മഹർ ഭാഗം 45 റാഷിക്ക ഇത് വരെ റെഡി ആയില്ലേ... ഞാൻ നജ മോളെയും കൊണ്ട് താഴെ വൈറ്റ് ചെയ്ത് മുഷിഞ്ഞു.... റാഷിയുടെ അടുത്ത് നിൽക്കുന്ന നൂറയെ ഒന്ന് നോക്കി ഹസീന അത് പറയുമ്പോൾ നൂറ തന്റെ കൈ റാഷിക്കയിൽ നിന്ന് വേർപെടുത്താൻ കിണഞ്ഞു ശ്രമിക്കുകയായിരുന്നു.... ഹസി ഞാൻ താഴേക്ക് വരാൻ നിൽക്കുകയായിരുന്നു.... നീ നടന്നോ... ഇപ്പോൾ വന്നേക്കാം.... മ്മ്.... ഹസീന അമർത്തി ഒന്ന് മൂളി അവിടെ നിന്ന് പോവുമ്പോൾ ഫിദ പറഞ്ഞത് ശരി തന്നെ ആണ്.... റാഷിക്കയും നൂറയും കൂടുതൽ അടുത്തിട്ടുണ്ട് എന്ന് ഹസീനയുടെ മനസ്സിലും തോന്നി തുടങ്ങിയിരുന്നു..... ഹസി പോയി കഴിഞ്ഞതും നൂറ റാഷിയുടെ കയ്യിൽ നിന്ന് കൈ പെട്ടന്ന് വലിച്ചെടുത്തു.... എന്തിനാ നിങ്ങൾ എന്റെ കൈ ഒക്കെ പിടിക്കുന്നത്.... എനിക്ക് ഇഷ്ട്ടം ഉണ്ടായിട്ട്..... എന്ത്...... അല്ല.... എനിക്ക് എന്റെ ഭാര്യയുടെ കൈ പിടിക്കാനും അവകാശം ഇല്ലേ... ഇല്ല..... ഞാൻ റാഷിക്കാന്റെ ഭാര്യ എന്ന് പറയാൻ ഒരിക്കലും അർഹത ഇല്ലാത്തവൾ ആണ്.....അതിന് ഉള്ള ഒരു യോക്യതയും എനിക്ക് ഇല്ല.... റാഷിക്കാന്റെ സ്റ്റാറ്റസിന് ചേരുന്ന നല്ല പഠിപ്പ് ഒക്കെ ഉള്ള നല്ല സുന്ദരിയായ ഒരു പെണ്ണിനെ റാഷിക്കാക്ക് കിട്ടും.... ഞാൻ നിങ്ങളുടെ ജീവിതത്തിൽ നിന്ന് ഒഴിഞ്ഞു പോവുകയാണ്.... എന്റെ കഴുത്തിൽ ഈ മഹർ അണിയിച്ചത് നിങ്ങൾക്ക് തീരെ താല്പര്യം ഇല്ലാതെ ആണ് എന്ന് എനിക്ക് അറിയാം..... ഇപ്പൊ റാഷിക്കാക് എന്നോട് തോന്നുന്നത് ഒരു സഹതാപം മാത്രം ആണ്.... റാഷിയെ നോക്കാതെ നൂറ ഇത്രയും പറഞ്ഞു അവസാനിക്കുമ്പോൾ റാഷിക്ക് പെട്ടന്ന് ദേഷ്യവും വല്ലാത്ത സങ്കടവും വന്നിരുന്നു... വല്ലാത്ത ദേഷ്യത്തോടെ നൂറയുടെ മുന്നിൽ ചെന്ന് അവളുടെ കഴുത്തിൽ കിടക്കുന്ന മഹറിൽ റാഷി പിടിക്കുമ്പോൾ നൂറ ഒരു നേട്ടലോടെ അവനെ നോക്കി.... നീ പറഞ്ഞത് ശരിയാ.... ഈ മഹർ നിന്റെ കഴുത്തിൽ ഞാൻ എന്റെ കൈ കൊണ്ട് കെട്ടുമ്പോൾ എന്റെ മനസ്സിൽ തീരെ താല്പര്യം ഇല്ലായിരുന്നു.... പക്ഷെ ഇന്ന് ഈ നിമിഷം വരെ ആ തീരുമാനം മാത്രം ആയിരുന്നു ശരി എന്നാണ് ഞാൻ വിശ്വസിക്കുന്നത്.... അന്ന് എടുത്ത ആ തീരുമാനത്തിൽ ജീവിതത്തിൽ ആദ്യം പ്രണയം തോന്നിയ പെണ്ണിന്റെ സ്വഭാവം എനിക്ക് മനസ്സിലാക്കി തന്നു.... അന്ന് എന്റെ പാതി ആയവൾ എന്റെ ജീവിതാവസാനം വരെ കൂടെ വേണം എന്ന് തീരുമാനം എടുത്തത് എനിക്ക് ഇപ്പോൾ തെറ്റായി പോയി എന്ന് തോന്നുന്നു.... നൂറ.... നീ ഒരിക്കലും എന്റെ മനസ്സ് കാണാൻ ശ്രമിച്ചിട്ടില്ല.... അതിന് നീ ശ്രമിച്ചിരുന്നങ്കിൽ ഇപ്പോൾ നീ പറഞ്ഞ വാക്കുകൾ ഒന്നും ഒരിക്കലും എന്നോട് പറയുമായിരുന്നില്ല.... അത്രയും പറഞ്ഞു റാഷി തന്റെ ബാഗും എടുത്ത് ആ മുറി വിട്ട് പോവുമ്പോൾ നൂറ നിന്ന് ഉരുക്കുകയായിരുന്നു.... മുഖം ഒക്കെ ചുവന്ന് കണ്ണുകൾ കലങ്ങിയ രീതിയിൽ റാഷി സ്റ്റേയർ ഇറങ്ങി വരുമ്പോൾ ഹാളിൽ ഇരിക്കുന്ന സഫിയയെയും ഹസീനയെയും നോക്കാതെ ആർക്കും മുഖം കൊടുക്കാതെ റാഷി പെട്ടന്ന് മുറ്റത്തേക്ക് ഇറങ്ങിയിരുന്നു.... റാഷിക്ക ഞാൻ നിങ്ങളുടെ മനസ്സ് കാണാൻ ശ്രമിച്ചത് കൊണ്ട് തന്നെ ആണ് എനിക്ക് അങ്ങനെ ഒക്കെ പറയേണ്ടി വന്നത്.... ആ മനസ്സിൽ ഇപ്പോൾ ഞാൻ മാത്രം ആണ് എന്ന് എനിക്ക് അറിയാം..... പക്ഷെ ഫിദ.... അവൾ റാഷിക്കാന്റെ കൂടെ മാത്രമേ ജീവിക്കു എന്ന് പറയുമ്പോൾ.... ഞാൻ റാഷിക്കാന്റെ ജീവിതത്തിൽ നിന്ന് പോയില്ലെങ്കിൽ അത് റാഷിക്കാക്ക് അപകടം ആണ്.... അത് കൊണ്ട് മാത്രം ആണ് എനിക്ക് അങ്ങനെ ഒക്കെ പറയേണ്ടി വന്നത്... നൂറ കരച്ചിലോടെ ഒറ്റക്ക് നിലത്ത് ഇരുന്ന് ഓരോന്ന് പറയുമ്പോൾ താൻ പറഞ്ഞ വാക്കുകൾ റാഷിക്കാക്ക് വല്ലാത്ത വേദന ആയിട്ടുണ്ട് എന്ന് അവളെ ആകെ തളർത്തിയിരുന്നു.... ആ ഇരുത്തത്തിൽ നൂറ എപ്പോഴോ ഉറങ്ങി പോയിരുന്നു...... കവിളിൽ തണുത്ത സ്പർശം അറിഞ്ഞു കൊണ്ടാണ് നൂറ കണ്ണ് തുറന്നത്.... തന്റെ മുന്നിൽ പുഞ്ചിരിയോടെ തന്നെ നോക്കി ഇരിക്കുന്ന ഇഷാനിയെ കണ്ട് പെട്ടന്ന് നൂറ എഴുന്നേറ്റ് ചുറ്റും നോക്കി.... അതെ.... അറക്കൽ വീട്ടിൽ തന്റെ ബെഡ്‌റൂമിൽ തന്നെ ആണ് ഞാൻ ഇരിക്കുന്നത്.... പിന്നെ എങ്ങനെ ആണ് ഇഷാനി ഇങ്ങോട്ട് വരുന്നത്.... അതും ഈ റൂമിൽ.... എന്താ ഇങ്ങനെ തുറിച്ചു നോക്കുന്നത്.... ഇത് ഞാൻ ആണ് നിന്റെ പുന്നാര നാത്തൂൻ.... എന്താ മനസ്സിലായില്ലേ..... നൂറ ഇഷാനി എങ്ങനെ ആവും ഇവിടെ എത്തിയിട്ട് ഉണ്ടാവുക എന്ന് അറിയാതെ പരിഭ്രമത്തോടെ അവളെ നോക്കുമ്പോൾ ഇഷാനി ചോദിക്കുന്നത് കേട്ടിട്ടും നൂറക്ക് അവളോട് ഒന്നും പറയാൻ കഴിഞ്ഞില്ല.... അതേയ്.... ഞാൻ ഇവിടെ മരം പോലെ ഇങ്ങനെ നിൽക്കുന്നത് കണ്ടിട്ട് എന്താ ഒന്നും പറയാത്തെ.... റാഷിക്ക ഹോസ്പിറ്റലിൽ പോയപ്പോൾ നിന്റെ നാവ് കൊണ്ടാണോ പോയത്..... നൂറയുടെ തോളിൽ ഒന്ന് പിച്ചി വീണ്ടും ഇഷാനി അത് ചോദിക്കുമ്പോൾ നൂറ ബെഡിൽ നിന്ന് എഴുന്നേറ്റ് നിലത്തേക്ക് ഇറങ്ങി.... ഇഷാനി.... നീ എങ്ങനെ ആണ് ഇവിടേക്ക് വന്നത്..... നീ ഈ റൂമിൽ ഉള്ളത് ആരെങ്കിലും കണ്ടാൽ.... കണ്ടാൽ എന്താ.... ഞാൻ എന്റെ വീട്ടിലേക്ക് അല്ലെ വന്നത്.... അതിന് ഇപ്പൊ എന്താ.... ഒരു കൂസലും ഇല്ലാതെ ഇഷാനി അത് പറയുമ്പോൾ നൂറ അവളുടെ വായ പൊത്തി പിടിച്ചു..... ഒന്ന് പതുക്കെ പറയ്.... ആരെങ്കിലും കേട്ടാൽ പ്രശ്നം ആകും.... മ്മ്.... ശരി.... അല്ല.... എന്റെ റാഷിക്കാക്ക് എന്താ ഇന്ന് പറ്റിയത്.... ആൾ നല്ല മൂഡോഫ് ആണല്ലോ.... എന്താ കാരണം.... നൂറയെ നോക്കി ഇഷാനി അത് ചോദിക്കുമ്പോൾ നൂറ പരിഭ്രമത്തോടെ അവളെ നോക്കി.... തുടരും.....❣️ #📔 കഥ #നോവൽ #കഥ #💞 പ്രണയകഥകൾ