ചെങ്കൽ ചൂള...(35) ജനം ഇളകി... അവസാനം ബോംബെ ജാദൂഗർ രാജു തന്നെ മത്സരിക്കുമെന്ന് വാസുവിനും പാർട്ടിക്കും സമ്മതിക്കേണ്ടി വന്നു. തുടർന്ന് കാമിനിയും ബോംബെ ജാദൂഗർ രാജുവും മത്സരിക്കുമെന്ന് അനൗൺസ്മെൻ്റ് ചെയ്തു: "കലാ പ്രേമികളും, കലാ സ്നേഹികളും നല്ലവരും, സഹൃദയരുമായ പ്രിയപ്പെട്ട നാട്ടുകാരെ... ആദ്യ ദിവസം അനൗൺസ്മെൻ്റ് ചെയ്തതിന് വിപരീതമായി അനൗൺസ്മെൻ്റ് ചെയ്തതിൽ ഖേദിക്കുന്നു... അനൗൺസ്മെൻ്റ് ചെയ്തതിന് വിപരീതമായി പരിപാടി അവതരിപ്പിച്ചതിലും ഞങ്ങൾ ഖേദിക്കുന്നു... അനൗൺസ്മെൻ്റ് ചെയ്ത ആൾക്ക് സംഭവിച്ച പാകപ്പിഴയാണത്. സംഭവം ഞങ്ങൾ അറിഞ്ഞില്ല. നല്ലവരും കലാ സ്നേഹികളുമായ നല്ലവരായ നിങ്ങൾ സദയം ക്ഷമിച്ച് പരിപാടിയെ ഗംഭീരമാക്കി അനുഗ്രഹിക്കുമെന്ന ഉറച്ച വിശ്വാസത്തോടെ കളരി, കരാട്ടെ, ജപ്പാനീസ്, ചൈനീസ് കരാട്ടെ ബ്ലാക്ക് ബെൽറ്റ്, റെഡ് ബെൽറ്റ് ധാരിയായ നിങ്ങളുടെ പ്രിയപ്പെട്ട കാമിനിയും, ബോംബെ ജാദൂഗർ രാജുവും തമ്മിലുളള കരാട്ടെ മത്സരം ഇതാ ആരംഭിക്കുന്നു... സ്റ്റേജിൽ റെഡ് ബെൽറ്റ് ധരിച്ച കാമിനിയും ബോംബെ ജാദൂഗർ രാജുവും പ്രത്യക്ഷപ്പെട്ടു... കാമിനി സാക്ഷാൽ കരാട്ടെ തന്നെ പുറത്തെടുത്തു... മൽപ്പിടുത്തം ദ്വന്ദയുദ്ധം പോലെ കൊടുംപിരി കൊണ്ടു... കാമിനി കളരിയും, കരാട്ടെയും, ചൈനീസ്, ജപ്പാനീസ് കരാട്ടെയും മാറി മാറി പ്രയോഗിച്ചു... ജാദൂഗർ രാജുവിൻ്റെ അടവുകളെ കാമിനി നിഷ്പ്രയാസം തടഞ്ഞു... രാജു കാമിനിയെ കൈയ്യിലൊതുക്കി നിലത്ത് തളളിയിടാൻ എല്ലാ അടവുകളും പയററി... തളർന്നുപോകാതിരിക്കാൻ കാമിനി കൂടുതൽ മൽപ്പിടുത്തത്തിന് നില്ക്കാതെ പിടി വിട്ട് ഒഴിഞ്ഞു മാറി കൊണ്ടിരിക്കുന്നു... ഒരു മണിക്കൂറായപ്പോൾ ജാദൂഗർ രാജു കാമിനിയെ പിടിക്കാൻ കറങ്ങി കറങ്ങി തളർന്നു... രാജു തളർന്ന് അവശനായപ്പോൾ കളരിയിലൂടെ കാമിനി പൂട്ടിട്ട് രാജുവിനെ ഇരുത്തി കിടത്തിയ ശേഷം രാജുവിൻ്റെ കാല് പിടിച്ചുയർത്തി ജയിച്ചു. (തുടരും) #📙 നോവൽ #📔 കഥ #💚 എന്റെ കേരളം #💓 ജീവിത പാഠങ്ങള്‍ #😋 തനി നാടൻ രുചികൾ