് കൂടി പറഞ്ഞു തരോ.... ഒന്നും മനസ്സിലാവുന്നില്ല...... " ഹാളിലെ സോഫയിൽ ഫോണിൽ തോണ്ടി കൊണ്ടിരിക്കുന്ന സിദ്ധുവിന്റെ അരികിലേക്ക് കണ്മണി പുസ്തകവുമായി വന്നു കൊണ്ടു ചോദിച്ചു.... സിദ്ധു ഫോൺ മാറ്റി വെച്ച് അവളോട് അരികിൽ വന്നിരിക്കാൻ ആക്ഷൻ കാണിച്ചു..... കണ്മണി ചാടി തുള്ളി അവന്റെ അരികിൽ പോയിരുന്നു.... " ഇതാ മനസിലാകാത്തത്.... " കണ്മണി സിദ്ധു ഇന്ന് പഠിപ്പിച്ച പോഷൻ വിരൽ തൊട്ട് കാണിച്ചു കൊണ്ടു പറഞ്ഞു.... " ഇത്‌ ഇന്ന് പഠിപ്പിച്ചതല്ലേ...." സിദ്ധു പുരികം ചുളിച്ചു ചോദിച്ചു.... " മം.... " ചുണ്ട് പിളർത്തിയവൾ.... " ക്ലാസ്സിൽ ശ്രദ്ധിക്കാതെ നീ എന്ത് ചെയ്‌യായിരുന്നു....? " സിദ്ധു അവളുടെ ചെവിയിൽ പിടിച്ചു.... " ഞാൻ എന്റെ ഫ്രണ്ട്സിനെ കാണാത്തൊണ്ടു... " കണ്മണി പറഞ്ഞു നിർത്തി.... " കാണാതോണ്ട്....? " സിദ്ധു വീണ്ടും ചോദിച്ചു.... " ആ സങ്കടത്തിൽ ഒന്നും ശ്രദ്ധിച്ചില്ല..... " മുഖത്തു മാക്സിമം സങ്കടം വരുത്തിച്ചു പറഞ്ഞവൾ.... " മതി... അഭിനയിച്ചു ഓവറാക്കി ചളമാക്കേണ്ട..... " സിദ്ധു അവളുടെ തലയിൽ ഒന്ന് കിഴുക്കി കൊണ്ട് പറഞ്ഞു..... കണ്മണി പല്ലിളിച്ചു.... സിദ്ധു ഓരോന്നു നന്നായി തന്നെ എക്സ്പ്ലെയിൻ ചെയ്തു കൊടുത്തു.... കണ്മണി ചുറ്റുമുള്ളതൊന്നും കാണാതെ ഏതോ മാസ്മരിക ലോകത്തിലെന്നപോലെ അവന്റെ മുഖത്തെ ചലനങ്ങളിൽ മാത്രം ശ്രദ്ധിച്ചു.... കണ്ണുകൾ ഉടക്കി നിന്നത് ഇളം പിങ്കും മെറൂൺ കളറും ഇട ചേർന്ന ചുണ്ടുകളിലാണ്.... അവ ചലിക്കുന്നത് കാണാൻ പോലും പ്രത്യേക ഭംഗി തോന്നി അവൾക്ക്.... ഇടക്ക് വിടരുകയും തമ്മിൽ അമരുകയും ചെയ്യുന്ന ചുണ്ടിൽ അമർത്തി മുത്താൻ തോന്നി.... ഇടക്കൊന്നു കണ്മണിയെ നോക്കിയപ്പോ പെണ്ണ് ഏതോ ലോകത്താണെന്ന് തോന്നിയവന്..... സിദ്ധു ബുക്ക്‌ മടക്കി വെച്ച് അവളുടെ നേരെ ഇത്തിരി കടുപ്പത്തിൽ നോക്കി.... " സിദ്ധു ഏട്ടാ ഒരു ഉമ്മ തരട്ടെ..... " കണ്മണി അവന്റെ നോട്ടം കണ്ടു ചോദിച്ചു.... സിദ്ധുവിന്റെ ചുണ്ടിന്റെ കോണിലൊരു പുഞ്ചിരി മൊട്ടിട്ടു..... " വേണ്ടാ.... ഞാൻ ഇവിടെ തൊണ്ട പൊട്ടിക്കുമ്പോ നീ എന്ത്‌ സ്വപ്നം കാണാ ഇവിടെ.... " അവളുടെ തലയൊന്ന് കിഴുക്കി കൊണ്ടു ചോദിച്ചവൻ.... കണ്മണി അവന്റെ മടിയിലേക്ക് ചകയറി ഇരുന്നു കഴുത്തിലൂടെ വട്ടമിട്ടു.... സിദ്ധു പുരികം ചുളിച്ചു അവളെ നോക്കി.... ഞൊടിയിടയിൽ അവൾ സിദ്ധുവിന്റെ അധരം കവർന്നു..... സിദ്ധു ഒന്ന് പകച്ചെങ്കിലും അവളുടെ ചുംബനം അവന്റെ ആത്മാവിനെ തൊട്ടുണർത്താൻ പാകത്തിനായിരുന്നു.... സിദ്ധുവിന്റെ കൈ അവളുടെ ഇടുപ്പിനെ ചുറ്റി.... അവളെ ഒന്ന് ഉയർത്തി ശരീരത്തിലേക്ക് അടുപ്പിച്ചവൻ..... അവളുടെ അധരം പതിയെ രുചി കൊണ്ടു കൈകൾ ടോപ്പിനുള്ളിലേക്ക് കടത്തി നഗ്നമായ വയറിൽ കൈകൾ അമർത്തി.... വികാരങ്ങൾ കെട്ട് പൊട്ടിയതും സിദ്ധു അവളിൽ നിന്നും അടർന്നു മാറി.... ചോര തൊട്ടെടുക്കാൻ പാകത്തിന് ചുമന്നു തുടുത്തോരുത്തി.... കണ്മണി അവന്റെ കഴുത്തിലേക്ക് മുഖം പൂഴ്ത്തി..... സിദ്ധു അവളെ പൊതിഞ്ഞു പിടിച്ചു.... " ഇപ്പൊ എന്നോട് ഇത്തിരി ഇഷ്ട്ടമില്ലേ.... " അവന്റെ കഴുത്തിൽ മൂക്കൊന്ന് ഉരസി ചോദിച്ചവൾ.... " ഇല്ല.... " സിദ്ധു ചിരിയോടെ പറഞ്ഞു.... " പിന്നെ എന്തിനാ ഉമ്മ വെച്ചത്....? " കണ്മണി മുഖം ഉയർത്തി പരിഭവത്തോടെ ചോദിച്ചു.... " അതൊ... അത് എന്റെ ഭാര്യക്ക് ഒരു ഭർത്താവിൽ നിന്നും കിട്ടേണ്ട ചില ഫിസിക്ൽ കാര്യങ്ങൾ വേണം എന്ന് തോന്നി... അപ്പൊ നിരാശ പെടുത്താൻ പാടില്ലല്ലോ.. . " അവളുടെ മുടി ചെവിക്ക് പിറകിലേക്ക് മടിയൊതുക്കി കൊണ്ടു പറഞ്ഞവൻ.... " ദുഷ്ടൻ.... " കണ്മണി അവന്റെ കൈ തണ്ടയിൽ പിച്ചി... " അല്ലെടി മോളെ... ഞാൻ കാര്യമായി പറഞ്ഞതാ... വാ ഇന്ന് നമ്മുടെ ഫസ്റ്റ് നൈറ്റ്‌.... " കണ്മണിയെ കെട്ടിപിടിച്ചു കൊണ്ടു പറഞ്ഞവൻ.... " മാറങ്ങോട്ട്.... എന്നെ ഇഷ്ടമില്ലാത്തൊര് എന്നെ തൊടണ്ട..... ". കണ്മണി അവനെ തള്ളി മാറ്റി കൊണ്ടു എഴുന്നേറ്റു.... " കണ്ണെ ടി പോവല്ലേ.... നീ ഇവിടെ വാ.... " സിദ്ധു ഒരു ചിരിയോടെ അവളെ തിരിച്ചു വിളിക്കുന്നുണ്ട്.... പെണ്ണ് മുറിയിലേക്ക് ഒറ്റ ഓട്ടം.... " എന്നെ ഇഷ്ട്ടപെടുത്താൻ പറ്റുമോ എന്ന് നോക്കട്ടെ... ഇനി എന്റെ സമരമുറയാണ്.... നിങ്ങളെ ഞാൻ എന്റെ പിന്നാലെ നടത്തിക്കും... കണ്ണെ പൊന്നെ എന്ന് വിളിച്ചു ചുറ്റിലും നടക്കണം.... ശരിയാക്കി തരാം.... " കണ്മണി പുസ്തകം മേശമേൽ വെച്ച് ബെഡിൽ വന്നിരുന്നു എണ്ണിപെറുക്കി..... സിദ്ധു റൂമിലേക്ക് വന്നതും കണ്മണി ഒരു കയ്യിൽ പില്ലോയും മറു കയ്യിൽ ബെഡ് ഷീറ്റും എടുത്തു ഇത്തിരി മുന്നോട്ട് നടന്നു.... സിദ്ധു അവളെ ഒന്നു നോക്കി.... " ഞാനും നിന്നോട് അത് പറയാൻ വരായിരുന്നു.... നീ അടുത്ത് കിടക്കുന്നത് എനിക്ക് ഒട്ടും കംഫർട് അല്ല... നീ നിലത്ത് കിടന്നാൽ എനിക്ക് സുഖമായി ഉറങ്ങാമായിരുന്നു...." സിദ്ധു ആശ്വാസം പോലെ പറഞ്ഞു.... പെണ്ണിന്റെ മുഖം കുടുക്ക പോലെ വീർത്തിട്ടുണ്ട്.... " അയ്യടാ... അതിന് ആര് മാറി കിടക്കുന്നു... ഞാനിതൊന്ന് തട്ടികൊട്ടാൻ വന്നതാ.... " കണ്മണി ഷീറ്റും പില്ലോയും കൂടി ഒന്ന് നന്നായി തട്ടി കുടഞ്ഞു ബെഡിൽ തന്നെ കൊണ്ടു വെച്ചു കയറി കിടന്നു.... ചിരിയോടെ സിദ്ധുവും..... അവൻ ഇത്തിരി കൂടെ അടുത്തേക്ക് നീങ്ങി കിടന്നു.... ഒരു കൈ എടുത്തു അവളുടെ വയറിനു കുറുകെ ചുറ്റി പിടിച്ചു... " കണ്ണെ നമ്മുക്ക് ഫസ്റ്റ് നൈറ്റ്‌ ആഘോഷിക്കണ്ടേ.... " കണ്മണി ആ കയ്യൊന്ന് തട്ടി... " എന്നെ ഇഷ്ടമല്ലാത്തോര് എന്നോട് മിണ്ടണ്ട..... " " ഒരു കുഞ്ഞിഷ്ട്ടം ഉണ്ടെങ്കിലോ.....? " സിദ്ധു അവളെ ഒന്നുകൂടെ വരിഞ്ഞു മുറുകി ചോദിച്ചു... കണ്മണി കണ്ണുകൾ വിടർത്തി തിരിഞ്ഞ് കിടന്നു.... " സത്യമായിട്ടും.... " അറിയാനുള്ള ആകാംഷയാണ് പെണ്ണിന്റെ മുഖത്ത്..... " ഒരു ഉമ്മ തരാനുള്ള ഇഷ്ട്ടമൊക്കെ തോന്നുന്നുണ്ട്.... " അവന്റെ സംസാരം കേൾക്കേ കണ്മണി ചിരിച്ചു... " എങ്കിൽ മടിക്കാതെ തരണം സാറെ.... " അവന്റെ മീശയിൽ തഴുകിയവൾ.... സിദ്ധു നെറുകയിൽ ചുണ്ട് ചേർത്തു.... " അയ്യേ.... എനിക്ക് ലിപ്പിൽ വേണം.... " കണ്മണി ചിണുങ്ങി... " അതിന് എന്റെ കുഞ്ഞ് ആയിട്ടില്ല.... ഉറങ്ങ്.... " " എന്നാലും സാരമില്ല... എന്നോട് ഇഷ്ട്ടമുണ്ടല്ലോ... ഇപ്പൊ ആരെയാ കൂടുതൽ ഇഷ്ട്ടം... എന്നെയോ? അതൊ പൗർണമി മിസ്സിനെയോ....?" " ഇതൊക്കെ ചോദിക്കാനുണ്ടോ... പൗർണമിയെ തന്നെ.... " കണ്മണി ഒറ്റ കുതറൽ.... വെട്ടി തിരിഞ്ഞ് ഒരു കിടത്തവും.... സിദ്ധു നേരിയ ചിരിയോടെ അവളെ നോക്കി... പിന്നെ തിരിഞ്ഞു കിടന്നു കണ്ണുകളടച്ചു..... " ഒരീസം ഇതെല്ലാം മാറ്റി പറയിപ്പിക്കും ഞാൻ.... ". മറുപുറം തിരിഞ്ഞു കിടന്നു കണ്മണി വെല്ലുവിളിച്ചു.... കണ്ണുകളിൽ നീർമണികൾ ഉരുണ്ട് കൂടി.... " നടന്നത് തന്നെ..." അവളുടെ കുറുമ്പ് ആസ്വദിച്ചു കൊണ്ടവൻ ചിരിയോടെ പറഞ്ഞു... പക്ഷെ അത് കെട്ടവളുടെ ഹൃദയം വേദനിച്ചത് അവൻ അറിഞ്ഞില്ല.... ഇഷ്ട്ടപ്പെടുന്നവൻ തന്നെ തിരിച്ചു സ്നേഹിക്കാതിരിക്കുമ്പോഴുള്ളതിനേക്കാൾ വേദന ആ സ്നേഹത്തിന് മറ്റൊരു അവകാശിയുണ്ടെന്ന് അറിയുമ്പോഴാണ്..... അവളുടെ ഹൃദയവും നീറി... ആഴത്തിൽ വേദനിച്ചു..... തന്റെ പ്രണയം തെറ്റാണെന്ന തോന്നൽ അവളിൽ ഉടലെടുത്തു..... പിറ്റേന്ന് കാലത്ത് മുതൽ കണ്മണിയിൽ പഴയ ഉഷാറൊന്നും സിദ്ധു കണ്ടില്ല.... " നിനക്ക് എന്താ പീരിയഡ്സ് ആണോ ആകെയൊരു ക്ഷീണം.... ". കോളേജിലെക്കുള്ള യാത്രയിൽ സിദ്ധു ചോദിച്ചു.... " ഹേയ് തലവേദന പോലെ.... " ആ ചോദ്യത്തിൽ നിന്നവൾ ഒഴിഞ്ഞു മാറി... " നീ കരഞ്ഞോ...? " എപ്പോഴും കുറുമ്പ് കാട്ടി നടക്കുന്നവളിലെ പക്വത അവനെ അസ്വസ്ഥനാക്കും പോലെ..... " ഇല്ല.... തല വിങ്ങുന്നതിന്റെ ആയിരിക്കും.... " കണ്മണി നെറ്റിയിൽ തടവി.... " വാ ഹോസ്പിറ്റലിൽ പോകാം.... " സിദ്ധു കാർ തിരിക്കാൻ ശ്രമിച്ചു.... " വേണ്ടാ... വേണ്ട സിദ്ധു ഏട്ടാ... വയ്യെങ്കിൽ വൈകുന്നേരം പോകാം.... " കണ്മണി ദയനീയമായി പറഞ്ഞു.... സിദ്ധു അവളെയൊന്ന് നോക്കി.... " കണ്ണെ..... " " ഒന്നൂല്യ.... " അവന്റെ നോട്ടത്തിന് മറുപടി നൽകി.... കാർ പാർക്ക്‌ ചെയ്തതും കണ്മണി ഒന്നും മിണ്ടാതെ ക്ലാസ്സിലേക്ക് വേഗത്തിൽ നടന്നു.... സിദ്ധു ഒരുവേള അവളെ തന്നെ നോക്കി നിന്നു... " ഈ പെണ്ണിന് ഇത് എന്ത് പറ്റി.... " സ്വയമേ ചോദിച്ചവൻ..... ക്ലാസ്സിലേക്ക് കയറാൻ നേരം എതിരെ വരുന്ന അജിത് സാറിനെ കാണുന്നത്... " കണ്മണി... കുട്ടി ഫ്രീ ആകുമ്പോൾ ഒന്ന് മൾട്ടി മീഡിയ റൂമിലേക്ക് വരൂ.... സിനി മിസ്സ്‌ ഉണ്ടാകും അവിടെ... നമുക്ക് മാഗ്‌സിനിന്റെ കവർ പേജ് സെറ്റ് ചെയ്യാനുണ്ട്....." " ഞാൻ ഫസ്റ്റ് ഹൗർ തന്നെ വരാം സർ.... " സിദ്ധുവിൽ നിന്നുള്ള ഒളിച്ചോട്ടം...... മനസിന് ഒരു സുഖമില്ലായിമ.... ഒന്നിനും ഒരു താല്പര്യമില്ലാത്ത പോലെ.... എല്ലാത്തിൽ നിന്നും ഒളിച്ചോടാൻ ആഗ്രഹിക്കുന്നു.... എല്ലാത്തിനും തുടക്കമിട്ടവൾ തന്നെ എല്ലാത്തിനും വിരാമമിടാൻ ആഗ്രഹിക്കുന്നു..... കണ്മണി വേഗത്തിൽ മൾട്ടി മീഡിയ ഹാളിലേക്ക് നടന്നു.... ഹൃദയം ചിന്നി ചിതറാൻ പാകത്തിന് പൗർണമിയും സിദ്ധുവും എന്തോ പറഞ്ഞു ചിരിച്ചു വരുന്നതാണ് കണ്ടത്.... സ്വയമേ നിന്ദിച്ചവൾ.... അവരുടെ ലോകത്തിലേക്ക് എത്തി ചേർന്ന ക്ഷണിക്കപ്പെടാത്ത അതിഥിയെ പോലെ..... കാത്തിരിക്കുക #📙 നോവൽ #💞 പ്രണയകഥകൾ #📝 ഞാൻ എഴുതിയ വരികൾ