#📙 നോവൽ മുടിഞ്ഞവളെ.. നീ അഹങ്കാരിയാണ്, അതെങ്ങനെയാ അറിവായ കാലം മുതൽക്കേ ഇങ്ങനെ ആയിരുന്നല്ലോ. തന്നിഷ്ടക്കാരി യായി വളർന്നത് കൊണ്ടാടി നീ ഇങ്ങനെ ആയി തീർന്നത്. പെറ്റമ്മയുടെ ശാപവാക്കുകൾ.. പക്ഷെ ലെവലേശം പോലും ഗംഗ കേൾക്കാൻ തയ്യാറായില്ല. ഭർത്താവിന്റെ വീട്ടിൽ നിന്നും കുറ്റിയും പറിച്ച് പോന്നിട്ട് ആഴ്ച ഒന്ന് കഴിഞ്ഞു. ഇവൾക്ക് മടങ്ങിപ്പോകണമെന്നില്ലേ ഏട്ടാ.. ആ പയ്യൻ ആണെങ്കിൽ എത്ര തവണ ഫോണിൽ വിളിച്ചു, എന്നിട്ടും ഇവിടെ ചെല്ലാൻ ഉണ്ടാക്കുന്നില്ലെന്ന് വെച്ചാൽ..ഗംഗയ്ക്ക് എന്തുപറ്റി, എന്താണ് തിരിച്ചു പോകാത്തത് എന്ന് കരയോഗത്തിൽ ചെന്നപ്പോൾ ഇന്നലെ എത്ര പേര് ചോദിച്ചെന്നോ. സൗദാമിനി ഭർത്താവ് സുകുമാരനെ നോക്കി പുലമ്പുകയാണ്. എന്നാൽ ഗംഗ അവർ പറയുന്നത് ലെവലേശം പോലും കേൾക്കാത്ത മട്ടിൽ അനങ്ങാതെ ഇരുന്നു. നേരം പാതിരാവായി.. പോയി കിടന്നുറങ്ങു അച്ഛമ്മ വന്നിട്ട് മൂവരെ യും നോക്കി. അമ്മയ്ക്ക് കിടക്കണമെങ്കിൽ പോയി കിടക്കരുതോ. എന്തിനാ ഈ തണുപ്പടിച്ച് ഇങ്ങനെ വന്ന് നിൽക്കുന്നത്.. സൗദാമിനി ഈർഷ്യയോട് കൂടി അമ്മായിയമ്മയെ നോക്കി. ഈ കൊച്ചിനെ ഇങ്ങനെ കിടന്നു കുറെ പറഞ്ഞിട്ട് നിനക്കെന്താടി കിട്ടുന്നത്... ഇവൾക്ക് എന്താണ് പറ്റിയത്, എന്തിനാണ് ഇത്ര സങ്കടപ്പെട്ട് തിരിച്ചുവന്നത് എന്ന് ചോദിച്ചു മനസ്സിലാക്കുന്നതിന് പകരം നീ എന്തിനാ ഈ പാവത്തിനെ ഇങ്ങനെ ശപിക്കുന്നത്. അച്ഛമ്മ പിന്നെയും ദേഷ്യത്തോടെ കൂടി അമ്മയോട് ശകാരിച്ചപ്പോൾ അച്ഛൻ അത് ഏറ്റുപിടിച്ചു. അമ്മ, അമ്മയുടെ പണി നോക്ക്.. ഇവള് ഇവളുടെ മകളോടല്ലേ പറഞ്ഞത്. പിന്നെ കെട്ടിച്ചു വിട്ട വീട്ടിൽ പല പ്രശ്നങ്ങളും കാണും, അതൊക്കെ അഡ്ജസ്റ്റ് ചെയ്യണം. അല്ലാണ്ട് തൊട്ടതിനും പിടിച്ചതിനും ഒക്കെ ചാടിക്കേറി പോരാൻ നിന്നാൽ അതിനല്ലേ നേരം കാണൂ. ഇവൾ ഒരെണ്ണമല്ല, താഴെ ഇവളുടെ അനിയത്തി ഉണ്ട്, ആ കുട്ടിയുടെ കാര്യവും നോക്കണ്ടേ, ഈ വർഷം അവളുടെ പിജി കമ്പ്ലീറ്റ് ആകും, ജോലി കിട്ടിയിട്ട് കല്യാണത്തിന് ഒന്നും നോക്കുന്നില്ല നല്ലതൊത്തു വന്നാൽ ആ നിമിഷം മാളുവിനെയും കെട്ടിച്ചുവിടും. തന്റെ മനസ്സിലുള്ള കാര്യങ്ങളൊക്കെയും സുകുമാരൻ പറയുകയാണ്. നീ വന്നേ മോളെ.. അച്ഛമ്മ പറയട്ടെ,,, ജാനകിയമ്മ വന്നിട്ട് ഗംഗയുടെ കയ്യിൽ പിടിച്ചു. എന്നിട്ട് അവളെ അകത്തേക്ക് കൂട്ടിക്കൊണ്ടു പോയി. മുടന്തി മുടന്തി നടന്നു പോകുകയാണ് ഗംഗ. ഒട്ടും വയ്യേ കുട്ടി...നീ ഇതെവിടെയാ വീണത്. നല്ലോണം ചതഞ്ഞിട്ടുണ്ട്. അവർ പറഞ്ഞതും മറുപടിയായി ഒരു നിശ്വാസം മാത്രമായിരുന്നു ഗംഗയിൽ നിന്ന് വന്നത്.. ഗംഗ സുകുമാരൻ.... 26വയസ് യോഗ്യത എം എസ് സി മാത്‍സ് ജോലി:ലഭിച്ചിട്ടില്ല മാതാ പിതാക്കൾ സുകുമാരൻ തമ്പി, സൗദാമിനി സഹോദരി മാളു എന്ന പൂജ 101പവn സ്വർണ്ണവും പത്തുലക്ഷം രൂപ ബാങ്ക് ബാലൻസും സ്ത്രീധനമായി കൊടുത്തു കൊണ്ടാണ് കെഎസ്ഇബിയിൽ എൻജിനീയറായ വിശാൽ മേനോൻ എന്ന 30 കാരനും ആയിട്ടുള്ള അവളുടെ വിവാഹം നടത്തി വിട്ടത്. നാളെയാണ് വിവാഹം കഴിഞ്ഞിട്ട് മൂന്നുമാസം ആകുന്നത്. രണ്ടായിരത്തിൽ പരം ആളുകൾ ആയിരുന്നു അവളുടെ വിവാഹത്തിന് വന്നത്. ചെറുക്കന്റെ വീട്ടിൽ നിന്ന് മാത്രം 750 ആളുകൾ. 1300 മേലെ ആളുകൾ ഉണ്ടായിരുന്നു പെൺകുട്ടിയുടെ വീട്ടിലും. നഗരത്തിലെ പ്രസിദ്ധമായ ഒരു കൺവെൻഷൻ സെൻട്രൽ വച്ച് നാല് ദിവസത്തെ ചടങ്ങുകളോട് കൂടിയ വളരെ പ്രൗഢമായ വിവാഹം. എല്ലാവരും അതിശയത്തോടെ ആയിരുന്നു വിവാഹത്തിൽ പങ്കെടുത്തത്. സുകുമാരൻ നായർ സ്ഥലത്തെ പ്രമാണിയാണ്, അതുകൊണ്ട് ഈ ആർഭാടം ഒന്നും അത്രയ്ക്ക് വലുതല്ല. എങ്കിലും ആളുകളെ കൂട്ടാനായി ഒരുപാട് താഴേക്കിടയിൽ ഉള്ളവരെയും അയാൾ ക്ഷണിച്ചിരുന്നു. ആ ആളുകൾക്കൊക്കെ ഭയങ്കര അത്ഭുതമായിരുന്നു ഈ വിവാഹം എന്നു പറയുന്നത്. കാരണം അവരാരും ഇത്രയും വലിയൊരു ചടങ്ങ് കൂടിയിട്ടില്ല. ഗർവോടു കൂടി നിൽക്കുന്ന സുകുമാരനെ ആദരവോടെയാണ് ആളുകളൊക്കെ നോക്കിക്കാണുന്നത്. പൊന്നിൽ കുളിച്ച് നടന്നുവരുന്ന മകളെ അയാൾ അഭിമാനത്തോടെ നോക്കി. വിശാൽമേനോൻ ആണെങ്കിൽ അതിസുന്ദരൻ ആയിരുന്നു. അവന്റെ അച്ഛനും അമ്മയും ഒക്കെ വിദേശത്താണ്. അവർക്ക് അവിടെ ഹൈപ്പർ മാർക്കറ്റ് ഉണ്ട്. മകൻ വളർന്നത് അമ്മാവന്റെ കൂടെ നിന്നു. ഒരേയൊരു മകൻ. ഇഷ്ടം പോലെ സ്വത്തുവകകൾ അച്ഛനും അമ്മയും ഒക്കെ വിവാഹം പ്രമാണിച്ച് നാട്ടിലേക്ക് വരും, ശേഷം മടങ്ങി പോകുകയും ചെയ്യും. കാരണം രണ്ടുമൂന്നു വർഷത്തിനുള്ളിൽ ദുബായിലെ ബിസിനസ് ഒക്കെ അവസാനിപ്പിച്ച് നാട്ടിലേക്ക് വരുവാനാണ് അവരുടെ പ്ലാൻ. വിശാലമായിട്ടുള്ള വിവാഹാലോചന വന്നപ്പോൾ സുകുമാരൻ നായർ കുറെ ആളുകളോട് അന്വേഷിച്ചു. എല്ലാവർക്കും ഒരേ ഒരു അഭിപ്രായം മാത്രം, വളരെ നല്ലവനായ ഒരു ചെറുപ്പക്കാരനാണ് , ഒന്നും നോക്കണ്ട കണ്ണുമടച്ച് കെട്ടിച്ചു വിട്ടോളൂ, യാതൊരു ദുശീലവും ഇല്ല, എല്ലാ മനുഷ്യരോടും വളരെ എളിമയിലാണ് സംസാരം, നല്ല വിദ്യാഭ്യാസ യോഗ്യത, ഒന്നാന്തരം ഒരു ജോലി, ഇഷ്ടം പോലെ പണം, കാണാനും സുന്ദരൻ. ഇതിൽപരം മറ്റെന്തു വേണം... മകളുടെ ഭാഗ്യമാണെന്ന് പറഞ്ഞ് സൗദാമിനിയും സുകുമാരനും ഒന്നും നോക്കാതെ കെട്ടിച്ചു വിടാൻ തീരുമാനിച്ചു.. മോളെ...... ഗംഗമോളെ, എഴുന്നേറ്റു വന്നേടി.. വിശാൽ വന്നിട്ടുണ്ട് കേട്ടോ. സൗദാമിനി വന്നിട്ട് മകളുടെ തോളിൽ പിടിച്ചു കുലുക്കി. പെട്ടന്ന് ഗംഗ എഴുന്നേറ്റു. അവരെയൊന്നു നോക്കി. വിശാൽ വന്നിട്ടുണ്ട്. പുറത്തിരിക്കുവാ. നീയൊന്ന് വന്നെടി അവൻ പാവം ആയോണ്ടല്ലേടി വീണ്ടും വന്നത്. അമ്മയുടെ സ്നേഹത്തോടെയുള്ള സംസാരം കേട്ടപ്പോൾ ഗംഗ അറപ്പോടെ അവരെ നോക്കി. അടുത്ത ഭാഗം (2) നമ്മുടെ പ്രീമിയം ഗ്രൂപ്പിൽ പോസ്റ്റ് ചെയ്തിട്ടുണ്ട്.. ഇപ്പോൾ തന്നെ വായിക്കാൻ പേജ് സബ്സ്ക്രൈബ് ചെയ്യുക ( ഫസ്റ്റ് കമൻറ് നോക്കുക ) തുടരും കഥ വായിച്ചിട്ട് അഭിപ്രായം പറയണേ.. പിന്നെ നിങ്ങൾക്ക് ഇഷ്ടം ആയെങ്കിൽ ലൈക്‌ ചെയ്യാനും കമന്റ്‌ തരാനും മറക്കരുതേ.. സ്നേഹത്തോടെ മിത്രവിന്ദ