part 22
" എന്താ കണ്ണാ നിന്റെ ഉദ്ദേശം...? എന്ത് ഉദ്ദേശത്തില നീ അവളെ കെട്ടിയെ...? " : സാബു ഒരു അനിഷ്ടത്തോടെ തന്നെ മുന്നിൽ നിൽക്കുന്നവനോട് ചോദിച്ചു.
ഉച്ചക്ക് ഗൗരിക്ക് ഉള്ള ചോർ കൊണ്ട് കൊടുക്കാൻ ഏൽപ്പിച്ചത് സാബുവിനെ ആണ്. അവൾക്കുള്ള പൊതിയും കൊണ്ട് കൊടുത്ത് തിരിച്ച് വരുന്ന വഴിയിൽ ആണ് നടന്ന് വരുന്ന കണ്ണനെ കാണുന്നത്.
ഉച്ച സമയം ആയത് കൊണ്ട് തന്നെ അതികം ഓട്ടം ഒന്നും ഇല്ലാത്തതിനാൽ എന്ത് കൊണ്ടും കണ്ണനോട് സംസാരിക്കാൻ പറ്റിയ സമയം ആയതിനാലും അവനെയും വിളിച്ച് കൊണ്ട് അതികം ആരും ഇല്ലാത്ത ഒരു ഇടം നോക്കി കൊണ്ട് വന്നതാണ് സാബു.
" നീ ഞാൻ ചോദിക്കുന്നത് കേട്ടില്ല എന്ന് ഉണ്ടോ. ഞാൻ കേട്ടതൊക്കെ സത്യം ആണോ നീ അവളുടെ തന്തക്ക് പൈസ കൊടുത്ത് ആണോ കല്യാണം കഴിച്ചേ...? " : താൻ ചോദിച്ചിട്ടും മിണ്ടാതെ നിൽക്കുന്നവനെ കണ്ടതും ഒരു ഈർഷ്യത്തോടെ സാബു വീണ്ടും ചോദിച്ചു.
" ഹ്മ്മ് " : താല്പര്യം ഇല്ലാത്ത പോലെ അവൻ ഒന്ന് മൂളി.
" ഡാ പന്ന. എന്താടാ നിന്റെ ഉദ്ദേശം ഏഹ്ഹ്...? പൈസ കൊടുത്ത് വാങ്ങാൻ അത് എന്താ വല്ല പട്ടിയോ പൂച്ചയോ മറ്റോ ആണോ നമ്മളെ പോലെ വികാരം ഒക്കെ ഉള്ള മനുഷ്യകുഞ്ഞ് തന്നെ അല്ലെ ഡാ അവളും. ഇപ്പൊ തന്നെ അതിന്റെ കോലം കണ്ടിട്ട് സഹിച്ചില്ല, കരഞ്ഞ് കരഞ്ഞ് ഒരു പരുവം ആയിട്ട് ഉണ്ട് അത്. " : ദേഷ്യത്തോടെ പറഞ്ഞ് തുടങ്ങിയത് എങ്കിലും അവസാനം എത്തിയപ്പോഴേക്കും സാബു തീർത്തും സങ്കടത്തോടെ പറഞ്ഞു.
" സാദാരണ എല്ലാരും കല്യാണം കഴിക്കുന്നത് എന്ത് ഉദ്ദേശത്തിൽ ആണോ ആ ഉദ്ദേശം മാത്രേ എനിക്കും ഉള്ളു. പിന്നെ കാശിന്റെ കണക്ക്, മാന്യമായിട്ട് ഞാൻ അങ്ങോട്ട് പോയി ചോദിച്ചതല്ലേ അപ്പൊ അങ്ങേർക്ക് ഞാൻ അങ്ങോട്ട് പണം കൊടുത്താലേ എനിക്ക് അവളെ തരൂ അത്രേ. പിന്നെ ഞാൻ എന്ത് വേണം. " അവൻ ഒരു രോഷത്തോടെ പറഞ്ഞ് നിർത്തി.
" എടാ എന്നാലും ഇത് ഇത്തിരി കടന്ന് പോയില്ലേ. ഇത് ഇപ്പൊ അവളെ നീ വിലക്ക് വാങ്ങിയത് പോലെ ആയില്ലേ. നിനക്ക് എങ്കിൽ അയാളോട് സത്യം തുറന്ന് പറഞ്ഞുടർന്നോ...? " : അതും പറഞ്ഞ് കണ്ണന്റെ മുഖത്ത് നോക്കിയതും തന്നെ തുറിച്ച് നോക്കുന്നവനെ കണ്ടതും സാബു ഒന്ന് പരുങ്ങി.
" അ.. അതല്ല ഡാ ചെലപ്പോ നിന്നെ ഒഴിവാക്കാൻ വേണ്ടി ആണെങ്കിലോ അയാൾ പണം ചോദിച്ചത്. " : സാബു ഉള്ളിൽ ഉള്ള സംശയം അവൻ നേരെ ഉന്നയിച്ചു.
" എന്റെ സ്ഥാനത്ത് മറ്റ് ആര് ആയിരുന്നാൽ പോലും അയാൾ ഇത് തന്ന ചെയ്തേനെ.
അന്ന് ഞാൻ അവളെ ചോദിച്ച് ചെന്നപ്പോഴും അയാൾ പറഞ്ഞത്
' നിനക്ക് പണം തരാൻ കഴിയും എങ്കിൽ നാളെ തന്നെ അവളെ നിനക്ക് കെട്ടിച്ച് തരും. അവൾക്ക് വേണ്ടി ഇങ്ങോട്ട് പണം തന്ന് അവളെ കെട്ടാൻ വേറെ ഒരു കൂട്ടർ ചോദിച്ചിട്ടുണ്ട്. അത് കുറച്ച് ദൂരെന്ന, ഇതിപ്പോ നീ ചോദിച്ച സ്ഥിതിക്ക് ഞാൻ പറഞ്ഞെന്നെ ഉള്ളു. നിന്റെ മറുപടി അറിഞ്ഞിട്ട് വേണം എനിക്ക് അവരോട് ഒരു തീരുമാനം പറയാൻ. '
തല്ലും പിടിയും ആയിട്ട് നടക്കുന്ന എന്നോട് പോലും പൈസ ചോദിച്ച് ആണ് അവളെ കെട്ടിച്ച് തന്നതെങ്കിൽ ആ പന്നൻ ആർക്ക് വേണം എങ്കിലും 'എന്റെ പെണ്ണിനെ ' " : പറയാൻ വന്നത് മുഴുവൻ ആകാതെ പല്ല് കടിച്ച് കൊണ്ട് അവൻ മുഷ്ടി ചുരുട്ടി.
അത് കേട്ടതും സാബുവിന്റെ മനസ്സിലും സതീശനോട് ഉള്ള വെറുപ്പ് നിറഞ്ഞു.
" പിന്നെ അയാൾക്കും അയാളുടെ കുടുംബത്തിനും ഒഴുവാക്കേണ്ടത് എന്നെയല്ല എന്റെ പെണ്ണിനെയാ അതല്ലേ നീ നേരത്തെ പറഞ്ഞത് പോലെ പട്ടിയെയോ പൂച്ചയോ വിൽക്കുന്ന ലാഗവാത്തിൽ അവളെ എനിക്ക് കൈ മാറിയത്, എല്ലാത്തിനും ഉപരി ഞാൻ പറഞ്ഞ എല്ലാ കണ്ടിഷനും സമ്മതിച്ചതും. " : പുച്ഛത്തോടെ കണ്ണൻ പറഞ്ഞു.
എന്നാൽ കണ്ണൻ പറയുന്നത് കേട്ടതും സാബുവിന്റെ നെറ്റി ഒന്ന് ചുളിഞ്ഞ് പോയി.
" നീ എന്ത് കണ്ടീഷൻ വെച്ചെന്ന്. " : അതെ സംശയത്തോടെ തന്നെ സാബു കണ്ണൻ നേരെ തിരിഞ്ഞു.
ആ ചോദ്യം കേട്ടതും കണ്ണൻ ഒരു ദീർഘനിശ്വാസം എടുത്ത് കൊണ്ട് ഗൗരിക്ക് വേണ്ടി സതീശനെ പോയി കണ്ടതും, അയാൾ തന്റെ ആവിശ്യം ഉന്നയിച്ചതും, ഗൗരിയോട് സംസാരിക്കാൻ അവളുടെ വീട്ടിൽ പോയതും, അവൾ ആത്മത്യക്ക് ശ്രമിച്ചതും, അതിന് പിന്നാലെ ഉള്ള തന്റെ പ്രതികരണവും, അവൻ തയ്യാറാക്കിയ പ്രമാണവും, അതിന് ഒരു എതിർപ്പും പറയാതെ ഒപ്പ് ഇട്ട് പൈസയും വാങ്ങി പോയ സതീശനെയും കുടുംബത്തെയും കുറിച്ച് പറഞ്ഞ് നിർത്തി.
എല്ലാം കേട്ട് ആകെ ഒരു മരവിപ്പ് ആയിരുന്നു സാബുവിൽ. ഇത്രയും മനുഷ്യത്തം ഇല്ലാതെ ആകുമോ മനുഷ്യർക്ക് അതും സ്വന്തം മോളോട് അതാണ് അവന് ചിന്തിച്ചത്.
" എടാ പൈസ കൊടുത്ത് അവളുടെ സമ്മതം ഇല്ലാതെ അവളെ കൂടെ കൂടിയത് തന്നെ ഒരു പെണ്ണിനോട് ചെയ്യുന്ന ക്രൂരത തന്നെയാ. എന്നിട്ടും നീ എന്തിനാ അവളിൽ നിന്നും പൂർണമായിട്ട് അവരെ അകറ്റിയെ, അയാൾക്ക് അവൾ മകൾ ആണെന്ന വിചാരം ഇല്ലെങ്കിലും ഗൗരിക്ക് അങ്ങനെ അല്ലല്ലോ, അവൾക്ക് ആകെ ഉള്ള ബന്ധം അയാൾ അല്ലെ. നാളെ അവൾക്ക് ഒരു ആവിശ്യം വന്നാൽ അവൾ ഓടി ചെല്ലാൻ ആഗ്രഹിക്കുന്ന തണലും അത് ആയിരിക്കില്ലേ. എന്നി.. "
" അങ്ങനെ പണത്തിന് വേണ്ടി അവളെ വിൽക്കാൻ പോലും തയ്യാറായി നിൽക്കുന്ന ഒരു ബന്ധവും അവൾക്ക് ഇനി വേണ്ട അത് ഇനി അവളുടെ തന്ത ആണെങ്കിലും ശെരി. പിന്നെ ഈ നിമിഷം മുതൽ അവൾക്ക് എന്ത് ആവിശ്യം വന്നാലും ഓടി വരാൻ അവൾക്ക് ഒരു ഭർത്താവ് ഉണ്ട് അത് മതി അവൾക്ക്. എന്ത് പണി എടുത്തിട്ട് ആണെങ്കിലും പട്ടിണി കൂടാതെ അവളെ നോക്കാൻ കഴിയും എന്ന ചങ്കുറപ്പും എനിക്ക് ഉണ്ട്. " : സാബു പറഞ്ഞ് പൂർത്തി ആകുന്നതിനു മുന്നേ തന്നെ കണ്ണന്റെ ശബ്ദം അവിടെ ഉയർന്നു.
കണ്ണൻ പറയുന്നത് കേട്ടതും സാബുവിന്റെ അധരം ചെറുതായി ഒന്ന് വിടർന്നു. പിന്നെ എന്തോ ഓർത്തത് പോലെ അത് മായുകയും ചെയ്തു.
" എടാ ഗൗരി " : പറയാൻ വന്നത് ഒരു വല്ലയിമയോടെ സാബു തടഞ്ഞ് വെച്ചു.
അവന് എന്താ ഉദ്ദേശിച്ചത് എന്ന് മനസ്സിലായത് കണ്ണൻ ആഞ്ഞ് ഒന്ന് ശ്വാസം വലിച്ച്വിട്ടു.
" അറിയാം ഒരു പെണ്ണിനും ഉൾകൊള്ളാൻ കഴിയാത്ത കാര്യങ്ങൾ ആണ് അവളുടെ ജീവിതത്തിൽ നടന്നത് എന്ന്. അവൾ സമയം എടുത്തോട്ടെ എന്നെ ഞാൻ ആയി ഉൾക്കൊണ്ട് അവൾ അറിയേണ്ടത് ഒക്കെ അറിയിച്ചിട്ടേ ഞങ്ങൾ ജീവിച്ച് തുടങ്ങു. " : ഒരു ഉറപ്പോടെ തന്നെ കണ്ണൻ പറഞ്ഞ് നിർത്തി.
പിന്നെയും അവനോട് എന്തൊക്കെയോ ചോദിക്കാൻ തോന്നിയെങ്കിലും അതെല്ലാം മനസ്സിൽ ഒതുക്കി കണ്ണന്റെ തോളിൽ ഒന്ന് തട്ടി കൊണ്ട് ഓട്ടോയിൽ കയറി.
" നീ ഇനി എങ്ങോട്ടാ ഞാൻ സ്റ്റാൻഡിലോട്ട അവിടെ വല്ലതും ആണെങ്കിൽ നിന്നെ ഞാൻ ആക്കി തരാം. " : ഓട്ടോയിൽ ഇരുന്ന് കൊണ്ട് തന്നെ സാബു കണ്ണനോട് തിരക്കി.
" ഹാ എനിക്ക് ആ ജംഗ്ഷൻ വരെ ഒന്ന് പോകണം നീ സ്റ്റാൻഡിൽ എന്നെ ഇറക്കിയ മതി. " : സ്വാതുവെ ഉള്ള ഗൗരവത്തോടെ തന്നെ സാബുവിനോട് പറഞ്ഞ് കൊണ്ട് കണ്ണൻ ഓട്ടോയിൽ കയറി.
__________________________________________
" എന്നാലും ഒരു നിമിഷം ഞാൻ അങ്ങ് പേടിച്ച് പോയി, കാര്യങ്ങൾ ഇവിടെ വരെ കൊണ്ട് എത്തിച്ചിട്ട് അവസാന നിമിഷം അവൻ കാല് മാറിയോ എന്ന് ഓർത്ത്. " : ലത ഒരു നെടുവീർപ്പോടെ പറഞ്ഞു.
" ഞാനും അമ്മ. അപ്പോഴത്തെ സതീഷേട്ടന്റെ ഭാവം കണ്ടതും ഗൗരിയെ തിരിച്ച് വിളിച്ചോണ്ട് വരുമോ എന്ന് പോലും ഞാൻ ഒന്ന് ഭയന്നു. കൃത്യം ലെച്ചു ഇടപെട്ടത് കൊണ്ട് എല്ലാം ഭംഗി ആയി നടന്നു. " : സരസ്വതി ലെച്ചുവിനെ അഭിമാനത്തോടെ നോക്കി കൊണ്ട് പറഞ്ഞു.
ലെച്ചു എല്ലാം കേട്ട് ചിരിയോടെ തന്നെ അവരുടെ ഒപ്പം ഇരിപ്പുണ്ട്.
സതീശന് ഒരു കാൾ വന്ന് പുറത്തോട് പോയപ്പോൾ ഉള്ളിൽ ഒതുക്കിയ ആകുലതകൾ പുറത്തോട്ട് ഇറക്കിയതാണ് മൂന്ന് പേരും.
" ഹാ എന്തായാലും എല്ലാം നല്ലത് പോലെ നടന്നല്ലോ അത് മതി. ആ നാശത്തിനെ ഇനി നമ്മൾ നോക്കണ്ടല്ലോ എന്നതാണ് വലിയ ആശ്വാസം. ഇതുവരെ അവളെ പൊക്കി പറഞ്ഞവരൊക്കെ ഇപ്പൊ ഇരുന്ന് അവളെ കുറ്റം പറയുന്നിണ്ടാവും. ഇനി എല്ലാരും എന്റെ മോളെ മനസ്സിലാകും. " : സരസ്വതി ഒരു പുച്ഛത്തോടെ പറഞ്ഞു.
ആ പുച്ഛം പതിയെ ലതയിലേക്കും ലെച്ചുവിലേക്കും പടർന്നു. അപ്പൊ ലെച്ചുവിന്റെ മനസ്സിൽ അമ്പലമുറ്റത്ത് വെച്ച് ഗൗരിയെ കുറിച്ച് കേട്ട കാര്യങ്ങൾ ആയിരുന്നു.
" ഹാ എന്തായാലും നാളെ തന്നെ പൈസ ബാങ്കിൽ കൊണ്ട് ഇടണം. ഇവിടെ ഇരിക്കുന്നത് അത്ര ബുദ്ധി അല്ല. " : ലത കാര്യഗൗരവത്തിൽ പറഞ്ഞു.
" ഈ പൈസ കൊണ്ട് ലെച്ചുവിന് സ്വർണം എടുക്കാം എന്നൊരു ഉദ്ദേശത്തില ഞങ്ങൾ ഇരിക്കുന്നെ. " : അകത്തോട്ടു കയറി വന്ന സതീശൻ സരസ്വതിയെ നോക്കി കൊണ്ട് പറഞ്ഞു.
" എന്ത് തന്നെ ആയാലും വേണ്ടിയില്ല എല്ലാം പെട്ടന്ന് വേണം, ചുറ്റും കള്ളക്കൂട്ടങ്ങള. " ലത ഒരു അമർശത്തോടെ പറഞ്ഞു.
അത് കേട്ട് നിന്നവരുടെയും മനസ്സിൽ അത് തന്നെ ആയിരുന്നു.
" ഹാ പിന്നെ സതീശാ ഇനി എത്രയും പെട്ടന്ന് തന്നെ ലെച്ചുവിനും ഒരു നല്ല ആലോചന നോക്കണം. പെണ്ണിനും വയസ്സ് കേറി കേറി വരുവല്ലേ. ഇനിയും വെച്ച് താമസിപ്പിക്കണ്ട. " : ലത ഗൗരവം വിടാതെ പറഞ്ഞു.
എന്നാൽ ലതയുടെ സംസാരം കേട്ടതും ആദ്യം ഒന്ന് ഞെട്ടിയെങ്കിലും പിന്നെ ഒരു നാണത്തോടെ അവിടെ നിന്ന് എണീറ്റ് അവളുടെ മുറിയിലേക്ക് നടന്നു.
" കണ്ടോ പെണ്ണിന് അപ്പോഴേക്കും നാണം വന്നു. " : ലെച്ചു മുറിയിൽ കയറുന്നതിനു മുന്നേ തന്നെ സരസ്വതിയുടെ ആ ഡയലോഗും അതിന് പിന്നാലെ ഉയർന്ന ചിരിക്കലും അവളും കേട്ടു.
അതെ ചിരിയോടെ തന്നെ വാതിൽ അടച്ച് ഫോണും കൊണ്ട് ബെഡിലേക്ക് മറിഞ്ഞു. ഇന്ന് നടന്നതൊക്കെ പൊടിപ്പും തൊങ്ങലും ചേർന്ന് പ്രിയപ്പെട്ടവനെ അറിയിക്കാൻ.
__________________________________________
കണ്ണ് തുറന്ന് നോക്കിയതും പരിചയം ഇല്ലാത്ത സ്ഥലം കണ്ടതും ഗൗരി കട്ടിലിൽ നിന്ന് ഞെട്ടി പിടഞ്ഞ് എണീറ്റു.
എണീറ്റത്തും മുന്നിൽ നില്കുന്നവനെ കണ്ടതും അവളുടെ ശരീരം വിറച്ചു.
മദ്യപിച്ച് കാല് ഉറക്കതെ ഡോർ റെസ്റ്റിൽ പിടിച്ച് നിൽക്കുന്ന കണ്ണൻ. അവന്റെ കണ്ണിലെ ഭാവം അത് അവളെ പാടെ തളർത്തി കളഞ്ഞു.
അവൻ ഒരു വഷളൻ ചിരിയോടെ അടുത്ത് വരുന്നത് അറിഞ്ഞെങ്കിലും ഒന്ന് അനങ്ങാൻ പോലും കഴിയാതെ അവൾ അവിടെ തറഞ്ഞ് നിന്നു.
തുടരും......
#നോവൽ #തുടർകഥ #പ്രണയം #viral #trending