#🍲 ഭക്ഷണപ്രേമി *🌶️ ഇന്നത്തെ പാചകം 🍳* *ചെറുപഴം അപ്പം* +------+------+------+------+ ``` കുട്ടികൾക്കു മാത്രമല്ല മുതിർന്നവർക്കും ഒരുപോലെ ഇഷ്ടപ്പെടുന്ന പലഹാരങ്ങൾ എപ്പോഴും കടയിൽ നിന്നു തന്നെ വാങ്ങേണ്ട. ചെറുപഴം കയ്യിലുണ്ടെങ്കിൽ അത്തരത്തിലുള്ളവ നമുക്ക് വീട്ടിൽ തന്നെ തയ്യാറാക്കാം. നന്നായി പഴുത്ത ചെറുപഴവും ശർക്കരപ്പാനിയും പോലെയുള്ള നാടൻ രുചിക്കൂട്ടുകൾ മതിയാകും ഇത് തയ്യാറാക്കാൻ.. വീട്ടിലുള്ള സാധാരണ അപ്പച്ചെമ്പിലോ ഇഡ്ഡലിപ്പാത്രത്തിലോ വെച്ച് ആവിയിലാണ് ഇത് വേവിച്ചെടുക്കുന്നത്. അതുകൊണ്ടുതന്നെ ഇത് ആരോഗ്യത്തിന് ഒട്ടും ദോഷം വരുത്തുകയുമില്ല. ``` _______________________ *ചേരുവകൾ* _______________________ _ചെറുപഴം- 5 എണ്ണം_ _തേങ്ങാപ്പാൽ- 1 കപ്പ്_ _അരിപ്പൊടി- 1 കപ്പ്_ _ശർക്കര- 1/2 കപ്പ്_ _വെള്ളം- 1/2 കപ്പ്_ _ഏലക്കപ്പൊടി- 1/2 ടീസ്പൂൺ_ _ഉപ്പ്- 1 നുള്ള്_ _______________________ *തയ്യാറാക്കുന്ന വിധം* _______________________ ```നന്നായി പഴുത്ത 5 ചെറുപഴം തൊലി കളഞ്ഞ് നന്നായി അരച്ചെടുക്കാം. ഒരു ബൗളിലേക്ക് ഒരു കപ്പ് അരിപ്പൊടിയെടുക്കാം. അര കപ്പ് ശർക്കരയിൽ അര കപ്പ് വെള്ളം ഒഴിച്ച് വറ്റിച്ച് തയ്യാറാക്കിയ ശർക്കര പാനി അതിലേക്ക് ഒഴിച്ച് നന്നായി ഇളക്കി യോജിപ്പിക്കാം. ഇതിലേക്ക് അര ടീസ്പൂൺ​ ഏലക്കപ്പൊടിയും ഒരു നുള്ള് ഉപ്പും ചേർത്തിളക്കി യോജിപ്പിക്കാം. ഒരു പരന്ന പ്ലേറ്റിലേക്ക് വാഴയില വച്ച് അൽപം നെയ്യ് പുരട്ടാം. തയ്യാറാക്കിയ മാവ് അതിലേക്ക് ഒഴിക്കാം. ശേഷം ആവിയിൽ വേവിച്ചെടുക്കാം. ഇത് ചൂടോടെ മുറിച്ച് കഴിച്ചു നോക്കൂ. ``` +------+------+------+------+

#🍲 ഭക്ഷണപ്രേമി *🌶️ ഇന്നത്തെ പാചകം 🍳* *പാൽ പൊറോട്ട* +------+------+------+-------+ ```പൊറോട്ടയും ബീഫും മലയാളികളുടെ ദേശീയ ഭക്ഷണമാണെന്ന് പറയപ്പെടുന്നു. എന്നാൽ സ്ഥിരമായി അതു കഴിക്കുന്നത് ആരോഗ്യത്തിന് ഗുണം ചെയ്തേക്കില്ല. പക്ഷേ പൊറോട്ടയോടുള്ള പ്രിയം കുറയുന്നില്ല എന്നാണെങ്കിൽ ഹെൽത്തി ആയിട്ട് വീട്ടിൽ തന്നെ അത് തയ്യാറാക്കി നോക്കാം. സാധാരണ മൈദയും മുട്ടയും ചേർത്താണ് പൊറോട്ട മാവ് കുഴച്ചെടുക്കാറുള്ളത്. എന്നാൽ നമുക്കിന്നു ഗോതമ്പും പാലും ചേർത്ത് പൊറോട്ട തയ്യാറാക്കാം. ഇത് മൈദ പൊറോട്ട പോലെ ആരോഗ്യത്തിന് അത്ര ദോഷകരമല്ല. കടയിൽ നിന്നും വാങ്ങുന്നതിനേക്കാൽ സോഫ്റ്റായിട്ടുള്ള ഗോതമ്പ് പാൽ പൊറോട്ട ഇൻസ്റ്റൻ്റ് ആയിട്ട് വളരെ എളുപ്പത്തിൽ വീട്ടിൽ തന്നെ എങ്ങനെ ചുട്ടെടുക്കാം എന്ന് നോക്കാം... ``` ______________________ *ചേരുവകൾ* ______________________ _ഗോതമ്പ്- 2 കപ്പ്_ _പാൽ- 3/4 കപ്പ്_ _വെള്ളം- ആവശ്യത്തിന്_ _നെയ്യ്- ആവശ്യത്തിന്_ _____________________ *തയ്യാറാക്കുന്ന വിധം* ________________________ ```രണ്ട് കപ്പ് ഗോതമ്പ് പൊടിയിലേക്ക് മുക്കാൽ കപ്പ് ചൂട് പാൽ ഒഴിക്കാം. അൽപം വെള്ളം കൂടി ഒഴിച്ച് ഇളക്കി മാവ് കുഴക്കാം. കുഴച്ചെടുത്ത മാവ് ചെറിയ ഉരുളകളാക്കുക. അവ പരത്താം. ആദ്യം കുറച്ച് കട്ടിയിൽ പരത്തി ഉള്ളിൽ കുറച്ച നെയ്യ് ചേർത്ത് ത്രികോണാകൃതിയിൽ മടക്കി പരത്താം. ഒരു പാൻ അടുപ്പിൽ വച്ചു ചൂടാക്കി പൊറോട്ട ചുട്ടെടുക്കാം.``` +------+------+------+-------+

#🍲 ഭക്ഷണപ്രേമി *🌶️ ഇന്നത്തെ പാചകം 🍳* *റാഗി ചപ്പാത്തി* +------+------+------+-----+ ```രാവിലത്തെ ഭക്ഷണമാണ് നിങ്ങളുടെ ഒരു ദിവസത്തെ ഊർജ്ജവും ഉന്മേഷവും തീരുമാനിക്കുന്നത്. പോഷകങ്ങൾ നിറഞ്ഞ ഭക്ഷണം ഈ സമയത്ത് കഴിക്കാൻ ശ്രദ്ധിക്കണം. മലയാളികൾക്ക് പൊതുവേ ഇഡ്ഡലി, ദോശ, അതും അല്ലെങ്കിൽ ചപ്പാത്തിയുമാണ് സ്ഥിരം പ്രഭാത ഭക്ഷണ പട്ടികയിൽ ഉള്ളത്. ഇവ തന്നെ വ്യത്യസ്ത രീതിയിൽ പാകം ചെയ്താൽ രുചിയും ഗുണവും ഏറും. ചപ്പാത്തിയിൽ തന്നെ പല പരീക്ഷണങ്ങൾ ആവാം. കുറച്ച് റാഗിപ്പൊടി ഉണ്ടെങ്കിൽ ഇനി ഹെൽത്തിയും സോഫ്റ്റുമായ ചപ്പാത്തി ചുട്ടെടുക്കാം. ``` _______________________ *ചേരുവകൾ* ____________________ _റാഗിപ്പൊടി - രണ്ട് കപ്പ്_ _ഗോതമ്പ്പൊടി - രണ്ട് കപ്പ്_ _ഉപ്പ് - ഒരു ടേബിൾസ്പൂൺ_ _നെയ്യ് - ചുടാൻ ആവശ്യം ആയത്_ _വെള്ളം - 2 കപ്പ്_ ______________________ *തയ്യാറാക്കുന്ന വിധം* ______________________ ```രണ്ട് കപ്പ് റാഗിപ്പൊടിയും, ഗോതമ്പ് പൊടിയും ഒരു ടേബിൾസ്പൂൺ ഉപ്പും ചേർത്ത് യോജിപ്പിക്കാം. ആവശ്യമെങ്കിൽ മാവ് തയ്യാറാക്കാൻ രണ്ട് കപ്പ് വെള്ളം ചേർക്കാവുന്നതാണ്. ഇതിൽ നിന്ന് ചെറിയ ഉരുളകളുണ്ടാക്കി ചപ്പാത്തി പരത്താം. ഒരു പാൻ അടുപ്പിൽ വച്ച് അൽപ്പം നെയ്യ് പുരട്ടി റാഗി ചപ്പാത്തി ചുട്ടെടുക്കാം.``` +----+------+------+-----+

#🍲 ഭക്ഷണപ്രേമി

#🍲 ഭക്ഷണപ്രേമി *🌶️ ഇന്നത്തെ പാചകം 🍳* *മധുരക്കിഴങ്ങ് ലഡു* +------+------+------+------+ ```മധുരക്കിഴങ്ങ് ആരോഗ്യസംരക്ഷണത്തിന്റെ കാര്യത്തിൽ മുൻപന്തിയിൽ നിൽക്കുന്ന ഒരു കിഴങ്ങുവർഗ്ഗം ആണ്.വിറ്റാമിൻ സി, വിറ്റാമിൻ ബി, ഡയറ്ററി ഫൈബർ, പൊട്ടാസ്യം, മാംഗനീസ് എന്നിവയാൽ സമ്പന്നമാണ്. നമുക്കേവർക്കും പരിചിതമായ ലഡ്ഡു, തികച്ചും വ്യത്യസ്തമായ ചേരുവകൾ കൊണ്ട് മധുരക്കിഴങ്ങ് ഉപയോഗിച്ച കൂടുതൽ ആരോഗ്യപ്രദമായി മാറ്റിയെടുക്കാം.മധുരക്കിഴങ്ങിന്റെ സ്വാഭാവികമായ മധുരവും എള്ളിന്റെ മണവും മൈദയുടെ പരുവവും ഒത്തുചേരുമ്പോൾ ഇതൊരു അപൂർവ്വ രുചിക്കൂട്ടായി മാറുന്നു. ``` __________________________ *ചേരുവകൾ* __________________________ _മധുരക്കിഴങ്ങ്- 200 ഗ്രാം_ _വെളുത്ത എള്ള്- ആവശ്യത്തിന്_ _പഞ്ചസാര- 30 ഗ്രാം_ _എണ്ണ- ആവശ്യത്തിന്_ _മൈദ- 60ഗ്രാം_ __________________________ *തയ്യാറാക്കുന്ന വിധം* __________________________ ```200 ഗ്രാം മധുരക്കിഴങ്ങ് ചെറുതായി അരിഞ്ഞതിലേക്ക് 30 ഗ്രാം പഞ്ചസാര ചേർത്ത് ആവിയിൽ വേവിച്ചെടുക്കുക. നന്നായി വെന്ത കിഴങ്ങ് ഉടച്ചെടുക്കുക. ഇതിലേക്ക് 60ഗ്രാം മൈദ ചേർത്തിളക്കി ചെറിയ ഉരുളകളാക്കി മാറ്റി വെക്കുക . ആവശ്യമെങ്കിൽ കുറച്ച് വെള്ളം ഉപയോഗിക്കാം. മധുരക്കിഴങ്ങ് ഉരുളകൾ വെളുത്ത എള്ളിൽ മുക്കിയെടുക്കുക. അടികട്ടിയുള്ള ഒരു പാത്രം അടുപ്പിൽ വെച്ച് ആവശ്യത്തിന് എണ്ണയൊഴിച്ചു ചൂടാക്കി ഇടത്തരം തീയിൽ ഉരുളക്കിഴങ്ങ് ലഡു വറുത്തെടുക്കുക. ചൂടോടെ തന്നെ കഴിച്ചു നോക്കൂ. ``` +------+------+------+------+

#🍲 ഭക്ഷണപ്രേമി *🌶️ ഇന്നത്തെ പാചകം 🍳* *റൊട്ടി സമൂസ* +------+-----+------+------+ ```അടുക്കളയിൽ ബാക്കി വരുന്ന ചപ്പാത്തി ഉണ്ടെങ്കിൽ ഇനി സംഗതി എളുപ്പമാണ്. ബാക്കി വന്ന ചപ്പാത്തി കൊണ്ട് വെറും 15-20 മിനിറ്റിനുള്ളിൽ തയ്യാറാക്കാൻ കഴിയുന്ന ഒരു കിടിലൻ നാലുമണി പലഹാരമാണ് 'റൊട്ടി സമൂസ'. കടകളിൽ നിന്ന് വാങ്ങുന്ന എണ്ണമയമുള്ള പലഹാരങ്ങൾക്ക് പകരമായി, വളരെ കുറഞ്ഞ എണ്ണയിൽ വീട്ടിൽ തന്നെ ക്രിസ്പിയായി ഇത് ഉണ്ടാക്കിയെടുക്കാം. ബാക്കി വന്ന റൊട്ടികൾ പാഴാക്കാതെ തികച്ചും വ്യത്യസ്തമായ രുചിയിൽ പുനരുപയോഗിക്കാനുള്ള മികച്ചൊരു മാർഗ്ഗം കൂടിയാണിത്.``` _______________________ *ചേരുവകൾ* _______________________ _ബാക്കി വന്ന ചപ്പാത്തി/റൊട്ടി- 3-4 എണ്ണം_ _മൈദയോ ഗോതമ്പ് പൊടിയും വെള്ളവും ചേർത്ത പേസ്റ്റോ- ആവശ്യത്തിന്_ _മല്ലിയില- ചെറുതായി അരിഞ്ഞത്_ _എണ്ണ- 2 ടേബിൾസ്പൂൺ_ _ജീരകം- 1 ടീസ്പൂൺ_ _കായപ്പൊടി- 1/4 ടീസ്പൂൺ_ _ഇഞ്ചി- 1/2 ടീസ്പൂൺ (ചിരകിയത്)_ _പച്ചമുളക്- 1 എണ്ണം (ചെറുതായി അരിഞ്ഞത്)_ _മഞ്ഞൾപ്പൊടി- 1/2 ടീസ്പൂൺ_ _മല്ലിപ്പൊടി- 1/2 ടീസ്പൂൺ_ _ഉരുളക്കിഴങ്ങ്- 2-3 എണ്ണം (പുഴുങ്ങിയത്)_ `ഉപ്പ്- ആവശ്യത്തിന്_ _______________________ *തയ്യാറാക്കുന്ന വിധം* _______________________ ```സമൂസക്കുള്ള ഫില്ലിംഗ് തയ്യാറാക്കാം. ഒരു പാൻ ചൂടാക്കി അതിലേക്ക് എണ്ണ ഒഴിക്കുക. എണ്ണ ചൂടാകുമ്പോൾ ജീരകം, മല്ലിപ്പൊടി, കായപ്പൊടി, ഇഞ്ചി, പച്ചമുളക്, മഞ്ഞൾപ്പൊടി, മുളകുപൊടി, മല്ലിയില എന്നിവ ചേർത്ത് നന്നായി വഴറ്റുക. ഇതിലേക്ക് പുഴുങ്ങി വെച്ചിരിക്കുന്ന ഉരുളക്കിഴങ്ങ് ചെറുതായി ഉടച്ച് ചേർക്കുക. മസാലകളുമായി ഇത് നന്നായി യോജിപ്പിക്കണം. ഉരുളക്കിഴങ്ങ് നല്ലതുപോലെ ഉടച്ചെടുത്ത ശേഷം ഈ ഫില്ലിംഗ് തണുക്കാനായി മാറ്റിവെക്കുക. ബാക്കി വന്ന ചപ്പാത്തികൾ ഓരോന്നും നടുവേ പകുതിയായി (രണ്ട് തുല്യ ഭാഗങ്ങളായി) മുറിക്കുക. മുറിച്ചുവെച്ച ചപ്പാത്തിയുടെ ഒരു പകുതി എടുത്ത്, അതിന്റെ വശങ്ങൾ ഒട്ടിക്കാനായി തയ്യാറാക്കിവെച്ചിരിക്കുന്ന മൈദ പേസ്റ്റ് പുരട്ടുക. അരികുകൾ തമ്മിൽ നന്നായി അമർത്തി ഒരു കോൺ ആകൃതിയിലാക്കുക. തയ്യാറാക്കിവെച്ചിരിക്കുന്ന ഉരുളക്കിഴങ്ങ് മസാല ഈ കോണിനുള്ളിലേക്ക് നിറക്കുക. അതിനുശേഷം സമൂസയുടെ തുറന്ന വശം മൈദ പേസ്റ്റ് ഉപയോഗിച്ച് നന്നായി ഒട്ടിച്ച് സീൽ ചെയ്യുക. ഒരു പാനിൽ എണ്ണ ചൂടാക്കി, തയ്യാറാക്കിയ സമൂസകൾ സ്വർണ്ണ നിറവും നല്ല ക്രിസ്പിയുമാകുന്നത് വരെ വറുത്തെടുക്കുക. ചൂടുള്ള ചപ്പാത്തി സമൂസകൾ ചമ്മന്തിക്കൊപ്പമോ നല്ലൊരു കട്ടൻ ചായക്കൊപ്പമോ ചൂടോടെ വിളമ്പാം.``` +------+-----+------+------+

#🍲 ഭക്ഷണപ്രേമി *🌶️ ഇന്നത്തെ പാചകം 🍳* *ചിക്കൻ അച്ചാർ* +------+------+-----+-------+ ```സാധാരണയായി അച്ചാറുകൾ ഉണ്ടാക്കുമ്പോൾ ചിക്കൻ കഷണങ്ങൾ ഒരുപാട് എണ്ണയിൽ വറുത്തെടുക്കുകയാണ് ചെയ്യാറുള്ളത്. എന്നാൽ എണ്ണയുടെ ഉപയോഗം പരമാവധി കുറച്ചുകൊണ്ട്, ആരോഗ്യകരമായ രീതിയിൽ ആണ് ഈ സ്പെഷ്യൽ ചിക്കൻ അച്ചാർ തയ്യാറാക്കുന്നത്‌. അതുകൊണ്ടുതന്നെ ഡയറ്റ് നോക്കുന്നവർക്കും ഹെൽത്തി ലൈഫ്സ്റ്റൈൽ പിന്തുടരുന്നവർക്കും യാതൊരുവിധ ഭയവുമില്ലാതെ ഇത് ഭക്ഷണത്തിൽ ഉൾപ്പെടുത്താം. ചിക്കൻ കഷണങ്ങളിൽ മസാല നന്നായി പിടിച്ചതിനു ശേഷം എയർ ഫ്രൈ ചെയ്ത്, വിനാഗിരിയും മറ്റ് ചേരുവകളും ചേർത്ത് പാകപ്പെടുത്തിയെടുക്കുന്ന ഈ അച്ചാർ ദീർഘനാൾ കേടുകൂടാതെ സൂക്ഷിക്കാനും സാധിക്കും. ``` _______________________ *ചേരുവകൾ* _______________________ *ചിക്കന് ആവശ്യമുള്ളത്* _ചിക്കൻ- 500ഗ്രാം_ _കാശ്മീരി മുളകുപൊടി- 2 ടീസ്പൂൺ_ _മഞ്ഞൾപ്പൊടി- 1/2 ടീസ്പൂൺ_ _ഉപ്പ്- 1 ടീസ്പൂൺ_ _നല്ലെണ്ണ- 1 ടീസ്പൂൺ_ *അച്ചാറിന്* _നല്ലെണ്ണ- 4 ടേബിൾസ്പൂൺ_ _കടുക്- 1 ടീസ്പൂൺ_ _ഇഞ്ചി വെളുത്തുള്ളി- 1/2 കപ്പ്_ _കറിവേപ്പില- 4 തണ്ട്_ _കശ്മീരിമുളകുപൊടി- 3 ടേബിൾസ്പൂൺ_ _ഉലുവപ്പൊടി- 2 ടീസ്പൂൺ_ _വിനാഗിരി- 1/2 കപ്പ്_ _കായപ്പൊടി- 1/2 ടീസ്പൂൺ_ _ഉപ്പ്- ആവശ്യത്തിന്_ _ശർക്കരപ്പൊടി- 2 ടീസ്പൂൺ_ _______________________ *തയ്യാറാക്കുന്ന വിധം* _______________________ ```ഒരു ബൗളിൽ ചിക്കൻ കഷണങ്ങൾ കാശ്മീരി മുളകുപൊടി, മഞ്ഞൾപ്പൊടി, ഉപ്പ്, നല്ലെണ്ണ എന്നിവ ചേർത്ത് നന്നായി യോജിപ്പിക്കുക. കുറഞ്ഞത് 30 മിനിറ്റെങ്കിലും ഇത് മാറ്റിവെക്കുക. മസാല പുരട്ടി വെച്ച ചിക്കൻ 180°C-ൽ 15 മിനിറ്റ് അല്ലെങ്കിൽ നന്നായി വെന്തു മൊരിയുന്നതുവരെ എയർ ഫ്രൈ ചെയ്തെടുക്കുക. ഇത് മാറ്റിവെക്കാം. ഒരു പാനിൽ നല്ലെണ്ണ ഒഴിച്ച് ഇടത്തരം തീയിൽ ചൂടാക്കുക. ഇതിലേക്ക് കടുക് ചേർത്ത് പൊട്ടിക്കുക. ചെറുതായി അരിഞ്ഞു വെച്ച ഇഞ്ചിയും വെളുത്തുള്ളിയും ചേർത്ത് നേരിയ ഗോൾഡൻ നിറമാകുന്നതുവരെ വഴറ്റുക. കറിവേപ്പില ചേർത്ത് കുറച്ചു സെക്കൻഡ് വഴറ്റുക. കാശ്മീരി മുളകുപൊടി, ഉലുവപ്പൊടി, കായപ്പൊടി എന്നിവ ചേർത്ത് നന്നായി ഇളക്കുക. വിനാഗിരി ഒഴിച്ച് എല്ലാം കൂടി നന്നായി യോജിപ്പിക്കുക. എയർ ഫ്രൈ ചെയ്ത് മാറ്റിവെച്ചിരിക്കുന്ന ചിക്കൻ ഇതിലേക്ക് ചേർത്ത് മസാല എല്ലാ ഭാഗത്തും നന്നായി പിടിക്കുന്നതുവരെ ഇളക്കുക. ഉപ്പ് പാകമാണോ എന്ന് നോക്കി ആവശ്യാനുസരണം ചേർക്കുക. ശേഷം ശർക്കരപ്പൊടി ചേർത്ത് അത് നന്നായി അലിയുന്നതുവരെ ഇളക്കുക. അച്ചാർ പൂർണ്ണമായും തണുത്തതിന് ശേഷം മാത്രം വായുകടക്കാത്ത ഒരു ഭരണയിലേക്കോ പാത്രത്തിലേക്കോ മാറ്റുക.``` *സൂക്ഷിക്കേണ്ട വിധം* ```ചിക്കൻ അച്ചാർ പൂർണ്ണമായും തണുത്തതിന് ശേഷം മാത്രം വൃത്തിയുള്ളതും ഈർപ്പമില്ലാത്തതുമായ വായുകടക്കാത്ത പാത്രത്തിൽ സൂക്ഷിക്കുക. ഇത് തണുപ്പുള്ളതും ഉണങ്ങിയതുമായ സ്ഥലത്ത് വെച്ചാൽ 2 ദിവസം വരെ കേടുകൂടാതെ ഇരിക്കും. കൂടുതൽ ദിവസങ്ങൾ സൂക്ഷിച്ചുവെക്കാൻ 2-3 ആഴ്ച വരെ ഫ്രിഡ്ജിൽ വെക്കാം. അച്ചാർ കേടാകാതിരിക്കാനും കൂടുതൽ നാൾ ഈടുനിൽക്കാനും എപ്പോഴും വൃത്തിയുള്ളതും ഈർപ്പമില്ലാത്തതുമായ ഉണങ്ങിയ സ്പൂൺ മാത്രം ഉപയോഗിക്കുക.``` +-------+-------+------+-------+

#🍲 ഭക്ഷണപ്രേമി *🌶️ ഇന്നത്തെ പാചകം 🍳* *മാമ്പഴക്കറി* +-----+------+------+------+ ```മാമ്പഴക്കാലമെന്നാൽ പച്ചമാങ്ങയും പഴുത്ത മാങ്ങയും ചേർത്ത് വ്യത്യസ്ത രുചിഭേദങ്ങൾ സൃഷ്ടിക്കുന്ന കറികളുടെ മണമായിരിക്കും മിക്ക വീടുകളിലും. അതിൽ അധികം ആളുകളെയും കൊതിപ്പിക്കുന്നത് മാമ്പഴക്കറിയാണ്. സ്വൽപം എരിവും മധുരവും പുളിയും കൂടികലർന്ന ആ നാടൻ വിഭവം ചോറിനൊപ്പവും അല്ലെതെയും കഴിക്കാം. നന്നായി പഴുത്ത നാട്ടുമാങ്ങയാണ് ഇത് തയ്യാറാക്കാൻ ഉത്തമം. ചെറിയ പുളിയോടു കൂടിയ ഈ മാമ്പഴത്തിനൊപ്പം തേങ്ങയും ശർക്കരയുമാണ് ചേർക്കുന്നത്. മാമ്പഴക്കറി എങ്ങനെ തയ്യാറാക്കാം എന്ന് പരിചയപ്പെടാം.``` ______________________ *ചേരുവകൾ* ______________________ _മാങ്ങ- 10 എണ്ണം_ _ശർക്കര- 1 ടേബിൾ സ്പൂൺ_ _മഞ്ഞൾപ്പൊടി- 1/2 ടീസ്പൂൺ_ _തേങ്ങ ചിരകിയത്- 3 കപ്പ്_ _ഏലക്ക - ആവശ്യത്തിന്_ _നെയ്യ്- 3 ടീസ്പൂൺ_ _കറിവേപ്പില- ആവശ്യത്തിന്_ _വറ്റൽമുളക്- 3 എണ്ണം_ _കടുക്- 1 ടീസ്പൂൺ_ _വെളിച്ചെണ്ണ- ആവശ്യത്തിന്_ ____________________ *തയ്യാറാക്കുന്ന വിധം* _____________________ ```മാങ്ങ തൊലി കളഞ്ഞ് വൃത്തിയാക്കിയെടുക്കാം. കത്തികൊണ്ട് ചെറിയ വരകൾ അതിലിട്ട് മാറ്റി വക്കാം. മൂന്ന് കപ്പ് തേങ്ങയിലേക്ക് ശർക്കര പൊടിച്ചു ചേർക്കാം. ഒപ്പം ചെറിയ സ്പൂൺ ഏലക്ക് പൊടിച്ചതും ചേർക്കാം. ഇതിലേക്ക് കുറച്ച് വെള്ളം ഒഴിച്ച് അടുപ്പിൽ വക്കാം. ശർക്കര നന്നായി അലിഞ്ഞ് വെള്ളം വറ്റി തുടങ്ങുമ്പോൾ മാമ്പഴം അതിലേക്കു ചേർക്കാം. ഒപ്പം മൂന്ന് ടീസ്പൂൺ നെയ്യ് ഒഴിക്കാം. കറി കുറുകുമ്പോൾ അടുപ്പണക്കാം. ഒരു പാനിൽ വെളിച്ചെണ്ണ ഒഴിച്ചു ചൂടാക്കാം. അതിലേയ്ക്ക് കടുക് ചേർത്തു പൊട്ടിക്കാം. വറ്റൽമുളക് കറിവേപ്പില എന്നിവ ചേർത്തു വറുക്കാം. ഈ താളിപ്പ് കറിയിലേക്കു ചേർത്ത് ചൂടോടെ വിളമ്പി കഴിച്ചു നോക്കൂ.``` +-----+------+------+------+

#🍲 ഭക്ഷണപ്രേമി

#🍲 ഭക്ഷണപ്രേമി *🌶️ഇന്നത്തെ പാചകം 🍳* *പാൽക്കട്ട മിഠായി* +-----+------+------+--------+ ```പണ്ട് സ്കൂൾ വിട്ട് വരുമ്പോൾ കൂട്ടുകാരോടൊപ്പം വഴിയരികിലെ പെട്ടിക്കടകളിൽ നിന്നും 50 പൈസക്ക് വാങ്ങി കഴിച്ചിരുന്ന ആ പഴയകാല മിഠായികൾ ഓർമ്മയുണ്ടോ? അക്കൂട്ടത്തിൽ ഒന്നായിരുന്നു വായിലിട്ടാൽ അലിഞ്ഞുപോകുന്ന നല്ല സ്വാദൂറുന്ന പാൽക്കട്ട മിഠായി. നൊസ്റ്റാൾജിയ ഉണർത്തുന്ന ആ പഴയ പാൽക്കട്ടയുടെ രുചി ഇന്ന് വിപണിയിൽ അത്ര എളുപ്പത്തിൽ കാണാൻ കിട്ടാറില്ല. എന്നാൽ ആ പഴയ കുട്ടിക്കാലത്തെ മധുരമുള്ള ഓർമ്മകളിലേക്ക് തിരികെ പോയാലോ? കുട്ടിക്കാലത്തെ ആ മധുരമുള്ള ഓർമ്മകളെ വീണ്ടും നെഞ്ചിലേറ്റാൻ, തികച്ചും നാടൻ ശൈലിയിൽ രുചികരമായ പാൽക്കട്ട മിഠായി വീട്ടിലൊരുക്കാം. ``` ______________________ *ചേരുവകൾ* ______________________ _നെയ്യ്-1/2 കപ്പ്_ _മൈദ-1 കപ്പ്_ _പൊടിച്ച പഞ്ചസാര-1/2 കപ്പ്_ _ഏലക്ക പൊടി-1/4 ടീസ്പൂൺ_ ______________________ *തയ്യാറാക്കുന്ന വിധം* ______________________ ```ഒരു പാൻ അടുപ്പിൽ വച്ചു ചൂടാക്കാം. അതിലേക്ക് അര കപ്പ് നെയ്യ് ചേർത്തു ചൂടാക്കാം. നെയ്യ് നന്നായി ഉരുകിയതിനു ശേഷം ഒരു കപ്പ് മൈദ ചേർത്ത് 10മുതൽ 15 മിനിറ്റ് വരെ വറുക്കാം. ശേഷം ഇത് ഒരു ബൗളിലേക്ക് പകർന്ന് തണുക്കാൻ വക്കാം. മൈദ തണുത്തതിനു ശേഷം അര കപ്പ് പൊടിച്ച പഞ്ചസാരയും, കാൽ ടീസ്പൂൺ ഏലക്കപ്പൊടിയും ചേർത്തിളക്കി യോജിപ്പിക്കാം. ഒരു കേക്ക് പാനിലേക്കോ അല്ലെങ്കിൽ പരന്ന പാത്രത്തിൽ നെയ്യ് പുരട്ടിയതിലേക്കു പകർന്ന് പരത്താം. ഇത് അര മണിക്കൂർ ഫ്രിഡ്ജിൽ വക്കാം. ശേഷം പുറത്തെടുത്ത് ചെറിയ കഷ്ണങ്ങളാക്കി കഴിക്കാം.``` +-----+------+------+--------+