*💚എൻ പാതി 💚* ഭാഗം : 2 ✍️ ചിലങ്ക Copyright © 2026 Story Board ചില ചിരികൾക്ക് ഹൃദയതാളത്തെവരെ നിയന്ദ്രിക്കാനുള്ള ശക്തികാണും.. നിലാവിനെ പ്രണയിച്ചുക്കൊണ്ട് ചെമ്പകത്തിൽനിന്നും ഗന്ധംപ്പടരുമ്പോൾ വേലിക്കപ്പുറം രണ്ടാൾക്കാർ ഉത്തരംകിട്ടാത്ത ചോദ്യത്തിന്റെ മുന്നിൽ ഉരുകി നിൽക്കുകയാണ്..അവനെയൊന്ന് നോക്കുകപ്പോലും ചെയ്യാതെ തിരിഞ്ഞു പോകുന്നവളെയവൻ ഇമ ചിമ്മാതെ നോക്കിയിരുന്നു. വാതിൽ ക്കൊട്ടിയടഞ്ഞതും നെഞ്ചിൽ കൈ വെച്ച് കസേരയിൽ മലർന്ന് കിടന്നുക്കൊണ്ട് ആകാശത്തേക്ക് നോക്കി.ചന്ദ്രന്റെ ശോഭ കൂട്ടാൻവണ്ണം ചിതറികിടക്കുന്ന നക്ഷത്രങ്ങളെ കാണാൻ അത്രമേൽ ഭംഗിയാണ്. ഇന്നോളം താൻ കണ്ടിട്ടുള്ളതിൽ വെച്ച് ഏറ്റവും ഭംഗി........ തുളസിയുടെ മുഖം മനസ്സിലോർത്തുക്കൊണ്ടവൻ കരുതി. ______________ "കത്തി വെട്ടുകത്തി"എല്ലാമുണ്ട്... എന്റെ ചേച്ചി ഇതൊക്കെ തലയണയുടെ അടിയിൽ വെച്ച് കിടന്നില്ലെങ്കിൽ ചേച്ചിക്ക് ഉറക്കം വരില്ലെന്നുണ്ടോ..??"കിടക്ക വിരിച്ച് കിടക്കാൻ നേരം കുഞ്ഞി ചോദിച്ചതും തുളസി അവളെ നോക്കി ചിരിച്ചു. "നമ്മളെപ്പോലെയുള്ളവർക്ക് ചിലപ്പോൾ ഇതൊക്കെ ആവിശ്യമായി വരും കുഞ്ഞി.ജീവക്കാനും ജീവനെടുക്കാനും.തുണയായിട്ടാരുമില്ലെന്നറിയുമ്പോൾ കൊത്തി തിന്നാൻ വെറിപ്പിടിച്ച് പറക്കുന്ന ഒരുപാട് കഴുകന്മാരുണ്ട്...ഇതുള്ളത് ഒരു ധൈര്യവാ ... ചേച്ചി പറഞ്ഞു തന്നിട്ടില്ലേ മോൾക്ക്." അവളുടെ താടി തുമ്പിൽ പിച്ചിക്കൊണ്ട് തുളസി ചോദിച്ചു. " എന്റെ ഈ പാവം ചേച്ചിക്ക് ഒരാളെ കൊല്ലാൻ പറ്റുമെന്നെനിക്ക് തോന്നുന്നില്ല. ഉറുമ്പിനെപ്പോലും ചേച്ചി നോവിക്കണത് ഞാൻ കണ്ടിട്ടില്ലേ.... " കളിയോടെ പറഞ്ഞുക്കൊണ്ട് കുഞ്ഞി പുതപ്പ് ചുറ്റി ചുരുണ്ടു. " ചവിട്ടിയാൽ കൊത്താത്ത പാമ്പില്ല കുഞ്ഞി. നിന്റെ ചേച്ചി പാവാ സാധുവാ പക്ഷെ ഈ മനുഷ്യന്റെ മനസ്സ് പാറക്കല്ലുപ്പോലെ ഉറച്ചതല്ല മോളെ. നമ്മളുടെ അഭിമാനത്തെ ഇല്ലാണ്ടാക്കാൻ ആരു വന്നാലും വെറുതെ വിടരുത്..... അതിന് ഇതൊക്കെ ഒരു ശക്തിയാ. മനസ്സിലായോ... " അവളുടെ കവിളിൽ തട്ടിക്കൊണ്ടവൾ പറഞ്ഞുക്കൊണ്ട് കട്ടിലിലേക്ക് കിടന്നു.അപ്പോഴേക്കും കുഞ്ഞി അവളെ ഇറുക്കെ കെട്ടിപിടിച്ചു " ചേച്ചി... " "ഉം....." " എനിക്ക് നാളെ ബിരിയാണി മേടിച്ചുക്കൊണ്ട് വരുമെന്ന് പറഞ്ഞത് നേരാണോ... " കുറുമ്പോടെ കുഞ്ഞി ചോദിച്ചതും അവൾ കണ്ണ് കൂർപ്പിച്ച് നോക്കി " അതെയല്ലോ എന്താ കുഞ്ഞി.. " " എന്നാൽ ചിക്കൻ മതീട്ടോ.... " നാക്കുകൊണ്ട് ചുണ്ടുഴിഞ്ഞവൾ പറഞ്ഞതും തലയാട്ടി വീണ്ടും അവളെ തന്നോട് ചേർത്തുക്കിടത്തി. ___________________________ രാവിലെ ജോലിയൊതുക്കി ബാഗും തൂക്കി കടയിലേക്ക് നടന്നതും കണ്ടു തന്റെ പിറകിലായി വരുന്ന മിത്രനെ.. കറുത്ത ഷർട്ടും അതേ കരയുള്ള മുണ്ടുo മാണ് അവന്റെ വേഷം..തുളസി വേഗത്തിൽ നടക്കാൻ തുടങ്ങി. സാരി നേരെയാക്കി വേഗത്തിൽ നടന്നതും മിത്രൻ വേഗം തിരിഞ്ഞ് വണ്ടി സ്റ്റാർട്ടാക്കി അവളുടെയടുത്തേക്ക് നിർത്തി. പതർച്ചയോടെ ചുറ്റും നോക്കി അവസാനം അവനെ കണ്ണുരുട്ടി നോക്കി. അവന്റെ നോട്ടം അവളിൽത്തന്നെ യായിരുന്നു. തുളസിപ്പൂവിന്റെ സൗന്ദര്യമാണവൾക്ക്. "'കേറിക്കോ ഞാനും കവലയിലേക്കാ. വെറുതെ നടക്കണ്ടാ." പ്രതിക്ഷയോടെ അവൻ അവളെ നോക്കാതെ ചോദിച്ചതും. അത് കേൾക്കാതെ അവനെ മറികടന്നവൾ പോയ്‌ " ഇയാള് പറയുമ്പോൾ ഞാനെന്തിനാ കേറുന്നത് ഹും..... " അവൻ കേൾക്കാതെ പിറു പിറുത്തുക്കൊണ്ട് പോകുന്നവളെ അല്പം ദേഷ്യത്തോടെ നോക്കിയിരുന്നു. "വേണ്ടെങ്കിൽ വേണ്ടെന്ന് പറയാൻ പഠിക്കണം അല്ലാതെയിങ്ങനെ ഒഴിഞ്ഞു മാറി നടക്കുകയല്ലാ വേണ്ടത്...." അവൻ പിറകിൽ നിന്നും വിളിച്ചു കൂവുന്നത് കേട്ടതും ചെവി പൊത്തിക്കൊണ്ടവൾ അവിടെ നിന്നും വേഗത്തിൽ നടന്നു. അവളുടെ കാട്ടിക്കൂട്ടൽക്കണ്ടവന് നന്നേ ചിരി വന്നു.....മീശ ഒന്നും കൂടി പിരിച്ച് വണ്ടി തിരിച്ച് അവൻപ്പോയ്...... _____________________ " ഇങ്ങനെ പോയാൽ ശരിയാവില്ല ഇക്കാ.കടയെടുത്ത് ജോലി ചെയ്താൽ കുറേ തയ്യല് കിട്ടുമെന്ന് കരുതിയാ ഇല്ലാത്ത വാടകയ്ക്ക് ഈ കടമുറി ഞാനെടുത്ത് തൈക്കുന്നത് പക്ഷെ.. " തുളസി വിഷമത്തോടെ പറഞ്ഞു നിർത്തി. ശബ്ദമൊന്ന് ഇടറി. പ്രതിസന്ധി കൾ തരണം ചെയ്തു മുന്നോട്ട് പോകുന്ന ഓരോ ചുവടുകൾ വെയ്ക്കുമ്പോഴും കാലുകൾ ഇടറി വീഴും. " നീയൊന്ന് സമാധാനിക്ക് മോളെ നമ്മൾക്കെന്തെങ്കിലും വഴിയുണ്ടാക്കാം" കോയാക്ക അവൾക്ക് നേരെ ചായ നീട്ടിക്കൊണ്ട് പറഞ്ഞതും അതുo മേടിച്ചവൾ ഊതി കുടിക്കാൻ തുടങ്ങി. " കഴിക്കാൻ എന്തെങ്കിലും താ ഇക്കാ. വയറ് കത്തണു... " ചില്ല് കൂട്ടിലേക്ക് നോക്കിയവൾ പറഞ്ഞതും വേഗം അതിൽ നിന്നും ഒരേത്തയ്ക്ക് പൊരിച്ചത് അവൾക്കെടുത്ത് കൊടുത്തു. അതുo മേടിച്ച് വായിലോട്ട് വെച്ച് ചായയും ഊതി കുടിക്കുന്നവളെ അയാൾ സ്നേഹത്തോടെ നോക്കി നിന്നും " ഇക്ക എനിക്കൊരു സഹായം ചെയ്യണം.. "അവൾ പറയുന്നത് കേട്ടായാൾ സംശയത്തോടെ നോക്കി. " എവിടെ നിന്നെങ്കിലും എനിക്ക് കുറച്ചോടർ പിടിച്ചു തരണം. എന്നുവെച്ചാൽ എന്തെങ്കിലും ഫങ്ക്ഷന് തുണി തൈക്കുന്നതോ മറ്റോ. അതാകുമ്പോൾ ഒരുമിച്ച് അത്രയും ചെയ്താൽ അത്രയും പൈസയെനിക്ക് കിട്ടും. എത്ര നേരമിരുന്നായാലും ഞാനത് നന്നായിട്ട് ചെയ്തോളാം....പക്ഷെ എല്ലാം തൈച്ചു കൈയ്യിൽ കൊടുക്കുമ്പോൾ എന്നേ പറ്റിക്കരുത് "ആത്മ വിശ്വാസത്തോടെയവൾ പറഞ്ഞതും ഇക്ക ചിരിച്ചു. " അതോർത്ത് പേടിക്കണ്ടടോ ഞമ്മള് നോക്കട്ടെ... താനും കുടില്ലേ മിത്രോ.... " ഒരു ഭാഗത്തേക്ക് നോക്കി ഇക്ക ചോദിച്ചതും തുളസി ഞെട്ടി ആ ഭാഗത്തേക്ക് നോക്കി. പത്രം കൊണ്ടു മുഖം മറച്ചിരുന്നയാള് വേഗം പത്രം മാറ്റിയതും കഴിച്ചുക്കൊണ്ടിരുന്നതവളുടെ നെറുകയിൽ കയറി. ഖോ.. ഖോ.. ഖോ.......... " അള്ളോ തലയ്ക്ക് കയറ്റി നീയ്യ്.... " അത്രയും പറഞ്ഞ് കോയാക്ക അവളുടെ തലയ്ക്കിട്ട് കൊട്ടിക്കൊടുത്തു. മിത്രനത് കാൺകെ ചിരി വന്നു. അതു കണ്ടതും അവൾ മുഖം വീർപ്പിച്ച് കോയാക്കയേ നോക്കി. " ഞാൻ ഇക്കയോടാണ് ചോദിച്ചത്. പറ്റുമെങ്കിൽ മാത്രം സഹായിച്ചാൽ മതി. " അത്ര മാത്രം പറഞ്ഞ് കൈയ്യിലെ ചായയും പൊരിച്ചതും കഴിച്ചിട്ട് മിത്രനെയൊന്ന് നോക്കിയവൾ തൈയ്യൽ കടയിലേക്ക് പോയ്‌. മിത്രൻ അവളെത്തന്നെ നോക്കിയിരുന്നു. "പെണ്ണുങ്ങളായാൽ ഇത്രയും അഹങ്കാരം പ്പാടുണ്ടോ. ഞാൻ സഹായിച്ചാലെന്താ.മുത്തുപ്പൊഴിഞ്ഞു വീഴുവോ...." ആരോടെന്നില്ലാതെയവൻ പറയുന്നത് കേട്ട് ഇക്ക അവനെ നോക്കി. " മുത്തൊന്നും പൊഴിയില്ലെടോ... പക്ഷെ ഓൾക്ക് ഒരു സൂക്കേടുണ്ട്... "ആത്മഭിമാനം." അത്രയും പറഞ്ഞയാൾ ജോലിയിലേക്ക് മുഴുകി...മിത്രൻ ഒന്നും മിണ്ടാതെ ചിരിയോടെ അങ്ങനെത്തന്നെയിരുന്നു. ______________________________ വൈകിട്ട് ജോലി കഴിഞ്ഞ് ഹോട്ടലിൽ കേറി ബിരിയാണി മേടിച്ചാണ് തിരിച്ചു വീട്ടിലേക്ക് കേറിയത്. മേടിച്ചു തരാമെന്ന് പറഞ്ഞകാര്യം പിന്നെ മേടിച്ചുക്കൊണ്ടുവന്നില്ലെങ്കിൽ കുഞ്ഞി ശരിക്കും ഭദ്രകാളിയാകും..പിന്നെ മെരുക്കാൻ നല്ല പാടാ തന്നെ കണ്ടപ്പോഴേ വേഗം അകത്തേക്ക് കേറി ചായ ചൂടാക്കിയതും ഉപ്പുമാവും കൊണ്ടുവന്നും. അപ്പോഴേക്കും കൈയ്യും മുഖവും കഴുകി ഉമ്മറത്തിരുന്നു. "ഇന്നാ ചേച്ചി ഇത് കഴിച്ചേ രാവിലെ ഒരു വക തിന്നില്ല." ദേഷ്യത്തോടെ അത്രയും പറഞ്ഞുക്കൊണ്ടവൾ അത് നീട്ടിയതും തുളസിയത് മേടിച്ച് കുടിച്ചു " ഞാൻ ഉച്ചയ്ക്ക് കഴിച്ചതാ കുഞ്ഞി. നീ മണ്ടബുദ്ധിയാട്ടോ... " തുളസി ചിരിയോടെ പറഞ്ഞതും കുഞ്ഞി ചുണ്ട് പിളർത്തി. " രാവിലെ കഴിച്ചില്ലല്ലോ.ഇങ്ങനെ കഷ്ട്ടപ്പെടുവല്ലേ. ചേച്ചി ഇങ്ങനെ കഷ്ട്ടപ്പെടുന്നത് കാണുമ്പോൾ സങ്കടം വരുവാ.. പത്ത് കഴിഞ്ഞാൽ ഞാൻ പഠിത്തം നിർത്തി. " ബാക്കി പറയുന്നതിന് മുന്നേ തുളസി അവളുടെ കൈയ്യിലടിച്ചു. വേദനക്കൊണ്ടവളുടെ കണ്ണുകൾ നിറഞ്ഞു. " ഇനി ഒരക്ഷരം നീ പറയരുത്. ഞാൻ കഷ്ട്ടപ്പെടുന്നത് നിനക്ക് വേണ്ടിയാ. നിന്റെ പഠിത്തത്തിന് വേണ്ടി. നിന്റെ ഭാവിക്ക് വേണ്ടി. എന്നേപ്പോലെയാക്കരുത് നീ...നീ അതോർക്കണ്ട. നീ സ്വന്തം കാലിൽ നിൽക്കാൻ പ്രാപ്തിയാകണം. മനസ്സിലായോ..... "ദേഷ്യത്തോടെ അത്രയും പറഞ്ഞതും കുഞ്ഞി അവളുടെ മടിയിൽ തലവെച്ച് കിടന്നു. തുളസി അവളുടെ തലയിൽ തലോടി. കുഞ്ഞി അങ്ങനെയാണ് ചേച്ചി എത്ര തല്ലിയാലും പരിഭവമില്ല. "ചേച്ചി പറഞ്ഞത് മനസ്സിലായോ കുഞ്ഞി." ചെറുച്ചിരിയോടെ തുളസി ചോദിച്ചതും അവളൊന്ന് മൂളി. "എന്നാൽ ബാഗിൽ ബിരിയാണിയുണ്ട്. എടുത്ത് കഴിച്ചോ..." അവളുടെ കവിളിൽ തട്ടി തുളസിപ്പറഞ്ഞതും കുഞ്ഞി അവളുടെ വയറ്റിൽ അമർത്തി ചുംബിച്ചു. തന്റെ അമ്മയും പോറ്റമ്മയും ചേച്ചിയുമെല്ലാം അവളാണ് തുളസി...💚 തുടരും. #📙 നോവൽ #💞 പ്രണയകഥകൾ #📔 കഥ #💑 സ്നേഹം #💌 പ്രണയം