തൂവലിന്റെ രഹസ്യം പാർട്ട്‌- 7 ആ രാത്രി... ഇസബെല്ലയ്ക്ക് ഉറങ്ങാൻ കഴിഞ്ഞില്ല. ഡയറിയിലെ ഓരോ വാക്കുകളും അവളുടെ മനസ്സിൽ വീണ്ടും വീണ്ടും മുഴങ്ങിക്കൊണ്ടിരുന്നു. "തേച്ചസ്... ഒരു രാക്ഷസനല്ല... ശപിക്കപ്പെട്ട ഒരു രാജകുമാരൻ..." അവൾ പതിയെ തലയിണയ്ക്കടിയിൽ സൂക്ഷിച്ചിരുന്ന വെളുത്ത തൂവൽ പുറത്തെടുത്തു. മൃദുവായി അതിനെ തലോടി. "നിനക്കെന്നോട് എന്താണ് പറയാനുള്ളത്...?" അവൾ ശാന്തമായി ചോദിച്ചു. അപ്പോൾ... ആ തൂവൽ വീണ്ടും സ്വർണനിറത്തിൽ തിളങ്ങാൻ തുടങ്ങി. ഇസബെല്ല ഭയന്ന് കൈ പിൻവലിച്ചു. എന്നാൽ തൂവൽ അവളുടെ കൈ വിട്ടില്ല. അത് പതിയെ വായുവിലേക്ക് ഉയർന്നു. മുറിയുടെ വാതിൽ സ്വയം തുറന്നു. ജനൽ ശക്തമായി തുറന്നടഞ്ഞു. തൂവൽ പതുക്കെ പുറത്തേക്ക് പറന്നു. ഇസബെല്ല അറിയാതെ അതിനെ പിന്തുടർന്നു. വീട്ടുമുറ്റം കടന്ന്... റോഡ് കടന്ന്... ആ തൂവൽ നേരെ കാട്ടിലേക്കായിരുന്നു പറന്നത്. "നിൽക്ക്...!" ഇസബെല്ല വിളിച്ചെങ്കിലും അത് നിർത്തിയില്ല. അവൾ ഓടി... ഓടിക്കൊണ്ടേയിരുന്നു. കുറച്ച് നേരം കഴിഞ്ഞപ്പോൾ... അതേ കാട്... അതേ മരങ്ങൾ... അതേ വഴികൾ... അവൾ വീണ്ടും ആ വനത്തിന്റെ നടുവിലെത്തി. തൂവൽ ഒരു നിമിഷം നിന്നു. ശേഷം പതുക്കെ നിലത്തേക്ക് വീണു. ഇസബെല്ല അത് എടുത്തു. അപ്പോഴാണ്... ഒരു പരിചിതമായ ഗർജനം കാടാകെ മുഴങ്ങിയത്. "ഗ്ര്ര്ര്ര്..." ഇസബെല്ലയുടെ ഹൃദയം നിശ്ചലമായപോലെ തോന്നി. അവൾ പതിയെ തിരിഞ്ഞുനോക്കി. ചന്ദ്രപ്രകാശത്തിൽ... അതേ ഭീമാകാരമായ രാക്ഷസരൂപം. തേച്ചസ്. പക്ഷേ ഇത്തവണ... അവൾ ഓടിയില്ല. ഭയന്നെങ്കിലും അവിടെത്തന്നെ നിന്നു. തേച്ചസും അവളെ നോക്കിനിന്നു. കുറച്ചുനേരം ആരും ഒന്നും സംസാരിച്ചില്ല. ഒടുവിൽ... തേച്ചസ് പതുക്കെ പറഞ്ഞു. "നീ... തിരികെ വന്നു." അവന്റെ ശബ്ദത്തിൽ സന്തോഷത്തേക്കാൾ കൂടുതൽ അത്ഭുതമായിരുന്നു. ഇസബെല്ല ധൈര്യം സംഭരിച്ച് ചോദിച്ചു. "നീ... ശരിക്കും ആരാണ്?" തേച്ചസ് കുറച്ചുനേരം മൗനമായി. ശേഷം അവൻ തല താഴ്ത്തി. "ഞാൻ..." "ഒരു കാലത്ത് ഈ രാജ്യത്തിന്റെ രാജകുമാരനായിരുന്നു." "ഇപ്പോൾ..." "എല്ലാവരുടെയും കണ്ണിൽ ഒരു രാക്ഷസൻ മാത്രം." അവന്റെ കണ്ണുകളിൽ കണ്ണുനീർ തിളങ്ങി. ഇസബെല്ലയുടെ ഹൃദയത്തിൽ ആദ്യമായി അവനോട് ഭയത്തേക്കാൾ കൂടുതൽ സഹതാപം തോന്നി. അപ്പോഴേക്കും... കാട് മുഴുവൻ കറുത്ത മൂടൽമഞ്ഞ് പടരാൻ തുടങ്ങി. തേച്ചസിന്റെ മുഖം പെട്ടെന്ന് മാറി. "ഇസബെല്ല... ഇവിടെ നിന്ന് ഉടൻ പോകൂ!" "എന്തുകൊണ്ട്?" അവൾ ചോദിച്ചു. "അവൾ വന്നിരിക്കുന്നു..." തേച്ചസിന്റെ ശബ്ദം വിറച്ചു. മൂടൽമഞ്ഞിനിടയിൽ നിന്ന് പതിയെ ഒരു സ്ത്രീയുടെ രൂപം തെളിഞ്ഞു. അവളുടെ കണ്ണുകൾ തീ പോലെ ജ്വലിക്കുകയായിരുന്നു. അവൾ ചിരിച്ചു... "ഒടുവിൽ നിങ്ങൾ രണ്ടുപേരും വീണ്ടും കണ്ടുമുട്ടിയല്ലോ..." തുടരും... 🪶🌙 #￰കല.... #📙 നോവൽ #💞 നിനക്കായ് #story #❤ സ്നേഹം മാത്രം 🤗 Lachu✍️