മാളു ഓടി ചെന്ന് കോഴിക്കൂട് തുറന്നു കൊടുത്തു പിന്നെ അമ്മ അരി ഇട്ട് വെച്ചിരിക്കുന്ന പഴയ ഒരു ഡപ്പയുടെ അടപ്പ് തുറന്നാ കുഞ്ഞി കൈകളിൽ പിടിക്കാവുന്ന അത്രയും അരി എടുത്തു കുഞ്ഞമ്മിണി കോഴിക്കും കുഞ്ഞുങ്ങൾക്കും നേരെ വിതറി... അടുക്കളയിൽ അമ്മ ശാന്തി ദോശ ഉണ്ടാക്കികൊണ്ടിരിക്കയാണ്.. ഓരോ തവണയും മാവ് ഒഴിക്കുമ്പോളും ശൂ. .ശൂ എന്ന ശബ്ദം വരുന്നതും നോക്കി കൊതിയടെ ദോശയും കാത്ത് അരികിൽ തന്നെ കാശി ഇരിക്കുന്നുണ്ട്.. എന്റെ അമ്മേ ഒന്ന് വേഗം..എനിക്ക് പോകാൻ സമയമായി..."" ഓ തിരക്ക് കണ്ടാ തോന്നും കളക്ടർ ഉദ്യോഗത്തിന്ന് പോവാൻ ആണെന്ന്.."" ആ സ്റ്റിക്കർ കടയിൽ പോയിരിക്കാൻ അല്ലേ.." ശാന്തി മുഖം തിരിച്ചു മാവ് കലക്കി.. അതെന്താ അമ്മേ അങ്ങനെ ഒരു സംസാരം.."" ഹും കളക്ടർ ഉദ്യോഗത്തിന്ന് മാത്രേ വില ഒള്ളു.. " അപ്പോ ഈ നാട്ടിൽ സ്റ്റിക്കർ ഒട്ടിച്ചു കൊടുക്കുന്നവർക്കും വണ്ടി മോഡിഫൈ ചെയ്ത് കൊടുക്കുന്നോർക്കും ഒന്നും ഒരു വിലയും ഇല്ല്യേ.."" അത് ഒന്നും ഒരു ജോലി അല്ലേ.." കാശി വിട്ട് കൊടുക്കാൻ ഭാവമില്ലാതെ പ്ലേറ്റും പിടിച്ചു എഴുന്നേറ്റു.. എടാ ആ ജോലി കൊണ്ട് ഒക്കെ കുടുംബം പുലരോ.. "" അച്ഛന്റെ പെൻഷനും അവൾ ഒരുത്തിയുടെ ജോലിയും ഉള്ളോണ്ട് ഇവിടെ പട്ടിണി ഇല്ല.., " ഓ തുടങ്ങി..."" ഞാൻ നിന്നോട് എത്ര പറയുന്നു ആ ഡിഗ്രി ഒന്ന് മുഴുമിപ്പിക്കാൻ.."" അവന്ന് സമയല്ല്യ..." എന്തോ കാണിക്ക്..."" അമ്മ ഒരു ദോശ കൂടി കാശിയുടെ പ്ലേറ്റിലേക്ക് ഇട്ട് കൊടുത്തു.. ആവി പറക്കുന്ന ചൂട് ചായയും കയ്യിൽ പിടിച്ചു ഉമ്മറം ലക്ഷ്യമാക്കി അവർ നടന്നു.. അവിടെ പത്രം വായിച്ചോണ്ടിരിക്കയാണ് ഗംഗാധരൻ മാഷ് റിട്ടയർഡ് യൂ പി സ്കൂൾ മാഷ് ആണ്.. ചേട്ടാ ചായാ.."" അവൾ എന്ത്യേ ഡി.."" ചായാ വാങ്ങിക്കുന്നിടെ സോഡാ കണ്ണട ഒന്ന് നേരെ അമർത്തി അയാൾ ഭാര്യയോട് ചോദിച്ചു... കുളിക്കുവാ... ഹ്മ് അപ്പോ ഇന്നും ബസ്സിൽ അല്ല പോകുന്നത് എന്ന് സാരം.. "" ഭാര്യയുടെ മുഖത്തേക്ക് നോക്കാതെ അയാൾ ചായ കുടിക്കാൻ തുടങ്ങി... മുഖത്ത് വന്ന സങ്കടം വെളിയിൽ കാണിക്കാതെ അവർ വീടിന്റെ പിന്നാമ്പുറത്ത് വന്ന് നിന്ന് ഉറക്കെ വിളിക്കാൻ തുടങ്ങി... പൊന്നി..മോളെ പൊന്നീ. "".. ബാത്രൂം റൂം നോക്കി അമ്മ ഉറക്കെ വിളിച്ചു... ""ദാ വരുന്നു.."" ബാത്രറൂമിന്റെ കതക് തുറന്ന് വെള്ളി കൊലുസ്സിന്റെ കിലുക്കി പാദങ്ങൾ പടികൾ ഇറങ്ങി.. മെറൂൺ സാരീ എടുത്ത വശ്യ സൗന്ദര്യമുള്ള ഒരു പെൺകുട്ടി അവരുടെ അടുത്തേക്ക് നടന്ന് വന്നു.. തോർത്തു കൊണ്ട് നനഞ്ഞ മുടി കെട്ടി വെച്ചിരിക്കുന്നു.. അവളുടെ നടത്തതിന്ന് ഒത്ത് കാലിലെ കൊലുസ്സുകൾ കൊഞ്ചി കൊണ്ടേയിരിക്കുന്നു.. പരന്ന നെറ്റിതടം തുടുത്ത കവിളുകൾ ,ചുവന്ന നീളൻ ചുണ്ടുകൾ,പൊങ്ങി നിൽക്കുന്ന മെലിഞ്ഞ നീളൻ മൂക്ക് വെളുത്ത നിറം.. ഇതാണ് പൊന്നി എന്ന അനന്യ.. ഇന്നും ലേറ്റ് ആയാൽ ബസ് പോകും കുട്ട്യേ.."" ശാന്തി അവളുടെ തലയിൽ നിന്നാ തീർത്തു മാറ്റി ഒന്നൂടെ തലമുടി തോർത്തി.. അറിയാം അമ്മേ എന്ത് ചെയ്യാനാ ന്റെ വിധി.."" നിനക്ക് കുറച്ചൊടെ നേരത്തെ ഒരുങ്ങായിരുന്നു.. "" ഹാ ബെസ്റ്റ് ...ഇതിലും ഞാൻ നേരത്തെ ഒരുങ്ങി തുടങ്ങണമെങ്കിൽ ഒന്നുകിൽ ഞാൻ ഉറങ്ങാതിരിക്കേണ്ടി വരും ഇല്ലെങ്കിൽ ഈ കുളി അങ്ങ് നിർത്തേണ്ടി വരും.. "" ഓടുന്നിടെ അമ്മയെ തിരിഞ്ഞു നോക്കി അനന്യ പറഞ്ഞു... മുറിയിൽ എത്തിയതും അവൾ ചുമരിൽ തൂക്കിയ കൃഷ്ണ ഭഗവാന്റെ ഫോട്ടോക്ക് അരികിൽ എത്തി തൊഴുതു നിന്നു... .. ""ന്റെ കൃഷ്ണ ഒറ്റ അപേക്ഷ ഒള്ളു ഇന്നെങ്കിലും സ്കൂളിൽ പോകാൻ ആ ബസ് കിട്ടണേന്ന്." ദിവസവും 50 രൂപ ഓട്ടോ കൂലി കൊടുക്കാൻ ഇല്ല ഇല്ലാത്തോണ്ടാ..."" അവൾ വേഗം മുടി കൈകൊണ്ട് കോതി കയ്യിൽ വന്ന മുടിയിഴകൾ ചുറ്റി വെച്ചു... ചീർപ്പ് എടുത്തു മുടി വൃത്തിയോടെ കെട്ടിവെച്ചു.. ധൃതിയിൽ കണ്ണാടിയിൽ ഒട്ടിച്ചു വെച്ച പൊട്ട് എടുത്തു കുത്തി. കഴിഞ്ഞു ഇത്രേ ഒള്ളു ഒരുക്കം എങ്കിലും സാരീ ഉടുത്തു ഒരുങ്ങി ഇറങ്ങുന്നത് കാണാൻ നല്ല ചേല. .. അവൾ റൂമിൽ നിന്ന് വന്നതും ടേബിളിൽ അമ്മ റെഡിയാക്കി വെച്ചിരിക്കുന്ന ചോറും പാത്രം എടുത്തു ബാഗിൽ വെച്ചു... കാശിയും മാളുവും ടേബിളിൽ ഇരിക്കുന്നുണ്ട്.. മാളു ദോശ കഴിച്ചോണ്ടിരിക്കുന്നു, കാശി ആണേൽ ഫോണിൽ കാര്യാമായിട്ട് ഒരു കാര്യവുമില്ലാതെ ഷോർട്സ് കണ്ടിരിക്കുന്നുണ്ട്.. .. എന്താ മോളെ ദോശ കഴിച്ചിട്ട് പോ.. ഉവ്വേ ദോശ കൂടെ കഴിക്കാൻ നിന്നാലെ ഫസ്റ്റ് ഹവറിൽ കേറാൻ പറ്റില്ലായെന്നത് പോട്ടെ.."" സെക്കണ്ട് ഹവറിൽ പോലും പോകാൻ പറ്റിയില്ലെങ്കിൽ പിന്നീട്‌ ആ ഭാഗത്തോട്ട് പോണ്ട.. " അമ്മ വായിൽ തരാം.. ഒന്ന് പോ അമ്മേ..ആ ഏട്ടനെ നോക്കണേ.."" അവൾ ബാഗ് തോളിൽ ഇട്ടു ഇറങ്ങാൻ നേരം പറഞ്ഞു.. പൊന്നി അവന്റെ മരുന്ന് തീർന്നിരിക്കുന്നു.. "" ശാന്തിയമ്മ അവളെ ഓർമ്മപ്പെടുത്തി... ""ഹ്മ്മ്..വാങ്ങാം അമ്മേ."" അത് പറഞ്ഞതും അനന്യയുടെ കണ്ണുകൾ നിറഞ്ഞു.. വീട്ടുകാർ കാണാതെ ഇരിക്കാൻ അവൾ വെഗ്രതയിൽ തിരിഞ്ഞു നടക്കാൻ തുനിഞ്ഞു. .. ചേച്ചി..."" അപ്പോഴാണ് കാശി അനന്യ അവിടെ നിൽപ്പുള്ള കാര്യം ശ്രദ്ധയിൽപ്പെട്ടത്... എന്താടാ..ആ പെണ്ണ് ഒരു വഴിക്ക് ഇറങ്ങുമ്പോൾ പിറകിൽ നിന്ന് വിളിക്കുന്നത്..ഇത്രേം നേരം ആ കുന്ത്രാണ്ടത്തിൽ ഞോണ്ടി ഇരുന്നപ്പോൾ അവനിക്ക് കണ്ണ് കണ്ടില്ല..."" ശാന്തിയമ്മ അവനോട് കയർത്തു.. എനിക്ക് ചേച്ചിയോട് ഒരു കാര്യം പറയാൻ ഉണ്ട്.."" അവൻ ഫോൺ ഒക്കെ അവിടെ ഇട്ട് ചാടി എഴുന്നേറ്റ് വന്നു.. എന്താ എന്റെ പൊന്നു കാശിനാഥന് പറയാൻ ഉള്ളത്.."" അനന്യ തിരിഞ്ഞു നോക്കുന്നതിനിടെ ഭിത്തിയിൽ തൂക്കിയിട്ട ക്ലോക്കിലേക്കും നോക്കി.. അമ്മ ഇവിടെ നിക്കുമ്പോൾ ഞാൻ പറയൂല..അമ്മ എല്ലാത്തിനും എടം കോൽ ആണ്, ചേച്ചി വാ നമുക്ക് അപ്പുറത്തേക്ക് മാറി നിന്ന് സംസാരിക്കാം.."" അവൻ അമ്മയെ നോക്കികൊണ്ട് പറഞ്ഞു ഹയ്യേ ഡാ..നീ എന്താ അവളെ പെണ്ണ് കാണാൻ വന്നതാ..."" ദേ. ..ഇത് മാരി ഊള ടോക്ക്സ് ആണെങ്കി അമ്മയാണെന്നൊന്നും നോക്കൂലെ അറ്റാക്ക് യൂ. .""😡 ഡാ ഡാ..എന്തെങ്കിലും പറയാൻ ഉണ്ടെങ്കിൽ വേഗം പറ,അല്ലേൽ ഞാൻ വന്നിട്ട് പറയാ.."" ""ഉവ്വ്‌ ചേച്ചി വന്നാ പിന്നെ കുറേ കുട്ടിപട്ടാളങ്ങൾക്ക് നടുക്ക് അല്ലേ പിന്നെ ഉണ്ടാവുകഒന്ന് നേരെ കാണാൻ കിട്ടോ.."" അതേടാ അവൾ ഓടുന്നോണ്ട് ഈ വീട്ടിൽ അടുപ്പ് പുകയുന്നുണ്ട്..നീ ഓടുന്നോണ്ട് എന്ത് കാര്യം.."" ശാന്തിയമ്മ അവനെ നോക്കി മുഖം കനപ്പിച്ചു.. അടുപ്പ് പുകയുന്നതിൽ വല്ല്യ കാര്യമൊന്നും ഇല്ല്യ,അത് ഇപ്പോ ഒരു പേപ്പർ തുണ്ട് ഇട്ടു കത്തിച്ചാലും പുകഞ്ഞോളും.. "" ചെ..നീ നിന്ന് ചളി അടിക്കാതെ കാര്യം പറയടാ ചെറുക്കാ.."" ഒരല്പം നേരം അനന്യ കൈകെട്ടി നിന്ന് അത് അഴിച്ചിട്ടു.. ഞാൻ എത്ര ദിവസമായി ചേച്ചിയോട് പറയുന്നു എനിക്ക് ഒരു ലാപ് ടോപ് വാങ്ങിക്കാൻ അതാകുമ്പോൾ കുറേ വർക്ക് ഫ്രം ഹോം ഉണ്ട്..."" എടാലാപ് ടോപിന് ഒക്കെയുള്ള ക്യാഷ് എവിടെ എന്റെയിൽ.." അനന്യയുടെ മുഖത്ത് ദുഃഖം നിഴലിച്ചു.. ക്യാഷ് കയ്യിൽ വേണ്ട ചേച്ചി ലോൺ എടുത്തു തന്നാ മതി,ഞാൻ അടച്ചോളാം.."" ഹാ ബെസ്റ്റ് ഇതേ പോലെ എട്ട് പത്ത് മാസം മുൻപ് പറഞ്ഞുഎന്തിന് മൊബൈൽ ഫോൺ വാങ്ങാൻ.. "" അന്ന് ഇവന്റെ വാക്കും കേട്ട് നീ കുടുബശ്രീ നിന്ന് ലോൺ എടുത്തു ഫോൺ വാങ്ങി.."" അന്ന് ഇതുപോലെ ഡയലോഗ് അടിച്ചു എന്നല്ലാതെ ലോൺ അടച്ചില്ല.."" ശാന്തിയമ്മ രണ്ട് പേർക്കും നടുവിൽ വന്നു നിന്നു.. ഇത് അങ്ങനെ അല്ല ലാപ് ഉണ്ടേൽ ജോലി സെറ്റാ.."" ജോലി ഉണ്ടേൽ ക്യാഷ് അടക്കാൻ എന്താ പാട്..."" ഇപ്പോ മോൻ തൽക്കാലം ഫോണിൽ ഉള്ള ജോലി ചെയ്യ്‌.. "" നമുക്ക് വഴി ഉണ്ടാക്കാം.." അച്ഛാ ഞാൻ പോകുന്നു.."" ഉമ്മറത്ത് ഇരിക്കുന്ന അച്ഛനോട് യാത്ര പറഞ്ഞു ധൃതിയിൽ അവൾ ഓടി... ഓടുന്നിടെ തുറന്ന് വെച്ചാ ജനൽ പാളിയുടെ ഇടയിലൂടെ അവൾ ഒന്ന് എത്തി നോക്കി... നിങ്ങൾക്ക് കഴിക്കാൻ എടുത്തു വെച്ചിട്ടുണ്ട് വന്നോളൂ.."" ഭാര്യയുടെ വിളി കേട്ട് മാഷ് ഹാളിലെ ടേബിളിൽ വന്നിരുന്നു കഴിക്കാൻ തുടങ്ങി.. അവന് കൊടുത്തോ"". കഴിക്കുന്നിടെ അയാൾ ചോദിച്ചു.. രാവിലെ ഉള്ള മരുന്ന് കൊടുത്തു.."" ഇനി കഞ്ഞി കൊടുക്കാം..ഈ ദോശ ഒന്നും അവനിക്ക് പിടിക്കില്ല.."" ഉം.."" മാഷ് ഒരു മൂളൽ മാത്രം നൽകി ദോശ കറിയിൽ മുക്കി കഴിക്കൽ തുടർന്നു... പ്രായം എഴുപ്പത്തിനോട് അടുത്തിരിക്കുന്നു.. പ്രയാധിക്യം മൂലം ഉള്ള രോഗങ്ങൾക്കൊണ്ടും മനസ്സിലെ ഒരുപാട് ആധികൾ കൊണ്ടും ആ ശരീരം ആകെ ക്ഷീണിച്ചിരിക്കുന്നു... ഗംഗാധരൻ മാഷ്.. ഒരു കാലത്ത് ഒരുപാട് വിദ്യാർത്ഥികളുടെ പ്രിയപ്പെട്ട സാർ. പഠിപ്പിച്ച കുട്ടികൾ അത്രയും നല്ല ഉയരങ്ങളിൽ എത്തിയവർ.. ഏറ്റവും നല്ല മാതൃക അധ്യാപകനുള്ള അവാർഡ് വരെ വാങ്ങിയിട്ടുള്ള പ്രഗത്ഭനായ അധ്യാപകനാണ് .. ........ ........ ........ ......... ...... അനന്യ ബസ് സ്റ്റോപ്പിലേക്ക് ഓടിയെത്തി.. ആഹാ...ഇതെന്താ ഗോപിക ടീച്ചർക്കും ഇന്ന് ബസ് കിട്ടിയില്ലേ."".. ബസ് സ്റ്റോപ്പിൽ എത്തി ചുറ്റും നോക്കുന്ന സഹ പ്രവർത്തക ഗോപിക ടീച്ചറോട് ശ്വാസമൊന്ന് എടുത്തു വിട്ട് അനന്യ ചിരിയോടെ ചോദിച്ചു.. ശോ..ഒന്നും പറയണ്ട ടീച്ചറെ..." മോൾക്ക് ഇന്ന് മിഡ് ടെർമ് ആണ്. .. രാവിലെ ഒന്ന് റിവിഷൻ ചെയ്യാൻ അവളുടെ കൂടെ ഇരുന്നു. .സമയം പോയത് അറിഞ്ഞില്ല..."" അതിന് ടീച്ചർ ഇങ്ങനെ ടെൻഷൻ ആവണ്ട.."" എനിക്ക് ഇത് പതിവാ.. ഞാൻ ഓടി എത്തും ബസ് പോകും.."" ചിലപ്പോൾ കിട്ടിയാൽ ആയി എന്നും വെച്ച് ഞാൻ എന്നും ബസ് സ്റ്റോപ് വരെ വരും...""" എങ്കിൽ ടീച്ചർ വാ..നമുക്ക് ഒരു ഓട്ടോ വിളിക്കാം..""" .ഇതും പറഞ്ഞു ഗോപിക ടീച്ചർ മുന്നേ നടന്നു.. ഹാവൂ..ഇന്ന് എനിക്ക് ഷെയർ ഇടാൻ ആൾ ആയി... അതെയതെ..അതിൽ എനിക്ക് സന്തോഷമേ ഒള്ളു അനന്യ ടീച്ചറെ..."" ഓട്ടോ തേടി രണ്ടുപേരും അല്പം നടന്നു... റോഡരികിൽ ഉള്ള ചെറിയ കോൺഗ്രീറ്റ് വീടിന്റെ അരികിൽ ഉള്ള കിണറിന്റെ മതിലിൽ ഒരു മെലിഞ്ഞ ചെറുപ്പക്കാരൻ ഇരിക്കുന്നുണ്ട്.. അനന്യ വരുന്നത് കണ്ടതും അവൻ തുണി ഒക്കെ നേരെയാക്കി ഒന്ന് നിവർന്നിരുന്നു... """സുന്ദരി കണ്ണാൽ ഒരു സെയ്തി.. സൊല്ലടിഇന്നാൽ നല്ല തായെത്തി.. എന്നായേ തന്തേൻ ഉണക്കാഗ.. ജെൻമമേ കൊണ്ടേൻ ആതർകാഗ. നാൻ ഉണ്ണായി നീങ്കമാറ്റേൻ നീങ്ങിനാൾ തൂങ്ങാ മാട്ടേൻസേർന്തത്തെ നാം ജീവനേ""" ആഹാ..എന്ത് നന്നായി പാടുന്നു അവൻ...ഇവൻ ഈ സൂക്കേട് ഇത് വരെ മാറിയില്ലേ.. ഗോപിക സാരി തലപ്പ് വയറിന് മുകളിലേക്ക് വലിച്ചു പിടിച്ചു കൊണ്ട് നടന്നു.. ഇല്ല..എന്നെ കണ്ടാൽ അപ്പോ തുടങ്ങും.." എന്നെ നോക്കി പാടുന്ന നേരം വല്ല ഗാനമേളക്കും പോയി പാടി ക്കൂടെ.." എന്ന നല്ല കാശും കിട്ടും ഒരു ജോലിയും ആയി..""" പക്ഷെ നിന്നെ നോക്കി പാടുമ്പോ ഉള്ള ആ സംതൃപ്തി കിട്ടുക ഇണ്ടാവില്ല..""" വഴിയിലൂടെ പോകുന്ന ഓട്ടോക്ക് ഗോപിക ടീച്ചർ കൈ കാണിച്ചു നിർത്തി ടീച്ചർ ആദ്യം കയറി പിറകിൽ അനന്യയും... അനന്യ സാരീ തുമ്പ് മടിയിൽ വെച്ച് മുകളിൽ തോളിൽ നിന്ന് എടുത്ത് ബാഗും വെച്ചു... ഹാ..."" അനന്യ മനസ്സിൽ ഒരു നേടുവീർപ്പിട്ടു... ടീച്ചറെ.."" ഞാൻ അന്ന് പറഞ്ഞിരുന്നില്ലേ സൂപ്പർ മാർക്കറ്റിലെ ആ സെയിൽസ് ഗേളിന്റെ ഒഴിവിന്റെ കാര്യം.. "" ആ ജോലി കൂടെ കിട്ടിയിരുന്നെങ്കിൽ ശനിയും ഞായറും ചുമ്മാ വീട്ടിൽ ഇരിക്കണ്ടായിരുന്നു..."" എന്റെ പൊന്ന് ടീച്ചറെ.."" ഈ കണ്ട പണി ഒന്നും പോരാഞ്ഞിട്ടാണോ ഇനി ശനിയും ഞായറും കൂടെ ഇറങ്ങാൻ തുടങ്ങുന്നേ... ആ പകൽ എങ്കിലും വെറുതെ ഒന്ന് വീട്ടിൽ ഇരിക്ക്.."" ഇങ്ങനെ ശരീരം നോക്കാതെ ഓടിയാലേ നമ്മൾ പെട്ടന്ന് ചത്തു പോകും... ഗോപിക കൂർപ്പിച്ചു നോക്കിക്കോണ്ട് പറഞ്ഞു. ""ചാകുന്നതാണ് നല്ലത് എന്ന് തോന്നിപോകും,"" പക്ഷേ എന്റെ കുടുംബത്തെ ഓർക്കുമ്പോൾ,വേണ്ടെനിക്ക് മരിക്കണ്ട..എന്റെ കുടുംബം പട്ടിണിയാകും,"" അനന്യ മനസ്സിൽ ഓർത്തു... ഞാൻ ടീച്ചറെ വേദനിപ്പിക്കാൻ പറഞ്ഞതല്ല."" ടീച്ചറിന്റെ കുടുംബത്തിന്റെ അവസ്ഥ എനിക്ക് അറിയാം.. "" എന്ന് കരുതി നമ്മൾ ജീവിതവും ശരീരവും മറന്ന് ഓടാണെന്ന് വെച്ചാ.."" കാശി ഒരു നിലയിൽ എത്തിയാ എന്റെ അല്പം ഭാരം കുറയും അത് വരെ എങ്കിലും.."" ഏട്ടനുള്ള മരുന്ന് കൂടെ വാങ്ങിയാ പിന്നെ ഒന്നും ഇല്ല കയ്യിൽ.."" ഇന്ന് ആണെങ്കിൽ വീട്ടിൽ നിന്ന് ഇറങ്ങുമ്പോൾ കാശി ലാപ് ടോപ് വാങ്ങാൻ കാശും ചോദിച്ചു.."" അവൻ എന്തെങ്കിലും ചോദിച്ചാൽ ഇല്ലന്ന് പറയാനും മനസ്സ് വരില്ല..."" അനന്യ സീറ്റിലേക്ക് ചാരിയിരുന്നു കൊണ്ട് പറഞ്ഞു.. ആ കണ്ണ് മിഴിനീരാൽ തിളങ്ങി.. ശെരി ഞാൻ മഹേഷ്‌ ഏട്ടനോട് പറയാം."" തരപ്പെടാൻ സാധ്യത കൂടുതലാ..."" നിന്റെ കാര്യം കൂടി ആകുമ്പോ ..."" ഗോപിക ടീച്ചർ പറഞ്ഞത് കേട്ട് ഒരു നേർ പ്രതീക്ഷയോടെ അനന്യ പുറം കാഴ്ചകളിലേക്ക് കണ്ണ് ഓടിച്ചു.. കാശിയും മാളുവും മാഷും കഴിച്ച പാത്രങ്ങൾ എല്ലാം പെറുക്കി ശാന്തിയമ്മ അടുക്കളയുടെ സിങ്കിൽ കൊണ്ട് വെച്ചു... മാഷ് കഴിച്ച ദോശ പാത്രത്തിൽ രണ്ട് ദോശ ഇട്ട് കറി ഒഴിച്ചു അവർ നിന്ന നിൽപ്പിൽ കഴിച്ചെന്ന് വരുത്തി.. അപ്പോഴേക്കും മാളു സ്കൂളിൽ പോയിരുന്നു.. ആ വീട്ടിലെ ഏറ്റവും ചെറിയ കുട്ടിയാണ് മാളു എന്ന മാളവിക. അഞ്ചാം ക്ലാസിൽ പഠിക്കുന്നു... അമ്മേ അപ്പോ ഞാൻ വിട്ടു.."" കൈ വീശി കാണിച്ചു കൊണ്ട് കാശി ബാഗ് തോളിൽ കയറ്റി മുറ്റത്തേക്ക് ഇറങ്ങി. അവിടെ അടുത്ത് തന്നെയാണ് കാശിയുടെ ഫ്രണ്ട് രോഹിത്തിൻറെ സ്റ്റിക്കർ കട.. എന്റെ പൊന്നി കുഞ്ഞ് ഒന്നും കഴിക്കാണ്ട് പോയി.." ശാന്തിയമ്മ ഒന്ന് നേടുവീർപ്പിട്ടു... ചോർ വെന്ത് തുടങ്ങിയിരിക്കുന്നു.. ഒരു കുഞ്ഞു പാത്രത്തിൽ അല്പം കഞ്ഞി എടുത്തു കുറച്ചു ഉപ്പ് ഇട്ട് ഇളക്കി കൂടെ ചെറിയൊരു പാത്രത്തിൽ ചമ്മന്തിയെടുത്തു ശാന്തിയമ്മ നേരെ പോയത് ഉമ്മറത്ത് ഉള്ള റൂമിലേക്ക് ആണ്... പുറത്തേക്ക് കുറ്റി ഇട്ടിരിക്കുന്ന ആ റൂമിന്റെ കതക് തുറന്ന് അവർ അകത്ത് കയറി... റൂമിന്റെ മൂലയിൽ കട്ടിലിനോട് ചേർന്ന് ഒരു മേശയുണ്ട്..മേശ നിറയേ കുറേ മരുന്നുകൾ ആണ്.... കയ്യിലുണ്ടായിരുന്ന കഞ്ഞി പാത്രവും ചമ്മന്തി പാത്രവും ശാന്തിയമ്മ ആ മേശപ്പുറത്ത് വെച്ചു.. അവിടെ ഒരു കട്ടിലിൽ പുതച്ചു മൂടി ഒരു ചെറുപ്പക്കാരൻ ഉറങ്ങുന്നുണ്ട്. ശാന്തിയമ്മ അവന്റെ മുഖത്തെ പുതപ്പ് മെല്ലെ മാറ്റി... മോനെ മതി ഉറങ്ങിയത്,എണീക്ക് ഈ കഞ്ഞി കുടിച്ചിട്ട് കിടന്നോ.."" അമ്മയുടെ ശബ്ദം കേട്ടതും അവൻ മെല്ലെ കണ്ണ് തുറന്നു.. അവൻ കുറേ നേരം അമ്മയെ തന്നെ നോക്കി കിടന്നു.. പ്രായം പത്തു ഇരുപത്തെട്ട് തോന്നിക്കും.. കണ്ണിന്നും ചുറ്റും കറുത്ത പാടുകൾ,മുഖം ഒട്ടിയിരിക്കുന്നു,അവിടെയും ഇവടെയുമായിട്ട് തലയിൽ കുറച്ചു മുടിയും.. എനിക്ക് വേണ്ട അമ്മേ." അവൻ മുഖം തിരിച്ചു കിടന്നു.. അങ്ങനെ പറയരുത്,,മരുന്ന് കുടിക്കാനുള്ളതല്ലേ..,ഭക്ഷണം കഴിച്ചില്ലെങ്കിൽ എന്റെ മോൻ തളരും അത്രക്ക് ഡോസ് ആണ് ഈ മരുന്നുകൾക്ക്..."" ഒരു കുഞ്ഞിനോട് എന്ന പോൽ പറയുമ്പോൾ കരച്ചിൽ വന്നിട്ട് ശാന്തിയമ്മക്ക് പറയാൻ വയ്യാണ്ടായി.. എന്തിന്നാ ഈ മരുന്ന്.."" മോന്റെ അസുഖം മാറണ്ടേ അതിനാ.." ശാന്തിയമ്മ യുടെ കണ്ണുകൾ നിറഞ്ഞൊഴുകി. അവർ അവന്റെ തലയിൽ തലോടി.. ""എനിക്ക് ഒരു അസുഖവുമില്ല..എന്നെ ഒന്ന് വെളിയിൽ വിട്.. " എത്രെ കാലമായി ഞാൻ ഈ കാരാഗ്രഹത്തിൽ..."" നിങ്ങൾക്ക് അല്പം മനസാക്ഷിയുണ്ടോ.. "" എന്നെ ഒരു നേരമെങ്കിലും ആ ഉമ്മറത്തേക്കെങ്കിലും ഒന്ന് വിട്ടിട്ടുണ്ടോ."" എന്നിട്ട് വന്നിരിക്കുന്നു അസുഖം മാറ്റാൻ ഉള്ള മരുന്ന് കൊണ്ട്.." ദേഷ്യത്തോടെ അവൻ കഞ്ഞിയും മരുന്ന് കുപ്പിയും എടുത്ത് എറിഞ്ഞു... കഞ്ഞി പാത്രം വലിയ ശബ്ദത്തിൽ ഉമ്മറത്തു പോയി വീണു.. മോനെ ആനന്ദ്..."" ശാന്തിയമ്മ അവനെ പിടിച്ചു കുലുക്കി.. ""പൊക്കോ പൊക്കോ എന്റെ കണ്ണ് മുന്നിന്ന്..നിങ്ങൾക്കൊക്കെ ഭ്രാന്താ.."" മുഴുത്ത ഭ്രാന്ത്‌.."" പൊക്കോ നിക്ക് കാണണ്ട ഒന്നിന്നേം.."" അവൻ ചങ്ങലകൾ ഇട്ട കാലുകൊണ്ട് അവരെ ഏറെ നേരെ തൊഴിച്ചു..അവസാനം അവൻ ഒറ്റ ഉന്ത് കൊടുത്തതും ശാന്തിയമ്മ വാതിലിന്റെ അരികിൽ വന്ന് വീണു.. മാഷ് ബഹളം കേട്ട് ഓടി വന്നതും കണ്ടത് വീണ് കിടക്കുന്ന ഭാര്യയെയാണ്.. മാഷ് മെല്ലെ ശാന്തിയമ്മയെ പിടിച്ചു എഴുന്നേൽപ്പിച്ചു.. അവർ രണ്ടുപേരും നിസ്സഹായതോടെ അവനെ നോക്കി.. പൊക്കോ.."" അവൻ അപ്പോഴും കാല് കട്ടിലിൽ ഇട്ട് അടിച്ചു അലറുന്നുണ്ടായിരുന്നു... ""എന്തെ ഇപ്പൊ ഉണ്ടായി.." നീ അവനോട് എന്തേലും പറഞ്ഞോ.."" മാഷ് അവരെ ഉമ്മറത്തിണ്ണയിൽ കൊണ്ട് ഇരുത്തി.. ""അവൻ വെളിയിൽ പോകണം മരുന്ന് കഴിക്കില്ല എന്നൊക്കെ ആണ് പറയുന്നത്.."" രാവിലെ മരുന്ന് കഴിച്ചില്ലേ... 📖 കഥയുടെ ബാക്കി ഭാഗങ്ങൾ ഇവിടെ വായിക്കാം: 👉 https://share.aksharathalukal.in/s/52406/view വായിച്ചിട്ട് അഭിപ്രായം പറയണേ 🥰 #💞 പ്രണയകഥകൾ #📔 കഥ #📙 നോവൽ