ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/ml6Mzv4p?d=n&ui=v64j8rk&e1=cപരിണയം ❣️ 9 "താൻ മറുപടി പറഞ്ഞില്ല ദേവൻ.." ഗാർഡനിലെ ഓരോ പൂവുകളും വീക്ഷിച്ചു നിൽക്കുന്ന അവന്റെ മൗനം നീണ്ടു പോയതും അവൾ തന്നെ ചോദിച്ചു പോയിരുന്നു. അനു ചോദിച്ചത് കേട്ടതും ദേവൻ അവളുടെ അരികിലേക്ക് വന്നു മുട്ട് കുത്തി ഇരുന്നു. "തന്റെ ഈ പോരായ്മ ആണ് തന്നെ തളർത്തുന്നതെങ്കിൽ ഞാനും ഇങ്ങനെ കൂടെ ഇരുന്നു അനുവിനെ പരിഗണിച്ചാൽ പോരെ. അത് പോലെ തനിക്ക് നടക്കണമെന്ന് തോന്നിയാൽ കോരിയെടുക്കാൻ എന്റെ ഈ കൈകൾ ഉണ്ടാകും. പ്രണയത്തിനു പ്രായമോ സമയമോ ഒന്നുമില്ലെന്ന പറയുന്നത് പോലെ ആണെടോ പ്രണയത്തിനിടയിൽ ഇതിനും പ്രസക്തി ഇല്ലെടോ. മനസ്സ് കൊണ്ട് പ്രണയിക്കുന്നവർക്ക് എങ്ങനെ ആണ് ശരീരഭംഗി നോക്കാൻ കഴിയുക. അത് കൊണ്ട് പറയുകയാണ് താൻ ഇനി ഹരിയെ ഓർമയിൽ സൂക്ഷിക്കുന്നുണ്ടെങ്കിൽ പോലും നിങ്ങൾ തമ്മിൽ ഇനി ഒന്നിക്കില്ലെന്ന ധാരണ എനിക്കുണ്ട്. ആ പ്രണയവും ഓർത്തു വെറുതെ ഇങ്ങനെ ലൈഫ് നശിപ്പിക്കരുത്. ഇനി ഹരിയെ മറക്കും വരെ കാത്തിരിക്കാനും ഞാൻ തയാറാണ്. പക്ഷെ ഈ വിവാഹത്തിൽ നിന്നും ഞാൻ പിന്മാറില്ല. ഇത് എന്റെ അവസാനതീരുമാനം ആണ്. " "ദേവൻ..." "അവിടെ നമ്മളെ അന്വേഷിക്കുന്നുണ്ടാകും വാടോ." ഇനിയും ഒരു സംസാരം ആഗ്രഹിക്കാത്തത് കൊണ്ട് ദേവൻ തന്നെ അവളെയും കൂട്ടി അകത്തേക്ക് വന്നിരുന്നു. അവളുടെ മറുപടി കേൾക്കാൻ ആയി കാതോർത്തിരിക്കുകയായിരുന്നു ദേവകിയും അഭിയും. "അനു സംസാരിച്ചോ മോനെ. എന്താണ് രണ്ടാളുടെയും തീരുമാനം?" ദേവകി അവന്റെ അരികിലായി വന്നു ചോദിച്ചതും ദേവന്റെ മിഴികൾ അനുവിൽ പതിഞ്ഞു. "അനുവിന് പൂർണ സമ്മതം ആണ് അമ്മേ. നിങ്ങൾ വിവാഹത്തിന് ഡേറ്റ് തീരുമാനിച്ചോളൂ. അടുത്ത് ഒരു ക്ഷേത്രത്തിൽ വെച്ചു തന്നെ താലി കെട്ടി കൂടെ കൂട്ടിക്കോളാം ഞാൻ അനുവിനെ. " അത്രെയും പറഞ്ഞു അവൻ ആ പടികൾ ഇറങ്ങുമ്പോൾ അവന്റെ മുഖത്ത് കുസൃതി നിറഞ്ഞ ഒരു പുഞ്ചിരി നിറഞ്ഞിരുന്നു. "ഹരിയെ നീ ഒരിക്കലും സ്വീകരിക്കില്ലെന്നു വളരെ വ്യക്തമായി എനിക്ക് അറിയാം. പിന്നെയും നിന്റെ ഈ ഭയം ആ പ്രണയം കാരണം അല്ല മറിച്ചു എന്റെ ലൈഫിൽ നീ ഒരു ബുദ്ധിമുട്ട് ആകുമോ എന്നൊരു ചിന്ത അത് നിന്നെ വല്ലാതെ അലട്ടുന്നുണ്ട് അനു. അത് ഇനി വേണ്ട. ദേവന്റെ പെണ്ണാവാൻ അനു ഒരുങ്ങി ഇരുന്നോളൂ." അനുവിനെ ഒന്ന് പാളി നോക്കി മനസ്സിൽ പറഞ്ഞു കൊണ്ട് കാറിനരികിലേക്ക് നീങ്ങുമ്പോൾ അവന്റെ പ്രണയം അവളും മനസ്സിലാക്കി തുടങ്ങിയിരുന്നു. എന്നാൽ ഇപ്പോഴും മനസ്സ് അവനെ സ്വീകരിക്കാൻ അനുവദിക്കാത്തതായി അവൾക്ക് തോന്നി പോയിരുന്നു. "അനു.. അപ്പൊ ഞാൻ ഇന്ന് തന്നെ അമ്മാവനോട് നല്ലൊരു മുഹൂർത്തം നോക്കി ഡേറ്റ് ഫിക്സ് ആക്കാൻ പറയാം.ആ കുട്ടിയുടെ സന്തോഷം കണ്ടില്ലേ? നിനക്ക് വിധിച്ചത് ആ പയ്യൻ തന്നെ ആണ്. അതല്ലേ പ്രതീക്ഷിക്കാതെ ഒരു ആലോചന വന്നത്. ഒരിക്കലും ആലോചന വരാനിടയില്ലാത്ത മഠത്തിൽ തറവാട്ടിൽ നിന്നും. അഭി.. അനുനെ കൂട്ടി രണ്ടാളും പോയി ഫുഡ്‌ കഴിക്ക്. ഞാൻ ഏട്ടനെയും കൂട്ടി മുഹൂർത്തം കുറിപ്പിച്ചിട്ട് വരാം. ഇനി വൈകിക്കാൻ മനസ്സ് അനുവദിക്കുന്നില്ല." ദേവകിയുടെ ആഹ്ലാദം കണ്ടു അനുവിന്റെ മുഖം വല്ലാതെ ആയി. താൻ ഒഴിഞ്ഞു പോകാൻ ഇത്ര മാത്രം അമ്മ ആഗ്രഹിച്ചിരുന്നോ എന്ന ചിന്ത ആയിരുന്നു അവളുടെ മനസ്സിൽ. എന്നാൽ തന്റെ മകൾക്ക് വന്ന അത്രേയും നല്ലൊരു ആലോചന നടത്താൻ അതിയായി ആഗ്രഹിച്ചിരുന്നു ആ സ്ത്രീ. ✨️✨️✨️✨️✨️✨️✨️✨️✨️✨️✨️✨️✨️✨️✨️✨️✨️ റൂമിൽ പതിവ് പോലെ വായിച്ചു സമയത്തെ കൊല്ലാൻ ആഗ്രഹം ഉണ്ടെങ്കിൽ പോലും ഒന്നും മനസ്സിരുത്തി വായിക്കാൻ കഴിയാത്തത് പോലെ. അക്ഷരങ്ങൾ കാഴ്ച മറയ്ക്കുന്നത് പോലെ. ഫോൺ എടുത്തു പഴയ ചാറ്റുകളിൽ ഒന്ന് കൂടി കണ്ണുകൾ ഓടിച്ചു അവൾ. "ദേവാ.. നീ എനിക്ക് ഒപ്പം ഉണ്ടായിരുന്നെങ്കിൽ എന്ന് ആഗ്രഹിച്ചു പോകുന്നെടാ. അത്രത്തോളം ഒരു മെസ്സേജിലൂടെ എന്റെ മാനസികാവസ്ഥ അറിഞ്ഞു ഒപ്പം നിന്നവൻ ആയിരുന്നു നീ.. നിന്നോട് പ്രണയമോ സൗഹൃദമോ അല്ല അതിനുമപ്പുറം എന്തോ അടുപ്പം ആയിരുന്നു എന്ന് ഞാൻ മനസ്സിലാക്കിയത് നിന്റെ അബ്സെൻസിൽ ആണ്. ഒന്ന് വന്നൂടെ നിനക്ക്. മാഷേ എന്ന് വിളിച്ചു നീ കൂട്ട് കൂടിയ പഴയ ഓർമ്മകൾ എന്നെ വല്ലാതെ വേദനിപ്പിക്കുന്നു. ഇപ്പൊ ഈ ഒരു അവസ്ഥയിലും അയാളെ എങ്ങനെ ഒഴിവാക്കണമെന്ന് നീ ഒരു സൊല്യൂഷൻ പറഞ്ഞു തരുമെന്ന് ഞാൻ ആഗ്രഹിക്കുന്നു. പക്ഷെ നീ......" അത്രെയും ടൈപ്പ് ചെയ്തതും അവൾ ആദ്യം ഒന്ന് മടിച്ചു.ഒരിക്കലും അത് അവൻ കാണില്ലെന്ന് അറിയാം. കാരണം ഇത് വരെയും അയച്ച മെസ്സേജ് അവൻ സീൻ ചെയ്തിട്ടില്ല. ആ അകൗണ്ട് പോലും ആക്റ്റീവ് ആയി കണ്ടിട്ടില്ല. എല്ലാം ഉപേക്ഷിച്ചു അവൻ അവന്റെ ലൈഫിലേക്ക് കടന്നിരിക്കുന്നു. എങ്കിലും എന്നെങ്കിലും ആ മെസ്സേജ് അവൻ കാണുമെന്ന് കരുതി അവൾ അവനു അത് മെസ്സേജ് ചെയ്തു ഫോൺ ബെഡിലേക്ക് ഇട്ടു. "ഇപ്പൊ നിന്റെ വിവാഹം കഴിഞ്ഞിട്ടുണ്ടാകും അല്ലെ ദേവാ. നിന്റെ സ്പെഷ്യൽ ഗസ്റ്റ്‌ ആയിരുന്നു ഞാൻ. എന്നാൽ നീ എന്നെ മറന്നില്ലേടാ. മാര്യേജ് കഴിഞ്ഞാലും നീ എനിക്ക് എന്റെ ബെസ്റ്റ് ഫ്രണ്ട് ആണ്. അത് കൊണ്ട് എനിക്ക് നിന്നെ ഒന്ന് കാണണം ദേവാ.." മനസ്സിൽ ഇപ്പോഴും അവന്റെ വാക്കുകൾ തങ്ങി നിൽക്കുന്നു. അവന്റെ പ്രിയപ്പെട്ടവൾ. അവന്റെ കുസൃതി നിറഞ്ഞ മാഷേ എന്നൊരു വിളി. അതെല്ലാം അത്രത്തോളം അവൾ മിസ്സ്‌ ചെയ്യുന്നുണ്ടായിരുന്നു. ✨️✨️✨️✨️✨️✨️✨️✨️✨️✨️✨️✨️✨️✨️✨️✨️✨️ "ദേവാ.. നിന്റെ തീരുമാനം എന്താണ്? ഈ കുട്ടി തന്നെ മതിയെന്ന് ഉറപ്പാണോ? നിനക്ക് ഇനിയും തീരുമാനം എടുക്കാൻ ടൈം ഉണ്ട്. പക്ഷെ ഒന്ന് പറയാം ആ കുട്ടിക്ക് ഒരു പ്രതീക്ഷ കൊടുത്ത ശേഷം ഇതിൽ നിന്നും ഒഴിവാകാൻ വല്ല ഉദ്ദേശം ഉണ്ടെങ്കിൽ വളർന്നു എന്ന് കൂട്ടാക്കില്ല. എന്റെ കയ്യിന്ന് വാങ്ങും നീ. ഒരു പെൺകുട്ടിയുടെ ശാപം തലയിൽ ഏറ്റു വാങ്ങരുത് എന്റെ മകൻ." ബാൽക്കണിയിൽ എന്തെല്ലാമോ ആലോചിച്ചു നിന്നിരുന്ന ദേവനോട്‌ അമ്മ പറഞ്ഞതും അവൻ വേഗം ഞെട്ടി പിടഞ്ഞു പിന്തിരിഞ്ഞു. "എന്റെ ഗായത്രികുട്ട്യേ. ഒന്ന് വിളിച്ചിട്ട് വേണ്ടേ വരാൻ. പെട്ടെന്ന് പിന്നിൽ വന്നു ഇങ്ങനെ കടുപ്പിച്ചു പറഞ്ഞാൽ മനുഷ്യൻ പേടിച്ചു വിറച്ചു പോകുമല്ലോ." ഗായത്രിയുടെ തോളിലൂടെ കൈ ചേർത്തു തനിക്ക് അരികിലേക്ക് ചേർത്തു നിർത്തി അവൻ. "ഡാ ചെക്കാ. കുഞ്ഞു കളിക്കല്ലേ. ഞാൻ ചോദിച്ചതിന് മറുപടി പറയെടാ.." അവരുടെ ശബ്ദം ഉയർന്നതും അവൻ അവരെ കൂടുതൽ ചേർത്തു പിടിച്ചു. "അമ്മക്ക് ഒരു പ്രശ്നം വന്നാൽ ഒരു സങ്കടം വന്നാൽ കൃഷ്ണറാം എന്ന എന്റെ അച്ഛൻ ഈ രാധയെ ഉപേക്ഷിക്കാൻ തയാറാകുമോ? ഒന്നുമില്ലെങ്കിലും രണ്ടാളുടെയും സ്നേഹം കണ്ടു അറിഞ്ഞു വളർന്നവൻ അല്ലെ ഈ മകൻ. " "അത് ഒക്കെ നേരാ. എന്റെ കൃഷ്ണേട്ടൻ ഒരിക്കലും എന്നെ ഉപേക്ഷിക്കില്ല. അതിനി ഈ സ്നേഹനിധിയായ പുത്രൻ പറഞ്ഞാൽ പോലും അതിയാൻ എന്നെ കൈ വിടില്ല." ഗായത്രി അഭിമാനത്തോടെ പറഞ്ഞു നിർത്തിയതും അവൻ ഒന്ന് ചിരിച്ചു. "ആ കൃഷ്ണ റാമിന്റെ മകൻ അല്ലെ അമ്മേ ഞാനും. ഈ ദേവൻ ഒരാളെ എങ്കിലും പ്രണയിക്കാൻ ആഗ്രഹിക്കുന്നുണ്ടെങ്കിൽ അത് അവൾ ആണ്. അവളെ ഒരിക്കലും ഞാൻ ഉപേക്ഷിക്കില്ല. രണ്ടാളും പ്രണയിച്ചു വിവാഹം കഴിച്ചവരല്ലേ. അത് കൊണ്ട് പ്രണയത്തിന്റെ ആഴം ഞാൻ വർണിക്കേണ്ടതില്ലല്ലോ. ഈ മകനും അതിന്റെ ഒരു അംശം കിട്ടിയിട്ടുണ്ടെന്നേ. അത് കൊണ്ട് അവളെ പ്രണയിക്കാൻ മാത്രേ അറിയൂ. പോരായ്മകൾ നോക്കി വിട്ടു കളയാൻ ഞാൻ തയാറാവില്ല. അല്ലെങ്കിൽ തന്നെ അവൾക്ക് എന്ത് പോരായ്മ ആണുള്ളത്. അമ്മ വീണു പരിക്ക് പറ്റി 3 മാസം ബെഡ് റെസ്റ്റിൽ ആയിരുന്നപ്പോൾ ഒരു കൊച്ചു കുട്ടിയെ പോലെ പരിചരിച്ചത് അച്ഛൻ അല്ലെ.? പിന്നെ എനിക്ക് എന്റെ പെണ്ണിനെ നോക്കാൻ ആണോ മടി. അത് കൊണ്ട് അമ്മക്ക് ഞാൻ വാക്ക് തരുന്നു. ഒരിക്കലും ആ പെണ്ണിന്റെ ശാപം ഈ മകന്റെ മേൽ ഏൽക്കില്ല.എന്റെ അമ്മയെ പോലെ അവളെ ബഹുമാനിക്കാനും സ്നേഹിക്കാനും അവളുടെ ഒപ്പം ഈ മകനും ഉണ്ടാകും." ദേവന്റെ വാക്കുകൾ കേട്ടു കണ്ണുകൾ നിറഞ്ഞിരുന്നു ആ സ്ത്രീയുടെ. കാരണം അവരും അനുവിനെ ആഗ്രഹിച്ചിരുന്നു. അവളുടെ അവസ്ഥ നന്നായി അറിയാവുന്നത് കൊണ്ട് തന്നെ അവളെ കൂടെ കൂട്ടാനും പഴയ അനുവായി തിരികെ കൊണ്ട് വരാൻ കഴിഞ്ഞാൽ അതിന് ആവോളം പരിശ്രമിക്കാനും ദേവനെക്കാൾ കൊതിച്ചത് ഗായത്രി തന്നെ ആണ്. അവർ ദേവനെ ചേർത്തു പിടിച്ചു നെറുകയിൽ ചുംബിച്ചതും ഒരു കൈയിൽ അമ്മയെ ചേർത്തു പിടിച്ചത് പോലെ മറു കയ്യിൽ തന്റെ പെണ്ണിനെ ചേർത്തു പിടിക്കാൻ അവനും സ്വപ്നം കണ്ടു പോയിരുന്നു. (തുടരും ).. കണ്ണൂർകാരൻ 🥰🥰🥰 #📙 നോവൽ #📔 കഥ #✍ തുടർക്കഥ #📚 ട്വിസ്റ്റ് കഥകൾ #💞 പ്രണയകഥകൾ