നീലക്കുറിഞ്ഞിക്കാട്ടിലെ നീലക്കുറുക്കൻ (117) "ഹായ്... ഞാൻ ചന്ദ്രനിൽ നിന്നും റോബോട്ട്സൺ സ്പീക്കിങ്ങ്... ശൂന്യാകാശത്തിനപ്പുറത്ത് ബഹിരാകാശത്ത് സൗരയൂഥത്തിലെ ക്ഷീരപഥത്തിൽ പ്രത്യക്ഷപ്പെട്ട പുതിയ അവതാര താരത്തെപ്പററിയുളള ഗവേഷണങ്ങൾ നടന്നു വരുന്നു... ഓരോ ദിവസം കഴിയുന്തോറും ഈ അവതാര താരം കൂടുതൽ കൂടുതൽ വയലൻ്റാകുന്നതായിട്ടാണ് ഗവേഷണങ്ങൾ തെളിയിക്കുന്നത്... ഈ അവതാര താരത്തിൻ്റെ ബാഹ്യാവരണം Black and White ആണെന്ന് അതി സൂക്ഷ്മമായ ദൂര ദർശിനിയിലൂടെ ദർശിക്കാൻ കഴിഞ്ഞു... ഇത് ഭ്രമണ പഥം വിട്ട് വ്യതിചലിക്കുന്ന വാൽനക്ഷത്രങ്ങളെ തന്നിലേക്ക് ആഗിരണം ചെയ്ത് ആകർഷണ വലയത്തിലാക്കി കുഴിയിൽ ചാടിച്ച് വലയിലാക്കാനുളള തന്ത്രപരമായ ആവരണമെന്നാണ് ഈ Black and White ബാഹ്യാവരണമെന്നാണ് നിഗമനം. വാൽ നക്ഷത്രങ്ങളെ പിടികൂടണമെന്ന ഏക ലക്ഷ്യത്തോടെ തൻ്റെ ഭ്രമണ പഥത്തിൽ അതി വേഗതയിൽ ഭ്രമണം ചെയ്യുന്ന ഈ അവതാര താരം ആധുനിക യുഗത്തിലെ ഭീമൻ വാൽ നക്ഷത്രങ്ങളുടെ കാലൻ എന്നാണ് വിശേഷിപ്പിക്കപ്പെടുന്നത്. താരാമണ്ഡലങ്ങളിലെ അതി സമ്മർദ്ദങ്ങളുടേയും, വിഘടനങ്ങളുടേയും, താപ വ്യതിയാനങ്ങളുടേയും, സൗരോർജ്ജ മണ്ഡലങ്ങളിലെ ബീഗാ, ഡെൽററാ, ആൾഡ്രാ വയലററ് രശ്മികളുടേയും സംരക്ഷണ വലയമായിട്ടാണ് ഈ Black and White ആവരണം കണക്കാക്കപ്പെടുന്നത്. ഇനി ശൂന്യാകാശത്ത് താരാപഥത്തിൽ രണ്ട് പ്രകാശങ്ങൾ തമ്മിലുളള ദ്വന്ദയുദ്ധം കാണാനാകുമെന്നാണ് അവതാര താരത്തിൽ നിന്നുളള ഇപ്പോഴത്തെ സൂചന. (തുടരും) #📖 കുട്ടി കഥകൾ #📔 കഥ #📙 നോവൽ #🍲 ഇന്നത്തെ രുചി #🍔 രുചി