Part 22 D അന്തമില്ലാത്ത വരികൾ - സഖിയുടെ സഖാവ് - ഒടുവിൽ…മൂന്ന് മണിയുടെ ബെൽ മുഴങ്ങി. ആ ശബ്ദം കേട്ടതും പലരുടെയും മുഖത്ത് ഒരു പുതിയ ആവേശം തെളിഞ്ഞു. തിരഞ്ഞെടുപ്പ് യോഗത്തിനായുള്ള സമയം എത്തിയിരുന്നു. ദേവും മറ്റ് കൂട്ടുകാരും പാർട്ടി ഓഫീസിലേക്ക് നടന്നു. തിരഞ്ഞെടുപ്പ് യോഗത്തിനുള്ള ഒരുക്കങ്ങൾ നേരത്തെ തന്നെ പൂർത്തിയാക്കിയിരുന്നു. ദേവും മറ്റ് പാർട്ടി പ്രവർത്തകരും അവിടെ സജ്ജരായി കാത്തുനിന്നു. അൽപസമയത്തിനകം നിയയും ലക്ഷ്മിയും പാർട്ടി ഓഫീസിലേക്ക് എത്തി. അവർ അകത്തേക്ക് കയറി, അന്തമില്ലാത്ത പുസ്തകം വെച്ച മേശക്ക് അരികിൽ ഒഴിഞ്ഞുകിടന്ന രണ്ട് സീറ്റുകളിൽ സ്ഥാനം പിടിച്ചു. ചുറ്റുമുണ്ടായിരുന്ന പ്രവർത്തകരുടെ സംസാരങ്ങളും തിരഞ്ഞെടുപ്പിന്റെ ആവേശവും ചേർന്ന് പാർട്ടി ഓഫീസിനുള്ളിൽ ഒരു പ്രത്യേക അന്തരീക്ഷം നിറഞ്ഞുനിന്നു. എന്നാൽ ആ തിരക്കിനിടയിലും… ദേവിന്റെ കണ്ണുകൾ ഒരു നിമിഷം ലക്ഷ്മിയിലേക്ക് നീങ്ങി. ലക്ഷ്മിയുടെ കണ്ണുകൾ അപ്പോഴും “അന്തമില്ലാത്ത വരികൾ” എന്ന പുസ്തകത്തിലേക്കായിരുന്നു. അവൾ ചുറ്റുമൊന്ന് നോക്കി. ആരും തന്റെ ശ്രദ്ധയിൽപ്പെടുന്നില്ലെന്ന് ഉറപ്പാക്കിയ ശേഷം, ലക്ഷ്മി പതിയെ “അന്തമില്ലാത്ത വരികൾ” എന്ന പുസ്തകം കൈയിലെടുത്തു. അറിയാതെ തന്നെ അവളുടെ വിരലുകൾ അവൾക്ക് ഏറെ പരിചിതമായ ആ താളുകളിൽ എത്തി നിന്നു. ആ വരികൾക്ക് മുന്നിൽ എത്തിയ നിമിഷം… അവളുടെ കണ്ണുകൾ വീണ്ടും ആ അക്ഷരങ്ങളിൽ പതിഞ്ഞു. അവൾ ആ വരികൾ വായിച്ചുകൊണ്ടിരിക്കെ… ഒരു നിമിഷം അവളുടെ കണ്ണുകൾ നിറഞ്ഞു. ആ കണ്ണുനീരിന് പിന്നിൽ സന്തോഷമായിരുന്നോ… വേദനയായിരുന്നോ… അതോ ദിവസങ്ങളായി കാത്തിരുന്ന ഒരു തിരിച്ചറിവായിരുന്നോ… ലക്ഷ്മിക്ക് പോലും മനസ്സിലായില്ല. തുടരും part 23 വായിക്കൂ…#📙 നോവൽ #💞 പ്രണയകഥകൾ #📔 കഥ #📝 ഞാൻ എഴുതിയ വരികൾ #തുടർകഥ

Part 22 C അന്തമില്ലാത്ത വരികൾ - സഖിയുടെ സഖാവ് - തിരഞ്ഞെടുപ്പിന്റെ ചൂട് അപ്പോഴേക്കും കോളേജ് ക്യാമ്പസിലാകെ പടർന്നിരുന്നു. ലക്ഷ്മിയുടെ മൗനവും പതിഞ്ഞ നടപ്പും കണ്ടപ്പോൾ നിയയ്ക്ക് അവളുടെ മനസ്സിലെ ആശയക്കുഴപ്പം മനസ്സിലായി. അവൾ പതിയെ ലക്ഷ്മിയോട് ചേർന്ന് നടന്നു. ചുണ്ടിൽ ഒരു ചെറുപുഞ്ചിരിയോടെ അവൾ പറഞ്ഞു, “നിന്റെ സഖാവിനെ… ഈ തിരഞ്ഞെടുപ്പിനിടയിൽ നമുക്ക് കണ്ടെത്താം.” ലക്ഷ്മി ഒന്നും പറയാതെ അവളെ നോക്കി. നിയ വീണ്ടും മൃദുവായി തുടർന്നു. “എന്തുകൊണ്ടോ… ഈ തിരഞ്ഞെടുപ്പിന്റെ ഏതെങ്കിലും ഒരു ദിവസം, നിന്റെ സഖാവ് നിന്റെ മുന്നിൽ പ്രത്യക്ഷപ്പെടുമെന്ന് എന്റെ മനസ്സ് പറയുന്നുണ്ട്.” ആ വാക്കുകൾ കേട്ടപ്പോൾ ലക്ഷ്മിയുടെ ഹൃദയം അറിയാതെ ഒന്നു പിടഞ്ഞു. അവൾ മറുപടിയൊന്നും പറഞ്ഞില്ല. പക്ഷേ, അവളുടെ മനസ്സിലും എവിടെയോ ഒരു ചെറിയ പ്രതീക്ഷയുടെ നാളം പതിയെ തെളിയാൻ തുടങ്ങി. മുത്തശ്ശിമാവിന്റെ ചുവട്ടിൽ നിന്ന് ദേവ് നേരെ പാർട്ടി ഓഫീസിലേക്ക് നടന്നു. അവിടെ എത്തി ചുറ്റുമൊന്ന് നോക്കിയ ശേഷം, മേശപ്പുറത്തിരുന്ന “അന്തമില്ലാത്ത വരികൾ” എന്ന പുസ്തകം പതിയെ കൈയിലെടുത്തു. പിന്നെ പുസ്തകം തുറന്ന്, അവൾക്കായി രണ്ട് വരികൾ മെല്ലെ കുറിച്ചു. പുസ്തകം പഴയതുപോലെ തന്നെ അടച്ചുവെച്ച്, ആരുടെയും ശ്രദ്ധയിൽപ്പെടാതിരിക്കാൻ സൂക്ഷിച്ച് അതേ സ്ഥാനത്ത് തിരിച്ചുവച്ചു. ശേഷം ഒരു ദീർഘനിശ്വാസം വിട്ട് ദേവ് പാർട്ടി ഓഫീസിലാകെ ഒന്ന് കണ്ണോടിച്ചു. വൈകുന്നേരം നടക്കാനിരുന്ന തിരഞ്ഞെടുപ്പ് യോഗത്തിനുള്ള ഒരുക്കങ്ങളെല്ലാം സ്വയം പരിശോധിച്ച് പൂർത്തിയാക്കി. എല്ലാം ശരിയാണെന്ന് ഉറപ്പാക്കിയ ശേഷം, ഒരിക്കൽ കൂടി ഓഫീസിലേക്ക് തിരിഞ്ഞുനോക്കി അവൻ പതിയെ പുറത്തേക്കിറങ്ങി. അധ്യാപകർ ഓരോ പീരിയഡ് കഴിഞ്ഞതോറും ക്ലാസുകൾ എടുത്തുകൊണ്ടിരുന്നു. പാഠങ്ങൾ മുന്നോട്ട് പോയെങ്കിലും, കുട്ടികളുടെ മനസ്സിലും ചിന്തകളിലും നിറഞ്ഞുനിന്നത് തിരഞ്ഞെടുപ്പ് മാത്രമായിരുന്നു. ക്ലാസ് മുറികളിലും വരാന്തകളിലും ഇടവേളകളിലും എല്ലാം അതേ ചർച്ചകൾ തന്നെ. സമയം പതിയെ മുന്നോട്ട് നീങ്ങി. ഒടുവിൽ…. തുടരും part 22 D വായിക്കൂ … #📙 നോവൽ #💞 പ്രണയകഥകൾ #📔 കഥ #📝 ഞാൻ എഴുതിയ വരികൾ #തുടർകഥ

Part 22 B അന്തമില്ലാത്ത വരികൾ - സഖിയുടെ സഖാവ് - ആ നിമിഷം… ഇരുവരുടെയും കണ്ണുകൾ തമ്മിൽ ഉടക്കി. ഒരു വാക്കുപോലും പറയാതെ… ആ നിശ്ശബ്ദതയിൽ ഒളിഞ്ഞിരുന്നത് ഒരായിരം ചോദ്യങ്ങളായിരുന്നു. അലി മറുപടിക്ക് പോലും കാത്തുനിൽക്കാതെ കോൾ കട്ട് ചെയ്തു. ഫോൺ പതിയെ താഴ്ത്തിയെങ്കിലും, ദേവ് ഇപ്പോഴും ആ ഞെട്ടലിൽ നിന്നു മുക്തനായിരുന്നില്ല. അലിയുടെ വാക്കുകൾ വീണ്ടും വീണ്ടും അവന്റെ മനസ്സിലൂടെ കടന്നുപോയി. “ലക്ഷ്മി… പുസ്തകം തുറക്കാൻ പോയതായിരുന്നു…” അവൻ അറിയാതെ വീണ്ടും ലക്ഷ്മിയെ നോക്കി. അപ്പോഴേക്കും ലക്ഷ്മി പതിയെ നിയയുടെ അടുത്തേക്ക് നടന്നു. “നിയ… നമുക്ക് പോകാം.” അവളുടെ ശബ്ദം പതിവുപോലെ ശാന്തമായിരുന്നെങ്കിലും, ഉള്ളിലെ ആശയക്കുഴപ്പം അത് മറച്ചുവെച്ചിരുന്നില്ല. നിയ ഒന്നും ചോദിക്കാതെ ചെറുതായി തലയാട്ടി. ഇരുവരും ക്ലാസിലേക്കായി പതിയെ നടന്നു. അവരെ പോകുന്നത് നോക്കി നിന്ന ദേവിന്റെ മനസ്സിൽ ഒരേയൊരു ചിന്ത മാത്രമായിരുന്നു… “അവൾ… എന്തെങ്കിലും കണ്ടോ?” ആ ചോദ്യത്തിന് ഉത്തരം കണ്ടെത്താനാകാതെ, അവന്റെ ഹൃദയം പതിവിലും വേഗത്തിൽ മിടിച്ചുകൊണ്ടിരുന്നു. സ്വബോധത്തിലേക്ക് തിരിച്ചെത്തിയതുപോലെ ദേവ് ഒരു ദീർഘനിശ്വാസം വിട്ടു. പിന്നെ നിയയെ നോക്കി പറഞ്ഞു. നിയ… ഇന്ന് വൈകുന്നേരം മൂന്ന് മണിക്ക് പാർട്ടി ഓഫീസിൽ തിരഞ്ഞെടുപ്പിന്റെ കാര്യങ്ങൾ സംസാരിക്കാൻ ഒരു ചെറിയ യോഗമുണ്ട്. കൃത്യസമയത്ത് തന്നെ എത്തണം.” “ശരി, ഞാൻ വരാം,” നിയ ചെറുതായി തലയാട്ടിക്കൊണ്ട് മറുപടി പറഞ്ഞു. ദേവ് വീണ്ടും ഒരിക്കൽ കൂടി ലക്ഷ്മി പോയ ദിശയിലേക്ക് നോക്കി. എന്നാൽ അവൾ അപ്പോഴേക്കും നിയയോടൊപ്പം ക്ലാസിലേക്ക് നടന്നിരുന്നു വരാന്തകളിലും ക്ലാസ് മുറികളുടെ മുന്നിലും മരച്ചുവട്ടിലുമായി വിദ്യാർത്ഥികളുടെ ചെറിയ ചെറിയ കൂട്ടങ്ങൾ രൂപപ്പെട്ടിരുന്നു. ക്യാമ്പസിന്റെ എല്ലാ മൂലയിലും തിരഞ്ഞെടുപ്പിനെക്കുറിച്ചുള്ള ചർച്ചകളായിരുന്നു. ആരൊക്കെ മത്സരിക്കും, ഏത് പാർട്ടിക്കാണ് മുൻതൂക്കം, ഇത്തവണ യൂണിയൻ ആരുടെ കൈകളിലെത്തും എന്നിങ്ങനെ ഓരോ കൂട്ടരും ആവേശത്തോടെ സംസാരിച്ചുകൊണ്ടിരുന്നു. തിരഞ്ഞെടുപ്പിന്റെ ചൂട് അപ്പോഴേക്കും കോളേജ് ക്യാമ്പസിലാകെ പടർന്നിരുന്നു. തുടരും part 22 C കാത്തിരിക്കൂ #📙 നോവൽ #💞 പ്രണയകഥകൾ #📔 കഥ #📝 ഞാൻ എഴുതിയ വരികൾ #തുടർകഥ

Part 22 A അന്തമില്ലാത്ത വരികൾ - സഖിയുടെ സഖാവ് - അവൾ പതിയെ ആ പുസ്തകത്തിന്റെ താളുകൾ മറിച്ചുനോക്കാൻ തുടങ്ങിയതും… പെട്ടെന്ന്! അവളുടെ കയ്യിലിരുന്ന പുസ്തകം ആരോ ഒറ്റവലിക്ക് തട്ടിപ്പറിച്ചു. ഒരു നിമിഷം അവൾ സ്തംഭിച്ചുപോയി. എന്താണ് സംഭവിച്ചതെന്ന് പോലും അവൾക്ക് മനസ്സിലായില്ല. ഞെട്ടലോടെ അവളുടെ കൈകൾ വായുവിൽ തന്നെ നിശ്ചലമായി. വിടർന്ന കണ്ണുകളോടെ അവൾ പതിയെ മുന്നിലേക്ക് നോക്കി. പുസ്തകം കൈയിൽ പിടിച്ചുകൊണ്ട് അലി അവളെ നോക്കി ചെറുതായി ചിരിച്ചു. “ലക്ഷ്മി… എനിക്ക് ഇമ്പോർട്ടന്റായിട്ടൊരു കാര്യം ചെയ്യാനുണ്ട്. അതുകൊണ്ടാണ് ഞാൻ ഈ പുസ്തകം വാങ്ങിയത്.” അതും പറഞ്ഞ് ഒരു കുസൃതിച്ചിരിയോടെ അലി തിരിഞ്ഞ് വേഗത്തിൽ നടന്നു. അവൻ പറഞ്ഞതിന്റെ അർത്ഥം ലക്ഷ്മിക്ക് ഒട്ടും മനസ്സിലായില്ല. ആശയക്കുഴപ്പത്തോടെ അവൾ ഒരു നിമിഷം അവിടെത്തന്നെ നിന്നു. പിന്നെ പതിയെ അവളുടെ നോട്ടം ദേവിലേക്ക് നീങ്ങി. ഒന്നും അറിയാത്തതുപോലെ ദേവ് നിയയോട് സംസാരിച്ചുകൊണ്ടിരിക്കുകയായിരുന്നു. അതേസമയം…ദേവിന്റെ ഫോൺ റിങ് ചെയ്തു. അവൻ ഫോൺ എടുത്ത് സ്ക്രീനിലേക്ക് നോക്കി. മറുവശത്തുള്ള പേര് കണ്ടതും അവന്റെ മുഖഭാവം മാറി. ചുറ്റുമൊന്ന് നോക്കിയ ശേഷം അവൻ പതിയെ കോൾ അറ്റൻഡ് ചെയ്തു. “ഹലോ…” ദേവ് ശാന്തമായി ചോദിച്ചു. അടുത്ത നിമിഷം ഫോണിന്റെ മറുവശത്ത് നിന്ന് അലിയുടെ ശബ്ദം മുഴങ്ങി. “എടാ കോപ്പേ… നീ അവിടെ വർത്തമാനം പറഞ്ഞുനിൽക്കുകയാണോ? നിന്റെ ബുക്ക് ഇപ്പോൾ ലക്ഷ്മി തുറക്കാൻ പോയതായിരുന്നു. ഞാൻ കൃത്യസമയത്ത് എടുത്തില്ലായിരുന്നെങ്കിൽ… നിന്റെ എല്ലാ രഹസ്യവും ഇന്ന് തന്നെ പൊളിഞ്ഞേനെ!” അലിയുടെ ശബ്ദത്തിൽ ദേഷ്യത്തേക്കാൾ കൂടുതൽ പരിഭ്രമമായിരുന്നു. ആ വാക്കുകൾ കേട്ടതും ദേവിന്റെ മുഖം വിളറി. അവൻ പെട്ടെന്ന് തല ഉയർത്തി ലക്ഷ്മിയെ നോക്കി. എന്താണ് സംഭവിക്കുന്നതെന്ന് മനസ്സിലാകാതെ, ലക്ഷ്മിയും വിടർന്ന കണ്ണുകളോടെ ദേവിനെ തന്നെ നോക്കിനിന്നു. ആ നിമിഷം… തുടരും part 22 B കാത്തിരിക്കൂ…#📙 നോവൽ #💞 പ്രണയകഥകൾ #📔 കഥ #📝 ഞാൻ എഴുതിയ വരികൾ #തുടർകഥ

"അന്തമില്ലാത്ത വരികൾ - സഖിയുടെ സഖാവ് -" എന്ന രചന പ്രതിലിപിയില്‍ വായിക്കൂ: https://malayalam.pratilipi.com/series/f337badg4rwr?utm_source=ios&utm_campaign=content_series_share ഇന്ത്യന്‍ ഭാഷകളിലുള്ള ഏറെ കഥകളും കവിതകളും ലേഖനങ്ങളുമെല്ലാം സൗജന്യമായി വായിക്കൂ ! ഫോളോചെയ്യാൻ മറക്കരുത്#പ്രതിലിപി...✍️ #പ്രതിലിപി #☭🔥COMRADE🔥☭ #സഖാവ് #കഥകൾ, പ്രണയകഥകൾ, തുടർക്കഥ, നോവൽ

Part 21 E അന്തമില്ലാത്ത വരികൾ - സഖിയുടെ സഖാവ് - എന്നാൽ… തന്റെ ഓരോ അക്ഷരവും ഒരാളുടെ ഹൃദയത്തെ ഇത്രയേറെ സ്പർശിച്ചുകൊണ്ടിരിക്കുകയാണെന്ന്… ലക്ഷ്മി അപ്പോഴും അറിഞ്ഞിരുന്നില്ല. അപ്പോഴാണ് പിന്നിൽ നിന്ന് ഒരു ശബ്ദം ഉയർന്നത്. ലക്ഷ്മി…” ആ വിളി കേട്ട് ഇരുവരും ഒരേസമയം തല ഉയർത്തി. മുന്നിൽ, ചുണ്ടിൽ ഒരു പുഞ്ചിരിയുമായി നിയ അവരുടെ അടുത്തേക്ക് നടന്നുവരികയായിരുന്നു. ഒരു നിമിഷം… ദേവും ലക്ഷ്മിയും പരസ്പരം നോക്കി. പിന്നെ അവരുടെ നോട്ടം നിയയിലേക്ക് മാറി. ലാൽ സലാം, സഖാവേ…” ചുണ്ടിൽ ഒരു ചെറുപുഞ്ചിരിയോടെ നിയ ദേവിനെ നോക്കി പറഞ്ഞു. ആ ഒരൊറ്റ വിളി… സഖാവേ…” ലക്ഷ്മിയുടെ ഉള്ളിൽ എന്തോ ആഴത്തിൽ സ്പർശിച്ചു. ഒരു നിമിഷം അവളുടെ ഹൃദയം പതിവിലും വേഗത്തിൽ മിടിക്കുന്നതായി അവൾക്ക് തോന്നി. സഖാവ്…” ആ വാക്ക് അവളുടെ മനസ്സിൽ വീണ്ടും വീണ്ടും മുഴങ്ങിക്കൊണ്ടിരുന്നു. അറിയാതെ തന്നെ അവളുടെ കണ്ണുകൾ ദേവിലേക്ക് ഉയർന്നു. ഒരു നിമിഷം… അവൾ ദേവിനെ തന്നെ ഇമവെട്ടാതെ നോക്കിനിന്നു. എന്തുകൊണ്ടോ… അവളുടെ ഹൃദയം വീണ്ടും വീണ്ടും പറഞ്ഞുകൊണ്ടിരുന്നു… നിന്റെ സഖാവ്… ദേവാണ്.” പക്ഷേ… അതേ നിമിഷം തലച്ചോറ് ആ ചിന്തയെ ശക്തമായി എതിർത്തു. അല്ല… അതിന് സാധ്യതയില്ല.” അങ്ങനെ മനസ്സും ഹൃദയവും രണ്ട് ദിശകളിലേക്ക് വലിച്ചിഴയ്ക്കുന്നതുപോലെ അവൾക്ക് തോന്നി. ഒന്നിന് വിശ്വസിക്കണം…മറ്റൊന്ന് വിശ്വസിക്കാൻ അനുവദിക്കുന്നില്ല. ആ നിമിഷം, അവളുടെ ഉള്ളിൽ നിശ്ശബ്ദമായൊരു പോരാട്ടം നടന്നുകൊണ്ടിരുന്നു. എന്തോ ഒരു ചിന്ത അവളുടെ മനസ്സിലൂടെ മിന്നിമറഞ്ഞു. ഒരു നിമിഷം പോലും പാഴാക്കാതെ, അവൾ മെല്ലെ തന്റെ കൈയിലിരുന്ന പുസ്തകം തുറന്നു. എന്തോ ഉറപ്പിക്കാനെന്ന പോലെ… അവളുടെ കണ്ണുകൾ ആ താളുകളിലൂടെ പതിയെ സഞ്ചരിക്കാൻ തുടങ്ങി. തുടരും part 22 കാത്തിരിക്കൂ #📙 നോവൽ #💞 പ്രണയകഥകൾ #📔 കഥ #📝 ഞാൻ എഴുതിയ വരികൾ #തുടർകഥ

Part 21 D അന്തമില്ലാത്ത വരികൾ - സഖിയുടെ സഖാവ് - പുറമേ ശാന്തനായി നടക്കുകയായിരുന്നെങ്കിലും… ഉള്ളിൽ അവന്റെ ഹൃദയം സന്തോഷംകൊണ്ട് തുള്ളിച്ചാടുക ആയിരുന്നു. മുത്തശ്ശിമാവിന്റെ തണലിൽ ഇരുവരും ഇരുന്നു. ദേവ് ഒരു വശത്തും… മറുവശത്ത് ലക്ഷ്മിയും. ഒരു നിമിഷം അവൻ അവളെ നോക്കി. പിന്നെ തന്റെ കൈയിലുണ്ടായിരുന്ന പുസ്തകവും പേനയും അവൾക്കുനേരെ നീട്ടി. ലക്ഷ്മി മെല്ലെ അത് വാങ്ങി. പുസ്തകം മടിയിൽ വച്ചുകൊണ്ട്, എഴുതാൻ തയ്യാറായി അവൾ ദേവിനെ നോക്കി. ദേവിന്റെ കണ്ണുകൾ ഒരു നിമിഷം അവളുടെ വിരലുകളിൽ തങ്ങി. ഈ കൈകളാണ്… ‘അന്തമില്ലാത്ത വരികളിൽ’ എന്റെ ഹൃദയത്തെ തൊട്ട അക്ഷരങ്ങൾ കുറിച്ചത്… ആ ചിന്ത അവന്റെ ചുണ്ടിൽ അറിയാതെ ഒരു ഇളംപുഞ്ചിരി വിരിയിച്ചു. തയ്യാറാണോ…?” ദേവ് മെല്ലെ ചോദിച്ചു. ലക്ഷ്മി ചെറുതായി തലയാട്ടി. ദേവ് ഒരു ദീർഘനിശ്വാസം വിട്ടു. പിന്നെ പതിയെ പറഞ്ഞുതുടങ്ങി… പ്രിയ സഖാക്കളേ…” ലക്ഷ്മിയുടെ പേന മെല്ലെ കടലാസിലൂടെ ഒഴുകിത്തുടങ്ങി. ഓരോ അക്ഷരവും വിരിയുമ്പോഴും, ദേവിന്റെ കണ്ണുകൾ അറിയാതെ ആ കൈയക്ഷരങ്ങളിൽ തന്നെ ഉടക്കിനിന്നു. അവൻ പറഞ്ഞ വാക്കുകളേക്കാൾ കൂടുതൽ, അവൾ എഴുതുന്ന ഓരോ വരിയും അവന്റെ മനസ്സിൽ പതിഞ്ഞുകൊണ്ടിരുന്നു. ദേവിന്റെ കണ്ണുകൾ ഒരു നിമിഷം പോലും ആ കൈയക്ഷരങ്ങളിൽ നിന്ന് മാറിയില്ല. അവന്റെ ചുണ്ടുകൾ യാന്ത്രികമായി ഓരോ വരികളും പറഞ്ഞുകൊണ്ടിരുന്നെങ്കിലും അവന്റെ ഹൃദയം മുഴുവൻ അവൾ കുറിച്ചുകൊണ്ടിരുന്ന അക്ഷരങ്ങളിലായിരുന്നു. ദേവ് പറയുന്ന ഓരോ വാക്കും, ലക്ഷ്മി അതീവ ശ്രദ്ധയോടെ കടലാസിലേക്ക് പകർത്തിക്കൊണ്ടിരുന്നു. ഓരോ അക്ഷരവും അവളുടെ വിരലുകളിൽ നിന്ന് വിരിയുമ്പോൾ, അവന്റെ മനസ്സിൽ എന്തെന്നില്ലാത്ത ഒരു സന്തോഷം നിറഞ്ഞു. മുത്തശ്ശിമാവിന്റെ ഇലകൾ കാറ്റിൽ മെല്ലെ ഇളകി. കടലാസിലൂടെ പേന ഉരസുന്ന നേർത്ത ശബ്ദം മാത്രം അവർക്കിടയിൽ നിറഞ്ഞുനിന്നു. ഇത്രയും നാളായി എന്റെ മനസ്സിനെ സ്പർശിച്ച അതേ കൈയക്ഷരങ്ങൾ… ഇന്ന് എന്റെ കൺമുന്നിൽ വിരിയുകയാണ്…’ ആ നിമിഷം അവന് വാക്കുകളിൽ വിവരിക്കാനാകാത്തത്ര മനോഹരമായിരുന്നു. എന്നാൽ… തുടരും part 21 E കാത്തിരിക്കൂ …. #💞 പ്രണയകഥകൾ #📔 കഥ #📙 നോവൽ #📝 ഞാൻ എഴുതിയ വരികൾ #തുടർകഥ

Part 21 C അന്തമില്ലാത്ത വരികൾ - സഖിയുടെ സഖാവ് - മനപ്പൂർവം… ദേവിനും ലക്ഷ്മിക്കും ഇടയിൽ കുറച്ചുനേരത്തേക്ക് ഒരു നിശ്ശബ്ദതയുടെ ഇടം അവൻ ഒരുക്കിക്കൊടുത്തിരുന്നു. ഇപ്പോൾ… ഏതാനും ചുവടുകളുടെ അകലം മാത്രം. പക്ഷേ, ഒരാൾക്ക് മറ്റേയാളെ അറിയാം…മറ്റേയാൾക്ക് ഇപ്പോഴും അറിയില്ല. വിധി ഒരുക്കിയ ആ നിമിഷത്തിലേക്ക്, ലക്ഷ്മി പതിയെ നടന്ന് അടുത്തുകൊണ്ടിരുന്നു. ലക്ഷ്മി അപ്പോഴും ഈ ലോകത്തൊന്നുമല്ലായിരുന്നു അവളുടെ കണ്ണുകൾ ഇപ്പോഴും ആൾക്കൂട്ടത്തിനിടയിലൂടെ ആരെയോ തേടിനടക്കുകയായിരുന്നു. അത് ശ്രദ്ധിച്ച ദേവ് ചുണ്ടിൽ ഒരു മന്ദഹാസം വിരിയിച്ചുകൊണ്ട് ചോദിച്ചു. താൻ ആരെയാ നോക്കുന്നത്…?”പെട്ടെന്ന് കേട്ട ആ ശബ്ദം ലക്ഷ്മിയെ ഞെട്ടിച്ചു. അവൾ പെട്ടെന്ന് തിരിഞ്ഞ് ദേവിനെ നോക്കി. ഒരു നിമിഷം… ദേവിന്റെ കണ്ണുകളുമായി അവളുടെ കണ്ണുകൾ കൂട്ടിമുട്ടി. അവളുടെ കണ്ണുകളിൽ അമ്പരപ്പും ആശയക്കുഴപ്പവും ഒരുപോലെ നിറഞ്ഞു. ഓ… ഒന്നുമില്ല…” അവൾ വിക്കിവിക്കി പറഞ്ഞു. ദേവ് ഒരു നിമിഷം അവളെ നോക്കി നിന്നു. പിന്നെ ശാന്തമായ സ്വരത്തിൽ പറഞ്ഞു. എങ്കിൽ താനൊരു സഹായം ചെയ്യാമോ?” ലക്ഷ്മി മെല്ലെ തല ഉയർത്തി അവനെ നോക്കി. വിദ്യാർത്ഥികൾക്ക് നൽകാനുള്ള ഒരു നോട്ടീസ് തയ്യാറാക്കാനുണ്ട്. ഞാൻ പറഞ്ഞുതരാം… താനൊന്ന് എഴുതിത്തരാമോ?”ഒരു നിമിഷം മടിച്ചെങ്കിലും, ലക്ഷ്മി മെല്ലെ തലയാട്ടി. ശരി…” ദേവ് ചെറുതായി പുഞ്ചിരിച്ചു. എങ്കിൽ വാ… മുത്തശ്ശി മാവിൻ ചുവട്ടിൽ ഇരിക്കാം അതും പറഞ്ഞ് അവൻ മുന്നിലേക്ക് നടന്നു. ലക്ഷ്മിയും ഒന്നും മിണ്ടാതെ അവന്റെ പിന്നാലെ പതിയെ ചുവടുകൾ വച്ചു. ഇരുവരുടെയും ഇടയിൽ മൗനം മാത്രമായിരുന്നു…ആ നിമിഷം ദേവിന്റെ മനസ്സ് എന്തെന്നില്ലാത്ത സന്തോഷത്തിൽ നിറഞ്ഞു ഇത്രയും നാളായി അക്ഷരങ്ങളിലൂടെ മാത്രം പരിചയപ്പെട്ട തന്റെ സഖിയുടെ കൈയക്ഷരങ്ങൾ… ഇനി തന്റെ കൺമുന്നിൽ, അവൾ തന്നെ എഴുതാൻ പോകുന്നു എന്ന ചിന്ത അവന്റെ ഹൃദയത്തെ വല്ലാതെ സ്പർശിച്ചു. ആ വിരലുകൾ ഓരോ അക്ഷരവും കുറിക്കുമ്പോൾ, ഇമ ചിമ്മാതെ അത് നോക്കിയിരിക്കണമെന്നൊരു കൊച്ചു ആഗ്രഹം അവന്റെ മനസ്സിൽ മുളച്ചു. ആ നിമിഷം അവന്റെ ഉള്ളിൽ സന്തോഷത്തിന്റെ ഒരു പൂമഴ തന്നെ പെയ്യുകയായിരുന്നു. പുറമേ ശാന്തനായി നടക്കുകയായിരുന്നെങ്കിലും… ഉള്ളിൽ…. തുടരും part 21 D കാത്തിരിക്കൂ.. #📙 നോവൽ #💞 പ്രണയകഥകൾ #📔 കഥ #📝 ഞാൻ എഴുതിയ വരികൾ #തുടർകഥ

Part 21 B അന്തമില്ലാത്ത വരികൾ - സഖിയുടെ സഖാവ് - ആരെയോ തേടുകയായിരുന്നു. ഈ തിരഞ്ഞെടുപ്പ് തിരക്കിനിടയിൽ എവിടെയെങ്കിലും തന്റെ പ്രിയസഖാവ് തന്നെ നോക്കി നിൽക്കുന്നുണ്ടോ എന്ന പ്രതീക്ഷയിൽ, അവൾ ആൾക്കൂട്ടത്തിലുടനീളം നോട്ടം പരത്തി. ലക്ഷ്മി…” പിന്നിൽ നിന്ന് ഉയർന്ന ആ വിളി കേട്ട് ലക്ഷ്മി തിരിഞ്ഞുനോക്കി. അൽപ്പം അകലെ, മുഖത്ത് പതിവ് കുസൃതിച്ചിരിയുമായി അലി അവളുടെ അടുത്തേക്ക് നടന്നുവരുന്നത് അവൾ കണ്ടു. അവനെ കണ്ടതോടെ ലക്ഷ്മിയും ചെറുതായി പുഞ്ചിരിച്ചു. നിന്റെ ഉറ്റമിത്രം എവിടെ?”അവൾ വരും ഏട്ടാ… ഇനിയും സമയം ആയിട്ടില്ലല്ലോ. എത്തിക്കോളും.” ലക്ഷ്മി ചിരിച്ചുകൊണ്ട് പറഞ്ഞു. എങ്കിൽ വാ… അവൾ വരുന്നതുവരെ നമുക്ക് കൊടികളൊക്കെ കെട്ടാം. ദേവിന്റെ അടുത്തേക്ക് പോകാം.” അലി അത് പറഞ്ഞ് മുന്നോട്ട് നടന്നു. ലക്ഷ്മിയും മെല്ലെ അവന്റെ പിന്നാലെ ചുവടുകൾ വച്ചു. താൻ ആരുടെ അടുത്തേക്കാണ് നടക്കുന്നതെന്ന് അവൾക്കറിയില്ലായിരുന്നു… പക്ഷേ, ഏതാനും ചുവടുകൾക്കപ്പുറം നിന്നുകൊണ്ട് ദേവ് അവളെ തന്നെയായിരുന്നു നോക്കിനിൽക്കുന്നത്. അവളെ തന്നെ നോക്കിനിന്നിരുന്ന ദേവ്, അലി അടുത്തേക്ക് വരുന്നത് കണ്ടതും പെട്ടെന്ന് നോട്ടം മാറ്റി. കള്ളച്ചിരിയുമായി ലക്ഷ്മിയെയും കൂട്ടി നടന്ന് വരുന്ന അലിയെ കണ്ടപ്പോൾ ദേവിന്റെ മുഖത്ത് ഒരു നിമിഷം ആശയക്കുഴപ്പം നിറഞ്ഞു. സംശയഭാവത്തിൽ അവൻ അലിയെ തന്നെ നോക്കി. ദേവിന്റെ നോട്ടം മനസ്സിലാക്കിയ അലി, “ഒന്നുമില്ല…” എന്നർഥത്തിൽ കണ്ണ് ചിമ്മി ഒരു ചെറുപുഞ്ചിരി സമ്മാനിച്ചു. അത് കണ്ട ദേവിന്റെ മുഖത്തെ പിരിമുറുക്കം അൽപ്പം അയഞ്ഞു. അടുത്ത നിമിഷം… അവന്റെ കണ്ണുകൾ വീണ്ടും അറിയാതെ ലക്ഷ്മിയിലേക്ക് തന്നെ തിരിഞ്ഞു. ഇതൊന്നും അറിയാതെ, ചുറ്റും കണ്ണുകൾ ഓടിച്ചുകൊണ്ട് ലക്ഷ്മി അവർക്കുനേരെ നടന്നു. അലി ദേവിന്റെ അടുത്തെത്തിയതും അവിടെ നിന്നിരുന്ന സഖാക്കളെ നോക്കി പറഞ്ഞു. വരൂ… നമുക്ക് അങ്ങോട്ട് പോയി ബാക്കിയുള്ള കൊടികളും കെട്ടാം.” അതും പറഞ്ഞ് അവൻ മറ്റുള്ളവരെയും കൂട്ടി അവിടെ നിന്ന് മാറിനടന്നു. മനപ്പൂർവം… തുടരും part 21 C കാത്തിരിക്കൂ.,.#📙 നോവൽ #💞 പ്രണയകഥകൾ #📔 കഥ #📝 ഞാൻ എഴുതിയ വരികൾ #തുടർകഥ

Part 21 A അന്തമില്ലാത്ത വരികൾ - സഖിയുടെ സഖാവ് - പിറ്റേന്നത്തെ പ്രഭാതം… ബസിൽ നിന്ന് ഇറങ്ങിയ ലക്ഷ്മിയെ വരവേറ്റത് പതിവ് കോളേജ് കാഴ്ചകളായിരുന്നില്ല. വിവിധ വർണങ്ങളിലുള്ള പാർട്ടി കൊടികൾ കാറ്റിൽ പാറിപ്പറന്നുകൊണ്ടിരുന്നു. കോളേജ് ക്യാമ്പസാകെ തിരഞ്ഞെടുപ്പിന്റെ ആവേശം നിറഞ്ഞിരുന്നു. മരച്ചില്ലകളിലും മതിലുകളിലും വഴിയരികുകളിലും വിദ്യാർത്ഥി സംഘടനകളുടെ കൊടികളും ചിഹ്നങ്ങളും പോസ്റ്ററുകളും നിറഞ്ഞുനിന്നു. ക്യാമ്പസിന്റെ ഓരോ കോണിലും തിരഞ്ഞെടുപ്പിന്റെ ചൂട് പ്രകടമായിരുന്നു. പാർട്ടി പ്രവർത്തകർ വിദ്യാർത്ഥികളുമായി സംസാരിച്ചും നോട്ടീസുകൾ വിതരണം ചെയ്തും സ്ഥാനാർഥികളെ പരിചയപ്പെടുത്തിയും തിരക്കിലായിരുന്നു. മുദ്രാവാക്യങ്ങളുടെ മുഴക്കവും വിദ്യാർത്ഥികളുടെ ചർച്ചകളും നിറഞ്ഞ ആ അന്തരീക്ഷം, സാധാരണ കോളേജ് ദിനങ്ങളിൽ നിന്ന് തികച്ചും വ്യത്യസ്തമായിരുന്നു. ഒരു നിമിഷം ചുറ്റും കണ്ണോടിച്ച ലക്ഷ്മി, ആ തിരഞ്ഞെടുപ്പ് ആവേശത്തിനിടയിലൂടെ പതിയെ കോളേജിനുള്ളിലേക്ക് നടന്നു. പ്രവർത്തകർക്ക് ഓരോ കാര്യങ്ങളും പറഞ്ഞുകൊടുക്കുന്നതിനിടയിലും, ദേവിന്റെ ശ്രദ്ധ പൂർണമായി അവിടെയായിരുന്നില്ല. അവനറിയാതെ അവന്റെ കണ്ണുകൾ ഇടയ്ക്കിടയ്ക്ക് കോളേജ് ഗേറ്റിലേക്ക് വഴുതി വീണുകൊണ്ടിരുന്നു. ആരെയോ കാത്തിരിക്കുന്ന മനസ്സിന്റെ ആകാംക്ഷ ആ നോട്ടങ്ങളിൽ വ്യക്തമായിരുന്നു. കോളേജ് ഗേറ്റിലൂടെ പതിയെ അകത്തേക്ക് നടന്ന് വരുന്ന സ്വർണനിറമുള്ള കുർത്തയും വെള്ള പാന്റും ധരിച്ച്, ചുറ്റുമുള്ള കാഴ്ചകളെ ആസ്വദിച്ചുകൊണ്ട് പതിയെ നടന്ന് വരുന്ന തന്റെ സഖിയിലേക്കായിരുന്നു ദേവിന്റെ കണ്ണുകൾ പതിഞ്ഞത്. ഒരു നിമിഷം… അവന്റെ കണ്ണുകൾ വിടർന്നു. അറിയാതെ തന്നെ ചുണ്ടിൽ ഒരു ഇളംപുഞ്ചിരി വിരിഞ്ഞു. കവിളിലെ ചെറിയ നുണക്കുഴികൾ താടി രോമങ്ങൾക്കിടയിലൂടെ തെളിഞ്ഞു. ആ നിമിഷം, ചുറ്റുമുണ്ടായിരുന്ന തിരഞ്ഞെടുപ്പിന്റെ ബഹളവും ആൾക്കൂട്ടവും അവന് അപ്രത്യക്ഷമായതുപോലെ തോന്നി. അവന്റെ ലോകം മുഴുവൻ ആ ഒരൊറ്റ മുഖത്തിൽ മാത്രം ഒതുങ്ങിനിന്നു. ഒരു നിമിഷം അവളും ചുറ്റും നോക്കി. ആരും അറിയാതെ… അവളുടെ കണ്ണുകളും ആരെയോ തേടുകയായിരുന്നു. ലക്ഷ്മി…” പിന്നിൽ നിന്ന് ഉയർന്ന ആ വിളി കേട്ട് ലക്ഷ്മി തിരിഞ്ഞുനോക്കി.തുടരും part 21 B കാത്തിരിക്കൂ #📙 നോവൽ #💞 പ്രണയകഥകൾ #📔 കഥ #📝 ഞാൻ എഴുതിയ വരികൾ #തുടർകഥ