വിനോദ് ഡെയിനിങ് ഹാളിലേക്ക് വന്ന് ഒരു കസേരയിൽ ഇരുന്നു. രാഘവനും ഇന്ദിരയും കല്യാണിയും ഗൗരിയും എല്ലാം അവനെ പേടിയോടെ നോക്കി അപ്പുറത്തുള്ള കസേരകളിൽ ഇരിക്കുന്നുണ്ടായിരുന്നു. വിനോദ് കൂടി ഇരുന്നതും മാളുവും ചിന്നുവും പവിത്രയും ചേർന്ന് എല്ലാവർക്കും ഭക്ഷണം വിളമ്പാൻ തുടങ്ങി... ഇന്ദ്രൻ അപ്പോഴേക്കും അവിടെ എത്തിയിരുന്നു. അവൻ വിനോദിനെ ഒന്ന് നോക്കി രാഘവൻ്റെ അടുത്തുള്ള കസേരയിലേക്ക് ഇരുന്നു. മാളു എല്ലാവർക്കും ഭക്ഷണം വിളമ്പി.. ഇന്ദ്രന്റെ അടുത്തെത്തി അവന്റെ പ്ളേറ്റിൽ ഭക്ഷണം വിളമ്പുമ്പോൾ അവളുടെ കൈകൾ വിറയ്ക്കുന്നുണ്ടായിരുന്നു. ഇന്ദ്രന്റെ നോട്ടം ദാവണിക്ക് ഇടയിൽ കൂടി കാണുന്ന അവളുടെ ഇടുപ്പിൽ എത്തി നിന്നു.. അവൻ്റെ കണ്ണുകൾ വിടർന്നു. കുറച്ച് മുന്നേ നടന്ന സംഭവം എല്ലാം അവൻ അപ്പോൾ മറന്നുപോയി.. അവൻ്റെ കണ്ണിൽ അവളുടെ ആ ഭംഗിയുള്ള ഇടുപ്പ് മാത്രം നിറഞ്ഞു നിന്നു.. അവയിൽ ഒന്ന് പിച്ചി വലിക്കാൻ അവന് കൊതി തോന്നി. അവൻ അതേ കൊതിയോടെ അവളുടെ ഇടുപ്പിലേക്ക് കൈ കൊണ്ട് പോയി. മാളു.... പെട്ടന്ന് ഹരിയുടെ ശബ്‌ദം അവിടെ ഉയർന്നു. ഇന്ദ്രൻ ഞെട്ടലോടെ കൈ താഴ്ത്തി. മാളു ഒന്നും അറിഞ്ഞിട്ടില്ലാത്തത് കൊണ്ടുതന്നെ എന്താ എന്നപോലെ ഹരിയെ നോക്കി. എന്താ ഹരിയേട്ടാ... അവൾ ചോദിച്ചു ഇന്ദ്രൻ ഹരിയെ നോക്കി... ഹരിയുടെ നോട്ടവും അവനിൽ തന്നേ ആയിരുന്നു. ഇന്ദ്രൻ ഉൾകിടിലത്തോടെ ഹരിയെ മിഴിച്ചു നോക്കി. ഹരി ദേഷ്യത്തോടെ അവനിൽ തന്നെ ദൃഷ്ടി ഊന്നി ഇരിക്കുകയായിരുന്നു അപ്പോൾ. ഇന്ദ്രൻ പെട്ടന്ന് തലതാഴ്ത്തി. അത് മോളെ മോളും കൂടി ഇരിക്ക് ഇവിടെ .... രാവിലെ ഒന്നും കഴിച്ചു കാണില്ലല്ലോ. അവൻ അവളെ നോക്കി ചിരിയോടെ പറഞ്ഞപ്പോൾ മാളു ചിരിച്ചുകൊണ്ട് ഇന്ദ്രന്റെ അടുത്ത് നിന്നും മാറി നിന്നു. ഞാൻ പിന്നെ കഴിച്ചോളാം ഹരിയേട്ടാ.. അവൾ പുഞ്ചിരിയോടെ അവനോട് പറഞ്ഞു വിനോദ് മാളുവിനെ മുഖം ഉയർത്തി നോക്കി ഗായു... ഉണ്ണിയേട്ടൻ്റെ അടുത്ത് വന്നിരിക്ക്... ഉണ്ണിയേട്ടന് വാരി താ.... വിനോദ് അവളെ നോക്കി ചിരിയോടെ പറഞ്ഞു. മാളു ചമ്മലോടെ എല്ലാവരെയും മുഖം ഉയർത്തി നോക്കി. ഹരിയുടെയും ചിന്നുവിന്റെയും ദേവികയുടെയും പവിത്രയുടെയും ചുണ്ടിൽ പുഞ്ചിരി വിരിഞ്ഞു. ഗൗരി ദേഷ്യത്തോടെ അവളെ നോക്കി. അത് ഉണ്ണിയേട്ടാ... ഞാൻ... പിന്നെ... അവൾ വിക്കലോടെ പറഞ്ഞതും അവൻ അവളെ ദേഷ്യത്തോടെ നോക്കി. ആ ദേഷ്യത്തിന്റെ അർത്ഥം അറിയാവുന്നത് കൊണ്ട് തന്നെ അവൾ ഒന്ന് പുഞ്ചിരിച്ചുകൊണ്ട് അവനടുത്തുള്ള കസേരയിലേക്ക് ഇരുന്നു. ഇടിയപ്പവും ചിക്കനുമാണ് എല്ലാവർക്കും വേണ്ടി ഉണ്ടാക്കിയിരുന്നത്. മാളുവിന് അവൻ്റെ അടുത്തിരിക്കാൻ ചമ്മൽ ഉണ്ടായിരുന്നെങ്കിലും അവൾ ആരെയും ശ്രദ്ധിക്കാതെ അവന് വാരി കൊടുക്കാൻ തുടങ്ങി. സ്സ്..... ചുണ്ടിൽ എരിവ് തട്ടിയതും വിനോദ് എരിവ് വലിച്ചു അയ്യോ... എന്താ ഉണ്ണിയേട്ടാ... മാളു ആകുലതയോടെ അവനോട് ചോദിച്ചു അവൻ അവളെ നോക്കി ചിരിച്ചു. ഒന്നുമില്ല ഗായു... അവൻ അത്ര മാത്രമേ പറഞ്ഞുള്ളു മാളുവിന്റെ നെറ്റി ചുളിഞ്ഞു. അവൾ വീണ്ടും അവന് വാരി കൊടുത്തു. അവന് ചുണ്ട് നീറുന്നുണ്ടായിരുന്നെങ്കിലും അവൻ മാളു രാവിലെ പറഞ്ഞത് ഓർത്തുകൊണ്ട് ഒന്നും മിണ്ടാതെ ഇരുന്ന് കഴിച്ചു. അയ്യോ ഇതെന്താ പറ്റിയെ വിനുവേട്ടാ... അവരെ തന്നേ നോക്കി നിൽക്കുകയായിരുന്ന ഗൗരി പെട്ടന്ന് അവന്റെ അടുത്തേക്ക് വന്ന് അവൻ്റെ കവിളിൽ തൊട്ട് ചോദിച്ചു. എല്ലാവരും എന്താ എന്ന പോലെ അവരെ തന്നെ നോക്കി. ഗൗരിക്ക് അവൻ്റെ അടുത്ത് നിൽക്കാൻ പേടിയുണ്ടായിരുന്നെങ്കിലും അവൾ ആകുലതയോടെ അവന്റെ താടിക്ക് മുകളിൽ ആയി കാണുന്ന ചുവന്ന നിറത്തിൽ തലോടി. മാറെടി.... വിനോദ് പെട്ടന്ന് ദേഷ്യത്തോടെ അവളെ തള്ളിമാറ്റി. അവൾ ഊക്കൂടെ പുറകോട്ട് പോയി. അയ്യോ മോളെ... അപ്പോഴേക്കും കല്യാണി അവൾക്കടുത്തേക്ക് വന്ന് അവളെ താങ്ങി പിടിച്ചു. എന്നാൽ ഗൗരി അവളുടെ കയ്യിൽ പറ്റിപ്പിടിച്ചിരിക്കുന്ന ആ ചുവന്ന നിറത്തിലേക്ക് തന്നെ ഞെട്ടലോടെ നോക്കി നിൽക്കുകയായിരുന്നു. വിനോദ് പെട്ടന്ന് അവിടെ നിന്ന് ചാടി എഴുന്നേറ്റു.. അവൻ ഗൗരിക്ക് നേരെ തിരിഞ്ഞു. ഗൗരി അവനെ പേടിയോടെ നോക്കി എന്തിനാടി ഗൗളി നീ എൻ്റെ കവിളിൽ തൊട്ടത്.... അവൻ അവളെ നോക്കി പല്ലിരുമ്മി കൊണ്ട് ചോദിച്ചു.. ഗൗരി അവനെ പേടിയോടെ നോക്കിക്കൊണ്ട് ഉമിനീർ ഇറക്കി. വിനു.. വിനുവേട്ടാ ഞാൻ.. അത് പിന്നെ... അവൾക്ക് പേടികൊണ്ട് വാക്കുകൾ തൊണ്ടയിൽ കുടുങ്ങി. വിനോദ് ദേഷ്യത്തോടെ അവൾക്കടുത്തേക്ക് നടന്നു.. അപ്പോഴേക്കും മാളു അവനെ പിടിച്ചു നിർത്തി. എല്ലാവരും എന്താണ് നടക്കുന്നതെന്ന് അറിയാതെ അവരെ തന്നെ നോക്കിക്കൊണ്ട് നിൽക്കുകയായിരുന്നു. പറയെടി.. നീ എന്തിനാ എൻ്റെ മുഖത്ത് തൊട്ടത്.. ആരാ നിന്നോട് എന്നെ തൊടാൻ പറഞ്ഞത്... എന്നെ എന്റെ ഗായു മാത്രം തൊട്ടാൽ മതി. അവൻ മാളുവിനെ ചേർത്തുപിടിച്ചുകൊണ്ട് പറഞ്ഞു. ഗൗരി നിന്ന് വിറക്കാൻ തുടങ്ങി. വിനു സാരമില്ല പോട്ടെ... അവൾ അറിയാതെ ചെയ്ത‌താകും.. നിൻ്റെ മുഖത്ത് എന്തോ പാടുണ്ട് അവൾ പറഞ്ഞത് പോലെ... അത് നോക്കിയതാകും.. വിട്ടേക്ക്... ഹരി പറഞ്ഞപ്പോൾ വിനോദ് അവനെ തിരിഞ്ഞുനോക്കി എൻ്റെ മുഖത്തൊ... അവൻ ഹരിയെ നോക്കി ചോദിച്ചുകൊണ്ട് അവന്റെ മുഖത്ത് മൊത്തത്തിൽ തൊട്ട് നോക്കി. മാളു അവൻ്റെ മുഖത്ത് എന്ത് പറ്റിയതാകും എന്ന ആകുലതയോടെ അവനെ തന്നെ നോക്കി നിൽക്കുകയായിരുന്നു. വിനോദ് അവൻ്റെ കയ്യിലേക്ക് നോക്കി.. അവന്റെ കയ്യിൽ പറ്റിയിരിക്കുന്ന ചുവന്ന നിറം കണ്ട് അവന്റെ നെറ്റി ചുളിഞ്ഞു.. അവൻ സംശയത്തോടെ മാളുവിന്റെ മുഖത്തേക്ക് നോക്കി. അവൻ്റെ മുഖം തെളിഞ്ഞു... കണ്ണുകൾ വിടർന്നു. അപ്പോഴേക്കും ചിന്നുവും അവരുടെവ അടുത്തേക്ക് വന്നിരുന്നു. ഇതാണോ.... അവൻ ഗൗരിക്ക് നേരെ തിരിഞ്ഞു. അവൾ അവനെ മിഴിച്ചു നോക്കി പറയെടി ഗൗളി... ഇതാണോന്ന്... അവൻ ശബ്ദ‌ം ഉയർത്തിയതും അവൾ പേടിയോടെ തലകുലുക്കി കല്യാണിയുടെ നെഞ്ചിൽ മുഖം അമർത്തി. വിനോദ് മാളുവിനെനോക്കി ചിരിച്ചു.. എന്താ ഉണ്ണിയേട്ടാ... അവൾ ടെൻഷനോടെ ചോദിച്ചു ഇത് ഗായൂന്റെ ഇവിടത്തെ കളറാ... അവൻ പറഞ്ഞുകൊണ്ട് അവളുടെ നെറുകയിലെ സിന്ദൂരത്തിൽ തൊട്ടു.. മാളു വിറച്ചുപോയി.. അവൾ അവനെ മിഴിച്ചു നോക്കി... അവൻ അവളെ നോക്കി കുറുമ്പോടെ ചിരിച്ചു എല്ലാവരുടെ മുഖത്തും പുഞ്ചിരി വിരിഞ്ഞു... ഇന്ദ്രൻ പകപ്പോടെ അവരെ തന്നെ നോക്കിനിന്നു... കല്യാണിയും ഗൗരിയും അവരെ അമ്പരന്നു നോക്കുന്നുണ്ട്. ചിന്നു അപ്പോഴാണ് അവൻ്റെ പൊട്ടിയ ചുണ്ട് കണ്ടത്... അവളുടെ നെറ്റി ചുളിഞ്ഞു.. അവൾ ചുളിഞ്ഞ മുഖത്തോടെ മാളുവിനെ നോക്കി.. വിളറി വെളുത്ത് നിൽക്കുന്ന മാളുവിനെ കണ്ട് ചിന്നുവിനൊരു കുസൃതി തോന്നി. അയ്യോ വിനുവേട്ടാ... ഏട്ടൻ്റെ ചുണ്ട് എങ്ങനെയാ പൊട്ടിയെ... അവൾ ഒന്നും അറിയാത്തത് പോലെ അവനോട് ചോദിച്ചു ഹരി ചിന്നുവിനെ കൂർപ്പിച്ചു നോക്കി. അവൾ അവനെ നോക്കി കണ്ണ് ചിമ്മി. വിനോദ് പെട്ടന്ന് അവൻ്റെ ചുണ്ടിൽ തൊട്ടു നോക്കി. സ്സ്... അവൻ എരിവ് വലിച്ചു എന്ത് പറ്റി വിനുവേട്ടാ... അവൾ കുറുമ്പോടെ അവനോട് ചോദിച്ചു.. വിനോദ് ചിന്നുവിനെ ഒന്ന് നോക്കിക്കൊണ്ട് മാളുവിനെ നോക്കി ചിരിച്ചു.. മാളു അവൻ എന്ത് പറയും എന്നറിയാതെ വിറച്ചു നിന്നു. അത് ഒന്നൂല്ല... അവൻ ചിന്നുവിനെ നോക്കി പറഞ്ഞു ഹൂ.. മാളു ആശ്വാസത്തോടെ ശ്വാസം വിട്ടു. അവനിൽ നിന്ന് അങ്ങനെ ഒരു മറുപടി അവൾ പ്രതീക്ഷിച്ചിരുന്നില്ല. അവൾക്ക് സമാധാനം തോന്നി. ഒന്നൂല്ലെങ്കിൽ പിന്നെ വിനുവേട്ടന്റെ ചുണ്ട് എങ്ങനെ മുറിഞ്ഞു... ചിന്നുവിന് വിടാൻ ഉദ്ദേശം ഇല്ലായിരുന്നു ചിന്നു... പവിത്ര ശാസനയോടെ അവളെ വിളിച്ചു. അവൾ അവരെ നോക്കി ഇളിച്ചു കൊടുത്തു. നീ എന്റെ ചുണ്ട് മാത്രേ കണ്ടുള്ളു... ഗായൂന്റെയും ഉണ്ടല്ലോ... നീ അത് കണ്ടില്ലേ... അല്ലെ ഗായു... വിനോദ് കലിപ്പോടെ ചിന്നുവിനോട് ചോദിച്ചു കൊണ്ട് മാളുവിനെ നോക്കി ചോദിച്ചു മാളുവിന്റെ മുഖം വിളറിവെളുത്തു.. അവൾ പതർച്ചയോടെ തലതാഴ്ത്തി... ചിന്നുവിന് ചിരി പൊട്ടി.. അവൾ അത് കടിച്ചുപിടിച്ചുകൊണ്ട് അവരെ നോക്കി. ആ അത് ശെരിയാണല്ലോ ഗായുവേടത്തീടെ ചുണ്ടും പൊട്ടിയിട്ടുണ്ടല്ലോ... എന്ത് പറ്റിയതാ വിനുവേട്ട.. അവൾ നിഷ്കളങ്കമായി അവനോട് ചോദിച്ചു ചിന്നു... മാളു ദയനീയമായി അവളെ വിളിച്ചു. അവൾ കുറുമ്പോടെ മാളുവിനെ നോക്കി അത് ആരോടും പറയരുത് എന്നാ ഗായു പറഞ്ഞേക്കുന്നെ... അവൻ വലിയ കാര്യം പോലെ പറഞ്ഞു ന്റെ മഹാദേവാ... നിങ്ങൾക്കെല്ലാം ഇത്രയ്ക്ക് ശത്രുത ഉണ്ടായിരുന്നോ എന്നോട്. മാളു മനസ്സിൽ അറിയാതെ ചോദിച്ചു പോയി ആണോ വിനുവേട്ടാ.. എന്നാ വിനുവേട്ടൻ പറയണ്ട ട്ടോ... എന്നാലും ഏടത്തി പറയണ്ട എന്ന് പറഞ്ഞത് എന്താണാവോ ലെ ... ചിന്നു താടിയിൽ വിരൽ വെച്ച് എന്തോ ചിന്തിക്കുന്നത് പോലെ നിന്നുകൊണ്ട് വിനോദിനെ നോക്കി. അതോ.. അതില്ലേ.. ഞാനും ഗായുവും കൂടി ചുണ്ടിൽ ഉമ്മ വെച്ചപ്പോഴാ ഇങ്ങനെ പറ്റിയത്... അപ്പൊ അത് ആരോടും പറയണ്ട എന്ന് ഗായു എന്നോട് പറഞ്ഞിട്ടുണ്ട്.. അതാണ് ഞാൻ പറയാത്തത്... അവൻ വലിയ കാര്യത്തിൽ തന്നെ m പറയുന്നുണ്ട് മാളു വിളറി വെളുത്തു... ശരീരം മൊത്തത്തിൽ തണുപ്പ് അരിച്ചു കയറുന്നത് പോലെ അവൾക്ക് തോന്നി.. ഇനിയൊന്നും കേൾക്കാൻ വയ്യ എന്നത് പോലെ അവൾ കണ്ണ് ഇറുക്കി ചിമ്മിക്കൊണ്ട് തല താഴ്ത്തി. ചിന്നു പൊട്ടിച്ചിരിച്ചുപോയി... അവളുടെ ചിരി കണ്ടപ്പോൾ ബാക്കിയുള്ളവർക്കും ചിരി വന്നു.. എല്ലാവരും മാളുവിനെ നോക്കി കുറുമ്പോടെ ചിരിച്ചു. ഗൗരിയും ഇന്ദ്രനും മാളുവിനെ ഞെട്ടലോടെ നോക്കി.. വിനോദും അവളും തമ്മിൽ ഇങ്ങനെ ഒരു ബന്ധം ഉണ്ടാകും എന്ന് അവർ സ്വപ്‌നത്തിൽ പോലും കരുതിയിരുന്നില്ല... ഇന്ദ്രന്റെ പല്ലുകൾ ദേഷ്യത്താൽ മുറുകി. അവൻ്റെ മുഷ്ടി ചുരുണ്ടു . സമ്മതിക്കില്ല... അവളെ എനിക്ക് തന്നെ വേണം... എനിക്ക് തന്നെ രുചിക്കണം ആദ്യം അവളെ... മുഴുവനായി തന്നെ..അതിനുമുന്നേ ആരെയും അനുവദിക്കില്ല ഞാൻ... കടപ്പല്ല് മുറുക്കിക്കൊണ്ട് അവൻ മനസ്സിൽ പറഞ്ഞു. അവരോടൊപ്പം ചിരിക്കുമ്പോഴും ഹരിയുടെ നോട്ടം ഇന്ദ്രനിൽ തന്നെ ആയിരുന്നു. അവൻ്റെ മുഖ ഭാവത്തിൽ നിന്നും അവൻ്റെ പ്രവർത്തികൾ കൊണ്ടും ഹരിക്ക് ഇതിനോടകം ഇന്ദ്രൻ്റെ സ്വഭാവം ഏറക്കുറെ മനസ്സിലായിരുന്നു.. ഉള്ളിൽ നുരഞ്ഞുപൊന്തുന്ന ദേഷ്യത്തോടെ ഹരി ഇന്ദ്രനെ തന്നെ നോക്കി നിന്നു...!! തുടരും 💘 #📔 കഥ #💞 പ്രണയകഥകൾ #📙 നോവൽ