മഹർ ഭാഗം 14 അഫ്സൽ ഉമ്മയെയും ഹസീനയെയും ദേഷ്യത്തോടെ നോക്കി.... എന്തിനായിരുന്നു ഈ നാടകം... ഇക്കയുടെ ജീവിതത്തിൽ നിന്നും ഇത്തയെ ഒഴുവാക്കാനോ...? അതിന് മാത്രം എന്ത് തെറ്റാ ആ പാവം പെണ്ണ് നിങ്ങളോട് ഒക്കെ ചെയ്തത്... ഇക്കയുടെ ഭാര്യ ആയതോ...? അത് നിങ്ങൾ എല്ലാം കൂടി ആക്കിയത് അല്ലെ അവളെ.... ഇനിയും നിങ്ങൾ കാരണം ഇത്തയുടെ കണ്ണുനീർ ഈ വീട്ടിൽ വീണാൽ ഒരിക്കലും ആ ശാപം നിങ്ങളെ വിട്ട് പോവില്ല... അത്രയും പറഞ്ഞു അഫ്സൽ റൂമിലേക്ക് പോവാൻ വേണ്ടി നിൽക്കുമ്പോൾ ആണ് കുറച്ചു മാറി ഫിദ ഇതെല്ലാം കണ്ട് നിൽക്കുന്നത് കണ്ടത്... അഫ്സൽ തന്നെ കണ്ടു എന്ന് മനസ്സിലായതും ഫിദ മുറിയിലേക്ക് നടക്കാൻ ഒരുങ്ങി... ഒന്ന് അവിടെ നിന്നെ.... എങ്ങോട്ടാണ് മുങ്ങുന്നത്.... ഇവിടെ നടന്നതിന്റെ എല്ലാം ഉത്തരവാദിത്തവും നിനക്ക് ആണ്... നീ ആയിരിക്കും ഇതെല്ലാം ഇവരെ കൊണ്ട് ചെയ്യിച്ചത് എന്ന് എനിക്ക് അറിയാം.... നിന്റെ ഉദ്ദേശം എന്ത് തന്നെ ആയാലും അത് ഈ അഫ്സൽ ജീവിച്ചിരിക്കുമ്പോൾ നടക്കില്ല... നടത്തിക്കില്ല ഞാൻ... ഫിദയെ വെല്ല് വിളിക്കുന്നപോലെ അവൻ അത് പറഞ്ഞു പോവാൻ നിന്നതും ഫിദ അവന്റെ മുന്നിൽ കയറി നിന്നു.... എന്തായാലും സത്യങ്ങൾ എല്ലാം നീ മനസ്സിലാക്കിയ സ്ഥിതിക്ക് നിന്നോട് ഞാൻ ഒരു കാര്യം കൂടി പറയാം.... റാഷിയുടെ കൂടെ ഒരു പെണ്ണ് ഉണ്ടെങ്കിൽ അത് ഞാൻ മാത്രം ആയിരിക്കും.... അത് ഇനി നൂറ അല്ല മാറ്റാരു വന്നിരുന്നെങ്കിൽ ഞാൻ അവളെ റാഷിയുടെ ജീവിതത്തിൽ നിന്ന് ഒഴുവാക്കുമായിരുന്നു.... അതിന് ഞാൻ എന്തും ചെയ്യും...എന്തും... ഒരു ഭീഷണി പോലെ അഫ്സലിനെ നോക്കി ഫിദ അത് പറയുമ്പോൾ അവന്റെ മുഖത്ത് പുച്ഛം മാത്രം ആയിരുന്നു... ഇനിയും എന്നെ എതിർക്കാൻ ആണ് നിന്റെ ഭാവം എങ്കിൽ നിന്നെ ഈ വീട്ടിൽ നിന്ന് പുറത്താക്കാനും എനിക്ക് അറിയാം... നിന്റെ ഈ ഭീഷണിക്ക്‌ മുന്നിൽ ഞാൻ പേടിച്ചു പോകും എന്ന് നീ കരുതിയെങ്കിൽ നിനക്ക് തെറ്റി... നീ ഇത്തയെയും ഇക്കയെയും പിരിക്കാൻ നോക്കുകയാണെങ്കിൽ അവരെ ഒന്നിപ്പിക്കാൻ എന്നെ കൊണ്ട് ആവും പോലെ ഞാനും ചെയ്യും... അതും പറഞ്ഞു അഫ്സൽ അവിടെ നിന്ന് മുറിയിലേക്ക് നടന്നു... അവൻ പോകുന്നത് നോക്കി ഫിദ പല്ല് കടിച്ചു... അവിടെ ഉണ്ടായിരുന്ന ചെയർ എടുത്ത് നിലത്തേക്ക് എറിഞ്ഞു... മോളെ ഫിദ... എന്തൊക്കെ ആണ് നീ ഈ ചെയ്യുന്നത്.. നീ ഒന്ന് ക്ഷമിക്ക്... നിന്റെ ആഗ്രഹം പോലെ എല്ലാം നടക്കും....നിന്നെ സഹായിക്കാൻ ഞാൻ ഉണ്ട് കൂടെ... സഫിയ അത് പറഞ്ഞു അവളെ ചേർത്തു പിടിച്ചു... റാഷി മുറിയുടെ അടുത്ത് എത്തിയതും നൂറയുടെ കയ്യിൽ നിന്ന് പിടി വിട്ട് മുറിയുടെ അകത്തേക്ക് കയറി.. നൂറക്ക് റാഷിയുടെ മുന്നിലേക്ക് പോകാൻ വല്ലാത്ത പേടി തോന്നി... റാഷിക്ക അവരുടെ മുന്നിൽ തന്നെ രക്ഷിച്ചെങ്കിലും റാഷിക്കയുടെ മനസ്സിൽ തന്നെയും അഫ്സലിനെയും സംശയിച്ചു കാണുമോ എന്നുള്ള ഭയം അവൾക്ക് ഉണ്ടായിരുന്നു.... ഒരു പക്ഷെ റാഷിക്ക തന്നെ ആ കണ്ണിലൂടെ ആണ് ഇനി ഈ മുറിക്കുള്ളിൽ കാണുന്നത് എങ്കിൽ തനിക്ക് അത് സഹിക്കാൻ കഴിയുമോ...? മുറിയിലേക്ക് കയറാൻ മനസ്സ് വരാത്തത് കൊണ്ട് തന്നെ അവൾ ഓപ്പൺ ബാൽകണിയിലേക്ക് നടന്നു.... അവിടെ തൂണിൽ ചാരി നിൽക്കുമ്പോൾ അവളുടെ കണ്ണിൽ നിന്നും കണ്ണുനീർ ഒലിച്ച് ഇറങ്ങി.... ആ ഇരുട്ടിൽ ആരും കാണാതെ നൂറ തന്റെ സങ്കടങ്ങൾ ഒഴുക്കി വിടുമ്പോൾ അവളെ തഴുകും പോലെ പാതിരാ കാറ്റ് അവളെ തഴുകി തലോടി.... കുളി കഴിഞ്ഞു റാഷി മുറിയിലേക്ക് വരുമ്പോൾ നൂറ മുറിയിൽ ഇല്ല എന്ന് റാഷി കണ്ടത്... അവൻ ഡോർ തുറന്നു മുറിയിൽ നിന്ന് ഇറങ്ങി നൂറ ബാൽകണിയിൽ നിൽക്കുന്നത് കണ്ടത്... അവൻ അവളുടെ അടുത്തേക്ക് നടന്നു... അവൾ നിൽക്കുന്നതിന്റെ കുറച്ചു മാറി അവൻ നിന്നു... മുഖം ചെരിച്ചു നൂറയെ നോക്കി... അവൾ ഞാൻ വന്നത് അറിഞ്ഞിട്ടും തന്നെ ഒന്ന് നോക്കുക പോലും ചെയ്യാതെ ദൂരേക്ക് മിഴികൾ പായിച്ചു നിൽക്കുകയാണ്... സോറി.... എന്റെ വീട്ടുകാർ തന്നെ വേദനിപ്പിച്ചതിന്... എന്റെ വീട്ടുകാർക്ക് വേണ്ടി ഞാൻ നിന്നോട് ക്ഷമ ചോദിക്കുന്നു... അവൻ അത് പറയുമ്പോൾ അവൾ ഒന്നും മിണ്ടിയില്ല... നാളെ നിന്റെ വീട്ടിലേക്ക് ഒന്ന് പോകണം... നാളെത്തോടെ എന്റെ ലീവ് തീരും... മറ്റന്നാൾ മുതൽ എനിക്ക് ഹോസ്പിറ്റലിൽ പോയി തുടങ്ങണം... മ്.... നൂറ അവനെ നോക്കാതെ ആണ് അത് പറഞ്ഞത്... റാഷി തിരിഞ്ഞു നിന്ന് മുറിയിലേക്ക് തിരിച്ചു നടക്കാൻ ഒരുങ്ങുമ്പോൾ ആണ് അങ്ങോട്ട് അഫ്സൽ വന്നത്.... റാഷിക്ക.... ഒരുപാട് നന്ദി ഉണ്ട്... ഇത്തയുടെ കൂടെ നിന്നതിന്... ഒരു പക്ഷെ ഇക്ക എന്നെയും എത്തയെയും ഉമ്മയുടെ വാക്ക് കേട്ട് തെറ്റിധരിച്ചിരുന്നങ്കിൽ ഇന്ന് ഈ ഭൂമിയിൽ ഒരിക്കലും ഞാൻ ജീവിച്ചിരിക്കില്ലായിരുന്നു... എന്തൊക്കെ ആണ് നീ ഈ പറയുന്നത്.... നീ എന്റെ അനിയൻ അല്ലെ ടാ... നിന്നെ എനിക്ക് ഒരു വിശ്വാസ കുറവും ഇല്ല.... അവനെ ചേർത്ത് പിടിച്ചു റാഷി അത് പറയുമ്പോൾ നൂറക്ക്‌ ആ കാഴ്ച്ച കണ്ണിന് കുളിർമ എകുന്നത് ആയിരുന്നു.... അഫസലിന് വീണ്ടും അവനോട് ഫിദ പറഞ്ഞത് എല്ലാം പറയണം എന്ന് ഉണ്ടായിരുന്നങ്കിലും അത് അറിഞ്ഞാൽ റാഷിക്ക തളർന്ന് പോകും എന്ന് അറിയാമായിരുന്നു... അത് കൊണ്ട് ഒന്നും പറയാതെ അഫ്സൽ അവിടെ നിന്ന് പോയി... തുടരും...❣️ ♥️Like 💌comment 📤share𝗙𝗼𝗹𝗹𝗼𝘄 𝗺𝗲╰┈➤ #കഥ #📔 കഥ #നോവൽ