മഹർ ഭാഗം 41 റാഷി പെട്ടന്ന് തന്നെ ഒരു ഗ്ലാസിൽ വെള്ളം എടുത്ത് നൂറക്ക് നേരെ തിരിയുമ്പോൾ നൂറ എഴുന്നേറ്റ് ഇരിക്കാൻ ശ്രമിക്കുകയാണ്.... അത് കണ്ടതും റാഷി അവളെ പിടിച്ചു നേരെ ഇരുത്തി.... അവളുടെ ചുണ്ടോട് വെള്ളം വെച്ച് കൊടുക്കുമ്പോൾ നൂറ ഒരു തരം വെപ്രാളത്തോടെ അവന്റെ കയ്യിൽ നിന്ന് ആ ഗ്ലാസ്സ് വാങ്ങി വെള്ളം കുടിച്ചു..... കുറച്ചു മുന്നേ റാഷിക്കയെ കാണാൻ അവൾ അതിയായി ആഗ്രഹിച്ചിരുന്നങ്കിൽ ഇപ്പോൾ അവൾക്ക് റാഷിയെ നോക്കാൻ വല്ലാത്ത പ്രയാസം തോന്നി.... അത് ഒരിക്കലും ഫിദ ഭീഷണി പെടുത്തിയത് കൊണ്ട് ഒന്നും അല്ല.... റാഷിക്ക ആദ്യം ആയി ആണ് തന്നെ ഇത്രയും അധികം കെയർ ചെയ്യുന്നത്..... അതിന്റെ ഒരു ജാല്യതാ ആണ്.... ശരീരം കൊണ്ട് രണ്ട് പേരും ഇപ്പോൾ അടുത്ത് ആണെങ്കിലും മനസ്സ് കൊണ്ട് രണ്ട് പേരും ഇപ്പോളും വളരെ അകലെ ആണ് എന്ന് അവർക്ക് രണ്ട് പേർക്കും അറിയാമായിരുന്നു..... നൂറ വെള്ളം കുടിച്ച ശേഷം അവിടെ തന്നെ ഇരുന്ന് മറ്റ് എവിടെയോ നോക്കി ഇരിക്കുമ്പോൾ റാഷിക്ക് അവളോട് എന്ത് സംസാരിച്ചു തുടങ്ങണം എന്ന് അറിയില്ലായിരുന്നു.... നൂറയുടെ മനസ്സ് മുഴുവൻ ഫിദയും അഷ്‌റഫും സഫിയയും പറഞ്ഞ ഓരോ വാക്കുകൾ ആയിരുന്നു.... തനിക്ക് ഒരിക്കലും റാഷിക്കാനേ വിട്ട് പോവാൻ കഴിയില്ല എന്ന് അവളുടെ മനസ്സ് പറഞ്ഞു കൊണ്ടേ ഇരുന്നു..... നൂറ...... നിനക്ക്..... വിശക്കുന്നുണ്ടോ.....? പെട്ടന്ന് റാഷി അവളോട് ചോദിക്കുമ്പോൾ നൂറ അവന്റെ നേർക്ക് തിരിഞ്ഞു.... ഇല്ല..... നൂറ ഒറ്റ വാക്കിൽ മറുപടി പറഞ്ഞു നിറുത്തുമ്പോൾ റാഷി ഇനി അവളോട് എന്ത് ചോദിക്കും എന്നുള്ള ആലോചനയിൽ ആയിരുന്നു..... എന്തോ പിടി വള്ളി കിട്ടിയ പോലെ റാഷി നൂറക്ക് അഭിമുഖമായി ചെന്ന് നിന്നു..... സോറി.... ഞാൻ അന്ന് നിന്നെ ശ്രദ്ദിക്കാതെ മുറിയിലേക്ക് കയറി പോയത് കൊണ്ടല്ലേ നിന്റെ നേർക്ക് ഈ അറ്റാക്ക് വന്നത്.... ഞാൻ കുറച്ച് കൂടി നിന്നെ ശ്രദ്ദിക്കണമായിരുന്നു..... അതിന് എന്നോട് റാഷിക്ക സോറി ഒന്നും പരയേണ്ട..... എനിക്ക് വരാൻ ഉള്ളത് വഴിയിൽ തങ്ങില്ലല്ലോ..... അത് റബ്ബിന്റെ തീരുമാനം ആണ്.... അതിൽ റാഷിക്കാക്ക് ഒരു പങ്കും ഇല്ല..... റാഷിയെ നോക്കാതെ അവൾ അത് പറയുമ്പോൾ റാഷി വേദനയോടെ അവളെ ഒന്ന് നോക്കി..... നീ കണ്ടോ.... നിന്നെ ഉപദ്രവിച്ച ആളെ..... അയാളെ ഇനിയും കണ്ടാൽ നീ തിരിച്ചറിയുമോ....? ഇല്ല.... ഞാൻ അയാളെ മുഖം ഒന്നും കണ്ടില്ല....മുഖത്ത് മസ്ക് വെച്ചിരുന്നു.....പിന്നെ എന്റെ തല പിടിച്ചു ചുമരിൽ ഒരു പ്രാവിശ്യം ഇടിച്ചപ്പോൾ തന്നെ എന്റെ ബോധം പോയിരുന്നു.... ഒന്ന് കരയാൻ പോലും എനിക്ക് കഴിഞ്ഞില്ല.... അവൾ അത് പറയുമ്പോൾ അവളുടെ കണ്ണുകളിൽ ഉള്ള ഭയം കണ്ട് അവൾ ആ അവസ്ഥിയിൽ നന്നായി പേടിച്ചിട്ടുണ്ട് എന്ന് മനസ്സിലായി റാഷിക്ക്....... ഇന്നലെ ഇഷാനി പറഞ്ഞത് കൊണ്ട് തന്നെ ഉപദ്രവിച്ചവരെ നൂറക്ക് അറിയാമായിരുന്നിട്ടും അവൾ റാഷിയോട് മനപ്പൂർവം പറഞ്ഞില്ല.... റാഷിക്കയുടെ ചുറ്റും നടക്കുന്നത് അവൻ ഒന്നും അറിയുന്നില്ല എന്നത് അവൾക്ക് അറിയാമായിരുന്നു... നാളെ പോലീസ് വരും.... നിന്റെ മൊഴി എടുക്കാൻ.... നിനക്ക് പ്രതിയെ കുറിച്ച് അറിയുന്നത് ഒക്കെ അവരോട് പറയണം.... നമുക്ക് കണ്ട് പിടിക്കണം ആരാണ് നിന്നെ ഉപദ്രവിച്ചത് എന്ന്.... അതൊന്നും വേണ്ടായിരുന്നു.....എനിക്ക് ഒന്നും സംഭവിവിച്ചില്ലല്ലോ.... അറക്കൽ വീട്ടിൽ കയറി നിന്നെ ഉപദ്രവിച്ചത് ആരാണ് എങ്കിലും കണ്ട് പിടിക്കാൻ ആണ് ഉപ്പ പോലീസിനോട് പറഞ്ഞിട്ടുള്ളത്..... ഉപ്പ തന്നെ ആണ് കേസ് കൊടുത്തിട്ടുള്ളതും..... അത് തന്നെ ആണ് എന്റെ തീരുമാനവും....അത് കൊണ്ട് നാളെ നിന്റെ മൊഴി എടുത്താൽ രണ്ട് ദിവസത്തിനകം പ്രതിയെ പിടി കൂടിയിരിക്കും.... റാഷി അവളെ നോക്കി അത് പറയുമ്പോൾ നൂറ റാഷിയെ ഒന്ന് നോക്കി.... രണ്ട് പേരുടെ നോട്ടവും തമ്മിൽ കൊരുത്തപ്പോൾ റാഷി പെട്ടന്ന് നോട്ടം മാറ്റി.... അത് കൊണ്ട് ഒന്നും ചിലപ്പോൾ പ്രശ്നം തീരില്ല.... ഞാൻ റാഷിക്കയുടെ ജീവിതത്തിൽ നിന്ന് പോയാൽ ആ പ്രശ്നം തീരാൻ ചാൻസ് ഉണ്ട്.... അത് കൊണ്ട്.,... അത് കൊണ്ട് എന്താ..... ആരാണ് നിന്നോട് ഇതൊക്കെ പറഞ്ഞത്.... നീ എന്റെ ഭാര്യ ആയതിൽ ആർക്കാണ് നിന്നോട് ഇത്ര വിരോധം.... നൂറ അത് പറയുമ്പോൾ റാഷി പെട്ടന്ന് ദേഷ്യത്തോടെ നൂറയോട് ചോദിക്കുമ്പോൾ അവന്റെ പെട്ടന്ന് ഉള്ള മുഖ ഭാവം കണ്ട് നൂറ അതിശയത്തോടെ അവനെ നോക്കി.... പറ..... ആരാണ് ഇതൊക്കെ നിന്നോട് പറഞ്ഞത്.... ആരെ ആണ് നിനക്ക് സംശയം.... എന്താണെകിലും എന്നോട് തുറന്ന് പറയ്.... റാഷി അത് ചോദിക്കുമ്പോൾ നൂറക്ക് പെട്ടന്ന് അവനോട് എന്ത് പറയണം എന്ന് അറിയില്ലായിരുന്നു.... നൂറ.... നീ ഇതൊക്കെ വെറുതെ പറയില്ല എന്ന് എനിക്ക് അറിയാം.... എന്താണെകിലും എന്നോട് പറയ്.... ഞാൻ നിന്റെ കൂടെ നിൽക്കാം.... ബെഡിൽ വെച്ചിരിക്കുന്ന നൂറയുടെ കയ്യിന്റെ മീതെ റാഷി കൈ വെച്ച് കൊണ്ട് അവൻ അത് ചോദിക്കുമ്പോൾ റാഷിയോട് അങ്ങനെ ഒക്കെ പറയാൻ തോന്നിയ സമയത്തെ അവൾ ശപിച്ചു.... എനിക്ക് അങ്ങനെ ഒക്കെ വെറുതെ തോന്നിയത് ആണ്.... അല്ലാതെ എനിക്ക് ആരെ ആണ് സംശയം.... അല്ലാതെ എന്നോട് ആരും ഒന്നും പറഞ്ഞിട്ടില്ല.... പെട്ടന്ന് ഒരു കള്ളം അവനോട് പറയുമ്പോൾ റാഷിയുടെ മുഖത്ത് ആശ്യാസം നിറയുന്നത് നൂറ കാണുന്നുണ്ടായിരുന്നു..... അപ്പോൾ റാഷിക്ക എല്ലാം സത്യങ്ങളും അറിഞ്ഞാൽ എന്തായിരിക്കും സംഭവിക്കുക എന്ന ചിന്തയിൽ നൂറയുടെ ഉള്ളൊന്ന് വിറച്ചു.... തുടരും.....❣️ ♥️Like 💌comment 📤share𝗙𝗼𝗹𝗹𝗼𝘄╰┈➤ #കഥ #💞 പ്രണയകഥകൾ #നോവൽ #📔 കഥ