"മേലിൽ ഇതുപോലെ ചെയ്താൽ ഈ അഭിയുടെ മറ്റൊരു മുഖം നീ കാണും..."... തന്റെ നേരെ ദേഷ്യത്തോടെ കൈ ഉയർത്തി നിൽക്കുന്ന ആളെ നോക്കി കണ്ണീരോടെ ഗൗരി നിന്നു.. "സോറി.. അവർ പറഞ്ഞിട്ട് ആണ്.."…. തന്നെ നോക്കി നിൽക്കുന്ന സീനിയർ കുട്ടികളെ നോക്കി അവൾ പറഞ്ഞിട്ട് അവിടെ നിന്നും ക്ലാസ്സിലേക്ക് പോയി... "ഹായ്... എന്റെ പേര് അഭിരാമി.. അടുപ്പം ഉള്ളവർ ആമി എന്നു വിളിക്കും..തന്റെ പേര് എന്താ...".. ക്ലാസ്സിൽ അടുത്തിരുന്ന കുട്ടി പേര് ചോദിച്ചപ്പോൾ നിറഞ്ഞ കണ്ണുകൾ തുടച്ചു കൊണ്ട് ഗൗരി തന്റെ പേര് പറഞ്ഞു... "എന്തിനാണ് താൻ കരഞ്ഞത്.. ആരെങ്കിലും തന്നെ ഉപദ്രവിച്ചോ..".... ആമി ചോദിച്ചു.. ഗൗരി ഒരു കരച്ചിലോടെ നടന്ന കാര്യങ്ങൾ പറയാൻ തുടങ്ങി.. "സീനിയർ കുട്ടികൾ പറഞ്ഞത് അനുസരിച്ചാണ് അവർ തന്ന ഒരു പൂവും കൊണ്ട് ആ ചേട്ടന്റെ അടുത്തേക്ക് ഞാൻ പോയത്.. അവർ പറഞ്ഞത് പോലെ തന്നെ അയാളോട് പറയണം എന്ന് എന്നോട് പറഞ്ഞിരുന്നു..".. "ആട്ടെ എന്താണ് അവർ നിന്നോട് പറഞ്ഞത്..."... "അത്..."... "എന്തായാലും പറയെന്നെ.... ഇവിടെ നിന്നെ ആരും വഴക്ക് പറയില്ല..".... "ഈ കറുത്ത ശരീരത്തിനുള്ളിലെ വെളുത്ത മനസ്സ് ആണ് ഞാൻ ഇഷ്ടപ്പെടുന്നത് എന്ന് അയാളോട് പറയാൻ ആണ് അവർ ആവശ്യപ്പെട്ടത്... അങ്ങനെ പറഞ്ഞാൽ അവർ ഇനി എന്നെ റാഗിംഗിന്റെ പേരിൽ ഉപദ്രവിക്കില്ല എന്നു പറഞ്ഞു.. ഒരു വാക്ക് അല്ലേ.. അതു കൊണ്ടാണ് ഞാൻ പേടിയോടെ ആണെങ്കിലും അവർ പറഞ്ഞത് സമ്മതിച്ചത്... പക്ഷേ ആ ചേട്ടന് അത് വിഷമം ആകും എന്ന്. ഞാൻ ഒരിക്കിലും കരുതിയില്ല....".. ഗൗരി വിഷമത്തോടെ പറഞ്ഞു... "സാരമില്ല... ഇനി അയാളെ കാണുമ്പോൾ ഒരു സോറി പറഞ്ഞേക്കാം...".... "ഞാൻ സോറി പറഞ്ഞത് ആണ്..."... "അതിനെന്താ.. ഒന്നു കൂടി പറഞ്ഞേക്കാം.."... ആമി പറഞ്ഞതിന് ഗൗരി മറുപടി പറയാൻ വന്നപ്പോഴേക്കും ക്ലസ് ടീച്ചർ വന്നിരുന്നു.. പിന്നീട് ഇന്റർവെൽ സമയത്താണ് അവൾ വീണ്ടും അഭിയെ കാണുന്നത് തന്നെ... "ദേ ആമി അയാൾ ആണ് എന്നോട് ദേഷ്യപ്പെട്ടത്...."... ഗൗരി ചൂണ്ടിക്കാണിച്ച ആളെ കണ്ടു ആമി ഞെട്ടിപ്പോയി.. "അഭിയേട്ടൻ..".. അവൾ പതിയെ പറഞ്ഞു... "നിനക്ക് അയാളെ അറിയാമോ..".. ഗൗരി ചോദിച്ചു.. "അറിയാം... ഞങ്ങളുടെ വീടിന്റെ അടുത്തുള്ള ചേട്ടൻ ആണ്...".... "എന്നാലും എന്തിനാണ് അവർ എന്നോട് അങ്ങനെ പറയാൻ പറഞ്ഞത്.. ആ ചേട്ടനോട് അവർക്ക് എന്തോ വിരോധം ഉള്ളത് പോലെ ആണല്ലോ.."... "തൊലിയുടെ നിറം തന്നെ കാരണം...".... "എന്ത്...".... ഗൗരി സംശയത്തോടെ ആമിയെ നോക്കി... "അത്.. ആ ചേട്ടൻ നല്ലപോലെ പഠിക്കുന്നത് ആണ്.. അതുകൊണ്ട് ഈ കോളേജിൽ മെറിറ്റിൽ തന്നെ അഡ്മിഷനും കിട്ടി.. മറ്റുള്ളവർ ഒക്കെ വലിയ വീട്ടിലെ കുട്ടികൾ ആണ്.. അവരൊക്കെ കാശ് കൊടുത്താണ് സീറ്റ് ഒപ്പിച്ചത്... കാശ് ഉള്ളതിന്റെ ഒക്കെ അഹങ്കാരം അവന്മാർക്ക് ഉണ്ട്.. ഏട്ടനും അവന്മാരോട് അധികം സൗഹൃദത്തിന് പോകാറില്ല"..... ആമി പറഞ്ഞു നിർത്തി.. "ഇതൊക്കെ നിനക്ക് എങ്ങനെ അറിയാം..."... ഗൗരി അതിശയത്തോടെ അവളെ നോക്കി... "അതൊക്കെ അറിയാം... നീ വന്നേ.. നമുക്ക് ആ ചേട്ടനോട് പോയി മാപ്പ് പറയാം...".... ആമി ഗൗരിയുടെ കയ്യിൽ പിടിച്ചു വലിച്ചു കൊണ്ട് അഭിയുടെ അടുത്തേക്ക് നടന്നു.. "വേണ്ടെടി.. ആ ചേട്ടൻ ഇനിയും എന്നോട് ദേഷ്യപ്പെടും..".... ഗൗരി പേടിയോടെ ആമിയോട് പറഞ്ഞു... "നീ ഒന്നു ചുമ്മാതെ ഇരുന്നെ... ഞാൻ ഇല്ലേ... നിന്നെ ആ ചേട്ടൻ ഒന്നും ചെയ്യില്ല..."... ആമി അവളെ കൂട്ടി അഭിയുടെ അടുത്തേക്ക് ചെന്നു... "ദേ ചേട്ടാ.. ഇവൾ എന്റെ കൂട്ടുകാരി ആണ്... ഞങ്ങൾ ഒരു ക്ലാസിൽ ആണ്.. ഇവൾ രാവിലെ ചേട്ടനോട് അങ്ങനെ പ്രവർത്തിച്ചത് ചേട്ടന്റെ ക്ലാസ്സ്മേറ്റ് പറഞ്ഞിട്ട് ആണ്.. അല്ലാതെ ഇവൾ സ്വയം വന്നു പറഞ്ഞത് അല്ല.. ഇതിന്റെ പേരിൽ ഇനി ചേട്ടൻ ഇവളോട് ഒന്നും പറഞ്ഞേക്കരുത്... ഒന്നുമില്ലെങ്കിലും നമ്മൾ ഒരു സ്ഥലത്തു നിന്ന് വരുന്നത് അല്ലേ..".. ആമി പറയുന്നത് കേട്ട് അഭി അമ്പരപ്പോടെ അവളെ നോക്കി... "ടി.. നീ ഒരു സോറി കൂടി പറഞ്ഞേക്കു..".. ആമി ഗൗരിയെ നോക്കി പറഞ്ഞു... "സോറി....".. ഗൗരി അഭിയെ നോക്കി പറഞ്ഞു... ആമി വേഗം തന്നെ അവളെ വിളിച്ചു കൊണ്ട് അവിടെ നിന്നും പോയി... "നീ എന്തൊക്കെ ആണ് പറഞ്ഞത്.. നിനക്ക് ഇത്രയ്ക്ക് ധൈര്യം ഉണ്ടായിരുന്നോ....".. ഗൗരി ആമിയെ പ്രശംസിച്ചു കൊണ്ട് പറഞ്ഞു.. "അതാണ് ഈ ആമി..."... ആമി ചിരിച്ചു കൊണ്ട് ഗൗരിയെ നോക്കി.. "ഞാൻ ഒന്ന് ചോദിച്ചു കൊള്ളട്ടെ...".... "നിനക്ക് എന്നോട് എന്തു വേണമെങ്കിലും ചോദിക്കാം... അതിനു മുഖവുരയുടെ ആവശ്യം ഇല്ല.."... ആമി പറഞ്ഞു.... "നിനക്ക് ആ ചേട്ടനെ ഇഷ്ട്ടം ആണോ..."... ഗൗരി ചോദിച്ചത് കേട്ട് ആമി ചിരിച്ചു... "ഇഷ്ട്ടം ആണോ എന്ന് ചോദിച്ചാൽ ഇഷ്ട്ടം ആണ്... അത് പക്ഷേ നീ ഉദേശിക്കുന്നത് പോലെ അല്ല.. എനിക്ക് സഹോദര സ്ഥാനത് ആണ് അയാൾ.."... ആമി പറഞ്ഞത് കേട്ട് ഗൗരി ചിരിച്ചു... "ഞാൻ വെറുതെ ചോദിച്ചത് ആണ്...".. "ഉം.. എനിക്ക് മനസിലായി.."... "എന്ത് മനസിലായി..."... ഗൗരി സംശയത്തോടെ ചോദിച്ചു.. "ഒന്നുമില്ലേ...."... ആമി കണ്ണടച്ചു കാണിച്ചു.... അന്നത്തെ ദിവസം അങ്ങനെ പോയി... പിന്നീട് ആമിയും ഗൗരിയും ഇണപിരിയാത്ത കൂട്ടുകാരെ പോലെ ആയി.. "എടി ആ ചേട്ടന് എന്തെങ്കിലും മാനസിക പ്രശ്നം ഉണ്ടോ..".. ഗൗരി ചോദിച്ചത് കേട്ട് ആമി അവളെ നോക്കി... "ഏത് ചേട്ടന്.."... "ധാ അയാൾക്ക് തന്നെ... ഫോണിൽ കൂടെ ആരോടോ ദേഷ്യപ്പെടുന്നു.."... "അത് ആ ചേട്ടൻ ജോലിക്ക് പോയിടത്തു നിന്ന് കിട്ടാൻ ഉള്ള കാശിന്റെ കാര്യം പറഞ്ഞു ദേഷ്യപടുന്നത് ആണ്.."... "അപ്പോൾ പഠനത്തിനൊപ്പം ജോലിയും ചെയ്യുന്നുണ്ടോ..."... "പിന്നില്ലാതെ.. വീട്ടിൽ അച്ഛന് അസുഖം ആണ്.. എപ്പോഴും പണിക്കൊന്നും പോകാൻ പറ്റിയില്ല...അപ്പോൾ പിന്നെ വീട്ടിലെ കാര്യങ്ങൾ ഒക്കെ നോക്കുന്നത് ചേട്ടനും ജോലിക്ക് പോയി ആണ്.. പിന്നെ ഒരു സഹോദരി ഉള്ളത് പഠിക്കുക ആണ്.. അവളും തയ്യൽ ജോലി ഒക്കെ ചെയ്തു ചെറിയ വരുമാനം ഉണ്ടാക്കുന്നുണ്ട്... അല്ലലില്ലാതെ അവരുടെ ജീവിതം മുന്നോട്ട് പോകുന്നുണ്ട്... പിന്നെ ഒരു കാര്യം ഉള്ളത്..."... "എന്താ... എന്താണ് ആ കാര്യം.."... ഗൗരി ആകാംഷയോടെ ചോദിച്ചു... "ആ ചേട്ടന് സ്വന്തം നിറത്തോട് ദേഷ്യം ആണ്... കറുത്ത നിറം ഉള്ളത് കൊണ്ടല്ലേ കൂട്ടുകാർ ഒക്കെ ആ ചേട്ടനെ കളിയാക്കുന്നത്... അതുകൊണ്ടാണ് അന്ന് നീ അങ്ങനെ പറഞ്ഞപ്പോൾ ആ ചേട്ടൻ ദേഷ്യപ്പെട്ടത്... അപകർഷതാ ബോധം ഉള്ള ആൾ ആണ്..."... "അയ്യോ.. അങ്ങനെയും ആളുകൾ ഉണ്ടോ..."... ഗൗരി വിഷമത്തോടെ പറഞ്ഞു... "ഉണ്ട്... ആ ചേട്ടൻ അങ്ങനെ ഒരാൾ ആണ്.. എങ്കിലും വീട്ടുകാരോട് നല്ല സ്നേഹം ഉള്ള ആൾ ആണ്.... "... "നിനക്ക് ആ ചേട്ടന്റെ അഡ്രസ്സ് അറിയാമോ..".. ഗൗരി പെട്ടെന്ന് ചോദിച്ചു.. "എന്തിനാ...".... ആമി സംശയത്തോടെ അവളെ നോക്കി... "നമുക്ക് ആ ചേട്ടന് കുറച്ചു ഉപദേശം കൊടുത്താലോ..."... "അതൊക്കെ വേണോ.. ആ ചേട്ടൻ അറിഞ്ഞാൽ പ്രശ്നം ആകില്ലേ..."... "നമുക്ക് പേര് വെയ്ക്കാതെ കത്ത് അയക്കാം... നീ അഡ്രസ്സ് അറിയാമെങ്കിൽ പറഞ്ഞു താ.."... "ഞാൻ നാളെ ഞാൻ തരാം.."... ആമി പറഞ്ഞു.. "ശരി..".... പിറ്റേന്ന് കോളേജിലേക്ക് പോകാൻ ഗൗരി അതിയായ ഉത്സാഹം കാണിക്കുന്നത് കണ്ടു അച്ഛൻ രാജേന്ദ്രൻ അവളെ അതിശയത്തോടെ നോക്കി.. "ഇന്നെന്താ അപ്പായുടെ മകൾക്ക് കോളേജിലേക്ക് പോകാൻ അതിയായ സന്തോഷം..".. "ഒന്നുമില്ല അപ്പാ..."... ഗൗരി ചിരിച്ചു കൊണ്ട് രാജേന്ദ്രന്റെ മൂക്കിൽ പിടിച്ചു വലിച്ചു... "അല്ലല്ലോ.. എന്തോ ഉണ്ട്..."... "അത് ഞാൻ വൈകിട്ട് പറയാം..."... ഗൗരി ചിരിച്ചു കൊണ്ട് ബാഗ് എടുത്തു വെളിയിലേക്ക് പോയി... "പെണ്ണിന് ഈ ഇടെ ആയി ഇളക്കം ഇത്തിരി കൂടുതൽ ആണ്..."... ഗൗരിയുടെ അമ്മ സൗമ്യ രാജേന്ദ്രനുള്ള ചായയും ആയി അവിടേക്ക് വന്നു.. "ചേച്ചി കോളേജിൽ പഠിക്കാൻ പോകുന്നതിന്റെ ഗമ കാണിക്കുന്നത് ആണ് അമ്മേ...".. 2വിനു പഠിക്കുന്ന ഗൗരിയുടെ അനുജൻ ഗോകുൽ പറഞ്ഞു... "നിനക്കും കുറച്ചു ഗമ. കൂടിയിട്ടുണ്ട്...".. അവൻ പറഞ്ഞത് കേട്ട് സൗമ്യ പറഞ്ഞു... "അമ്മ പോയേ...".... ഗോകുൽ പിണക്കത്തോടെ പറഞ്ഞു.. "അപ്പോഴേക്കും മോൻ പിണങ്ങിയോ...നീ വാ നിനക്ക് കാപ്പി എടുത്തു തരാം...".. സൗമ്യ അവനെ വിളിച്ചു കൊണ്ട് പോയി... 🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹 "എന്തായി അഡ്രസ്സ് കിട്ടിയോ...".... ആമിയെ കണ്ട ഉടൻ തന്നെ ഗൗരി ചോദിച്ചു... "കിട്ടി..."... അങ്ങനെ പറഞ്ഞിട്ട് ഒരു പേപ്പറിൽ എഴുതി മടക്കി വെച്ച അഡ്രസ്സ് എടുത്തു ഗൗരിയുടെ കയ്യിൽ കൊടുത്തു... ഗൗരി സന്തോഷത്തോടെ ആ പേപ്പർ വാങ്ങി നോക്കി... "അഭിഷേക്... അഭിഷേക് എന്നാണോ ആ ചേട്ടന്റെ പേര്.."... "അതേ... എടി എന്തെങ്കിലും കുഴപ്പം ആകുമോ...".... ആമി ചോദിച്ചു... "എന്ത് കുഴപ്പം... ഒരു കുഴപ്പവും വരില്ല... നീ നോക്കിക്കോ ആ ചേട്ടന്റെ അപകർഷതാ ബോധം ഈ ഗൗരി മാറ്റി കൊടുക്കും.."... "നിനക്ക് ഡിഗ്രി കഴിഞ്ഞാൽ പെട്ടെന്നു ജോലി തേടി ഒന്നും പോകേണ്ടി വരില്ല..".... ആമി പറഞ്ഞു.. "നീ എന്താ അങ്ങനെ പറഞ്ഞത്..."... "നീ ഇപ്പോൾ ചെയ്യാൻ തുടങ്ങുന്നത് ഒരു ജോലിയായി അങ്ങു എടുത്താൽ മതി.. സരോപദേശം.."... ആമി ചിരിച്ചു കൊണ്ട് പറഞ്ഞു... "ആ ചിലപ്പോൾ ഇതൊരു തൊഴിലാക്കി മാറ്റാൻ ഉദ്ദേശ്യം ഉണ്ട്..."... ഗൗരിയും ആമിയെ നോക്കി ചിരിച്ചു... 🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹 അന്ന് വൈകിട്ട് ഗൗരി പതിവില്ലാതെ ഒരു പേപ്പറുമായി അങ്ങോട്ടും ഇങ്ങോട്ടും ചിന്തയോടെ നടക്കുന്നത് കണ്ടുകൊണ്ടാണ് രാജേന്ദ്രൻ വീട്ടിലേക്ക് വന്നത്... "എന്താ മോളേ നീ വെകളി പിടിച്ചപോലെ അങ്ങോട്ടും ഇങ്ങോട്ടും നടക്കുന്നത്.."... "ഞാൻ ഒരു കാര്യം എഴുതാൻ ആലോചിക്കുകയാണ്... ആരും എന്നെ ശല്യം ചെയ്യാൻ പാടില്ല..".... ഗൗരി ഗൗരവത്തോടെ പറഞ്ഞു. "ഒ.. ഞങ്ങൾ ആരും നിന്നെ ശല്യം ചെയ്യില്ല...".... രാജേന്ദ്രൻ ചിരിച്ചു കൊണ്ട് പറഞ്ഞിട്ട് അകത്തേക്ക് പോയി... "എന്താ മോളേ... എഴുതാൻ ഉള്ള കാര്യം ആലോചിച്ചു കഴിഞ്ഞില്ലേ".. "അത്..."... "എന്താണ് മോൾക്ക് എഴുതേണ്ടത്.. അപ്പാ വേണമെങ്കിൽ സഹായിക്കാം..".... "ഒരാൾക്ക് കുറച്ചു ഉപദേശം കൊടുക്കാൻ ആണ്...".. "അതാരാണ് മോളുടെ ഉപദേശം വേണ്ട ആൾ.."... അയാൾ ചോദിച്ചത് കേട്ട് ഗൗരി മൗന ആയി.. "എന്നോട് പറയാൻ മോൾക്ക് ഇഷ്ടമല്ലേ...".... "അങ്ങനെ അല്ല അപ്പാ... അത് എന്റെ സീനിയർ ആയ ഒരാൾ ആണ്.. അയാൾക്ക് ഭയങ്കര അപകർഷതാ ബോധം ആണ്..".. "അതെന്തിന്...."... രാജേന്ദ്രൻ ആകാംഷയോടെ ചോദിച്ചു.. അതിനു മറുപടി ആയി ഗൗരി നടന്ന കാര്യങ്ങൾ മുഴുവനും അയാളോട് പറഞ്ഞു.... "നല്ലത് പോലെ പഠിക്കുന്ന കുട്ടി അല്ലേ.. അപ്പോൾ ആൾക്കാർ പറയുന്നത് കേട്ട് അങ്ങനൊക്കെ ചിന്തിച്ചാൽ എങ്ങനെ ആണ്.."... ഗൗരി പറഞ്ഞത് കേട്ട് രാജേന്ദ്രൻ പറഞ്ഞു.. "അതാണ് ഞാനും ആലോചിക്കുന്നത്... എന്റെ കൂട്ടുകാരി ആമി പറഞ്ഞപ്പോൾ ആണ് ഞാൻ ഈ കാര്യത്തെ കുറിച്ചു ചിന്തിച്ചത്.. കൂടാതെ ആൾ ജോലി ഒക്കെ ചെയ്തു വീടും നോക്കുന്നുണ്ട്.."... "ആഹാ... കുടുംബത്തെ സ്നേഹിക്കുന്ന കുട്ടി ആണല്ലോ.. അത് പോലെ ഉള്ള ഒരാളെയാണ് ഞാനും നിനക്ക് വേണ്ടി നോക്കുന്നത്..".. "എന്തിനു..".... രാജേന്ദ്രൻ പറഞ്ഞത് മനസിലാകാതെ ഗൗരി അയാളെ അമ്പരപ്പോടെ നോക്കി.. "നിന്നെ കെട്ടിച്ചു കൊടുക്കാൻ..".... "ഒന്നു പോ അപ്പാ... ഞാൻ ഇങ്ങനെ ഫ്രീ ആയിട്ട് നടക്കുന്നത് അപ്പായ്ക്ക് ഇഷ്ട്ടം അല്ലേ.. ".. "എന്താ അപ്പനും മോളും തമ്മിൽ ഒരു രഹസ്യം.." സൗമ്യ അവിടേക്ക് വന്നു... "ഒരു രഹസ്യവും ഇല്ല എന്റെ അമ്മേ.. ഞാൻ ഒരാൾക്ക് കുറച്ചു നല്ല ഉപദേശം കൊടുക്കാൻ തീരുമാനിച്ചു.".... "ഇതെന്താ ഇപ്പോൾ എന്റെ കുട്ടിക്ക് പറ്റിയത്".. സൗമ്യ താടിക്ക് കൈ കൊടുത്തു കൊണ്ട് രാജേന്ദ്രനെ നോക്കി.. "നമ്മുടെ മോള് നന്നാകാൻ തീരുമാനിച്ചു.."... "അപ്പാ.."... ഗൗരി പിണക്കത്തോടെ വിളിച്ചു... "അയ്യോ അല്ല.. നന്നാക്കാൻ തീരുമാനിച്ചു....".... രാജേന്ദ്രൻ ചിരിച്ചു കൊണ്ട് പറഞ്ഞു... "എന്താണ് കാര്യം...".. സൗമ്യ ചോദിച്ചതിന് മറുപടി ആയി രാജേന്ദ്രൻ ഗൗരി പറഞ്ഞ കാര്യങ്ങൾ സൗമ്യയെ അറിയിച്ചു... എല്ലാം കേട്ടു കഴിഞ്ഞു സൗമ്യ ഗൗരിയെ നോക്കി... "അപ്പനും മോളും കൂടെ ചെയ്യുന്ന കാര്യങ്ങൾ ഒക്കെ നല്ലത് തന്നെ.. ഇതൊക്കെ പിന്നീട് നിനക്ക് പ്രശ്നം ആയി വരരുത്..."... സൗമ്യ അങ്ങനെ പറഞ്ഞിട്ട് അകത്തേക്ക് പോയി.. സൗമ്യയുടെ വാക്ക് കേട്ട് ഗൗരി വിഷമത്തോടെ രാജേന്ദ്രനെ നോക്കി... "മോള് വിഷമിക്കേണ്ട... നീ നിനക്കു ഇഷ്ടമുള്ളത് പോലെ ചെയ്യ്.. ആർക്കും ദോഷം ഒന്നും വരുത്തുന്ന കാര്യങ്ങൾ എന്റെ കുട്ടി ചെയ്യില്ല എന്നു എനിക്ക് അറിയാം.. ".. ഗൗരിയുടെ തലയിൽ തഴുകി കൊണ്ട് രാജേന്ദ്രൻ പറഞ്ഞു... അപ്പന്റെ വാക്കുകൾ കേട്ടതും അവൾ വീണ്ടും സന്തോഷത്തോടെ എങ്ങനെ ആണ് എഴുതേണ്ടത് എന്നു ആലോചിച്ചു... "മോളിപ്പോൾ ഞാൻ പറയുന്നത് പോലെ എഴുതി നോക്ക്..."... ഗൗരി രാജേന്ദ്രൻ പറഞ്ഞു കൊടുത്തപോലെ എഴുതി... അതിനു ശേഷം അവൾ അതൊന്നു വായിച്ചു നോക്കി.. അവളുടെ മുഖം സന്തോഷത്താൽ വിടർന്നു.. രാജേന്ദ്രന് ഒരു ഉമ്മ കൊടുത്തിട്ട് ചെറിയ ഒരു മൂളിപാട്ടോടെ അവൾ റൂമിലേക്ക് പോയി... പിറ്റേന്ന് ആമിയെ കണ്ടപ്പോൾ തന്നെ അവൾ ആമിയുടെ അടുത്തേക്ക് ഓടി ചെന്നു.. "എന്താടി നീ ഇന്ന് വലിയ സന്തോഷത്തിൽ ആണല്ലോ.."... "അതേ... ഇന്നാണല്ലോ ഞാൻ ആദ്യമായിട്ട് ഒരാൾക്ക് ഉപദേശം കൊടുക്കാൻ പോകുന്നത്..".. "നീ കത്ത് എഴുതിയോ.."... "എഴുതി..."... "കാണിച്ചേ.."... ഗൗരി വേഗം കത്ത് എടുത്തു ആമിക്ക് കൊടുത്തു.. ആമി വേഗം ആ കത്തു വായിച്ചു.. "സൂപ്പർ ആയിട്ടുണ്ട്.. ഇങ്ങനെയൊക്കെ എഴുതാൻ നിനക്ക് അറിയാമായിരുന്നോ...". "കുറച്ചൊക്കെ...".... ഗൗരി പറഞ്ഞു.. "അപ്പോൾ ഇത് മുഴുവനും നീ എഴുതിയത് അല്ലേ..".. "അല്ല.. അപ്പയും എന്നെ സഹായിച്ചു..."... "അപ്പോൾ നീ നിന്റെ അച്ഛനോടും പറഞ്ഞോ..."... "മ്... അപ്പയും ഞാനും ഫ്രണ്ട്സിനെ പോലെ ആണ്.. എന്തു കാര്യം ഉണ്ടെങ്കിലും ഞാൻ അപ്പയോട് പറയും... അപ്പയാണ് ഇതുപോലെ എഴുതാൻ പറഞ്ഞു തന്നത്..".... "എന്തായാലും എഴുത്തു സൂപ്പർ ആയിട്ടുണ്ട്..."... "നീ നോക്കിക്കോ ആമി.. ആ ചേട്ടന്റെ മനസിലെ അപകർഷതാ ബോധം മാറിയിരിക്കും..".... "നടന്നാൽ മതിയായിരുന്നു ദൈവമേ..".. ആമി മുകളിലേക്ക് നോക്കി കൊണ്ട് പറഞ്ഞു... "നടക്കും..."... ഗൗരി തറപ്പിച്ചു പറഞ്ഞിട്ട് കത്ത് പോസ്റ്റ് ചെയ്യാൻ വേണ്ടി ആമിയെയും കൂട്ടി പോയി.. 🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹 "മോനെ അഭി നിനക്ക് ഒരു എഴുത്തു വന്നിട്ടുണ്ട്.."... വൈകിട്ട് കോളേജിൽ നിന്ന് ജോലി സ്ഥലത്തേക്ക് പോയിട്ട് വീട്ടിലേക്കു വന്നപ്പോൾ അമ്മ വനജ അവനോട് പറഞ്ഞു... "ഇതാരാണ് എനിക്ക് കത്ത് അയക്കാൻ.."... സംശയത്തോടെ അവൻ ആ എഴുത്തു വാങ്ങി റൂമിലേക്ക് പോയി.. കുളിയെല്ലാം കഴിഞ്ഞു വന്നു അവൻ ആ എഴുത്തു പൊട്ടിച്ചു വായിക്കാൻ തുടങ്ങി...... 'പ്രിയപ്പെട്ട സുഹൃത്തിന്.....'. കത്തിന്റെ തുടക്കം അതായിരുന്നു.. "ഇത്രയും സ്നേഹം ഉള്ള സുഹൃത്തോ...".. അവൻ ആത്മഗതം പറഞ്ഞു... അവൻ ബാക്കി കൂടി വായിക്കാൻ തുടങ്ങി... "ഞാൻ ഇത് എഴുതാൻ കാരണം താങ്കൾക്ക് കുറച്ചു ഉപദേശത്തിന്റെ കാര്യം ഉണ്ടെന്നു അറിഞ്ഞിട്ട് ആണ്... തൊലിയുടെ നിറം നോക്കി മനുഷ്യരെ തരം തിരിക്കുന്ന ആളുകൾക്ക് ഇടയിൽ ജീവിക്കുവാൻ ഇത്തിരി ബുദ്ധിമുട്ട് ആണ്.. എങ്കിലും മനുഷ്യൻ ആയി ജനിച്ചു പോയില്ലേ... അതു കൊണ്ട് ജീവിക്കുക തന്നെ... അല്ലാതെ എനിക്ക് നിറം ഇല്ല.. എന്റെ ശരീരം കൊള്ളില്ല... എന്നിങ്ങനെ ചിന്തിക്കാതെ എനിക്ക് ദൈവം അറിവ് തന്നിട്ടുണ്ട്.. അതിനാൽ മറ്റുള്ള കുറവുകൾ എന്റെ കുറവായി ഞാൻ കരുതുന്നില്ല എന്നിങ്ങനെ ചിന്തിച്ചു നോക്ക്... അപ്പോൾ നമ്മുടെ ജീവിതം മനോഹരമായി തോന്നും.. മറ്റുള്ളവർ നമ്മെ എങ്ങനെ കാണുന്നു എന്ന് നോക്കേണ്ട.. നമ്മൾ നമ്മളായി ഇരുന്നാൽ മതി.. ഒന്നുമില്ലെങ്കിലും പഠനത്തോടൊപ്പം ഒരു ജോലി കൂടെ ചെയ്തു വീട്ടിലേക്ക് ചെറിയൊരു സഹായം ആകുന്നില്ലേ.. അതു കൊണ്ട് മനസിലെ അപകർഷതാ ബോധം എടുത്തു മാറ്റി നല്ല കുട്ടി ആകാൻ നോക്ക്... ഇതുപോലെ ഇനിയും നല്ല നല്ല ഉപദേശങ്ങളുമായി ഞാൻ വീണ്ടും വരും... സ്നേഹത്തോടെ നല്ലൊരു സുഹൃത്... എഴുത്തു വായിച്ചു കഴിഞ്ഞതും അവനു ചിരി വന്നു... "എന്താ മോൻ ചിരിക്കുന്നത്..."... വനജ അവനുള്ള ചായയുമായി വന്നു ചോദിച്ചു.. അഭിഷേക് എഴുത്തു അവർക്ക് നേരെ നീട്ടി.. അവർ ആ എഴുത്തു വായിച്ചു... അതിനു ശേഷം അത്ഭുതത്തോടെ അവനെ നോക്കി.. "ഇതാരാണ് എഴുതിയത്...".... "അയച്ച ആൾ ഏതോ പാറു എന്ന പെണ്കുട്ടി ആണ്..".. "എന്തായാലും എഴുതിയത് നന്നായിട്ടുണ്ട്... ഇതിൽ പറയുന്നത് പോലെ മോൻ നടക്ക്.. നിന്നെകുറിച്ചു ഞങ്ങൾക്ക് വലിയ പ്രതീക്ഷകൾ ആണ് ഉള്ളത്.. അതിനാൽ മോൻ മറ്റുള്ളവർ കളിയാക്കുന്നത് കണ്ടില്ല കേട്ടില്ല എന്നു നടിച്ചേക്കണം..".. വനജ അവന്റെ കവിളിൽ തഴുകി കൊണ്ട് പറഞ്ഞു.. "അത് അത്രയേ ഉള്ളൂ അമ്മേ..."... "മോൻ വാ എന്തെങ്കിലും കഴിക്കാം....".. വനജ അവനെ കഴിക്കാൻ വിളിച്ചിട്ട് പുറത്തേക്ക് പോയി. "ആരാണ് ഈ പാറു.. എന്നെ അടുത്തറിയാവുന്നത് പോലെ... ഇനി ആരെങ്കിലും കളിയാക്കിയത് ആയിരിക്കുമോ.."... അങ്ങനൊക്കെ ചിന്തിച്ചു അവൻ കഴിക്കാൻ വേണ്ടി പോയി... 🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹 "എടി ആ ചേട്ടന് കത്തു കിട്ടിക്കാണുമോ.."... ഗൗരി സംശയത്തോടെ ആമിയോട് ചോദിച്ചു... "പിന്നെ കിട്ടാതെ... അഡ്രസ്സ് എല്ലാം ശരിയായി ആണ് ഞാൻ നിനക്ക് തന്നത്.. അവരുടെ വീട്ടുകാരെ എനിക്ക് അറിയാവുന്നത് ആണ്.. എല്ലാവരും പാവങ്ങൾ ആണ്..".. "മ്... എന്തായാലും എന്റെ ഉപദേശം അനുസരിച്ചാൽ മതിയായിരുന്നു.."....ഗൗരി നെടുവീർപോടെ പറഞ്ഞു.. "എന്താണ് ഗൗരിക്ക് ഒരു ചാഞ്ചാട്ടം... നീ അയാളെ സ്നേഹിക്കാൻ പോകുക ആണോ.."... ആമി കളിയാക്കി ചോദിച്ചു... "ഏയ്.. എനിക്ക് എന്റെ അപ്പാ നല്ലൊരു ചെറുക്കനെ കണ്ടെത്തും..."... ഗൗരി ചിരിച്ചു കൊണ്ട് പറഞ്ഞു.. "നിന്റെ കളറിൽ ഉള്ള ആളെ ആണോ.. അതോ ഇരു നിറം ഉള്ള ആളെയോ.."... "ആരായാലും എന്നെ സ്നേഹിക്കുന്ന ഒരാളെ മതി... അത് ഇരു നിറമോ കറുത്തതോ ആയാലും കുഴപ്പം ഇല്ല..."... "നിന്റെ ആഗ്രഹം പോലെ നടക്കട്ടെ..."... ആമി പറഞ്ഞു... ഗൗരി അതു കേട്ട് ചിരിച്ചു കൊണ്ട് അവൾക്കൊപ്പം നടന്നു.. ദിവസങ്ങൾ കൊഴിഞ്ഞു വീണുകൊണ്ടിരുന്നു... അഭിഷേകിനെ കാണുമ്പോൾ അവൾ ഒളികണ്ണിട്ട് അവനെ നോക്കാൻ തുടങ്ങി... പിന്നീട് അതുപോലെ പലരീതിയിൽ ഉള്ള ഉപദേശങ്ങൾ അടങ്ങിയ കത്തുകൾ അവൾ അവന് അയച്ചു കൊടുത്തു.. ആദ്യമൊക്കെ തമാശക്ക് വേണ്ടി ആരോ അയക്കുന്നത് ആണ് എന്ന് കരുതി അവൻ അത് കാര്യം ആക്കിയിരുന്നില്ല... പിന്നീട് സ്ഥിരം ആയി കത്തുകൾ വരാൻ തുടങ്ങിയപ്പോൾ അവന് അത് ആരാണ് എന്നറിയാൻ ആഗ്രഹം തോന്നി... ഒരു ദിവസം ആമി കോളേജിലേക്ക് വന്നില്ല.. അന്നത്തെ ദിവസം അവൾക്ക് എന്തോ പോലെ തോന്നി.. ഉച്ച ആയപ്പോൾ അവൾ അഭിഷേകിനുള്ള എഴുത്തു അയക്കാൻ വേണ്ടി പോസ്റ്റ് ഓഫീസിലേക്ക് പോയി.. ആ സമയത്തു അഭിഷേകും പോസ്റ്റ് ഓഫീസിൽ ഉണ്ടായിരുന്നു.. അവന്റെ കൂടെ പഠിക്കുന്ന ഒരു കൂട്ടുകാരന്റെ ചേട്ടന് അവിടെ ജോലി ഉണ്ടായിരുന്നു... ഗൗരി എഴുത്തിൽ സ്റ്റാമ്പ് വാങ്ങി ഒട്ടിച്ചു എഴുത്തു പോസ്റ്റ് ചെയ്തിട്ട് അവിടെ നിന്ന് പോയി.. അഭിഷേകിനെ അവൾ കണ്ടില്ല... "ആ അഭിഷേക് എന്തൊക്കെ ഉണ്ട് വിശേഷം..".. കൂട്ടുകാരൻ രാഹുലിന്റെ ചേട്ടൻ രാജേഷ് അവനോട് ചോദിച്ചു... "നല്ല വിശേഷം ചേട്ടാ... ഇങ്ങനൊക്കെ അങ്ങു പോകുന്നു....".. "നിന്റെ പേരിൽ ഇവിടെ നിന്ന് എല്ലാ ആഴ്ചയിലും ലെറ്റർ വരുന്നുണ്ടല്ലോ... എന്താ വല്ല ചുറ്റികളിയും ഉണ്ടോ...."... അവൻ അയക്കാൻ കൊടുത്ത ലെറ്ററിൽ ഉള്ള അവന്റെ അഡ്രസ്സ് കണ്ടു രാജേഷ് ചോദിച്ചു... "അപ്പോൾ ഇവിടെ നിന്നാണോ എനിക്ക് കത്തുകൾ വരുന്നത്..."... "അതേ.. എന്താ നിനക്ക് അറിയാവുന്ന കുട്ടി അല്ലേ അവൾ....".... "അവൾ ആരാണ് എന്ന് എനിക്ക് അറിയില്ല ചേട്ടാ.."... "നിന്റെ അനിയത്തിയുടെ കൂട്ടുകാരി ആണല്ലോ..".. "ങേ..".. രാജേഷ് പറഞ്ഞത് കേട്ട് അഭിഷേക് അമ്പരപ്പോടെ അയാളെ നോക്കി.. "എന്താടാ.. എന്തെങ്കിലും പ്രശ്നം ഉണ്ടോ.."... "ഇല്ല ചേട്ടാ... ഒന്നുമില്ല...".... അവൻ വേഗം അവിടെ നിന്നും പോയി.. 🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹 "ആമി..."... വൈകിട്ട് വീട്ടിലേക്ക് ചെന്ന ഉടൻ തന്നെ അഭിഷേക് ആമിയെ വിളിച്ചു... "എന്താ ഏട്ടാ..."... ആമി അവിടേക്ക് വന്നു.. "ഇതൊക്കെ എന്റെ പേരിൽ അയക്കുന്നത് ആരാണ്....".... കത്തുകൾ എല്ലാം എടുത്തു അവളുടെ മുന്നിലേക്ക് ഇട്ടു കൊണ്ട് അഭിഷേക് ദേഷ്യത്തോടെ ചോദിച്ചു.. അഭിഷേകിന്റെ ദേഷ്യം കണ്ടു ആമി ഭയന്നു പോയി... "ആമി നിന്നോട് ആണ് ചോദിച്ചത് ".... "അത് എന്റെ കൂട്ടുകാരി ആണ്..."... അവൾ ഭയത്തോടെ പറഞ്ഞു... "എന്തിനു വേണ്ടി ആണ് അവൾ ഇങ്ങനെ ചെയ്തത്..."... അവൻ ശബ്ദം ഉയർത്തി ചോദിച്ചു... "നീ എന്തിനാ അവളോട് ദേഷ്യപ്പെടുന്നത്...".... വനജ അവൻ ദേഷ്യപ്പെടുന്നത് കണ്ടു അവനോട് ചോദിച്ചു.. "എനിക്ക് വരുന്ന കത്തുകൾ ഇവളും ഇവളുടെ കൂട്ടുകാരിയും ചേർന്നാണ് അയക്കുന്നത്..".. "ആണൊടി... "... വനജ അവളോട് ചോദിച്ചു.. "അത് അമ്മേ... ഗൗരി, അവൾ ആണ് അങ്ങനെ എഴുതിയത്.."... "ഗൗരി ആയാലും കൊള്ളാം സൗരി ആയാലും കൊള്ളാം ഇനി മേലിൽ അങ്ങനെ ഉണ്ടാകരുത് എന്നു പറഞ്ഞേക്കണം...".. അഭിഷേക് ദേഷ്യപ്പെട്ടു പറഞ്ഞിട്ട് പുറത്തേക്ക് പോയി.. "നിനക്ക് ഇത് എന്തിന്റെ കേടാ കൊച്ചേ... അവന്റെ സ്വഭാവം നിനക്ക് അറിയാൻ മേലേ.. എന്നിട്ട് ആണോ നീ ഇതിനൊക്കെ അവൾക്ക് കൂട്ടു നിന്നത്... ഇനി ഇതിന്റെ പേരിൽ അവൻ ആ കൊച്ചിനെ എന്തൊക്കെ പറയുമോ ആവോ.."... വനജ ആമിയെ വഴക്കു പറഞ്ഞു... "ഇങ്ങനൊക്കെ ആയി തീരുമെന്ന് അവളോട് ഞാൻ പറഞ്ഞത് ആണ്.. പക്ഷേ അവളുടെ നിർബന്ധം ആണ് ഏട്ടന്റെ അപകർഷതാ ബോധം ഇല്ലാതെ ആക്കി മാറ്റും എന്ന്... "... "എന്നിട്ട് എന്തായി... അവനു ഒന്നു കൂടെ ദേഷ്യം ആയില്ലേ...."... "ഇല്ല അമ്മേ.. അമ്മ കണ്ടില്ലേ ഏട്ടന് ഒത്തിരി മാറ്റം വന്നത്.. പണ്ട് നടന്നത് പോലെ ആണോ ഏട്ടൻ.. ആ എഴുത്തു വന്നതിൽ പിന്നെ ഏട്ടൻ ഒരുപാട് മാറി..."... "മ് ശരിയാ... എന്താ ആകുട്ടിയുടെ പേര്..."... "ഗൗരി എന്നാണ്..."... "നല്ല പേര്.. "... "പേര് പോലെ തന്നെ നല്ല ഒരു കുട്ടി ആണ് അവൾ...".... ആമി പറഞ്ഞു... "എന്തായാലും നീ അവനോട് ആ കുട്ടിയെ വഴക്ക് പറയരുത് എന്നു പറഞ്ഞേക്കു...".. വനജ അവളോട് പറഞ്ഞു... "മ് ശരി..".. അങ്ങനെ പറഞ്ഞിട്ട് അവൾ അഭിയുടെ അടുത്തേക്ക് ചെന്നു... "ഏട്ടാ... ഏട്ടാ....".. "എന്താ... "...അഭി ദേഷ്യത്തോടെ ചോദിച്ചു.. "ഞങ്ങൾ ചെയ്തത് തെറ്റ് തന്നെ ആണ്... അതിനു പകരം ഏട്ടന് എന്നെ എന്തു വേണമെങ്കിലും പറഞ്ഞോ.. ഗൗരിയെ ഒന്നും പറയരുത്.. ".... "അതെന്താ അവളെ പറഞ്ഞാൽ..".... അഭിഷേക് പുച്ഛത്തോടെ ചോദിച്ചു.. "അവളൊരു പാവം ആണ് ഏട്ടാ.. അന്ന് ഏട്ടൻ അവളോട് ആദ്യമായി ദേഷ്യപ്പെട്ടില്ലേ.. അന്ന് മുതൽ അവൾക്ക് ഏട്ടന്റെ കാര്യം അറിയാൻ ആഗ്രഹം ഉണ്ടായിരുന്നു.. ഞാൻ ഏട്ടന്റെ വീടിനടുത്തുള്ളത് ആണ് എന്നാണ് അവളോട് പറഞ്ഞിരിക്കുന്നത്...".. "അതെന്തിനാ നീ അങ്ങനെ പറഞ്ഞത്..".. "അത്.. അവൾക്ക് ഏട്ടനെ ഇഷ്ട്ടം ആണെന്ന് തോന്നുന്നു.. അവളുടെ മനസ്സ് അറിയാൻ വേണ്ടി ആണ് ഞാൻ അങ്ങനെ പറഞ്ഞത് കൂടാതെ ഞാനും ഏട്ടനും തമ്മിൽ എന്താ ബന്ധം എന്നു അവൾ ചോദിച്ചു.. ഞാൻ പറഞ്ഞു എനിക്ക് സഹോദരനെ പോലെ ആണ് ഏട്ടൻ എന്നു പറഞ്ഞു. അപ്പോൾ അവളുടെ മുഖത്തു സന്തോഷം ആയിരുന്നു... അങ്ങനെ ഉള്ളപ്പോൾ ഏട്ടൻ അവളോട് ഈ കാര്യത്തെ കുറിച്ചു സംസാരിക്കരുത്.. ഏട്ടൻ ഒന്നും അറിഞ്ഞിട്ടില്ല എന്നു ഭാവിച്ചാൽ മതി..".. "മ്... ഞാൻ ഒന്ന് ആലോചികട്ടെ..".. അഭിഷേക് പറഞ്ഞു... "നല്ല ഏട്ടൻ..".. അഭിഷേകിനെ കെട്ടിപ്പിടിച്ചു ഒരു ഉമ്മ കൊടുത്തിട്ട് അവൾ അകത്തേക്ക് പോയി.. "ഗൗരി.. പാറു എന്ന പേരിൽ എനിക്ക് കത്ത് അയച്ചവൾ.."... അഭിഷേക് ചിരിയോടെ സ്വയം പറഞ്ഞു.. 📖 കഥയുടെ ബാക്കി ഭാഗങ്ങൾ ഇവിടെ വായിക്കാം: 👉 https://share.aksharathalukal.in/s/52092/view വായിച്ചിട്ട് അഭിപ്രായം പറയണേ 🥰 #💞 പ്രണയകഥകൾ #📔 കഥ #📙 നോവൽ