മഹർ ഭാഗം 17 കവിളിൽ കൈ വെച്ച് ഹസീന മുന്നിലേക്ക് നോക്കിയതും ദേഷ്യത്തോടെ തന്നെ നോക്കി നിൽക്കുന്ന ഉപ്പയെ ആണ് അവൾ കണ്ടത്.... ഉപ്പ അവളെ ആദ്യം ആയി ആണ് അടിക്കുന്നത്... അതും നൂറ കാരണം.... അടിയുടെ വേദന കൊണ്ട് മുഖം നീറുന്നുണ്ടങ്കിലും മനസ്സിൽ നൂറയോട് ഉള്ള ദേഷ്യം പത്തിരട്ടി വർധിച്ചു... ഇന്നലെ കയറി വന്ന ഇവൾക്ക് വേണ്ടി എന്റെ ഉപ്പ എന്നെ തല്ലി അല്ലെ.... അപ്പൊ എല്ലാവർക്കും ഇപ്പൊ അവളെ മതി... ഞാനും ഉമ്മയും നിങ്ങളുടെ മനസ്സിൽ നിന്ന് പുറത്ത് ആയി അല്ലെ... എല്ലാം ഇവൾ കാരണം ആണ്.... നൂറയുടെ നേർക്ക് പാഞ് വന്ന് ഹസീന പറയുമ്പോൾ നൂറ സങ്കടത്തോടെ അവളെ നോക്കി.... ഇനി ഇവൾ ഈ വീട്ടിൽ വേണ്ട.... ഇനി എല്ലാവർക്കും അവളെ മതിയെങ്കിൽ ഇനി ഒരു നിമിഷം പോലും ഞാൻ ഇവിടെ നിൽക്കില്ല... എല്ലാവരും ഇപ്പോൾ തീരുമാനിക്കണം നിങ്ങൾക്ക് ഇന്നലെ കയറി വന്ന ഇവളാണോ അതോ ഞാൻ ആണോ എന്ന്... എനിക്ക് ഇപ്പോൾ അറിയണം വളരെ ദേഷ്യത്തോടെ ഉപ്പയുടെയും റാഷിയുടെയും മുന്നിൽ ചെന്ന് ഹസീന അത് പറയുമ്പോൾ ഉപ്പ കൈ ഉയർത്തി അവളെ തല്ലാൻ ഒരുങ്ങിയതും നൂറ വന്ന് ആ കയ്യിൽ പിടിച്ചു.... ഹസി ഇത്തയെ ഇനി അടിക്കരുത്.... ഞാൻ ഈ വീട്ടിൽ നിൽക്കുന്നത് അല്ലെ എല്ലാവരുടെയും പ്രശ്നം.... ഞാൻ ഒഴിഞ്ഞു പൊയ്ക്കോളാം... ഞാൻ കാരണം ഈ കുടുംബം വേർപെട്ട് പോകരുത്.... ഇത് എന്റെ അപേക്ഷ ആണ്.... നിറ കണ്ണുകളാലെ നൂറ ഉപ്പയെ നോക്കി പറഞ്ഞതും ഹസീന വിജയ ഭാവത്തോടെ സഫിയയെ നോക്കി... ഉമ്മയും അവളെ നോക്കി ചിരിച്ചു... നൂറ മോളെ ഈ വീട്ടിൽ നിന്ന് ഇറങ്ങി പോവേണ്ടത് നീ അല്ല... നീ ഈ വീട്ടിലെ മരുമകൾ ആണ്... എന്റെ മകളായിട്ട് തന്നെ ആണ് ഞാൻ നിന്നെ കണ്ടിട്ടുള്ളത്... മോൾ എങ്ങോട്ടും പോകുന്നില്ല... പിന്നെ നൂറ ഈ വീട്ടിൽ നിൽക്കുന്നതിന് ആർക്കെങ്കിലും എതിർപ്പ് ഉണ്ടങ്കിൽ ഈ വീട്ടിൽ നിന്നും ഈ നിമിഷം ഇറങ്ങാം... ആരും അതിന് തടയില്ല... ഉറച്ച ശബ്ദത്തോടെ ബഷീർ അത് പറയുമ്പോൾ ഹസീനയുടെ മുഖം മങ്ങി..... ഇപ്പോൾ എനിക്ക് മനസ്സിലായി എന്നെ ഈ വീട്ടിൽ നിന്ന് ഇറക്കി വിട്ടിട്ട് ഈ കാൽ കാശിന് ഗതി ഇല്ലാത്തവളെ ഇവിടെ വാഴിക്കാൻ ആണ് നിങ്ങളുടെ ഉദ്ദേശം.... അത് ഞാൻ സമ്മതിച്ചു തരില്ല... അതും പറഞ്ഞു അവൾ റൂമിലേക്ക് കയറി പോകുമ്പോൾ റാഷി ഉപ്പയെ നോക്കി... ഉപ്പ ഒന്നും ഇല്ല എന്ന പോലെ കണ്ണ് അടച്ചു കാണിച്ചു അവനോട്...... മോനെ നീ എങ്ങോട്ടോ പോകാൻ വേണ്ടി റെഡിയായത് അല്ലെ.... നീ പോകാൻ നോക്ക്... നൂറ മോളെ മോൾ മുറിയിൽ പോയി റസ്റ്റ്‌ എടുക്ക്... ഇനി ആര് പറഞ്ഞാലും മോൾ ഈ വീട്ടിൽ ഒരു ജോലിയും ചെയ്യരുത്... അഫ്സലെ പറഞ്ഞു വിട്ട രണ്ട് ജോലിക്കാരോടും ഉടനെ ഇങ്ങോട്ട് വരാൻ പറ..... അത് പറഞ്ഞു ഉപ്പ അവിടെ നിന്ന് പുറത്തേക്ക് പോകാൻ നിന്നതും റാഷി ഉപ്പയുടെ കയ്യിൽ പിടിച്ചു... ഉപ്പ ഞാൻ നൂറയുടെ വീട്ടിലേക്ക് പോകാൻ വേണ്ടി ഇറങ്ങിയതാ... എന്നാൽ ഞങ്ങൾ പോയിട്ട് വരാം... എന്നാ ശരി.... മക്കള് പോയി വാ... നൂറ മുറിയിൽ എത്തി പെട്ടന്ന് ഫ്രഷായി ഒരു ചുരിദാർ എടുത്ത് ഇട്ടു... കൂടുതൽ ചമയങ്ങൾ ഒന്നും ഇല്ലാതെ നൂറ മുറിയിൽ നിന്ന് പുറത്തേക്ക് ഇറങ്ങുമ്പോൾ അവളെ കാത്ത് റാഷി മുറിക്ക് പുറത്ത് ഉണ്ടായിരുന്നു.... നൂറ മുറിയിൽ നിന്ന് ഇറങ്ങിയതും റാഷി മുറിട്ടിലേക്ക് കയറി.... അവൻ അകത്തേക്ക് കയറുന്നത് കണ്ട് അവൾ മുറിക്ക് പുറത്ത് നിന്നു... നിന്റെ ഓർണമെൻറ്സ് എല്ലാം എവിടെ ആണ്... റാഷി പെട്ടന്ന് അത് ചോദിക്കുമ്പോൾ അവൾ അവനെ ഒന്ന് നോക്കി.... അവന്റെ മുഖത്ത് തികച്ചും ഗൗരവം ആണ് എന്ന് കണ്ടതും അവൾ മുറിയിലേക്ക് കയറി അലമാര തുറന്നു.... തന്റെ ആഭരണങ്ങൾ അടങ്ങിയ പെട്ടി അവന്റെ മുന്നിലേക്ക് നീട്ടി... അവളെ ഒന്ന് നോക്കി അവൻ അത് വാങ്ങി.... നിന്റെ കയ്യിലും കാലിലും ഉള്ളത് എല്ലാം ഊരി ഇതിലേക്ക് വെക്ക്.... റാഷി പെട്ടന്ന് അങ്ങനെ പറയുമ്പോൾ നൂറ അതിശയത്തോടെ അവനെ നോക്കി.... അവനോട് ഒന്നും പറയാതെ അവൾ അതെല്ലാം ഊരി ആ പെട്ടിയിലേക്ക് വെച്ചു.... ഒരു കവറിൽ ഈ പെട്ടി ഇട്ട് നീ കയ്യിൽ പിടിച്ചോ... അവളോട് അതും പറഞ്ഞു അവൻ പുറത്തേക്ക് നടന്നു... നൂറക്ക് ഒന്നും മനസ്സിലായില്ലങ്കിലും അവൻ പറഞ്ഞത് പോലെ അവൾ ചെയ്ത് പുറത്തേക്ക് നടന്നു.... അവര് കാറിൽ കയറി പോകുന്നത് മകളിൽ നിന്ന് കണ്ട ഫിദ ദേഷ്യം കൊണ്ട് അവിടെ ഉള്ള ഫ്ലവർ വേസ് എടുത്ത് നിലത്തേക്ക് എറിഞ്ഞു... അവളുടെ തല മുടി പിടിച്ചു വലിച്ചു കൊണ്ടിരുന്നു.... മുകളിൽ നിന്ന് ശബ്ദം കേട്ട് ഓടി വന്ന സഫിയ ഫിദയുടെ ഭാവ വിത്യാസം കണ്ട് ഒന്ന് നെട്ടി... ആഗ്രഹിച്ചത് എന്തും അവൾക്ക് നേടി കൊടുത്തിട്ടൊള്ളു അവളുടെ ഉമ്മയും ഉപ്പയും... അവൾ ആഗ്രഹിച്ചത് കിട്ടാതെ അയാൾ അവളുടെ ശരീരം തന്നെ വേദനിപ്പിക്കുന്ന ഒരു അവസ്ഥയിൽ എത്തും.... സഫിയ പെട്ടന്ന് അവളുടെ അടുത്ത് ചെന്ന് അവളെ ചേർത്തു പിടിച്ചു.... ഫിദ നീ എന്താണ് ഈ കാണിക്കുന്നത് മോളെ.... എനിക്ക് ഇത് കാണാൻ വയ്യല്ലോ റബ്ബേ... എനിക്ക് അവളെ കൊല്ലണം... അവൾ ഇനി ജീവിച്ചിരിക്കാൻ പാടില്ല... സഫിയയെ തള്ളി മാറ്റി ഭ്രാന്തമായി അവൾ അത് പറയുബോൾ സഫിയ പേടിയാലേ അവളെ നോക്കി നിന്നു..... തുടരും....❣️ ♥️Like 💌comment 📤share #📔 കഥ #കഥ #നോവൽ 𝗙𝗼𝗹𝗹𝗼𝘄 ╰┈➤