Part 15 D അന്തമില്ലാത്ത വരികൾ - സഖിയുടെ സഖാവ് - അവളുടെ വേഗത്തിനൊപ്പം തന്റെ ചുവടുകളും ക്രമപ്പെടുത്തി ദേവും നടന്നു. ഇരുവരുടെയും ഇടയിൽ വാക്കുകൾ കുറവായിരുന്നു… പക്ഷേ, ആ നിശ്ശബ്ദതയിൽ പോലും ഒരു കരുതൽ നിറഞ്ഞിരുന്നു. തന്റെ കൂടെ ചുവടുവെക്കുന്ന ലക്ഷ്മിയുടെ മുഖത്തേക്ക് ദേവ് ഇടംകണ്ണിലൂടെ നോക്കി. ആ നിമിഷം അവന്റെ മനസ്സിൽ പറഞ്ഞറിയിക്കാനാകാത്തൊരു സന്തോഷം നിറഞ്ഞു. താൻ ഇത്രയും നാൾ അക്ഷരങ്ങളിലൂടെ മാത്രം അറിഞ്ഞിരുന്ന തന്റെ സഖി… ഇന്ന് തന്റെ അരികിലൂടെ നടക്കുന്നു. ആ ചിന്ത തന്നെ അവന്റെ ഹൃദയത്തിൽ ഒരു മൃദുവായ കുളിരായി പടർന്നു. അങ്ങനെ ഇരുവരും പാർട്ടി ഓഫീസിനുള്ളിലേക്ക് കടന്നു. ഇന്നലെ വരെ അക്ഷരങ്ങളിലൂടെ മാത്രം പരിചയപ്പെട്ടിരുന്ന രണ്ട് മനസ്സുകൾ… ഇന്ന് ഒരേ ഇടത്തിൽ, ഒരേ നിശ്ശബ്ദതയിൽ. സഖിയും… അവളുടെ സഖാവും. പക്ഷേ, ഒരാൾക്ക് മാത്രം അറിയാവുന്ന ഒരു സത്യം അവിടെ ഉണ്ടായിരുന്നു. അവൻ അവളെ തിരിച്ചറിഞ്ഞിരുന്നു… അവൾക്ക് അവനെ ഇപ്പോഴും അറിയില്ലായിരുന്നു. പാർട്ടി ഓഫീസിനുള്ളിൽ ഇനി നടക്കാൻ പോകുന്നത് എന്തായിരിക്കുമെന്ന് കാലം മാത്രമേ പറയൂ… കാത്തിരിക്കാം… തുടരും… അഭിപ്രായം comment ആയി രേഖപ്പെടുത്തൂ #📙 നോവൽ #📔 കഥ #📝 ഞാൻ എഴുതിയ വരികൾ #💞 പ്രണയകഥകൾ #തുടർകഥ