#📙 നോവൽ -കാശിയുടെ പെണ്ണ് 💐💐 🔻 പാർട്ട് _80 ✍️രചന - ജിഫ്ന നിസാർ 🥰 കാശിയേട്ടാ.. പതറി കൊണ്ടാണ് കാർത്തു വിളിക്കുന്നത്. അത്യാവശ്യം സ്പീഡിൽ പോകുമെന്ന് കാശി മുന്നേ തന്നെ അവളോട് പറഞ്ഞിരുന്നെങ്കിലും അതിനൊക്കെ മുകളിലാണിപ്പോ അവന്റെ പോക്ക്. അവളവന്റെ ഷർട്ടിൽ മുറുകെ പിടിച്ചിട്ടുണ്ട്. കാശിയേട്ട.. " ആദ്യം വിളി പിറകെ കുതിച്ചോടി വരുന്ന കാറ്റിനൊപ്പം ചിതറി തെറിച്ചു പോയത് കൊണ്ട് കാശി അത് കേട്ടില്ല. കാർത്തു വീണ്ടും വിളിച്ചു നോക്കി. "എന്തെ..." സ്പീഡ് അൽപ്പം കുറച്ചു കൊണ്ടവൻ തിരിഞ്ഞ് നോക്കി കൊണ്ട് ചോദിച്ചു. "നമ്മുക്ക് പിറകെ.. ഒരു കാറ്.. കുറച്ചു നേരമായി ഫോളോ ചെയ്യും പോലെ.." അവൾ വല്ലാത്തൊരു വെപ്രാളത്തോടെ പറഞ്ഞു. "പേടിക്കേണ്ട.. അത് ശിവയാണ്.." പറയുന്നതിനൊപ്പം തന്നെ കാശി അവൾ തന്നിൽ ചുറ്റി പിടിച്ച ആ കൈകളിൽ പതിയെ ഒന്ന് തട്ടി. പിന്നെയും പത്തു മിനിറ്റോളം അവനാ സ്പീഡിൽ തന്നെ ഓടിച്ചു പോയി. അർദ്ധരാത്രി ആയത് കൊണ്ട് തന്നെ പോക്കറ്റ് റോഡ് കഴിഞ്ഞിട്ടും പിന്നെ അതികം വാഹനങ്ങളൊന്നും തന്നെയില്ല. "ഇറങ്ങിക്കോ.." കാശി പറയുമ്പോൾ അരണ്ട വെളിച്ചം മാത്രം നിറഞ്ഞു നിൽക്കുന്ന തനിക്കോട്ടും പരിചയം തോന്നാത്ത ആ സ്ഥലത്തേക്ക് അവളൊന്ന് പകച് നോക്കി. "ഇപ്പഴേ ഇങ്ങനാണേൽ ഞാൻ തിരികെ നിന്റെ വീട്ടിലാക്കി തരും കേട്ടോ.." അവളുടെ മുഖം കണ്ടിട്ട് അവനൊരു ചിരിയോടെ പറഞ്ഞു കൊണ്ട് ഹെൽമെറ്റ്‌ ഊരി. "നടന്നത് തന്നെ.. കൊന്നാലും ഞാനിനി വിട്ട് പോയിട്ട് വേണ്ടേ.." അവനത് പറഞ്ഞു കേട്ട കെറുവോടെയാണ് കാർത്തു റോഡിലെക്കിറങ്ങി നിന്നതും. "നമ്മള് തുടങ്ങിയിട്ടല്ലേ ഒള്ളു.. സംഭവബഹുലമായി എന്തൊക്കെ ഇനി വരാൻ കിടക്കുന്നു.. ഇപ്പഴേ ഇങ്ങനെ പേടിച്ചാ ഒടുക്കം ആവുമ്പോ സ്റ്റാമിന ഉണ്ടാവില്ലല്ലോ..ഓടി തീർക്കാൻ ." അതും പറഞ്ഞു കൊണ്ടവൻ ബുള്ളറ്റ് സ്റ്റാന്റിൽ ഇട്ട് കൊണ്ടിറങ്ങി. അപ്പോഴേക്കും അവർക്ക് പിന്നിലുണ്ടായിരുന്ന ആ കാറും കാശി ബുള്ളറ്റ് നിർത്തിയതിന്റെ തൊട്ടരികിൽ കൊണ്ട് വന്നു നിർത്തി. അതിൽ നിന്നും ധൃതിയിൽ കയ്യിലൊരു കവറുമായി ശിവയിറങ്ങി ഓടി വന്നു. പ്രശ്നമൊന്നും ഇല്ലല്ലോ ഡാ.. " അവനത് ചോദിച്ചു കൊണ്ടാണ് വരുന്നത് തന്നെ. ഇത് വരെയുമില്ല.." കാശി കാർത്തുവിനെ നോക്കിയാണ് ഉത്തരം പറഞ്ഞത്. "എന്നാ പെട്ടന്ന് വാ.. പരിപാടി തീർത്തിട്ട് പെട്ടന്ന് തന്നെ ചുരം കയറിക്കോ.നീയാ തന്ന നമ്പറിൽ ഞാൻ വിളിച്ചു പറഞ്ഞു.കക്ഷി എത്രയും പെട്ടന്ന് എത്താമോ അത്രയും പെട്ടന്നങ്ങോട്ട് ചെല്ലാനാ പറഞ്ഞേക്കുന്നെ..അവിടെല്ലാം സെറ്റാണ്. അവിടെത്തിയ കിട്ടിയ പിന്നൊന്നും പേടിക്കേണ്ട. സേഫാണ് എന്നൊക്കെ പറഞ്ഞു.." കാശിയും ശിവയും പറയുന്നതൊന്നും മനസ്സിലാകാതെ കിളി പോയ പോലായിരിന്നു കാർത്തുവിന്റെ നിൽപ്പ്. "ആ കാണുന്നതൊരു അമ്പലമാണ്.തത്കാലം അതിന്റെ മുന്നിൽ ചെന്നിട്ടൊരു താലി കെട്ടിയിട്ട് നമ്മുക്കുടനെ പോണം.ഇവിടെ നിൽക്കുന്ന ഓരോ നിമിഷവും നമ്മളിപ്പോഴും അപകടത്തിൽ തന്നെയാണ്." കാശി കാർത്തുവിനെ നോക്കി കൊണ്ടത് പറയുമ്പോൾ അവളുടെ ടെൻഷൻ വീണ്ടും കൂടി. മുഖം കണ്ടാലേ അറിയാം ഉള്ളിലെ വെപ്രാളം. "പേടിയുണ്ടോ കുഞ്ഞാറ്റെ .." അവളുടെയാ നിൽപ്പ് കണ്ടിട്ട് ശിവ ചിരിയോടെ ചോദിച്ചു. അവളൊന്നും മിണ്ടാതെ കാശിയുടെ കയ്യിൽ മുറുകെ പിടിച്ചു. "ഇവളുടെ വാക്കും കേട്ട് അമ്പലപറമ്പിൽ അശോകനെതിരെ കളിച്ച ഞാനിപ്പോ ആരായി ശിവ.. മിക്കവാറും അങ്ങേരെന്നെ തല്ലി കൊല്ലും ന്നാ തോന്നുന്നേ.. ഇവളാണെ വീട്ടിൽ നിന്നിറങ്ങിയപ്പോ തൊട്ടുള്ള വിറയലാ..അച്ഛന്റെ കാര്യം എനിക്ക് വിട്ടേക്ക് അത് ഞാൻ നോക്കി കൊള്ളാമെന്ന് നാഴികയ്ക്ക് നാല്പത് വട്ടം പറഞ്ഞു കൊണ്ടെന്നെ പ്രലോഭപ്പിച്ച കുഞ്ഞാറ്റ കിളിയിപ്പോ വെള്ളത്തിൽ വീണ പോലെ വിറക്കുവാ.." കുസൃതിയോടെ പറയുന്നതിനൊപ്പം തന്നെ കാശി അവളെ നെഞ്ചിലേക്ക് ചേർത്ത് പിടിച്ചു. "പേടിക്കൊന്നും വേണ്ട ട്ടൊ .ഇനിയിവൻ നോക്കി കൊള്ളും.. ഈ കള്ളതെമ്മാടിയുടെ ഉള്ളൊന്ന് തുറന്നു കിട്ടേണ്ട താമസമേ ഉണ്ടായിരുന്നൊള്ളു . അത് നടന്നില്ലേ.. നീയും ഞാനും പഠിച്ച പണി പതിനെട്ടും നോക്കിയിട്ടും നിന്നോടുള്ള ഉള്ളിലെ തിളച്ചു മറിയുന്ന ഇഷ്ടം പൂഴ്ത്തി വെച്ചവനാ ഈ വൃത്തിക്കെട്ടവൻ.. അവനപ്പോൾ അശോകേട്ടനോടായിരുന്നു പ്രേമം. അത് മാറി കിട്ടിയില്ലേ..ഇനിയിപ്പോ എന്തോന്ന് പേടിക്കാൻ.. ഈ നെഞ്ചിൽ ജീവന്റെ ഒരു തരി ബാക്കി ഉണ്ടേൽ കാശി അവന്റെ പെണ്ണിനെ വിട്ട് കളയില്ല.. അതെനിക്കുറപ്പുണ്ട് അത് കൊണ്ട് പേടിക്കേണ്ട കാര്യമില്ല.. തത്കാലം കെട്ട് കഴിഞ്ഞു ഹണിമൂൺ ട്രിപ്പ്‌ പോകുവാ എന്നങ്ങു കരുതിയെക്ക്.." ശിവ കൂടി അവളുടെ തോളിലൊന്നു തട്ടി കൊണ്ട് പറഞ്ഞപ്പോൾ കാർത്തു ചിരിയോടെ അവനെ നോക്കി. "ഇനി വാ കാശി.." ശിവ തന്നെയാണ് ധൃതി കൂട്ടി മുന്നോട്ട് ആദ്യം നടന്നു തുടങ്ങിയത്. കാർത്തുവിന്റെ കയ്യും പിടിച്ചു കൊണ്ട് പിറകെ കാശിയും. "തത്കാലം ഇവിടിപ്പോ അമ്പലം പോലും തുറന്നിട്ടില്ല.പക്ഷെ ദൈവം തൂണിലും തുരുമ്പിലും ഉണ്ടെന്നല്ലേ.. അത് മാത്രം മനസ്സിൽ കരുതി അങ്ങോട്ട് കെട്ടിക്കോ കാശി .ബാക്കി മൂപ്പര് നോക്കി കോളും. അടഞ്ഞു കിടക്കുന്ന ആ ശ്രീ കോവിലിനു പുറത്തു നിന്നു കൊണ്ട് ശിവ പറഞ്ഞു. കാർത്തുവിനെ തനിക്കരികിലേക്ക് നീക്കി നിർത്തി.. അവളുടെ കണ്ണിലേക്കു നോക്കി കൊണ്ട് തന്നെ അവൻ ജീൻസിന്റെ പോക്കറ്റിൽ നിന്നൊരു താലി മാല വലിച്ചൂരി എടുക്കുമ്പോൾ കാർത്തുവാണ് ഞെട്ടി പോയത്. അവനത്ര മാത്രം കരുതലോടെയാണ് ഓരോന്നും ചെയ്തതെന്ന് അവളപ്പോൾ മാത്രമാണ് അറിയുന്നത്. "കെട്ടിക്കോട്ടെ ." അവനവളോട് അനുവാദം ചോദിച്ചു. ആ മങ്ങിയ വെളിച്ചതിലും ആകാശത്തെ നക്ഷത്രങ്ങളെക്കാളും തിളക്കത്തിൽ അവന്റെ കണ്ണിൽ ജ്വലിക്കുന്ന തന്നോടുള്ള പ്രണയം.. കാർത്തു അറിയാതെ തന്നെ തലയാട്ടി. അതോടൊപ്പം തന്നെ അവന്റെ കൈകളുടെ തണുപ്പ് കൂടി അവളുടെ കഴുത്തിൽ അരിച്ചു കയറി. പരസ്പരം നോക്കി നിന്ന് കൊണ്ട് തന്നെ അവരാ താലി മാലയിൽ അവകാശങ്ങളെ മൂന്ന് കെട്ടും കെട്ടി ഉറപ്പിച്ചു. ഒട്ടും പ്രതീക്ഷിക്കാത്തൊരു കല്യാണത്തിന്റെ ഷോക്ക്.. കാർത്തു നടക്കുന്നതൊന്നും വിശ്വാസമാവാത്ത പോലെ അവനെയും അവൻ കെട്ടിയ താലിയെയും മാറി മാറി നോക്കി. ഹൃദയമിടിപോടെ.. ഉള്ളിലപ്പോഴും അൽപ്പം പോലും അണയാതെ ആളി നിൽക്കുന്ന ടെൻഷനോടൊപ്പം തന്നെ ശിവക്കും വല്ലാത്തൊരു നിർവൃതി തോന്നിയിരുന്നു ആ കാഴ്ച കണ്ടപ്പോൾ. "ചടങ്ങുകളൊക്കെയും ഇനിയും ബാക്കിയുണ്ട്.തത്കാലം ഇതിങ്ങനെ പോട്ടെ.. കെട്ടൊക്കെ നമ്മുക്ക് ഗ്രാൻഡ് ആയിട്ട് തന്നെ നടത്തണം. എല്ലാം ഒന്ന് കലങ്ങി തെളിയട്ടെ ആദ്യം. ബാക്കി ചടങ്ങുകൾ..അതൊക്കെ നമ്മുക്ക് സാവകാശം ചെയ്യാം ഇതിപ്പോ രണ്ടാൾക്കും ഒരുറപ്പിനും പിന്നെ..അശോകേട്ടൻ " ശിവ എന്തോ പറയാൻ വന്നതും കാശി കണ്ണുകൾ കൊണ്ടത് വേണ്ടന്ന് വിലക്കി.. "ദാ.. നീ ആവിശ്യപ്പെട്ടതെല്ലാം ഇതിലുണ്ട്.. ദാ കാറിന്റെ കീ.. പുതിയ സിം ഇട്ട ഫോൺ.. ഇതിൽ നിന്നാണ് ഞാൻ ആളെ വിളിച്ചത്.നമ്പർ അതിൽ കിടപ്പുണ്ട്.നീ വിളിക്കും എന്നും പറഞ്ഞിട്ടുണ്ട്.എന്തെങ്കിലും പ്രശ്നം ഉണ്ടെന്ന് സൂചന കിട്ടിയാൽ തന്നെ ആളെ ഇൻഫോ ചെയ്യാനാ പറഞ്ഞേക്കുന്നത്.. അപ്പൊ പെട്ടന്ന് വിട്ടോ.." കയ്യിലുള്ള കവർ കാശിക്ക് നേരെ നീട്ടി പിന്നിലേക്കും മുന്നിലേക്കും വീണ്ടും വീണ്ടും ടെൻഷനോടെ നോക്കി കൊണ്ടാണ് ശിവ അത്രയും പറഞ്ഞു തീർത്തത് തന്നെ. "പോവ്വല്ലേ.. കാശി വീണ്ടും കാർത്തുവിനെ നോക്കി. മ്മ്.. ദുരബലമായൊരു മൂളൽ മാത്രമാണ് അവളുടെ ഉത്തരം. അത്രയും ഭയമുണ്ടവൾക്ക്. അച്ഛനും മഹേഷും പിറകെ വന്നു പിടിക്കപ്പെടുമോ എന്നതിനേക്കാൾ.. അങ്ങനെ പിടിക്കപ്പെട്ടാൽ തന്നെയും അവനെയും പിരിക്കാൻ ശ്രമിക്കും എന്നതായിരുന്നു അവളിലെ ആ ഭീകരമായ ഭയം. കാരണം.. ഉള്ളിലെ അവളോടുള്ള തടിച്ചു നിൽക്കുന്ന ഇഷ്ടം അവൻ വെളിപ്പെടുത്തി കഴിഞ്ഞു. അങ്ങനൊന്നും ഇല്ലാഞ്ഞിയിട്ട് കൂടിയും ആ മനുഷ്യനിൽ സ്വന്തം ലോകത്തെ കെട്ടിയിട്ടവൾക്ക് ആ ഇഷ്ടം സ്വന്തമായതിന് ശേഷം ഇനിയൊരു വിരഹം.. അതിനെ കുറിച്ചോർക്കാൻ കൂടി വയ്യാത്ത അവസ്ഥയിലാണ്. പേടിക്കേണ്ട.. കാറിൽ കയറിയിരിക്ക്.. ഞാനിപ്പോ വരാം.." അവനവളെ തന്നിലേക്കൊന്നമർത്തി പിടിച്ചു കൊണ്ട് പിന്നെ വിട്ടു. കയ്യിലുള്ള കവർ അവൾക്ക് നേരെ നീട്ടുകയും ചെയ്തു. ശിവയെ ഒന്ന് നോക്കിയിട്ടാണ് കാർത്തു കാറിന്റെ മുന്നിലെ ഡോർ തുറന്നു കൊണ്ട് അകത്തേക്ക് കയറിയത്.. "അശോകേട്ടൻ ഉറപ്പായും കണ്ട് പിടിക്കും ശിവാ.." അവൾ കയറി കഴിഞ്ഞ ശേഷമാണ് കാശി അത് പറഞ്ഞത്. അവന്റെ മുഖത്തുമപ്പോൾ നല്ല ടെൻഷനുണ്ട്. "അതപ്പോ അല്ലേടാ..കണ്ടു പിടിക്കും വരെയും നമ്മുക്ക് മുന്നിൽ സമയമുണ്ടല്ലോ. അപ്പൊ നി അത് വിട്..നീയിപ്പോ പോ.അങ്ങേര് രണ്ടു മൂന്ന് ദിവസം ഓടി പാഞ്ഞു നടന്നിട്ട് ഇപ്പോഴത്തെ ചൂടൊക്കെ ഒന്ന് തീർക്കട്ടെ.. പിന്നെ കണ്ടു പിടിക്കുന്നങ്കിൽ പിടിക്കട്ടെ ഡാ.. നീ ഇനിയും മുട്ട് വിറക്കാതെ അങ്ങേർക്ക് മുന്നിൽ ആ പെണ്ണിനെ വിട്ടു കളയാതെ ചേർത്ത് പിടിച്ചാ മാത്രം മതി. ഇപ്പോഴുള്ള അവളുടെ ഭയം നീ കാര്യമാക്കണ്ട.. നിന്നെ ഇനിയും നഷ്ടം വരുന്നോരു സാഹചര്യം മുന്നിൽ വന്നാ അവളും കട്ടക്ക് കൂടെ പിടിച്ചു നിന്നോളും.പ്രതേകിച്ചും അവളിപ്പോ നിന്റെ ഭാര്യ കൂടിയായ സ്ഥിതിക്ക്.." ശിവയ പറഞ്ഞു കേട്ടപ്പോൾ കാശിയിലൊരു തരിപ്പാണ് തോന്നിയത്. ഭാര്യ.. പതിയെ പറഞ്ഞു കൊണ്ടവൻ കാറിന് നേരെ നോക്കി. കാർത്തുവും അവരെ തന്നെ നോക്കി ഇരിപ്പുണ്ട്. "സമയം കളയാതെ നീ വിട്ടോ കാശി.." ശിവ വീണ്ടും ധൃതി കൂട്ടി. "എടാ.." ഒന്നും പറയേണ്ട.. അവളായിട്ട് നിന്റെ അശോകേട്ടനോട് മര്യാദക്ക് നിന്നോടുള്ള ഇഷ്ടം തുറന്നു പറഞ്ഞപ്പോ അങ്ങേർക്ക് മൊട.. അപ്പൊ പിന്നെ ഇതല്ലാതെ വേറെ വഴിയൊന്നും മുന്നിൽ ഇല്ല.അങ്ങനെ കരുതിയ മതി.. മഹേഷിന്റെ മുഖമൂടി വലിച്ചു പറിച്ചു കളയും വരെയും അങ്ങേർക്ക് നിന്നെ മനസ്സിലാകില്ല..അത് വരെയും നീ ഒന്ന് അഡ്ജസ്റ്റ് ചെയ്യ്.. പിന്നെ നമ്മുക്ക് പൊളിക്കാ ഡാ. ശിവയൊരു ചിരിയോടെ കാശിയുടെ തോളിൽ തട്ടി. "നീ ശ്രദ്ധിക്കണം കേട്ടോ..വീട്ടിലും പറയണം.കാരണം അശോകേട്ടൻ.. എനിക്ക് നിന്റെ കാര്യം ഓർക്കുമ്പോൾ ഒരു സമാധാനവുമില്ല.. ശിവ.വീട്ടുകാരെ ഒറ്റയ്ക്ക് വിറ്റിട്ട് നിന്നെ കൂടെ കൂട്ടാനും വയ്യ..ഇതിപ്പോ ഞാൻ ഒറ്റയ്ക്ക് ഓടി രക്ഷപ്പെട്ടു പോകും പോലെ തോന്നുന്നു എനിക്ക്.." കാശി ടെൻഷനോടെ ശിവയെ നോക്കി. "വേണ്ടാത്തത് പറഞ്ഞു നിൽക്കാതെ നീ പോ കാശി.നിന്റെ അശോകേട്ടനെ നീ പേടിച്ചാ മതി.എനിക്കാ പേടിയില്ല.അങ്ങേരെന്നെ ഒന്നും ചെയ്യില്ല.. തത്കാലം നീ നിന്റെ പെണ്ണനെ കുറിച്ചോർത്തിക്ക്..അതിന് നല്ല ടെൻഷൻ ഉണ്ട്.. അതൊന്ന് മാറ്റി കൊടുക്ക്.ഝാൻസി റാണി എന്നൊക്കെ സ്വയം പറഞ്ഞു നടന്നവളാ..ഇപ്പൊ കണ്ടാ പെറ്റ തള്ള സഹിക്കില്ല." ശിവയുടെ നോട്ടം കൂടി കാറിന് നേരെ ചെന്നു. "ശെരിയെടാ..ശ്രദ്ധിക്കണേ..എന്തുണ്ടേലും വിളിക്ക് ട്ടാ.." അതും പറഞ്ഞു കൊണ്ട് കാശി ശിവയെ ഒന്നിറുകെ പുണർന്നു കൊണ്ടകന്ന് മാറി. "നിന്റെ ഫോൺ യൂസ് ചെയ്യല്ലേ കേട്ടോ..അവളോടും പറഞ്ഞേക്ക്." ശിവ ഓർമിപ്പിച്ചു ഇല്ലെന്ന് തലയാട്ടി കൊണ്ട് കാശി ഡോർ തുറന്നു കൊണ്ട് കാറിലേക്ക് കയറി. "ടെൻഷൻ കൊണ്ട് ഓവർ സ്പീഡിൽ ഒന്നും പോണ്ട കേട്ടോ.. വരുന്നത് നമ്മുക്ക് വരുന്നിടത്തു കാണാം..പതിയെ.. നിനക്ക് കൺട്രോൾ ചെയ്യാൻ പറ്റുന്ന സ്പീഡിൽ പോയ മതി.." ഡോർ അടച്ചു കൊണ്ട് ശിവയും കുനിഞ്ഞ് നിന്നിട്ട് പറഞ്ഞു. "ഒക്കെ ടാ.. നീയും ശ്രദ്ധിക്കണം കേട്ടോ.." കാശ്ശികപ്പോഴും അത് തന്നെയാണ് പറയാൻ. കാർത്തുവിനെ കാണാൻ ഇല്ലെന്നറിഞ്ഞാൽ അശോകൻ ആദ്യം അന്വേഷിക്കുന്നത് പിന്നെ തന്നെയാവും. താനും നാട്ടിൽ ഇല്ലെന്നറിഞ്ഞാൽ പിന്നെ നേരെ ചോദ്യം ചെല്ലുന്നത് ശിവക്ക് നേരെയും. അതോർത്തു കൊണ്ടുള്ള ടെൻഷൻ അവനും നല്ലത് പോലുണ്ട്. "ഹാപ്പി ജേർണി കുഞ്ഞാറ്റ.." ശിവ കൈ വീശി കൊണ്ട് പിന്നിലേക്ക് മാറിയ നിമിഷം തന്നെ കാശി അവനെ ഒന്ന് കൂടി നോക്കിയിട്ട് കാർ മുന്നോട്ടെടുതു. ശിവയുടെ അരികിൽ നിന്നത് ഓടി മാഞ്ഞു പോയി. ഒരു നെടുവീർപ്പോടെ അത് പോയ വഴിയേ ഒന്ന് കൂടി നോക്കി നിന്നിട്ടാണ് ശിവ തിരികെ കാശിയുടെ ബുള്ളറ്റിന്റെ അരികിൽ എത്തിയത്... 💥💥 ആരോ തട്ടി വിളിച്ചത് പോലെയാണ് അശോകൻ ഉറക്കത്തിൽ നിന്നും ഞെട്ടി എഴുന്നേറ്റത്. കണ്ണുകളിൽ നിന്നും അപ്പോഴും വിട്ടു പോകാൻ മടിക്കുന്ന ഉറക്കത്തിന്റെ പുളിപ്പോടെ തന്നെ അയാൾ എഴുന്നേറ്റിരുന്നു അരികിൽ വെച്ച മൊബൈൽ എടുത്തു ടൈം നോക്കുമ്പോൾ മൂന്ന് മണിയെന്ന് കാണിച്ചു. ഉറങ്ങി എഎണീക്കുമ്പോൾ മാറുമെന്നു കരുതിയ ആ ഭാരമപ്പോഴും നെഞ്ചിൽ തന്നെയാണ്ടെന്ന് അയാൾക്ക് തോന്നി. തലേന്നുള്ള തോന്നൽ പോലെ തന്നെ... ചെയ്യുന്നതിൽ തനിക്ക് പിഴവ് വല്ലതും പറ്റിയോ എന്നുള്ള സംശയങ്ങൾ അയാൾക്കുള്ളിൽ നീറി..മഹേഷിനരികിൽ നിൽക്കുന്ന തന്റെ മകളുടെ കണ്ണിലെ നിസ്സഹായത. എന്തിനും പോരുന്ന താൻ ഉണ്ടായിട്ടും ദയനീയതയോടെ നിസ്സഹായതയോടെ അവളുടെ കണ്ണുകൾ കാശിയെ തിരഞ്ഞോടി നടന്നത്.. അതോർക്കേ അയാൾക്ക് വല്ലാത്തൊരു വെപ്രാളം. അവളെ പോലെ തന്നെ ഇന്നലെ മുതൽ താനും കാശിയെ പ്രതീക്ഷിക്കുന്നുണ്ടായിരുന്നു. ഏറ്റവും അവസാനനിമിഷം അവന്റെയൊരു അറ്റാക്ക്. പക്ഷെ അതൊന്നുമുണ്ടായില്ല. അതിന്റെ ഒരു ആശ്വാസത്തിനൊപ്ലം എത്ര മാത്രം സന്തോഷത്തോടെ ആഘോഷമാക്കേണ്ട ഒരു ദിവസം തന്റെ മകളിൽ കണ്ട ആ തീവ്ര സങ്കടം.. എല്ലാം കൂടി അയാളൊരു വല്ലാത്ത അവസ്ഥയിലായിരുന്നു ആകെയുള്ള സമാധാനം.. അത് മഹിയെ ഓർക്കുമ്പോൾ മാത്രമാണ്. അവന്റെ കയ്യിൽ ആണല്ലോ അവളെ ഏല്പിക്കുന്നത്.. എന്നുള്ളതാണ്. ഒരു നെടുവീർപ്പോടെ അശോകൻ കുറച്ചു നേരം അങ്ങനെ തന്നെ ഇരുന്നു പോയി. പതിനൊന്നു മണിക്കാണ് മുഹൂർത്തം. ഇപ്പൊ തന്നെ എഴുന്നേറ്റു പോയി ധൃതി കാണിക്കേണ്ടാ കാര്യമൊന്നുമില്ല. എങ്കിലും ഉറക്കം പാടെ വിട്ടു പോയത് കൊണ്ടയാൾ എഴുന്നേറ്റു. കുളിയൊക്കെ കഴിഞ്ഞ ശേഷം മുകളിൽ പോയി തുളസിയെ വിളിക്കാനുള്ള മടിയോടെ അശോകൻ അവരുടെ ഫോണിൽ വിളിച്ചു നോക്കി. ഇന്നലെ രാത്രിയിൽ അയാൾ തന്നെയാണ് തുളസിയെ അവളുടെ കൂടെ ഉറങ്ങാൻ പറഞ്ഞു വിട്ടത്. ഒറ്റ പ്രാവശ്യം റിങ് ചെയ്തപ്പോൾ എടുക്കാഞ്ഞപ്പോഴും ഉറക്കതിലാണെന്നെ കരുതിയൊള്ളു. രണ്ടും മൂന്നും പ്രാവശ്യവും അത് തന്നെ തുടർന്നപ്പോൾ കാർത്തുവിന്റെ നമ്പറിൽ വിളിച്ചു നോക്കി. അതും അത് തന്നെ അവസ്ഥ. രണ്ടിലും ബെല്ലുണ്ട്. പക്ഷെ ആരും എടുക്കുന്നില്ല. അത്രയും ആഴമുള്ള ഉറക്കമൊന്നും ഇല്ലാത്ത ആളാണ്‌ തുളസിയെന്ന് അയാൾക്കറിയാം. അടുത്തു കിടക്കുന്ന ആളൊന്ന് ചെറുതായി ചുമച്ചാൽ പോലും ഉറക്കം ഞെട്ടി ഉണരുന്ന അവർ ഇത്രയും ബെല്ലടി കേട്ടിട്ടും ഉണർന്നില്ലേ എന്നൊരു ആശങ്കയോടെയാണ് അശോകൻ മുകളിലെ സ്റ്റെപ് കയറി കാർത്തുവിന്റെ മുറിയുടെ നേരെ നടന്നതും. തുടരും.. കെട്ടും കഴിഞ്ഞു കുട്ടിയും ആയിട്ട് പോകാൻ നിന്ന അശോകൻ കയ്യോടെ പിടിച്ച...പിന്നെ എന്നെ പറഞ്ഞിട്ട് കാര്യല്ല ട്ടാ 😬 പെട്ടന്ന് നാട് വിട്ടു പോകാൻ ഒരു വണ്ടിയും കൊടുത്തപ്പോ ഓൻ നിന്ന് കല്യാണം കഴിക്കുന്നു.. എന്നേലും എനിക്കൊരു കല്യാണം മര്യാദക്ക് നടത്താൻ പറ്റുമോ.. 😬 ഈ പരട്ടകൾ ഒക്കെ കൂടി ഇങ്ങനെ തുടങ്ങിയ എന്റെ ഈ മോഹം ഞാനെങ്ങനെ തീർക്കും.. റിവ്യൂ ഇട്ടിട്ട് പോണെ സ്നേഹത്തോടെ jif💥 #📔 കഥ #💞 പ്രണയകഥകൾ