#📙 നോവൽ ... ഗംഗചേച്ചിയുടെ കാര്യം തന്നെയാണ് പറയുന്നത് ആളു മാറി പോയിട്ടൊന്നുമില്ലല്ലോ അല്ലേ... ഇല്ലടി... ഇത് അവര് തന്നെയാണ്. ഒരു മാറ്റവും ഇല്ല. ഈശ്വരാ. ഇതെന്തൊക്കെയാണ് ഈ കേൾക്കുന്നത്.. അപ്പോൾ അനന്തേട്ടൻ പറഞ്ഞതൊക്കെ കളവാണല്ലേ. അണ്ണന് ആ ചേച്ചിയുമായിട്ട് പ്രേമമൊന്നും ഇല്ലേ.. പ്രേമം... എടി അങ്ങനൊന്നുമില്ല അനന്തേട്ടൻ സത്യത്തിൽ ഗംഗയെ രക്ഷിക്കാൻ നോക്കിയതാണ്, അല്ലാണ്ട് മറ്റൊന്നുമില്ലടി.. ഞാനിപ്പോൾ എന്ത് ചെയ്യും... ഇവിടെ എല്ലാവരും അണ്ണനെ ചേച്ചിയെ കൊണ്ട് കല്യാണം കഴിപ്പിക്കാൻ ആണ്... ഇല്ലന്നെ... 100% എനിക്ക് ഉറപ്പാ പെണ്ണേ.. എറണാകുളത്തുനിന്ന് കട്ടപ്പന വരെ വന്നത് എന്റെ കൂടെയായിരുന്നു. നമ്മുടെ മാഷിന്റെ വീട്ടിൽ താമസിക്കാൻ ആയിട്ട് വന്നത്, ഞങ്ങൾ ബസ് സ്റ്റാൻഡിൽ വന്നിറങ്ങുമ്പോളാടി മാഷ് മരിച്ചുപോയ വിവരം അറിയുന്നത്. പിന്നീട് ഞാനും ഗംഗയും കൂടിയാണ് മാഷിന്റെ വീട്ടിലേക്ക് പോയത്... മ്മ്..... ഇനിയിപ്പോ എന്ത് ചെയ്യും അവരെ സേഫ് ആയിട്ട് എവിടെയെങ്കിലും ആക്കുവാൻ ആയിട്ടായിരിക്കും അനന്തേട്ടൻ ശ്രമിക്കുന്നത്. തൽക്കാലം നീ ഇതാരോടും പറയണ്ട. അങ്ങനെ പറയാണ്ടിരുന്നാൽ ഒക്കത്തില്ല. അമ്മയാണെങ്കിൽ അമ്മാവനെയും അപ്പച്ചിയെയും ഒക്കെ വിളിച്ചു വരുത്തിയിട്ടുണ്ട്. മാരിയമ്മൻകോവിൽ വച്ച് രണ്ടാളുടെയും കല്യാണം നടത്താനാ അമ്മയുടെ പ്ലാന് ഇതിപ്പോ ഒരു കെട്ട് കഴിഞ്ഞവരെ എങ്ങനെയാ,എന്റെ അണ്ണന്റെ ഭാര്യയായിട്ട് ഈ വീട്ടിലേക്ക് കയറ്റുന്നത്. അങ്ങനെയൊന്നും നടക്കാൻ പോകുന്നില്ല അനന്തേട്ടൻ അതിന് സമ്മതിയ്ക്കകയില്ല.. പിന്നെ...... പിന്നെ പ്രത്യേകിച്ച് ഒന്നുമില്ല,,, നീ ഇതിനെക്കുറിച്ച് ഒന്നോർത്ത് ടെൻഷനടിക്കേണ്ട. ഉമ മുറിയിലേക്ക് കയറി വന്നതും മാളു പെട്ടെന്ന് ഫോൺ കട്ട് ചെയ്തു. ആരാടി മോളെ വിളിച്ചത്...? എന്റെ ഫ്രണ്ട് ആണ്... എത് ഫ്രണ്ട്.... വിഷ്ണു.. എന്തിനാ അവൻ വിളിച്ചേ.. മാളു പരുങ്ങുന്നത് കണ്ടപ്പോൾ ഉമയ്ക്ക് എന്തൊക്കെയോ സംശയങ്ങൾ തോന്നി. എന്താണെന്ന് ഉമ പിന്നെയും ചോദിച്ചപ്പോൾ അപ്പച്ചി കുളിക്കാൻ കയറുമ്പോൾ കാര്യങ്ങൾ പറയാം എന്നാണ് മാളു അവർക്ക് മറുപടി കൊടുത്തത്.. എന്താടി... എന്തെങ്കിലും പ്രശ്നമുണ്ടോ.. ഉമയ്ക്ക് ടെൻഷനായി. ഇല്ലമ്മേ... പ്രശ്നമൊന്നുമില്ല അമ്മയോട് ഞാൻ പിന്നെ പറയാം... അപ്പച്ചി തൽക്കാലം ഇതൊന്നും കേൾക്കണ്ട... ആ സമയത്ത് അനന്തനും ഗംഗയും കൂടി കോൺവെന്റിലേക്ക് പോകുവാൻ തയ്യാറെടുക്കുകയായിരുന്നു. രണ്ടാളും കൂടി ഉമയോട് യാത്ര പറയുവാനായി മുറിയിലേയ്ക്ക് വന്നു.. അമ്മേ... അനന്തൻ വിളിച്ചതും ഉമ അവരുടെ അടുത്തേക്ക് ഇറങ്ങിച്ചെന്നു.. എന്തായാലും ഞാൻ സിസ്റ്ററോട് എന്ന് വരുന്ന കാര്യം പറഞ്ഞിരുന്നു. സിസ്റ്ററിപ്പോഎന്നെ വിളിച്ചു. ഹ്മ്മ്... പോയിട്ട് വാ മക്കളെ.. ഉമ പറഞ്ഞതും ഗംഗ അവരെ നോക്കി തല കുലുക്കി.. മോൾ എന്തിനാ ഈ ബാഗുമായിട്ട് പോകുന്നത്.. ഇതൊക്കെ ഇവിടെ വയ്ക്കുന്നേ. പറയുകയും അവളുടെ കയ്യിലിരുന്ന ബാഗ് ഉമ പിടിച്ചു മേടിച്ചു മേശപ്പുറത്തേക്ക് വെച്ചു.. അമ്മേ ഇവൾക്ക് അവിടെ താമസിക്കാൻ പറ്റുമോ എന്നാണ് സിസ്റ്റർ പറഞ്ഞത്... അതൊന്നും വേണ്ട അനന്ത... ഈ കൊച്ചിനും കൂടി കിടക്കാനുള്ള ഇടയൊക്കെ വീട്ടിലുണ്ട്.. ഉമ ഇത്തിരി ഗൗരവത്തിൽ മകനോട് പറഞ്ഞു. അമ്മേ... ആളുകളൊക്കെ ചോദിച്ചാല്.. അതിനല്ലേ മോനേ, നിന്നോട് ഇവളെ കല്യാണം കഴിയ്ക്കാൻ പറഞ്ഞത്. അത് പറയുകയും അനന്തൻ വെട്ടിതിരിഞ്ഞ് പുറത്തേക്ക് പോയി. ചെല്ലു മോളെ.. ചെന്നിട്ട് വേഗം വാ. തല കുലുക്കിക്കൊണ്ട് ഗംഗയും ഇറങ്ങി. ഇത്തിരി നേരം കിടക്കട്ടെ എന്ന് പറഞ്ഞ് സുശീല മുറിയിലേക്ക് പോയതും മാളു അമ്മയുടെ കയ്യും പിടിച്ച് അനന്തന്റെ മുറിയിലേക്ക് ഓടി വന്നു. എന്താടി.... എന്താ മോളെ കാര്യം... അമ്മേ ചില പ്രശ്നങ്ങൾ ഉണ്ട്.. മാളു ശബ്ദം താഴ്ത്തി. പ്രശ്നങ്ങളോ,,, എന്തു പ്രശ്നങ്ങൾ..... അത് പിന്നെ അമ്മേ ഗംഗ ചേച്ചിയുടെ വിവാഹം കഴിഞ്ഞതാണ്,.. ചേച്ചി അയാളെ ഉപേക്ഷിച്ചു പോന്നതാ.. ങ്ങെ ....... ഉമ കണ്ണുമിഴിച്ചുകൊണ്ട് മകളെ നോക്കി. സത്യണ് അമ്മേ... ആ ചേച്ചിയുടെ വിവാഹം കഴിഞ്ഞതാണെന്ന്,, പ്രഗ്നന്റ് ആയിരുന്നു, അത് അബോർഷൻ ആയിപ്പോയത്... മോളെ അപ്പൊ അനന്തൻ പറഞ്ഞതൊക്കെ... ഒക്കെ കളവാണ്... ഈ ചേച്ചി നമ്മുടെ മാഷിനെ കാണുവാനായി വന്നതാ,, ചേച്ചി ചേച്ചിയുടെ വീട്ടിൽ നിന്നും എല്ലാവരും കൂടി ഇറക്കി വിട്ടമ്മേ.. ആരും ആശ്രയം ഇല്ലാതെ ആ ചേച്ചി നാടുവിട്ടു പോന്നതാ.. എന്നിട്ട്... എന്നിട്ട്..... എന്നിട്ട് വിഷ്ണുവേട്ടൻ മിനിഞ്ഞാന്ന് എറണാകുളത്ത് പോയപ്പോൾ അവിടെവച്ച് ഈ ചേച്ചിയെ കണ്ടുമുട്ടി... ഏത്... ജയന്തി ടെ മകനോ. ഹ്മ്മ്.... ആ ചേച്ചിയുടെ ഭർത്താവ് വന്ന് ചേച്ചിയെ നടുറോഡിൽ വച്ച് ഉപദ്രവിച്ചപ്പോൾ വിഷ്ണുചേട്ടനാ പിടിച്ചു മാറ്റിയത്.. ചേച്ചി വിഷ്ണു ചേട്ടനോട് സംഭവിച്ച കാര്യങ്ങളൊക്കെ പറഞ്ഞു. കട്ടപ്പനയ്ക്ക് പോവുകയാണ്, മാഷിന്റെ പേരും അഡ്രസ്സും ഒക്കെ പറഞ്ഞപ്പോൾ വിഷ്ണു ചേട്ടന് അറിയാമെന്നും പറഞ്ഞ് കൂട്ടിക്കൊണ്ടുപോകുന്നതാണ്. സിറ്റിയിൽ എത്തിയപ്പോഴാണ് മാഷ് മരിച്ച വിവരം ചേട്ടൻ അറിയുന്നത്.. .... ... നടന്ന കാര്യങ്ങൾ ഒന്നൊന്നായി മകൾ പറയുന്നത് കേട്ട് വിറങ്ങലിച്ചിരിക്കുകയാണ് ഉമ.. ഒപ്പം ഒന്നും മേലാത്ത അവസ്ഥയും... ഇനിയിപ്പോ എന്ത് ചെയ്യും മക്കളെ..... അവർ വിഷമത്തോടെ മാളുവിനെ നോക്കി. ചേട്ടൻ വരട്ടെ... എന്തേലും തീരുമാനം ഉണ്ടാക്കാം...അമ്മ വിഷമിക്കുമൊന്നും വേണ്ട,,, മാളു അവരെ അശ്വസിപ്പിച്ചു. ഈ സമയത്ത് ഹെയർപിൻ വളവുകൾ ഒന്നൊന്നായി ഇറങ്ങി അനന്തന്റെ വണ്ടി മുന്നോട്ടു പോയിക്കൊണ്ടേയിരുന്നു. അമ്മയ്ക്കും മാളുവിനും ഒന്നും സംശയമില്ലല്ലോ അല്ലേ...? അനന്തൻ ചോദിച്ചതും ഇല്ലെന്ന് ഗംഗ മറുപടി കൊടുത്തു. തുടരും