കണ്ണാടിയുടെ മുന്നിൽ നിന്ന് ഞൊറി എടുക്കുന്ന തിരക്കിലാണ് ശാന്തമ്മ. വായിൽ സാരിയിൽ കുത്താനുള്ള സൂചിപ്പിന്നും കടിച്ച് പിടിച്ചിട്ടുണ്ട്.. കുളി കഴിഞ്ഞ് വന്ന് കള്ളിമുണ്ടും ഉടുത്ത് കാൽ തൂക്കിയിട്ട് കട്ടിലിൽ മലർന്ന് കിടന്ന് ഫോണിൽ തോണ്ടുകയാണ് മഹാദേവ് നാരായണൻ എന്ന ദേവ. "അമ്മാ അച്ഛനോട് പറ ഞാൻ ഇല്ലെന്ന്.. എനിക്ക് വയ്യ ഇത്രെയും ദൂരം ഉള്ള കല്യാണത്തിന് ഒന്നും വരാൻ..!!" അവൻ അമ്മയെ നോക്കാതെ കിടന്ന ഇടത്ത് കിടന്ന് തീർത്ത് പറഞ്ഞു .. "ദേവാ.. അച്ഛൻ സമ്മതിക്കില്ല. അവർ അച്ഛൻ്റെ അത്രെ നല്ല സുഹൃത്ത് ആണെന്ന് നിനക്ക് അറിയില്ലേ.." കണ്ണാടിയിൽ കൂടി അവനെ നോക്കി വായിൽന് പിന്ന് എടുക്കാതെ തന്നെ അമ്മ പറഞ്ഞു ..  "അച്ഛൻ്റെ അല്ലെ ഫ്രണ്ട് .. എൻ്റെ അല്ലല്ലോ.. അമ്മക്ക് ഒന്ന് പറഞ്ഞൂടെ.." "നീ ഒന്നും ചെയ്യേണ്ട.. ഒന്ന് കാറിൽ കേറി ഇരുന്ന് തന്നാൽ മതി. അവിടെ റൂം വരെ അച്ഛൻ റെഡി ആക്കിയിട്ടുണ്ട്.."" "അത് തന്നെ ഞാൻ വരാത്തത്.. എനിക്ക് ബോർ അടിക്കും ."" "എന്നാ നീനയെ വിളിക്കണോ..?" അമ്മ ഞൊറി എടുക്കൽ നിർത്തി അവനെ ഒന്ന് തിരിഞ്ഞ് നോക്കി.. "അവളെ എങ്ങനെ നമ്മടെ കൂടെ കൊണ്ട് പോവാ.." അവൻ ചാടി എഴുന്നേറ്റു  "അല്ലേൽ നോക്കായിരുന്നു അല്ലെ..☺️" അമ്മ കളിയാക്കി  "ഒന്ന് പോ എൻ്റെ ശാന്തെ.. എനിക്ക് അങ്ങനെ ഒന്നും ഇല്ല..!!" അവൻ്റെ ചുണ്ടിൽ ഒരു പുഞ്ചിരി ഒക്കെ വരുന്നുണ്ട് ""മുറച്ചെറുക്കൻ അല്ലെ.. നിനക്ക് അങ്ങനെ ഒക്കെ ചിന്തിക്കാം.. "" അമ്മ അവൻ്റെ ചുണ്ടിലെ ചിരി കണ്ട് സപ്പോർട്ട് നൽകി.. "അതാണോ ഇപ്പൊ വിഷയം..!!" ചെക്കൻ ട്യൂൺ മാറ്റി.. അത് കണ്ട് ശാന്ത അവനെ സംശയത്തോടെ നോക്കി.. ഇവന് അവളെ ഇഷ്ടമല്ലേ എന്ന പോലെ..  "എൻ്റെ ഫിസിക്കൽ ടെസ്റ്റ് ഒക്കെ ഒന്ന് കഴിഞ്ഞ് ജോലി കിട്ടട്ടെ എന്നിട്ട് വേണം.. " അവനൊരു കള്ളച്ചിരി ചിരിച്ച് അവൻ്റെ കയ്യിൻ്റെ മസിൽ ഒക്കെ ഉരുട്ടി കാണിച്ചു അതിന് മറുപടി ആയിട്ട്.. ""അങ്ങോട്ട് ചെല്ല്.. നിൻ്റെ അമ്മാവൻ ഇപ്പൊ കെട്ടിച്ച് തരും..!" ശാന്ത കളം മാറി  "അവളല്ലേൽ വേറൊരു പെണ്ണ്.. എനിക്കത്രെ ഉള്ളൂ.. കിട്ടിയാൽ കൊള്ളാം..!" അവനൊരു ഏറ് കണ്ണിട്ടു അമ്മയെ നോക്കി.. ""അങ്ങനെ ആണെങ്കിൽ നിനക്ക് നന്നു.. അല്ലെങ്കിൽ നിൻ്റെ കണ്ണീരും കിനാവും ഒക്കെ കാണേണ്ടത് ഞാനാവും.."" ""എന്നെ പറ്റി അമ്മ അങ്ങെനെണോ കരുതിയത്..?? ഞാനൊരു ഭാവി പോലീസ് ആണേ.. പെണ്ണുങ്ങൾ എന്നെ കണ്ട് ക്യൂ ആണ്.. "" അവൻ്റെ ബോഡിയിലേ ഓരോ മുസിൽസും നോക്കി അവൻ അഭിമാനം കൊണ്ടു..  'ഉവ്വ ഉവ്വ..""!! അവനും നീനയും തമ്മിലുള്ള ചുറ്റിക്കളി അറിയുന്ന അമ്മ നന്നായി ആക്കി തന്നെ പറഞ്ഞു.. ""ഞാൻ വരുന്നില്ലേയ്.. അച്ഛനോട് പറഞ്ഞേക്കു.." എന്നും പറഞ്ഞ് അവൻ മുണ്ടും മടക്കി മുകളിലെ റൂമിലേക്ക് കയറിപ്പോയി.. "നീ വേണേൽ പറഞ്ഞോ ഞാൻ പറയില്ല..!!" അമ്മ വിളിച്ച് പറഞ്ഞു  റിട്ടെട് sp ആണ് അവൻ്റെ അച്ഛൻ നാരായണൻ.. ഒരു വാക്ക്.. ഒരു പ്രവർത്തി.. അച്ഛനെ അവനും പേടി തന്നെ.. വേണമെങ്കിൽ അതിനെ ബഹുമാനം എന്നും പറയാം.. സത്യസന്ധനായ പോലീസുകാരൻ.. അച്ഛനാണ്  അവൻ്റെ മാതൃകാ പുരുഷൻ.. . അച്ഛനെ എതിർത്തൊന്നും അവന് പറയാനും വയ്യ..  അച്ഛൻ്റെ കൂട്ടുകാരൻ സുകുമാരൻ്റെ മകളുടെ കല്യാണത്തിന് പാലക്കാട്ടെക്ക് കല്യാണത്തിന് പോകുന്ന കാര്യം ആണ് പറഞ്ഞ് വരുന്നത്.. "ഉച്ചയ്ക്ക് മുന്നേ ഇറങ്ങണം.ഗുരുവായൂർ അമ്പലത്തിൽ വെച്ചാണ് താലികെട്ട്. ഇന്ന് രാത്രി സ്റ്റേ ചെയ്ത് നാളെ പത്ത് മണിക്ക് കല്യാണത്തിന് അമ്പലത്തിൽ എത്തണം.. അതാണ് പ്ലാൻ "പക്ഷേ ഞാനെന്തിന് പോകണം.. എനിക്ക് എൻ്റെ റൂട്ടീൻസ് എല്ലാം തെറ്റും..!! "രാവിലത്തെ ജോഗിങ്.. ജിമ്മിൽ പോക്ക് .. പ്രോട്ടീൻ ഫൂഡ് എല്ലാം.. എല്ലാം തെറ്റും..!! ഒരു ദിവസം ഡയറ്റ് തെറ്റിയാൽ പിറ്റെ ദിവസം എക്സ്ട്രാ വർക്കൗട്ട് ചെയ്യേണ്ടി വരും.. പറ്റില്ല പറ്റില്ല. ഞാൻ പോകുന്നില്ല.!!!""' അവൻ സ്വയം പറഞ്ഞ് കൊണ്ടിരുന്നു. നാരായണൻ വന്നു. Door തുറക്കുമ്പോഴേ നീട്ടി വിളിച്ചു.. "ശാന്തെ... അവൻ റേഡിയായില്ലേ..?" ശാന്ത പൊട്ടും തൊട്ട് ഞൊറി ഒക്കെ നോക്കി നടന്ന് വന്നു  "നിങ്ങളെന്നെ അവനെ വിളിച്ചോ.. എന്നോട് വരുന്നില്ല എന്നാണ് പറഞ്ഞത് .!! ""ദേവാ... " മുകളിലേക്ക് നോക്കി ഒരറ്റ വിളി.. ദേവ കട്ടിലിൽ നിന്നും ചാടി എഴുന്നേറ്റു.. "എന്തെ അച്ഛാ.. "" എന്തിനാണെന്ന് അറിയുന്നത് കൊണ്ട് അവിടെ തന്നെ നിന്നു. "ഒരുങ്ങിയില്ലേ...??" "ഇതാ കഴിയുന്നു..!!" അതും പറഞ്ഞ് അവൻ പല്ലും കടിച്ച് തല ചൊറിഞ്ഞു  ""ഒരു ദിവസം വീട്ടിൽ ഒറ്റയ്ക്ക് ഇരിക്കാൻ ഉള്ള ചാൻസ് ആണ് മിസ്സായത്.. നിനക്ക് വരുന്നില്ല എന്ന് പറഞ്ഞൂടായിരുന്നോ?"" അവനോട് തന്നെ അവൻ തർക്കിച്ചു.. ആളും ബഹളവും ഇഷ്ടമല്ലാത്ത ശാന്തനു ആണ് ദേവ.. അവനെയാണ് ഏതോ കൂട്ടുകാരൻ്റെ മകളുടെ കെട്ടിന് തലേദിവസം തന്നെ കെട്ടിയെടുക്കുന്നത്.. അച്ഛനെ പേടി നാവ് ചതിച്ചു ..!! . ഒന്നും തിരിച്ച് പറയാതെ അടുത്ത വിളി വരാൻ കാത്ത് നിൽക്കാതെ അവൻ ഒരുങ്ങാൻ തുടങ്ങി.. ""നിനക്കുള്ള നളെക്കുള്ള ഡ്രസ് ഞാൻ എടുത്ത് വച്ചിട്ടുണ്ട്.. നീ ഡ്രസ് മാറ്റി വന്നാൽ മതി ട്ടോ ദേവാ.."" അമ്മ താഴെന്ന് വിളിച്ച് പറഞ്ഞു. ""ആഹ്.. "" സർവ്വ നീരസവും നിറച്ച് അവൻ മറുപടി കൊടുത്തു.. "ഇനി എന്ത് കുന്തം ആവോ വാങ്ങിച്ച് വെച്ചിരിക്കുന്നത്.. മുണ്ടും ഷർട്ടും ആയിരിക്കും.. "" അവൻ half sleeve t ഷർട്ടും പാൻ്റും ഇട്ട് ഒന്ന് കണ്ണാടിക്കുമുന്നിൽ തൻ്റെ മസിൽ നോക്കി..  ഒരു പോലീസുകാരൻ തന്നെ.. മീശയും പിരിച്ച് ഒന്ന് കൂടി നെഞ്ചും വിരിച്ച് നിന്ന് അവൻ സ്വയം പ്രശംസിച്ചു.... അപ്പോഴേക്കും അച്ഛന്റെ അടുത്ത വിളി വന്നു....  ദേവാ.....!!! ഇതാ കഴിഞ്ഞു... നിങ്ങൾ ഇറങ്ങിക്കോ...  എന്തൊരു നല്ല കുട്ടി.. അച്ഛനെ പേടിച്ചിട്ട് ഒന്നും അല്ല.. ചിന്ന ഭയം 😁 ഡോർ പൂട്ടണങ്കിൽ നീ ഇറങ്ങണം...  ഇങ്ങ് വാ...  ശാന്തയും കൂടി...  മനസ്സില്ല മനസ്സോടെ ഫോൺ ചാർജറും ഹെഡ് സെറ്റും കൂളിംഗ് ഗ്ലാസും എടുത്ത് അവനും കൂടെ ഇറങ്ങി...  അവന്റെ കഴുത്തിലെ വെള്ളിമാല ഒന്ന് കൂടി നേരെ ഇട്ട് ഒന്നാകെ സെന്റും പൂശി...  ഒന്ന് ദീർഘ ശ്വാസം വിട്ട് അവൻ മുറി പൂട്ടി ഇറങ്ങി..  വീട് പൂട്ടി പോകുമ്പോൾ അവന്റെ മുറി പ്രത്യേകം പൂട്ടുന്നത്  അവിടെ നിധി ഇരിക്കുന്നത് കൊണ്ടാണെന്ന് നിങ്ങൾ കരുതിയെങ്കിൽ തെറ്റി..! അവന്റെ റൂമിൽ വേറെ ആരും കേറുന്നത് അവന് ഇഷ്ടമല്ല.. ഇനി എലിയോ പൂച്ചയോ പാറ്റയോ ആണെങ്കിലും അവന്റെ റൂമിലേക്ക് അവൻ ആരെയും കടത്തി വിടില്ല...  അവന്റെ സാധനങ്ങൾ സ്ഥലം മാറി ഇരിക്കാൻ പാടില്ല എന്നതാണ് മെയിൻ കാരണം..  ഇങ്ങനെ അവസാന നിമിഷം ചാടി പിടഞ്ഞു പുറപ്പെടണമെങ്കിൽ എല്ലാം വെച്ച സ്ഥലത്ത് തന്നെ കാണേണ്ടേ..  അതിനർത്ഥം അച്ഛനെ പേടിച്ച് അവൻ ആദ്യമായല്ല കൂടെ പോകുന്നത് എന്നല്ലേ.. ആണ്.. അത് തന്നെയാണ് സത്യം...  അച്ഛൻ ഒരു വാക്ക് പറഞ്ഞാൽ അതിനപ്പുറം അവനൊരു വാക്കില്ല...!! അമ്മയുടെ ചെവിക്ക് പിന്നെ സൗര്യം ഉണ്ടാവില്ല എന്ന് മാത്രം...  അവന് അവന്റെ അമ്മേടെ ചെവി തിന്നാനല്ലേ അറിയൂ...  ഭാവി പോലീസ് ആണത്രേ പോലീസ്.. 🤭🤭 അവൻ ഈ ചാടി ചാടി സ്റ്റയർ ഇറങ്ങി വരുന്നത് അവന്റെ ജീവിതം തന്നെ ഒറ്റ ദിവസം കൊണ്ട് മാറ്റി മറിക്കാൻ ആണെന്ന് പാവം അവനുണ്ടോ അറിയുന്നു..  തുള്ളി ചാടി കാവടി കളിച്ചു പോയവൻ ഏത് കോലത്തിൽ വരുമോ ആവോ.. 🤭           ...  അവർക്ക് പോകാൻ ഒരു ടാക്സി ആണ് ഏല്പിച്ചിരിക്കുന്നത്..  മുന്നിലെ കോ സീറ്റിലേക്ക് നാരായണൻ കയറി ഇരുന്നു ..  പിറകിലേക്ക് ശാന്തയും, കൂടെ അമ്മക്ക് മനസ്സിലാകുന്ന ഭാഷയിൽ അച്ഛനെ ഓരോന്നും പറഞ്ഞും മുഖം ചുളിച്ചും ദേവയും കയറി ഇരുന്നു...  പോകുന്ന യാത്രയിൽ മൊത്തം അച്ഛൻ ഓരോ കാര്യങ്ങളും സംസാരിക്കുകയാണ്...  അച്ഛന്റെയും സുഹൃത്തിന്റെയും സൗഹൃദത്തെ കുറിച്ചും പോലീസ് ജീവിതത്തിലെ കൈപ്പും എരിവും ഉള്ള ഓർമ്മകളും... എല്ലാം...  കുറെ പ്രാവശ്യം കേട്ട കഥകൾ ആണെങ്കിലും ശാന്ത ഇതൊക്കെ കേൾക്കുന്നുണ്ട്, ഇടക്കൊക്കെ അവരും ഓർമ്മകൾ പറയുന്നുണ്ട്...  ബോർ അടിച്ചു പണ്ടാരം അടങ്ങിയ ദേവ് ഹെഡ്സെറ്റ് ചെവിയിലേക്ക് വെക്കാം എന്ന് കരുതിയപ്പോൾ താണ്ടേ കിടക്കുന്നു ദേവിനുള്ള പണി..  ഉപദേശം...!! "അവിടെ അച്ഛന്റെ കുറെ സുഹൃത്തുക്കൾ കാണും.. എല്ലാവരും പോലീസ് കാരായവർ ആണ്..! അതിന്റെ ബഹുമാനത്തിൽ വേണം സംസാരിക്കാൻ...!! ചോദിക്കുന്ന കാര്യങ്ങൾക്ക് ഒക്കെ വാ തുറന്ന് മറുപടി പറയണം..!! നിന്റെ ഗോഷ്ടി കാണിക്കൽ ഒന്നും അവിടെ എടുക്കരുത്... "!!!" തുടങ്ങി അവന് കേൾക്കാൻ പോലും താല്പര്യം ഇല്ലാത്ത ഉപദേശങ്ങൾ...  തിരിച്ച് എല്ലാത്തിനും മൂളി കൊടുക്കേണ്ടത് കൊണ്ട് അവന് മര്യാദക്ക് ഒന്ന് പാട്ട് കേട്ടിരിക്കാൻ പോലും പറ്റിയില്ല...  ശാന്ത അവന്റെ ഇരുപ്പ് കണ്ട് ചുണ്ട് കടിച്ച് ചിരിച്ചു...  അവന് അതും കൂടി കാണുമ്പോൾ തല തരിച്ചു വരുന്നുണ്ടായിരുന്നു...  അച്ഛനും അമ്മയും ആയിപോയി.. അല്ലേൽ കാണാമായിരുന്നു.. കയ്യിലെ വെള്ളി വള ഒന്ന് കൂടി തിരിച്ച് കയറി അവൻ കലി അടക്കി..  അല്ലാതെ എന്ത് ചെയ്യാൻ.. 😁 നേരെ അവർ പോയത് ഒരു ഹോട്ടലിലേക്ക് ആണ്.. രാത്രിയിലെ ഭക്ഷണം കഴിച്ച് കഴിഞ്ഞ് അവിടെ തന്നെ രണ്ട് റൂം ബുക്ക് ചെയ്തിരുന്നതിലേക്ക് അവർ കയറിപ്പോയി.. അച്ഛൻ ആരോടോ വിളിച്ച് പറയുന്നുണ്ട് ,  "എന്തിനാ രണ്ട് റൂം ബുക്ക് ചെയ്തത് ഞങൾ 3 ആളല്ലേ ഉള്ളൂ?" എന്ന്.. സ്പീക്കറും അയാള് പറയുന്നതും പുറത്തേക്ക് കേൾക്കാമായിരുന്നു.. "നീ ഇപ്പോഴും നിൻ്റെ ചെക്കൻ ചെറിയ കുട്ടി ആണെന്ന് കരുതി ഇരിക്കാണോ ഒരു റൂമിൽ കിടത്താൻ .. ഇന്ന് നീ പറ മകനെ കെട്ടിക്കുന്നുണ്ട് എന്ന്.. നാളെ കല്യാണം നടത്താം.. ചെക്കന് അതിനുള്ള പ്രായം ആയി.. " ചെക്കന് നാട്ടിൽ തന്നെ പെണ്ണുങ്ങൾ ക്യു അല്ലേ.. വേണമെങ്കിൽ പോകുന്നിടത് നിന്ന് ഒന്ന് ആലോചിച്ചോ.."" അച്ഛന്റെ ഉറ്റ സുഹൃത്ത് സധീശൻ ആണ് വിളിച്ചിരിക്കുന്നത്. "ഞാൻ എൻ്റെ മകന് സംബന്ധം കൂടാൻ അല്ല പാലക്കാട്ടേക്ക് വന്നത്.. എൻ്റെ കൂട്ടുകാരൻ്റെ മകളുടെ കല്യാണം കൂടാനാ..  പ്രായം ആയാൽ പോരല്ലോ.. അതിനുള്ള പക്വത വേണ്ടേ.. ഇവൻ പോലീസ് ആകണം എന്നും പറഞ്ഞ് മുറിയിൽ കയറി ഇരിപ്പാ.. അല്ലെങ്കിൽ ജിമ്മിൽ..  നമ്മടെ കാലം തന്നെ ആയിരുന്നു രസം..  നമ്മൾ നല്ല ലോഡ് ഇറക്കി ഉണ്ടാക്കി എടുത്ത കയ്യ് പോലെ ആകുമോ ഇവര് എസിയിൽ നിന്ന് വിയർത്താൽ..??"" നാരായണൻ അറുപതിലും താൻ്റെ  ആരോഗ്യത്തിൽ തൃപ്തൻ ആയിരുന്നു..  സതീശൻ പിന്നെ " റേഷൻ കടയിലെ ചാക്ക് ഇറക്കാൻ കൂടിയതും ,യൂണിയൻ പണിക്ക് പോയിരുന്നതും എല്ലാം ഓരോന്നോരോന്നായി പറയാൻ തുടങ്ങി.." അച്ഛൻ്റെ അട്ടഹസിച്ചുള്ള ചിരിയും തന്നെ ഒന്നിനും കൊള്ളാത്ത പോലെ ആക്കിയ സംസാരവും കേട്ടപ്പോൾ ദേവിന് ചൊറിഞ്ഞ് വന്നു.. "പിന്നെ അച്ഛനായി പോയി അല്ലെങ്കിൽ ഇനി പറയാൻ നാവ് ബാക്കി വെക്കില്ലായിരുന്നു.." എന്നും പറഞ്ഞ് സ്വയം മനസ്സിൽ മാസ്സ് BGM ഇട്ട് അവൻ ഒറ്റയ്ക്ക് കിട്ടിയ ഭാഗ്യ റൂമിലേക്ക് കയറി വാതിൽ അടച്ച് കുറ്റിയിട്ടു.. അവൻ റൂം ഒന്ന് കണ്ണോടിച്ച് ബെഡ്ഡിലേക്ക് ചാടി കിടന്നു.... പ്രായം കൂടിയ അച്ഛനും അമ്മക്കും എല്ലാ കാര്യത്തിലും കൃത്യനിഷ്ഠ ആയത് കൊണ്ട് " ബെഡ് ഷീറ്റ് ചുളിക്കാൻ പാടില്ല. റൂമിൽ വോളിയം കൂട്ടി പാട്ട് വെക്കാൻ പാടില്ല. നനവുള്ളത് റൂമിൽ ഇടാൻ പാടില്ല.. ചെരുപ്പ് കമിഴ്ന്ന് കിടക്കാൻ പാടില്ല " തുടങ്ങി ഒരുപാട് ചിട്ടകൾ ആണ്.. ഒരു പോലീസുകാരൻ ആകാൻ പ്രയത്നിക്കുന്നത് കൊണ്ട് ഏറെക്കുറെ കാര്യങ്ങള് അവൻ ഗുണം ചെയ്യുന്നതാണെങ്കിലും അവൻ്റെ ജീവിതത്തിൽ തെറ്റ് ശരി എന്ന് ആരും വേർതിരിക്കുന്നത് അവന് ഇഷ്ടമേ അല്ല..!! ഏട്ടൻ കൃഷ്ണൻ ഗൾഫിൽ ആയത് കൊണ്ട് ഓമന പുത്രൻ ആയി അറിയപ്പെടുന്ന ദേവ എപ്പോഴും അവരുടെ കൂടെ തന്നെ വേണം താനും.   ബെഡ് ഷീറ്റ് ചുളിയുമോ എന്ന പേടിക്കാതെ..  കട്ടിലിൽ കിടന്ന് കുറെ കുത്തിമറിഞ്ഞു ദേവ..  പിന്നെ t ഷർട്ട് അഴിച്ച് റൂമിൻ്റെ ഒരു കോണിലേക്ക് വലിച്ചെറിഞ്ഞു.. ഒരു മൂളിപ്പാട്ടും പാടി പോയി അസ്സല് നല്ലൊരു കുളി കുളിച്ചു വന്നു .  അച്ഛൻ്റെ മുറിയിലേക്ക് കേൾക്കാത്തത്രെ ശബ്ദത്തിൽ എന്നാല് കുറച്ച് ഉറക്കെ തന്നെ ബോക്സിൽ പാട്ടും വെച്ചു..  പാട്ടിൻ്റെ കൂടെ സർവ്വ സ്വാതന്ത്രവും കിട്ടിയ ഒരുവനെ പോലെ ചുമ്മാ നിന്ന് സ്റ്റെപ്പിട്ടു . അവസാനം അരയിൽ ഉണ്ടായിരുന്ന ബാത്ത് ടവൽ ഒരു കറക്കം കറക്കി ബെഡ്ഢിലേക്ക് ഇട്ടു..  അമ്മ തനിക്ക് ഒരുക്കിവെച്ച ബാഗിൽ ഉണ്ടായിരുന്ന ഒരു ലുങ്കി എടുത്തിട്ട് നനഞ്ഞ ടവൽ ബെഡിൽ നിന്ന് ഒന്ന് നീക്കിയിട്ട് അവിടെ തന്നെ മലർന്ന് കിടന്നു .. ജോലി കിട്ടിയിട്ട് ചേട്ടനെകൊണ്ട് ഒരു പെണ്ണ് കെട്ടിക്കണം.. എന്നിട്ട് അമ്മക്ക് തുണക്ക് നിർത്തണം അവരെ.. എന്നിട്ട് ഞാൻ ഒറ്റയ്ക്ക് മാറി താമസിക്കും.. വിരുന്നുകരില്ലാത്ത ചോദ്യം പറച്ചിലുകൾ ഇല്ലാത്ത ഒരു കുഞ്ഞ് വീട് വെക്കണം..  ഞാനല്ലാതെ ശ്വാസം വിടാൻ പോലും വേറേ ആരും വേണ്ട.. നീന..?? ഹേയ്.. കുറച്ച് കാലം പെണ്ണ് കെട്ടുകയെ വേണ്ട..!! ഒറ്റയ്ക്ക് ജീവിക്കണം..!! കാബോഡിൽ പിടിപ്പിച്ച വലിയ മിററിൽ തൻ്റെ സൗന്ദര്യം നോക്കി നിന്നു..  "ഹൊ എന്നാ ബൈപ്സ്.. എന്നാ six പാക്ക്.."" സ്വന്തം ശരീരം വാനോളം പുകഴ്ത്തി ഒരു ബോഡി show തന്നെ അവൻ നടത്തി..  😌 കല്യാണ തലേ ദിവസം മെഹന്തി ഇടുന്ന തിരക്കിലാണ്   ജാനകി...  "ഡീ.. അവൻ വിളിച്ചില്ലേ..?" മൈലാഞ്ചി ഇടുന്ന കൂട്ട്കാരി അനില എന്ന അനുവാണ് ചോദിച്ചത് ""ഇല്ല.തിരക്കിലാകും.. നളെല്ലേ കല്യാണം..."" അവളൊന്നു നെടുവീർപ്പിട്ട്.. ""എന്നാലും അവനെന്താ നിന്നെ കാണാതെ തന്നെ കല്യാണത്തിന് സമ്മതിച്ചത് എന്നാ,. എനിക്കെന്തോ ഒരു ടെൻഷൻ.. " അടുത്തിരിക്കുന്ന പ്രിയചേച്ചിയാണ്.. ""ചേച്ചീ ഡിവോർസ് ആയെന്ന് കരുതി എല്ലാ ആണുങ്ങളെയും ഇങ്ങനെ സംശയത്തോടെ പറയല്ലേ.."" പ്രിയയുടെ അനിയത്തി പവിത്ര ചേച്ചിയെ തിരുത്തി.. അത് കേട്ട പ്രിയചേച്ചിടെ മുഖം കടുത്തു ..  "ഞാൻ പറഞ്ഞതാണ് പ്രശ്നം.. അവളുടെ എല്ലാ കാര്യവും അറിഞ്ഞു ഒരു ചെക്കനും കല്യാണത്തിന് സമ്മതിക്കില്ല ... പിന്നെ ഈ  ചെക്കൻ അവളെ കാണാതെ തന്നെ പറ്റി എന്ന് പറയുമ്പോ എന്തോ പന്തികേട് .. "" പ്രിയ  ഉറപ്പിച്ച് പറഞ്ഞ് അവിടെ നിന്നും മുറുമുറ്ത്ത് എഴുന്നേറ്റ് പോയി.. ""കൊച്ചേച്ചി കാര്യക്കണ്ട.. പ്രിയേച്ചി ജയൻ ചേട്ടൻ്റെ ഫോട്ടോ കണ്ടപ്പോ തുടങ്ങിയതാ ഈ പറച്ചിൽ.. "" "പ്രിയേച്ചിയേ പറയേണ്ട പവിത്രെ.. എന്റെ ഡിമാൻഡ് കേട്ട് ആരും ഇതുവരെ കല്യാണത്തിന് സമ്മതിച്ചിട്ടില്ല.. ഫോൺ വിളിച്ചു പറഞ്ഞപ്പോഴും ജയൻ മുടക്ക് പറയാതെ കല്യാണത്തിന് സമ്മതിച്ചപ്പോ വിശ്വാസം വരാഞ്ഞിട്ട് പറയുന്നതാ..  എനിക്കും പേടി ഉണ്ട്.. ജയൻ എന്താകും കാണേണ്ട ആവശ്യല്ല  പറഞ്ഞ് കല്യാണത്തിന് സമ്മതിച്ചത് എന്ന്.. "ഫോൺ വിളിക്കുമ്പോൾ എങ്ങനെയാ.." പവിത്ര "അത്രെ ഓപ്പൺ അല്ല സംസാരം.. എന്നാല് ദേശ്യപ്പെടാറും ഇല്ല. എൻ്റെ ഫോട്ടോ കണ്ടിട്ട് ഇഷ്ടായി എന്നാ പറഞ്ഞത്.. " ""കൊച്ചേച്ചിക്കോ..?" ""എനിക്ക് എന്ത് ഇഷ്ടം..  അനാഥകുട്ടികൾക്ക് ആഗ്രഹം പാടില്ലല്ലോ.. എന്റെ ഇഷ്ടത്തിന് എന്ത് വില...  പിന്നെ കല്യാണം കഴിച്ചാലും അവർ പിന്നെയും എന്നെ പഠിപ്പിക്കാം എന്ന് പറഞ്ഞിട്ടുണ്ട്.. അതൊണ്ടാ പിന്നെ ഞാൻ വേറെ ഒന്നും ജയനോട് ചോദിക്കാഞ്ഞത്..!"" ""എൻ്റെ കൊച്ചേച്ചി ഇനി വിശമിക്കേണ്ടി വരില്ല.. എനിക്ക്‌ ഉറപ്പുണ്ട്.. അമ്മായിമാരുടെ ശല്യം ഒന്നും ഇല്ലാതെ സ്വസ്ഥമായി ജീവിക്കാൻ പറ്റും ചേച്ചിക്ക് .. "" പവിത്ര പറഞ്ഞു.. അതുകേട്ട അനു മൈലാഞ്ചി ഇടുന്നതിനിടക്ക് അവളെ ഒന്ന് നോക്കി നെടുവീർപ്പിട്ടു..  ഉറ്റകൂട്ടുകാരിയുടെ കൈ വിറക്കുന്നതും ഉള്ള് കരയുന്നതും അവൾക്കും കേൾക്കാം ആയിരുന്നു..  ഈ കഥയുടെ ലിങ്ക് ഇവിടെ ഉണ്ടേ ♥️ https://share.aksharathalukal.in/s/57051/view ഇതുപോലെയുള്ള നിരവധി കഥകൾ പരസ്യങ്ങൾ ഒന്നുമില്ലാതെ വായിക്കാനും... നിങ്ങളുടെ മനസ്സിലുള്ള കഥകൾ എഴുതി പണം സമ്പാദിക്കുവാനും ഇന്ന് തന്നെ അക്ഷരത്താളുകൾ ഡൗൺലോഡ് ചെയ്യാൻ മറക്കല്ലേ♥️ #📙 നോവൽ #💞 പ്രണയകഥകൾ #😍 ആദ്യ പ്രണയം #📔 കഥ #💖 മഴയും പ്രണയവും