അതേ ഇന്ന് എന്റെ ഹൃദയം മുറിഞ്ഞ ദിവസം ആണ്...... എൻ്റെ ഇക്കാൻ്റെ രണ്ടാം വിവാഹം....... ഗൾഫിൽ നിന്നും ഇക്കാൻ്റെ ഫോൺ വന്നു...... ", എന്തൊക്കെ മുത്തേ വിശേഷം...... എനിക്ക് പുതിയ ജോലി കിട്ടി ട്ടോ......ആ മൊതലാളി നേരിട്ട് കാണണം എന്ന് പറഞ്ഞിരുന്നു...... നീ ദുആ ചെയ്യ് ട്ടോ..... ചിലപ്പോൾ നിന്നെ ഇങ്ങോട്ട് കൊണ്ട് വരാൻ ആയിരിക്കും......", ഇക്കാൻ്റെ വാക്കുകൾ സന്തോഷം നിറഞ്ഞതായിരുന്നു....... സ്നേഹ സംഭാഷണങ്ങൾക്ക് ഒടുവിൽ ഫോൺ കട്ട് ചെയ്തു....... രണ്ടാഴ്ച കഴിഞ്ഞ് ഇക്കാൻ്റെ കോൾ വന്നു...... ഫോൺ ഉമ്മാക്ക് കൊടുക്കാൻ പറഞ്ഞു........ ", ഉമ്മാ...... ഇപ്പോ ഉള്ള നല്ല ജോലി ആണ് ഉമ്മാ...... പക്ഷേ മൊതലാളി ഒരു കണ്ടീഷൻ പറഞ്ഞു.....മൂപ്പരെ മോളെ കല്ല്യാണം കഴിക്കണമെന്ന്.....", എന്താ ചെയ്യാ ഉമ്മാ ഞാൻ.....", ഇക്ക പറയുന്നത് കേട്ട് എന്റെ ഹൃദയം മുറിഞ്ഞ് പോയി..... ", നല്ല ശമ്പളം ഉള്ള ജോലി അല്ലേ മോനേ.....നീ കെട്ടാം എന്ന് പറയ് ", ഉമ്മാന്റെ വാക്കുകൾ കേട്ട് ഇക്ക സമ്മതിച്ചു....... പക്ഷേ ഭാര്യയായ എന്നോട് ഒരു വാക്ക് പോലും ചോദിച്ചില്ല....... അങ്ങനെ ഇക്ക അവളെയും മൊതലാളിയേയും കൂട്ടി നാട്ടിലേക്ക് വന്നു....... നാളെ കല്ല്യാണ തലേന്ന് ആണ്... അറിയാതെ പോലും ഇക്ക എൻ്റെ അടുത്തേക്ക് വന്നില്ല....... വീട്ടിൽ കുടുംബക്കാർ എല്ലാവരും വന്നു..... എൻ്റെ വീട്ടുകാരെ മനപ്പൂർവ്വം ഇതിൽ നിന്ന് ഒഴിവാക്കി....... അതൊരുപക്ഷേ അവർക്കും ആശ്വാസമായിട്ടുണ്ടാകും ........ അയൽവാസികൾ എല്ലാവരും എൻ്റെ മുഖത്തേക്ക് സഹതാപത്തിൻ്റെ നോട്ടം നോക്കി....... ഇക്കാൻ്റെ പെങ്ങന്മാരും വന്നിട്ടില്ല...... അവർക്ക് വലിയ ഇഷ്ടമാണ് സിനൂനെ....... അവരുടെ ഫോൺ കോൾ ആയിരുന്നു അവൾക്ക് ആശ്വാസം........ ഇക്കാൻ്റെ കല്ല്യാണം ആണെങ്കിലും അവൾ ഓടി പാഞ്ഞു നടന്നു....... നിറഞ്ഞു വന്ന കണ്ണുനീർ ആരും കാണാതെ തുടച്ച് മാറ്റി...... ഇക്കാൻ്റെ മണിയറ അലങ്കരിക്കുന്ന തിരക്കിലാണ് കൂട്ടുകാർ...... അവളുടെ വീട്ടുകാർ കുറച്ച് പണക്കാർ ആയത് കൊണ്ട് റൂം ഒക്കെ ഭയങ്കര സെറ്റപ്പ് ആക്കിയിട്ടുണ്ട്.......... സിനു ഇക്ക വന്ന അന്ന് തന്നെ റൂമിൽ നിന്ന് മാറിയിരുന്നു....... ഇക്ക വിളിക്കും എന്ന് വിചാരിച്ചു പക്ഷേ ഇക്കാൻ്റെ വിളി കണ്ടില്ല........ തിരക്കുകൾ ഒക്കെ കഴിഞ്ഞപ്പോഴേക്കും രണ്ട് മണി ആയിരുന്നു....... നാത്തൂന്മാർ വരുമ്പോൾ കിടക്കുന്ന റൂമിൽ അവൾ കിടന്നു........ കിടന്നെങ്കിലും ഉറക്കം പോലും അവളോട് പിണങ്ങി....... നാളെ നേരത്തെ എണീക്കേണ്ടത് കൊണ്ട് പെട്ടെന്ന് തന്നെ ഉറങ്ങി....... തൻ്റെ ഇക്കാൻ്റെ കൂടെ കിടന്നിരുന്ന രാത്രികൾ അവൾക്ക് ഓർമ വന്നു......... ", ഇക്കാ..... നിങ്ങൾക്ക് എന്നെ എത്ര ഇഷ്ടമാണ്......", അവൾ അവൻ്റെ നെഞ്ചിൽ തല വെച്ച് കിടന്നു കൊണ്ട് ചോദിച്ചു....... ", ഈ ലോകത്ത് ഉള്ള എല്ലാ വസ്തുക്കളും എണ്ണിയാൽ തീരാത്ത അത്ര ഇഷ്ടമാണ് നിന്നെ...... നീയാണ് എന്റെ എല്ലാം......", അവളുടെ നെറ്റിയിൽ ഒന്ന് മുത്തി കൊണ്ട് പറഞ്ഞു........ ", അപ്പോ ഞാൻ മരിച്ചാലോ....", അവളുടെ ചോദ്യം കേട്ടപ്പോൾ അവൻ പറഞ്ഞു........ ", നീ മരിച്ചാലും എന്റെ മനസ്സിലുള്ള സ്ഥാനം കുറയില്ല.....", അവർ ആ രാത്രി സന്തോഷത്തോടെ ഉറങ്ങി...... എത്ര പെട്ടെന്നാണ് ഇക്കാൻ്റെ വാക്കുകൾ ഒക്കെ മാറിയത്...... രാവിലെ നേരത്തെ തന്നെ എഴുന്നേറ്റ് നിസ്കാരം ഒക്കെ കഴിഞ്ഞ് അടുക്കളയിലേക്ക് പോയി...... ആരും എണീറ്റിട്ടില്ല....... അവള് അവളുടെ ജോലി തുടങ്ങി....... എല്ലാവർക്കും ഉള്ള ചായക്കടി എല്ലാം റെഡിയാക്കി വെച്ചു...... കുടുംബക്കാർ ഒക്കെ ഉണ്ടായത് കൊണ്ട് കുറേ ഉണ്ടാക്കണം...... എല്ലാം ഒറ്റക്ക് തന്നെ റെഡിയാക്കി...... ഓരോരുത്തർ വന്ന് ചായ കുടിച്ച് പാത്രം കഴുകാതെ എണീറ്റ് പോയി..... എല്ലാവരുടെയും ചായ കുടി കഴിഞ്ഞപ്പോൾ ചായയും കടിയും തീർന്നു..... അവള് വെള്ളം കുടിച്ച് വിശപ്പടക്കി...... അടുക്കളയിൽ നിൽക്കുന്ന ഉമ്മാന്റെ അടുത്തേക്ക് വന്ന് ഇക്ക പറഞ്ഞു..... ", ഉമ്മാ എന്നാ ഞങ്ങള് നിക്കാഹിന് ഇറങ്ങാണ്..... ഉച്ചക്ക് അവളുടെ വീട്ടിലേക്ക് പോയി അവളെയും കൂട്ടി വരാം.....", ഉമ്മ നെറ്റിയിൽ ഒന്ന് മുത്തി...... ഇനി മുതൽ എൻ്റെ ഇക്കാൻ്റെ ഹൃദയം മറ്റൊരാൾക്ക് കൂടി അവകാശപ്പെട്ടതാണ്...... അവര് നിക്കാഹ് കഴിഞ്ഞ് വന്നു..... ഉച്ചക്ക് അവളുടെ വീട്ടിലേക്ക് പോകാൻ എല്ലാവരും റെഡിയായി.....എന്തോ അവള് ഇല്ല എന്ന് പറഞ്ഞു........ അവള് ഒരു പഴയ മാക്സിയും ഇട്ട് ആയിരുന്നു....... എല്ലാവരും പോയി കഴിഞ്ഞപ്പോൾ അവള് നാത്തൂന്മാരെ വിളിച്ച് പൊട്ടിക്കരഞ്ഞു....... ", സിനൂ നീ ഇങ്ങനെ കരയല്ലേ...... നിന്റെ അവസ്ഥ കാണാൻ കഴിയാത്തത് കൊണ്ട് ആണ് ഞങ്ങൾ വരാതിരുന്നത്..... അല്ലെങ്കിലും നിനക്ക് ഞങ്ങളില്ലേ.....", അവര് സമാധാനിപ്പിച്ചു....... പെണ്ണിനെ കൊണ്ട് വരാൻ പോയവർ എല്ലാവരും വന്നു....... അവള് വെള്ളം കൊണ്ട് അവരുടെ അടുത്തേക്ക് ചെന്നു...... അറിയാതെ പോലും ഇക്കാനെ നോക്കിയില്ല...... സുൽഫി അവളുടെ മുഖത്തേക്ക് നോക്കിയതും അവൻ്റെ ഹൃദയം പിളർന്ന് പോയി...... ", ഇക്കാ...... ഇതാണോ ഇക്ക പറയാറുള്ള നിങ്ങളുടെ വീട്ടിലെ വേലക്കാരി.....", പുതിയെണ്ണ് അത് ചോദിച്ചപ്പോൾ അവൻ അതേ എന്ന് പറഞ്ഞെങ്കിലും അവൻ്റെ മനസ് അസ്വസ്ഥതമായിരുന്നു....... അവൾക്ക് ആ വാക്കുകൾ കേട്ട് കൊണ്ട് അവിടെ നിൽക്കാൻ തോന്നിയില്ല........ അവള് വീട്ടിൽ നിന്ന് ഇറങ്ങി ഓടി..... അവൾ നേരെ പുഴ വക്കിൽ പോയി ഇരുന്നു....... അവളുടെ ഇഷ്ട സ്ഥലമായിരുന്നു അത്..... തോളിൽ ഒരു കര സ്പർശം അനുഭവപ്പെട്ടപ്പോൾ അവൾ തലയുയർത്തി നോക്കി....... തൻ്റെ കാക്കു...... ", കാക്കൂ...... അവള് ആ നെഞ്ചിൽ വീണ് പൊട്ടിക്കരഞ്ഞു...... ", അയ്യേ എന്താ ഇത് സിനൂ......അവൻ വേറെ കെട്ടി എന്ന് കരുതി നീ ഇങ്ങനെ കരഞ്ഞ് ജീവിതം തീർക്കാൻ ആണോ.....", അവൻക്ക് എല്ലാം മനസ്സിലാകുന്ന ഒരു സമയം വരും നീ ക്ഷമിക്ക്.....", കാക്കു അതും പറഞ്ഞ് അവളെ ആശ്വസിപ്പിച്ചു......... അവളുടെ നിറഞ്ഞ കണ്ണുകൾ തുടച്ച് കൊടുത്തു അവളുടെ കയ്യും പിടിച്ച് വീട്ടിലേക്ക് നടന്നു......... സിനൂൻ്റെ കയ്യും പിടിച്ച് വരുന്ന അവളുടെ ജേഷ്ഠനെ കണ്ട് അവൻക്ക് വല്ലാത്തൊരു അസ്വസ്ഥത തോന്നി........ അവളെയും കൂട്ടി അകത്തേക്ക് കയറി റൂമിലേക്ക് പോയി........ ", സിനൂ..... ഞാൻ ഒരു കാര്യം പറയാം...... നീ എന്ത് പ്രതിസന്ധിയെയും മറികടന്ന് ജീവിക്കണം...... ആര് എന്ത് പറഞ്ഞാലും എതിർത്ത് സംസാരിക്കരുത്...... എവിടെ നീ മൗനം പാലിച്ചോ അവിടെ നീ വിജയിച്ചു........", അത് കരുതി എപ്പോഴും മൗനം പാലിക്കരുത്....... പറയേണ്ട നേരത്ത് പറയണം...... ", കാക്കു തലയിൽ തലോടി കൊണ്ട് പറഞ്ഞു...... ", കാക്കു എങ്ങനെയാ അറിഞ്ഞത്..... ഉമ്മയും ഉപ്പയും ഒക്കെ അറിഞ്ഞോ..... അവർക്ക് ഇത് താങ്ങാൻ കഴിയില്ല....", അവള് നിറഞ്ഞ കണ്ണുകളോടെ പറഞ്ഞു...... ", ഇല്ല അവരാരും അറിഞ്ഞിട്ടില്ല.... എന്നോട് നിന്റെ വലിയ അളിയൻ ആണ് വിളിച്ചത്....... അവരൊന്നും ഇങ്ങോട്ട് വന്നിട്ടില്ല.....സിനൂൻ്റെ അവസ്ഥ എന്താണെന്ന് നീ പോയി നോക്ക് എന്ന് പറഞ്ഞു..... അങ്ങനെ പോന്നതാ......", തൽക്കാലം ഇത് ഉമ്മയും ഉപ്പയും അറിയേണ്ട....... അറിയേണ്ട സമയം ആകുമ്പോൾ ഞാൻ തന്നെ പറയും......", എന്നാ ഇനി ഞാൻ പോകട്ടെ ട്ടോ...... എന്ത് ഉണ്ടെങ്കിലും എന്നെ അറിയിക്കണം.....", മനപ്പൂർവ്വം നീ അവരെ ശ്രദ്ധിക്കാതെ ഇരിക്ക് ട്ടോ..... ൻ്റെ കുട്ടിക്ക് ഞങ്ങളൊക്കെ ഉണ്ട്......", കാക്കു നെറ്റിയിൽ ഒന്ന് മുത്തി ഇറങ്ങി പോയി....... കാക്കു പോയതും ബാത്ത്റൂമിൽ കയറി ഫ്രഷ് ആയി ഇറങ്ങി....... മുഖത്ത് ഒരു പുഞ്ചിരി വരുത്തി അടുക്കളയിലേക്ക് പോയി....... പുഞ്ചിരിച്ച് കൊണ്ട് വരുന്ന അവളെ കണ്ട് ഇക്കാൻ്റെ ഉമ്മ നോക്കി....... കുടുംബക്കാരും അയൽവാസികളും ഒക്കെ പോയി കഴിഞ്ഞപ്പോൾ വീട്ടിൽ ഞങ്ങൾ മാത്രം ആയി...... സമയം ഒരുപാട് ആയത് കൊണ്ട് എല്ലാവരും പെട്ടെന്ന് കിടന്നു..... തൻ്റെ ഇക്കാൻ്റെ നെഞ്ചിൽ ഇന്ന് മറ്റൊരാൾ...... അവൾക്ക് ഉറക്കം വന്നില്ല..... അവൾ എഴുന്നേറ്റ് അടുക്കളയിലെ വാതിൽ തുറന്ന് പുറത്തേക്ക് ഇറങ്ങി നിലാവിനെയും നോക്കി വിഷമം പറഞ്ഞു.... ", നീ പറയ് ഞാൻ എന്ത് തെറ്റാണ് ചെയ്തത് എന്ന്....... എൻ്റെ ഇക്കാനെ ജീവന് തുല്യം സ്നേഹിച്ചതാണോ ഞാൻ ചെയ്ത തെറ്റ്......അതോ ഇക്കാക്ക് വേണ്ടി എന്തും സഹിക്കുന്നതോ.....", നീ തന്നെ പറയ്......", അവൾ ആകാശത്തേക്ക് നോക്കി കൊണ്ട് പറഞ്ഞു....... ഇതേ സമയം റൂമിൽ ഉറക്കം വരാതെ അസ്വസ്ഥനായി കിടക്കുകയാണ് സുൽഫി...... സുഫിയ കിടന്നപ്പോൾ തന്നെ ഉറങ്ങി..... ഉറങ്ങുന്ന അവളുടെ മുഖത്തേക്ക് നോക്കിയപ്പോൾ അവൾക്ക് സിനു ഇപ്പോ ഉറങ്ങാതെ ഇരിക്കുകയായിരിക്കും എന്ന് ഓർത്ത് തന്നോട് തന്നെ വല്ലാത്തൊരു കുറ്റബോധം തോന്നി...... പാവം ഞാൻ ൻ്റെ പെണ്ണിനെ വേദനിപ്പിച്ചു അവളോട് ചോദിക്കാതെ അല്ലേ ഞാൻ ഈ തെറ്റ് ചെയ്തത്...... അവൻ്റെ മനസ്സ് ആകെ അസ്വസ്ഥമായി....... പതിയെ എണീറ്റ് റൂമിന് പുറത്ത് ഇറങ്ങി....... അടുത്ത റൂമിലെ വാതിൽ തുറന്നു നോക്കിയപ്പോൾ അവിടെ ആരും ഇല്ല....... എല്ലാ റൂമിലും നോക്കി അവിടെ ഒന്നും സിനൂനെ കണ്ടില്ല.....അവൻക്ക് പേടിയാകാൻ തുടങ്ങി...... അടുക്കളയിൽ പോയപ്പോൾ വാതിൽ തുറന്ന് വെച്ചത് കണ്ട് മനസ്സിലായി അവള് പുറത്ത് ആണെന്ന്....... അവൻ ഉമ്മറപ്പടിയിൽ നിന്നു..... ഒരു മരത്തണലിൽ ഇരുന്ന് ആകാശത്തേക്ക് നോക്കി സങ്കടം പറയുന്ന അവളെ കണ്ട് അവൻക്ക് സഹിക്കാൻ ആയില്ല...... അവൻ പതിയെ അവളുടെ അടുത്തേക്ക് വന്നു....... അപ്പോഴാണ് റൂമിൽ സുൽഫിയെ കാണാത്തത് കൊണ്ട് പുറത്തേക്ക് ഇറങ്ങി വരുന്ന സുഫിയെ കണ്ടത്...... സുൽഫി പതിയെ റൂമിലേക്ക് തിരിച്ചു പോയി....... ", സുൽഫി...... ഇങ്ങള് വരുമ്പോൾ കുറച്ച് വെള്ളം കൊണ്ട് വരിം", അവള് അതും പറഞ്ഞ് റൂമിലേക്ക് പോയി...... അത് പുറത്ത് നിന്ന് കേട്ട സിനൂന് വല്ലാത്തൊരു വിഷമം ആയി...... തൻ്റെ ഭർത്താവിനെ പേര് വിളിക്കുന്നു....... ഭർത്താവിന് അങ്ങോട്ട് ചെയ്തു കൊടുക്കേണ്ടതെല്ലാം ഇക്ക ചെയ്തു കൊടുക്കേണ്ട അവസ്ഥ...,.. പാവം ൻ്റെ ഇക്ക...... അവള് അകത്തേക്ക് കയറി ഒരു കപ്പിൽ വെള്ളം നിറച്ച് ഇക്കാക്ക് കൊടുത്തു....... ഇക്കാൻ്റെ മുഖത്ത് നോക്കിയില്ല...... ", സിനൂ......", അവൻ അത് വിളിച്ചപ്പോൾ അവൾ പറഞ്ഞു..... ", വേണ്ട ഒന്നും പറയേണ്ട എല്ലാം എനിക്ക് അറിയാം...... അവിടെ അവള് കാത്ത് നിൽക്കുന്നുണ്ട്...... എന്നെപ്പോലെ ക്ഷമ ഉള്ളവളാകില്ല എല്ലാവരും.....", തൻ്റെ ഭർത്താവ് വേലക്കാരിയോട് സംസാരിക്കുന്നത് അവൾക്ക് ഇഷ്ടമാകില്ല......", അതും പറഞ്ഞ് നിറഞ്ഞ കണ്ണുകൾ തുടച്ച് കൊണ്ട് വാതിൽ അടച്ച് റൂമിലേക്ക് പോയി കിടന്നു...... സിനു അത് മനസ്സിൽ കൊണ്ട് തന്നെ ആണ് പറഞ്ഞത് എന്ന് അവൻക്ക് മനസ്സിലായി...... അവൻ പിന്നെ അവിടെ നിൽക്കാതെ പെട്ടെന്ന് തന്നെ റൂമിലേക്ക് പോയി കിടന്നു...... സുഫി വെള്ളം കുടിച്ച് കഴിഞ്ഞ് ഇക്കാൻ്റെ നെഞ്ചിൽ തല വെച്ച് കിടന്നു...... അവളുടെ സാന്നിധ്യം അവൻക്ക് പ്രയാസം അനുഭവപ്പെട്ടു...... ", എനിക്ക് ഒന്ന് ഒറ്റക്ക് കിടക്കണം..... ഭയങ്കര ചൂട്.....", അവൻ അതും പറഞ്ഞ് എണീറ്റ് നിലത്ത് കിടന്നു..... അവള് അതൊന്നും കാര്യമാക്കാതെ ബെഡിൽ കിടന്നു കൊണ്ട് ഉറങ്ങി...... സിനു രാവിലെ നേരത്തെ എണീറ്റ് പടച്ചോൻ്റെ മുമ്പിൽ കരഞ്ഞ് ദുആ ചെയ്ത് നിസ്കാരം ഒക്കെ കഴിഞ്ഞ് അടുക്കളയിലേക്ക് പോയി....... ചായ എല്ലാം റെഡിയാക്കി വെച്ചു....... ഒരു ഗ്ലാസ് ചായ എടുത്ത് അവരുടെ റൂമിന്റെ മുമ്പിൽ വെച്ച് ഉമ്മാക്ക് ഉള്ള ചായ ഉമ്മാന്റെ റൂമിലും വെച്ച് അടുക്കളയിലേക്ക് തന്നെ പോയി....... ബാങ്ക് കേട്ട് കൊണ്ട് എണീറ്റ സുൽഫി ബാത്ത്റൂമിൽ പോയി ഫ്രഷ് ആയി വുളൂഅ് എടുത്ത് നിസ്കാരം ഒക്കെ കഴിഞ്ഞ് മേശമേൽ നോക്കിയപ്പോൾ ചായ കാണുന്നില്ല...... ബെഡിൽ നോക്കുമ്പോൾ മൂടി പുതച്ച് കിടക്കുന്ന അവളെ കണ്ട് അവൻക്ക് ദേഷ്യം വന്നു....... ൻ്റെ സിനു ആണെങ്കിൽ രാവിലെ എണീക്കുമ്പോൾ തന്നെ ചായ മേശമേൽ ഉണ്ടാകും ..... അവൻ വാതിൽ തുറന്ന് പുറത്തേക്ക് ഇറങ്ങിയപ്പോൾ അവിടെ ഒരു കസേരയിൽ ചായ കണ്ടു.....അവൻ അത് എടുത്ത് അടുക്കളയിലേക്ക് നടന്നു........ ചായക്ക് ഉള്ള കടി ഉണ്ടാക്കുന്ന തിരക്കിലാണ് സിനു.......അവൻ കുറച്ച് നേരം അവളെ തന്നെ നോക്കി നിന്നു.....മുഖമൊക്കെ ക്ഷീണിച്ചിരുന്നു....... എല്ലാം ഞാൻ കാരണം തന്നെ അല്ലേ....... അവളുടെ മുഖത്ത് കണ്ണെടുക്കാതെ നോക്കുന്ന അവനെ കണ്ടപ്പോൾ അവൾ തിരിഞ്ഞ് നിന്നു....... അപ്പോഴാണ് ഉമ്മ എണീറ്റ് വന്നത്..... ", എന്താടാ രാവിലെ തന്നെ അടുക്കളയിൽ പൊതുവേ നീ ഈ സമയത്ത് ഇവിടെ ഉണ്ടാകാറില്ലല്ലോ......ആ ഇന്ന് നിന്റെ സുഫി ഉണ്ടായത് കൊണ്ടാണ് ലെ......", ഉമ്മ അതും പറഞ്ഞ് ചിരിച്ചു കൊണ്ട് വന്നതും സിനൂനെ അപ്പോഴാണ് കണ്ടത്........", ഏ....ഇവളായിരുന്നോ......", ഉമ്മ അതും പറഞ്ഞ് അവിടെ ഇരുന്നു...... ", എടാ സുഫി എണീറ്റില്ലേ..... സാരമില്ല കുറച്ച് നേരം കിടന്നോട്ടെ..... ഇന്നലത്തെ ക്ഷീണം ഉണ്ടാകും.....", ഉമ്മ അതും പറഞ്ഞ് സിനൂൻ്റെ മുഖത്തേക്ക് നോക്കി..... അവള് അതൊന്നും ശ്രദ്ധിച്ചില്ല....... ഉമ്മയും ഇക്കയും ചായ കുടിച്ച് കഴിഞ്ഞ് അവളും ചായ കുടിച്ച് എഴുന്നേറ്റു...... ബാക്കി ഉള്ള പണികളൊക്കെ തുടങ്ങി...... അവള് അകത്ത് തുടക്കുമ്പോൾ ആണ് സുഫി എഴുന്നേറ്റ് വന്നത്..... അവൾ തുടച്ച ഭാഗത്ത് കൂടി നടന്ന് പോയി.....അവൾ ഒന്നും മിണ്ടിയില്ല...... അവള് ചായ കുടിച്ച് പാത്രം കഴുകാതെ എണീറ്റ് പോയി..... ", ഇക്കാ.... ഇന്ന് എന്റെ വീട്ടിലേക്ക് പോകണ്ടേ..... വേഗം കുളിച്ച് റെഡിയായി വരിം...... പിന്നെ എൻ്റെ ഉടുപ്പ് ഒന്ന് തേച്ച് തരോ....", അവള് അത് പറഞ്ഞപ്പോൾ സിനു പറഞ്ഞു... ", ഞാൻ തേച്ച് തരാം....", അവൾക്ക് അവനെ കൊണ്ട് അത് ചെയ്യിപ്പിക്കാൻ തോന്നിയില്ല...... അത് കൊണ്ടാണ് അത് അവൾ ചെയ്യാം എന്ന് പറഞ്ഞത്...... അവളുടെ ഉടുപ്പും അവൻ്റെ ഷർട്ടും പാന്റും തേച്ച് റൂമിൽ കൊണ്ട് പോയി വെച്ചു...... റൂമിന്റെ അവസ്ഥ കണ്ട് അവള് അന്തം വിട്ടു..... ആകെ അലങ്കോലമായി കിടക്കുന്നുണ്ട്...... ബെഡ്ഷീറ്റ് എല്ലാം നിലത്ത് എത്തിയിട്ടുണ്ട്....... അവൾ അതെല്ലാം റെഡിയാക്കുമ്പോയാണ് ബാത്റൂമിൽ നിന്ന് കുളി കഴിഞ്ഞ് അവൻ ഇറങ്ങിയത്........ അവനെ കണ്ട് അവൾ ഒന്ന് ഭയന്ന് വേഗം പുറത്തിറങ്ങി....... അവര് റെഡിയായി സുഫിൻ്റെ വീട്ടിലേക്ക് പോയി...... വീട്ടിൽ ഉമ്മയും സിനുവും ഒറ്റക്കായി...... എല്ലാ പണികളും കഴിഞ്ഞ് ഫുഡ് കഴിച്ച് കുറച്ച് നേരം കിടന്നു....... അപ്പോഴാണ് ബെല്ലടി കേട്ടത്.... വാതിൽ തുറന്നപ്പോൾ മുന്നിൽ തന്നെ നിൽക്കുന്നുണ്ട് വലിയ നാത്തൂനും അളിയനും...... അവൾക്ക് വല്ലാത്തൊരു സന്തോഷം തോന്നി....... അവൾ കെട്ടിപ്പിടിച്ചു കൊണ്ട് കരഞ്ഞു...... ", എന്താ സിനൂ.... നീ ഇങ്ങനെ കരഞ്ഞ് കാണാൻ ഒരു ഭംഗിയും ഇല്ലട്ടോ...... നിനക്ക് ഞങ്ങളൊക്കെ ഇല്ലേ...... അവനും അവളും പോയത് അറിഞ്ഞത് കൊണ്ട് ആണ് ഞങ്ങൾ വന്നത്.... ബാക്കി രണ്ടാളും ഇപ്പോ വരും......", അവര് അതും പറഞ്ഞ് അവളെ കണ്ണുകൾ തുടച്ച് കൊടുത്തു....... അപ്പോഴേക്ക് മറ്റേ നാത്തൂന്മാരും വന്നു..... അവരുടെ കൂടെ അവള് സന്തോഷത്തോടെ സംസാരിച്ച് ഇരുന്നു...... ഇന്ന് എന്തായാലും സുൽഫിയും സുഫിയും വരില്ല അത് കൊണ്ട് അവരുടെ കൂടെ കിടക്കാം..... അളിയന്മാർ പോയി..... അന്ന് അവരുടെ അടുത്ത് കൊച്ചു കുട്ടിയെ പോലെ കിടന്നു ഉറങ്ങി...... രാവിലെ എണീറ്റപ്പോൾ തന്നെ അവര് മൂന്നാളും എണീറ്റിരുന്നു..... ", എന്താ നിങ്ങള് എന്നെ വിളിക്കാതിരുന്നത്....?", അവള് അതും ചോദിച്ച് അവരെ അടുത്തേക്ക് പോയി.... ", നീ ഇന്നലെയാണ് ഒന്ന് സമാധാനത്തോടെ ഉറങ്ങിയത് എന്ന് ഞങ്ങൾക്ക് അറിയാം അപ്പോ പിന്നെ നിന്നെ വിളിക്കാൻ തോന്നിയില്ല ...... എന്തായാലും അവര് വരുമ്പോഴേക്ക് ഞങ്ങള് പോകട്ടെ.....", അവര് അത് പറഞ്ഞപ്പോൾ അവളുടെ മുഖം വാടി.... ", അയ്ഷ് ഇജ്ജ് ഇങ്ങനെ വിഷമിക്കല്ലേ.... ഞങ്ങള് ഇത് പോലെ ഇടക്ക് ഇടക്ക് വരും.....", അവര് അതും പറഞ്ഞ് ആശ്വസിപ്പിച്ചു..... അങ്ങനെ ദിവസങ്ങൾ കഴിഞ്ഞു പോയി...... സിനു ഒരു വേലക്കാരിയെ പോലെ തന്നെ കഴിഞ്ഞു..... അങ്ങനെ ഒരു ദിവസം അവർക്ക് ഒരു ആക്സിഡന്റ് പറ്റി...... സുഫിക്ക് കുഴപ്പം ഒന്നും പറ്റിയില്ല എങ്കിലും സുൽഫിയുടെ നടക്കാനുള്ള ശേഷി നഷ്ടപ്പെട്ടു..... നടക്കാൻ കഴിയാത്ത അവൻ്റെ കാര്യങ്ങൾ എല്ലാം അവള് നോക്കണം എന്ന് വിചാരിച്ച് അവള് ആകെ കുടുങ്ങി..... അവൻ്റെ ഉമ്മ തന്നെ എല്ലാം ചെയ്തു കൊടുത്തു..... ", മോളേ നീ എത്രയാ ഇങ്ങനെ അവനെയും നോക്കി നിൽക്കുക.... നീ ഇങ്ങോട്ട് പോര്....", സുഫിയുടെ ഉപ്പ ഫോൺ വിളിച്ചപ്പോൾ പറഞ്ഞു.... ", ഉപ്പ തന്നെ നേരിട്ട് പറയ്.... എനിക്ക് മടുത്തു...", അവള് അത് പറഞ്ഞപ്പോൾ ഉപ്പ പിറ്റേന്ന് തന്നെ അവരെ വീട്ടിലേക്ക് വന്ന് കാര്യം പറഞ്ഞു...... ", അവൾക്ക് മടുത്തെങ്കിൽ ഒഴിവാക്കിക്കോട്ടെ..... എനിക്ക് ഒറ്റയ്ക്ക് ജീവിക്കാൻ അറിയാം....", അവൻ അങ്ങനെ പറഞ്ഞതും അവള് എല്ലാം എടുത്ത് ഇറങ്ങി..... ഒരു ദിവസം സിനു അവൻ കിടക്കുന്ന റൂമിലേക്ക് പോയി.... അവിടെ കണ്ണും തുറന്ന് എന്തോ ആലോചിച്ച് കിടക്കുന്നുണ്ട് സുൽഫി.... ", ഇതാ വെള്ളം.... ", അതും പറഞ്ഞ് ഗുളിക എടുത്ത് കൊടുത്ത് അവൾ തിരിഞ്ഞതും അവളുടെ കൈ പിടിച്ചു.... ", എന്നോട് ഇനിയും ദേഷ്യം ഒന്നും തോന്നല്ലേ..... ഞാൻ ചെയ്തത് വലിയൊരു തെറ്റാണ്.....", അവൻ അത് പറഞ്ഞപ്പോൾ അവൾ പറഞ്ഞു.... ", ഞാൻ നിങ്ങളോട് എപ്പോഴെങ്കിലും സ്നേഹത്തോടെ അല്ലാതെ പെരുമാറിയിട്ടുണ്ടോ..... പറയ്.... നിങ്ങള് ചെയ്തത് ഒരു തെറ്റും അല്ല.... ഞാൻ ചെയ്തതാണ് ഏറ്റവും വലിയ തെറ്റ്.... നിങ്ങളെ ജീവന് തുല്യം സ്നേഹിച്ചത്.... അതാണ് ഏറ്റവും വലിയ തെറ്റ്.... എന്തെങ്കിലും വലിയ പ്രയാസം വന്നപ്പോൾ അവൾ കാണാതെ ഞാൻ എല്ലാം ചെയ്തു തന്നതും ഞാൻ സ്നേഹിച്ചതിൻ്റെ നേട്ടം ആണ്..... എന്നിട്ട് ഇപ്പോ ഒന്നിനും കഴിയാതെ വന്നപ്പോൾ ഇട്ടേച്ച് പോയില്ലേ...... നിങ്ങള് അവളെ ഈ വീട്ടിലേക്ക് കൊണ്ട് വന്ന അന്ന് ഞാൻ ഇറങ്ങേണ്ടതായിരുന്നു..... പക്ഷേ എന്ത് കൊണ്ട് ഇറങ്ങിയില്ല..... എനിക്ക് നല്ലൊരു ഇണയെ കൈ പിടിച്ച് തന്ന വീട്ടുകാർ ഒന്നും അറിയേണ്ട അവർക്ക് അതൊന്നും താങ്ങാൻ കഴിയില്ല എന്ന് അറിയാം അത് കൊണ്ട് തന്നെ.....", അവള് അതും പറഞ്ഞ് നടന്നു..... അവൻ്റെ കണ്ണുകൾ കുറ്റബോധം കൊണ്ട് നിറഞ്ഞു...... ഇതെല്ലാം കേട്ട ഉമ്മ അവൻ്റെ അടുത്തേക്ക് പോയി.... ", മോനേ...", ഉമ്മ അത് വിളിച്ചപ്പോൾ അവൻ ഒന്നും മിണ്ടിയില്ല..... ", ഉമ്മാ നിങ്ങൾക്ക് എങ്കിലും എന്നെ പറഞ്ഞ് മനസ്സിലാക്കാമായിരുന്നു..... പകരം നിങ്ങളെന്നെ പ്രോത്സാഹിപ്പിച്ചു..... ", ഇനി ഞാൻ എന്ത് ചെയ്താലും അവളോട് ചെയ്തത് തെറ്റ് അത് അങ്ങനെ തന്നെ കിടക്കും....", അവൻ അതും പറഞ്ഞ് ചിരിച്ചു..... കുറച്ച് കഴിഞ്ഞപ്പോൾ അവൻക്കുള്ള ഫുഡ് കൊണ്ട് അവൾ വന്നു..... അപ്പോഴേക്ക് ഉമ്മ പോയി..... അവള് അവിടെ ഇരുന്ന് അവൻക്ക് വാരി കൊടുത്തു..... അവൻ്റെ മുഖത്തേക്ക് ഒന്ന് അറിയാതെ പോലും നോക്കിയില്ല..... അവൻ അവളെ മുഖത്ത് നിന്ന് മിഴികൾ ചലിപ്പിച്ചതും ഇല്ല....... പെട്ടെന്ന് ബെല്ലടിച്ചു.... ഉമ്മ വാതിൽ തുറന്നപ്പോൾ സിനൂൻ്റെ കാക്കു.... അവൻ റൂമിലേക്ക് വന്നപ്പോൾ സുൽഫിക്ക് ഭക്ഷണം വാരി കൊടുക്കുന്ന സിനൂനെ കണ്ട് അവൻ ഒന്ന് ചിരിച്ചു..... ", സിനൂ നീ വീട്ടിലേക്ക് വാ.... ഇവിടെ കിടന്ന് ഇങ്ങനെ ബുദ്ധിമുട്ടേണ്ട .....അവൻ അതും പറഞ്ഞ് അവൾക്ക് കണ്ണ് കാട്ടി കൊടുത്തു..... ", വേണ്ട കാക്കൂ..... ഇതൊന്നും ഒരു ബുദ്ധിമുട്ടും അല്ല...... നമ്മുടെ ഇണയെ ഏത് അവസ്ഥയിലും പരിചരിക്കേണ്ടത് നമ്മുടെ കടമ അല്ലേ......", ഇതിനെല്ലാം നാളെ പടച്ചോന്റെ അടുത്ത് നിന്ന് പ്രതിഫലം ഉള്ള കാര്യം അല്ലേ....", പിന്നെ തൽക്കാലം ഇതൊന്നും ഉപ്പ അറിയേണ്ട ട്ടോ..... ഉപ്പാക്ക് ഇതൊന്നും സഹിക്കില്ല.....", അത് പറഞ്ഞതും ഉപ്പ മോളേ എന്ന് വിളിച്ച് കെട്ടിപ്പിടിച്ചു കരഞ്ഞു...... ", എൻ്റെ മോള് ഒരുപാട് അനുഭവിച്ചു ലെ.... എന്തിനാ ഇതെല്ലാം മറച്ച് വെച്ചത്.....", ഉപ്പ അത് പറഞ്ഞപ്പോൾ അവൾ ഉപ്പാന്റെ കയ്യും പിടിച്ച് റൂമിൽ നിന്ന് പുറത്ത് ഇറങ്ങി....... ", ഉപ്പാ ഇനി അതൊന്നും പറയേണ്ട.... ഞാൻ എല്ലാം ക്ഷമിച്ചു..... ഇപ്പോ സുൽഫിക്കാൻ്റെ ഈ അവസ്ഥയിൽ ഇങ്ങനെ എല്ലാം പറഞ്ഞാൽ അത് കൂടുതൽ ബാധിക്കും.....", അവള് അത് പറഞ്ഞപ്പോൾ ഉപ്പ ചേർത്ത് പിടിച്ചു..... അവര് പോയി കഴിഞ്ഞതും അവള് ബാക്കി ചോറ് കൊടുക്കാൻ വേണ്ടി റൂമിലേക്ക് പോയപ്പോൾ സുൽഫിക്കാൻ്റെ വായയിൽ നിന്ന് നുരയും പതയും വരുന്നത് കണ്ടു..... അടുത്ത് ഇരുന്ന് കരയുന്നുണ്ട് ഉമ്മ..... അവൾ പെട്ടെന്ന് തന്നെ കാക്കൂനെ വിളിച്ചു..... പെട്ടെന്ന് തന്നെ ഹോസ്പിറ്റൽ കൊണ്ട് പോയി...... ഹോസ്പിറ്റൽ എത്തിയപ്പോഴേക്കും സുൽഫി വേദനകളില്ലാത്ത ലോകത്തേക്ക് പോയിരുന്നു........ *തൻ്റെ ഇണയെ ജീവന് തുല്യം സ്നേഹിക്കുമെന്ന് അവളുടെ മാതാപിതാക്കൾക്ക് വാക്ക് കൊടുത്താൽ മാത്രം പോര...... അത് ജീവിതത്തിൽ പ്രാവർത്തികമാക്കുകയും വേണം..... നമ്മെ എല്ലാവരെയും ഇങ്ങനെ ഉള്ള പ്രയാസങ്ങളിൽ നിന്ന് ദൈവം കാക്കട്ടെ....... 😓💔.....by കിനാവിന്റെ കൂട്ടുകാരൻ ✌️ #📔 കഥ