അനുരാഗം 6️⃣5️⃣ " നീ വന്നിട്ട് കുറെ നേരയോ... കുറവില്ലേ നിനക്ക്.... " മുഖത്തെ പ്രകാശം കെട്ട് പോയവളുടെ നെറ്റിയിൽ കൈ ചേർത്തു ചോദിച്ചവൻ... " മാറി..... " കണ്മണി സിദ്ധുവിനെ നോക്കി പറഞ്ഞു.... " കണ്ണേ ഇന്ന് പാറു കൂടെ നമ്മുടെ കൂടെ ഉണ്ടാകും.... " ഡ്രൈവർ സീറ്റിലേക്ക് കയറുന്നതിനിടെ സിദ്ധു പറഞ്ഞു.... കണ്മണി പൗർണമിയെ നോക്കി ചിരിച്ചു..... " നാളെ ക്ലാസ്സ്‌ ഇല്ലല്ലോ.... നമ്മുക്ക് ഒരുമിച്ച് നാളെ നാട്ടിൽ പോകാം.... " അതിനും കണ്മണി തലയാട്ടി..... തികച്ചും മൗനമായ അന്തരീക്ഷം.... പൗർണമി എന്തോ ചിന്തയിൽ പുറത്തേക്ക് നോക്കിയിരിക്കുന്നു.... കണ്മണി സീറ്റിൽ കണ്ണടച്ചിരുന്നു.... ഇടക്ക് കാർ നിന്നതും കണ്മണി കണ്ണ് തുറന്നു... അപ്പോഴേക്കും സിദ്ധു ഡോർ തുറന്നു ഇറങ്ങിയിരുന്നു.... ഓപ്പോസിറ് മെഡിക്കൽ ഷോപ്പിലേക്ക് കയറി പോകുന്നത് കണ്ടതും കണ്മണിയുടെ ചുണ്ടിൽ നേർത്ത ചിരി..... അവൾ പിറകിലിരുക്കുന്ന പൗർണമിയെ നോക്കി.... ഈ ലോകത്തൊന്നുമല്ലാത്ത ഇരിപ്പ്..... കയ്യിൽ ഫ്രൂട്സും മെഡിസിനുമായി വരുന്ന സിദ്ധു.... അത് കണ്മണിക്ക് നേരെ നീട്ടി അവൻ സീറ്റിലേക്ക് ഇരുന്നു..... നേരെ പോയത് പൗർണമി താമസിക്കുന്ന കോട്ടേഴ്സിലേക്കാണ്.... അവിടെ നിന്നും അവളുടെ സാധനങ്ങൾ എടുത്തു പൗർണമി വേഗത്തിൽ വന്നു.... വീട്ടിൽ എത്തിയതും കണ്മണിയോട് കിടന്നോളാൻ പറഞ്ഞു പൗർണമിക്ക് ഒരു മുറിയും കാണിച്ചു കൊടുത്തു സിദ്ധു അടുക്കളയിലേക്ക് നടന്നു.... മൂന്നു കട്ടനിട്ട് ഒന്നെടുത്തു റൂമിലേക്ക് വന്നു... കണ്മണി ഫ്രഷായി ഡ്രസ്സ്‌ എല്ലാം മാറിയിരിന്നു..... " ഫ്രഷായോ.... ഇത് കുടിച്ചോ.... " അവൻ അവൾക്ക് ചായ നീട്ടി.... അത് വാങ്ങാതെ കണ്മണി കൂർപ്പിച്ചൊരു നോട്ടം..... " മറ്റാൾക്ക് കൊടുത്തില്ലേ....? " കുശുമ്പ് നിറഞ്ഞ ചോദ്യം.... " മറ്റാളോ....? " സിദ്ധു പുരികം വളച്ചു ചായ അവളുടെ കയ്യിൽ കൊടുത്തു.... " എന്നേക്കാൾ ഇഷ്ട്ടം ഉള്ള ആൾക്ക്.... ". എവിടെ നിന്നോ ഇരച്ചെത്തിയ പരിഭവം..... ഒരു ഉമ്മ കൊടുക്കാൻ തോന്നി അവന്..... " അത് പിന്നെ കൊടുക്കാതിരിക്കോ.... ഏട്ടൻ പോയി കുളിച്ചു വരട്ടെ... മോളീ ചായ കുടിക്ക്..... " സിദ്ധു അവളുടെ കവിളിൽ ചുണ്ട് ചേർത്തു കൊണ്ടു ബാത്‌റൂമിലേക്ക് പോയി.... കണ്മണി കറന്റടിച്ച പോലെ അങ്ങനെ നിന്നു..... സിദ്ധു കുളിച്ചു വരുമ്പോൾ കണ്മണിയും പൗർണമിയും ഹാളിലിരുന്നു ഓരോന്ന് പറഞ്ഞു ചിരിക്കുന്നുണ്ടായിരുന്നു.... സിദ്ധു അവരെയൊന്നു നോക്കി.... കണ്മണിയെ നോക്കുന്ന കണ്ണിൽ വാത്സല്യവും പ്രണയവും ഒരുപോലെ അലതല്ലി.... പുറത്ത് നിന്നവൻ ഫുഡും വാങ്ങി കൊണ്ട് വന്നു കഴിച്ചു കിടന്നു...... കണ്മണി സിദ്ധുവിന് ഓരം പറ്റി ചേർന്ന് കിടന്നു ഉറക്കത്തിലേക്ക് വഴുതി വീണു..... പെട്ടൊന്ന് ഞെട്ടി ഉണർന്നപ്പോൾ സിദ്ധു അരികിലില്ല.... ബാത്‌റൂമിലാകുമെന്ന് കരുതി ഇത്തിരി നേരം കണ്ണ് തുറന്നു കിടന്നു..... റൂമിലാകെ ഇരുട്ടാണ്..... ബാത്‌റൂമിലും.... അവൾ കയ്യെത്തിച്ചു ഫോൺ എടുത്തു നോക്കി.. 12.20 ആയിട്ടേ ഉളളൂ..... ഡോർ അടഞ്ഞു കിടപ്പാണ്.... അവൾ പതിയെ എഴുന്നേറ്റു വാതിലിന്റെ അരികിലേക്ക് നടന്നു.... ഉള്ളിലെന്തോ ഒരു പിടച്ചിൽ... വല്ലാത്തൊരു വെപ്രാളം..... വെറുതെ നെഞ്ചിലൊന്ന് കൈ വെച്ച് വാതിൽ പതിയെ തുറന്നു നോക്കി.... ഹാളിൽ രണ്ടു ദ്രുവങ്ങളിലിരുന്നു സംസാരിക്കുന്ന സിദ്ധുവും പൗർണമിയും..... എന്തായിരിക്കും അവരീ പാതിരാത്രിയിരുന്നു സംസാരിക്കുന്നത്.... കണ്മണിയുടെ തലയൊന്ന് പുകഞ്ഞു..... ആ കാഴ്ച കണ്ടു തിരിഞ്ഞു നടക്കാൻ അവൾക്ക് കഴിയില്ല.... അവരിലേക്ക് ഇറങ്ങിചെല്ലാൻ മടി തോന്നി.... സംസാരിക്കുന്നത് എന്താണെന്ന് പോലും മനസിലായില്ല.... എന്തോ അശിരീരി പോലെ കേൾക്കുന്നു.... മനസിനെ ശാന്തമാക്കി കണ്മണി ഹാളിലേക്ക് കടന്നു ..... " ഇതെന്താ രണ്ടാളും ഉറങ്ങീലെ...." ഉള്ളിലെ അമർഷം അടക്കി കൊണ്ടു ചോദിച്ചവൾ.... " ആടാ കണ്ണേ.... കിടക്കാൻ പോവാ... എങ്കിൽ ശരി പൗർണമി നീ കിടന്നോ.... " തമ്മിൽ തമ്മിൽ മറ്റൊരു സംസാരത്തിനും ഇട കൊടുക്കാതെ സിദ്ധു പറഞ്ഞവസാനിപ്പിച്ചു കൊണ്ടു അകത്തേക്ക് നടന്നു..... കണ്മണിക്ക് ഉള്ളിലൊരു അപകടം മണത്തു..... എന്തോ തന്നിൽ നിന്നും ഒളിപ്പിക്കുന്ന പോലെ.... കണ്മണി ബെഡിലേക്ക് കയറി കിടക്കുമ്പോൾ സിദ്ധു നെറ്റിയിൽ കയ്യിൽ വെച്ച് കിടക്കുകയായിരുന്നു...... ഒന്നും മിണ്ടാതെ കണ്മണി അരികിൽ കിടന്നു.... മനസ്സിൽ വല്ലാത്തൊരു പിരിമുറുക്കം.... ഉള്ളിലൊരു കുളത്തിപിടുത്തം പോലെ.... അരികിൽ കിടക്കുന്ന സിദ്ധുവിനെ നോക്കി.... മനസിലെ നീറ്റൽ പോലെ വിരലുകൾ തമ്മിൽ കൂട്ടി പിണച്ചവൾ...... അതിരാവിലെ എഴുന്നേറ്റത് കണ്മണിയായിരുന്നു.... സിദ്ധുവും പൗർണമിയും നല്ല ഉറക്കമാണെന്ന് കണ്ടതും കണ്മണി എഴുന്നേറ്റു ഫോണുമായി പുറത്തേക്ക് ഇറങ്ങി.... കാളിങ് ബട്ടൺ അമർത്തി അവൾ അകത്തേക്ക് നോക്കി... അവർ എഴുന്നേറ്റ് വരുന്നുണ്ടോ എന്നറിയാൻ.... " ന്താടി ഈ വെളുപ്പിനെ.... " ഉറക്ക ചടവോട് കൂടിയ സംസാരം..... " എടി ഇന്നലെ സിദ്ധു ഏട്ടനും പൗർണമി മിസ്സും നട്ട പാതിരക്ക് ഇരുന്നു സംസാരിക്കുന്നു..... " " അതിന്...... " ദേവിക ചോദിച്ചു.... " അതിന് ഒന്നുമില്ലേ....? " കണ്മണി ദേഷ്യത്തോടെ ചോദിച്ചു.... " അതിന് ഒന്നുമില്ല.... നിനക്ക് വേറെ ഒന്നും പറയാനില്ലെങ്കിൽ വെച്ചിട്ട് പോ..... " ദേവിക ഉറക്കം മുറിഞ്ഞ ദേഷ്യത്തിൽ പറഞ്ഞു....... " ഞാൻ... ഞാനെ ഒരു ഭാര്യയാ.... ന്റെ ഭർത്താവ് നട്ട പാതിരക്ക് ഒരുത്തിയുമായി സംസാരിക്കുന്നത് കണ്ടാൽ എനിക്ക് പൊള്ളും.... " കണ്മണി വീറോടെ പറഞ്ഞു...... " എന്റെ കണ്മണി നീ എന്ത്‌ തേങ്ങേലും കാണിക്ക്.... ഞാനൊന്ന് ഉറങ്ങട്ടെ.....". ഇത്തവണത്തെ ദേവികയുടെ സംസാരം അവൾക്ക് വല്ലാതെ കൊണ്ടു. അവൾ വേഗം ഫോൺ കട്ടാക്കി..... ഇത്തിരി നേരം ആ ഫോണും പിടിച്ചിരുന്നു.... വീണ്ടും ഫോൺ റിങ് ചെയ്തതും അവൾ എടുത്തു നോക്കി.... ദേവൂസ് കാളിങ്.... അവൾ ഫോൺ എടുത്തു.... " കണ്മണി കുട്ടാ പറയടാ.... " " എന്ത്‌ തേങ്ങാ.... " കണ്മണി തിരിച്ചു ചോദിച്ചു... മറുപ്പുറത്തു നിന്നും പൊട്ടി ചിരിയായിരുന്നു..... " ദേവു... എനിക്ക് പറ്റുന്നില്ല... അവര് രണ്ടു പേരും കൂടി എന്നെ പൊട്ടിയാക്കും പോലെ.... " കണ്മണി സങ്കടത്തിന്റെ വക്കോളാം എത്തി..... " നീ ഇങ്ങനെ ഡെസ്പ് ആവാതെ... സിദ്ധു സർ നിന്നെ ചതിക്കോ...?. " " ഇല്ലെന്ന് വിശ്വസിക്കാനാ എനിക്കിഷ്ട്ടം.... പക്ഷെ എന്നോട് ഒരുപാട് പ്രാവശ്യം പറഞ്ഞിട്ടുണ്ട്.. എന്നെക്കാൾ ഇഷ്ട്ടം പൗർണമിയാണെന്ന്...." " ഓഹ്... അങ്ങനെ പറഞ്ഞോ...? " " ആടി.... എനിക്ക് എന്തോ എന്റെ മനസ് പറയുന്നു അവർ തമ്മിൽ..... " ബാക്കി പറയാൻ അവൾക്ക് കഴിഞ്ഞില്ല..... "ഹേയ് അതൊന്നും കാണില്ല.... നീ അവരെയൊന്നു നിരീക്ഷിക്ക്.... കണ്ണുകൾ കൊണ്ടോ കൈ കൊണ്ടോ എന്തെങ്കിലും ആക്ഷൻ കാണിക്കുന്നുണ്ടോന്ന്.... അങ്ങനെ ഉണ്ടെങ്കിൽ അവർ തമ്മിൽ സോംതിങ് ഫിഷി.... ഇല്ലെങ്കിൽ എല്ലാം നിന്റെ തോന്നലാണ്....." അത്രേം പറഞ്ഞു ദേവിക ഫോൺ കട്ടാക്കുമ്പോൾ അവർ തമ്മിൽ കണ്ണുകൾ കൊണ്ടു എന്ത്‌ ആക്ഷൻ കാണിക്കാനാണ് എന്നാണ് മനസിലേക്ക് വന്നത്.... ഡിജിറ്റൽ യുഗമാണ്.... എന്തുണ്ടെങ്കിലും ടെക്സ്റ്റ്‌ ചെയ്താൽ മതി..... അവളുടെ ഒരു സൊല്യൂഷൻ...... കണ്മണിക്ക് ദേഷ്യം വന്നു.... അപ്പോഴും അവർ തമ്മിൽ എന്തോ ഉണ്ടെന്ന് മനസ് വാദിക്കുമ്പോലെ...... സിദ്ധുവും പൗർണമിയും എഴുന്നേറ്റതോടെ നാട്ടിലേക്ക് പോകാൻ റെഡിയായി മൂവരും..... ഇനി രണ്ടു ദിവസം അവധിയാണ്..... അവധി കഴിഞ്ഞു നേരെ കോളേജിലേക്ക് വരുന്നത് ടൂറിനും.... മിക്ക കുട്ടികളും ആ ഒരു ത്രില്ലിലാണ്..... കണ്മണി ഒഴികെ..... കാറിലേക്ക് കയറും മുൻപ് കണ്മണിയുടെ കണ്ണുകൾ സിദ്ധുവിലേക്ക് നീണ്ടു.... അവൻ കണ്ണുകൾ കൊണ്ടു പൗർണമിയോട് ഒന്നുമില്ലെന്ന പോലെ കണ്ണടച്ച് കാണിച്ചു..... അവളുടെ ഉള്ളം ആകെ പുകഞ്ഞു..., ദേവു പറഞ്ഞപോലെ അവർ ആക്ഷൻ കാണിച്ചു കൊണ്ടിരിക്കുന്നു.... ജീവിതം കണ്ടിട്ടില്ലാത്ത പ്രായത്തിന്റെ പക്വതയെത്താത്ത കണ്മണിയുടെ ഹൃദയം ചിന്നി.... ചിന്തകൾ കാട് കയറി.... തന്റെ ഭർത്താവിനാൽ താൻ വഞ്ചിക്കപ്പെടുന്നെന്ന തോന്നൽ ശക്തമായി...... കാറിലേക്ക് കയറിയതും കണ്ണുകളടച്ചു സീറ്റിലേക്ക് ചാരി കിടന്നു....... തന്നെ ഒഴിവാക്കിയിട്ട് മതി അവരുടെ പ്രേമം എന്ന് വിളിച്ചു കൂവാൻ തോന്നി.... തന്നെ ഒഴിവാക്കൽ..... അതോർക്കേ ഹൃദയഭാരം ഏറി..... " കണ്ണേ..... കണ്ണേ.... " കാതങ്ങൾക്കപ്പുറം ഇരുന്നു ആരോ വിളിക്കുമ്പോലെ..... സിദ്ധു അവളെ ഒന്നുകൂടെ കുലുക്കി..... കണ്മണി കണ്ണുകൾ തുറന്നവനെ നോക്കി.... അവളുടെ കലങ്ങിയ കണ്ണുകൾ.... " എന്തെ എന്ത്‌ പറ്റി നിനക്ക്.... തലവേദന മാറിയില്ലേ.....? " ആകുലതയോടെ ചോദിക്കുന്നവനെ കണ്ണിമാക്കാതെ നോക്കിയവൾ.... ഒരുവേള കണ്ണോന്നടച്ചാൽ ഈ സ്നേഹം നഷ്ട്ടപ്പെടുമോ എന്ന ഭയം..... " വയ്യേ..... " നെറ്റിയിൽ കൈ ചേർത്തു ചോദിക്കുന്നവൻ..... " ഉറക്കം വരുന്നുണ്ട്.... ". കണ്മണി അവനെ നോക്കി പറഞ്ഞു..... " കിടന്നോ.... പൗർണമി ബാക്കിലൊരു പില്ലോയുണ്ട്.... ഇങ്ങ് എടുത്തേ....." പൗർണമി ഒരു നേർത്ത ചിരിയോടെ അതെടുത്തു സിദ്ധുവിന് നേരെ നീട്ടി..... അവൻ അത് വാങ്ങി കണ്മണിയുടെ തലക്ക് പിറകിലേക്ക് വെച്ച് കൊടുത്തു... അവളുടെ കാലുകൾ നിർബന്ധപൂർവ്വം അവൻ മടിയിലേക്ക് എടുത്തു വെച്ചു.... കണ്മണിക്ക് ഉള്ളം നിറഞ്ഞു.... അത്രനേരം മനസിനെ മദിച്ച ചിന്തകളെല്ലാം അലിഞ്ഞു പോയി...... ചൊടിയിലൊരു പുഞ്ചിരി സ്ഥാനം പിടിച്ചു..... അവന്റെ കൈകൾ അവളുടെ കാലിൽ അമർന്നതും കണ്മണി ഒന്നാകെ കുളിർന്നു...... കാത്തിരിക്കുക. #📙 നോവൽ #💞 പ്രണയകഥകൾ #📝 ഞാൻ എഴുതിയ വരികൾ #📔 കഥ