ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mlWyM3g1?d=n&ui=v64j8rk&e1=cമന്ത്രകോടി :പാർട്ട്‌ -50🌺💚 ദിവസങ്ങൾ പതിയെ കടന്നുപോയി...... ഫോണിലൂടെ വിശേഷങ്ങൾ പറഞ്ഞും ആഗ്രഹങ്ങൾ പറഞ്ഞും സ്വപ്നങ്ങൾ പങ്കുവച്ചും മുൻപത്തേതിനെക്കാൾ ഇരുവരും ഒത്തിരി അടുത്തു. ഒരാഴ്ച കൂടി കഴിഞ്ഞാൽ രെജിസ്റ്റർ ഓഫീസിൽവച്ച് ഒരു ചെറിയ താലികെട്ടാണ് തീരുമാനിച്ചിരിക്കുന്നത്. അതുവരെ കഴിഞ്ഞുപോയ ജീവിതത്തിലെ കറുത്ത അധ്യായങ്ങളായ മെറിനേയും, ജീവനേയും മറവിക്ക് വിട്ടുകൊടുത്ത് പുതിയ പുലരി സ്വപ്നം കാണുകയായിരുന്നു മഹിയും കാവ്യയുമപ്പോൾ. 🌼🌼🌼🌼 പിറ്റേന്നുള്ള ദിവസങ്ങളിലൊക്കെ ഓരോരോ തിരക്കുകളിലായിരുന്നു നന്ദനും ഭാമയും ദേവകിയമ്മയുമൊക്കെ. അടുത്തുള്ളൊരു രജിസ്റ്റാർഓഫീസിലാണ് എല്ലാം ഏർപ്പെടുത്തിയിരിക്കുന്നത്. ആളോ ആരവങ്ങളോ ബഹളങ്ങളോ ഒന്നുമില്ല. പ്രിയപ്പെട്ടവരിൽ പ്രിയപ്പെട്ടവരേ മാത്രം വിളിച്ചു കൊണ്ട് ഒരു കുഞ്ഞു ചടങ്ങ്. ഒപ്പിട്ട് കഴിഞ്ഞു നേരെ അമ്പലത്തിൽ ചെന്നൊരു താലികെട്ട്. 🌼 വിവാഹ ദിവസം രാവിലെ നന്ദനാണ് വിവാഹ വസ്ത്രങ്ങൾ മഹിയെ ഉടുപ്പിച്ചതും ഒരുക്കിയതും..... മഹി വളരെ സന്തോഷത്തിൽ തന്നെയാണ് അവന്റെയാ സന്തോഷം കണ്ട് മനസ്സ് നിറഞ്ഞു തന്നെയാണ് നന്ദൻ മഹിയെ ഒരുക്കിക്കഴിഞ്ഞു തന്റെ റൂമിലേക്ക് ചെന്നതും...... അവിടൊരാൾ ഒരുങ്ങി തീരുന്നതേയുള്ളൂ.... മുന്നിലെ പ്ലീറ്റ് ഒതുക്കുന്നവളുടെ അരികിലേക്ക് ചെന്ന് നിന്ന് മേശയിലിരുന്ന ആ ഒരുപിടി മുല്ലപ്പൂമാല അവൻ കൈയിലെടുത്തു. ശേഷം അവൾക്ക് നേരെ തിരിഞ്ഞു. സാരി ശെരിയാക്കി നിന്ന ഭാമ പുരികമുയർത്തി അവനെ ഒന്ന് നോക്കി....... ഞാൻ വച്ചുതരാം താൻ തിരിഞ്ഞു നിൽക്ക്. അവൻ പറഞ്ഞതും അവളൊരു ചിരിയോടെ തിരിഞ്ഞുനിന്നു. നന്ദൻ പൂവ് മെല്ലെയാ മുടിയിലേക്ക് വച്ചുകൊണ്ട് മേശയിലായി പരന്നു കിടന്ന ഒന്നുരണ്ട് സ്ലൈടുകൾ എടുത്ത് അതിൽ വച്ചുകൊടുത്തു. ഭമായോന്ന് തിരിഞ്ഞു...... സുന്ദരിയായിട്ടുണ്ട്....... ഇളം വയലറ്റ് സാരിയിൽ ഒരുങ്ങി നിന്നവളെ നോക്കി അവൻ പറഞ്ഞു. ആണോ...... അവൾ നാണത്തോടെ പുഞ്ചിരിച്ചു. ഇങ്ങനെ ചിരിക്കല്ലെന്റെ ഭാമേ...... അവളെ തന്നിലേക്ക് വലിച്ചടുപ്പിച്ചുകൊണ്ട് അവൻ പറഞ്ഞു. ദേ..... പോയേ...... പോയ്‌ ഒരുങ്ങിക്കെ...... തന്നെ നെഞ്ചിലേക്ക് വലിച്ചടുപ്പിച്ച് കഴുത്തിടുക്കിലേക്ക് മുഖമമർത്താൻ പോകുന്നവനെ ഒന്ന് പിന്നിലേക്ക് തള്ളി ക്കൊണ്ടവൾ പറഞ്ഞു. ദേ ഒരുങ്ങാനുള്ളതെല്ലാം ഞാൻ എടുത്ത് വച്ചിട്ടുണ്ട്..... കട്ടിലിൽ അവനായുള്ള വസ്ത്രങ്ങൾ കാണിച്ചു കൊണ്ടവൾ പറഞ്ഞു..... അതോടെ അവനൊന്ന് ചിരിച്ചുകൊണ്ട് ഒരുങ്ങാനായി തിരിഞ്ഞു. 🌼🌼🌼🌼🌼 പത്ത് മണിയോടെ എല്ലാവരും രജിസ്റ്റാർ ഓഫീസിലേക്ക് എത്തി. കാവ്യയും വീട്ടുകാരും വരുമ്പോൾ മഹിയും കുടുംബവും ഓഫീസിനകത്ത് നിൽക്കുകയായിരുന്നു. അച്ഛനും അമ്മയ്ക്കും അനിയത്തിക്കുമൊപ്പം ഒരു സിംപിൾ സെറ്റ് സാരിയിൽ ഒരുങ്ങി ഉള്ളിലേക്ക് കയറി വരുന്നവളെ മഹി കണ്ണെടുക്കാതെ നോക്കിപ്പോയി. കഴുത്തിൽ ഒരു കുഞ്ഞ് നെക്ലെയ്സ് കൈയ്യിൽ ഓരോ വള കാതിൽ നെക്ലയ്സിന്റെ അതേ ജിമിക്കി സെറ്റ് തലമുടിയിൽ മനോഹരമായി ചൂടിയിരിക്കുന്ന മുല്ലപ്പൂവും അത്രമാത്രേയുള്ളൂ ഒരുക്കം. മഹി ഒന്ന് നിറഞ്ഞു ചിരിച്ചു. വധു വന്ന സ്ഥിതിക്ക് നമുക്ക് കാര്യങ്ങളിലേക്ക് കടക്കാം..... അവൾ അകത്തേക്ക് കയറി വന്നത് കണ്ടതും രെജിസ്ട്രാർ പറഞ്ഞു. കാവ്യ വന്ന് മഹിക്കരികിലായ് നിന്നു. അവൻ വീൽചെയറിൽ ഇരുന്ന് കൊണ്ട് അവളെ മുഖമുയർത്തി നോക്കി. ചുറ്റിനും എല്ലാവരും നിൽപ്പുണ്ട്. അമ്മ ഭാമ നന്ദൻ പല്ലവി സഞ്ചു അവരുടെ മുഖത്തെല്ലാം സന്തോഷം മാത്രം. കാവ്യയുടെ അമ്മ മാത്രേ ഇച്ചിരി മുഖം കറുപ്പിച്ച് നിൽക്കുന്നുള്ളു..... ടൈം ആയി..... ദാ ഇവിടെ സൈൻ ചെയ്തോളു...... ആദ്യം വരൻ പിന്നെ വധു പിന്നെ സാക്ഷികൾ രെജിസ്ട്രാർ രെജിസ്റ്റർ മുന്നിലേക്ക്‌ നീക്കി വച്ചുകൊണ്ട് പറഞ്ഞു മഹി വീൽചെയറിൽ നിന്ന് ഒന്ന് മുന്നോട്ട് നീങ്ങി ഇരുന്ന് കൊണ്ട് അതിലേക്ക് സൈൻ ചെയ്തു. ശേഷം പേന കാവ്യക്കായി നീട്ടി. കാവ്യ പേന വാങ്ങി അവളുടെ കോളത്തിൽ സൈൻ ചെയ്തു. സാക്ഷികളായി നന്ദനും ഭാമയും കൂടി സൈൻ ചെയ്തു. അതോടെ ഇല്ലാ മുഖങ്ങളിലും സന്തോഷം നിറഞ്ഞു. പിന്നീട് വൈകാതെ തന്നെ അവിടുന്ന് എല്ലാവരും കൂടി അടുത്തുള്ള ക്ഷേത്രത്തിലേക്ക് ഇറങ്ങി....... വീൽചെയറിൽ ഇരുന്നു കൊണ്ട് മഹി അവളുടെ കഴുത്തിലേക്ക് താലി ചാർത്തി. അവൾ അവന് താലി ചാർത്താൻ പാകത്തിന് തല താഴ്ത്തികൊടുത്തു. ശേഷം പരസ്പരം തുളസി മാലകളണിഞ്ഞു. എല്ലാവരേയും ദേവകിയമ്മ വീട്ടിലേക്ക് ക്ഷണിച്ചു. ചെറിയൊരു സദ്യ വീട്ടിൽ ഒരുക്കാൻ രണ്ട് പേർക്ക് നിർദ്ദേശം നൽകിയിരുന്നു. പല്ലവിയുടെ അച്ഛനായിരുന്നു അതിന്റെ ഒരുക്കങ്ങൾ നോക്കിയത്. എല്ലാവരും ഒരു മണിക്കൂറിനുള്ളിൽ തന്നെ വീട്ടിലേക്ക് എത്തി. ദേവകിയമ്മ നിലവിളക്ക് കൊടുത്ത് കാവ്യയെ തന്റെ മൂത്ത മരുമകളായി വീടിനകത്തേക്ക് കൈപിടിച്ചു കയറ്റി. മഹിയെ നന്ദനും വീടിനുള്ളിലേക്ക് കയറ്റി..... കാവ്യ വലിയ സന്തോഷത്തോടെ ദേവകിയമ്മക്കും ഭാമയ്ക്കും പല്ലവിക്കു മൊപ്പം കൂടി..... അവളുടെ സന്തോഷം കണ്ടപ്പോൾ കാവ്യയുടെ അച്ഛനായ വേണു മനസ്സ് കൊണ്ട് ഒന്ന് സമാധാനിച്ചു. അവൾ തിരഞ്ഞെടുത്തത് തന്നെയാണ് ശെരിയെന്ന് മനസ്സാലെ പറഞ്ഞു. എന്നാൽ അടുത്തിരുന്ന ശാരദയും നവ്യയും അനിഷ്ടത്തോടെ അതെല്ലാം നോക്കികണ്ടു. നവ്യക്ക് ഒന്ന് വീട്ടിൽ പോയാൽ മതിയെന്ന പോലെയാണ്.... അന്നത്തെപോലെ നന്ദനെ നോക്കാനൊന്നും അവൾ മിനക്കെട്ടില്ല. കരണം ഭാമ തന്നെയാണ്...... അമ്മയും മകളും അപ്പുറവുമിപ്പുറവുമിരുന്ന് പറയുന്നുണ്ട് പോകാമെന്ന് പക്ഷേ അയാളതൊന്നും ചെവിക്കൊള്ളാതെ ആ വീട്ടിലുള്ളവരുടെ സന്തോഷത്തേ നോക്കികാണുകയായിരുന്നു 🌼🌼🌼🌼🌼🌼🌼 ഉച്ചക്ക് വിഭവസമൃദ്ധമായ സദ്യ കഴിച്ചതോടെ ഓരോരുത്തരായി പോകാനിറങ്ങി...... ആദ്യം കാവ്യയുടെ വീട്ടുകാർ തന്നെ ഇറങ്ങി... വേണുവിന് കുറച്ച് നേരം കൂടി നിൽക്കണമെന്നുണ്ടായിരുന്നു. പക്ഷെ ഇടതും വലതും ഇരുന്ന് രണ്ടെണ്ണം സമാധാനം തരണ്ടേ..... അവർ ഇറങ്ങിയതോടെ വേറെ വേണ്ടപ്പെട്ട ഒന്ന് രണ്ട് പേരും കൂടി ഇറങ്ങി പിന്നെ അവിടെ നന്ദനും ഭാമയും കാവ്യയും മഹിയും സഞ്ജുവും പല്ലവിയും മാത്രായി.... രാവിലെ ഉടുത്ത വസ്ത്രമായതിനാൽ കാവ്യക്ക് അതൊന്ന് മാറ്റിയാൽ മതിയെന്നായിരുന്നു..... അതുകൊണ്ട് തന്നെ അവൾ മുറിയിൽ കയറി ഭാമ വരണോ എന്ന് ചോദിച്ചിരുന്നു ആ വീട്ടിൽ അപരിചിതത്വമൊന്നും ഇല്ലാത്തതുകൊണ്ട് വേണ്ടന്ന് പറഞ്ഞുകൊണ്ട് അവൾ ഫ്രഷാകാനായി മഹിയുടെ റൂമിൽ കയറി...... പെട്ടന്നൊന്ന് ഫ്രഷായി ഇറങ്ങുകയും ചെയ്തു. അവൾ ഡ്രസ്സ് മാറ്റി വരുന്നത് കണ്ടതും മഹിക്കും ഒന്ന് ചെയിഞ്ചു ചെയ്യണമെന്ന് തോന്നി...... അടുത്ത് നിന്ന നന്ദനെ തോണ്ടി അവൻ കാര്യം പറഞ്ഞതും മഹി അവന്റെ വീൽചെയർ റൂമിലേക്ക്‌ പോകാൻ തിരിച്ചു. ദേ ഇന്നും കൂടെ ഞാൻ മാറ്റിതരുവൊള്ളൂ നാളെ മുതൽ കെട്ടിയോളോട് പറഞ്ഞോളണം. നന്ദൻ കളിയോടെ പറഞ്ഞു. പോടാ...... ഞാൻ കാര്യമായിട്ടാ പറഞ്ഞേ..... നന്ദൻ ചിരി ഒതുക്കിക്കൊണ്ട് പറഞ്ഞു. ആഹ് അത്‌ ഇനിയല്ലേ.... ഇപ്പോ നീ ഒന്ന് ഹെൽപ് ചെയ്. 🌼🌼🌼🌼 കുറച്ച് നേരം കഴിഞ്ഞതും മഹിയും നന്ദനും പുറത്തേക്ക് വന്നു എല്ലാവരും ഉമ്മറത്തിരിപ്പുണ്ട്. മഹിയെ ഉമ്മറത്തേക്ക് കൊണ്ടുപോകാൻ സഞ്ചുവിനോട് ഒന്ന് പറഞ്ഞതിന് ശേഷം നന്ദൻ ഫ്രഷ്ആകാനായി കയറി...... ശേഷം അര മണിക്കൂറിനുള്ളിൽ അവൻ തിരികെ താഴെ എത്തി. വൈകുന്നേരമായികഴിഞ്ഞിരുന്നു..... എല്ലാവരും ഓരോ ചായ ഗ്ലാസും പിടിച്ചി രിപ്പുണ്ട് ഉമ്മറത്ത്.... ഭാമയും കാവ്യയും പല്ലവിയും ഒരു ഭാഗത്തും സഞ്ജുവും മഹിയും ഒരു ഭാഗത്തും നന്ദൻ മെല്ലെ അവർക്കരികിൽ വന്നിരുന്നു. അപ്പോഴേക്കും ദേവകിയമ്മ ഒരു ഗ്ലാസ്‌ ചായയുമായി വന്ന് നന്ദന് കൊടുത്തു. ശേഷം അവർ ഭാമക്കരികിൽവന്നിരുന്നു. അവരെല്ലാം എന്തോ കളി പറഞ്ഞു ചിരിക്കുക യാണ്...... പല്ലവിയാണ് ഇരയെന്ന് തോന്നുന്നു. കളിയാക്കുന്നത് സഞ്ചുവും. കൂടുതൽ കളിച്ചാൽ കെട്ടും മുൻപ് ഡിവോഴ്സ് ചെയ്തു കളയുമെന്നവൾ അവനോട് ഭീഷണിപ്പെടുത്തുന്നുണ്ട്. അതൊക്കെ നോക്കി കണ്ട് ചിരിച്ചു കൊണ്ടാണ് ദേവകിയമ്മ അവർക്കരികിൽ ഇരുന്നത്. എല്ലാവരും നിറഞ്ഞിരിക്കുന്ന സന്തോഷം മാത്രമുള്ള ആ അന്തരീക്ഷം അവരുടെ മനസ്സ് നിറച്ചു .......... 🌼🌼🌼🌼🌼🌼 കളിയും ചിരിയും പാട്ടുമൊക്കെയായി ഒത്തിരി നേരമിരുന്നു എല്ലാവരും. ഏഴ് മണിയാകാറായപ്പോഴേക്കും സഞ്ജു ഇറങ്ങി. പല്ലവി ഇന്ന് അവിടെ തന്നെ നിൽക്കാനാണ് പ്ലാൻ.... ഒൻപതു മണി ആയപ്പോഴേക്കും എല്ലാവരും അത്താഴമൊക്കെ കഴിച്ചിരുന്നു...... അടുക്കളയിൽ അമ്മക്കൊപ്പം ഭാമയും കാവ്യയും ഉണ്ടായിരുന്നു...... എല്ലാം ഒതുക്കി കഴിഞ്ഞ് കാവ്യയുടെ കൈയിലേക്ക് ഒരു ഗ്ലാസ്‌ പാലും കൊടുത്താണ് ദേവകിയമ്മ കിച്ചണിലെ ലൈറ്റ് ഓഫ്‌ ചെയ്തത്. മഹിയുടെ മുറി ലക്ഷ്യമാക്കി നടക്കുമ്പോൾ കാവ്യയുടെ ഉള്ളിലെവിടെയോ ഒരു പരവേശം ഉണ്ടായിരുന്നു........ കയ്യിലിരുന്ന പാൽ ഗ്ലാസ്‌ ഒന്ന് തുളുമ്പി പോകുകയും ചെയ്തു. മുറിയിലേക്കെത്തുമ്പോൾ മഹി കട്ടിലിൽ ചാരിയിരിക്കുകയാണ്..... കൈയിലൊരു പുസ്തകവുമുണ്ട്....... പാൽ ഗ്ലാസും കൊണ്ട് അകത്തേക്ക് കയറി വരുന്നവളെ കണ്ടതും ബുക്ക്‌ മാറ്റിവച്ചുകൊണ്ട് അവൻ നേരെയിരുന്നു. അവൾ അകത്തേക്കു കയറി പാൽഗ്ലാസ് ടേബിളിന് മുകളിലൊന്ന് വച് ഡോറടച്ചു. ശേഷം അവനെ നോക്കി യൊന്ന് ചിരിച്ചു. അവനും ഒരു പുഞ്ചിരി മടക്കി നൽകി. കിടക്കാറായോ മഹിയേട്ടാ....... ഇല്ലടോ താൻ വന്നിട്ട് കിടക്കാംന്ന് കരുതി ഇരിക്കുവായിരുന്നു. ആണോ...... എന്നാ ഞാനൊന്ന് ഫ്രഷ് ആയി വരാം..... ഹ്മ്മ്മ്..... പോയിട്ട് വാ..... നേരത്തേ കൊണ്ടുവച്ച ബാഗിൽ നിന്ന് ഒരു സിംപിൾ ടോപ്പും പാന്റും എടുത്ത് അവൾ ബാത്റൂമിലേക്ക് നടന്നു. കുറച്ച് നേരം കഴിഞ്ഞതും അവൾ ഫ്രഷ് ആയി പുറത്തേക്ക് വന്നു. കിടക്കാൻ പോകുവല്ലേ താനാ ലൈറ്റ് ഓഫ്‌ ആക്കിയേക്ക് ടേബിൾ ലൈറ്റ് മാത്രമിടാം. അത്‌ പറഞ്ഞു കൊണ്ട് മഹി കൈയിലിരുന്ന ബുക്ക്‌ മാറ്റി വച്ചു. അവൾ ലൈറ്റ് ഓഫ്‌ ചെയ്യാനായി മേശക്കരികിലേക്ക് എത്തിയപ്പോഴാണ് താൻ നേരത്തെ കൊണ്ട് വച്ച പാൽ ഗ്ലാസ്‌ ഇരിക്കുന്നത് കണ്ടത്. അവളത് കൈയിലെടുത്തു. മഹിയേട്ടാ..... ഇത് കുടിച്ചില്ലല്ലോ...... അവനെ നോക്കി അത്‌ കാണിച്ചുകൊണ്ടവൾ പറഞ്ഞു. ഞാൻ പാല് കുടിക്കാറില്ല ടൊ..... ഇത് ചെറിയൊരു ചടങ്ങാണ്..... അവൾ പറഞ്ഞു. എന്നാൽ കുറച്ച് കുടിക്കാം. ഇങ്ങെടുക്ക്.... അവൻ കൈ നീട്ടിയതും അവൾ അരികിലേക്ക് ചെന്നു. അവന് നേരെ നീട്ടി...... മഹി അതിൽ നിന്നും കുറച്ച് കുടിച്ച് അവൾക്ക് തിരികെ നൽകി. കാവ്യയും അത്‌ വാങ്ങി കുറച്ച് കുടിച്ചു ശേഷം ഗ്ലാസ്‌ മേശമേലെ വച്ചിട്ട് ലൈറ്റ് ഓഫ്‌ ചെയ്ത് അവനരികിലായി വന്നു...... അവനെ ഒന്ന് സപ്പോർട് ചെയ്താലേ കിടക്കാൻ പറ്റു. അത്‌ ഓർമിച്ചു കൊണ്ട് തന്നെയാണ് അവനരികിൽ വന്ന് നിന്നത്. അത്‌ മനസ്സിലായതും മഹി മെല്ലെ ഒന്ന് ചരിഞ്ഞു. താൻ കൈവച്ച് ഒന്ന് സപ്പോർട്ട് ചെയ്താൽ മതി . അവനടുത്തേക്ക് വന്നവളെ നോക്കി പറഞ്ഞു. കാവ്യാ അവനരികിലേക്ക് ചേർന്ന് നിന്ന് മഹിയെ കിടക്കാൻ സഹായിച്ചു. അവൻ കിടന്നതും അവളും തൊട്ടരികിൽ വന്ന് കിടന്നു....... കാവ്യാ....... അവൻ മെല്ലെ വിളിച്ചു...... ഹാപ്പിയാണോ...... മഹി അവൾക്ക് നേരെ മുഖം ചരിച്ചു കൊണ്ട് ചോദിച്ചു...... ഒരുപാടൊരുപാട്....... അവൾ ഒരു പുഞ്ചിരിയോടെ പറഞ്ഞു...... മഹിയേട്ടനോ...... അവൾ ചോദിച്ചു........ ഒത്തിരി ഹാപ്പിയാണ്....... ഞാൻ അത്രമേൽ ആഗ്രഹിച്ച നീ ഇന്നെന്റെ കൂടെയുണ്ട്...... എന്റെ മാത്രമായി...... ഈ ജീവിതം മുഴുവൻ...... ഇതിൽപരമിനി എന്ത് വേണം. ഒരുപാട് ഹാപ്പിയാണ്....... അവളെ നോക്കി പറഞ്ഞവൻ...... ശേഷം അവന്റെ കൈയൊന്ന് വിടർത്തി വച്ചു...... തനിക്കുള്ള ക്ഷണം പോലെ തോന്നിയ കാവ്യ മെല്ലെയാ കൈയിലേക്ക് തലവച്ച് അവനോട് ഒന്ന് ചേർന്ന് കിടന്നു....... ആ നിമിഷം ഇരുവരുടെയും ഹൃദയത്തിൽ ഒരു കുളിർ പടർന്നു. മൃദുലമായൊരു ചിരി ഇരുവരിലും സ്ഥാനം പിടിച്ചു.... മരണം വരെ ഈ നെഞ്ചിലിങ്ങനെ ചേർന്നിരുന്നാൽ മതി...... ഇരുവരുടേയും ഉള്ള് മന്ദ്രിച്ചു. കുറച്ച് നിമിഷങ്ങൾ കഴിഞ്ഞതും അവൾ മെല്ലെ മുഖമുയർത്തി നോക്കി...... ആ നിമിഷം തന്നെ മഹിയുടെ മുഖം പതിയെ താഴ്ന്ന് വന്ന് അധരങ്ങൾ അവളുടെ നെറ്റിയിലൊന്ന് പതിഞ്ഞു. കാവ്യ ഒരു നിമിഷം അറിയാതെ മിഴികളടച്ചു പോയിരുന്നു..... തുടരും 🌺💚 കണ്ണൂർകാരൻ 🥰🥰🥰🥰🥰🥰 #📔 കഥ #📙 നോവൽ #✍ തുടർക്കഥ #💞 പ്രണയകഥകൾ #📚 ട്വിസ്റ്റ് കഥകൾ