പ്രണയമധുരം.... ❤️ ✍🏼മഞ്ഞ് *സായൂജ് weds താര* ചുവരിൽ ഒട്ടിച്ച ചിത്രപ്പണിയിൽ നോക്കി നിൽക്കെ താരക്ക് ഉള്ളിൽ കുറ്റബോധം വന്നു തുടങ്ങി.... തന്റെ ആവിശ്യത്തിന് വേണ്ടി മറ്റൊരാളെ ബലിയാടാക്കി...!!! ഉള്ളിലെ സങ്കടവും തന്നോട് തന്നെ തോന്നുന്ന ഇഷ്ടക്കുറവും കണ്ണിൽ നിന്നും നീർ ദാരായായി പുറത്തേക്ക് ഒഴുകുന്നുണ്ടായിരുന്നു.... കല്യാണപരിവാടി എല്ലാം കഴിഞ്ഞ് അവൾ നന്നേ അവശയായിരുന്നു... കണ്ണൊന്നു അമർത്തി തുടച്ചവൾ അലമാരി തുറന്നു... മുന്നിൽ കണ്ട ഒരു ടോപ്പും പാന്റും എടുത്ത് കുളിമുറിയിലേക്ക് കയറി.... ഒന്ന് കുളിച്ച് പുറത്തിറങ്ങിയതും സായു തന്നെ കാത്തിരിക്കും പോലെ ബെഡിൽ ഇരിക്കുന്നുണ്ടായിരുന്നു.... "ക്ഷമിക്കണം... ഇതിനുള്ള പ്രതിവിധിയും ഞാൻ തന്നെ കണ്ടുപിടിച്ച് കൊള്ളാം..." സായുവിന്റെ മുഖത്ത് നോക്കാതെ അവൾ അത്രയും പറഞ്ഞ് മറുപുറം ഒരു അറ്റത്തായി ചുരുണ്ട് കിടന്നു... സായു അവളെ ഒന്ന് നോക്കി ലൈറ്റ് അണച്ച് കിടന്നു.... ഉള്ളിലെ സങ്കടം കണ്ണുനീരായി താര ഒഴുക്കി തീർത്തു... തലയിണയിൽ മുഖം അമർത്തി അവൾ ശബ്ദം പുറത്ത് വരാതെ തേങ്ങി കൊണ്ടിരുന്നു.... ************ "മീരേച്ചി വേഗം വായോ... അവരൊക്കെ എത്തിക്കാണും..." ചേച്ചിയേയും കൂട്ടി തറവാട്ടിലേക്ക് ഓടുകയാണ് താര...!! "നിൽക്കെടി ഒന്ന്... എനിക്ക് ശ്വാസം തിങ്ങുന്നു..." നെഞ്ചിൽ കൈ വെച്ച് കൊണ്ട് മീര തുടരെ ശ്വാസം എടുത്ത് വിട്ട് കൊണ്ട് പറഞ്ഞതും താര ഒന്ന് തിരിഞ്ഞ് നോക്കി.... "ന്നാ നീ കുറച്ച് നേരം അവിടെ നിന്നോ... ഞാൻ പോവാ..."ചിറി കോട്ടി കാണിച്ച് കൊണ്ട് അവൾ പാടത്തെ കുരുക്ക് വഴിയിലേക്ക് ചാടി... ഇവളെക്കൊണ്ട് ഞാൻ എന്ന മട്ടിൽ മീര ഒന്ന് ശ്വാസം നീട്ടി വലിച്ച് വിട്ട് അവൾക്ക് പിന്നാലെ പതുക്കനെ നടന്നു.... ******** "അമ്മൂമ്മേ.....!! അവരെത്തിയോ...." തറവാടിന്റെ ഗേറ്റ് തുറന്ന് കൊണ്ട് താര ഉറക്കെ വിളിച്ച് കൂവി.... "ന്റെ കുട്ട്യേ ചെവി ഇപ്പൊ അടിച്ച് പോവോ...? നീ പതുക്കെ ഒന്ന് കൂവ്...." വരാന്തയിലെ തിണ്ണയിൽ ഇരുന്ന അമ്മൂമ്മ ഒരു കൈ കൊണ്ട് ചെവി അടച്ച് മുറ്റത്തേക്കിറങ്ങി.... "എവിടെ എത്തിയോ...!!!" ഉള്ളിലെ ആകാംഷ മുഴുവൻ താരയുടെ മുഖത്ത് കാണാൻ ഉണ്ടായിരുന്നു... " ഇല്ല കുട്ട്യേ.... അവര് എത്തുന്നേ ഒള്ളു... " താരയുടെ തോളിൽ പിടിച്ചു തന്നിലേക്ക് അണച്ച് കൊണ്ട് അമ്മൂമ്മ പറഞ്ഞു.... "അപ്പോഴേ ഞാൻ ഇവളോട് പറഞ്ഞതാ മെല്ലെ പോവാ ന്ന്...!!" അവൾക്ക് പുറകെ കയറി വന്ന മീര താരയെ നോക്കി കെറുവിച്ച് കൊണ്ട് അമ്മൂമ്മക്ക് അരികിലേക്ക് ചെന്ന് കെട്ടിപിടിച്ചു.... " നീ പോടീ... അഥവാ അവര് വന്നിട്ടുണ്ടായിരുന്നുവെങ്കിലോ...!? " ചുണ്ട് ചുളുക്കി കൊണ്ടവൾ മീരയെ നോക്കി അമ്മൂമ്മയെ ഒന്നൂടെ മുറുക്കി കെട്ടിപിടിച്ചു... "വല്യമ്മ വിളിച്ചിരുന്നു മാമിക്ക്‌... എത്താൻ ആവുന്നുള്ളു എന്നാ മാമി പറഞ്ഞത്... ന്റെ കുട്ട്യോൾ വാ ഞാൻ വിശേഷം ചോദിക്കട്ടെ..." തന്നെ കെട്ടിപ്പിടിച്ചു നിൽക്കുന്ന താരയെയും മീരയെയും കൂട്ടി അമ്മൂമ്മ വരാന്തയിലേക്ക് കയറി.... "ആഹാ രണ്ടാളും എത്തിയോ... ദേ കുഞ്ഞേച്ചി ഇപ്പൊ പറഞ്ഞോള്ളൂ നിങ്ങളെ പറ്റി..." പുറത്തേക്ക് ഇറങ്ങി വന്ന മാമി അമ്മൂമ്മയോട് കൊഞ്ചി നിൽക്കുന്ന രണ്ടിനേം നോക്കി ചോദിച്ചു... "എന്നിട്ട് അമ്മ എവിടെ...?" "കുഞ്ഞേച്ചിന്റെ ഒരേ ഒരു ചേച്ചി വരുവല്ലേ വർഷങ്ങൾക്ക് ഇപ്പുറം... സത്കരിക്കാൻ വേണ്ടി വല്യേച്ചിക്ക് ഇഷ്ടള്ള സദ്യ ഒരുക്കുന്ന തിരക്കിലാ...ഞാനും ചെല്ലട്ടെ നിങ്ങളെ ശബ്ദം കേട്ട് ഓടിക്കിതാച്ചാവും വന്നെന്ന് അറിയുന്നത് കൊണ്ട് വെള്ളം കൊണ്ട് ഇങ് വന്നതാ " കൈയിലെ നാരക വെള്ളം രണ്ടുപേർക്കും കൊടുത്ത് നൈറ്റിയുടെ വശത്തായി കൈ തുടച്ച് ഭാമ അകത്തേക്ക് നടന്നു... "നാത്തൂനും നാത്തൂനും കൂടെ അകത്ത് വല്യ പണിയിലാ... എന്നെ അടുപ്പിക്കുന്നില്ല അങ്ങോട്ട്... ന്റെ കുട്ടി ഇങ്ങ് വരട്ടെ കാണിച്ച് കൊടുക്കാം ഞാൻ..." കള്ളപ്പിണക്കത്തോടെ അമ്മൂമ്മ പറഞ്ഞു.... "നിങ്ങൾ അതിന് അവരെ സഹായിക്കാൻ അല്ലല്ലോ കൂടണേ... സാമ്പാറിന്റെ കഷ്ണം ചെറുതായി... പായസത്തിൽ നെയ്യ് കുറവാ... പപ്പടം കറുത്ത് പോയി എന്നൊക്കെ രണ്ട് കുറ്റം പറയാനല്ലേ..." അമ്മൂമ്മയുടെ അതെ ടോണിൽ മീര അപ്പൊ തന്നെ മറുപടിയും കൊടുത്തു...അത് കേട്ട് താരയും ചിരിച്ചപ്പോൾ ചുണ്ട് കോട്ടി കാണിച്ച് കൊടുത്ത് അമ്മൂമ്മ ഇപ്പുറം തിരിഞ്ഞിരുന്നു.... ************ "ഇവിടെയാ അമ്മ പഠിച്ചത് കണ്ണാ...." കണ്ണന്റെ തോളിൽ തട്ടി ആയുഷ് ചൂണ്ടി കാണിച്ച് കൊടുത്തു... " ഞാൻ ഓടി കളിച്ച് നടന്ന സ്ഥലമാ ഇതൊക്കെ... എത്ര മാറ്റങ്ങളാ ഇവിടൊക്കെ സംഭവിച്ചേ...ഓരോന്നും ആലോയ്ക്കുമ്പോ വലുതാവേണ്ടിയിരുന്നില്ല എന്ന് തോന്നണു... " പണ്ടത്തെ ഓർമകൾ സരയു അയവിറക്കി.... "മ്മ് വലുതായില്ലേൽ എന്റെ തന്തപ്പിടിയെ പ്രേമിച്ച് അങ്ങനെ നടക്കായിരുന്നുലെ.... ഞങ്ങൾ മക്കൾ ഒന്നും ഇല്ലാതെ...." ഇടക്ക് കയറി ആരതി പറഞ്ഞു... " കേട്ടോ കണ്ണാ... ഇവർ വന്നതിൽ പിന്നെ ന്റെ പെണ്ണിനെ ഞാനൊന്ന് ശെരിക്ക് സ്നേഹിക്കാൻ പോലും സമയം തികയുന്നില്ലന്നെ....!!" സരയുവിന്റെ തോളിൽ കയ്യിട്ട് വർമ്മ പറഞ്ഞു.... "വയസ്സ് അറുപതിനോട് അടുക്കാനായിട്ടും റൊമാൻസും ചെയ്ത് നടക്കാ രണ്ടും കൂടെ..." ആയുഷ് മുഖം ചുളുക്കി... "നീ പോടാ " ഒട്ടും ഗൗനിക്കാതെ വർമ്മ ഒന്നൂടെ സരയുവിനെ ചേർത്ത് പിടിച്ചു.... "കണ്ണന് ബോർ അടിക്കുന്നുണ്ടോ... ഈ രണ്ട് വളവും കൂടെ കഴിഞ്ഞാൽ എത്താറായിട്ടോ..." "ഏയ് ഇല്ല അങ്കിൾ... നല്ല ഭംഗിയുണ്ട് ഇവിടം കാണാൻ..." ഫ്രണ്ട് സീറ്റിലിരുന്ന് കണ്ണൻ അതും പറഞ്ഞ് പരന്ന് കിടക്കുന്ന പാടങ്ങളിലേക്ക് നോക്കി ആസ്വദിച്ച് കൊണ്ടിരുന്നു... "മ്മ് ഇനിയിപ്പോ നീ ഇവിടെ തന്നെ അല്ലെ... കുറേ കഴിഞ്ഞും ഇങ്ങനൊക്കെ പറഞ്ഞാ മതി..." ആയുഷ് അവനെ കളിയാക്കി... ************* "മാമി അവരെത്തി....!!" ഉറക്കെ കൂവി വിളിച്ച് താര മുറ്റത്തേക്ക് ഒരു ഓട്ടം ആയിരുന്നു... പോർച്ചിൽ കാർ ഒതുക്കിയതും സരയുവും വർമ്മയും ഇറങ്ങിയതും താരയും മീരയും ഓടി ചെന്ന് രണ്ടുപേരെയും കെട്ടിപിടിച്ചു... "Guyssss.... Am back....!!!" ചീറിപോളിച്ച് ആരതി കൈകൾ വിടർത്തി രണ്ടുപേർക്കും നേരെ ഓടിച്ചെന്ന് കെട്ടിപിടിച്ചു... "മതിയെടി കഴുതേ... ഞാൻ ന്റെ ചെക്കനെ ഒന്ന് കാണട്ടെ..." താരയെ ഇറുക്കിപിടിച്ച കൈകൾ വിടുവിക്കാൻ നോക്കി കൊണ്ട് അവൾ ഏന്തി വലിഞ്ഞ് മൂഞ്ഞിലോട്ട് നോക്കി.... ഫ്രണ്ട് ഡോർ അടച്ച് ആയുഷ് ഇറങ്ങി ചിരിച്ച് കൊണ്ട് മുറ്റത്തേക്കിറങ്ങിയ അമ്മമ്മയേയും മാമിമാരെയും കെട്ടിപിടിച്ച് രണ്ടുപേർക്കും നേരെ തിരിഞ്ഞു... മീരയെ കെട്ടിപിടിച്ച ശേഷം അവൻ താരക്ക് അരികിൽ ചെന്നു... ഉള്ളിലെ ആർത്തിരമ്പുന്ന ഏതോ വികാരം കൊണ്ടവളുടെ കണ്ണുകൾ മുറ്റത്ത് വീക്ഷണം തേടിയിരുന്നു... "എടി കുരുത്തം കേട്ടതെ 2 വർഷം കൊണ്ട് നീ ആകെ മാറി സുന്ദരി ആയല്ലോ..." താരയുടെ മുടി പിടിച്ച് വലിച്ച് കൊണ്ടവൻ പറഞ്ഞതും അവൾക്ക് അടങ്ങാത്ത നാണം ആർത്തിരമ്പി... ചുരിദാർ ടോപ്പിൽ കൈകൾ കൊണ്ട് ഞെരിച്ച് ഒരു വിധം പാട് പെട്ടവൾ ഒന്ന് ഇളിച്ച് കൊടുത്തു... "വരൂ... അകത്തേക്ക് കയറാം...!!" അമ്മമ്മ നീട്ടി വിളിച്ച് കൊണ്ട് എല്ലാവരെയും അകത്തേക്ക് ക്ഷണിച്ചു....താരക്ക് ആകെ ഞെരിപിരി കൊള്ളുകയായിരുന്നു... രണ്ട് വർഷങ്ങൾക്കിപ്പുറം തന്നിൽ ഒളിപ്പിച്ച പ്രേമത്തെ ഇന്ന് നേരിൽ കണ്ടിരിക്കുന്നു.... സന്തോഷം കൊണ്ട് ഏഴ് ലോകവും കടന്നിട്ടുണ്ടവൾ.... (തുടരും...) #📙 നോവൽ #💞 പ്രണയകഥകൾ #📔 കഥ