#📙 നോവൽ - മുറ ചെറുക്കൻ...... 🔻 ഭാഗം _67 ✍️ രചന - Aysha akbar അതിരാവിലെ കുളത്തിൽ പോയി ഇഷാനി മുങ്ങി കുളിച്ചു ...... കൂടെ മീനുവും മാളുവുമുണ്ട്..... ഈ കുളത്തിൽ നിന്ന് തുടങ്ങിയ ബന്ധമാണ് നിങ്ങളുടേത് അല്ലെ....... മീനു ചിരിയോടെ അത് ചോദിച്ചതും ഇഷാനിയുടെ കണ്ണുകളിൽ നാണം പരന്നു.... അവൾ പതിയെ വെള്ളത്തിലൊന്ന് കൈ വിരലുകൾ ചലിപ്പിച്ചു....... ദേ... വേഗം കയറിക്കെ..... ഒരുങ്ങാൻ സമയം കിട്ടില്ല പറഞ്ഞേക്കാം....... മാളു പടവിലേക്ക് കയറിയത് പറയുമ്പോൾ തണുത്ത ആ വെള്ളത്തിൽ നിന്ന് വിറക്കുന്ന കാലുകളാൽ ഇശാനിയും കയറി....... വെള്ളത്തിന്റെ തണുപ്പിന്നേക്കാൾ മനസ്സിൽ നിറഞ്ഞു നിൽക്കുന്നൊരു തണുപ്പുണ്ട്.......മുടി തുമ്പിൽ നിന്നൂർന്നു വീഴുന്ന വെള്ള തുള്ളികൾ പോലെ ഉള്ളിലെ തണുപ്പൂർന്നു പോകാതെ അവൾ പിടിച്ചു വെച്ചു..... ഒരുങ്ങാൻ കയറും മുൻപ് അവനെയൊന്ന് കാണണമെന്ന് തോന്നിയിരുന്നവൾക്ക്...... പക്ഷെ അവനെങ്ങും ഉണ്ടായിരുന്നില്ല....... സച്ചു മുല്ലപ്പൂ വാങ്ങാൻ പോയിട്ടിത് വരെ വന്നില്ലേ.... തനൂജ അത് ചോദിക്കുമ്പോഴാണ് അവനിവിടെയില്ലെന്നുള്ളത് അവളറിയുന്നത് ..... ഒരുക്കാനുള്ള ബ്യൂട്ടിഷന്റെ കൂടെ അവൾ മുറിയിലേക് കയറി...... മീനുവും മാളുവും തനൂജയും ഗായത്രിയും ആ മുറിയിലേക് കയറി വത്തിലടച്ചിരുന്നു..... അവൾ കണ്ണാടിക്ക് മുന്നിലെ കസേരയിൽ ഒന്നിരുന്നു...... സ്വർണ നിറമുള്ള രശ്മികൾ ഭൂമിയെ വിട്ട് പോയിട്ടില്ല...... കുളിരിൽ പൊതിഞ്ഞ ഒരു ചെറു ചൂടിലാണ് അന്തരീക്ഷം..... ചെടികൾ ചെറുതായി ഇളകുന്നുണ്ട്...... ഇലകളിൽ പറ്റി പ്പിടിച്ച മഞ്ഞു തുള്ളിയെ കൂടയാനെന്ന വണ്ണം...... തുറന്നിട്ട ജന വാതിലിലൂടെ അവളുടെ കണ്ണുകൾ പൂത്തു നിൽക്കുന്ന കൃഷ്ണ ക്കിരീട പൂക്കളിൽ തറഞ്ഞു നിന്നു..... പ്രണയർദ്രമായി അവ തന്നെ നോക്കുന്നത് പോലെ അവൾക്ക് തോന്നി...... അവയിൽ പറ്റി പ്പിടിച്ച ആ മഞ്ഞു കണങ്ങളിൽ തട്ടി തന്റെ കണ്ണുകൾ തിളങ്ങുന്നത് പോലെ..... അവൾ പോലുമറിയാതെ അവളിലൊരു പുഞ്ചിരി തെളിഞ്ഞു....... അപ്പോഴാണ് ജന വാതിലിൽ പെട്ടെന്ന് അവൻ വന്നു നിന്നത്...... അവളുടെ കണ്ണുകൾ വല്ലാതെ വിടർന്നു........ പെട്ടെന്ന് കണ്ടതിലുള്ള അവളുടെ കണ്ണുകളിലെ തിളക്കം അവനും ഒന്ന് നോക്കി നിന്നു....... എന്താ സച്ചു...... തനൂജ ചോദിച്ചതും അവൻ കയ്യിലെ മുല്ല പ്പൂ ജനലിലൂടെ അവർക്ക് നേരെ നീട്ടി കാണിച്ചു..... ഇഷാനി....അത് വാങ്ങി ടേബിളിൽ വെച്ചേക്ക്..... സാരി നിവർത്തുന്ന തിരക്കിൽ തനൂജ അത് പറഞ്ഞതും ഇഷാനി പെട്ടെന്ന് എഴുന്നേറ്റു....... അവൾ ജനലിനോട്‌ ചേർന്നു നിന്നു...... അവൻ വല്ലാത്തൊരു ഭാവത്തൊടെ എന്തെന്ന അർത്ഥത്തിലൊന്നു പുരികമുയർത്തുമ്പോൾ അവളതേ പുഞ്ചിരിയോടെ ഒന്ന് ചുമൽ കൂച്ചി..... മുല്ലപ്പൂ അവളുടെ കയ്യിലേക്ക് വെച്ചു കൊടുക്കുമ്പോഴും ആ കണ്ണുകളിൽ അടക്കി പ്പിടിച്ച വികാരങ്ങളുടെ തിങ്ങൽ ഇഷാനിക്കറിയാൻ കഴിയുന്നുണ്ടായിരുന്നു.... അവളും അവനെയൊന്ന് നോക്കി..... പോട്ടെ എന്ന തരത്തിൽ അവനൊന്നു മിഴികൾ ചലിപ്പിച്ചു കൊണ്ട് തിരിഞ്ഞു നടക്കുമ്പോൾ മുല്ലപ്പൂ കയ്യിൽ പിടിച്ചു ഭംഗിയുള്ള ചിരിയോടെ ഇഷാനീ അങ്ങനെ നിന്നു..... താൻ ജീവിച്ച ജീവിതത്തിൽ നിന്ന് ഇത്രയേറെ സന്തോഷത്തിലേക്ക് എത്തുമെന്ന് കരുതിയിട്ടേ യില്ലായിരുന്നു........ അവളുടെ കണ്ണുകൾ എന്തിനോ നിറയാൻ വെമ്പുന്നത് പോലെ.... ആരും കാണാതെ അവൾ പതിയെ അത് തുടച്ചു...... സ്വർണ നിറത്തിലുള്ള സാരി ചുറ്റി തലയിൽ മുല്ലപ്പൂ ചൂടി കല്യാണ പെണ്ണ് ഒരുങ്ങി...... ഗായത്രി യുടെ കണ്ണുകൾ ഒന്ന് നിറഞ്ഞു....... തനൂജയും ചേർത്ത് പിടിച്ചവളുടെ മൂർദ്ധാവിൽ ചുംബിച്ചു........ ദക്ഷിണ വെച്ചു മുത്തശ്ശിയുടെയും ഗോപിയുടെയും കാലിൽ വീഴുമ്പോൾ അവരെറേ സ്നേഹത്തോടെ അവളെ അനുഗ്രഹിച്ചു........ എഴുന്നേറ്റ് നിൽക്കാൻ വയ്യാതെ ഇരിക്കുകയായിരുന്ന ഗോപി അവളെ തന്നിലേക്ക് ചേർത്ത് പിടിച്ചു....... അപ്പോഴാണ് സച്ചു അങ്ങോട്ട് വരുന്നത്...... ഒരു നിമിഷം അവളെ കണ്ട അവനൊന്നു നോക്കി പ്പോയി.... നോക്കി നിൽക്കണമെന്നുണ്ടായിരുന്നെങ്കിലും അവനൊരു ചമ്മൽ തോന്നിയത് കൊണ്ട് തന്നേ കൂടുതൽ നേരം നോക്കി നിന്നില്ല..... അവനെ കണ്ടപ്പോഴായിരുന്നു ഇഷാനിയുടെ കണ്ണിലെ തിളക്കം കൂടിയത് .... സധ്യയുടെ കാര്യങ്ങളൊക്കെ ശെരിയാക്കിയോഡാ....... ഗോപിയത് ചോദിച്ചതും അവനൊന്ന് തല കുലുക്കി...... ഗോപി വീണ്ടും ചോദിക്കുന്നതിനെല്ലാം മറുപടി പറയുന്നുണ്ടെങ്കിൽ കൂടി ഇടയ്ക്കിടെ നോട്ടം അവളിലേക്ക് പാറി വീഴുന്നുണ്ടായിരുന്നു..... അതറിയും തോറും അവൾക്കും മുഖമുയർത്താൻ കഴിഞ്ഞിരുന്നില്ല........ നാണം നിറഞ്ഞ ആ ചിരി ചുറ്റുമുള്ളവർ കാണുന്നതിൽ അവൾക്കും ചമ്മൽ തോന്നിയിരുന്നു ........ അമ്പലത്തിലേക്ക് പോകാൻ കാറിൽ കയറിയപ്പോഴാണ് സച്ചു അവളെ ശെരിക്കൊന്ന് കണ്ടത്..... സ്റ്റിയറിങ്ങിൽ കൈ മുട്ട് വെച്ചു താടിക്ക് കൈ കൊടുത്തു കൊണ്ട് അവൻ അവളെ തന്നെയൊന്ന് നോക്കി...... അവന്റെ നോട്ടത്തിൽ അവളാകെ പതറി പ്പോയിരുന്നു...... കണ്ണുകൾ ഒരിടത്ത് ഉറക്കുന്നില്ല ..... ചുണ്ടുകളേറെ വിതുമ്പുന്നു..... ഉള്ളിലെവിടെയോ ഒരു മഞ് പെയ്യുന്നത് പോലെ..... അപ്പോഴേക്കും മീനുവും മാളുവും വന്ന് അവരുടെ പിറകിലെ സീറ്റിലേക്ക് കയറിയിരുന്നു...... സച്ചു വേഗം നോട്ടം വെട്ടിച്ചു കൊണ്ട് കാർ സ്റ്റാർട്ട്‌ ചെയ്തു........ മഞ്ഞ ചരടിൽ കോർത്ത ആ താലി അവനവളുടെ കഴുത്തിലേക്ക് ചേർക്കുമ്പോൾ സന്തോഷം അവളുടെ കണ്ണുകളിൽ അല തല്ലി..... അവനും വല്ലാത്തൊരു ഭാവത്തോടെ അവളെ നോക്കി...... ഗായത്രി നിറ കണ്ണുകളൊന്നൊപ്പി..... ആ സമയം അവിടെയെത്തിയ ഋതിൻ ഫോണിൽ മനോഹരമായി അവരുടെ ചിത്രങ്ങൾ പകർത്തി..... ഹൃദയത്തിലേക്കുമെന്നോണം...... ഒരു നുള്ള് സിന്ദൂരം അവനവളുടെ നെറുകിൽ ചാർത്തുമ്പോൾ ഈ ലോകം തന്റെ മുമ്പിൽ ഒന്നുമല്ലാതായത് ഇഷാനിയറിഞ്ഞു....... മുത്തശ്ശിയും ഗോപിയും തനൂജയുമെല്ലാം സന്തോഷത്തോടെ അവരെ നോക്കി കണ്ടു...... മീനുവും മാളുവും ഓടി ചെന്നവരെ കെട്ടി പ്പിടിച്ചു...... അപ്പോഴാണ് എല്ലാവരും ഋതിനെ കാണുന്നത്...... എല്ലാവരും ഒരു നിമിഷം അവനെയൊന്നു നോക്കി...... അവനൊന്നു മുമ്പോട്ട് വന്നു....... എല്ലാവരുടെയും കണ്ണുകൾ അവനിലാണ്...... അവൻ ഇഷാനിയുടെ കയ്യൊന്ന് പിടിച്ചു സച്ചുവിന്റെ കയ്യിലേക്ക് വെച്ചു കൊടുക്കുമ്പോൾ എല്ലാവരും ഞെട്ടി പോയിരുന്നു....... അതിലേറെ സന്തോഷം കൊണ്ട് എല്ലാവരുടെയും മിഴികൾ നിറഞ്ഞു തുളുമ്പി...... ജീവിതത്തിൽ ഒരു സന്തോഷവും ഇന്നേ വരെ അറിഞ്ഞിട്ടില്ലിവൾ.... അതിന് ഞാൻ കൂടി കാരണമാണെന്ന സത്യം എന്നേ വല്ലാതെ വേദനിപ്പിക്കുന്നുണ്ട് ..... ഇനിയെങ്കിലും അവൾക്ക് സന്തോഷം കൊടുക്കണേ..... ഋതിൻ സച്ചുവിനോടായത് പറയുമ്പോൾ അവന്റെ കണ്ണുകൾ നിറഞ്ഞു വന്നിരുന്നു....... ഇഷാനി യുടെ കണ്ണും നിറഞ്ഞൊഴുകി...... അവൾ ഋതിനെ കെട്ടി പിടിക്കുമ്പോൾ ആ പഴയ അനിയനെ തിരിച്ചു കിട്ടിയത് അവൾ തിരച്ചറിയുക യായിരുന്നു ........ ഗായത്രി സന്തോഷം കൊണ്ടും സങ്കടം കൊണ്ടും വിങ്ങി പ്പൊട്ടി..... .....താങ്ക് യു.... ഒരിക്കലും നടക്കില്ലെന്ന് കരുതിയ കാര്യം നടത്തിയെടുത്തതിന്..... താങ്ക് യു സൊ മച്......... നിങ്ങൾ സൂപ്പറാ..... ഇവളുടെ സെലെക്ഷൻ മോശമല്ല......... ഋതിൻ സച്ചുവിന്റെ കയ്യിൽ പിടിച്ചൊരു ചിരിയോടെ അത് പറയുമ്പോൾ സച്ചു ഒരു ചിരിയോടെ അവനെ കെട്ടി പ്പിടിച്ചു..... ഇത് വരെയുള്ള എല്ലാം അലിഞ്ഞു തീർന്നെന്ന വണ്ണം ആ ബന്ധത്തിന്റെ തുടക്കം ഏറെ മനോഹരമായിരുന്നു ..... ഗായത്രി അപ്പൊ തന്നെ താലി കെട്ടിന്റെ ഫോട്ടോ രവിക്കൊന്ന് അയച്ചു കൊടുത്തു.. ആശുപത്രി ബെഡിൽ കിടന്നു കൊണ്ടത് കണ്ട രവി അലറി വിളിച്ചു..... ടേബിളിലെ മരുന്നും എക്യുപ്പ് മെന്റ്സും കൈ കൊണ്ട് തട്ടിയിട്ടു...... ഗായത്രിയുടെ ഹൃദയത്തിൽ നിറഞ്ഞൊരു നിർവൃതി യുണ്ടായിരുന്നപ്പോൾ..... വർഷങ്ങൾക്ക് ശേഷം താൻ ജീവിച്ചിരിപ്പുണ്ടെന്ന തോന്നൽ വന്നിരുന്നവർക്ക്......... (തുടരും) Aysha Akbar #💞 പ്രണയകഥകൾ #📔 കഥ