" മോനെ ചായ കുടിച്ചിട്ട് പോകാം... "- ഷീജ അവൻ ഇറങ്ങുന്നത് കണ്ട് സ്നേഹത്തോടെ വിളിച്ചു... " വേണ്ട ആന്റി.. ഞാൻ ചായ കുടിക്കില്ല... " " എങ്കിൽ പാൽകാപ്പി ഇടട്ടെ... " " വേണ്ട ഞാൻ അതൊന്നും കുടിക്കാറില്ല..."- അവൻ അവരുടെ മുഖത്ത് നോക്കാതെ പറഞ്ഞുകൊണ്ട് മേരിയുടെ വീട്ടിലേക്കു നടന്നു...അവൻ പോകുന്നതും നോക്കി വിഷമത്തോടെ അവർ നിന്നു... പിന്നെ സാരിതലപ്പ് കൊണ്ട് മുഖം തുടച്ചിട്ട് അവർ അകത്തേക്ക് കയറിപ്പോയി... അവൻ ചെന്നു കാളിങ് ബെൽ അടിച്ചതും പതിനെട്ടു വയസ്സ് പ്രായം തോന്നിക്കുന്ന ഒരു പെൺകുട്ടി ഇറങ്ങിവന്നു... " ഹെലോ സ്നേഹകുട്ടി... "- അവൻ ചിരിച്ചുകൊണ്ട് അവളുടെ തോളിൽ കൂടെ കൈയിൽ ഇട്ടു... "വിക്കിച്ചാച്ചാ..."- അവളും ചിരിച്ചുകൊണ്ട് അവനെ ചേർത്തുപിടിച്ചു... " മമ്മി എവിടെടി... " " അടുക്കളയിൽ ഉണ്ട് വാ... ചേച്ചി എവിടെ."- അവൻ സംശയത്തോടെ ചോദിച്ചു... " മുറിയിൽ ഉണ്ട്.. കുളിക്കുവാണെന്നു തോന്നുന്നു....ഞാൻ പിന്നെ ഒറ്റക്ക് ഇരുന്നപ്പോൾ ഇങ്ങോട്ട് വരാമെന്നു കരുതി... " ആഹ്ഹ് നീയോ വാ... "-അവന്റെ സൗണ്ട് കേട്ടതും മേരി അടുക്കളയിൽ നിന്നും ഇറങ്ങിവന്നുകൊണ്ട് ചോദിച്ചു... " എന്തേയ് വന്നത് ഇഷ്ടമായില്ലേ... " " അയ്യോ ഇഷ്ടമായെ... "- അവർ കളിയാക്കികൊണ്ട് പറഞ്ഞു... അവൻ അവരുടെ കൂടെ അടുക്കളയിലെ സ്ലാബിൽ കയറി ഇരുന്നു... "ആന്റി ഇവള് പഠിക്കുന്നുണ്ടോ... അതോ എപ്പോഴും മൊബൈൽ ആണോ..." " ബെസ്റ്റ്... പഠിത്തം എന്തുവാണെന്നു പോലും ഇവൾക്ക് അറിയുമോ എന്നാ എന്റെ സംശയം... ഇരുപത്തിനാല് മണിക്കൂറും മൊബൈലിൽ തന്നെയാ... "- മേരി അവളെ നോക്കിക്കൊണ്ട് പറഞ്ഞു... " ചുമ്മാതെയാ ചാച്ചാ.. ഞാൻ പഠിക്കുന്നുണ്ട്... ഞാൻ പുസ്തകം എടുക്കുന്നത് മമ്മി കാണില്ല... ഞാൻ എപ്പോ മൊബൈൽ എടുക്കുന്നു എന്ന് നോക്കി ഇരിക്കുവാ ഈ മമ്മി... അത് മാത്രമേ ഈ മമ്മി കാണുന്നുള്ളൂ... "- അവൾ പരിഭവത്തോടെ പറഞ്ഞു.... " മൊബൈൽ നോക്കുന്നത് ഒക്കെ കൊള്ളാം എഞ്ചിനീറിങ്ങിൽ സപ്ലി വന്നാലാ എന്റെ കൈയിൽ നിന്നും കിട്ടാൻ പോകുന്നത്... "-അവൻ കപട ദേഷ്യത്തോടെ പറഞ്ഞു... " എനിക്ക് സപ്ലി ഒന്നും വരില്ല..ഇനി ഇപ്പൊ വന്നാലും പേടിക്കണ്ടലോ..."- അവൾ ചിരിച്ചുകൊണ്ട് പറഞ്ഞു... " അതെന്താ... " " സപ്ലി വന്നാൽ.. അത് എഴുതി എടുക്കുന്നതുവരെ ചാച്ചന്റെ കമ്പനിയിൽ ജോലിക്ക് കയറാമലോ... " എന്നാരു പറഞ്ഞു... "- അവൻ ചിരിച്ചുകൊണ്ട് ചോദിച്ചു... " ഞാൻ പറഞ്ഞു...'- അവളും ചിരിച്ചുകൊണ്ട് മറുപടി പറഞ്ഞു.... " സപ്ലി ഉള്ളവരെ ഒന്നും ഞാൻ അവിടെ ജോലിക്ക് കയറ്റാൻ ഉദ്ദേശിച്ചിട്ടില്ല... എന്റെ പൊന്നുമോള് അതും സ്വപ്നം കണ്ടു നടക്കേണ്ട... സപ്പ്ളി ഇല്ലെങ്കിൽ ഞാൻ നിന്നെ അവിടെ ജോലിക്ക് കയറ്റും... ഇല്ലെങ്കിൽ സപ്പ്ളി എഴുതി എടുക്കുന്നതുവരെ എന്റെ പൊന്നുമോള് വീട്ടിൽ നിൽക്കും... " ചാച്ചാ... "- അവൾ കൊഞ്ചിക്കൊണ്ട് വിളിച്ചു... " ഒരു ചാച്ചനും ഇല്ല... മര്യാദയ്ക്ക് അങ്ങോട്ട് പഠിച്ചാൽ മതി... "- അവൻ കപട ദേഷ്യത്തോടെ പറഞ്ഞു... " എനിക്ക് സപ്പ്ളി ഒന്നും വരില്ല... "- അവൾ മുഖം വീർപ്പിച്ചു... " ഇല്ലെങ്കിൽ നിനക്ക് കൊള്ളാം... "- അവനും പറഞ്ഞു... " വിക്കി... "- മേരി അവനെ വിളിച്ചതും അവൻ എന്താണെന്നുള്ള അർത്ഥത്തിൽ അവരെ നോക്കി... " എനിക്ക് നിന്നോട് സീരിയസ് ആയിട്ട് ഒരു കാര്യം പറയാൻ ഉണ്ട്... " അവിടുന്ന് വിളിച്ചു പറഞ്ഞുകാണും എന്നെ ഉപദേശിച്ചു നന്നാക്കാൻ... "- അവൻ പുച്ഛത്തോടെ പറഞ്ഞു... " പറഞ്ഞെങ്കിൽ എന്താ... അത് നിന്റെ പപ്പയും മമ്മിയും അല്ലേ... അവർക്ക് നിന്നെ ഉപദേശിക്കാൻ ഉള്ള അവകാശവും അധികാരവും ഇല്ലേ... " " ആന്റി... കുറച്ചു സമാധാനം കിട്ടാനാ ഞാൻ ഇങ്ങോട്ട് വന്നത്... അപ്പോ ആന്റിയും കൂടെ തുടങ്ങരുത്... " നിനക്ക് എന്ത് സമാധാനകേടാ വിക്കി ഉള്ളത്... അവള് നിന്റടുത് ഒന്നിനും വന്നില്ലല്ലോ... പിന്നെ ആരാ നിന്റെ സമാധാനം നശിപ്പിച്ചത്... ഞങ്ങൾ ആണോ..വിക്കി ദേ നീ സ്നേഹിച്ചിരുന്നവൾ നിന്നെ വേണ്ടെന്നു വെച്ചുപോയി...അവളോട്‌ ഇല്ലാത്ത എന്ത് ദേഷ്യമാ നിനക്ക് അപ്പുനോട് ഉള്ളത്... അല്ലെങ്കിൽ തന്നെ അപ്പു എന്ത് തെറ്റാ നിന്നോട് ചെയ്തത്... ഞാൻ കണ്ടായിരുന്നു....നീ അവളെ ഒന്ന് നോക്കുക പോലും ചെയ്തില്ല ഇന്ന്... അവളോട്‌ ഒന്ന് സംസാരിച്ചത് കൂടിയില്ല... കല്യാണത്തിന് വന്നവരെല്ലാം അടക്കം പറയുവായിരുന്നു..." " എന്ത്... "- അവൻ സംശയത്തോടെ ചോദിച്ചു... " നിർബന്ധിച്ചു കെട്ടിച്ചതാണോ നിങ്ങളെ എന്ന്... പുതുമോടിയുടെ ഒരു സന്തോഷമോ സംസാരമോ ഒന്നും നിങ്ങൾക്ക് ഇടയിൽ ഇല്ലായിരുന്നു.... " സത്യമല്ലേ അവർ പറഞ്ഞത്... നിർബന്ധിച്ചു കെട്ടിച്ചത് അല്ലേ... അവളുടെ കാര്യം എനിക്ക് അറിയില്ല...എന്നെ എല്ലാരുടെ നിർബന്ധിച്ചു കെട്ടിച്ചതാ....എന്തൊക്കെ ആയിരുന്നു എന്റെ വീട്ടിൽ ഓരോത്തരുടെ നാടകം... ഞാൻ അവളെ കെട്ടിയില്ലെങ്കിൽ പിന്നെ മമ്മി എന്ന് വിളിക്കരുത്... നിനക്ക് മമ്മിയും പപ്പയും ഇല്ല...ഹോ... എന്തൊരു ഇമോഷണൽ ഡ്രാമ ആയിരുന്നു...."- അവൻ പുച്ഛിച്ചു.... " വിക്കി എന്നായാലും നിനക്ക് ഒരു വിവാഹജീവിതം വേണ്ടേ... നിന്റെ പപ്പയും മമ്മിയും അത് ആഗ്രഹിക്കുന്നത് ഒരു തെറ്റാണോ..അവർക്കും ആഗ്രഹം കാണില്ലേ അവരുടെ മക്കളുടെ ജീവിതം കാണാൻ... അത് നിനക്ക് ഇപ്പോ മനസിലാകില്ല... നീയും നാളെ ഒരു അപ്പൻ ആകും.. അന്നേ നിനക്ക് അതിന്റെ വിഷമം മനസിലാകുള്ളൂ.... " ഏയ് ഒരിക്കലും എനിക്ക് ഒന്നും മനസിലാകില്ല....അവരാണ് ശെരി... അവര് മാത്രമാ ശെരി...പിന്നെ ഞാൻ ഒരു അപ്പൻ ആകുന്നത്....അതൊരു സ്വപ്നം മാത്രം ആയിരിക്കും...."- അവൻ പുച്ഛിച്ചു... " വിക്കിച്ചാച്ച അപ്പു ചേച്ചി പാവമാ ചാച്ചാ.... " പാവയ്ക്കെയാ... " " വിക്കി... ചുമ്മാ കാര്യം അറിയാതെ നീ പറയരുത്... ഞങ്ങൾക്കെല്ലാം അപ്പുവിനെ നന്നായിട്ട് അറിയാം... അവൾ പാവമാ... " " അതിനിപ്പോ ഞാൻ എന്തുവേണമെന്ന നിങ്ങൾ ഈ പറയുന്നത്... " നീ ഒന്നും ചെയ്യണ്ട... അവളോട്‌ നിന്റെ ഈ ദേഷ്യം കാണിക്കാതെ ഇരുന്നാൽ മതി... " അതൊന്നും പറ്റില്ല... എനിക്ക് ആരുടെയും മുമ്പിൽ അഭിനയിക്കാൻ ഒന്നും അറിയില്ല... ഞാൻ ഇങ്ങനെയാ.. ദേഷ്യം വന്നാൽ ഞാൻ ദേഷ്യപെടുക തന്നെ ചെയ്യും... എനിക്ക് അത് മാറ്റാൻ പറ്റില്ല.... " നീ ദേഷ്യപെടേണ്ട എന്ന് ഞാൻ പറയില്ല... അത് വെറുതെ ആവരുത് എന്നേ ഉള്ളു... " ഹ്മ്മ്... ആലോചിക്കാം.... " അവൾ എവിടെ... നീ എന്താ വന്നപ്പോ അവളെ കൂടെ കൊണ്ടുവരാഞ്ഞത്... " ഞാൻ എന്തിനാ കൊണ്ടുവരുന്നത്... അവൾക്കു കാൽ ഇല്ലേ നടന്നു വരാൻ... " വിക്കി നിനക്ക് എന്താ...'- മേരി ദേഷ്യത്തോടെ ചോദിച്ചു.. " ആ ഞാൻ ഇറങ്ങിയപ്പോ അവൾ കുളിക്കാൻ കയറി.. ഞാൻ വന്നത് അറിഞ്ഞുകാണില്ല... "- അവൻ വലിയ മൈൻഡ് ഇല്ലാതെ പറഞ്ഞു... " എങ്കിൽ അങ്ങനെ പറയ്... അല്ലാതെ എന്തേലും പറയുമ്പോ ചാടി കടിക്കാൻ നിൽക്കരുത്...."- അവർ കുറച്ചു ദേഷ്യത്തോടെ പറഞ്ഞതും അവർ ഒന്നും മിണ്ടിയില്ല.... അവൾ കുളിച്ച് ഒരു ലെഗ്ഗിൻസും ടോപ്പും ഇട്ടുകൊണ്ട് ഇറങ്ങി... കണ്ണുകൾ ചുവന്നു നിറഞ്ഞിരിക്കുവായിരുന്നു.... അവൾ കണ്ണുകൾ വീണ്ടും വെള്ളത്തിൽ കഴുകി... മനസിനെ ഒന്ന് ശാന്തമാക്കികൊണ്ട് അവൾ താഴേക്കു നടന്നു.... അവൾ ചെന്നപ്പോൾ ഷീജ അടുക്കളയിൽ എന്തോ ഉണ്ടാക്കുവായിരുന്നു.... " ആ മോള് വന്നോ... മോൻ അപ്പുറത്തേക്ക് പോയി..ചായയും കാപ്പിയും ഒന്നും വേണ്ടെന്നു പറഞ്ഞു.... "- അവർ അവളെ നോക്കി പറഞ്ഞതും അവൾ പൊട്ടികരഞ്ഞുകൊണ്ട് അവരുടെ മാറിലേക്ക് വീണു.... തുടരും ❤ #📔 കഥ #കഥ #നോവൽ #നോവൽ