⛳ आजचे शिव'कालीन ऐतिहासीक दिनविशेष ⛳ 📜 ३० मे इ.स.१६६४ (ज्येष्ठ वद्य प्रतिपदा, शके १५८६, संवत्सर क्रोधी, वार सोमवार) महाराज किल्ले सिंहगडावर! ज्ञजसवंतसिंह किल्ले सिंहगडाचा वेढा उठवून निघून गेल्याचे कळताच तिसऱ्याच दिवशी खासे महाराज किल्ले सिंहगडावर आले. आपल्या शुर मावळ्यांची त्यांनी पाठ थोपटली आणि मोगली संकटाचे सावट दूर झाल्याचा आनंद लगेच अहमदनगर वर धाड घालून साजरा केला. मराठी फौजांची सर्वत्र विलक्षण दहशत बसली होती. महाराजांचे विजयी अश्व रोखायला आता कुणीच धजत नव्हता. महाराजांची स्वारी दौलताबादकडे झुकणार अशाही वार्ता याच सुमारास सर्वत्र पसरलेल्या होत्या. 🏇🚩🏇🚩🏇🚩🏇🚩🏇 https://www.instagram.com/the_great_maratha_warriors/ #🗿शिवकालीन पुराणवस्तू #🙏शिवदिनविशेष📜 #🚩छत्रपती संभाजी महाराज स्टेटस🙏 #🙏शिवाजी महाराज वॉलपेपर #🚩शिवराय https://wa.me/message/Y2WBK2HSVXL5I1 शिव दिनविशेष Video Link🔗 https://youtu.be/QIPgAYXrbkc 📜 ३० मे इ.स.१६६५ किल्ले पुरंदरावर मोगली सैन्याने सफेद बुरूजाच्या उंचीएवढा लाकडी फळ्यांचा दमदमा उभा केला. किल्ले पुरंदर मोगलांच्या हाती येण्याचे कुठलेच चिन्ह दिसेना. मराठे सफेद बुरूजाच्यावरून प्रभावी उत्तर देत होते. हा बुरुज नष्ट केल्याविना पाऊल पुढे पडणे अशक्य आहे हे दिलेरखानाच्या लक्षात आले. त्याची मती गुंग झाली. मिर्झाराजे जयसिंगही विचारात पडले. अखेर सफेद बुरूज उध्वस्त करण्यासाठी एक युक्ती त्यांना सापडली. या बुरुजाच्याच उंचीचा लाकडे व फळ्यांचा एक दमदमा उभारून त्यावरून सफेद बुरुजावर तोफा डागायच्या! लगेच असा दमदमा उभारण्यासाठी हुकुम सुटला. हा दमदमा उभारला जाऊ नये म्हणून मराठे सफेद बुरुजावरून जबरदस्त मारा करीत होते. पण मोगलांनी चिवटपणे व नुकसानीची पर्वा न करता अखेर दि. ३० मे इ.स.१६६५ रोजीच्या सायंकाळी सफेद बुरूजाच्या उंचीएवढा लाकडी फळ्यांचा दमदमा उभा केला. 🏇🚩🏇🚩🏇🚩🏇🚩🏇 📜 ३० मे इ.स.१६७४ (ज्येष्ठ शुद्ध षष्ठी, शके १५९६, संवत्सर आनंद, वार शनिवार) शिवराज्ञी सोयराबाईसाहेब यांच्याशी समंत्रक विवाह लावण्यात आला. गागाभट्टांच्या मार्गदर्शनानूसार समंत्रक मुंज झाल्यानंतर महाराजांचे सोयराबाईसाहेब यांच्याशी विधीवत पुन्हा लग्न लावण्यात आले. आणि सोयराबाईसाहेब यांना ज्येष्ठ राणीसाहेब हा किताब मिळाला. 🏇🚩🏇🚩🏇🚩🏇🚩🏇 📜 ३० मे इ. स.१६८८ छत्रपती संभाजी महाराजांचा संकराजी जुंझारराऊ देशमुख कानदखोरे यांस कौलनामा! ज्येष्ठ शुद्ध. ११ मोगलांकडून परत स्वराज्यात आलेल्या लोकांना अभय देऊन त्यांना परत आपली शेतीवाडी करावी म्हणून छत्रपती संभाजी महाराजांनी आज्ञा दिल्या. उदा.- संकराजी जुंझारराऊ देशमुख-कानदखोरे यांना छत्रपती संभाजी महाराजांनी कौलनामा दिला. हा कौलनामा इतिहासात उपलब्ध आहे. 🏇🚩🏇🚩🏇🚩🏇🚩🏇 📜 ३० मे इ.स.१८०८ बापु गोखलेंनी वासोटा ताब्यात घेतला... "बापू विरुद्ध प्रतीनिधी व ताई तेलीण... प्रतिनिधी पद :- मुळात छत्रपती शिवाजी महाराजांच्या अष्टप्रधान मंडळात प्रतिनिधी हे पद नाही. १६८९ ते १७०० या दरम्यान छत्रपती राजाराम जिंजीस आश्रयास गेलेला असताना हे पद निर्माण करण्यात आले. राजारामच्या अनुपस्थितीत प्रतिनिधीच्या आज्ञेत सर्वांनी राहावे व राज्य कारभार चालवावा असा संकेत ठरला. त्यामुळे प्रतिनिधी हा पेशवे व इतर मंत्र्यांच्या ही वरच्या हुद्द्याचा होता. रावबाजीचा संबंध प्रतिनिधीशी आला त्याचे नाव परशुराम पंत. हा अत्यंत हूड प्रवृत्तीचा असल्याने नाना फडणीसाने त्याला पुण्यास आपल्या नजरेखाली ठेवले होते. १७९५ मध्ये हा परशुराम १८ वर्षाचा झाला व स्वतः काभार पाहू लागला. त्यानेच नेमलेला कारभारी बळवंतराव आणि त्याची स्वतः ची आई यांच्या सल्ल्याने कारभार चालू झाला. पण पुढे परशुरामाचे त्यांच्याशी पटेना. कारभारी बळवंतराव आणि त्याची स्वतःची आई रावबाजीकडे परशुरामाच्या तक्रारी करत असत. तेव्हा रावबाजीने शिंद्यांच्या मदतीने त्याच्या वाड्याला वेढा घातला व कारभारी बळवंतराव आणि आई यांच्या आज्ञेतच राहीन असे परशुरामाकडून वचन घेऊनच उठवला. मात्र आपले वचन पाळले नाही व पुन्हा आपले रंग तो दाखू लागला (१८०३). त्याला वठणीवर आणण्यासाठी पेशव्याने बापूस पाठवले. बापूचे प्रत्यक्षात प्रतिनिधीशी काही वैयक्तिक वैर नव्हते. बहुदा नाईलाजास्तव ही कामगिरी स्वीकारली. १८०४ ते १८०८ अशी प्रलंबित हि कारवाई होती. १८०७ मध्ये ताई तेलीण हिने स्वतःची फौज जमवली व प्रतिनिधीच्या जहागिरीचे रक्षण करण्यासाठी शस्त्र उपसले. वासोटा हा दुर्गम दुर्ग तिने आपली लष्करी राजधानी केली. शिवाय आजूबाजूच्या ३०-४० मैलाचा प्रदेश हि ताब्यात घेतला. बापूने तिच्या विरुद्ध मोहीम उघडली आणि वासोटा सोडून बहुतेक सर्व प्रदेश मुक्त केला. मार्च १८०८ पासून बापूने वासोट्या वर कारवाई तीव्र केली. ताई तेलीणीने कडवा प्रतिकार करीत किल्ला लढवला. अखेर उपासमारीने हतबल होऊन ३० मे १८०८ रोजी तिने शरणागती पत्करली आणि वासोटा बापूच्या ताब्यात आला. https://youtu.be/QIPgAYXrbkc 🏇🚩🏇🚩🏇🚩🏇🚩🏇 YouTube चैनल वर हि video स्वरूपात शिवदिनविशेष पाहू शकता खालील लिंक वर👇 https://youtube.com/c/thegreatmarathawarriors . . . 👉अतिशय महत्त्वाचे : सर्व शिवप्रेमींना विनंती आहे या पोस्ट मध्ये कोणीही आपली स्वताची प्रसिध्दी करु नये. 🏇🚩🏇🚩🏇🚩🏇🚩🏇 ✍ लेखन / माहिती संकलन : राहूल बोरसे पाटील. शिवकालीन दिनविशेष व इतिहासावरील दर्जेदार माहिती https://www.facebook.com/TheGreatMarathaWarriorss/ 🏇🚩🏇🚩🏇🚩🏇 🚩🏇 ☀🚩⚔️|| हर हर महादेव, जय श्रीराम || || जय भवानी, जय शिवाजी.||⚔️🚩☀