ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/ml1AXexv?d=n&ui=v64j8rk&e1=cപെയ്തൊഴിയാതെ ഭാഗം : 44 ********* ജുബി വളരെ വിഷമത്തോടെ അവന്റെ അരികിലായ് ചേർന്ന് കിടന്നു....എത്രയും വേഗം ഒരു ഭാര്യ എന്ന നിലയിൽ ഫാസിയെ എനിക്ക് സന്തോഷിപ്പിക്കാൻ കഴിയണേ എന്നുള്ള പ്രാർത്ഥനയോടെ അവൾ കണ്ണുകൾ അടച്ചു.. ****** "ഉമ്മാ... ഞാനിറങ്ങിട്ടൊ." ഉമ്മറത്ത് നിന്ന് അവനത് വിളിച്ച് പറഞ്ഞതും ഉമ്മ അവനക്കരികിലോട്ട് വന്നു. "പിന്നേ......ഉമ്മാ...." എന്താടാ..." നിങ്ങൾക്ക് ഭയങ്കര പരാതിയാണല്ലോ ഞാൻ വേറെ പെണ്ണ് കെട്ടുന്നില്ല പറഞ്ഞുകൊണ്ട്..ആ കാര്യത്തിൽ ഞാനിന്നൊരു തീരുമാനം കൊണ്ടേ തിരിച്ചുവരു.... "എന്ന് വെച്ചാൽ.. എനിക്കൊന്നും മനസ്സിലായില്ല." അതൊക്കെ വന്നതിന് ശേഷം അറിഞ്ഞാൽ മതി.. ഞാൻ പോട്ടെ... പിന്നേ..... ഉമ്മാക്ക് ഇന്നൊരു ദിവസം..കൂടിയേ മോനെ നോക്കുന്ന ബുദ്ധിമുട്ട് ഉണ്ടാവു. അതും പറഞ് റഫീഖ് വീട്ടിൽ നിന്നും ഇറങ്ങി... ഇവൻ പറഞ്ഞതൊന്നും എനിക്ക് മനസ്സിലായില്ല ഇനി കുഞ്ഞിനെ നോക്കാൻ വല്ല ജോലിക്കാരിയുമായിട്ടാണാവോ...വരവ്... അതോ ഇനി ഷെമിയെ കൂട്ടീട്ട് വരുമോ..? " പക്ഷെ.... നിക്കാഹ് കഴിയാതെ അവളെയും കൊണ്ട്... ഹേയ്... അതിന് സാധ്യതയില്ല. ഒന്നും മനസ്സിലാവുന്നില്ലല്ലോ റബ്ബേ....അതോ..ഇനി ജൂബിയെ ഇഷ്ടപെട്ടത് പോലെ..കോളേജിൽ പഠിപ്പിക്കുന്ന വല്ല കൊച്ചിനെയും കൊണ്ട് വരുവോ.... 'ന്റെ റബ്ബേ...' പറയിപ്പിക്കുമോ..ഇവൻ നാട്ടുക്കാരെ കൊണ്ട്.. കദീസുമ്മ ഓരോന്ന് ഓർത്തങ്ങിനെ നിന്നു. ******** കോളേജിലേക്ക് പോവാതെ റഫീഖ് നേരെ പോയത് മാഹിറയുടെ വീട്ടിലേക്കായിരുന്നു.. മുറ്റത്ത്‌ റഫീഖിന്റെ ബൈക്ക് വന്ന് നിന്നതും...മാഹിറയൊന്ന് അമ്പരന്നു... എന്താ റബ്ബേ ഞാൻ കാണുന്നത് സ്വപ്നം വല്ലതുമാണോ..അവൾ സംശയം തീരാതെ അവളുടെ കയ്യിൽ പിടിച്ച് നുള്ളി.... സ്വപ്നം അല്ല... ഇതിപ്പോ എന്ത് പറ്റി അത്ഭുതം ആയിരിക്കുന്നല്ലോ... അപ്പുറത്തെ വീട്ടിലെ സിറ്റൗട്ടിലെ പടികൾ തുടച്ചുകൊണ്ടിരി- ക്കുന്നതിനിടയിലാണ് റഫീഖ് വന്നത് അവൾ കണ്ടത്. അവരുടെ വീട് ഇപ്പോൾ മഹിറ ജോലിചെയ്യുന്ന വീട്ടിലെ സിറ്റൗട്ടും നേർക്ക് നേരെയാണ് അവിടെ ആരു വന്നാലും ഇവിടെനിന്നു നോക്കിയാൽ കാണാം... ഉമ്മയും ഇല്ലല്ലോ അവിടെ എന്തിനാണാവോ.. വന്നത്... ഇനി ബന്ധം ഒഴിയുന്ന കാര്യം വല്ലതും പറയാൻ ആയിരിക്കുമോ...അതിന് ഇക്ക നേരിട്ട് വരുമോ...? വേറെ ആരേലും പറഞ്ഞുവിടുകയല്ലേ ചെയ്യുക... ഇതിപ്പോ ഒന്നും മനസ്സിലാവുന്നില്ലല്ലോ.. അപ്പുറത്തെ വീട്ടിൽ നിന്നുകൊണ്ട് മാഹിറ അവനെ നിരീക്ഷിച്ചുകൊണ്ട് അവളോടായ് സ്വയം ഓരോന്ന് ചോദിച്ച് കൊണ്ടിരുന്നു. ഇത്ത..... വീട്ടിൽ ആരോ വന്നിട്ടുണ്ട്... ഞാനൊന്ന് പോയ്‌ നോക്കിയിട്ട് വരാം... ഉമ്മയില്ലേ അവിടെ..? "ഇല്ല... റേഷൻ കടയിൽ പോയതാ.." "എങ്കിൽ പോയിട്ട് വേഗം വാ " മഹ്..." ഇടുപ്പിൽ കുത്തിവെച്ച മാക്സി താഴ്ത്തിയിട്ടുകൊണ്ട് ഉമ്മറത്തെ മുറ്റത്തെ പൈപ്പിൽ നിന്ന് കയ്യും മുഖവും കഴുകി. ഷാളുകൊണ്ട് മുഖം ഒപ്പിയെടുത്ത്... മാഹിറ..വീട്ടിലേക്ക് നടന്നു. ആരെയും കാണാതെ റഫീഖ് തിരിച്ചു പോകാനുള്ള പുറപ്പാടിലാണ് മാഹിറ അങ്ങോട്ടേക്ക് എത്തിയത് ഇക്കാ....... " എന്താ... ഇവിടെ...? " അവളുടെ ശബ്ദം കേട്ടുകൊണ്ട് റഫീഖ് തിരിഞ്ഞു നോക്കി.. അവളെ കണ്ടതും അവന് ഒന്നും മിണ്ടാതെ മുഖം തിരിഞ്ഞു നിന്നു... എനിക്കറിയാം എന്നോട് ഇപ്പോഴും ദേഷ്യവും വെറുപ്പും ആണെന്ന്...എന്നാലും മുഖം തിരിച്ചു നിൽക്കാതെ വന്നകാര്യം പറഞ്ഞുടെ. മ്.. എന്ന് മൂളികൊണ്ട് ഒരു പത്തു മിനിറ്റോളം അവളോട് ഒന്നും മിണ്ടാതെ അങ്ങിനെ നിന്നു... അവരുടെ മുറ്റത്തെ ചെടികളെയും പൂക്കളെയുമെല്ലാം നോക്കികൊണ്ട്.. അപ്പുറത്തെ വീട്ടിലെ സാജിത്ത അവിടെ നിന്ന് കൊണ്ട് അവളെ നീട്ടിവിളിച്ചു. മാഹി...... അയാളെ പറഞ്ഞിവിട്ട് വേഗം വായോ.... എന്നിട്ടിത് പൂർത്തിയാക്ക്... കുട്ടികളുടെ വാപ്പ ഇപ്പോവരും ഇങ്ങനെ വെള്ളം അവിടെ ഇവിടെയായി കിടക്കുന്നത് കണ്ടാൽ മൂപ്പര് വഴക്ക് പറയും.. അപ്പുറത്തെ വീട്ടിലെ ഇത്ത വിളിക്കുന്നുണ്ട്.. അവിടുത്തെ ജോലി മുഴുവനാക്കാതെയാണ് ഞാനിങ്ങോട്ട് വന്നത്... ഒന്നും പറയാനില്ലേൽ ഞാൻ അങ്ങോട്ട് ചെല്ലട്ടെ. "അത്‌... പിന്നേ... എനിക്ക്...." എങ്ങിനെ അവളോട് വിഷയം അവതരിപ്പിക്കും എന്നവന് അറിയുന്നുണ്ടായിരുന്നില്ല. പറയാനുള്ളത് വേഗം പറഞ്ഞിരുന്നെങ്കിൽ എനിക്കങ്ങോട്ട് പോകാമായിരുന്നു. ഇന്ന് എന്റെ കൂടെ വീട്ടിലേക്ക്...വ..രാ..ൻ പറ്റുമോ നിനക്ക്...അവൻ വിക്കികൊണ്ട് ചോദിച്ചു. എന്ത്... എന്താ... പറഞ്ഞെ.... സമ്മതമാണേൽ കോളേജ് കഴിഞ്ഞു പോകുമ്പോൾ ഇ...ഇതിലൂടേ വരാം ഞാൻ...മുഖം താഴ്ത്തികൊണ്ടവൻ അത്രയും പറഞ്ഞൊപ്പിച്ചു അപ്പോഴേക്കുമവൻ നിന്ന് വിയർത്തിരുന്നു... ഒന്നും മിണ്ടാതെ ഷോക്കായ് നിൽക്കുകയാണ് മാഹിറ.. എന്താണ് റഫീഖിന് പെട്ടെന്നൊരു മാറ്റം എന്നറിയാതെ.... "ഇന്ന് മാത്രമല്ല ഇനിയെന്നും നീ...അവിടെവേണം പറ്റുമോ...നിനക്ക് " സന്തോഷം കൊണ്ട് മിഴികൾ നിറഞ്ഞു കവിഞ്ഞു.. അവൾ...ഓടിവന്ന് അവനെ കെട്ടിപിടിച്ചു... ഇക്കാ....... " ഹേയ്... ഇത് വേണ്ട അവനവളെ അടർത്തി മാറ്റി...തൊടലും,പിടിക്കലും ഒന്നും വേണ്ട...നിനക്ക് നിന്റെ മോന്റെ കൂടെ എന്നും കഴിയാം അത്രമാത്രം അല്ലാതെ എന്നിൽ നിന്നും ഒന്നും പ്രതീക്ഷിക്കണ്ട... "ഇക്കാ...... ഞാൻ... ഞാ....ൻ..." എനിക്ക് മറുത്തൊന്നും കേൾക്കണ്ട...സമ്മതമാണേൽ മാത്രം മതി...ആരുടേയും കാലൊന്നും പിടിക്കില്ല റഫീഖ്. റഫീഖ് അവന്റെ മൊബൈൽ നമ്പർ ഒരു തുണ്ട് പേപ്പറിൽ എഴുതികൊണ്ട് അവൾക്ക് നേരെ നീട്ടി... ചിന്തിക്ക്....വൈകുനേരം നാലുമണി വരെ സമയം ഉണ്ട് കൂടെ വരാൻ തെയ്യാറാണെൽ മാത്രം... ഈ.. നമ്പറിലേക്ക് വിളിക്കാം... ഓക്കേ...അവളെ മുഖത്തേക്ക് നോക്കാതെ പറഞ്ഞുകൊണ്ട് അവൻ ബൈക്കും എടുത്ത് പറന്നു... ****** മാഹിറ അപ്പുറത്തെ വീട്ടിലെ സാജിത്തയോട് കാര്യങ്ങൾ പറഞ്ഞു... എനിക്ക് എന്ത് തീരുമാനിക്കണമെന്ന് അറിയുന്നില്ല...ഇത്ത. എന്നിൽ നിന്നും ഒന്നും പ്രതീക്ഷിക്കണ്ട എന്ന് പറഞ്ഞാൽ...അതിനർത്ഥം. എന്നെ ഒരു ഭാര്യയായി അദ്ദേഹം ഇപ്പോഴും അംഗീകരിച്ചിട്ടില്ല എന്നല്ലേ. എന്നെ....ഏത് രൂപത്തിൽ ഉള്ള സ്ഥാനം നൽകിയാവും അങ്ങോട്ട് കൊണ്ട് പോകുന്നത്.. മോളെ... ഇയ്യ് പോകാൻ തന്നെ തീരുമാനിക്ക്.... നിന്റെ മോൻ നിങ്ങളുടെ കൂടെ ഉണ്ടാകുമ്പോ...നിന്നെ സ്നേഹിക്കാതിരിക്കാൻ അവൻക്ക് കഴിയില്ല... പിന്നേ....ഒന്നും പ്രതീക്ഷിക്കണ്ട എന്ന് പറഞ്ഞത് കാര്യമാകേണ്ട അത്‌ നിന്റെ മുന്നിൽ അവൻക്ക് തോൽക്കാനുള്ള മടിയുണ്ടായത് കൊണ്ടാണ്. ഇവിടുന്നങ്ങോട്ട് എല്ലാം മറന്ന് നീയവനെ പ്രണിയിക്കണം.. സ്നേഹം കൊടുത്താൽ അടുക്കാത്ത മനസ്സുണ്ടോ ബാക്കിയെല്ലാം പിന്നാലെ ശെരിയായിക്കോളും. ഇത്ത..... അവൾ അവരുടെ കൈപിടിച്ചുകൊണ്ട് കരഞ്ഞു. കരയാതെ ഇത് നല്ലൊരു തുടക്കം ആവട്ടെ... എന്റെമോൾ കരയാതെ അവൻക്ക് വിളിച്ചുപറ.. വേറെ ഒരാളെ സ്വീകരിക്കാതെ അവൻ നിന്നെ തന്നെ തേടിവന്നല്ലോ...അതവന്റെ ഉള്ളിൽ ഇപ്പോഴും നീയുണ്ടായത് കൊണ്ടാണ്. നീയും മനസ്സറിഞ്ഞത് അങ്ങോട്ട് കൊടുത്താൽ താമസിയാതെ ഉള്ളിലുള്ള സ്നേഹമെല്ലാം പുറത്തു ചാടും പുറമെ മസിൽ പിടിച്ച് നടന്നാലും....സാവകാശം എല്ലാം ശെരിയാവും... ഇത്ത.. ഉമ്മഎത്തിയിട്ടുണ്ടെന്ന് തോന്നുന്നു..ഞാൻ പോയ്‌ വിവരം പറയട്ടെ... മോളെ...അവൻ പറഞ്ഞ എല്ലാകാര്യങ്ങളും ഉമ്മാനോട് തുറന്ന് പറയണ്ട... ഉമ്മാക്ക് വിഷമാവും ഇല്ല..ഇത്ത ഞാൻ പറയുന്നില്ല. ഞാനങ്ങോട്ട് ചെല്ലട്ടെ. ഉമ്മാന്റെ അടുത്തെത്തിയതും റഫീഖ് വന്ന വിവരം അറിയിച്ചു അവൾ.... ആന്നോ....എന്റെമോളുടെ ഭാഗ്യം...റബ്ബ് എന്റെ പ്രാർത്ഥന കേട്ടു...എന്നാലും പെട്ടന്ന് ഒരു തീരുമാനവും അറിയിക്കാതെ എന്ത് പറ്റി അവൻക്ക്... എന്തായാലും അവൻ നിന്നെ അങ്ങോട്ട് കൂട്ടികൊണ്ട് പോകാം എന്ന് പറഞ്ഞല്ലോ... അവൻ വരുമ്പോഴേക്കും നമുക്ക് പലഹാരം എന്തേലും കരുതണ്ടെ.... അത്‌... പിന്നേ..... ഇക്ക അകത്തോട്ടു കയറി ഇരിക്കുമൊ.. ആവോ.. അതൊക്കെ കയറും അല്ലേൽ നമ്മൾ സ്വീകരിച്ചിരുത്തണം. അവൻ മനസ്സ് കൊണ്ട് വീണ്ടും തെയ്യാറായതല്ലേ നിന്നെ സ്വീകരിക്കാൻ അതിന്റെ സന്തോഷത്തിന് അവനെ സൽക്കരിക്കണ്ടേ നമുക്ക്. നോക്കി നിൽക്കാതെ അങ്ങാടിയിൽ പോയ്‌ പൊറോട്ടയും, പത്തിരിയും കറിവെക്കാൻ കോഴിയും വാങ്ങിയിട്ട് വാ... അല്ല... നീയവനോട് പറഞ്ഞല്ലോലേ.. കൂടെ വരാമെന്ന്... എനിക്ക് സമ്മതമാണെന്ന് വിളിച്ച് പറഞ്ഞിട്ടുണ്ട് ഉമ്മാ. വീട്ടിലേക്ക് പോണവഴി ഇതിലൂടെ വരാമെന്ന് പറഞ്ഞിട്ടുണ്ട്.. അപ്പോഴേക്കും എന്നോട് റെഡിയായി നിൽക്കാൻ. കാത്ത് നിൽക്കില്ലന്ന് അതാ..ഞാൻ പറഞ്ഞത് കയറിയിരിക്കുമോ ആവോ...എന്ന്... ഇപ്പോൾ തന്നെ സമയം മൂന്ന് കഴിഞ്ഞില്ലേ... അതെ... ഞാൻ പോയ്‌ റെഡിയാവട്ടെ.. പിന്നേ... ഉമ്മാ.. അപ്പുറത്തെ വീട്ടിലെ കുഞ്ഞോളെ പേടിക്ക് വിളിക്ക് ഒറ്റക്ക് കിടക്കണ്ട അല്ലേൽ അങ്ങോട്ട് പൊക്കോ ഉമ്മയുടെ കാര്യം ഓർത്താണ് എനിക്ക് വിഷമം... എന്റെ കാര്യം വിട് നിന്റെ ജീവിതമാണ് എനിക്ക് വലുത്...നിങ്ങൾ സന്തോഷത്തോടെ കഴിയുന്നത് കണ്ടാൽ മതിയെനിക്ക്.. മാഹിറ ഡ്രെസ്സുകൾ ഓരോന്നായ് പാക്ക് ചെയ്തു കൊണ്ടിരിക്കുന്നതിനിടയിൽ റഫീഖ് എത്തി.... മോനെ.. കയറിയിരിക്ക് അവൾ ഡ്രസ്സ്‌ പാക്ക് ചെയ്തുകൊണ്ടിരിക്ക. അവളെ വിളിക്ക് ഇത് കാർ അല്ല ബൈക്കാണ് അതുകൊണ്ട് ഇതിൽ വെക്കാൻ പറ്റുന്ന പാകിങ് മതി.... അപ്പോഴേക്കും മാഹിറയുടെ ഉമ്മ ജ്യൂസ് അടിച്ചു കൊടുന്നു കൊടുത്ത്... മോനെ കുടിക്ക് നല്ല മാമ്പഴം കൊണ്ടടിച്ചതാ.... വേണ്ട... വരുന്ന വഴിക്ക് ഞാൻ കുടിച്ചു....അവനത് പറഞ്ഞതും ഉമ്മയുടെ മുഖം മങ്ങി... അഹ്.... ഇങ്ങ് തന്നോളൂ ഉമ്മഎനിക്കായ് ഉണ്ടാക്കിയതല്ലേ.. അവനത് വാങ്ങി പകുതി കുടിച്ചുകൊണ്ട് ഉമ്മറത്തെ പടിയിൽ വെച്ചു... അപ്പോഴേക്കും മാഹിറ ഒരുങ്ങി ഇറങ്ങി... ഉമ്മാ... ഞാൻ പോയ്‌ വരാം ഉമ്മ...ഞാൻ പറഞ്ഞത് പോലെ..ഒറ്റക്ക് കിടക്കണ്ട. ഇല്ല...മോൾ സന്തോഷത്തോടെ പോ.. അവൾ അവന്റെ കൂടെ ഒന്ന് ബൈക്കിൽ കയറാൻ പേടിച്ച്. പിന്നേ...ഉള്ള ധൈര്യം സംഭരിച്ചുകൊണ്ട് ബാക്കിൽ കയറിഇരുന്നു... ഉമ്മയോട് കൈവീശി യാത്ര പറഞ്ഞിറങ്ങി... റഫീഖിന്റെ അരികിലേക്ക് ചേർന്നിരുന്നുകൊണ്ട് അവന്റെ വയറിലൂടെ ചുറ്റിപിടിച്ചു മാഹിറ... നിനക്ക് പിടിച്ചിരിക്കാൻ വേറെ സ്ഥലം ഒന്നും കണ്ടില്ലേ എന്റെ വയറെ കണ്ടൊള്ളു ചുറ്റിപിടിക്കാൻ... മാഹിറയുടെ കണ്ണുകൾ നിറഞ്ഞു അവന്റെ വയറിൽ നിന്നും കൈ പതിയെ വലിച്ചുകൊണ്ട്...സീറ്റിന്റെ ബാക്കിൽ പിടിച്ചു... മറ്റേ കയ്യിൽ അവളുടെ ഡ്രെസ്സിന്റെ കവറും.. ഇക്കാ...ഇങ്ങനെ ദേഷ്യം കാണിക്കാൻ ആണേൽ എന്തിനാ എന്നെ അങ്ങോട്ട് കൂട്ടിയിട്ട് പോണത്... മാഹിറ എനിക്ക് സംസാരിക്കാൻ താല്പര്യം ഇല്ല. നിനക്ക് നിന്റെ മോന്റെ കൂടെ കഴിയാൻ താല്പര്യം ഇല്ലേൽ വേണ്ട ഞാൻ നിർബന്ധിച്ചു കൊണ്ട് പോകുന്നില്ല നീ...പറ നിന്നെവിടെ വഴിയിൽ ഇറക്കിവിടണോ... ഞാൻ റെഡിയാ.. അവൾ ഒന്നും മിണ്ടാതെ അവൻക്കരികിൽ തലതാഴ്ത്തിയിരുന്നു. ഒന്നും പറയാൻ കഴിയാതെ സാജിത്ത പറഞ്ഞത് പോലെ പതിയെ ശെരിയാവുമായിരിക്കും. എന്റെ മോനെ കൊതിതീരെ കണ്ട്, കവിളിൽ മാറി..മാറി മുത്തങ്ങൾ ചാർത്തി... അവന്റെ കാര്യങ്ങളൊക്കെ സന്തോഷത്തോടെ ചെയ്യ്തു കൊടുത്ത്..അവന്റെ ഉമ്മയായി അവന്റെ കൂടെതന്നെ കഴിയാല്ലോ.. അതും ഒരാശ്വാസമാണ്.. ബൈക്ക് റോഡിന്റെ സൈഡിൽ..ഒതുക്കി നിർത്തി മാഹിറയോട് ഇറങ്ങാൻ പറഞ്ഞു റഫീഖ്.... മുറ്റത്തേക്ക് കയറ്റി പാർക്ക് ചെയ്യാതെ ഇതെന്താ റോഡ് സൈഡിൽ നിർത്തിയേക്കുന്നെ... എന്ന് ചോദിക്കണം എന്നുണ്ടായിരുന്നു അവൾക്ക് പക്ഷെ.... മറുപടി നല്ലരൂപത്തിൽ ഉള്ളതായിരിക്കില്ല എന്നറിയാവുന്നത് കൊണ്ട് അവൾ മൗനം പാലിച്ചു. റഫീഖ് മുന്നിലും അവൾ അവന്റെ തൊട്ട് ബാക്കിലുമായി....നടന്നു. വീടിന്റെ മുറ്റത്ത്‌ എത്തിയതും അവൻ അവളെയൊന്ന് തിരിഞ്ഞുനോക്കികൊണ്ട് കോളിങ് ബെൽ അമർത്തി. (തുടരും....) കണ്ണൂർകാരൻ 🥰🥰🥰🥰 #📙 നോവൽ #✍ തുടർക്കഥ #📔 കഥ #💞 പ്രണയകഥകൾ #📚 ട്വിസ്റ്റ് കഥകൾ