മഴയുടെ കിലുക്കം - 32 ✍🏻Ishalin muhabath ആലീസ് നയനയെ കണ്ട ഉടനെ ഫോണെടുത്തു അവളുടെ ഫോട്ടോ എടുത്തു.. ശേഷം അത് വഴി പോയപ്പോ സാരി സെക്ഷനിൽ നിന്ന ചേച്ചി അലീസിനെ അവിടേക്കു വിളിച്ചു. "ന്താ ചേച്ചി??" "എടി... വി ഐ പി കസ്റ്റമർ ആണ്...ഒന്ന് കൂടെ നിക്കെടി.. ഇവിടെ നിന്ന സ്വാതി ചായ കുടിക്കാൻ പോയതാ.. ഇത് വരേയ്ക്കും വന്നില്ല... നിനക്ക് ആകുമ്പോ സാരി ഒക്കെ അറിയാലോ..." "അപ്പൊ ഞാൻ നിന്ന സ്ഥലത്ത്..." "അത് ആരെയെങ്കിലും ആക്കാം.. ഇതൊന്ന് അവർ പറയുന്ന പോലെ കാണിക്കടി... " "ആ റൈറ്റ് ഇരിക്കുന്ന വയലറ്റ് കളർ ഒന്ന് കാണിക്കുവോ??" നയന ആണ് പറഞ്ഞത്.. ആലീസ് അത് കാണിച്ചു കൊടുത്തു... ഇതേ പോലെ പലതും പറഞ്ഞു.. ഓരോന്നു നിവർത്തിയും വെച്ചും ആലീസ് വയ്യാണ്ടായി.. "മാഡം.. ന്താ വിശേഷം??" ആലീസ് അറിയാനായി ചോദിച്ചു.. 'അത്.. എന്റെ കല്യാണം ആണ്.. പെട്ടെന്ന് ഡേറ്റ് എടുത്തതാ.. സൺ‌ഡേ... ആണ്.. " "ഏത് സൺ‌ഡേ??" "ഈ വരുന്ന സൺ‌ഡേ... ബിസിനെസ്സ് ആയോണ്ട് ഭയങ്കര ബിസിയും കാര്യവും ഒക്കെ ആണ്..." "മാഡം... ഹസ്ബന്റിന്റെ ഫോട്ടോ ഉണ്ടോ?? " "യാ ശുർ..." നയന അപ്പൊ തന്നെ ഫോട്ടോ കാണിച്ചു.. കിച്ചുവിനെ കണ്ടപ്പോ തന്നെ അലീസിന്റെ മുഖത്ത് ഒരു ചിരി പടർന്നു..അവൾ മനസ്സിൽ വിചാരിച്ച ആള് തന്നെന്നു കൂടി അറിഞ്ഞപ്പോ അവൾക് എന്തോ ഒരു തരം ദേഷ്യം തോന്നി.. "ന്താ നീ ആലോചിക്കുന്നത്??" അലീസിനോട് നയന ചോദിച്ചു.. "മാഡം... നിങ്ങൾ കാണാൻ നല്ല ജോടിയ.. അപ്പൊ ഞാൻ ഒരു പുതിയ സാധനം കാണിച്ചു തരാം... റേറ്റ് ഉത്തി കൂടുതൽ ആണ്.." "എത്ര ആയാലും കുഴപ്പം ഇല്ല.. നയന മോൾക് ഇഷ്ടയാൾ എടുക്കാം.." നന്ദിനി അങ്ങനെ പറഞ്ഞതും ആലീസ് കാണിച്ചു കൊടുത്തു... നയനക്ക് അത് ഇഷ്ടപ്പെട്ടു എന്നത് ഒറ്റ നോട്ടത്തിൽ തന്നെ അലീസിന് മനസ്സിലായി.. ആലീസ് നയനക് അത് സെറ്റ് ചെയ്‌തു കാണിച്ചു.. എല്ലാർക്കും ഇഷ്ടായി... "ഇതെടുക്കാം... " നന്ദിനിയും നയനയുടെ അമ്മയും ഒരേ സ്വരത്തിൽ പറഞ്ഞപ്പോ നയനയും ഓക്കേ പറഞ്ഞു.. പിന്നെയും വേറെ കുറെ ഡ്രെസ്സുകൾ നയനക്കായി എടുത്തു.. വളരെ കാശുയൽ ആയി ഇടുന്നതായിരുന്നു കൂടുതലും... ആലീസ് ഇതെല്ലാം നോക്കി കണ്ടു... കിച്ചു എന്തിനാ അസിയെ ഇഷ്ടം നടിച്ചു പറ്റിച്ചത് എന്നൊരു ചിന്ത അലീസിൽ ഉണ്ടായി.. കുറെ നേരത്തിനു ശേഷം ആണ് നയനയും കൂട്ടരും അവിടെ നിന്നും പോയത്.. ആലീസ് തിരികെ റൂമിൽ എത്തിയപ്പോ ആകെ ശോകം അടിച്ചു അസി ബെഡിൽ കിടക്കുവാണ്.. ആലീസ് അത് പ്രതീക്ഷിച്ചത് കൊണ്ട് തന്നെ വരുന്ന വഴി കടയിൽ കയറി അസിക്ക് ഇഷ്ടപെട്ട തേൻ മിട്ടായിയും കപ്പലണ്ടി മിട്ടായിയും വാഗി വന്നത്... "അസി കൊച്ചേ..." അസിക്കടുക്കൽ ചെന്നിരുന്നുകൊണ്ട് ആലീസ് വിളിച്ചു.. അസി ബെഡിൽ നിന്നും തല ഉയർത്തി നോക്കി... "എണീറ്റെ.. ഇത് നോക്ക്.. നിനക്കിഷ്ടപെട്ടത് ഒക്കെ ഇതിൽ ഉണ്ട്... " അലീസിന്റെ പൊതിയിലേക്കു അസി നോക്കി... "ആലീസ് നീ പോയി ഫ്രഷായിട്ട് വാ.. മെസ്സിൽ പോകണ്ടായോ??" "മ്മ്.. ശെരിയാ.. ഇപ്പൊ വരാവേ.." ആലീസ് ഫ്രഷാവാനായി പോയി.. 💫💫💫💫💫💫💫💫💫💫💫💫💫💫💫💫💫 കിച്ചു അന്ന് രാത്രി വന്നത് വളരെ വൈകി ആയിരുന്നു.. നന്നായി കുടിച്ചിട്ടും ഉണ്ടായിരുന്നു.. ഹാളിൽ നന്ദിനി കുടുംബക്കാരെ ഒക്കെ വീഡിയോ കാളിൽ ഡ്രെസ്സുകൾ ഒക്കെ കാണിച്ചു കൊടുക്കുന്ന തിരക്കിലാണ്... ആടി വരുന്ന കിച്ചുവിനെ കണ്ട് നന്ദിനി ദേഷ്യത്തിൽ പെട്ടെന്ന് കാൾ കട്ടാക്കി. "ഇതൊക്കെ ന്താ കിച്ചു?? ആ പെൺകുട്ടി വരുമ്പോ എന്ത് വിചാരിക്കും???" "ഏത് പെൺകുട്ടി?? ഓഓഓ അമ്മയുടെ പുതിയ കെട്ടിലമ്മ... " "നിന്റെ പെണ്ണാണ് അവൾ.. അങ്ങനെ ഒന്നും പറയരുത് " "ഞാൻ എന്റെ പെണ്ണായിട്ട് ഒരുത്തിയെ മനസ്സിൽ കണ്ടിട്ടുണ്ട്.. അവൾക് ഭാഗ്യം ഉണ്ടേൽ എന്നെ കിട്ടും.. അല്ല... അങ്ങനെ അല്ല... എനിക്ക് ഭാഗ്യം ഉണ്ടേൽ അവളെ എനിക്ക് കിട്ടും... " "ഏതവളുടെ കാര്യം ആട നീ പറയുന്നത്?? കല്യാണം എത്തി പോയി.. അപ്പോഴാണ് അവന് ഇഷ്ടമുള്ള പെണ്ണിനെ കുറിച് പറയുന്നത്..." നന്ദിനി ഷോഭിച്ചു.. അല്ലു ഇതെല്ലാം കേട്ട് കൊണ്ട് മണ്ടയിൽ നിൽപ്പുണ്ട്... അവന് അസിയെ ആയിരിക്കുമോ കിച്ചു സൂചിപ്പിച്ചത് എന്നൊരു സംശയം തോന്നി.. അവൻ അത് മനസ്സിൽ കണ്ട് താഴേക്കു വന്നു കിച്ചുവിനെ ചേർത്ത് പിടിച്ചു കൊണ്ട് കിച്ചുവിന്റെ റൂമിലേക്കു കൊണ്ടോയി.. "കിച്ചു ഏട്ടാ... ആ പെണ്ണ് ആസിയ അല്ലെ??" "മ്മ്.. ന്റെ മാത്രം പെണ്ണാ അവൾ... ന്റെ മാത്രം.... എനിക്കിഷ്ടാ ആസിയയെ.." കുഴഞ്ഞു കൊണ്ട് കിച്ചുവിന്റെ വായിൽ നിന്നും കേട്ട കാര്യത്തിൽ അല്ലു ഒന്ന് ചിരിച്ചു.. ശേഷം റൂമിൽ എ സി ഓണാക്കി ഫാനും ഇട്ട് കൊണ്ട് ഡോർ ലോക്കാക്കി അല്ലു പുറത്ത് ഇറങ്ങി.. "അനിയന് അനിയത്തിയെയും ചേട്ടന് ചേച്ചിയെയും ഇഷ്ടം... ന്റെ പൊട്ടി പാലീസ് ആയെങ്കിലും അവരുടേത് എങ്കിലും നന്നായേനെ.. പക്ഷെ അമ്മ സമ്മതിക്കില്ല..." അല്ലു നെഞ്ചിൽ കൈ വെച്ചു പറഞ്ഞു... 💫💫💫💫💫💫💫💫💫💫💫💫💫💫💫💫💫 വൈകുന്നേരം രഹന വീട്ടിൽ എത്തിയപ്പോ ബീരാൻ പുറത്തേക് പോയിരുന്നു... വന്ന പാടെ സൈനബയിൽ നിന്നും ചായയും കുടിച്ചു ന്തൊക്കെയോ സ്‌നേക്‌സും കഴിച്ചു ടീവിയിൽ ലയിച്ച് ഇരിക്കുവാണ്.. സൈനബയുടെ മുഖത്ത് ആകെ പരിഭ്രമം നിഴലിച്ചു നിന്നു... ബീരാനും ആയുള്ള എന്തേലും പ്രശനം ആകുമെന്ന് കരുതി രഹന അത് മൈൻഡ് ആക്കാൻ പോയില്ല.. 💫💫💫💫💫💫💫💫💫💫💫💫💫💫💫💫💫 മെസ്സിൽ ചപ്പാത്തിയും സാമ്പാറും... ആലീസ് വെച്ച ആളെയും വിളമ്പിയ ആളെയും ഒക്കെ ഇരുന്ന് കുറ്റം പറഞ്ഞു കഴിക്കുവാണ്... അസിക്ക് അത് കണ്ടപ്പോ ചിരി പൊട്ടി.. "നീ ചിരിക്കേണ്ട... നിനക്ക് എന്ത് കിട്ടിയാലും കഴിക്കാലോ... എന്റെ ഒരു അതഭാഗ്യം... ചിക്കനും മൊട്ടയും ബീഫും പോർക്കും ഒക്കെ തിന്ന് കിടന്ന എനിക്കാണ് ഈ ഒണക്ക ചപ്പാത്തിയും സാമ്പാർ എന്ന് പേരുള്ള ഈ ചുമന്ന വെള്ളവും തരുന്നത്.... എനിക്ക് മടുത്തു... " "ഒരു ചപ്പാത്തി കൂടി വേണോ??" അസി അവളുടെ പ്ലേറ്റിൽ നിന്നും ചപ്പാത്തി എടുത്ത് കൊണ്ട് ചോദിച്ചതും ആലീസ് അതെടുത്തു പ്ലേറ്റിലേക് ഇട്ടു.. "വിശപ്പ് അല്ലെ മുഖ്യം.. വല്ലോം കേറ്റണ്ടേ?? അല്ലേൽ ന്റെ അഴകും ഭംഗിയും എല്ലാം പോകില്ലേ??" അസി അലീസിനെ ഒന്ന് നോക്കി.. ചിരി വന്നെങ്കിലും ചിരിച്ചില്ല... പാവം.. വിശപ്പ് കൊണ്ടാണ് കഴിക്കുന്നത്.... അസി കഴിച് കഴിഞ്ഞഹ് ആലീസിന്റെ പ്ലേറ്റും എടുത്തു കഴുകാൻ പോയി.. "നിന്റെ റൂമേറ്റ് എവടെ ആയിരുന്നു??കാണാൻ ഇല്ലായിരുന്നല്ലോ??" അടുത്ത റൂമിലെ ഒരു കുട്ടി ചോദിച്ചു.. "അവൾ ഹസ്ബന്റിന്റെ വീട്ടിൽ ആയിരുന്നു.." ആലീസ് പറഞ്ഞു... "കല്യാണം കഴിഞ്ഞത് ആയിരുന്നൊ??" ആ കുട്ടി ആശ്ചര്യത്തോടെ ചോദിച്ചു.. "പിന്നെ..കെട്ടിയതാ..." ആലീസ് അത് പറഞ്ഞതും ആ കുട്ടി കല്യാണം കഴിഞ്ഞതാണ് എന്ന് ഉറപ്പിച്ചു കൊണ്ട് അവിടെന്ന് പോയി.. അസി ഇത് അറിഞ്ഞൾ അലീസിനെ വഴക് പറയുന്നത് ഓർത്തു ആലീസ് ചിരിച്ചു... 💫💫💫💫💫💫💫💫💫💫💫💫💫💫💫💫💫 അത്താഴ സമയം ബീരാൻ വന്നപ്പോ ആ മുഖത്ത് വല്ലാത്ത സങ്കടം ഉണ്ടായിരുന്നു..അത് സൈനബ നന്നായി ശ്രേദ്ധിച്ചു.. ചോദിക്കാൻ പേടിച്ചിട്ട് സൈനബ കാര്യം തിരക്കിയില്ല.. "രഹന.. രഹന... " ബീരാന്റെ മൂർച്ച ഉള്ള വിളിയിൽ രഹന റൂമിൽ നിന്നും ഇറങ്ങി വന്നു.. "ന്താ വാപ്പ..." "നീ ഇബ്രാഹീംമിനെ കണ്ടോ??" "മ്മ്.. കണ്ടു..." അവളിൽ നിന്നും കേട്ട മറുപടി ബീരാനെ ഞെട്ടിച്ചു.... തുടരും.... ഇഷ്ടയാൾ ലൈകും കമന്റും തരുക... പനി കുറഞഹിട്ടില്ല.. സ്റ്റോറി ചോദിച്ചു കുറച്ചു പേർ മെസേജ് ഇട്ടിരുന്നു.. എല്ലാവർക്കും റിപ്ലൈ കൊടുക്കാൻ പറ്റിയില്ല... നിങ്ങളുടെ ഈ സ്റ്റോറിയോടുള്ള ഇഷ്ടം കൊണ്ടാണ് ഈ പാർട്ട്‌ ഞാൻ പോസ്റ്റാക്കുന്നത് ഇപ്പൊ.... #📙 നോവൽ #📔 കഥ #💞 പ്രണയകഥകൾ #❤ സ്നേഹം മാത്രം 🤗