#📙 നോവൽ - മുറ ചെറുക്കൻ...... 🔻 ഭാഗം _27 ✍️ രചന - Aysha akbar വീണ്ടും അവൻ ബുള്ളറ്റ് സ്റ്റാർട്ട്‌ ചെയ്ത ശബ്ദം കേട്ടപ്പോഴാണ് അവളോർമകളിൽ നിന്നോന്നുണർന്നത്...... അവൾ വേഗം ച്ചെന്ന് അവന്റെ പിറകിലേക്ക് കയറിയിരുന്നു...... വന്ന വഴിക്കെതിർ വശത്തേക്കുള്ള വഴിയിലൂടെയാണ് തങ്ങൾ പോകുന്നതെന്ന് മനസ്സിലായെങ്കിലും അതും വഴിയായിരിക്കാം എന്ന് വിചാരിച്ചു ഇഷാനി ചോദിച്ചില്ല...... അവിടെ കണ്ട കാഴ്ചകൾ ഇത് വരെ കണ്ടതിനേക്കാൾ ഒത്തിരി മനോഹരമായിരുന്നു..... ഇഷാനി യുടെ കണ്ണുകൾ വിടർന്നു...... വയലേലൾക്കിടയിൽ ചെറു കൈ ചാലുകൾ.. വയലിലൂടെ യോഴുകുന്ന തെളിഞ്ഞ വെള്ളം.... അതിനപ്പുറം വിശാലമായ ഒരു ഗ്രൗണ്ടിൽ കുട്ടികൾ കളിക്കുന്നുണ്ട്........ പശുക്കൾ മേഞ്ഞു നടക്കുന്നുണ്ട്..... കുളത്തിൽ താറാവുകൾ നീന്തി തുടിക്കുന്നു....... വെയിലിന്റെ വെട്ടത്തിത്തിനു ചൂട് കൂടും തോറും പൂക്കൾക്കും ഇലകൾക്കും നിറമേറിയത് പോലെ.... തെങ്ങും പനകളും ഇരു വശവും നിരന്ന ആ വഴിയിലൂടെ അവരങ്ങനെ നീങ്ങുമ്പോൾ അവളാ കാഴ്ച കളെ അത്ര മേൽ ആസ്വധിക്കുന്നുണ്ടെന്ന് തോന്നിയത് കൊണ്ട് തന്നെയാണ് അവൻ വണ്ടിയുടെ സ്പീഡോന്ന് കുറച്ചത്...... ഒരു ചെറിയ കടയുടെ മുമ്പിലേക്കെത്തിയപ്പോൾ അവൻ ബൈക്ക് സൈഡാക്കി...... ഇറങ്.... അവൾ സംശയത്തോടെ ഒന്ന് നോക്കിയപ്പോഴാണ് അവനത് പറഞ്ഞത്...... അവളിറങ്ങി ചുറ്റുമോന്ന് നോക്കി...... ചുറ്റും പച്ചപ്പും മനോഹാരിതയും നിറഞ്ഞു നിൽക്കുന്നൊരിടം..... ആ ചെറിയ തട്ട് കടയിൽ ചായയും അല്പം പലഹാരങ്ങളും പിന്നേ അതിന് തൊട്ടപ്പുറത്തു തന്നെ കരിമ്പു ജ്യൂസുമുണ്ട്...... ആ റോഡിന്റെ എതിർ ഭാഗത്ത് ഒരു വലിയ ആൽമരവും അതിന് ചുറ്റും തറയുമുണ്ട്..... അവിടെയുള്ള കൽ വിളക്കിൽ തിരി തെളിഞ്ഞു നിൽപ്പുണ്ട്........ ഫോട്ടോകളിൽ മാത്രം കണ്ടിട്ടുള്ള ആ ചിത്രം അവൾ കണ്ണിമ വെട്ടാതേ നോക്കി നിന്നു..... അതിനപ്പുറത്തായി ഒരു രണ്ട് കുഞ്ഞി കടകൾ കാണുന്നുണ്ട്...... അതിൽ കളിപ്പാട്ടങ്ങൾ തൂക്കി വെച്ചിട്ടുള്ളത് കാണാം.... ആൽ തറക്കപ്പുറമുള്ള ആ വഴിയിലൂടെ പോയാലൊരു ക്ഷേത്രമാണെന്ന് അവൾക്ക് മനസ്സിലായത് അവിടെ ബോർഡ്‌ കണ്ടപ്പോഴായിരുന്നു...... അത്രയേറെ നിറഞ്ഞൊരു നിശബ്ദത അവിടെ തളം കെട്ടി നിന്നിരുന്നു. ഇളം ചൂടിൽ സുഗമുള്ള കാറ്റും കൊണ്ടവളങ്ങനെ നിന്നു...... അപ്പോഴാണ് ആ വഴിയിലൂടെ അച്ഛന്റെയും അമ്മയുടെയും കൂടെ വന്ന ഒരു കുട്ടി ആ കലിപ്പാട്ടങ്ങളിൽ നിന്നൊന്ന് ചൂണ്ടി കരയുന്നത്...... കുഞ്ഞിന്റെ കരച്ചിൽ മാറാനായി അവരത് വാങ്ങി കൊടുക്കുന്നതുമെല്ലാം നോക്കി അവളങ്ങനെ നിന്നു....... താനും ചെറുപ്പത്തിൽ ഇങ്ങനെ വാശി പിടിച്ചതൊക്കെ പപ്പയും മമ്മയും തനിക്കും വാങ്ങി തന്നിട്ടുണ്ടാകുമോ എന്നവളൊന്നോർത്തു നോക്കി....... ബുദ്ധി വെച്ച ശേഷം താനൊന്നിനും വാശി പിടിച്ചിട്ടില്ല........ ഭയമായിരുന്നു..... നിറഞ്ഞൊരു ഭയം....... അവരെന്ത്‌ ചെയ്ത് തരുന്നുവോ ഇഷ്ടമല്ലെങ്കിൽ കൂടി മൗനം പാലിച്ചു....... ഹേയ്...... വാ...... സച്ചു അവളെ തല കൊണ്ടൊന്നു അടുത്തേക്ക് വിളിച്ചപ്പോഴാണ് അവൾ വീണ്ടും ഓർമകളിൽ നിന്നുണർന്നത്..... അതേ....... ഇനി തനിക്ക് വാശി പിടിക്കണം....... തന്റെ ഇഷ്ടത്തിന് വേണ്ടി വാശി പിടിച്ചേ തീരു..... അവനെ നോക്കി കൊണ്ടവൾ മനസ്സിലുറപ്പിച്ചിരുന്നു.... എങ്കി പിന്നേ ജീവിതത്തിലൊരിക്കലും തനിക്കൊന്നിനു വേണ്ടിയും വാശി പിടിക്കേണ്ടി വരില്ലെന്ന് അവൾക്കുറപ്പായിരുന്നു.... നിനക്കെന്താ വേണ്ടത്..... അവൾ അടുത്തേക്ക് വന്നതും അവനത് ചോദിച്ചതും അവളുടെ യുള്ളിൽ നിന്നൊരു ചിരിയൂറി..... നിനക്കെന്താ ണ് വേണ്ടതെന്ന ചോദ്യം തനിക്കേറെ പ്രിയമുള്ളതാണ്...... അത്‌ പരിഗണന യുടെ ശബ്ദമാണ്...... എനിക്ക് ദേ.... അത്‌ മതി..... അപ്പുറത്തായുള്ള കരിമ്പു ജ്യൂസിലേ ക്ക് ചൂണ്ടി അവളത് പറഞ്ഞത് ഏറെ സ്വാതന്ത്ര്യത്തോടെയായിരുന്നു..... അതിലേറെ അവൻ തന്റെയാണെന്നൊരു അഹങ്കാരത്തോടെയും.... സച്ചുവിന്റെയുള്ളിലും ഒരു പുഞ്ചിരി വിരിഞ്ഞിരുന്നു..... അവളങ്ങോട്ട് വിരൽ ചൂണ്ടിയത് കണ്ടതും കരിമ്പു ജ്യൂസ് വിൽക്കുന്ന അല്പം കറുത്ത പൊക്കം കുറഞ്ഞ ആൾ വളരെ മനോഹരമായോന്ന് ചിരിച്ചു..... ബാലേട്ടാ...... ഒരു കരിമ്പു ജ്യൂസ്......... എനിക്കൊരു ചായ തന്നാൽ മതി ച്ചേച്ചിയെ.... അവൾക്ക് കരിമ്പ് ജ്യൂസ് പറഞ്ഞു കൊണ്ട് അവനതും പറഞ്ഞങ്ങനെ നിന്നു.... നിനക്ക് കഴിക്കാനെന്തെങ്കിലും വേണമെങ്കിൽ എടുത്തോ.... പലഹാരങ്ങളിലേക്ക് വിരൽ ചൂണ്ടി അവനത് പറഞ്ഞതും അവൾ വേണ്ടെന്ന അർത്ഥത്തിലൊന്ന് തല ചലിപ്പിച്ചു..... എങ്കി ദേ..... അവിടെ പോയി നോക്...... അത്‌ ചിലപ്പോൾ നിനക്ക് ഇഷ്ടപ്പെടും..... അതും പറഞ്ഞു കൊണ്ടവൻ കരിമ്പു ജ്യൂസിനടുത്തേ ക്ക് വിരൽ ചൂണ്ടിയതും അവൾ ഉത്സാഹത്തോടെ അങ്ങോട്ട് നടന്നു.......... അവിടെ ഓരോ ചില്ലു കുപ്പിയിലും നിറഞ്ഞിരുന്ന ഉപ്പിലിട്ട വലിയ നെല്ലിക്കയും ചെറിയ നെല്ലിക്കയും മാങ്ങയും പൈനാപ്പിളുമെല്ലാം അവളുടെ വായിൽ കപ്പലോടിച്ചു...... അവൾ കുറച്ചപ്പുറം മാറി നിൽക്കുന്നവരെ നോക്കി യോന്ന് ചിരിച്ചു.... അവന്റെ കണ്ണുകളിലുമുണ്ടായിരുന്നാ ചെറു ചിരി..... അവളതിൽ നിന്നൊരു മാങ്ങാ പറഞ്ഞു.... നീളത്തിൽ മുറിച്ച ഒരു മാങ്ങാ കഷ്ണത്തിലേക്ക് മുളകും ഉപ്പും ചേർത്ത് അവളയാൾക്ക് നീട്ടിയതും അവളൊന്നു ഉമിനീരിറക്കി..... പിന്നെ ഏറെ സ്വാദോടെയെന്ന വണ്ണം കണ്ണുകൾ ചിമ്മി അത്‌ കഴിക്കുന്നത് അല്പം അപ്പുറത്തായി നിന്നിരുന്ന വൻ നോക്കി നിന്നു...... അവളുടെ വീട്ടിൽ അവൾക്ക് കിട്ടാത്ത എന്തൊക്കെയോ ഇവിടെ അവൾക്ക് കിട്ടുന്നുണ്ട്.... വന്നപ്പോഴുള്ള ആ വിഷാദം നിറഞ്ഞ കണ്ണുകൾക്ക് പകരമായി ആ കണ്ണുകൾ വല്ലാതെ തിളങ്ങുന്നുണ്ട്..... അവളെ ഇവിടെ നിർത്താൻ തനിക്കും ആഗ്രഹമുണ്ട്..... പക്ഷെ ഒരിക്കലും അത്‌ നടക്കില്ലെന്ന യാഥാർഥ്യത്തിനാണ് മനസ്സ് മുൻ‌തൂക്കം നൽകുന്നത് ........ അവനൊരു നിമിഷം അങ്ങനെ നിന്നു...... അപ്പോഴേക്കും കരിമ്പേടുത്തു മെഷീനി ലിട്ട് പിഴിഞ്ഞെടുത്ത ജ്യൂസ് അയാൾ അവൾക്ക് നേരെ നീട്ടിയിരുന്നു.... അവൾ അതും കൊണ്ട് അവനടുത്തേക്ക് ചെന്നു..... അവനും കയ്യിൽ ചായയുമായി അങ്ങനെയിരിക്കുകയാണ്...... ചേച്ചിയെ.... ചായ ഉഷാറായിട്ടുണ്ട്...... സച്ചു കടക്കകത്തേക്ക് നോക്കിയത് പറഞ്ഞതും അവിടെയുള്ള സ്ത്രീ സാരി തലപ്പിനാൽ മുഖമൊന്നൊപ്പി മനോഹരമായി പുഞ്ചിരിച്ചു......... അവൾ അവനെയൊന്ന് നോക്കി.... ഓഹ്..... അപ്പൊ കൊള്ളാമെന്ന് പറയാൻ അറിയാം ഇയാൾക്ക് അല്ലെ.... ഇഷാനി അവനെ നോക്കി അതും പറഞ്ഞു ചിറി യൊന്നു കോട്ടുമ്പോൾ ചൂട് ചായ ഊതി കുടിച്ചു കൊണ്ടിരുന്ന അവൻ സംശയത്തോടെ അവളെ നോക്കി....... എനിക്ക് വേണ്ടി ചെയ്തൊരു കാര്യം നന്നായെന്ന് പറയുന്നതിലെന്താ തെറ്റ്.... അവളോടുള്ള അവന്റെയാ ചോദ്യത്തിന്റെ ശബ്ദം അല്പം കനം കൂടിയിരുന്നു... ഓഹ്... ആണോ.... എങ്കി ഞാനീ ഒരുങ്ങി കെട്ടിയതൊക്കെ ഇയാള് കാണാൻ വേണ്ടിയാണ്... എന്നിട്ട് എന്തെങ്കിലും ഒന്ന് പറഞ്ഞുവോ..... അവൾ ദേഷ്യം കലർന്ന പരിഭവത്തോടെ ചുണ്ടോന്ന് മലർത്തുമ്പോൾ ഞൊടിയിടയിൽ അവന്റെ ചുണ്ടിൽ വിരിഞ്ഞ ആ പുഞ്ചിരിയിൽ അവൾ പാടേ ഇല്ലാതായി പ്പോയിരുന്നു ... അത്‌ വരെ ഉണ്ടായിരുന്ന സംശയവും ഗൗരവവും പാടേ നീങ്ങി വന്ന വശ്യമായ ആ പുഞ്ചിരി ഒരു റീഫ്ളക്സ് റിയാക്ഷനാണെന്ന് തോന്നിയവൾക്ക്..... അത്രയും മനോഹരമായോരു ചിരി അവളിത് വരെ കണ്ടിട്ടില്ലാത്തത് പോലവനെ നോക്കി നിന്നു.... അവളുടെ നോട്ടം അറിഞ്ഞതും സ്വബോധ ത്തിലേക്ക് തിരിച്ചു വന്നെന്ന പോൽ അവൻ പെട്ടെന്ന് മുഖമൊന്നാവളിൽ നിന്ന് വെട്ടിച്ചു ചായ ഗ്ലാസ്സ് ചുണ്ടോടു ചേർത്തു...... ചുണ്ടിൽ വിരിഞ്ഞ പുഞ്ചിരിയെ ഒളിപ്പിക്കാൻ പാട് പെടുന്ന അവന്റെ മുഖം അതിലേറെ വശ്യമായി അവൾക്ക് തോന്നി...... അവളുടെ കവിളുകൾ കുഴിഞ്ഞു........ മ്മ്........?അൽപ നേരം കഴിഞ്ഞിട്ടും അവൻ തിരിഞ്ഞു നിൽക്കുകയാണെന്ന് കണ്ടതും അവൾ വീണ്ടും ഒരു ചോദ്യത്തോടെ മൂളിയതും അവൻ അവളിലേക്കൊന്ന് തിരിഞ്ഞു..... കടും ചുവപ്പും പച്ചയും നിറത്തിൽ കത്തി നിൽക്കുന്ന അവളെ അവൻ വല്ലാത്തൊരു ഭാവത്തോടെ നോക്കി നിന്നു...... അവളുടെ കണ്ണുകളിൽ പടർന്ന കണ്മഷിയിലും പാറി കളിക്കുന്ന അവളുടെ മുടിയിഴകളിലും അവന്റെ കണ്ണുകളോടി നടന്നു...... അവന്റെ നോട്ടത്തിൽ ഒരു നിമിഷം അവളുടെ ഹൃദയമിടിപ്പ് കൂടിയത് പോലെ..... ശ്വാസമെടുക്കാൻ കഴിയാതെയെന്ന വണ്ണം എന്തോ ഒന്ന് നെഞ്ചിൽ തടഞ്ഞു നിൽക്കും പോലെ...... അവൾ പതിയെ മിഴികൾ താഴ്ത്തി.... അവൻ മറ്റൊന്നും പറയാതെ തന്നിൽ നിന്നും കണ്ണുകൾ പറിച്ചു റോഡ് ക്രോസ്സ് ചെയ്ത് കൊണ്ട് അപ്പുറത്തേക്ക് പോയതും ഇഷാനി അവനെ മനസ്സിലാകാതെ അങ്ങനെ നിന്നു........ അവൻ എങ്ങോട്ട് പോകുന്നു എന്ന് നോക്കി അവളങ്ങനെ നിന്നു... അവന്റെ ഒരു കയ്യിൽ ചായ ക്ലാസ്സുണ്ട്..... അതേ.....അവനാ കലിപ്പാട്ടങ്ങളുള്ള കടയിലേക്കാണ് പോയിരിക്കുന്നത്.... പെട്ടെന്ന് തന്നെ എന്തോ ഒന്ന് വാങ്ങി തിരികെ വരുമ്പോൾ അതെന്താവും എന്ന ആകാംക്ഷയിൽ അവളുടെ കണ്ണുകളൊന്ന് വിടർന്നു..... അവൻ കയ്യിലുള്ള പൊതി അവൾക്ക് നേരെ നീട്ടിയതും തനിക്കാണോ എന്നതൊരു സംശയമായി നിന്നിരുന്ന അവൾ പെട്ടെന്ന് അത്‌ കയ്യിലേക്ക് വാങ്ങി തുറന്നു നോക്കി..... പെട്ടെന്നത് കണ്ടതും അവളുടെ കൃഷ്ണ മണികളിൽ അതിന്റെ പ്രകാശം തട്ടിയെന്ന വണ്ണം ആ കണ്ണുകളേറെ തിളങ്ങി.... അവൾ പെട്ടെന്ന് അവന്റെ മുഖത്തേക്ക് മിഴികളൊന്നുയർത്തിയിരുന്നു...... (തുടരും) Aysha Akbar #📔 കഥ