ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mk5m9kk?d=n&ui=v64j8rk&e1=cപരിണയം❣️14 വിദ്യ അവരുടെ വാക്കുകൾ വിശ്വസിച്ചു സ്വർണം മുഴുവൻ അവരെ ഏൽപ്പിച്ചിരുന്നു. ഹരിയുടെ പിന്തുണ കൂടി ആയപ്പോൾ അവൾക്ക് അത് തന്നെ ആണ് നല്ലതെന്ന് തോന്നി. ✨️✨️✨️✨️✨️✨️✨️✨️✨️✨️✨️✨️✨️✨️✨️✨️✨️ ദേവൻ പുറത്തു പോയി വന്നതും ഗാർഡൻ ഏരിയയിൽ ഇരിക്കുകയായിരുന്നു അഭിയും അനുവും. ദേവനെ കണ്ടതും അഭി അനുവിനെ അവിടെ ഇരുത്തി പിന്നിലേക്ക് വലിയാൻ നോക്കിയെങ്കിലും ദേവൻ തന്നെ അവളെ പിടിച്ചു അവരുടെ ഇടയിൽ ഇരുത്തി. ദേവന്റെ അഭിയോട് ഉള്ള പെരുമാറ്റം അനുവിനും സന്തോഷം നൽകുന്ന കാഴ്ച ആയിരുന്നു. അഭി പലപ്പോഴായി തമാശക്ക് തന്നോട് പറഞ്ഞിട്ടുള്ളതാണ് ഒരേട്ടൻ ഉണ്ടായിരുന്നെങ്കിൽ എന്നത്. അനുവേച്ചി ഒരു ഫ്രണ്ട്‌ലി ആയിട്ടുള്ള ഒരു ചെക്കനെ കെട്ടണേ എന്നിട്ട് എന്റെ ഏട്ടനായി ഇങ്ങു തരണേ എന്ന് ഹരിയെ പ്രണയിച്ചിരുന്ന നാളുകളിൽ അഭി തന്നോട് പറഞ്ഞതാണ്. ഇപ്പൊ അവളുടെ ആഗ്രഹം കൂടി ആണ് നടന്നത്. ഹരി ഒരിക്കൽ പോലും അഭിയുമായി അടുത്തിട്ടില്ല. എന്നാൽ ദേവൻ തന്നേക്കാൾ മുൻപ് അടുപ്പം ആയത് അഭിയോടാണെന്നുള്ളത് അനു ഓർത്തു പോയിരുന്നു. "നീ എന്താ ചേച്ചി ആലോചിക്കണേ.? സത്യത്തിൽ നിങ്ങൾ കല്യാണം കഴിഞ്ഞവർ തന്നെ ആണോ. ഒന്നും സംസാരിച്ചു കണ്ടില്ല. രണ്ടും ഇരു ധ്രുവങ്ങളിൽ എന്ന കണക്കെ ആണല്ലോ ഇരിക്കണേ.? രണ്ടാളും ഹണിമൂൺ ട്രിപ്പ്‌ ഒക്കെ പ്ലാൻ ചെയ്യെന്നെ. ഒന്നുമില്ലെങ്കിലും നീ നടന്നു കഷ്ടപ്പെടേണ്ടി വരില്ലല്ലോ. എടുത്തു നടക്കാൻ എന്റെ ഏട്ടൻ ഇല്ലേ? അപ്പൊ ധൈര്യമായി പൊയ്ക്കൂടേ " അഭി ചോദിച്ചതും ദേവന്റെ ചൊടിയിൽ പുഞ്ചിരി തത്തി കളിച്ചു. അനു ആകട്ടെ അഭിയെ രൂക്ഷമായി ഒന്ന് നോക്കി ഇടം കണ്ണിട്ട് ദേവനെയും നോക്കി. "നിനക്ക് മറ്റൊന്നും പറയാൻ ഇല്ലേ അഭി. പെണ്ണിന് വന്നു വന്നു ഇപ്പൊ കല്യാണകാര്യം മാത്രം ആണ് ചർച്ച." അഭിയുടെ ചെവിയിൽ നോവിക്കാതെ അനു പിടിച്ചതും ഒന്ന് ചിണുങ്ങി അഭി അനുവിന്റെ അരികിലേക്ക് നീങ്ങി ഇരുന്നു. "നിങ്ങൾ രണ്ടാളും ഒന്ന് ഓർക്കണം. അനുവേച്ചിയുടെ കാര്യം വരുമ്പോൾ എല്ലാം അമ്മ പറയുന്നതാ അഭിക്കും ഒരു ജീവിതം വേണ്ടതല്ലേ. എന്നെയും കെട്ടിച്ചു വിടണ്ടേ എന്നൊക്കെ. അപ്പൊ സത്യത്തിൽ എനിക്ക് അതിനു പ്രേരണ നൽകുന്നത് അമ്മ അല്ലെ? ഇപ്പൊ ചേച്ചി പറയുന്നതോ ഞാൻ കൊച്ചു കുട്ടി ആണ് പോലും.ശരിക്കും... ശരിക്കും ഞാൻ എപ്പോഴാ വിവാഹം ചെയ്യണ്ടേ? " അഭിയുടെ നിഷ്കളങ്കത വാരി വിതറി ഉള്ള ചോദ്യത്തിന് മുൻപിൽ അനു ഇവൾ നന്നാവില്ല എന്ന ഭാവത്തിൽ ഇരുന്നു. "എന്റെ അഭി കുട്ട്യേ.. എന്റെ കുഞ്ഞന് എപ്പോ വിവാഹം വേണമെന്ന് തോന്നുന്നോ അപ്പൊ മതി വിവാഹം. അല്ലാതെ മറ്റുള്ളവർ പറയുന്നത് ഒന്നും കേൾക്കണ്ട. നീ ഒരു കാര്യം മനസ്സിലാക്കണം നിന്റെ ചേച്ചിക്ക് നീ കുഞ്ഞു കുട്ടി ആയിരിക്കും. എന്നാൽ അമ്മക്ക് നീ എപ്പോഴും ആ മുട്ടേൽ ഇഴയുന്ന കുറുമ്പി ആണ് അതിനി എത്ര പ്രായം ആയാലും. എന്നാൽ നാട്ടുകാർക്കോ നീ ഇപ്പോഴേ പക്വത വന്നു നര വീണു തുടങ്ങിയ ഒരു പെൺകുട്ടിയാണ്. അവരുടെ സംസാരം കേൾക്കുമ്പോൾ എന്റെ മകൾ വളർന്നു എന്ന് അമ്മക്ക് പതിയെ തോന്നി തുടങ്ങും. ലാസ്റ്റ് കെട്ടിച്ചു വിടണമെന്ന ഉത്തരവാദിത്തം അമ്മ അങ്ങ് ഏറ്റെടുക്കും. അതാണ് ഇവിടെ നടക്കുന്നത് . എന്നാൽ എന്റെ അഭി ആരെയും നോക്കണ്ട. നീ ഇപ്പോഴും പക്വത പോയിട്ട് വിവരം പോലും വെച്ചോ എന്ന് എനിക്ക് സംശയം ആണ്. എന്തിന് നിന്റെ ഈ ചേച്ചിക്ക് പോലും പക്വത ഇല്ലാതെ ആണ് സംസാരം. അപ്പൊ എന്റെ അഭിയുടെ കാര്യം പറയണോ "? അഭിയോടാണ് പറഞ്ഞതെങ്കിലും ദേവന്റെ കണ്ണുകൾ അനുവിൽ ആയിരുന്നു. "അത് ശരിയാ ദേവേട്ടാ.. എനിക്കും തോന്നിയിട്ടുള്ള കാര്യം ആണ്. ഈ ചേച്ചിക്ക് ഒട്ടും പക്വത ഇല്ല. പിന്നെ അമ്മക്ക് പേടിയാ ഏട്ടാ. അമ്മക്ക് എന്തെങ്കിലും സംഭവിച്ചാൽ പിന്നെ ഞാനും ചേച്ചിയും ഒറ്റക്കാവില്ലേ? ചേച്ചിടെ കാര്യത്തിൽ അമ്മ ടെൻഷൻ അടിച്ചത് പോലെ മറ്റാരും അനുഭവിച്ചിട്ടുണ്ടാവില്ല. പിന്നെ എന്റെ കാര്യം. ചെക്കൻ ഇല്ലെങ്കിലും ഒറ്റക്ക് ജീവിക്കാൻ ഉള്ള തന്റേടം എനിക്ക് ഉണ്ട്. അത് കൊണ്ട് ആ കാര്യം ഓർത്തു തത്കാലം ആരും ടെൻഷൻ വേണ്ട. ഏട്ടന്റെ കടമ ആണെന്ന് പറഞ്ഞു ദേവേട്ടനും ബ്രോക്കർ പണി ഏറ്റെടുത്തു വരണ്ട. വന്നാൽ മുട്ടുകാൽ തല്ലി ഓടിക്കും. അവസാനം ചേച്ചീനെ പോലാകും. പറഞ്ഞില്ലെന്നു വേണ്ട" അഭി പറഞ്ഞത് കേട്ടു അന്തം വിട്ടിരിക്കുകയാണ് അനു. ദേവനോട് ഇത്രേം ക്ലോസ് ആകുമെന്ന് അനു കരുതിയത് പോലുമല്ല. താൻ മാത്രം ആണ് ദേവനുമായി അകൽച്ച പാലിക്കുന്നതെന്ന തിരിച്ചറിവ് കൂടി ആയിരുന്നു അനുവിന് ആ നിമിഷം ഉണ്ടായത്. " എന്റെ അഭി നിന്റെ നാവിന്റെ പകുതി നിന്റെ ചേച്ചിക്ക് കൊടുക്കെടി. നമ്മൾ എത്ര ഹാപ്പി ആയിട്ടാണ് സംസാരിക്കുന്നത്. നിന്റെ ചേച്ചി കണ്ടില്ലേ മുഖം വീർപ്പിച്ചു ആണ് ഇരുപ്പ്. ഇതിനെ ഞാൻ എങ്ങനെ മെരുക്കി എടുക്കും എന്റെ അഭി. ഒരു ഐഡിയ പറയെടി. " അഭിയോട് കെഞ്ചുന്ന ദേവനെ കണ്ടു അനുവും ചിരിച്ചു പോയിരുന്നു. "എന്റെ ദേവേട്ടാ. വാശിയുടെ കാര്യത്തിൽ ആണിനെക്കാൾ ഒരെല്ല് കൂടുതലാ എന്റെ ചേച്ചിക്ക്. പ്ലസ് ടുവിൽ എന്റെ ജിത്തൂനെ വളയ്ക്കാൻ പഠിച്ച അടവ് പതിനെട്ടും പയറ്റിയിട്ട് അവൻ വളഞ്ഞില്ല. പിന്നെയാ എന്റെ ഐഡിയ കൊണ്ട് ചേച്ചി വളയാൻ ഒന്ന് പോയെ ദേവേട്ടാ.." അഭി പറഞ്ഞും തീരും മുൻപ് ദേവന്റെ കൈ അഭിയുടെ ചെവിയിൽ പിടുത്തം ഇട്ടിരുന്നു. "കുരുട്ട് കാണുന്നത് പോലെ അല്ലല്ലോ. വല്യ ഡയലോഗ് അടിച്ചപ്പോൾ ഞാൻ കരുതി ആരോടും സ്പർക്ക് അടിച്ചിട്ടില്ലെന്നു. എന്നാ ഇവൾ നമ്മൾ കരുതുന്ന പോലെ അല്ലേ അല്ല. ആരാടി ജിത്തു.. പറയെടി...?" കപട ദേഷ്യത്തോടെ ചോദിക്കുന്നവന്റെ മുൻപിൽ ഇല്ലാത്ത നാണവും ചമ്മലും ഒക്കെ വരുത്തി അഭി ഒന്ന് തല ഉയർത്തി. "അത് പിന്നെ ജിതിൻ റാം. ഒരേ ക്ലാസ്സിൽ ആയിരുന്നു. പറഞ്ഞിട്ടെന്താ അവനു എന്നോട് ഒരു ഫീലിങ്‌സും ഇല്ലായിരുന്നു. ഹാ പറഞ്ഞിട്ടെന്താ കാര്യം. വിധിച്ചിട്ടില്ല.." "എന്താ അവളുടെ ഒരു സന്തോഷം. പ്രേമിക്കാൻ പറ്റിയ ഒരു മുതൽ. മര്യാദക്ക് പോയി ഇരുന്നു പഠിക്കെടി." "ഇതാണ്.. ഈ ഏട്ടന്മാരെ ഒന്നിനെയും വിശ്വസിക്കാൻ പാടില്ല. എല്ലാത്തിനും കൂട്ട് നിൽക്കും. എന്നാ പെങ്ങൾക്ക് ഒരു പ്രേമം ഉണ്ടെന്ന് അറിഞ്ഞാൽ തീർന്നു. പിന്നെ വെള്ളരിപ്രാവ് കഴുകന്റെ സ്വഭാവം ആയിരിക്കും എടുക്കുക. ലോകത്തു എല്ലാ ആങ്ങളമാരും ഇങ്ങനെ ഒക്കെ അല്ലേ ദേവേട്ടാ? നിങ്ങൾക്ക് എങ്കിലും ഇതൊന്ന് മാറ്റി പിടിച്ചൂടെ. മാസ്സ് ആയിട്ട് പെങ്ങൾക്ക് സപ്പോർട്ട് നിന്നൂടെ.."? "ഡീ.. അത് അപ്പൊ തീരുമാനിക്കാം. ഇപ്പൊ പഠിക്കാൻ നോക്ക്." "പഠിക്കുമ്പോൾ അല്ലാതെ പിന്നെ പഠിത്തവും കഴിഞ്ഞു മൂക്കിൽ പല്ല് മുളയ്ക്കുമ്പോഴാണോ പ്രേമിക്കണെ. അപ്പോഴേക്കും എനിക്ക് ചെക്കനെ കിട്ടില്ല. അവൻ അവന്റെ പാട്ടിനു പോകും." "ഇവളെ കൊണ്ട്.കേറി പോടീ അവളുടെ ഒരു പ്രേമം." ചെവിയിൽ നിന്നും ദേവൻ കൈ അയച്ചതും ചിരിച്ചു കൊണ്ട് അഭി അകത്തേക്ക് ഒരൊറ്റ ഓട്ടം ആയിരുന്നു. ദേവൻ തമാശ ആയിട്ടാണ് അത് കൈകാര്യം ചെയ്തതെന്ന് അനുവിനും അഭിക്കും അറിയാമായിരുന്നു. അത് കൊണ്ട് തന്നെ തന്റെ പ്രേമത്തിന് ദേവൻ ഒപ്പം നിൽക്കും എന്ന വിശ്വാസം അഭിക്കും ഉണ്ടായിരുന്നു. അഭി പോയതും ദേവൻ അനുവിന്റെ അരികിലായി വന്നിരുന്നു. പതിയെ അവളുടെ കൈകൾ തന്റെ കൈകളിലേക്ക് ചേർത്തു പിടിച്ചു. പെട്ടെന്ന് ഉള്ള അവന്റെ പ്രവർത്തി കണ്ടു ഒന്നും മനസിലാകാതെ അനുവിന്റെ മിഴികൾ ദേവനിൽ തന്നെ തങ്ങി നിന്നു. (തുടരും ).. കണ്ണൂർകാരൻ 🥰🥰🥰🥰 #📚 ട്വിസ്റ്റ് കഥകൾ #💞 പ്രണയകഥകൾ #📔 കഥ #✍ തുടർക്കഥ #📙 നോവൽ