ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mrx6p8X?d=n&ui=v64j8rk&e1=c❤️മൊഞ്ചത്തി പെണ്ണിന്റെ സുൽത്താൻ❤️ ഭാഗം: 52 ഇന്ന് തന്നെ ചെന്ന് മണ്ണാർമലയിൽ ഉള്ളവരോട് സംസാരിക്കണം. അടുത്ത മാസം നിക്കാഹ് നടത്താൻ അവർക്കും സമ്മതമാണോ എന്നറിയണമല്ലോ... ആയിശു ആദ്യം വിസമ്മതിക്കുമായിരിക്കും എന്നിരുന്നാലും അവളെക്കൊണ്ട് സമ്മതിപ്പിക്കുന്ന കാര്യം ഞാൻ ഏറ്റു..സാരിവേഗം വലിച്ചുടുത്തുകൊണ്ട് ലൈലത്ത പുറപ്പെട്ടു. ഉമ്മാ..... ഞാനിറങ്ങി. എങ്ങോട്ടാ... ഇത്ര ധൃതിയിൽ ഇന്ന് എന്തെങ്കിലും തീരുമാനമാക്കിയിട്ടെ ഞാൻ വരൂ. അമീറിന്റെ.... കാര്യത്തിലാണോ..? ആ...അങ്ങനെയും പറയാം നസീമും ആയിഷുവും തമ്മിലുള്ള വിവാഹ കാര്യമാണ് ഞാനിപ്പോ.. തീരുമാനം ആക്കാൻ പോകുന്നത്. ഓക്കേ.. ഞാൻ പോയിവരാം. മ്മ്.. പോയിവാ.. അങ്ങനെയാവണം, ഇങ്ങനെയാവണം എന്നൊക്ക നമുക്ക് ആഗ്രഹിക്കാനെ പറ്റു. എല്ലാം തീരുമാനിക്കുന്നത് മുകളിൽ ഉള്ളവനല്ലേ... ഇവളെന്തിയെ..ഇങ്ങനെ ആയിപ്പോയി..ന്റെ റബ്ബേ.. അവിടെ ചെന്ന് ഇനി എന്തൊക്കെ പുകിലാണാവോ... ഉണ്ടാക്കി വെക്കുന്നത്. ഉമ്മൂമ്മ തനിയെ നിന്ന് ഓരോന്ന് പിറുപിറുത്തു കൊണ്ടിരുന്നു. ◾◾◾◾◾◾◾◾◾◾ ഡാ... നസീം... നീ പറയുന്നത് ഒക്കെ സത്യം ആണല്ലോ.. അവിടെ ചെന്നിട്ട് വഷളാകുമോ ഇനി. ഇല്ല...ഉപ്പ,.. സത്യമാ..എല്ലാ തെളിവുകളും എന്റെ കയ്യിലുണ്ട് ആമിന അമ്മായിയെ കാര്യങ്ങൾ പറഞ്ഞ് മനസ്സിലാക്കി ഇന്ന് തന്നെ വീട്ടിലേക്ക് കൊണ്ട് വരണം നോക്കാം.. അതൊരു സ്ഥാപനമല്ലേ പെട്ടന്ന് അങ്ങനെ കൊണ്ട് വരാൻ പറ്റുമോ എനിക്കറിയില്ല. അവിടെ ഉള്ളവരോട് സത്യങ്ങൾ തുറന്ന് പറയാം അവർ തീരുമാനിക്കട്ടെ. എന്തിനാ അവരുടെ തീരുമാനത്തിന് വിട്ടുകൊടുക്കുന്നത്...?! നമ്മൾ അങ്ങോട്ടേക്കല്ലേ പോകുന്നത് അവിടെ ചെന്നിട്ട് തീരുമാനമാക്കാം നീയിപ്പോ.. മിണ്ടാണ്ടിരിക്ക് എന്നെ കാണുമ്പോൾ ആയിശു ഞെട്ടും അതുറപ്പാ.. നാസിമ അവരോടായ് പറഞ്ഞു.. അതെന്തിനാ...നിന്നെ കാണുമ്പോൾ ഞെട്ടുന്നെ നീ..പ്രേതമൊ.. മറ്റോ.. ആണോ... നസീം..അവളെ കളിയാക്കി. ഇക്കാ....ദേ.... അല്ല ഉമ്മാ അവൾ പറഞ്ഞത് കേട്ടില്ലേ... നാസിമ പറയുന്നത് ശെരിയാ അവൾ അന്ന് അഞ്ചുവിന്റെ വീട്ടിൽ പോയപ്പോ അവർ ഒന്നിച്ചു വിരുന്ന് കൂടിയതല്ലേ..രണ്ട് ദിവസം. അതെ....ഉമ്മാ, അത്‌ തന്നെയാ ഞാനും ഉദ്ദേശിച്ചത്. അവൾക്കറിയില്ലല്ലോ ഈ മണ്ടന്റെ പെങ്ങളാണ് ഞാനെന്ന്... നിങ്ങൾ ഉമ്മയും മോളും പിന്നേ..എല്ലാം തികഞ്ഞവരല്ലേ.... അവരുടെ മൂന്ന് പേരുടെയും കളിതമാശകൾ കേട്ട് ഉപ്പ പൊട്ടിച്ചിരിക്കുന്നുണ്ടായിരുന്നു. ◾◾◾◾◾◾◾◾◾◾ ശോ...എന്ത് പറ്റി... ഇവിടെ നല്ല ബ്ലോക്ക്‌ ആണല്ലോ.. ആക്സിഡന്റ് ആണെന്ന് തോന്നുന്നു..ഇത്ത... ഞാനൊന്ന് ഇറങ്ങി അന്വേഷിക്കട്ടെ.. ഡ്രൈവർ..കാറിൽ നിന്നും ഇറങ്ങി അല്പം മുന്നോട്ട് നടന്നു...അവിടെ കൂടിയവരോടായി വിവരങ്ങൾ ചോദിച്ചറിഞ്ഞു കൊണ്ട് കാറിനരികിലോട്ട് വന്നു.. ഇത്ത.... ഇപ്പോഴൊന്നും പോകാൻ പറ്റുമെന്ന് തോന്നുന്നില്ല ഒരു ലോറിയും ബൈക്കും തമ്മിൽ കൂട്ടിയിടിച്ചതാണ്. ഇനി പോലീസ് വരാതെ ലോറി അവിടുന്ന് നീക്കില്ല. അപകടം നടന്നിട്ടിപ്പോ.. പത്തുമിനിട്ടേ...ആയിട്ടൊള്ളു ഒഹ്... വേറെ വഴിയുണ്ടോ പോകാൻ.. എനിക്കാണേൽ അവിടെവരെ പോകേണ്ടത് അത്യാവശ്യവും ആണല്ലോ... വഴിയൊക്കെയുണ്ട് പക്ഷെ... അവിടെ റോഡ് പണി നടന്നോണ്ടിരിക്ക. എന്നാ...പിന്നേ.. ഇവിടെ ഇങ്ങനെ നിന്നിട്ട് കാര്യമില്ലല്ലോ... നമുക്ക് തിരിച്ചുപോകാം വീട്ടിലോട്ട്. മ്മ്... അവർ വണ്ടി തിരിച്ചു...വീട്ടിലേക്ക്... ഛെ.. എന്തല്ലാം പ്ലാൻ ചെയ്ത് ഇറങ്ങിയതായിരുന്ന് ഒന്നും നടന്നില്ല..ലൈലത്ത മുറുമുറുത്തു. അഹ്.. ആകെയുള്ളൊരു ആശ്വാസം ആയിഷുവിനെ അവൻ നിക്കാഹ് കഴിക്കാമെന്ന് സമ്മതിച്ചിട്ടുണ്ടല്ലോ.. അതുമതി. ◾◾◾◾◾◾◾◾◾◾◾ ഹെലോ... അതെ...എന്ത് പറ്റി..? ആക്സിഡൻന്റോ... എവിടുന്ന്...എന്നിട്ട്...?? ഹെലോ... ആരാടാ....? ഉമ്മാ... അമീറിന്റെ ബൈക്കും ഒരു ലോറിയുമായി കൂട്ടിയിടിച്ചു അവൻക്ക് അല്പം സീരിയസ് ആണെന്ന്. ഇന്നിനി അങ്ങോട്ട് പോകണോ... എനിക്ക് പെട്ടന്ന് ഹോസ്പിറ്റലിൽ എത്തണമായിരുന്നു. നീ...എന്തിനാ.. ബേജാറാവുന്നെ അവിടെ അവന്റെ ആളുകൾ ഉണ്ടാവില്ലേ...നമ്മൾ ആശിച്ചു വന്നതല്ലേ..തന്നെയുമല്ല ഇനിയൊരു പത്തു മിനിറ്റിന്റെ ദൂരമേ ഒള്ളു എന്നല്ലേ എന്നല്ലേ..നീ.. പറഞ്ഞത്. ന്റെ..' അള്ളോഹ്...അരുതാത്തത് ഒന്നും സംഭവിക്കല്ലേ.. നാസിമ മനമുരുകി പ്രാർത്ഥിച്ചു. വേണ്ട ഉമ്മാ...അവർ എവിടേക്കും പോകുന്നില്ലല്ലോ നമ്മുക്ക് ഇനി...പിന്നെ ഒരിക്കൽ വന്ന് കാണാം.. ഇക്ക വണ്ടി തിരിക്ക്.. അമീർ ഇക്കയുടെ അടുത്തേക്ക് എത്രയും പെട്ടന്ന് എത്താൻ നോക്ക്... എടാ.. ഉമ്മ അങ്ങനെ പലതും പറയും നീ..വണ്ടിത്തിരിക്ക്... ഞങ്ങളെ വീട്ടിൽ ആക്കിയിട്ട് നീ അവന്റെ അടുത്തേക്ക് പൊക്കോ.. നസീമിന് വീട് എത്തുവോളം ഓരോരുത്തരായി വിളിച്ച് കൊണ്ടിരുന്നു. അവരോടൊക്കെ അവൻ മറുപടി പറഞ്ഞു മടുത്തു.. ◾◾◾◾◾◾◾◾◾◾ നീ.... വന്നോ...ഇത്ര പെട്ടന്ന് മ്മ്.. അതൊന്നും പറയണ്ട നടന്ന കാര്യങ്ങൾ വിവരിച്ചുകൊണ്ട് അകത്തേക്ക് കയറിപ്പോയി ലൈല. ഡി.. കദീസു,.. ലൈല എവിടെ ഉപ്പൂപ്പ സ്വകാര്യതയോടെ ഉമൂമ്മയോട് അനേഷിച്ചു. എന്തിനാ... അവളിപ്പോ വന്നുകയറിയാതെയൊള്ളു... അഹ്.. ഒന്നുല്ല.. അപ്പുറത്തെ വീട്ടിലെ നിസാറിനെ കൂട്ടി Akm ഹോസ്പിറ്റലിൽ ആണെന്ന് അറിഞ്ഞു ഞാൻ അവിടെ വരെ ഒന്ന് പോയ്‌ വരാം..അത്‌ വരെ ലൈലയെ ശ്രദ്ധിക്ക്. ശ്രദ്ധിച്ചോണ്ടിരിക്കാൻ അവൾ കൊച്ചുകുട്ടിയോ മറ്റോ..ആണോ... ഈ..മനുഷ്യന്റെ ഒരു കാര്യം. അതല്ലെ..ഡീ. പോത്തേ.... ഇങ്ങ് വാ... നമ്മുടെ അമീറ് മോന് ചെറിയ എന്തോ അപകടം സംഭവിച്ചിട്ടുണ്ട്..എനിക്ക് ഫോൺ വന്നതാ...അവിടെക്കാ ഞാൻ പോകാൻ ഒരുങ്ങുന്നത്. ന്റെ..അള്ളോഹ്.. ഞാനും വരും ഇന്റെ കുട്ടിക്ക് എന്താ..പറ്റിയെ ഒച്ചയും ബഹളവുമായി അവളെ ഇപ്പൊ ഒന്നും അറിയികണ്ട.. ഞാൻ പോയി നോക്കട്ടെ. ചെറുതായിട്ട്..ആണ് പേടിക്കാൻ ഒന്നുമില്ലന്ന് വിളിച്ചവർ പറഞ്ഞു. പുറമേക്ക് ഭയത്തിന്റെ ഒരു അംശം പോലും കാണിക്കാതെ പുറമേക്ക് ധൈര്യം കാണിച്ചുകൊണ്ട് തുണിയുടെ ഒരു കര കൈകൊണ്ട് പിടിച്ചുകൊണ്ട് ഉപ്പൂപ്പ നടന്നു നീങ്ങി. കദീസുമ്മ ഉമ്മറത്തെ പടിയിൽ ചാരിയിരുന്ന് കരഞ്ഞു.. റബ്ബേ 'ന്റെ കുട്ടിനെ കാത്തോളണേ.. എനിക്ക് ഇവിടെ നിന്നിട്ട് നിപ്പ് ഉറക്കുന്നില്ലല്ലോ അവളിതറിഞ്ഞാൽ സഹിക്കുമോ...ലൈലയോട് ഞാനിതങ്ങനെ പറയും. ◾◾◾◾◾◾◾◾◾◾◾ നസീം..അവരെ വീട്ടിൽ ഇറക്കി... ഹോസ്പിറ്റലിലേക്ക് മടങ്ങി. ഡാ.. നസീം..നീ എവിടെയാ.. ദാ...അവിടെ എത്താറായി എന്താപ്പോ..അവസ്ഥ... ഒന്നും പറയാൻ ആയിട്ടില്ല അല്പം സീരിയസാണ് പെട്ടന്ന് സർജറി വേണമെന്നൊക്കെ പറയുന്നു.. ഒഹ്.... ഓക്കേ... ഞാൻ എത്രയും വേഗം എത്താൻ നോക്കാം. അമീറിന്റെ... ആരാ.. ഉള്ളത്. എന്താ...സിസ്റ്റർ.. ഇത്... ആ..കുട്ടിയുടെ ഫോണാണെന്ന് തോന്നുന്നു കുറേനേരയിട്ട് ആരോ ഇതിലേക്ക്..വിളിച്ച് കൊണ്ടിരിക്കുന്നു. ഒന്ന്..എടുത്ത് വിവരം അറിയിച്ചേക്ക്. ശെരി.... ഹെലോ.... ഇത് ആരാ.... ഇക്കയല്ലേ... എന്താ ഫോൺ എടുക്കാത്തെ ഇത്...നിന്റെ ഇക്കയുടെ ഫോൺ തന്നെ.. എടുത്തത് അവനല്ല.. അവന്റെ ഒരു നാട്ടുക്കാരനാണ്. ഒഹ്... ഇക്ക എവിടെ..? അത്...പിന്നെ...അവൻക്ക് ചെറിയ ഒരു അപകടം അവന്റെ ബൈക്ക് ചെറുതായിട്ടൊന്ന് ചെരിഞ്ഞു. ന്റെ 'അല്ലോഹ് " എന്നിട്ട്...? പേടിക്കാനൊന്നുല്ല അവർ അവനെ നോക്കികൊണ്ടിരിക്ക.. കഴിഞാൽ എനിക്കൊന്ന് വിളിക്കാൻ പറയുട്ടൊ.. മറുപടി എന്ത് പറയണമെന്നറിയാതെ അയാൾ വിഷമിച്ചുകൊണ്ട് മെല്ലെ ഒന്ന് മൂളി.. മ്മ്.. എവിടെ... എന്റെ കുട്ടി കോയഹാജിയും അവരുടെ കൂട്ടുക്കാരൻ ഹംസ ഹാജിയും ഓടി കിതച്ച് അവിടെ എത്തി... അവരുടെ നാട്ടുകാരൻ നിസാർ അദ്ദേഹത്തിന്റെ അടുത്തേക്ക് ഓടിവന്ന് അവന്റെ അവസ്ഥകളൊക്കെ വിവരിച്ചു..അത് കേട്ട് കോയഹാജി അവിടെ തളർന്നിരുന്നു. അപ്പോഴേക്കും നസീമും അവിടെയെത്തി. ഡോക്ടറുടെ നിർദ്ദേശപ്രകാരം ലൈലത്തയെ അങ്ങോട്ട് വിളിച്ച് വരുത്തി അവർ. കരഞ്ഞു കലങ്ങിയ കണ്ണുമായി ലൈലയും കദീസുമ്മയും അവിടേക്ക് ഓടിയെത്തി. എടാ... എനിക്കെന്റെ മോനെ കാണണം...അവനെവിടെ.. നസീമിന്റെ കൈപിടിച്ചുകൊണ്ട് അവർ തേങ്ങി. സമാധാനായിട്ട് ഇരിക്ക് പേടിക്കാനൊന്നുല്ലന്നാ ഡോക്ടർമാർ പറയുന്നത്. അവനെയൊന്ന് നിരീക്ഷിക്കാൻ വേണ്ടി കിടത്തിയതാ..icu വിൽ... 24 മണിക്കൂർ കഴിഞ്ഞാൽ റൂമിലേക്ക് മാറ്റും. *---* മൂന്നാല് ദിവസങ്ങൾ ഇതേ സിറ്റുവേഷനിൽ കടന്ന്പ്പോയി...ഊണും ഉറക്കവുമില്ലാതെ എല്ലാവരും അവന് കാവലിരുന്നു..ഒന്നും അറിയാതെ പാവം ആയിഷു...അവിടെയും.. അമീറിന്റെ ആരേലും ഉണ്ടോ...? പാതിമുറിഞ്ഞ മനസ്സുമായി ലൈലത്ത അവരുടെ അടുത്തേക്ക് ഓടി ചെന്നു. എന്താ..സിസ്റ്റർ.. ഞാൻ അമീറിന്റെ ഉമ്മയാ അമീറിന് ബോധം വീണിട്ടുണ്ട് ഒന്നോ..രണ്ടോ പേർക്ക് കയറികാണാട്ടൊ.. മ്മ്... അവനിപ്പോ കൊഴൊപ്പൊന്നും ഇല്ലല്ലോ ഇല്ല.. ബാക്കിയിനി ഡോക്ടർ പറയും. ലൈല...വാ...നമുക്ക് കയറിക്കാണാം...വാ.. ഉപ്പൂപ്പ അവരോടായ് മൊഴിഞ്ഞു. നഴ്സ് കൊടുത്ത വേഷവും ധരിച്ചുകൊണ്ട് ലൈലത്ത അവന്റെ അരികിലെത്തി. പാതിമയക്കത്തിൻ ആണ് ട്ടൊ വിളിച്ച് നോക്കു. സിസ്റ്റർ അവരോടായ് പറഞു മോനെ അമീറെ... പാതിയടഞ്ഞ മിഴികളോടെ അമീർ ഉമ്മയെ നോക്കി സംസാരിക്കാൻ കഴിയുന്നില്ലേലും ആ..മിഴികൾ രണ്ടും നിറഞ്ഞൊഴുകുന്നുണ്ടായിരുന്നു. ലൈലത്ത അവന്റെ അരികിലിരുന്ന് പൊട്ടികരഞ്ഞു. നിങ്ങൾ പുറത്തേക്ക് പോകു ഇവിടെയിരുന്ന് ഇങ്ങനെ കരയാൻ പാടില്ല പിന്നേ..സമയം ഇത്രയേ അനുവദിച്ചിട്ടൊള്ളു.. അവന്റെ കണ്ണിൽ നിന്നും ഒലിച്ചിറങ്ങുന്ന മിഴിനീരുകൾ തൂവാല കൊണ്ട് ഒപ്പിയെടുത്ത് അവന്റെ നെറ്റിയിൽ ചുണ്ടുകൾ അമർത്തി ' അവനോട് യാത്ര പറഞ്ഞവർ വെളിയിലിറങ്ങി. മോളെ,... അവൻക്ക് എങ്ങനെ ഉണ്ട് സംസാരിച്ചോ...വല്ലതും ഇല്ല...എന്നവർ തലയാട്ടികൊണ്ട് അവിടുത്തെ കസേരയിൽ തളർന്നിരുന്നു. എടി.. ഞാൻ ഒരു കാര്യം പറഞ്ഞാൽ നീ...ദേഷ്യപ്പെടുമോ...? ലൈലത്ത ഒന്നും മിണ്ടാതെ ഉമ്മയെ നോക്കി എന്താണന്നുള്ള ഭാവത്തിൽ.. നമുക്ക് അവളെ അറിയിക്കണോ... അവൻക്ക് ആയിശുവിനെ കാണാൻ ആഗ്രഹം കാണില്ലേ... വിവാഹിതരല്ലെങ്കിലും അവർ...പിരിയാൻ കഴിയാത്ത വിധം അടുത്തവരല്ലേ... അവളുടെ സാമിപ്യം അവൻക്ക് സഹായകമാവും.. ഉമ്മാ,... എന്ന് വിളിച്ചുകൊണ്ട് ലൈല അലറി... ആ ചുറ്റുഭാഗത്ത് ഉള്ളവരൊക്കെ അവരെ നോക്കി. മിഴിനീർ ഒലിക്കുന്ന കണ്ണുകളിൽ ഒരു തീ ജോല കത്തിയാളുന്നത് അവർ കണ്ടു. ഇല്ല.. ഒരിക്കലുമില്ല.. വിവരമറിഞ്ഞവൾ ഇങ്ങോട്ട് ഓടി എത്തിയാലും. കാണിക്കില്ല ഞാനവളെ അങ്ങനെ ഒരു പൂതി ആർക്കും വേണ്ട. എന്താ...ഉമ്മാ..ഇത് ആളുകൾ ശ്രദ്ധിക്കുന്നു ഇതൊരു ഹോസ്പിറ്റലാണ് അങ്ങോട്ടാണോ ഇങ്ങോട്ടാണോ... എന്നറിയാതെ കിടക്കുന്ന അവന്റെ മുന്നിൽ എന്തിനാ ഇങ്ങനെയൊരു വാശി. ലൈല നസീമിനെ നോക്കികൊണ്ട് ചോദിച്ചു..നിന്റെ ഭാര്യയാവാൻ പോകുന്നവളെ മറ്റുള്ളവരുടെ മുന്നിൽ കൊടുന്ന് പ്രദർഷിപ്പിക്കുന്നത് നീ..ഇഷ്ട പെടുമോ....? നിന്റെ ഭാര്യയാകാൻ പോകുന്നവളും അവനും തമ്മിൽ ഇപ്പോൾ ഒരു ബന്ധവുമില്ല ഉണ്ടാവാൻ...ഞാൻ സമ്മതിക്കില്ല. അവനൊന്ന് കണ്ടന്ന് കരുതി എങ്ങനെ പ്രദർശനമാകും. ഞാൻ വിവാഹം കഴിച്ചാലും ഇല്ലേലും..മനസ്സുകൊണ്ട് ഒരായിരം തവണ വിവാഹം കഴിച്ചവരാണവർ. ആ..മനസ്സിൻ കൂട്ടിൽ എന്നോ...ജീവിച്ചു തുടങ്ങിയവർ... പക്ഷെ...അത് മനസ്സിലാക്കാൻ എനിക്കോ..നിങ്ങൾക്കോ ആർക്കും ഇത് വരെ സാധിച്ചില്ലെന്ന് മാത്രം. അവൻക്ക് വേണ്ടി ആയിശു വിനെ ഒറ്റതവണ കൊടുന്ന് കാണിച്ചെന്ന് കരുതി ആകാശം ഇടിഞ്ഞു വീഴാനൊന്നും പോകുന്നില്ല. ഇത്രയൊക്കെ ആയിട്ടും അവന്റെ മനസ്സ് മനസ്സിലാകാതെ.. വാശിക്കൊണ്ട് നടക്കുന്ന നിങ്ങളൊരു ഉമ്മയാണോ. നസീം... ഞാനാകെ തകർന്നു നിൽക്കുകയാ... എന്റെ സാഹചര്യം മനസ്സിലാക്കണം..വീണ്ടും വീണ്ടും അവളുടെ വിഷയം എടുത്തിട്ട് കൊണ്ട് എന്നെ വീണ്ടും...വേദനിപ്പിക്കരുത്. അവനൊന്നും മിണ്ടാതെ അപ്പുറം പോയിരുന്നുകൊണ്ട് എന്തൊക്കെയോ ചിന്തിക്കുന്നുണ്ടായിരുന്നു. അപ്പോഴാണ്... ഡോക്ടർ..എന്ന് വിളിച്ച് കൊണ്ട് നെഴുസുമാർ അങ്ങോട്ടും ഇങ്ങോട്ടും ഓടി നടക്കുന്നത് കണ്ടത്. പന്തികേട് തോന്നിയ നസീം അവരുടെ അടുത്തേക്കായി ഓടി. പിന്നാലെ കോയഹാജിയും . (തുടരും) കണ്ണൂർകാരൻ 🥰🥰🥰🥰🥰 #📚 ട്വിസ്റ്റ് കഥകൾ #💞 പ്രണയകഥകൾ #✍ തുടർക്കഥ #📙 നോവൽ #📔 കഥ