#📙 നോവൽ എന്തെങ്കിലും കാര്യങ്ങൾ സംസാരിക്കുമ്പോൾ ഇങ്ങനെ മോങ്ങിക്കൊണ്ടു നിന്നേക്കരുത് കേട്ടോ... അനന്തൻ ദേഷ്യത്തിൽ പറഞ്ഞതും ഗംഗ പെട്ടെന്ന് കവിളിലൂടെ അരിച്ചിറങ്ങിയ കണ്ണീർ തുടച്ചു മാറ്റി. ഞാനിവിടെ നിന്നിട്ടുണ്ടെങ്കിൽ ഇനി അനന്തേട്ടന്റെ ജീവിതത്തിലും അത് പ്രശ്നമാകും. അതുകൊണ്ട് എത്രയും പെട്ടെന്ന് ഞാൻ മടങ്ങി പോകുന്നതാണ് നല്ലത്. ഇല്ലെങ്കിൽ അനന്തേട്ടൻ ദുഃഖിക്കേണ്ടിവരും. നനഞ്ഞിറങ്ങിപ്പോയില്ലേ... ഇനി കുളിച്ചു കയറാം അല്ലാതെ വേറെ നിവൃത്തിയില്ല.. എന്റെ കാര്യം ഓർത്തു നീ വിഷമിക്കുവൊന്നും വേണ്ട,, ഈ കല്യാണം നടത്താതിരിക്കാൻ എന്തെങ്കിലും വഴി ഞാൻ നോക്കിക്കോളാം. തൽക്കാലം നീ റെഡിയാകു.. നമുക്ക് ലീനാമ്മയുടെ അടുത്തേക്ക് പോകാം. അവൻ പറഞ്ഞതും ഗംഗ തലകുലുക്കി. സുശീലപ്പച്ചിയും സജീവമ്മാവനും ഒക്കെ അകത്തിരിപ്പുണ്ട്. അവർ വലിയ ചർച്ചയിലായിരുന്നു, അനന്തൻ ഒരു കുളിയൊക്കെ കഴിഞ്ഞ് അവരുടെ അടുത്തേക്ക് ചെന്നു. എടാ... അപ്പോൾ ഉടനെ കല്യാണം വേണ്ടെന്നാണോ നീ പറയുന്നത്.? അനന്തനെ നോക്കി സജീവ് ചോദിച്ചു. കുറച്ചു കഴിയട്ടെ... എനിക്ക് ഇത്തിരി പൈസയൊക്കെ കിട്ടാനുണ്ട്, ഒന്ന് രണ്ട് ചിട്ടിയുടെ ലേലം കഴിഞ്ഞതാണ്. രണ്ടുമാസത്തിനുള്ളിൽ ആ കാശ് കിട്ടും. എന്നിട്ട് ആലോചിക്കാം... അല്ലാണ്ട് പെട്ടെന്ന് ഓടി പിടിച്ച് കല്യാണം നടത്തുകയെന്നൊക്കെ പറഞ്ഞാൽ ഇപ്പോഴത്തെ കണ്ടീഷനിൽ ഇത്തിരി പാടാണ് അമ്മാവാ. ഒന്നാമത് സ്വർണ്ണത്തിന് ഒക്കെ എന്താ വില.. ഹമ്... അതൊക്കെ ശരി തന്നെ. നിനക്ക് കാശ് എത്ര വേണം, ഞാൻ മറിച്ചു തരാം.. രണ്ടുമാസം കഴിയുമ്പോൾ തിരിച്ചു തന്നാൽ മതിയെടാ.. ഇതിപ്പോ ചുറ്റിയ പാമ്പ് കടിച്ചേ പോകൂ, എന്ന് അവസ്ഥയിലാണ് അമ്മാവനെന്ന് അനന്തൻ ഓർത്തു.. അമ്മാവാ ഞാൻ പറഞ്ഞില്ലേ കുറച്ച് സാവകാശം... ഹമ്... സാവകാശം ഒക്കെ തരാം, പൈസയുടെ ബുദ്ധിമുട്ടാണെങ്കിൽ നീ അതൊന്നും ഓർക്കേണ്ടന്നാടാ ഞാൻ ഉദ്ദേശിച്ചത്.. ഇപ്പ തൽക്കാലം അവൾ ജോലിക്ക് കയറട്ടെ,, ലീനമ്മയെ നിങ്ങൾക്കൊക്കെ അറിയാവുന്നതല്ലേ. ഇവിടെ ഗംഗ നിൽക്കുന്നത് ഒട്ടും സേഫ് അല്ല. ആളുകളൊക്കെ കണ്ടാല് അതുമിതും പറയും.. എടാ മോനെ അതുകൊണ്ടാ പറഞ്ഞത് ആ ചടങ്ങ് നടത്താന്... കല്യാണം കഴിഞ്ഞാൽ പിന്നെ യാതൊരു കുഴപ്പവുമില്ലല്ലോ. സുശീല അനന്തന്റെ അരികിലേക്ക് വന്നിരുന്നു.. ഈ അപ്പച്ചി..... ഞാൻ പറയുന്നതൊന്നും അപ്പച്ചിക്ക് മനസ്സിലാകുന്നില്ലേ.. എനിക്ക് നല്ലോണം മനസ്സിലാവുന്നുണ്ട്... ഞാൻ മറ്റൊരു കാര്യം നിന്നോട് ചോദിക്കട്ടെ? ഹമ്.. ചോദിക്ക് അനന്ദ വേറെ എന്തെങ്കിലും പ്രശ്നം നീയും ഈ കൊച്ചും തമ്മിൽ ഉണ്ടോടാ.. എന്ത് പ്രശ്നം.... ഞങ്ങള് തമ്മിൽ യാതൊരു പ്രശ്നവുമില്ല. വീടുവിട്ട് പോന്നതുകൊണ്ട് അതിന്റെതായ് സങ്കടങ്ങൾ അവൾക്കുണ്ട് അത്രമാത്രം. അത് കേട്ടാൽ മതി മോനെ.. ഈ കൊച്ചിന്റെ പരവശം ഒക്കെ കാണുമ്പോൾ എനിക്ക് ഒരു സംശയം പോലെ തോന്നി കേട്ടോ. അതുകൊണ്ട് പറഞ്ഞെന്നേയുള്ളൂ. സുശീലയുടെ വാചകങ്ങൾ ഗംഗയുടെ നെഞ്ചിലാണ് തറച്ചത്.. അവൾ ഒന്നും മിണ്ടാതെ പിന്നെയും മുഖംകുനിച്ചു നിന്നു. വൈകാതെ സജീവ് എല്ലാവരോടും യാത്ര പറഞ്ഞു പോയിരുന്നു... ഊണ് കഴിച്ചിട്ട് പോകാം എന്ന് എല്ലാവരും പറഞ്ഞുവെങ്കിലും പോയിട്ട് കുറച്ചു തിരക്കുണ്ടെന്ന് പറഞ്ഞ് സജീവ് ഇറങ്ങിയത്. സുശീല നാളെ കാലത്തെ മടങ്ങി പോകുകയുള്ളൂ. ഊണ് കഴിക്കാമെന്ന് പറഞ്ഞ് ഉമ, അടുക്കളയിലേക്ക് പോയി.. ചോറും കറികളും ഒക്കെ എടുത്ത് മേശപ്പുറത്ത് വച്ചു. ഗംഗ.... അനന്തൻ വിളിച്ചതും ഗംഗ അവന്റെ അരികിലേക്ക് ചെന്നു. നിന്റെ സർട്ടിഫിക്കറ്റുകളും തുണിയുമൊക്കെ എടുത്ത് വെയ്ക്ക്. ലീനാമ്മയുടെ അടുത്ത് പോയിട്ട് വരാം.. അഥവാ അവിടെ നിന്നോളാൻ പറഞ്ഞാൽ നിനക്ക് അവിടെ താമസിക്കുകയും ചെയ്യാം. ഹമ്.. അവൾ തല കുലുക്കി. ഈ സമയത്ത് ഗംഗയോടൊപ്പം എടുത്ത സെൽഫി മാളു,,,വിഷ്ണുവിന്റെ ഫോണിലേക്ക് അയച്ചുകൊടുക്കുകയായിരുന്നു. മാളുവും വിഷ്ണുവും തമ്മിൽ ഇഷ്ടത്തിലാണ്.. വിഷ്ണുവിനും അവന്റെ പെങ്ങളുടെ വിവാഹം കഴിഞ്ഞശേഷം മാളുവിനെ കൂടെ കൂട്ടുവാൻ സാധിക്കുകയുള്ളൂ. മാഷ് മരിച്ചതിന്റെ തിരക്കിലായിരുന്നു വിഷ്ണു അതുകൊണ്ട് മാളുവിനെ ഫോണിൽ വിളിച്ച് സംസാരിച്ചതുമില്ലായിരുന്നു. മാളുവിനും ഇക്കാര്യങ്ങളൊക്കെ അറിയാവുന്നതുകൊണ്ട് അവൾ അവനെ ശല്യം ചെയ്തതുമില്ല. ഉച്ചയ്ക്ക് വിഷ്ണുവിന്റെ ഫോണിൽ നിന്നും അവൾക്ക് മെസ്സേജ് വന്നപ്പോഴാണ് മാളു ഈ കാര്യങ്ങളൊക്കെ അവനോട് പറയുന്നത്. അനന്തേട്ടൻ ഒരു പെൺകുട്ടിയെ വിളിച്ചു കൊണ്ടുവന്നു, ആ ചേച്ചിയുടെ നാട് എറണാകുളത്താണ് കാണാൻ സുന്ദരിയാണ്.....എന്നതാണ് അവൾ അവനയച്ച മെസ്സേജ്.. സത്യത്തിൽ ഗംഗ ആയിരിക്കും ആ പെൺകുട്ടി എന്നുള്ളത് വിഷ്ണു സ്വപ്നത്തിൽ പോലും കരുതിയില്ല. എന്നാൽ മാളു അയച്ചു കൊടുത്ത ഫോട്ടോ കണ്ടപ്പോൾ വിഷ്ണു അക്ഷരാർത്ഥത്തിൽ ഞെട്ടിപ്പോയിരുന്നു.. ടി,,, മാളു.....ഇവരെ എനിക്കറിയാം നടന്ന കാര്യങ്ങളൊക്കെ വിഷ്ണു മാളുവിനോട് പറഞ്ഞു. ദൈവമേ... നേരാണോ വിഷ്ണുവേട്ടാ.. ഹമ്.. അതെ,,, ഗംഗയുടെ കല്യാണം കഴിഞ്ഞതാടി. ആ പെൺകുട്ടി ഒരുപാട് വേദനകൾ അനുഭവിച്ചതാണ്.. ഗംഗ യിൽ നിന്നറിഞ്ഞ കാര്യങ്ങളൊക്കെ വിഷ്ണു മാളവിനോടും പറഞ്ഞു.. എല്ലാം കേട്ട് അവൾ സ്തംഭിച്ചു നിന്നു പോയി. തുടരും