ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/m3k6rdv?d=n&ui=v64j8rk&e1=cപരിണയം❣️13 രാവിലെ അനു ആണ് ആദ്യം ഉണർന്നത്. ശരീരത്തിൽ ഒരു ഭാരം അനുഭവപ്പെട്ടതും അവൾ പതിയെ ഉയർന്നു നോക്കിയതും തന്നെ വരഞ്ഞു മുറുക്കിയിരിക്കുകയാണ് ദേവന്റെ കൈകൾ. ഹാളിൽ കിടക്കുമെന്ന് പറഞ്ഞു പോയി രാത്രിയിൽ ഒന്നുമറിയാതെ തനിക്ക് അരികിൽ വന്നു കിടന്ന അവനെ കണ്ടതും ദേഷ്യം വന്നിരുന്നു അനുവിന്. നുണ പറഞ്ഞു തന്നിൽ നിന്നും ഒഴിഞ്ഞു നിന്നിട്ട് അവസരം കിട്ടുമ്പോൾ അത് മുതലെടുക്കാൻ ശ്രമിച്ചു എന്നതായിരുന്നു ദേവനിൽ അനു ആരോപിച്ച പിഴവ്. ദേഷ്യത്തോടെ അനു അവനെ തള്ളിയതും പിടി വിട്ടു താഴേക്ക് ഊർന്നു വീണിരുന്നു ദേവൻ. "അമ്മേ... എന്റെ നടു..." ദേവൻ അലറി കൂവിയതും വേണ്ടിയിരുന്നില്ലെന്നു അനുവിന് തോന്നി. അവൻ നടുവിന് കയ്യും താങ്ങി ഉയർന്നു പൊങ്ങിയതും അനുനെ കണ്ടു പല്ല് ഞെരിച്ചു. "നിനക്ക് എന്നാടി കുട്ടി പിശാശ്ശെ..രാവിലെ ഉറങ്ങാനും സമ്മതിക്കില്ലേ നീ. നല്ലൊരു ഉറക്കവും കളഞ്ഞു. ഇനി ഞാൻ എങ്ങനെ ഉറങ്ങും?" "താൻ ഇപ്പൊ അങ്ങനെ ഉറങ്ങണ്ട. ഹാളിൽ ആണെന്ന് പറഞ്ഞു രാത്രി പോയിട്ടു ഞാൻ ഉറങ്ങിയപ്പോൾ അവസരം മുതലെടുക്കുന്നോ?" അനുവിന്റെ സംസാരം കേട്ടു ദേവനു ദേഷ്യം വന്നിരുന്നു. എന്നാൽ മറുപടി പറയും മുൻപ് പുറത്തു അഭിയുടെ വിളി വന്നിരുന്നു. ദേവൻ അവളെ ഒന്ന് കൂർപ്പിച്ചു നോക്കി ഡോർ പോയി തുറന്നതും അഭി വെപ്രാളത്തോടെ അകത്തേക്ക് കയറി. "എന്താ... എന്താ ഇവിടെ ഒരു ശബ്ദം?" അഭിയുടെ ചോദ്യം കേട്ടു അനു ഇതൊന്നും അറിയാത്ത ഭാവത്തിൽ ഇരുന്നതും ദേവൻ തന്നെ ഇടയിൽ കയറി. "തൊടിയിൽ വല്ല പശുവും അലറിയതാവും " ദേവൻ അനുവിനെ ഒളിക്കണ്ണിട്ട് നോക്കി പറഞ്ഞതും അവന്റെ നടുവിന് കയ്യൂന്നി ഉള്ള നിൽപ്പു കണ്ടു തന്റെ ചേച്ചിടെ സ്വഭാവവും അറിയാവുന്നത് കൊണ്ടും അഭിക്ക് ഏകദേശം കാര്യങ്ങൾ മനസ്സിലായിരുന്നു. "ഉവ്വ്. ഇങ്ങനെ പോയാൽ പശൂന്റെ തടി കേടാവും. എത്ര വീഴ്ചകൾ ഇനി സഹിക്കാൻ കിടക്കുന്നു. ഹാ എല്ലാം വിധി.." അഭിയുടെ എങ്ങും തൊടാതെ ഉള്ള സംസാരം കേട്ടു ദേവനു പന്തികേട് തോന്നി. "അതെന്താ അഭി."? "അല്ല. പശുവിന്റെ അവസ്ഥ ഓർത്തു പോയതാ. വന്നു വന്നു പശു ഒക്കെ അയ്യോ എന്നാണല്ലേ കരയണേ.ഞാൻ അറിഞ്ഞില്ല. അല്ല ഇന്നലെയും രാത്രി ഒരു അലർച്ച കേട്ടല്ലോ?" അഭിയുടെ അടുത്ത ചോദ്യം വന്നതും അനു ആകെ പെട്ടു പോയിരുന്നു. "മതി.. മതി.. നിന്നോട് പറഞ്ഞില്ലേ പശു അലറിയതാവും എന്ന്. എന്തെല്ലാം അറിയണം പെണ്ണിന്. " "ഇതിപ്പോ എനിക്കായോ കുറ്റം. നന്നായി. ആ തൊടിയിലെ പശുനെ നാളെ മുതൽ ഞാൻ ഒന്ന് കാണുന്നുണ്ട്. ബാക്കി ഉള്ളൊന്റെ ഉറക്കവും കളഞ്ഞു." പിറുപിറുത്തു കൊണ്ട് അഭി പുറത്തേക്ക് ഇറങ്ങിയതും അനുവിന്റെ വക ഒരു നോട്ടം ആയിരുന്നു ദേവനുള്ള മറുപടി. "നീ നോക്കി ദഹിപ്പിക്കണ്ട. മനുഷ്യനെ തള്ളി ഇട്ടതും പോരാ. എനിക്ക് ഇത് എന്തിന്റെ കേടായിരുന്നു ഈശ്വരാ..?" "സ്വയം എടുത്തു തലയിൽ വെച്ചതല്ലേ അനുഭവിച്ചോ. അല്ല പിന്നെ." മുഖം വീർപ്പിച്ചു പറയുന്നവളെ കണ്ടു ചിരിച്ചു കൊണ്ട് ദേവൻ ഫ്രഷ് ആകാനായി പോയതും അഭി വീണ്ടും വന്നിരുന്നു. അവനു അവളെ care ചെയ്യാൻ ആഗ്രഹം ഉണ്ടെങ്കിൽ പോലും അവൾ അത് ഉടനെ അംഗീകരിച്ചു തരില്ലെന്ന് അവനറിയാം. അത് കൊണ്ട് തന്നെ ആണ് അവൾക്കായി അവൾ ആഗ്രഹിച്ചത് പോലെ സ്വന്തം വീട്ടിലെക്ക് തന്നെ കൂട്ടി കൊണ്ട് വന്നത്. അഭിയെ പോലെ ഒരു പക്ഷെ തനിക്ക് ആകുവാൻ കഴിയ്യോ എന്ന് പോലും സംശയം ആണ്. അത്രത്തോളം അനുവിന്റെ കാര്യങ്ങൾ ഭംഗിയായി അഭി ചെയ്യുന്നുണ്ട്. ✨️✨️✨️✨️✨️✨️✨️✨️✨️✨️✨️✨️✨️✨️✨️✨️✨️ ഫ്രഷ് ആയി ദേവൻ പുറത്തേക്ക് ഇറങ്ങിയതും അനുവും ഫ്രഷ് ആയ ഉടൻ ഡ്രസ്സ്‌ ചേഞ്ച്‌ ചെയ്തു കൊടുത്തിരുന്നു അഭി. അഭിക്ക് ഒപ്പം ദേവകിയുടെ അരികിലേക്ക് പോയതും ദേവന്റെ ഗുണവിശേഷങ്ങൾ ആയിരുന്നു അവിടെയും ചർച്ച. എല്ലാം കേട്ടു അരിശം വന്നതും തനിയെ കൈകൾ കൊണ്ട് വീൽ ചെയർ നീക്കി അവൾ റൂമിലേക്ക് വന്നിരുന്നു. "എന്ത് പറഞ്ഞാലും എല്ലാർക്കും ഒരു ദേവൻ. സത്യത്തിൽ ഈ ദേവൻ ആരാണ്? അയാൾ എന്തിനാണ് ഇങ്ങനെ ഒരു വിവാഹത്തിന് സമ്മതിച്ചതെന്ന് പോലും വ്യക്തതയില്ല. അപ്പോഴാ എല്ലാവരും കൂടി മകനെ പോലെ അടുപ്പിക്കണേ. ഒരു നാൾ അയാൾ എന്നെ ഉപേക്ഷിച്ചു പോകില്ലെന്ന് ആരറിഞ്ഞു. അനുവിന് ആരും വേണ്ടെന്ന് തീരുമാനിച്ചാലും ഇവരൊന്നും സമ്മതിക്കില്ലാരുന്നല്ലോ." "എനിക്ക് ജീവൻ ഉള്ളിടത്തോളം കാലം ഉപേക്ഷിച്ചു പോകുമെന്ന് ഒരു ഭയം വേണ്ട. പിന്നെ മരണപെട്ടാൽ എനിക്ക് നിന്നെ തനിച്ചു ആക്കേണ്ടിവരും. അല്ലാതെ എനിക്ക് ഒരു വിട പറയൽ നിന്നിൽ നിന്നും ഉണ്ടാകില്ല." ആ നിമിഷം അറിയാതെ പറഞ്ഞു പോയതാണെങ്കിൽ കൂടി അത് ദേവൻ കേൾക്കുമെന്ന് അനു കരുതിയിരുന്നില്ല. പിന്നിൽ നിന്നും അവന്റെ വാക്കുകൾ കേട്ടു അല്പം സന്തോഷം തോന്നിയിരുന്നു അവളിൽ. "നിനക്ക് സംശയം ആണോ എന്നെ? ഉപേക്ഷിച്ചു പോകാൻ മാത്രം അത്ര ചീപ്പ് അല്ല ഞാൻ. സ്നേഹിച്ചെങ്കിൽ മരണം വരെ കൂടെ കൂട്ടാനും ദേവന് അറിയാം . അത് ഓർമ്മ ഉണ്ടായിരിക്കുന്നത് നല്ലതാണ് എന്റെ പെണ്ണിന് . ഞാൻ ഒന്ന് പുറത്തു പോയി വരാം. വെറുതെ അതൊക്കെ ആലോചിച്ചു തല പുകയ്ക്കാതെ പോയി ഫുഡ്‌ കഴിക്കാൻ നോക്ക്. ഞാൻ ലേറ്റ് ആകും. സൊ എന്നെ കാത്തിരിക്കണ്ട " "അതിന് ആരു കാത്തിരിക്കുന്നു.? കാത്തിരിക്കാൻ പറ്റിയ ഒരു മുതല്. ഹും.." കാറിന്റെ ചാവിയും എടുത്തു അവൻ പറഞ്ഞതും അതിനുള്ള കൃത്യമായ മറുപടി അനുവിൽ നിന്നും കിട്ടുകയും ചെയ്തു. "ഇത് ഒരു നടക്ക് പോകില്ല. ഒന്ന് അയഞ്ഞു കൊടുത്താൽ തലയിൽ കേറുവാ പെണ്ണ്." അനു കേൾക്കാൻ പാകത്തിന് പറഞ്ഞു അവൻ പുറത്തേക്ക് ഇറങ്ങിയിരുന്നു. ✨️✨️✨️✨️✨️✨️✨️✨️✨️✨️✨️✨️✨️✨️✨️✨️✨️ "മോള് ഉണർന്നോ.? ഹരി എവിടെ. അവന്റെ കാര്യങ്ങൾ ഇനി മുതൽ നോക്കേണ്ടത് മോളുടെ കടമ ആണ്." രാവിലെ ഉറക്കം ഉണർന്നു കിച്ചണിൽ എത്തിയതും വിദ്യയെ വരവേറ്റത് ഹരിയുടെ അമ്മയുടെ ഉപദേശങ്ങൾ ആയിരുന്നു. എല്ലാം തലയാട്ടി കൊടുത്തു അവൾ അവിടെ തന്നെ നിലയുറപ്പിച്ചതും അവരുടെ അടുത്ത നിർദേശം വന്നിരുന്നു. "പിന്നെ മോളെ. ഗോൾഡ് എല്ലാം എന്നെ ഏൽപ്പിച്ചേക്ക് ഞാൻ തന്നെ സൂക്ഷിച്ചു വെച്ചോളാം. മോൾക്ക് ഇഷ്ടം ഉള്ളപ്പോൾ എടുത്തു ധരിക്കാലോ.? എന്റെ റൂമിൽ ഒരു ലോക്കർ ഉണ്ട്. ഹരി പ്രേത്യകം പണിഞ്ഞു പണിയിപ്പിച്ചതാ. എന്റെ സ്വർണം എല്ലാം അതിൽ ആണ്. മോളുടെയും തന്നോളൂ.." അവരുടെ സ്നേഹം നിറഞ്ഞ വാക്കുകൾ കേട്ടതും വിദ്യ ആദ്യം ഒന്ന് തഴഞ്ഞെങ്കിലും അവരുടെ വാക്കുകൾ വിശ്വസിച്ചു പോയിരുന്നു . അനുവിനെ പണത്തിന്റെ മൂല്യം നോക്കി അളന്നവർ ആണ്. അത് കൊണ്ട് തന്നെ വിദ്യയുടെ ഗോൾഡ് കണ്ടപ്പോൾ മുതൽ അവരുടെ സ്വപ്നം ആ ഗോൾഡ് സ്വന്തം ആക്കണം എന്നതായിരുന്നു. തന്റെ കൈവശം അത് സൂക്ഷിക്കണമെന്നതും നിർബന്ധം ആയിരുന്നു. (തുടരും ). കണ്ണൂർകാരൻ 🥰🥰🥰🥰 #📔 കഥ #📙 നോവൽ #💞 പ്രണയകഥകൾ #✍ തുടർക്കഥ #📚 ട്വിസ്റ്റ് കഥകൾ