#📙 നോവൽ എന്നു പേരുള്ള കോൺവെന്റിന്റെ മുൻപിലായി അനന്തൻ വണ്ടി ഒതുക്കി നിർത്തി. ഗംഗ ആണെങ്കിൽ ചുറ്റിനും നോക്കുകയാണ്. ഇറങ്ങി വാടോ,,, അനന്തൻ വിളിച്ചപ്പോൾ ഗംഗ വണ്ടിയിൽ നിന്നും ഇറങ്ങി.. അനന്തനെ അവിടെയുള്ളവർക്കൊക്കെ പരിചിതമാണെന്ന് ഓരോരുത്തരുടെയും വാക്കുകളിലൂടെ ഗംഗയ്ക്ക് തോന്നി അവന്റെ പിന്നാലെ ഗംഗ ഓഫീസ് റൂമിലേക്ക് കയറി ചെന്നു. അധികം വണ്ണം ഒന്നുമില്ലാത്ത വെളുത്ത സുന്ദരിയായ ഒരു സിസ്റ്റർ കസേരയിൽ ഇരിക്കുന്നത് ഗംഗ കണ്ടു ലീനാമ്മേ,... ഇതാ ഞാൻ പറഞ്ഞ ആള്.. അനന്തൻ സിസ്റ്ററെ നോക്കി പറഞ്ഞപ്പോൾ ഗംഗ ചെറുതായി ഒന്ന് പുഞ്ചിരിച്ചു അവർ തിരിച്ചും ഇരിക്കും മോളെ... സിസ്റ്റർ തന്റെ മുൻപിലായി കിടന്ന കസേരയിലേക്ക് വിരൽ ചൂണ്ടി. ഗംഗയെ കുറിച്ചുള്ള കാര്യങ്ങളൊക്കെ അനന്തൻ,, ആ സിസ്റ്ററെ അറിയിച്ചിട്ടുണ്ടായിരുന്നു. കാരണം നാളെ വേറെ കുഴപ്പങ്ങളൊന്നും ഉണ്ടാകരുത് എന്ന് അവനു നിർബന്ധം ഉണ്ടായിരുന്നു. എന്നിരുന്നാലും സിസ്റ്റർ ഗംഗയോട് ഒന്നുകൂടി എല്ലാം ചോദിച്ചു മനസ്സിലാക്കി. ശേഷം അവളുടെ സർട്ടിഫിക്കറ്റൊക്കെ മേടിച്ചു പരിശോധിച്ചു. നിലവില് മാത്സ് ടീച്ചറുടെ വേക്കൻസി സ്കൂളിൽ ഉണ്ടെന്നും, സിസ്റ്റർ ഈ വിവരങ്ങൾ എല്ലാം പിടിഎ അംഗങ്ങളെ അറിയിച്ചിട്ടുണ്ട്ന്നും, പോസിറ്റീവ് ആയിട്ടുള്ള ഒരു മറുപടി പ്രതീക്ഷിക്കാം എന്നുമാണ് സിസ്റ്റർ ഇരുവരോടും പറഞ്ഞത്. ഗംഗയുടെ മുഖത്ത് ആശ്വാസഭാവം ആയിരുന്നു. രണ്ടാഴ്ചക്കുള്ളിൽ പുതിയ ടീച്ചറേ എടുക്കുന്നുണ്ടെന്നാണ് സിസ്റ്റർ പറയുന്നത്. അതുവരേക്കും ഗംഗയോട് അനന്തന്റെ വീട്ടിൽ താമസിക്കാൻ പറ്റുമോ എന്ന് സിസ്റ്റർ ചോദിച്ചു.. ഗംഗ അനന്തനെ നോക്കി,,,, കുഴപ്പമില്ലന്നെ... രണ്ടാഴ്ചത്തെ കാര്യമല്ലേ ഉള്ളൂ ഇയാള് അവിടെ നിന്നോളും ലീനാമ്മേ.. ഹ്മ്മ്... അതാണ് നല്ലത്.. സ്കൂളിൽ കേറി കഴിഞ്ഞാൽ പിന്നെ ഹോസ്റ്റലിലേക്ക് താമസിക്കാം. അല്ലെങ്കിൽ ഇവിടുത്തെ മഠത്തിലും ഗംഗയ്ക്ക് താമസിക്കുവാനായി എന്തെങ്കിലും സെറ്റപ്പ് ചെയ്തു തരാം. സിസ്റ്ററോട് ഒരുപാട് നന്ദി പറഞ്ഞു കൊണ്ടാണ് ഗംഗ അവിടെ നിന്നും ഇറങ്ങിയത്. സത്യത്തിൽ പാവം പെണ്ണിന് സമാധാനമായത് അപ്പോഴാണ്. രണ്ടാഴ്ച കൂടി തന്റെ വീട്ടുകാരുടെ മുൻപിൽ എന്നെങ്കിലും ഒക്കെ കാര്യങ്ങൾ പറഞ്ഞു തള്ളിനീക്കണമെന്ന് അനന്തൻ ഓർത്തു.. അതിനുവേണ്ടി ഇടയ്ക്ക് വേറെ പ്രശ്നങ്ങൾ ഒന്നും ഉണ്ടാകാതെ നോക്കുകയും ചെയ്യണം. ഇപ്പത്തന്നെ സുശീലഅപ്പച്ചിയും സജീവമ്മാവനും ഒക്കെ വിവരമറിഞ്ഞിരിക്കുന്നു. എല്ലാം തന്റെ അമ്മ ഒറ്റയൊരാൾ കാരണമാണ്.. അതോർത്തപ്പോൾ അനന്തനു ചെറിയ ദേഷ്യം തോന്നി.. അനന്തേട്ടാ.... ഗംഗ വിളിക്കുന്നത് കേട്ടുകൊണ്ട് അവൻ മുഖം തിരിച്ചു. എന്താടോ.. എനിക്ക്,, വല്ലാത്ത ദാഹം പോലെ. ഇത്തിരി വെള്ളം വാങ്ങിച്ചു തരുമോ.. എന്ത് പറ്റി,,, ക്ഷീണം വല്ലതുമുണ്ടോ..? എന്താണെന്ന് അറിയില്ല,, ഒരു വല്ലായ്മ... പെട്ടെന്ന് തന്നെ അനന്തൻ ഒരു കൂൾബാറിൽ നിന്നും സോഡാ നാരങ്ങാവെള്ളം ഉപ്പും പഞ്ചസാരയും ഇട്ട് വാങ്ങി അവൾക്ക് കൊടുത്തു. ഒറ്റ വലിയ്ക്ക് പെണ്ണത് കുടിച്ചു തീർത്തു.. കഴിക്കാൻ വല്ലതും വേണോ. വേണ്ട.. ഒന്നും വേണ്ട. അവളെ വേണ്ടെന്നു പറഞ്ഞുവെങ്കിലും അനന്തൻ ഒരു പായ്ക്കറ്റ് ചൂടുണ്ണിയപ്പവും കൂടി ആ കടയിൽ നിന്നും വാങ്ങി.ഒപ്പം ഒരു മിനറൽ water ഉം ഇത് കഴിച്ചോ.... അവൻ ആ പായ്ക്കറ്റ് അവളുടെ നേർക്കു നീട്ടി. ഗംഗ അത് മേടിക്കുകയും ചെയ്തു. രണ്ടാഴ്ച എന്ത് കാരണം പറഞ്ഞ് അനന്തേട്ടന്റെ വീട്ടിൽ നിൽക്കും.. നടന്ന കാര്യങ്ങളൊക്കെ തുറന്നു പറഞ്ഞാലോ. തുറന്നു പറഞ്ഞിട്ടുണ്ടെങ്കിൽ നീ ഇന്ന് രാത്രി തന്നെ അവിടുന്ന് ഇറങ്ങേണ്ടിവരും. വേറെ എന്തെങ്കിലും പ്രോബ്ലം ഉണ്ടായാൽ എന്ത് ചെയ്യും... അത് എന്ത് ചെയ്യണമെന്നുള്ളത് അപ്പോ ആലോചിച്ചാൽ മതി. എനിക്ക് ഒരു ടെൻഷൻ പോലെ... ടെൻഷനൊന്നും വേണ്ടടോ... എല്ലാം വരുന്ന പോലെ വരട്ടെ. ഇരുവരും തിരികെ വീട്ടിലെത്തിയപ്പോൾ സന്ധ്യ മയങ്ങിയിരുന്നു. ഉമയും മാളുവും സുശീലയും കൂടി ഉമ്മർത്തിരുന്നു നാമം ജപിക്കുകയാണ്.. അനന്തന്റെ പിന്നാലെ ഗംഗ വരുന്നത് മൂവരും കണ്ടു. ഉമയുടെ മുഖം കടന്നൽ കുത്തേറ്റത് പോലെ വീർത്താണ് ഇരിപ്പ്... ഗംഗയ്ക്ക് അത് കണ്ടതും പേടി തോന്നി. അവൾ അകത്തേക്ക് കയറിയതും ഉമ എഴുന്നേൽക്കാൻ തുടങ്ങി. പെട്ടെന്ന് മാളു അവരെ തടഞ്ഞു.. അവിടെ ഇരിയ്ക്ക്... അപ്പച്ചി... അവൾ കണ്ണുകൊണ്ട് എന്തോ കാണിച്ചു. ദേഷ്യത്തോടെ ഉമ ചുവരിൽ ചാരിയിരിക്കുകയാണ്.. ഗംഗ വേഷമൊക്കെ മാറ്റിയ ശേഷം കയ്യും കാലും മുഖവും കഴുകിയിട്ട് അവരുടെ അടുത്തേക്ക് വന്നു. അപ്പോഴേക്കും നാമജപമൊക്കെ കഴിഞ്ഞിരുന്നു. പോയ കാര്യം എന്തായിന്ന് സുശീല അവളോട് ചോദിച്ചു. രണ്ടാഴ്ച കഴിഞ്ഞാൽ ജോലിക്ക് കയറാമെന്ന് ഗംഗ മറുപടിയും പറഞ്ഞു. അതുവരെ എന്ത് ചെയ്യും.... ഇവിടെ ഇങ്ങനെ നിൽക്കാനാണോ പ്ലാന്.. എടുത്തടിച്ചത് പോലെയുള്ള ഉമയുടെ ചോദ്യത്തിൽ ഗംഗ അമ്പരന്ന് പോയി. കെട്ടുപ്രായം തികഞ്ഞ ഒരു പെൺകുട്ടി ഉണ്ട് ഇവിടെ. ഊരും പേരുമറിയത്തില്ലാത്ത ഒരുവളെ ഇവിടെ താമസിപ്പിച്ചുന്നറിഞ്ഞാൽ എന്റെ കൊച്ചിന്റെ ജീവിതം വഴിയാധാരമാകും. ഉമ ഉറക്കെ പറയുന്ന കേട്ടുകൊണ്ട് അനന്തൻ അവിടേക്ക് ഇറങ്ങി വന്നു. തുടരും. വായിക്കാൻ താല്പര്യം ഉണ്ടോ ആവോ