Part 19 B അന്തമില്ലാത്ത വരികൾ - സഖിയുടെ സഖാവ് - അങ്ങനെ ക്യാമ്പസിന്റെ ഉള്ളിലെ പ്രണയത്തീരത്തിന്റെ ഒരു കോണിലേക്ക് അവളുടെ ചുവടുകൾ എത്തിച്ചേർന്നു. ചുറ്റും ആരുമില്ലാത്ത ആ നിശ്ശബ്ദമായ വാക മരച്ചുവട്ടിൽ പതിയെ ഇരുന്നു. മുഖം താഴ്ത്തി… തന്റെ കാൽമുട്ടുകളിലേക്ക് മുഖം ചേർത്ത്… കുറച്ചുനേരം അവൾ അങ്ങനെ തന്നെ ഇരുന്നു. പുറത്തെ ലോകത്തെല്ലാം മറന്നതുപോലെ… അവളുടെ മനസ്സ് അപ്പോഴും ആ അജ്ഞാത സഖാവിന്റെ ഓർമ്മകളിലായിരുന്നു. അക്ഷരങ്ങളിലൂടെ മാത്രം പരിചയപ്പെട്ട ഒരാൾ… എന്നാൽ ഹൃദയത്തിൽ ഇത്രയും അടുത്ത ഒരാൾ… അവൾ അറിയാതെ തന്നെ ഒരു ചെറുപുഞ്ചിരി അവളുടെ ചുണ്ടിൽ വിരിഞ്ഞു. എവിടുന്നോ പാറിയെത്തിയ ഇളംകാറ്റ് അവളുടെ മുടിയിഴകളെ മെല്ലെ തലോടി കടന്നുപോയി. ആ കാറ്റ് പോലും അവളുടെ അരികിൽ നിശ്ശബ്ദമായി നിന്നുകൊണ്ട്, അവളുടെ മനസ്സിലെ പറയാത്ത വികാരങ്ങൾ കേൾക്കുന്നതുപോലെ തോന്നി. ഇളംകാറ്റിന്റെ സുഖസ്പർശത്തിൽ അവൾ പതിയെ ആ നിശ്ശബ്ദതയിലേക്ക് ലയിച്ചുപോയി. ചുറ്റുമുള്ള ശബ്ദങ്ങളെല്ലാം അകന്നുപോയതുപോലെ… ആ നിമിഷം അവൾ സ്വന്തം ചിന്തകളുടെ ലോകത്തായിരുന്നു. അപ്പോഴാണ്…. തന്റെ നേരെ രണ്ട് വിദ്യാർത്ഥികൾ നടന്ന് വരുന്നത് അവളുടെ ശ്രദ്ധയിൽപ്പെട്ടത്. അവർ എന്തൊക്കെയോ സംസാരിച്ചുകൊണ്ട്… ചിരിച്ചും കളിച്ചും… അവളുടെ ഭാഗത്തേക്കാണ് നടന്നുവന്നത്. അവരുടെ ചിരിയുടെ ശബ്ദം ആ നിശ്ശബ്ദതയെ പതിയെ ഭേദിച്ചു. അവരെ നോക്കിയിരുന്ന ലക്ഷ്മിക്ക്, അടുത്ത നിമിഷം എന്തോ സംഭവിക്കാൻ പോകുന്നതുപോലെ ഒരു തോന്നൽ മനസ്സിൽ നിറഞ്ഞു. അവരിരുവരും ലക്ഷ്മിയുടെ മുന്നിലെത്തി നിന്നു. ചുണ്ടിൽ വിരിഞ്ഞ ഒരു ചെറുപുഞ്ചിരിയോടെ, അവരിൽ ഒരാൾ തന്റെ കയ്യിലുണ്ടായിരുന്ന ഒരു താൾ അവൾക്ക് നേരെ നീട്ടി. ഒരു നിമിഷം ലക്ഷ്മി അതിശയത്തോടെ അവരെ നോക്കി. “എനിക്കോ…?” എന്നൊരു ചോദ്യം അവളുടെ കണ്ണുകളിൽ തെളിഞ്ഞു. പക്ഷേ, ഒന്നും പറയാതെ അവർ ആ താൾ അവളുടെ കയ്യിൽ വെച്ചു. ലക്ഷ്മി പതിയെ ആ താളുകളിലേക്ക് നോക്കി. അത് എന്താണെന്ന് മനസ്സിലാക്കാൻ ശ്രമിക്കുന്നതിനിടയിൽ… അവരിരുവരും പരസ്പരം നോക്കി ചിരിച്ചുകൊണ്ട് തിരിഞ്ഞുനടന്നു. അവർ അകന്നുപോകുന്നത് നോക്കിനിന്ന ലക്ഷ്മിയുടെ മനസ്സിൽ ഒരു ചെറിയ ആകാംക്ഷ നിറഞ്ഞു. ആ താളുകളിൽ എന്താണ് അറിയാൻ19C #📙 നോവൽ #💞 പ്രണയകഥകൾ #📔 കഥ #📝 ഞാൻ എഴുതിയ വരികൾ #തുടർകഥ