𝓥 𝓲 𝓷 𝓪 𝔂 𝓪 𝓷
1K views • 1 months ago
#🍲 ഭക്ഷണപ്രേമി
*🌶️ ഇന്നത്തെ പാചകം 🍳*
*ചെറുപഴം അപ്പം*
+------+------+------+------+
``` കുട്ടികൾക്കു മാത്രമല്ല മുതിർന്നവർക്കും ഒരുപോലെ ഇഷ്ടപ്പെടുന്ന പലഹാരങ്ങൾ എപ്പോഴും കടയിൽ നിന്നു തന്നെ വാങ്ങേണ്ട. ചെറുപഴം കയ്യിലുണ്ടെങ്കിൽ അത്തരത്തിലുള്ളവ നമുക്ക് വീട്ടിൽ തന്നെ തയ്യാറാക്കാം. നന്നായി പഴുത്ത ചെറുപഴവും ശർക്കരപ്പാനിയും പോലെയുള്ള നാടൻ രുചിക്കൂട്ടുകൾ മതിയാകും ഇത് തയ്യാറാക്കാൻ.. വീട്ടിലുള്ള സാധാരണ അപ്പച്ചെമ്പിലോ ഇഡ്ഡലിപ്പാത്രത്തിലോ വെച്ച് ആവിയിലാണ് ഇത് വേവിച്ചെടുക്കുന്നത്. അതുകൊണ്ടുതന്നെ ഇത് ആരോഗ്യത്തിന് ഒട്ടും ദോഷം വരുത്തുകയുമില്ല. ```
_______________________
*ചേരുവകൾ*
_______________________
_ചെറുപഴം- 5 എണ്ണം_
_തേങ്ങാപ്പാൽ- 1 കപ്പ്_
_അരിപ്പൊടി- 1 കപ്പ്_
_ശർക്കര- 1/2 കപ്പ്_
_വെള്ളം- 1/2 കപ്പ്_
_ഏലക്കപ്പൊടി- 1/2 ടീസ്പൂൺ_
_ഉപ്പ്- 1 നുള്ള്_
_______________________
*തയ്യാറാക്കുന്ന വിധം*
_______________________
```നന്നായി പഴുത്ത 5 ചെറുപഴം തൊലി കളഞ്ഞ് നന്നായി അരച്ചെടുക്കാം.
ഒരു ബൗളിലേക്ക് ഒരു കപ്പ് അരിപ്പൊടിയെടുക്കാം. അര കപ്പ് ശർക്കരയിൽ അര കപ്പ് വെള്ളം ഒഴിച്ച് വറ്റിച്ച് തയ്യാറാക്കിയ ശർക്കര പാനി അതിലേക്ക് ഒഴിച്ച് നന്നായി ഇളക്കി യോജിപ്പിക്കാം.
ഇതിലേക്ക് അര ടീസ്പൂൺ ഏലക്കപ്പൊടിയും ഒരു നുള്ള് ഉപ്പും ചേർത്തിളക്കി യോജിപ്പിക്കാം.
ഒരു പരന്ന പ്ലേറ്റിലേക്ക് വാഴയില വച്ച് അൽപം നെയ്യ് പുരട്ടാം.
തയ്യാറാക്കിയ മാവ് അതിലേക്ക് ഒഴിക്കാം. ശേഷം ആവിയിൽ വേവിച്ചെടുക്കാം.
ഇത് ചൂടോടെ മുറിച്ച് കഴിച്ചു നോക്കൂ. ```
+------+------+------+------+
13 shares
