#📙 നോവൽ നിലവിളിക്കുകയാണ് ഗംഗ. അത് കേൾക്കാൻ വിജനമായ ആ വഴിയിൽ ആരും ഉണ്ടായിരുന്നില്ല. തന്റെ ജീവിതം ഇവിടെ തീരുകയാണെന്ന് ഗംഗയ്ക്ക് മനസ്സിലായി. ആ ദുഷ്ടന്മാർ ചേർന്ന് അവളെ പൊക്കിയെടുത്ത് വണ്ടിയിലേക്ക് കയറ്റുന്നുണ്ട്. ഈശ്വരാ ആരെങ്കിലും ഒന്നു വന്ന് രക്ഷിച്ചിരുന്നുവെങ്കിൽ.... അവളുടെ ഹൃദയം ഉറക്ക വിലപിക്കുകയാണ്. പെട്ടെന്നായിരുന്നു അകലെ നിന്നും ഒരു ലോറി വരുന്നത് എല്ലാവരും കണ്ടത്. ടാ... വേഗം.. ആരോ വരുന്നുണ്ട്. അപ്പോഴേക്കും അവന്മാർ എല്ലാവരും ചേർന്ന് ആ പെൺകുട്ടിയെ പിടിച്ചു കാറിന്റകത്തേക്ക് ഇട്ടു. അതിനുശേഷം അതിവേഗത്തിൽ ആ കാർ മുന്നോട്ട് പോയി. ഇത്തിരി ദൂരം പോകാനേ അവർക്ക് സാധിച്ചുള്ളൂ, പെട്ടെന്ന് ആ കാർ ബ്രേക്ക് ഡൗൺ ആയി. തൊട്ടുപിന്നിലായി ആ ലോറിയും വന്നുനിന്നു. ചെറുപ്പക്കാരിൽ ആരോ ഒരാൾ കാറിൽ ഇരുന്നു കൊണ്ട് പിന്നിലേക്ക് നോക്കിയപ്പോൾ തലയിൽ കെട്ടൊക്കെ കെട്ടി ഒരുവൻ ലോറിയിൽ ഇരിക്കുന്നത് അവൻ കണ്ടു. ലോറി ഒന്ന് ആയത്തിൽ ഫോൺ അടിച്ചു കൊണ്ട് ഇരു ലൈറ്റുകളും ഓൺ ചെയ്തു. ആ പ്രദേശമാകെ പ്രകാശം കൊണ്ടു നിറഞ്ഞു. ഗംഗയെ സീറ്റിൽ നിന്നും താഴേക്ക് ഇരുത്തിക്കൊണ്ട് അമർത്തിപ്പിടിച്ചിരിക്കുകയാണ് അവർ. പെട്ടെന്ന് അവൾ അതിൽ ഒരുവന്റെ കയ്യിൽ കയറി കടിച്ചു. അവൻ ഉറക്കെ കരഞ്ഞതും ആ ലോറിയിലെ കിളി കാറിന് എന്തുപറ്റിയെന്ന് അറിയാനായി ഇറങ്ങിവന്നതും ഒരുപോലെയായിരുന്നു.. പത്തിരുപത് വയസ്സുള്ള ഒരു പയ്യനായിരുന്നു അത്. മൂന്നാർ പോയിട്ട് വരുന്ന വഴിയാണെന്നും വണ്ടി ഓഫ് ആയി പോയതാണെന്നും മുൻ സീറ്റിലിരുന്ന ഒരുവൻ അ പ്പയ്യനോട് പറഞ്ഞു പെട്ടെന്നാണ് ഒരു പെൺകുട്ടിയുടെ അലറി കരച്ചിൽ അവൻ കേട്ടത്. ആ പയ്യൻ ന്നടുങ്ങി പോയി. അണ്ണാ..... ഓടി വായൊ. അവൻ അലറിയതും ലോറിപ്പൊക്കത്തു നിന്നും ഒരുവൻ ചാടി ഇറങ്ങി. ആറടി പൊക്കവും അതിനൊത്ത വണ്ണവും ഒക്കെ ആയിട്ട് ഒരു കറുത്തയൊരാൾ. ഇറങ്ങി വന്ന ശേഷം അവൻ തന്റെ തലയിലെ തോർത്ത്‌ അഴിച്ചു ഒന്നു അരയിൽ കെട്ടി. കൈകൾ രണ്ടും വലിച്ചു കുടഞ്ഞുകൊണ്ട് അവൻ നടന്നുവന്നതും കാറിൽ ഇരിക്കുന്നവന്മാർ ജാഗരൂകരായി. എടാ... രുചിച്ചു നോക്കാതെ ഇവളെ കൊടുക്കുന്ന പ്രശ്നമില്ല. നമ്മൾ നേരിടുക തന്നെ ചെയ്യണം. ഇത്രയും നല്ലൊരു സ്വയമ്പൻ സാധനത്തിനെ, ഈയടുത്ത കാലത്തൊന്നും നമ്മൾ ആരും കണ്ടിട്ടില്ല. പവി പറഞ്ഞപ്പോൾ അവന്റെ കൂടെ ഇരുന്ന് ചങ്ങാതിമാരൊക്കെ സപ്പോർട്ട് ചെയ്തു കൊണ്ട് തല കുലുക്കി. അണ്ണാ..ഈ. കാറിൽ ഒരു പെൺകുട്ടി ഇരിപ്പുണ്ട്. രക്ഷിക്കണേ എന്ന് പറഞ്ഞ് അവള് ഉറക്കെ കരയുന്നത് ഞാൻ കേട്ടു. അയാൾ അടുത്തേക്ക് വന്നതും കിളി പയ്യൻ അവനെ നോക്കി പറഞ്ഞു. ആരാടാ അത്.. ഇങ്ങോട്ട് ഇറങ്ങിയ്ക്കെ.. നോക്കട്ടെ. മര്യാദയുടെ ഭാഷയിലാണ് ആ ഡ്രൈവർ ആദ്യം സംസാരിച്ചത്. താനാരാടോ ഇതൊക്കെ ചോദിക്കാന്... ഞങ്ങളുടെ വണ്ടി ഒന്ന് ബ്രേക്ക് ഡൗൺ ആയി, അത് റെഡിയാക്കി ഞങ്ങളിപ്പോൾ തന്നെ പോകും. അതിന് നിങ്ങളോട് ആരാ പോകേണ്ടത് എന്ന് പറഞ്ഞത്... ഏതു പെൺകുട്ടിയാണ് ഈ വണ്ടിയിൽ ഇരുന്ന് കരഞ്ഞത് എന്നുള്ളത് എനിക്കറിയണം. തന്റെ കൈകൾ രണ്ടും ഒന്ന് ആയത്തിൽ കുടഞ്ഞുകൊണ്ട് അയാൾ വീണ്ടും പറഞ്ഞു. ഗംഗ യുടെ വായ പൊത്തിപിടിച്ചു കൊണ്ട് ഇരിയ്ക്കുകയാണ് അവന്മാർ. പെട്ടെന്ന് അവൾ ഞരങ്ങുന്നതുപോലെ ആ ലോറിക്കാരൻ കേട്ടോ. ശ്വാസം കിട്ടാതെ അവൾ പിടയുകയാണെന്ന് ഒരു നിമിഷത്തേക്ക് അവന്റെ തലച്ചോറ് അവനോട് മന്ത്രിച്ചു. ഒന്നും നോക്കിയില്ല ഡോർ വലിച്ചു തുറന്നു കൊണ്ട് ഒരുത്തനെ പിടിച്ചു വെളിയിലേക്ക് എറിയുകയായിരുന്നു. അപ്പോഴേക്കും കണ്ടു ഒരു പെൺകുട്ടി കണ്ണ് പുറത്തേക്ക്തുറിച്ചു തള്ളി ഇരിക്കുന്നത്, അപ്പോഴേക്കും കാറിൽ ഉണ്ടായിരുന്ന രണ്ടു പേരെ ഇറങ്ങി വന്നിട്ട് അയാളെ അടിക്കുവാൻ ശ്രമിച്ചു. അവരുടെ കൈ വേദനിച്ചത് അല്ലാതെ അയാൾക്കൊന്നും സംഭവിച്ചില്ല. തിരിഞ്ഞു നിന്ന് കരണക്കുറ്റി തീർത്ത് അയാൾ കൊടുത്തതും അവന്മാർ നിലത്തേക്ക് പതിക്കുകയായിരുന്നു. പതിനാറാമത്തെ വയസ്സു മുതൽ വളയം പിടിച്ച കയ്യാ ഇത്,, ഈ തഴമ്പ് കഷ്ടപ്പാടിന്റെയും ബുദ്ധിമുട്ടിന്റെയും ആണ്. പറഞ്ഞുകൊണ്ട് അവൻ നിമിഷനേരം കൊണ്ട് അവന്മാരെ നിലംപരിശാക്കി. ശ്വാസം എടുത്തു വലിച്ചു കൊണ്ട് അതിസുന്ദരിയായ ഒരു പെൺകുട്ടിയിരിക്കുന്നത് അവൻ കണ്ടു. എന്താ.. എന്ത് പറ്റി. അവൻ ആ പെൺകുട്ടിയോട് ചോദിച്ചതും അവൾ ഇരു കൈകളും കൂപ്പി അയാളെ നോക്കി തൊഴുതു. എന്താ പറ്റിയെ.... ഈ കൊച്ചു വെളുപ്പാൻ കാലത്ത് നീ എങ്ങനെയാ ഇവന്മാരുടെ കൂടെ കൂടിയത്. ചോദിച്ചപ്പോൾ അയാളുടെ നെറ്റിയിൽ സമാന്തരമായ രേഖകൾ വീണു. എന്നെ രക്ഷിക്കണം.. പ്ലീസ്. അവൾ അത്ര മാത്രമേ പറഞ്ഞുള്ളൂ. നിനക്ക് എവിടേക്കാ പോകേണ്ടത്. അവൻ ചോദിച്ചതും അവളുടെ മിഴികൾ താന്നു. ഇതിൽ ഏതവന്റെ യെങ്കിലും കാമുകിയായിരുന്നോ നീ. ചാടിപ്പോന്നപ്പോൾ അബദ്ധം പറ്റിയതാണോ. അയാൾ വീണ്ടും ചോദിച്ചു. അല്ലെന്ന് മെല്ലെ തലകുലുക്കിക്കൊണ്ട് അവൾ അപ്പോഴും ആ കാറിൽ കുനിഞ്ഞിരുന്നു. അണ്ണാ.. നമ്മുടെ തുമ്പിയുടെ പ്രായം ഉള്ളൂ.. പ്ലീസ് അണ്ണാ ഈ കുട്ടിക്ക് എന്തെങ്കിലും അബദ്ധം പറ്റിയതായിരിക്കും. നമുക്ക് രക്ഷിക്ക. അയാളുടെ അരികിൽ നിന്ന് ആ പയ്യൻ പറഞ്ഞതും മറുപടിയായി അയാൾ അവനെ കനപ്പിച്ച് നോക്കി. നേരം പതിയെ വെളുത്തു വരുന്നുണ്ട്. അണ്ണാ നമ്മൾ ഇവിടെ നിൽക്കുന്നത് അപകടമാണ്... ആരെങ്കിലും ഈ വഴി വന്നാൽ ഇവന്മാരുടെ കേസിന് നമ്മൾ മറുപടി പറയേണ്ടിവരും. ഹ്മ്മ്... പെട്ടെന്ന് അയാൾ ഒന്ന് തല കുലുക്കി. നിന്നെ ടൗണിൽ ഇറക്കാം വണ്ടിയിൽ കേറിക്കോ. അയാൾ പറഞ്ഞതും ഗംഗ വീണ്ടും അയാളുടെ മുഖത്തേക്ക് നോക്കി. ഡാ വരുന്നുണ്ടെങ്കിൽ വരാൻ പറ. എനിക്ക് പോണം. പറഞ്ഞുകൊണ്ട് അയാൾ ലോറിയുടെ അടുത്തേക്ക് നടന്നു. അക്ക,,, തൽക്കാലം ഞങ്ങളുടെ കൂടെ വരൂ. അക്ക വിഷമിക്കുകയൊന്നും വേണ്ട, എന്തെങ്കിലും വഴി കാണാം, അക്കയ്ക്ക് ഞങ്ങളെ വിശ്വസിക്കുകയും ചെയ്യാം. ആ പയ്യൻ പറഞ്ഞതും അവൾ കരഞ്ഞുകൊണ്ട് അവനെയും നോക്കി. അക്ക വിഷമിക്കുവൊന്നും വേണ്ട.. വരൂ... അവൻ വീണ്ടും പറഞ്ഞു. ഡാ ഒരുപാട് അടുക്കണ്ട.. എങ്ങനെയുള്ളതാണെന്ന് പോലും അറിയില്ല,,, വള്ളിക്കെട്ട് ആണെങ്കിൽ എടുത്ത് കഴുത്തിൽ ഇട്ടാൽ, നീ പോയി തൂങ്ങേണ്ടിവരും. ലോറിയിലേക്ക് കയറു മുന്നേ അയാൾ പറഞ്ഞു. അക്ക അതൊന്നും കാര്യമാക്കണ്ട. അണ്ണൻ ഇത്തിരി ദേഷ്യം ഉള്ള ആളാ.വരൂ.. നമ്മൾക്ക് പോകാം അവൻ അവളെയും കൂട്ടി ലോറിയുടെ അടുത്തേക്ക് വന്നു. അയാളപ്പോൾ ഡ്രൈവിംഗ് സീറ്റിൽ കയറിയിരുന്നു. ഗംഗയ്ക്കു ആ വലിയ ലോറിയിൽ കയറുവാൻ ഇത്തിരി പ്രയാസം തോന്നി. പയ്യൻ ആണെങ്കിൽ അവൾക്ക് ഓരോ നിർദ്ദേശങ്ങൾ ഒക്കെ കൊടുക്കുന്നുണ്ട്. അതനുസരിച്ച് ഒരു പ്രകാരത്തിൽ ഗംഗ അതിലേക്ക് അള്ളിപ്പിടിച്ച് കയറി. തന്റെ വലം കൈകൊണ്ട് അവൾ ഒരു പിടുത്തത്തിനു വേണ്ടി അവിടെയൊക്കെ പരതിയപ്പോൾ പെട്ടെന്ന് ആയിരുന്നു അവളുടെ കൈവെള്ളയിൽ ഒരു തണുപ്പ് പടർന്നത് നോക്കിയപ്പോൾ ആ ഡ്രൈവർ ആയിരുന്നു. അയാൾ അവളെ വലിച്ച് വണ്ടിക്ക് അകത്തേക്ക് ഇട്ടു. പെട്ടെന്ന് അവളുടെ നെറ്റി ലോറിയുടെ അകത്ത് ഇടിക്കുകയും ചെയ്തു. ആഹ്,,, അവൾ ഒന്നുറക്കെ കരഞ്ഞു. എന്തെങ്കിലും പറ്റിയോ ചേച്ചി. അവളുടെ പിന്നാലെ കയറി വന്ന ആ പയ്യൻ ചോദിച്ചതും ഇല്ലെന്നു അവൾ ചുമൽ ചലിപ്പിച്ചു. സെൽവാ... ആഹ് പോകാം അണ്ണാ. അവൻ പറഞ്ഞതും ആ ലോറി മുന്നോട്ട് ചലിച്ചു. തുടരും