ട്വിസ്റ്റ്‌ കഥകൾ

ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mlNme8XX?d=n&ui=v64j8rk&e1=c3ശബ്ദം കേൾപ്പിക്കാതെയവൻ അടുക്കള വാതിൽ തുറന്നു. എത്രയും പെട്ടന്ന് ഇവിടെ നിന്നും പോകണം.. പെട്ടന്നാണ് സിന്ധുവിന്റെ കരച്ചിൽ ആരോമൽ ശ്രദ്ധിച്ചത്. പറ്റുന്നില്ലമ്മേ... സജി ചേട്ടനെ അഡ്ജസ്റ്റ് ചെയ്യാൻ സാധാരണക്കാരെ കൊണ്ടൊന്നും കഴിയില്ല. പുള്ളി പറയുന്നത് മാത്രമാണ് സത്യം മറ്റാരും പറയുന്നതൊന്നും അംഗീകരിക്കില്ല. കുടുംബജീവിതമെന്നുപറഞ്ഞാൽ ഇങ്ങനെയാണോ ?? അച്ഛനും അമ്മയും പരസ്പര സ്നേഹത്തോടെയും ബഹുമാനത്തോടെയും ജീവിക്കുന്നതുപോലെ ആയിരിക്കും എല്ലാവരുടെയും കുടുംബജീവിതമെന്നാണ് ഞാൻ കരുതിയത്. പക്ഷേ എനിക്ക് കിട്ടിയ പങ്കാളി ഇങ്ങനെയായി പോയി. മോനെ ഓർത്തു മാത്രമാ ഞാനവിടെ നിൽക്കുന്നത്. സജിചേട്ടൻ ഏതുനേരവും കൊച്ചിനോട് ഓരോന്നും പറഞ്ഞു കൊണ്ടിരിക്കും. ഈ പ്രായത്തിൽ ഏത് നേരവും ഉപദേശിച്ചാൽ ആ കൊച്ചിന് ഇഷ്ടമാകുമോ. സ്വാതന്ത്ര്യമില്ല, സന്തോഷമില്ല. ആകെയുള്ളത് കുറ്റപ്പെടുത്തൽ മാത്രമാണ്. രുചിയുള്ള എന്തെങ്കിലും കഴിച്ചിട്ട് എത്രകാലമായെന്നറിയാമോ അച്ഛാ. നല്ല കുറച്ച് അരി പോലും വാങ്ങി തരില്ല. ഞാൻ മേടിക്കാൻ സജി ചേട്ടൻ സമ്മതിക്കുകയും ഇല്ല എന്റെ മോനെ ഓർത്തു മാത്രമാണ് ഞാൻ ജീവിക്കുന്നത് അല്ലായിരുന്നെങ്കിൽ ഈ ജീവിതം ഞാൻ എന്നേ അവസാനിപ്പിക്കുമായിരുന്നെന്നോ.. സിന്ധു വിങ്ങിപ്പൊട്ടി.... എത്ര തവണ ഞങ്ങൾ നിന്നോട് പറഞ്ഞതാ നിനക്ക് പറ്റില്ലെങ്കിൽ ഇങ്ങോട്ട് തിരിച്ചു പോരാൻ. അന്നൊന്നും നീയത് കേട്ടില്ല. തുറന്ന വാതിൽ ആരോമൽ പതിയെ ചേർത്തടച്ചു. വയ്യ...അമ്മയെ ഉപേക്ഷിച്ചിട്ട് പോകാൻ വയ്യ...പാവം അമ്മ. അവന്റെ കണ്ണുകൾ നിറഞ്ഞൊഴുകി. അവൻ ബാഗുമായി തിരികെ മുറിയിലേക്ക് പോയി ഇനിയെന്താണ് ചെയ്യേണ്ടത്?? അവൻ കട്ടിലിൽ ഇരുന്നു. കുറച്ചു സമയം കഴിഞ്ഞപ്പോൾ സിന്ധു മുറിയിലേക്ക് വന്നു. ആരോമലേ... ഉറങ്ങിയില്ലേ ഇതുവരെ?? ഇല്ല.... അവൾ അവന്റെ അരികിലിരുന്നവനെ മെയ്യോട് ചേർത്തുപിടിച്ചു. മോന്റെ സ്കൂൾ തുറക്കാറായില്ലേ പുതിയ ബാഗും, ടിഫിൻ ബോക്സും, ഒക്കെ വാങ്ങിക്കണ്ടേ വീട്ടിലേക്ക് തിരിച്ചു പോകുന്ന വഴി നമുക്ക് ടൗണിൽ നിന്നും മേടിച്ചു കൊണ്ടുപോകാം കേട്ടോ. വേണ്ടമ്മേ പുതിയത് വാങ്ങിയാൽ അച്ഛൻ വഴക്ക് പറയും, എനിക്ക് ഈ ബാഗ് ഉണ്ടല്ലോ ഇത് മതി ഇത് നാല് കൊല്ലം മുൻപ് വാങ്ങിയതല്ലേ കണ്ടില്ലേ മൊത്തം മുഷിഞ്ഞ് വല്ലാതെനരച്ച്‌ പോയില്ലേ, നമുക്ക് പുതിയത് മേടിക്കാം. വേണ്ടമ്മേ പഴയതാണെങ്കിലും സാരമില്ല. പുതിയതും മേടിച്ചു കൊണ്ട് ചെന്നാൽ അച്ഛന്റെ വായിലിരിക്കുന്നത് മുഴുവൻ കേൾക്കേണ്ടിവരും. അതിലും ഭേദം മേടിക്കാതിരിക്കുന്നത് തന്നെയാ.... അമ്മേ... ഞാനൊരു കാര്യം പറയട്ടെ?? എന്താ മോനെ?? നമുക്ക് ഇവിടെ നിന്നാലോ അമ്മേ?? എനിക്ക് വീട്ടിലേക്ക് പോകുന്നത് ഇഷ്ടമല്ല. സിന്ധു അൽപനേരം ഒന്നും മിണ്ടിയില്ല.. സത്യം പറഞ്ഞാൽ സജി ചേട്ടന്റെ കൂടെ ജീവിക്കാൻ തനിക്ക് മാത്രമേ കഴിയൂ. വേറെ ഏതെങ്കിലും പെണ്ണായിരുന്നെങ്കിൽ പണ്ടേ ഇട്ടിട്ട് പോയേനെ... സജി ചേട്ടൻ വരയ്ക്കുന്ന വരയിലൂടെ വേണം താനും മകനും സഞ്ചരിക്കാൻ. അയാൾക്ക് അനുസരിപ്പിക്കാൻ മാത്രമുള്ള രണ്ടു മനുഷ്യരാണ് തങ്ങൾ. സജി ചേട്ടന് സ്നേഹമൊക്കെയുണ്ട് കാര്യമായി പ്രകടിപ്പിക്കുന്നില്ലെങ്കിലും ഉണ്ടെന്നാണ് തനിക്ക് തോന്നിയിട്ടുള്ളത്.. ആ ഒരു കാരണം കൊണ്ട് മാത്രമാണ് താനിപ്പോഴും അവിടെ പിടിച്ചു നിൽക്കുന്നത് മോന് അച്ഛനെ ഇഷ്ടമല്ലേ?? സിന്ധു ചോദിച്ചു ഇല്ല... അവൻ തലകുനിച്ചു. നമുക്ക് പോകാതിരിക്കാൻ പറ്റുമോ അമ്മേ?? മോനെ നമ്മുടെ വീട് അതല്ലേ...പോകാതിരിക്കാൻ പറ്റില്ല. ആരോമൽ അതിനു മറുപടിയൊന്നും പറഞ്ഞില്ല. മോൻ ഒന്നുകൊണ്ടും വിഷമിക്കണ്ട കേട്ടോ. മോന് അമ്മയില്ലേ. അച്ഛനോട് അമ്മ പറഞ്ഞോളാം, മോനെ ആവശ്യമില്ലാതെ വഴക്ക് പറയരുതെന്ന്. ഇപ്പോൾ മോൻ കിടന്നുറങ്ങിക്കോ... ആരോമൽ കിടന്നു. സിന്ധു ഒരു നിമിഷം അവനെ സങ്കടത്തോടെ നോക്കി. പാവം കുട്ടി .... അവന് വെറും മൂന്ന് വയസ്സുള്ളപ്പോൾ മുതൽ സജി ചേട്ടൻ നിരന്തരം ഉപദേശമാണ്. ആ പ്രായത്തിലുള്ള കുഞ്ഞിന് എന്ത് മനസ്സിലാകാനാണ്..?? ഇത്തിരിയില്ലാത്ത ഈ കുഞ്ഞിനെയാണോ ഉപദേശിക്കുന്നത് എന്ന് ചോദിച്ചപ്പോൾ, പണ്ടത്തെപ്പോലെയല്ല കുട്ടികൾക്കിപ്പോൾ ഭയങ്കര ബുദ്ധിയാണ് അവർക്ക് നമ്മൾ പറയുന്നതൊക്കെ പെട്ടെന്ന് മനസ്സിലാകുമെന്നാണ് സജി ചേട്ടൻ പറയുന്നത്. കതിരിൽ വളം ചെയ്തിട്ട് കാര്യമില്ലത്രേ... ചെറുപ്പം മുതൽ അവന് ചെറിയ ശിക്ഷകളും നൽകും. നിസ്സാര കാര്യത്തിന് ഭയങ്കരമായി വഴക്കു പറയും. അങ്ങനെയൊക്കെ വളർന്നതുകൊണ്ടുതന്നെ അവന് ആത്മവിശ്വാസം നന്നേ കുറവാണ്.. എന്തിനും പേടിയാണ്. വഴക്ക് പറയുമോ വഴക്ക് പറയുമോ എന്നുള്ള ഭയം അവനിലുണ്ട്. അവൾ അവന്റെ അരികിൽ കിടന്നു. സിന്ധു നിശബ്ദമായി കണ്ണുനീർ പൊഴിച്ചു. തന്റെ പ്രായത്തിലുള്ള സ്ത്രീകളൊക്കെ എത്ര സന്തോഷത്തോടെയാണ് കഴിയുന്നത്. തന്റെ ജീവിതം മാത്രം ഇങ്ങനെയായി പോയി മൂന്നാമത്തെ ദിവസം സിന്ധു മകനെയും കൂട്ടി വീട്ടിലേക്ക് മടങ്ങി പോകും വഴി ആരോമലിന് സ്കൂൾ ബാഗും,ബോക്സും,പേനയും, ചെരുപ്പും ഒക്കെ വാങ്ങിച്ചിരുന്നു. അവർ വരുന്നത് നോക്കി സജി വീട്ടിൽ തന്നെ ഉണ്ടായിരുന്നു. ഇന്നെന്താ ഓട്ടം പോയില്ലേ ?? സിന്ധു ചോദിച്ചു ഓട്ടം കഴിഞ്ഞ് വന്നതേയുള്ളൂ. ചോറ് കഴിക്കാൻ വേണ്ടി വന്നതാ. സജി ചേട്ടൻ ചോർ ഉണ്ടാക്കിയോ?? പിന്നെ ചോറുണ്ടാക്കാതെ! പുറത്ത് പോയി ചോറ് കഴിക്കണമെങ്കിൽ എത്ര രൂപയാകും?? കൂടാതെ വയറും കേടാകും അതുകൊണ്ട് രാവിലെ ഞാൻ ചോർ ഉണ്ടാക്കി. ഇതെന്താ?? കൈയിലെ കവറുകളിലേക്ക് നോക്കിക്കൊണ്ട് സജി ചോദിച്ചു. അവന് സ്കൂൾ തുറക്കാറായില്ലേ ബാഗും ചെരുപ്പും ഒക്കെ വാങ്ങിച്ചത് എന്റെ പൊന്നു സിന്ധു... ഇങ്ങനെ ധാരാളം കാണിക്കല്ലേ എന്ന് ഞാനെത്ര തവണ പറഞ്ഞിട്ടുണ്ട് ആവശ്യത്തിനും അനാവശ്യത്തിനും സാധനങ്ങൾ വാങ്ങിക്കൂട്ടും. അതുകൊണ്ട് ഒന്നും സൂക്ഷിക്കില്ല ഈ ചെറുക്കൻ. ആരോമൽ തലകുനിച്ച് അകത്തേക്ക് കയറിപ്പോയി എന്റെ പൊന്നു സജി ചേട്ടാ ഒന്നുമിണ്ടാതിരിക്ക് സജിചേട്ടന്റെ കാശുകൊണ്ടൊന്നുമല്ലല്ലോ മേടിച്ചത്. ഞാൻ പണി ചെയ്തു സമ്പാദിച്ച കാശു കൊണ്ടല്ലേ വാങ്ങിച്ചത്.. ആരുടെ കാശുകൊണ്ടായാലും ധാരാളിത്തമല്ലേ നീ കാണിച്ചത് അതു കണ്ടല്ലേ ഈ കൊച്ചു വളരുന്നത്. സജി ചേട്ടനെ കണ്ടു വളരുന്നതിനേക്കാൾ നല്ലത് എന്നെ കണ്ടുവരുന്നത് തന്നെയാണ്. സിന്ധു ഒച്ച ഉയർത്തി സിന്ധു മിണ്ടരുത്....ചെറുക്കൻ കേൾക്കും. സിന്ധു ദേഷ്യത്തോടെ അകത്തേക്ക് കയറി അന്ന് സജി ഓട്ടം പോയില്ല. സിന്ധുവിനെക്കൊണ്ട് വീട്ടിലെ ഓരോരോ ജോലികൾ ചെയ്യിപ്പിച്ചു കൊണ്ടിരുന്നു അയാളോട് എതിർത്ത് സംസാരിക്കുന്നത് അയാൾക്ക് തീരെ ഇഷ്ടമല്ല. അതിനുപകരം അയാൾ പണിയെടുപ്പിച്ച് ബുദ്ധിമുട്ടിക്കും മുറ്റമടിച്ചു കൊണ്ടിരുന്ന സിന്ധുമുറ്റത്തേക്ക് ചൂൽ ഇട്ടിട്ട് അകത്തേക്ക് കയറി വന്നു വന്നു. ഇതെന്താ സിന്ധു മുറ്റം മുഴുവൻ അടിച്ചില്ലല്ലോ?? സജി ചോദിച്ചു. എനിക്ക് സൗകര്യമില്ല അടിക്കാൻ. മുറ്റമടിച്ചില്ല എന്നുവച്ച് ആകാശമിടിഞ്ഞു വീഴുവൊന്നുമില്ലല്ലോ. ഇനി അടിക്കണമെന്ന് നിർബന്ധമാണെങ്കിൽ സജി ചേട്ടൻ അങ്ങ് പോയി അടിക്ക്... സജി അവളെ കണ്ണ് മിഴിച്ചൊന്ന് നോക്കിയിട്ട് മുറ്റത്തേക്കിറങ്ങി. ചൂലെടുത്ത് മുറ്റമടിക്കാൻ ആരംഭിച്ചു.. ഓഹ്... ഈ മനുഷ്യൻ.... സിന്ധു തലക്ക് കൈകൊടുത്തു. അല്ല ! ഇതെന്താ സജിയെ നീയാണോ ഇവിടുത്തെ മുറ്റമടിയൊക്കെ?? അയൽവക്കത്തെ വിജയൻ ചേട്ടൻ ചോദിച്ചു വീട്ടിലെ പെണ്ണുങ്ങൾക്ക് പണിയെടുക്കാൻ മടിയാണെങ്കിൽ എന്ത് ചെയ്യും ചേട്ടാ, നമ്മൾ ചെയ്തല്ലേ പറ്റൂ.. സജി മുറ്റമടിക്കൽ തുടർന്നു. അത് കേട്ടതും സിന്ധുവിന് വിറഞ്ഞു കയറി... ക്ഷമിക്കുന്നതിന് ഒരതിരുണ്ട്... ആരോമലെ നിന്റെ സാധനങ്ങളൊക്കെ എടുക്ക്. ഇനിയൊരു നിമിഷം നമ്മൾ ഇവിടെ നിൽക്കുന്നില്ല. നീ പറഞ്ഞപോലെ ഇവിടെ നിന്നാൽ ഭ്രാന്ത് പിടിക്കും. അവൾ ഒരു ബാഗിൽ അവളുടെ അത്യാവശ്യം വേണ്ടുന്ന സാധനങ്ങൾ മാത്രം എടുത്തുവച്ചു. ആരോമലിന്റെ ബാഗിൽ അവനും കുറച്ച് സാധങ്ങൾ എടുത്തു വച്ചു. സിന്ധു അവന്റെ കൈയ്യും പിടിച്ച് ഇറങ്ങി. നിങ്ങളിത് എങ്ങോട്ടാ....?? സജി അവരുടെ അടുത്തേക്ക് വന്നു. 💚💚💚💚💚 തുടരും കണ്ണൂർകാരൻ 🥰🥰🥰🥰 #📚 ട്വിസ്റ്റ് കഥകൾ #📔 കഥ #✍ തുടർക്കഥ #📙 നോവൽ #💞 പ്രണയകഥകൾ

ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mKAlblk?d=n&ui=v64j8rk&e1=cപരിണയം ❣️ 3 രാവിലെ തന്നെ നേരത്തെ റെഡി ആയി അനു ഇറങ്ങിയിരുന്നു. ഹരി പറഞ്ഞത് അനുസരിച്ചു ടൗണിലേക്ക് എത്തുമ്പോൾ അവന്റെ സ്നേഹം കണ്ടില്ലെന്ന് നടിക്കാൻ ഏറെ പ്രയാസപ്പെട്ടിരുന്നു അനു. ഹരിക്കൊപ്പം വന്നയാളുടെ കൂടെ വീട് കണ്ടിറങ്ങുമ്പോൾ അഡ്വാൻസ് അനു കൊടുക്കും മുൻപ് തന്നെ ഹരി അയാളുടെ കൈകളിൽ ഏൽപ്പിച്ചിരുന്നു. ഇതോടെ അനുവിന്റെ സകല നിയന്ത്രണവും നഷ്ടപെട്ടിരുന്നു. അയാൾ അത് വാങ്ങി എഗ്രിമെന്റ് സൈൻ ചെയ്തു താക്കോൽ നൽകി മടങ്ങുമ്പോൾ ഹരി തന്നെ അത് അവളുടെ കൈകളിൽ ഏൽപ്പിച്ചു മടങ്ങി പോകാനൊരുങ്ങി. "ഹരി...." "എന്താണ് അനുഗ്രഹ.? എന്റെ കമ്പനിയിൽ വർക്ക്‌ ചെയ്യുന്ന ഒരു സ്റ്റാഫിന് സുരക്ഷിത സ്ഥാനം നൽകണമെന്ന് തോന്നി ഞാൻ ചെയ്തു തന്നു. അനുഗ്രഹക്ക് എന്തെങ്കിലും പറയാൻ ഉണ്ടോ.?" അവന്റെ അവഗണന അറിഞ്ഞതും അവൾക്ക് വേദന തോന്നി തുടങ്ങിയിരുന്നു. "ഹരി പ്ലീസ് understand me." "അത് എനിക്ക് താങ്കളോട് ആണ് പറയാൻ ഉള്ളത് അനുഗ്രഹ. താൻ ആണ് ഒരാളെ മനസ്സിലാക്കേണ്ടത്." "ഞാൻ മനസിലാക്കുന്നു ഹരി. നിനക്ക് എന്നോട് ഉള്ള പ്രണയം എത്രത്തോളം ആത്മാർത്ഥമാണെന്ന് അറിയാം. പക്ഷെ ഈ ഒരു നിമിഷം നീ എന്നെ അവോയ്ഡ് ചെയ്തപ്പോൾ..." "സഹിക്കുന്നില്ല അല്ലേടി. രണ്ടു ദിവസം എന്നെ നീ അവോയ്ഡ് ചെയ്തപ്പോൾ ഈ ഹരിക്ക് എത്ര വേദന ഉണ്ടായിരുന്നു. ഒരു സെക്കന്റ്‌ നിന്നെ ഞാൻ അവഗണിച്ചപ്പോൾ അത് നിനക്ക് സഹിക്കുന്നില്ല. അല്ലെങ്കിലും ആണുങ്ങളുടെ മനസ്സ് കല്ല് ആണല്ലോ." "ഞാൻ.... ഞാൻ അങ്ങനെ ഒന്നും കരുതി അല്ല ഹരി. നിന്റെ വിഷമം ഞാൻ മനസിലാക്കുന്നു." "എന്ത്.. എന്ത് മനസിലാക്കുന്നു എന്നാ. പറ. പറയെടി." അവളുടെ ഷോൾഡറിൽ കുലുക്കി ഹരി ചോദിച്ചതും അവളുടെ മനസ്സ് സത്യം തുറന്നു പറയുവാൻ അവളെ അനുവദിച്ചിരുന്നില്ല. സത്യം തുറന്നു പറഞ്ഞാൽ ആരു എതിർത്താലും ഹരി തന്നെ സ്വന്തം ആക്കുമെന്ന് അനുവിന് അറിയാമെങ്കിൽ പോലും അവനോ താനോ ആഗ്രഹിച്ച വിവാഹം അങ്ങനെ അല്ല. ഒരു നിമിഷത്തേക്ക് മാതാപിതാക്കളെ മറന്നു ഒരു ജീവിതം അത് അനുവിന് കഴിയില്ല. ഒപ്പം ഹരി അവരുടെ ഒരേ ഒരു മകൻ. പ്രതീക്ഷയോടെ കാത്തിരിക്കുന്ന ആ അമ്മയ്ക്കും അച്ഛനും താൻ കാരണം മകനെ നഷ്ടം ആകരുതെന്ന ചിന്ത ആയിരുന്നു അനുവിനെ അലട്ടിയത്. "പറ അനു. എന്താണ് നീ എന്നെ അവോയ്ഡ് ചെയ്യാൻ കാരണം. അത് അറിയാതെ ഞാൻ പോകില്ല. ഇനി അത് പറയുവാൻ കഴിയില്ലെങ്കിൽ ഇന്ന് മുതൽ ഹരിയും നിന്നെ അവോയ്ഡ് ചെയ്യും. നിന്നെ മനസ്സ് കൊണ്ട് വേദനിപ്പിക്കാൻ എനിക്കാവില്ല. പക്ഷെ നീ തന്നെ അതിന് അവസരം നൽകിയാൽ എനിക്ക് ഒന്നും ചെയ്യാൻ കഴിയില്ല." പറയാൻ ഉള്ളത് മുഖത്ത് നോക്കി പറഞ്ഞു ഹരി കാറിലേക്ക് കയറിയതും എന്തോ ഓർത്തത് പോലെ അനുവിനെ അരികിലേക്ക് വിളിച്ചു. "അനുഗ്രഹ തന്റെ സാധനങ്ങൾ ഹോസ്റ്റലിൽ നിന്നും ഇവിടേക്ക് ആക്കേണ്ടതല്ലേ. ഇന്ന് ലീവ് എടുത്തോളൂ. ലേറ്റ് ആയി വന്നാൽ തനിക്ക് മാത്രം പരിഗണന നൽകാൻ കഴിയില്ല. സോ നാളെ എല്ലാം റെഡിയാക്കിയ ശേഷം വന്നാൽ മതി. എന്തെങ്കിലും ഹെല്പ് വേണമെങ്കിൽ വിളിച്ചാൽ മതി." ഒരു പ്രതീക്ഷയോടെ അവൾ അരികിലേക്ക് ചെന്നതും ഗൗരവം ഒട്ടും വിടാതെ അവൻ പറഞ്ഞു കഴിഞ്ഞു ഉടൻ തന്നെ മടങ്ങിയിരുന്നു. "ഹരി. ഒരു പക്ഷെ ഞാൻ സ്നേഹിക്കുന്നതിനേക്കാൾ ഇരട്ടി നീ എന്നെ സ്നേഹിക്കുന്നുണ്ടാവാം. എനിക്ക് അറിയാം എന്റെ അവഗണന നിന്നെ എത്രമാത്രം തളർത്തി എന്നുള്ളത്. എന്നാൽ നിന്റെ സ്വഭാവം നന്നായി അറിയാവുന്നത് കൊണ്ട് തന്നെ വീട്ടിൽ എതിർത്താൽ ഈ നിമിഷം നീ എന്നെ താലി കെട്ടി കൂടെ കൂട്ടുമെന്ന് എനിക്ക് അറിയാം. അത് വേണ്ട. അങ്ങനെ ഒരു മംഗല്യഭാഗ്യം എനിക്ക് വേണ്ട." അവൻ കണ്മുന്നിൽ നിന്നും മറയുന്നത് വരെ അവൾ നോക്കി നിന്നു. ✨️✨️ സ്റ്റാഫുകൾ ഓരോരുത്തരും വർക്ക്‌ ചെയ്യുമ്പോഴും അവരുടെ ഇടയിൽ ഒഴിഞ്ഞു കിടന്ന സീറ്റിൽ ആയിരുന്നു ഹരിയുടെ കണ്ണുകൾ. അവിടെ ശൂന്യം ആയത് പോലെ തന്റെ മനസ്സും ശൂന്യമായി തുടങ്ങിയിരിക്കുന്നു. പ്രണയം ആയിരുന്നില്ല പ്രാണൻ ആയിരുന്നില്ലേ തനിക്ക് അവൾ. ഒരു ചെറിയ കാര്യം പോലും പങ്ക് വെച്ചിരുന്നില്ലേ താൻ. എന്നിട്ടും എന്തേയ് അവൾ ഇങ്ങനെ.? അപ്പോഴാണ് ഇത് വരെ തന്നെ തേടി അവളുടെ ഒരു ഫോൺ കാൾ പോലും വന്നിട്ടില്ലെന്നുള്ളത് ഹരി ഓർത്തത്.നിരാശയോടെ ഫോണും എടുത്തു പുറത്തേക്ക് ഇറങ്ങുമ്പോൾ എങ്ങനെയും അവളോട് സംസാരിക്കണമെന്ന് മാത്രം ആയിരുന്നു ഹരിയുടെ മനസ്സിൽ. ✨️✨️ കീ ഉപയോഗിച്ച് ഡോർ തുറന്നു അകത്തേക്ക് കയറിയിരുന്നു അനു.രണ്ടു റൂം, ഹാൾ, കിച്ചൺ എല്ലാം കൂടി ചേർന്നൊരു കുഞ്ഞു വീട് ആയിരുന്നു അത്. ക്ലീനിങ് ഉൾപ്പെടെ പണികൾ എല്ലാം കഴിഞ്ഞപ്പോഴേക്കും ഉച്ച ആയി. ക്ഷീണം കാരണം ഒന്ന് നടു നിവർത്താൻ ആയി കിടന്നതും പുറത്തു കാളിങ് ബെൽ മുഴങ്ങി. രാവിലെ ദേഷ്യത്തോടെ പോയ ഹരി ആകില്ല എന്ന് ഉറപ്പിച്ചു കൊണ്ടാണ് അവൾ ഡോർ തുറന്നത്. എന്നാൽ ഡോർ തുറന്നതും രാവിലത്തെ ദേഷ്യം മറന്നു പുഞ്ചിരിയോടെ തന്നെ നോക്കി നിൽക്കുന്ന ഹരിയെ കണ്ടതും അനു ഒന്ന് അതിശയിച്ചു. "ഹരി." "പരിഭവം ഒന്നും മറന്നിട്ടില്ല. എങ്കിലും നിന്നെ പോലെ മുഖം വീർപ്പിച്ചു ഇരിക്കാൻ എനിക്ക് കഴിയില്ല. അത്രത്തോളം സ്നേഹിച്ചു പോയത് കൊണ്ടാകാം. ഹരിക്ക് അതിന് കഴിയുന്നില്ല. ഹോസ്റ്റലിൽ നിന്നും സാധനങ്ങൾ ഒന്നും പാക്ക് ചെയ്തു കൊണ്ട് വന്നില്ലെന്ന് അറിയാം. ഒറ്റക്ക് ചെയ്യാൻ കഴിയില്ലെന്ന് അറിഞ്ഞിട്ട് കൂടി നീ എന്റെ സഹായം ചോദിച്ചോ അനു.? ഇത്ര പെട്ടെന്ന് നിനക്ക് ഞാൻ അന്യൻ ആയോ?" "ഹരി ഞാൻ.." "നിന്റെ പ്രശ്നം എന്താ അനു."? ഹരി അകത്തേക്ക് കയറിയതും അനു പരിഭ്രമത്തോടെ അവനു മുഖം കൊടുക്കാതെ അവിടെ തന്നെ നിന്നു. അത് കണ്ടിട്ടാകണം ഹരി പരിഭവം മറന്നു അവളെ അരികിലേക്ക് കൈ വലിച്ചു ചേർത്തു പിടിച്ചു നിർത്തി. അവളുടെ മുഖം കൈകളിൽ കോരി എടുത്തു നെറുകയിൽ മുത്തിയതും അത് പോലും തനിക്ക് അർഹതയില്ലാത്തതായി പോലും തോന്നി പോയിരുന്നു അനുവിന്. പെട്ടെന്ന് എന്തോ ഓർത്തു അവനിൽ നിന്നും കുതറി മാറി അവൾ അവനു നേരെ ചീറി. "എനിക്ക് പ്രശ്നം ഒന്നുമില്ല. ഞാൻ എങ്ങനെ എങ്കിലും സാധനങ്ങൾ ഇവിടെ എത്തിച്ചോളാം. പിന്നെ വീട് ശരി ആക്കി തന്നതിന്റെ അധികാരം കാട്ടാൻ ആണ് ഇപ്പൊ വന്നതിന്റെ ഉദ്ദേശം എങ്കിൽ ഹരിക്ക് പോകാം. ഇതിപ്പോ രണ്ടാമത് ആണ് ഞാൻ വാണിംഗ് തരുന്നത്. എന്റെ അനുവാദം ഇല്ലാതെ എന്റെ ശരീരത്തിൽ തൊടരുത്. ഹരി പോകാൻ നോക്ക്." അനുവിന്റെ അവഗണന വീണ്ടും ഹരിയുടെ മനസ്സിനെ തളർത്തിയിരുന്നു.എങ്കിലും വീണ്ടും അവൾക്ക് മുൻപിൽ തല കുനിക്കാൻ അവനു ആവുമായിരുന്നില്ല. "മതി നിർത്ത് അനുഗ്രഹ. നിന്റെ സ്വഭാവം മാറുന്നതിനനുസരിച്ചു ഞാൻ മാറണം അല്ലെ. എന്നാൽ എന്റെ situation മനസ്സിലാക്കി നിൽക്കാൻ നീ ശ്രമിച്ചിട്ടുണ്ടോ?. " ആ ചോദ്യത്തിന് മുൻപിൽ അനുവിന് മറുപടി ഇല്ലാതെ നിൽക്കേണ്ടി വന്നിരുന്നു. കാരണം അനുവിന് വേണ്ടി ഹരി അഡ്ജസ്റ്റ് ചെയ്തത് പോലെ മറ്റാരും തന്നെ അഡ്ജസ്റ്റ് ചെയ്തിട്ടുണ്ടാകില്ല. അത്രത്തോളം പ്രാണൻ ആണ് ഹരിക്ക് അനു. എന്നാൽ അനു പലപ്പോഴും തന്റെ മൈൻഡ് മാറുന്നതിനു അനുസരിച്ചു ഹരിയെ അവഗണിച്ചിട്ടുമുണ്ട്. ഇപ്പോഴും അത് തന്നെ ആണ് സംഭവിച്ചത്. ഹരിയെ വേദനിപ്പിക്കുന്നതിൽ നെഞ്ച് വിങ്ങുന്നുണ്ട്. എങ്കിലും ഹരിയെ തന്നിൽ നിന്നും അകറ്റാൻ തന്നെ ആണ് അനുവിന്റെ തീരുമാനം. "ഞാൻ പറയുന്നതിന് മറുപടി തന്നില്ല അനുഗ്രഹ. ഹരി ശങ്കർ സ്നേഹിച്ചത് ആ പഴയ അനുവിനെ ആണ്. എന്നാൽ ഇന്ന് ഈ നിമിഷം വരെ ആ ഹരിയുടെ അനു ആകാൻ നീ ബുദ്ധിമുട്ടി ശ്രമിക്കുകയായിരുന്നു എന്ന് ഞാൻ മനസ്സിലാക്കാൻ വൈകി. കളങ്കമില്ലാതെ സ്നേഹിച്ച ഹരിക്ക് ഇത് തന്നെ വേണം. അല്ലെങ്കിലും പ്രണയം സീരിയസ് ആയി ഒരാൾക്ക് മാത്രം തോന്നിയാൽ പോരല്ലോ. " കൈ കൊണ്ട് നെറുകയിൽ തിരുമ്മി തന്റെ ഉള്ളിൽ നുരഞ്ഞു പൊന്തിയ ദേഷ്യത്തെ അടക്കാൻ പാട് പെടുന്ന ഹരിയെ നിർവികാരയായി നോക്കി നിൽക്കാനേ അനുവിന് കഴിഞ്ഞുള്ളു. (തുടരും ).. കണ്ണൂർകാരൻ 🥰🥰🥰 #📔 കഥ #✍ തുടർക്കഥ #📙 നോവൽ #📚 ട്വിസ്റ്റ് കഥകൾ #💞 പ്രണയകഥകൾ

12 साल विश्वास के, विकास के, जनकल्याण के #12 साल विश्वास के, विकास के, जनकल्याण के

ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mKMON1Q?d=n&ui=v64j8rk&e1=c❤️മൊഞ്ചത്തി പെണ്ണിന്റെ സുൽത്താൻ❤️ ഭാഗം: 43 ***----*** നസീമിനെ എന്ത് പറഞ്ഞ് ആശ്വാസിപ്പിക്കും എന്നറിയാതെ അമീറും, അവന്റെ പെങ്ങളോട് എന്ത് പറയും എന്നറിയാതെ നസീമും മൗനമൂകയായ് ഇരുന്നു.. പരസ്പരം ഒന്നും ഉരിയാടാതെ അവർ യാത്ര തുടർന്നു.. നസിമിന്റെ ഉള്ളം വേദനയാൽ പിടിഞ്ഞു കൊണ്ടിരുന്നു.. അഹ്.. ഞാനേരെയും കുറ്റപ്പെടുത്തില്ല..എല്ലാം എന്റെ മാത്രം തെറ്റാണ്...അനുവാദം ചോദിക്കാതെയാണ് ഞാനവളെ ഇഷ്ടപെട്ടത്.. അവൾക്ക് എന്നെ തിരിച്ച് ഇഷ്ടമാണോന്ന് പോലും അന്വേഷിക്കാതെ.. അതുകൊണ്ട് വേദന സഹിക്കുക തന്നെ..അവന്റെ മനസ്സ് ചിന്തകൾ വന്ന് മൂടികൊണ്ടിരുന്നു... യാത്ര കഴിഞ്ഞ് വീടെത്തിയതവൻ അറിഞ്ഞില്ല... ഡാ.... ഞാൻ അങ്ങോട്ട് കയറുന്നില്ല.. അമീർ അവനെ തൊട്ട് വിളിച്ചപ്പോഴാണ്..ചിന്തകളുടെ ആഴത്തിൽ നിന്നുമവൻ ഉണർന്നു വന്നത്... അമീർ നസീമിനെ അവരുടെ വീട്ടുപടിക്കൽ ഇറക്കിവിട്ട് അവന്റെ വീട്ടിലോട്ട് മടങ്ങി പോയ്‌ നസീമിന്റെ ഉമ്മയും ഉപ്പയും ഉമ്മറത്തുതന്നെ സൊറ പറഞ്ഞിരിപ്പുണ്ടായിരുന്നു. അവരുടെ മുഖത്തേക്ക് ശെരിക്ക് നോക്കാതെ അവൻ അകത്തേക്ക് കയറിപോയ് രാവിലെ തുള്ളിചാടി പോയപോലെ അല്ലല്ലോ വരവ് അവന്റെ മുഖത്തെ സന്തോഷമൊക്കെ എവിടേക്ക് മാഞ്പോയ്‌... എന്തെങ്കിലും ജോലി അനേഷിച്ചു പോയതാവും അവൻ...തുള്ളിചാടി പോകുന്നപോലെ അത്ര ‌എളുപ്പത്തിൽ കിട്ടുന്നതല്ല അത്‌.. അതിന്റെ നിരാശയാവും മുഖത്ത്...നിറഞ്ഞു നിൽക്കുന്നത്... അതാ നമ്മളെ തലഉയർത്തി നോക്കാതെ അകത്തേക്കവൻ കയറിപോയത്... ഉമ്മയുടെ സംശയത്തിന്.. മറുപടിയെന്നോണം ഉപ്പനൽകി. എന്ത് പറ്റി...ഇക്കു, പോയ ഉഷാറില്ലല്ലോ മുഖം ഒക്കെ മങ്ങിയിരിക്കുന്നു. അമീറിക്ക തിരിച്ച് മടങ്ങിയോ. അവനെ കണ്ടതും നാസിമ ചോദ്യമെറിഞ്ഞു... അവളോട് തിരിച്ചൊന്നും പറയാൻ കഴിയാതെ അവൻ റൂമിലേക്ക് കടന്ന് വാതിൽ അടച്ചു ലോക്കിട്ടു... ഉമ്മാ...വന്നേ... ഇക്കുവിന്റെ മുഖം കണ്ടിട്ട് എന്തോ... സങ്കടമുള്ളപ്പോലെ.. ഉമ്മ വിളിച്ചേ..അവനേ.. ദൂരെ എവിടെയോ പോയ്‌വന്നതല്ലേ... അതിന്റെ ക്ഷീണമാവും മുഖത്ത്...കുറച്ച് കഴിഞ്ഞവൻ പുറത്തിറങ്ങുമല്ലോ അപ്പോൾ ചോദിക്കാം... എന്നാ..പിന്നേ അങ്ങനെയായിരിക്കും. നാസിമ അവളുടെ റൂമിലേക്കും ഉമ്മ ഉപ്പയുടെ അടുത്തേക്കും നടന്നു.. പൗഡർ...മണ്ണാംകട്ട എന്തൊക്കെയായിരുന്നു.. അവൻ ബെഡിന്റെ അടിയിൽ വെച്ചിട്ടുള്ള ആൽബം എടുത്ത് അതിൽ നിന്നും ആയിഷുവിന്റെ ഉമ്മാന്റെ ഫോട്ടോ എടുത്ത് കീറി ചവറ്റു കൊട്ടയിലേക്ക് എറിഞ്ഞുകൊണ്ട് ബെഡിലേക്കിരുന്നു.. അവൻ മുഖം പൊത്തി കരഞ്ഞു. വേണ്ട ഒന്നും വേണ്ട... എനിക്ക് ആരും വേണ്ട... ഖൽബിനകത്തെ ചിത്രം അത്ര പെട്ടന്ന് ഒന്നും മാഞ്ഞു പോവില്ല...കാരണം അതവിടെ ആഴത്തിൽ പതിഞ്ഞിട്ടുണ്ട്. പക്ഷെ...മായിച്ചു കളയണം അവൾക്ക് ഇഷ്ടം ഇല്ലാതെ...ഞാനന്തിനാ... അവളെ...എന്റെ ഹൃദയത്തിൽ ചുമന്നുകൊണ്ട് നടക്കുന്നത്..അവന്റെ കണ്ണുകൾ നിറഞ്ഞൊഴുകി. പടച്ചോനെ എന്റെ സങ്കടങ്ങൾ ഞാൻ സഹിക്കാം.. പക്ഷെ എന്റെ പെങ്ങൾ അവളോട് ഞാൻ എന്ത് പറയും അവൾ അവനെയും സ്വപ്നം കണ്ട് നടക്കുകയാണല്ലോ... എല്ലാം കേട്ട് കഴിയുമ്പോൾ അവൾക്ക് സഹിക്കാൻ കഴിയുമോ... അവൻ തോർത്തും മാറാനുള്ള വേഷവും എടുത്ത് ബാത്‌റൂമിൽ കയറി കുളിച്ച് ഇറങ്ങി..ശരീരത്തിന്റെ ചൂട് അല്പം കുറഞ്ഞുവെങ്കിലും മനസ്സ് ചൂട് പിടിച്ചു കിടന്നു. സങ്കടം എത്രയൊക്കെ മനസ്സിന്റെ അടിത്തട്ടിൽ അമർത്തി വെച്ചിട്ടും അനുവാദം ഇല്ലാതെ മിഴികൾ പെയ്തു കൊണ്ടിരുന്നു.. നസീം....മോനെ... ഡാ.. ഫുഡ്‌ കഴിക്കാൻ വാ... എല്ലാം എടുത്ത് വെച്ചിട്ടുണ്ട്... എനിക്ക് വേണ്ട...നല്ല തലവേദന ഞാൻ കിടന്നു. എന്നാ..നല്ല ചൂടുള്ള കട്ടൻ ഇട്ട് തരാം വാതിൽ തുറക്ക്.. ഒന്നും വേണ്ട ഞാൻ കിടന്നു.. മ്.... വേണ്ടെങ്കിൽ.. വേണ്ട.... ഉമ്മ അടുക്കളയിലോട്ട് നടന്നു.. നസി..നീ പറഞ്ഞത്പോലെ അവൻക്ക് എന്തോ പറ്റിയിട്ടുണ്ട്.. അവർ എങ്ങോട്ടാ പോയത്.. എന്തിനായിരിക്കും പോയത്. എന്തായാലും പോയകാര്യം നടന്നിട്ടില്ല അത് ഉറപ്പാ.. അഹ്...നേരം വെളുക്കട്ടെ എന്നിട്ട് ചോദിക്കാ...ഉമ്മാ.. മ്ഹ്.. അത്‌ മതി.. ◾️◾️◾️◾️◾️◾️◾️◾️◾️◾️ മ്മ്ഹ്...മഹ്... എത്ര നാള് കാത്തിരുന്നു ഒന്ന് കാണുവാൻ.. എത്രനാള് ഞാനിരുന്നു ഒന്ന് മിണ്ടുവാൻ... മഹ്.. മഹ്... അമീർ...പാട്ട് മൂളി കൊണ്ടിരുന്നു. എന്താടാ... പോയ്‌ വന്നത് മുതൽ ചെക്കൻ നിലത്തൊന്നും അല്ലല്ലോ....പാട്ട് പാടി തുള്ളുന്നവൻ.... അഴകാണ് കുളിരാണ് ഖൽബാണ് എൻ ഉമ്മാ.. അലിവിന്റെ മനസ്സുള്ള പ്രിയമാണ് ഉമ്മാ...അവൻ ലൈലത്തയുടെ കൈപിടിച്ച് കറക്കി.. ഡാ....വിടടാ... എന്റെ തലകറങ്ങുന്നു. വട്ടായോ നിനക്ക്.. വാ...ഉമ്മാ...ഡാൻസ് കളിക്കാം...അവൻ ലൈലത്തയുടെ കവിളിൽ പിടിച്ചു നുള്ളി.. ഇത്...എന്തോ...കാര്യം സാധിപ്പിക്കാനുള്ള നിന്റെ സോപ്പിംഗ് അല്ലേടാ...അതിലൊന്നും ഈ ലൈല മയങ്ങി വീഴില്ല... അമീറിന്റെ കൈകൾ തട്ടിമാറ്റികൊണ്ട് ലൈല അവരുടെ റൂമിലേക്ക് നടന്നു. അതൊന്നും അല്ലന്റെ..ഉമ്മാ...പോവല്ലേ... എന്റെ മനസ്സിലെ സന്തോഷം നിറഞ്ഞു ഒഴുകുന്നതാ... അത്‌ പിന്നെ നിങ്ങളോടൊക്കെ അല്ലാതെ വേറെ ആരോടാ ഞാൻ പങ്കുവെക്കാ... ഒന്നുപോടാ.. നിന്റെയൊരു പാട്ടും കൂത്തും. നിന്റെ ഈ..ഇളക്കം എന്തിനാണ് എന്നൊക്കെ എനിക്ക് മനസിലാക്കുന്നുണ്ട് അധികം നെളിയ്യണ്ട.. എന്താടാ..അമീറെ.... എന്താണ് ഇത്ര ബഹളവും ചിരിയുമൊക്കെ... അല്ല ഉമ്മൂമ്മ..ഉമ്മാന്റെ കൈപിടിച്ചൊന്ന് ഡാൻസ് കളിച്ചു...അതിനാ ഈ..ഒച്ചയും ബഹളവും... ഇന്ന് എവിടെയോ.. പോയി ഒരുപിരി ലൂസായിട്ടാ..പേരമകൻ വന്നിരിക്കുന്നത്... നിങ്ങൾ എന്തൊക്കെ പറഞ്ഞാലും ഞാനിന്ന് സന്തോഷവാനാ... ഒരുപാട്...ഒരു പാട്... ഖൽബിലെ ഇണക്കിളി നീ എന്നെരികിൽ... എന്നുവരും പൊന്നേ... എൻ പൊന്നേ... ഉമ്മൂമ്മയുടെ കവിൾ പിടിച്ചു ഒന്ന് പിച്ചിക്കൊണ്ട്...ഒരു ഉമ്മവെച്ചു കൊടുത്തു..അമീർ എന്നിട്ട്...കോണിസ്റ്റെപ്പുകൾ ഓടി കയറി...റൂമിലേക്ക് നടന്നു... ലൈലാ..സൂക്ഷിച്ചോ.. അന്റെ മോൻ ആരുടേയോ വലയിൽ വീണിട്ടുണ്ട്...നമുക്ക് തിരിച്ചെടുക്കാൻ കഴിയാത്ത വിധം അവനതിൽ കുരുങ്ങി പോയിട്ടുണ്ട്... എന്തൊക്കെയാ...ഉമ്മാ നിങ്ങൾ പറയുന്നത്... എനിക്കൊന്നും മനസ്സിലാകുന്നില്ല. ഈ...തുള്ളാട്ടം ഒന്നും കണ്ടിട്ടും അനക്ക് മനസ്സിലായില്ലേ... അവനെ ഏതോ...പെണ്ണ് വാക്കുകൾ കൊണ്ട് എറിഞ്ഞു വീഴ്ത്തിയിട്ടുണ്ടന്ന്.. അതിൽ നിന്ന് ഇനി എഴുനേറ്റ് വരാൻ പാടാണന്ന് അപ്പൊ...നാസിക്ക്..നമ്മൾ കൊടുത്ത വാക്ക്.... അതന്റെ മോനോട് തന്നെ ചോദിക്ക്....ഖൽബിലെ ഇണക്കിളിയെ നാവിലും കോർത്ത് പോണത് കണ്ടില്ലേ...കള്ള കാമുകൻ ഉമ്മാക്ക് അങ്ങനെ തോന്നിയോ....? അതേടി പൊട്ടിക്കാളി... നീ..ഒരു ഉമ്മയാണോ..? ന്റെ..ഉമ്മാ..ഇനി..യാ ആയിശു...ആണോ.. അവന്റെ ഉള്ളിന്റെ ഉള്ളിൽ...പതുങ്ങിയിരിക്കുന്ന കള്ളകാമുകി..അങ്ങനെ എന്തെങ്കിലും ആണേൽ അവനെ ഞാൻ കൊല്ലും. നേരത്തെ നസീം വിളിച്ചപ്പോൾ...എവിടേക്കാ അവർ പോകുന്നതെന്ന് അവൻ പറഞ്ഞുവന്നതാ. അവളെ..' എന്ന്...പറഞ്ഞതും ഫോൺ കട്ടായി പോയി..എനിക്കും ഇപ്പൊ ഡൌട്ട് അടിക്കുന്നുണ്ട്. അവന്റെ പാട്ടും കൂത്തും ഞാൻ കാണിച്ചു കൊടുക്കാം. ലൈലത്ത.. ഗോവണി കയറി അവന്റെ റൂമിനരികിൽ എത്തി. നീ...എന്റേതല്ലേ.. എന്റെ മാത്രം അല്ലേ. കിനാപൈങ്കിളി.. എന്റെ മൊഞ്ചത്തി പെണ്ണെ.. ആയിശു....ആയിഷു... എടാ.... ഡാ... അമീറെ...വാതിൽ തുറക്ക്... ലൈലത്ത വാതിലിൽ മുട്ടി.. "അയ്യോ...ഉമ്മാ..." അവളെ പേര് പറഞ്ഞ് പാടിയത് കേട്ടുകാണുമോ.. ശോ... ഞാൻ കുളിക്കുവാ...ഉമ്മാ.. എന്താ..കാര്യം.. നിനക്ക് ഇളക്കം ഇത്തിരി കൂടിയിട്ടുണ്ട്...അത്‌ എന്തിനുള്ള...സൂക്കേടാണ് എന്ന് എനിക്ക് മനസ്സിലായി.. ആഹാ... എന്നാപ്പിന്നെ എളുപ്പം ആയില്ലേ കാര്യങ്ങൾ എങ്കിൽ പിന്നെ ഞാൻ മഹർ വാങ്ങട്ടെ.. ഉമ്മാ...ഉമ്മാ... കണ്ടോ... കാര്യം പറഞ്ഞപ്പോൾ മിണ്ടുന്നില്ല... നീ...കുളികഴിഞ്ഞു പുറത്ത് ചാടുമല്ലോ..അപ്പൊ ഞാൻ പിടിച്ചോളാം..നിന്റെ കള്ളത്തരം... ലൈലത്ത അമർഷത്തോടെ ഹാളിൽ അങ്ങോട്ടും ഇങ്ങോട്ടും നടന്നുകൊണ്ടിരുന്നു.. ◾️◾️◾️◾️◾️◾️◾️◾️◾️◾️◾️ എടി... അമ്മു... മീൻ കരിഞ്ഞു മണക്കുന്നു ആയിശു അവിടെ ഇല്ലേ... കണ്ടോ എല്ലാവരും ഇരുന്നു ചുമക്കുന്നു വേഗം ചെന്നു സ്റ്റൗ...ഓഫാക്കു... നിർമലേച്ചി അത്‌ വിളിച്ചുപറഞ്ഞപ്പോൾ അമ്മു എണീറ്റ് ആയിഷുവിന്റെ അടുത്തേക്കോടി.. ആയിശു..... ആയിശു.... ആഹാ... മീൻ അടുപ്പത്തും വെച്ച് സ്വപ്നം കണ്ട് ചിരിക്കുന്നോ.. ആയിശു.. അമ്മു തോളിൽ ഒന്ന് തട്ടിയതും അവൾ ഒന്ന് ഞെട്ടി.. എന്താണ്... ചട്ടകവും പിടിച്ച് മാനത്തുനോക്കിയിരിക്കുന്നത്.ഈ... മീൻ ഇനികഴിക്കാൻ കൊള്ളാവോ..? " "അള്ളോഹ്... "കരിഞ്ഞോ... ഞാൻ...അറിഞ്ഞില്ല.... എങ്ങിനെ അറിയും സ്വപ്നങ്ങളിൽ യാത്ര ചെയ്യുകയായിരുന്നില്ലേ... അവൾ വേഗം ചട്ടകം എടുത്ത്...മീൻ ഒരു പാത്രം എടുത്ത് അതിലേക്ക് കോരിയിട്ടു... എന്തായാലും മുഖത്ത് ചിരിയുണ്ട്....കാണാൻ വന്ന ആള് ശെരിക്കും ഇയാളെ ആരാ... അത്...പിന്നെ... നാണിക്കാതെ പറ പെണ്ണെ.. എന്റെ...ന്റെ... എല്ലാമെല്ലാമാണ്.. അവൾ നാണത്തോടെ പറഞ്ഞു നിർത്തി.. എന്നിട്ടാണോ... ഇവിടെ നിർത്തിയിട്ട് പോയത് കൂടെകൊണ്ട് പോകാതെ.. മ്മ്... കൊണ്ട് പോകാൻ വരും ഒരു ദിവസം... പക്ഷെ... എന്താടോ...മുഖം വാടി പോയെ... ഞാൻ പോകില്ല... അതെന്താ.... അവരുടെ വീട്ടുക്കാർ സമ്മതിക്കാൻ സാധ്യത കുറവാ....അവർക്ക് ഇഷ്ടം ഇല്ലാതെ... ഞാനൊരിക്കലും അവന്റെ ഭാര്യയാകില്ല... എനിക്കറിയാം.. എനിക്ക് താങ്ങാൻ കഴിയില്ലന്ന് എന്നാലും അവന്റെ വീട്ടുക്കാരുടെ..അറിവോടെയും സമ്മതത്തോടെയും അല്ലാതെ ഞാനിവിടെ നിന്നും അവന്റെ കൂടെ ഇറങ്ങി പോകില്ല.. ഓഹോ... അത്രക്ക് വേണോ.. അവൻ നിന്നെ അന്തസായി പോറ്റാൻ കഴിയുന്നവനാണേൽ... വേറെ ഒന്നും അവിടെ നോക്കേണ്ടതില്ലല്ലോ.. അവൾ ലൈലത്തയുടെ സ്വഭാവത്തെപറ്റി ഒരു ചെറുവിവരണം അമ്മുവിന് നൽകി.. ഓഹോ...അത്രക്ക് ദുഷ്ടയാണോ...അവർ.. എന്റെ...ആയിശു.. അതൊക്കെ..റെഡിയാവും അവർ നിന്നെ സന്തോഷത്തോടെ സ്വീകരിക്കും.. എന്തോ...എനിക്കത്ര വിശ്വാസം പോരാ.. അങ്ങനെ സ്നേഹമനസ്കത- ഉള്ള ആളൊന്നും അല്ല.. എച്ചിൽ പാത്രം കഴുകുന്നവൾ എത്ര പ്രാവശ്യം വിളിച്ച് അധിക്ഷേപിച്ചിട്ടുണ്ടന്നറിയാവൊ... അതൊക്കെ മനസ്സിൽനിന്ന് കളയു.. പഴയത് ഒന്നുമിനി ഓർക്കണ്ട അമീറിന് നിന്നെ ഇഷ്ടമാണ് അവൻ നിന്നെ സ്വന്തമാക്കുമെന്നും പറഞ്ഞിട്ടുണ്ട്... അത് എത്രയും വേഗം നടക്കട്ടെ...ഞാനും പ്രാർത്ഥിക്കാം.. അതിന് മുൻപെനിക്കന്റെ ഉമ്മയെ കണ്ടെത്തണം നിന്റെ ഉമ്മ ജീവിച്ചിരിപ്പുണ്ടേൽ തീർച്ചയായും നമ്മൾ കണ്ട് പിടിക്കും..ആയിശു.. സമാധാനായിട്ടിരിക്ക്. അമ്മു അവളെ വാക്കുകൾകൊണ്ട് ചേർത്തു പിടിച്ചു... സ്വപ്നങ്ങളല്ലാം മനസ്സിന്റെ ഒരു മൂലയിൽ ഒരു കൂട്ടി വെച്ചുകൊണ്ടവൾ ഉറങ്ങാൻ കിടന്നു.. ***---*** ലൈലത്തക്ക് എത്ര കിടന്നിട്ടും ഉറക്കം വന്നില്ല.. നാളെ രാവിലെ നസീമിന്റെ വീട്ടിൽ പോകണം എവിടെയാ അവർ പോയതെന്ന് അറിയണം..നാസിമയുമായുള്ള അമീറിന്റെ വിവാഹം ഉടനെ നടത്തണം.. ആയിശു ഇനിയും അവന്റെ മനസ്സിൽ കയറികൂടികൂടാ.. ആ..ബന്ധം മുറിച്ച്കളയണം അവളെവിടെയാ ഉള്ളതെന്നറിയണം. നസീമിന് ആയിഷുവിനെ ഇഷ്ടമാണല്ലോ അവർ തമ്മിലുള്ള വിവാഹം നടത്തണം.. അതിന് നസീമിന് സമ്മതം ആണോ..എന്നറിയണം എങ്ങെനെയെങ്കിലും അമീറിന്റെ മനസ്സിൽ നിന്നും അവളെ ഇല്ലാതാക്കണം ലൈലത്ത ഓരോന്ന് അങ്ങനെ മനസ്സിൽ കണക്ക് കൂട്ടി... (തുടരും) കണ്ണൂർകാരൻ 🥰🥰🥰🥰🥰 #📔 കഥ #✍ തുടർക്കഥ #📙 നോവൽ #📚 ട്വിസ്റ്റ് കഥകൾ #💞 പ്രണയകഥകൾ