കാതൽ - 3 ✍🏻Ami ​അഷ്‌ന പോയി ഒരു പത്ത് മിനിറ്റ് കഴിഞ്ഞപ്പോൾ നിച്ചു തന്റെ മനസ്സ് ശാന്തമാക്കി നീലുവിന്റെ ക്യാബിനിലേക്ക് നടന്നു. ​വാതിൽ തുറന്ന് അകത്തു കയറി അവൻ ചോദിച്ചു: "നീ എന്തിനാ ഇങ്ങോട്ട് വിളിച്ചേ?" നീലു സങ്കടം മറച്ചുവെക്കാൻ ശ്രമിച്ച് ഗൗരവത്തിൽ പറഞ്ഞു: "ഇവിടെ മുരളി അങ്കിൾ വന്നിരുന്നു." "അച്ഛനോ? അച്ഛൻ എന്തിനാ ഇങ്ങോട്ട് വന്നത്?" നിച്ചുവിന് അത്ഭുതമായി. "നീ വിവാഹത്തിന് സമ്മതിക്കണം എന്ന് പറയാൻ. ഞാൻ പറഞ്ഞാൽ നീ കേൾക്കും എന്ന് അങ്കിൾ വിശ്വസിക്കുന്നു," നീലു അവനെ നോക്കി പറഞ്ഞു. നിച്ചുവിന്റെ മുഖം ഇരുണ്ടു: "ഞാൻ അങ്ങനെ ചെയ്യുമെന്ന് നിനക്ക് തോന്നുന്നുണ്ടോ നീലു?" "എനിക്ക് നിന്നെ അറിയാം നിച്ചു. അങ്കിൾ നേരിട്ട് പറഞ്ഞാൽ നീ കേൾക്കില്ല എന്ന് അറിയാവുന്നത് കൊണ്ടാണ് എന്നോട് സംസാരിച്ചത്." "എന്നിട്ട് നീ തിരിച്ചു അച്ഛനോട് എന്ത് പറഞ്ഞു?" അവൻ ഉദ്വേഗത്തോടെ ചോദിച്ചു. "ഞാൻ നിന്നോട് സംസാരിക്കാം എന്ന് പറഞ്ഞു," നീലു പതുക്കെ ഒരു കള്ളച്ചിരിയോടെ അവനെ നോക്കി. "അപ്പോൾ mr. കല്യാണച്ചെക്കാ, എന്താണ് നിന്റെ തീരുമാനം? Yes or No?" "No! എന്റെ ഉത്തരം എപ്പോഴും No ആയിരിക്കും," നിച്ചു തറപ്പിച്ചു പറഞ്ഞു. "എന്തുകൊണ്ട്?" നീലുവിന്റെ ചോദ്യത്തിൽ ഒരു വേദനയുണ്ടായിരുന്നു. "നിനക്ക് എന്റെ അവസ്ഥ നന്നായി അറിയാമല്ലോ നീലു. പിന്നെ എന്തിനാ നീയും കൂടി എന്നെ ഇങ്ങനെ നിർബന്ധിക്കുന്നത്?" നിച്ചുവിന്റെ ആ ചോദ്യത്തിന് മുന്നിൽ നീലുവിന് മറുപടി ഇല്ലായിരുന്നു. അവൾ മൗനം പാലിച്ചു. ​അല്പസമയത്തെ നിശ്ശബ്ദതയ്ക്ക് ശേഷം നീലു പറഞ്ഞു: "പിന്നെ മറ്റൊരു കാര്യമുണ്ട്. നമുക്കൊരു പുതിയ പ്രൊജക്റ്റ്‌ വന്നിട്ടുണ്ട്. അത് അഷ്‌നയ്ക്കും വരുണിനും കൊടുത്താലോ എന്നാണ് ഞാൻ ആലോചിക്കുന്നത്. നിന്റെ അഭിപ്രായം എന്താ?" "എനിക്ക് യാതൊരു പ്രശ്നവുമില്ല. അവർ മിടുക്കരല്ലേ, അത് പെർഫെക്റ്റ് ആയിട്ട് ചെയ്തോളും," നിച്ചു പൂർണ്ണ സമ്മതം മൂളി. "ശരി, അങ്ങനെയെങ്കിൽ നമുക്ക് നാളത്തെ മീറ്റിംഗിൽ പറയാം.." "ഓക്കെ," നിച്ചു ക്യാബിന് പുറത്തേക്ക് നടന്നു. 🌷🌷🌷🌷🌷🌷🌷🌷🌷🌷🌷🌷🌷🌷🌷🌷 ​അതേസമയം, ആരും കാണാതെ മറ്റൊരു കോണിൽ ആ ദുരൂഹ വ്യക്തികൾ വീണ്ടും സംസാരിക്കുന്നുണ്ടായിരുന്നു: "പിന്നെ ഒരു കാര്യം നമ്മൾ പ്രത്യേകം ശ്രദ്ധിക്കണം." "എന്ത് കാര്യമാ?" "അവരിരുവരും ഭൂതകാലം മറക്കണം. പക്ഷേ, മറന്ന ശേഷം അവർ വേറെയൊരു വിവാഹത്തിന് തയ്യാറായാൽ നമ്മൾ ഇതുവരെ ചെയ്ത കാര്യങ്ങളെല്ലാം വെറുതെയാകും. അത് തടയണം!" "ശരിയാണ്, നീ പറഞ്ഞത് നമ്മൾ ശ്രദ്ധിക്കണം." തുടരും.. #📔 കഥ #💞 പ്രണയകഥകൾ #📙 നോവൽ