Part 8 a അന്തമില്ലാത്ത വരികൾ - സഖിയുടെ സഖാവ് - ദേവിന്റെ ബുള്ളറ്റ് രാജപാതയിലൂടെ മുന്നോട്ട് കുതിച്ചു. പാർക്കിംഗ് ഏരിയയിൽ ബൈക്ക് ഒതുക്കി മുത്തശ്ശിമാവിന്റെ ചുവട്ടിലേക്ക് നടന്നെത്തിയെങ്കിലും, അവന്റെ മനസ്സ് അവിടെയായിരുന്നില്ല. മുത്തശ്ശിമാവിന്റെ ചുവട്ടിൽ ദേവ് കൂട്ടുകാരെ കാത്തുനിൽക്കുകയായിരുന്നു. ഏതാനും നിമിഷങ്ങൾക്കകം അവർ കോളേജിലെത്തി. പതിവുപോലെ തമാശ പറഞ്ഞുകൊണ്ട് ലൈബ്രറിയിലേക്ക് നടന്ന അവർ, ഇടയ്ക്ക് തിരിഞ്ഞ് ദേവിനെ നോക്കി. ദീപക് കൈ ഉയർത്തി അങ്ങോട്ട് വരാൻ ആംഗ്യം കാണിച്ചു. മറുപടിയായി ദേവും തലകുലുക്കി, അവരുടെ പിന്നാലെ നടന്നു. എടുത്ത പുസ്തകങ്ങൾ തിരികെ നൽകാൻ ലക്ഷ്മിയും നിയയും ലൈബ്രറിയിൽ വരിയിൽ നിൽക്കുകയായിരുന്നു. അപ്പോഴാണ് ദേവും കൂട്ടുകാരും ലൈബ്രറിയിലേക്ക് കയറിയത്. അവരെ കണ്ട നിയ ലക്ഷ്മിയുടെ നേരെ തിരിഞ്ഞ് ഒരു പുസ്തകം നീട്ടിക്കൊടുത്തു. എടീ… എന്റെ പുസ്തകവും കൂടി ഒന്ന് കൊടുത്തേക്കണേ. ഞാൻ അവിടേക്ക് ഒന്ന് പോയിട്ട് വരാം.” ദേവിനെയും കൂട്ടുകാരെയും കൈകൊണ്ട് ചൂണ്ടിക്കാണിച്ചുകൊണ്ട് പറഞ്ഞ ശേഷം, മറുപടി കേൾക്കാൻ പോലും നിൽക്കാതെ നിയ അവരുടെ അടുത്തേക്ക് നടന്നു. പുസ്തകങ്ങൾ തിരികെ നൽകിയ ശേഷം ലക്ഷ്മി ലൈബ്രറിയുടെ ഉള്ളിലേക്ക് നടന്നു. പതിവുപോലെ അവിടെ നിശ്ശബ്ദത തളംകെട്ടി നിന്നിരുന്നു. പേജുകൾ മറിക്കുന്ന നേർത്ത ശബ്ദങ്ങൾ മാത്രം ആ നിശ്ശബ്ദതയെ ഇടയ്ക്കിടെ ഭേദിച്ചുകൊണ്ടിരുന്നു. പുസ്തകങ്ങളുടെ മണം നിറഞ്ഞ ആ അന്തരീക്ഷത്തിൽ, ഓരോരുത്തരും അവരവരുടെ ലോകങ്ങളിൽ മുഴുകിയിരിക്കുന്നതായി ലക്ഷ്മിക്ക് തോന്നി. അവൾ പതിയെ ചുറ്റും നോക്കി. ജനാലയ്ക്കരികിലെ ഒരു മേശയിൽ ദേവും കൂട്ടുകാരും ഇരുന്ന് എന്തോ കാര്യമായി ചർച്ച ചെയ്യുകയായിരുന്നു. അത് കണ്ട ലക്ഷ്മി പതിയെ അവരുടെ അടുത്തേക്ക് നടന്നു. അവരുടെ അടുത്തെത്തിയ ലക്ഷ്മി പതിയെ വിളിച്ചു.നിയ…”ശബ്ദം കേട്ടതും അവിടെയുണ്ടായിരുന്ന എല്ലാവരും തലയുയർത്തി നോക്കി.അതേ സമയത്തായിരുന്നു അവരുടെ ഡിപ്പാർട്ട്മെന്റിലെ സാർ ലൈബ്രറിയിലേക്ക് കയറിയത്. നിയയെയും ലക്ഷ്മിയെയും കണ്ട അദ്ദേഹം അവരുടെ അടുത്തേക്ക് നടന്നു. ഇവിടെയാണോ രണ്ടുപേരും? ഞാൻ ക്ലാസിൽ അന്വേഷിക്കുകയായിരുന്നു. തുടരും എന്തിനാണ് സാർ അവരെ അനേഷിച്ചത് ആകാംഷ നിറഞ്ഞ അടുത്ത ഭാകതിനായി കാത്തിരിക്കൂ part 8 b#📙 നോവൽ #💞 പ്രണയകഥകൾ #📔 കഥ #തുടർകഥ #📝 ഞാൻ എഴുതിയ വരികൾ