ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mlWB0X9v?d=n&ui=v64j8rk&e1=cപെയ്തൊഴിയാതെ ഭാഗം.. 32 ********* ഡി..... മുഖം അടക്കിയൊന്ന് തന്നാലുണ്ടല്ലോ...ഞാൻ കൈവീശി കൊണ്ട് ഷെമിയുടെ നേരെ ചെന്നു റഫീഖ്... എന്താ..എന്താ... നിന്റെ ഉദ്ദേശ്യം. ആര് പറഞ്ഞിട്ട നീയിങ്ങനെ ഒരോന്ന് കാണിച്ചുകൂട്ടുന്നത്... അരുതാത്തത് ഒന്നും ഇവിടെ സംഭവിക്കാൻ പോകുന്നില്ല. ഷെമി അവന്റെ കയ്യിൽ കയറിപിടിച്ചുകൊണ്ട് പ്രണയ ഭാവത്തോടെ റഫിയെ നോക്കി. "എന്താടി നിനക്ക് വേണ്ടത്. കയ്യിൽ നിന്നും വിടടി "അവൻ അവളുടെ കയ്യിൽനിന്നും കൈവലിച്ചെടുതുകൊണ്ട് അവളെ രൂക്ഷമായി നോക്കി. എന്ത് അധികാരത്തിലാണ് എന്റെ മുന്നിൽ കിടന്ന് ഇങ്ങനെ...."ഛേ " റഫീ......എന്താ..എന്നോട് മാത്രം ഇങ്ങനെ... ഒരു മാതിരി അന്യരോട് പെരുമാറുന്നപോലെ.. ഒന്നും അല്ലങ്കിലും നിന്റെ എളാമയുടെ മോളല്ലേ ഞാൻ. ആ...പരിഗണനയെങ്കിലും തന്നുടെ എനിക്ക്. നിനക്ക് അങ്ങിനെയൊരു ചിന്ത ഉണ്ടോടി....ഉണ്ടോന്ന്. ഉണ്ടായിരുന്നെങ്കിൽ എന്റെ പുറകെ ഇങ്ങനെ പ്രണയഅഭ്യർത്ഥനയുമായി നടക്കുമോ...? എന്നോട് ഇങ്ങനെ ദേഷ്യം കാണിക്കാൻ...മാത്രം ഞാൻ എന്താ ചെയ്തത്. പ്രാണന് തുല്യം നിന്നെ സ്നേഹിച്ചതൊ...അതോ... എന്റേത് മാത്രമാണന്ന് കരുതി ഇത്രയും നാൾ കാത്തിരുന്നതൊ.. ഡി... നിന്നോട് പലതവണ ഞാൻ പറഞ്ഞിട്ടുണ്ട്....ഇതും പറഞ്ഞുകൊണ്ട് എന്റെ പിന്നാലെ നടക്കരുതെന്ന്. എത്ര പറഞ്ഞാലും നിന്റെ തലയിൽ കയറാത്തതെന്താ. റഫീ...നീയില്ലാതെ എനിക്ക് കഴിയില്ല...എന്റെ ജീവൻ കളഞ്ഞിട്ടാണെലും ഞാനത് തെളിയിക്കും അപ്പോഴേ നീ..മനസ്സിലാക്കു... ഡി...ഷെമി.. വേണ്ടാത്തത് പറയാതെ റൂമിൽ നിന്നും ഇറങ്ങിക്കെ. സുഖമില്ലാതെ എന്റെ മോൻ തളർന്ന് കിടക്കുന്നത് കാണുന്നില്ലേ...അവനെ ഉണർത്താതെ ഒന്ന് പോയെ. റഫീ.... അവൾ അവന്റെ അടുത്തേക്ക് ഓടിവന്ന് അവനേ...കെട്ടിപിടിച്ചു.. ഇല്ല... റഫീ.. എനിക്കതിനു കഴിയില്ല. എനിക്ക് നിന്നെവേണം, നിന്റെ സ്നേഹം വേണം എന്നെ...വേണ്ടന്ന് മാത്രം പറയല്ലേ...അതെനിക്ക് സഹിക്കാൻ കഴിയില്ല..അവളവന്റെ നെഞ്ചിലേക്ക് വീണു പൊട്ടികരഞ്ഞു. അവൻ അവളെ അടർത്തിമാറ്റാൻ ശ്രമിച്ചിട്ടും അതിന് കഴിയാത്ത വിധം അവൾ മുറുകെ പിടിച്ച് കരഞ്ഞുകൊണ്ടിരുന്നു.. ഈ.... പെണ്ണിന് ഭ്രാന്താണോ.? എത്ര പറഞ്ഞാലും മനസ്സിലാവില്ലന്ന് വെച്ചാൽ. ഷെമി.... ഞാൻ പറയുന്നത് കേൾക്ക്....നിനക്ക് അനുയോജ്യമായ വരൻ ഞാൻ അല്ല. എനിക്ക് നിന്നെയെന്നല്ല ഒരുപെണ്ണിനേയും മര്യാദക്ക് സ്നേഹിക്കാൻ കഴിയില്ല.. അതുകൊണ്ടാണല്ലോ പ്രാണന് തുല്യം സ്നേഹിച്ചിട്ടും അവര് രണ്ട് പേരും എന്നെ ഇട്ടിട്ടുപോയത്... റഫീ... അവരെപോലെയാണ് ഞാനും എന്ന് തെറ്റിദ്ധരിക്കരുത്. എനിക്ക് അങ്ങിനെ കഴിയില്ല. നീ... എന്തൊക്കെ പറഞ്ഞാലും എനിക്ക് നിന്നെ വേണം... നീ....ഇനിമുതൽ എന്റേത് മാത്രമാ.....എന്റെത് മാത്രം. നെഞ്ചിൽ പൂഴ്ത്തിവെച്ച തല ഉയർത്തി അവനെ നോക്കിക്കൊണ്ടവൾ പറഞ്ഞു. റഫീ... ദേഷ്യം പുറത്ത് കാണിക്കാതെ...മുഖത്ത് പുഞ്ചിരി വരുത്തി.. കാരണം ദേഷ്യപെട്ടിട്ട് കാര്യമില്ലെന്നും അതവളിൽ കൂടുതൽ വാശിക്ക് കാരണമാവും എന്നവന് മനസ്സിലായി... സ്നേഹത്തിലൂടെ മാത്രമേ അവളെ പറഞ്ഞു മനസ്സിലാക്കാൻ കഴിയു എന്നവന് മനസ്സിലായി. റഫീ... നിന്നെ ചേർത്ത് പിടിച്ചിങ്ങനെ അരികിൽ നിൽക്കുമ്പോൾ എനിക്കുള്ള സന്തോഷം എത്രയാ...അത് നിനക്ക് പറഞ്ഞാൽ മനസ്സിലാവില്ല. അവൾ പതിയെ മുഖം ഉയർത്തി...അവന്റെ കവിളിൽ അമർത്തി ചുംബിച്ചുകൊണ്ട്. നാണത്തോടെ ഡോർ തുറന്ന് പുറത്തേക്ക് ഓടി.... അയ്യേ... ഇവളെന്താ.. ഇങ്ങനെ....കവിൾ അമർത്തി തുടച്ചുകൊണ്ടവൻ പെട്ടന്ന് ചെന്ന് വാതിൽ അടച്ച് ലോക്കിട്ടു.. മാരണം...എത്രയും പെട്ടന്ന് ഇവിടെനിന്നും പറഞ്ഞിവിട്ടീല്ലേൽ... എന്തൊക്കെയാ അവൾ കാണിച്ചുകൂട്ടുകയെന്ന് എനിക്ക് തന്നെ അറിയില്ല. അവൻ ബെഡിൽ മകന്റെ അരികിലായി ചെന്നിരുന്നു. അവന്റെ മനസ്സിൽ മാഹിറയുടെ മുഖം തെളിഞ്ഞു വന്നു...ഇല്ല... ആർക്കും കഴിയില്ല... ഇവനെ സ്വന്തം മോനായി കണ്ട് സ്നേഹിക്കാൻ അതന്റെ മാഹിറക്ക് മാത്രമേ കഴിയു മോന്റെ കവിളിൽ പതിയെ ചുംബിച്ചുകൊണ്ട് അവന്റെ തലമുടിയിൽ പതിയെ തലോടി അരികിലായി അങ്ങിനെ ചേർന്ന് കിടന്നു.. റഫീഖ്. ******* ഫാസിലെ... നിനക്ക് അവളെ ഇഷ്ടായോ. ഫൈസലിക്ക തിരിച്ചു പോരും വഴി അവനോട് ചോദിച്ചു. ഇഷ്ടം ആയാലും ഇല്ലങ്കിലും ഇത് നടക്കില്ല ഇക്കാ.. അതെന്താടാ...നല്ലകുട്ടി എനിക്കിഷ്ടായി... എന്റെ ഉമ്മാ... കുട്ടി നല്ലകുട്ടി അല്ലാത്തത് കൊണ്ടല്ല...ഇത് നടക്കില്ല. അതിന്റെകാരണം കൂടി പറ നീയ്. അവളുടെ ആങ്ങള കല്ലിയാണം കഴിക്കാൻ പോകുന്ന കുട്ടിയെതാണ് എന്നറിയുമോ നിങ്ങൾക്ക് ആർക്കേലും.... അവൻ ആരെ കല്ലിയാണം കഴിച്ചാലും നിനക്കെന്താ. അത് നിന്നെ ബാധിക്കില്ലല്ലോ.. ഞാൻ പറയുന്നത് മുഴുവനും കേൾക്ക് എന്നിട്ട് പറ എല്ലാവരും.... എങ്കിൽ പറ... ആരെയാ. ഫൈസലിക്ക ചോദിച്ചു. മാജിദയെ.... അവർ ഒന്നിച്ചു പഠിച്ചതാ... അതിനിടയിൽ ഇവനും ഫാമിലിയും.. ദുബായിലേക്ക് പോയി. ഇപ്പോ അവളുടെ വിവാഹം മുടങ്ങിയെന്നറിഞ്ഞപ്പോൾ പഴയ കൂട്ടുക്കാരിയെ അവൻ ചെന്ന് പെണ്ണ് ചോദിച്ചു. അവർക്കും സമ്മതം.. ഓഹ്.... അങ്ങിനെയാണോ.. കൂട്ടത്തോടെ എല്ലാവരുടെയും മുഖം മങ്ങി. ആരാ.... നിന്നോട് പറഞ്ഞത്. റഹ്മത്ത് അവനോട് ചോദിച്ചു. അവളുടെ ആങ്ങള അൻവർ ഓരോന്ന് പറഞ്ഞും ചോദിച്ചു ഇരുന്നപ്പോൾ അതിനിടയിൽ അയാൾ എന്നോട് പറഞ്ഞതാ കാര്യങ്ങൾ.... അത്...നിന്റെ മാജിദയാണോ എന്ന് എന്താ ഉറപ്പ്... അവൾക്ക് മാത്രമേ ആ പേര് ഉണ്ടാവു.. ഉമ്മയുടെ ചോദ്യം അവനിൽ ദേഷ്യം ഉണ്ടാക്കി... എന്റെ ഉമ്മാ അതവൾ തന്നെയാണ്...ഇനി കൂടുതൽ ചോദ്യം വേണ്ട. ഈ....ബന്ധം നടക്കില്ലന്ന് ഞാൻ പറഞ്ഞു കഴിഞ്ഞു ഇനി വീണ്ടും... വീണ്ടും... ഇതെ കാര്യം ആവർത്തിക്കണ്ട. എല്ലാവരും മങ്ങിയ മുഖത്തോടെ പരസ്പരം അങ്ങോട്ടും ഇങ്ങോട്ടും നോക്കി...കാറിൽ മിണ്ടാതെയിരുന്നു. ***** ജുമി....എപ്പോഴും മുഖം എന്താ ഇങ്ങനെ കാറ് മൂടിയപോലെ. ഒന്നുല്ല ജാസിത്ത എനിക്ക്...ഒന്നിനും തോന്നുന്നില്ല.സന്തോഷം വന്നാൽ ഒന്ന് ചിരിക്കാൻ വരെ പേടി തോന്നുകയാ...മോളെ നേരാവണ്ണം ശ്രദ്ധിക്കാൻ തോന്നുന്നില്ല... എന്റെ കാര്യങ്ങൾ പോലും നേരാവണ്ണം ചെയ്യാൻ പറ്റുന്നില്ല...എനിക്കെന്താണ് സംഭവിച്ചത്...എവിടെയാണ് ഞാൻ തോറ്റുപോയത്. അടുത്തവരൊക്കെ പലകാരണങ്ങൾ കൊണ്ട് എന്നിൽ നിന്ന് അടരുമ്പോ. എനിക്കറിയുന്നില്ല.. വെറുതേ ഓരോന്ന് ചിന്തിച്ചിരുന്നിട്ട..ഇങ്ങനെ ഓരോന്ന് തോന്നുന്നത്. നിന്നിൽ നിന്ന് ആരും അകന്നിട്ടില്ല...നമ്മളായിട്ട് ആരെയും അകറ്റിയിട്ടുമില്ല. എല്ലാം ദൈവ നിശ്ചയമാണ്. മ്മ്..... എനിക്ക് എന്റെ ഫാരിസ് ഇക്കയുടെ അടുത്തേക്ക് പോകാൻ വല്ലാതെ കൊതിയാവുന്നു...അവൻ സ്നേഹിച്ചപോലെ ആരും എന്നെ സ്നേഹിച്ചിട്ടില്ല.. മോളെ... എന്തൊക്കെയാ നീ പറയുന്നത്.... എപ്പോഴും ഇതിനകത്ത് കതകടച്ചിരുന്നിട്ടാ... പുറത്തേക്കൊക്കെ ഒന്ന് ഇറങ്ങ്.... അല്ല ഇപ്പോ ഇങ്ങനെയൊക്കെ പറയാൻ മാത്രം എന്താ ഉണ്ടായത്... നിങ്ങളൊക്കെ എന്നിൽ നിന്ന് മറച്ചാലും ഞാൻ അറിഞ്ഞു എല്ലാം... എന്തറിഞ്ഞുയെന്ന്.. ജുമി... പറ... എന്താണന്ന്. ഫാസിലിന്റെ കല്ലിയാണം മുടങ്ങാൻ ഞാൻ ആണല്ലേ കാരണം...അവനിപ്പോ എന്നെ എത്ര മാത്രം വെറുക്കുന്നുണ്ടാവും. അവന്റെ പ്രാണൻ ആയിരുന്നില്ലേ..അവൾ. ഞാൻ കാരണം ആ ബന്ധം തകർന്നു എന്നറിഞ്ഞപ്പോൾ അവന്റെ ഉള്ളം എത്ര നീറിക്കാണും..അവന്റെ മനസ്സിൽ നിന്നും അവനും എന്നെ അകറ്റികാണില്ലേ പഴയ കുഞ്ഞിത്തയോടുള്ള സ്നേഹം അവന്റെ ഉള്ളിൽ നിന്നും... മാഞ്ഞുപോയിട്ടുണ്ടാകില്ലേ.. ഹേയ്... നീയതിൽ നിരപരാധി ആണെന്ന് എല്ലാവർക്കും അറിയാല്ലോ...പിന്നെന്തിനാ നീ...അങ്ങിനെയൊക്കെ ചിന്തിക്കുന്നത്. നീ.. വന്നേ.. വാ.. ജാസിത്ത അവളെ ഉമ്മറത്തേക്ക് കൂട്ടിയിട്ട് പോയി. നോക്ക് നിന്റെ ചെടികളൊക്കെ ഉണങ്ങിപ്പോയി...വെറുതേ ഓരോന്ന് ആലോചിച്ചു റൂമിൽ തന്നെയിരിക്കാതെ മുറ്റത്തേക്ക് എല്ലാം ഒന്നിറങ്ങു. നിന്റെ മനസ്സൊന്നു തെളിയട്ടെ. ജാസിത്ത നിർബന്ധിച്ചു അവളെ മുറ്റത്തേക്കിറക്കി. ***** ഫാസിലെ.... അബുക്ക വന്നിരുന്ന് ഇവിടെ. മൂപ്പരുടെ...പെങ്ങളുടെ മോളുണ്ടത്ര...പീജിക്ക് പഠിക്കാ. നമുക്ക് അവിടെ വരെയൊന്ന്. ഇല്ല ഉമ്മാ... ഞാനില്ല... ഇനിയൊരു പെണ്ണുകാണൽ ഞാൻ ആഗ്രഹിക്കുന്നില്ല. നിങ്ങൾക്കൊക്കെ ഞാൻ വിവാഹം കഴിച്ച് കാണാൻ അത്രക്ക് ആഗ്രഹം ഉണ്ടെങ്കിൽ ഒരു പെൺ കുട്ടിയെ ഞാൻ പറഞ്ഞു തരാം... നിങ്ങൾക്കെല്ലാവർക്കും ഇഷ്ടപ്പെട്ടാലും,ഇല്ലങ്കിലും ഞാൻ വിവാഹം കഴിക്കുന്നുണ്ടേൽ അവളെയായിരിക്കും. അതാരാ അങ്ങിനെയൊരു കുട്ടി.... നിന്റെ കൂടെ പഠിച്ചതോ മറ്റോ ആണോ...? അവന്റെ വായിൽ നിന്ന് അത് വീണതും റഹ്മത്ത് കയറി ചോദിച്ചു. എന്റെ കൂടെ പഠിച്ചതൊന്നും അല്ല...നിങ്ങൾക്കൊക്കെ അറിയാവുന്ന കുട്ടിയാ.. അതേത് കുട്ടി.. ഫാസിലെ.... അതൊക്കെ ഞാൻ പറയാം കേട്ടുകഴിയുമ്പോൾ ഒച്ചപ്പാട് ഉണ്ടാക്കരുത്... ഇതെ സന്തോഷവും ആകാംഷയും അപ്പോഴും വേണം.. നീ...ഏത് കുട്ടിയെ കാണിച്ചു തന്നാലും ഞങ്ങൾക്ക് സമ്മതമാ...അവിടെ ഒരു മാറ്റവും ഉണ്ടാവില്ല.. എല്ലാം കേട്ട് കൊണ്ട് ഹാളിൽ നിൽക്കുകയായിരുന്ന ഫൈസലിക്കയും പറഞ്ഞു. എല്ലാവർക്കും സമ്മതമാണേൽ ഞാൻ പറയാം.... ഞങ്ങളെ ഇങ്ങനെ ആകാംഷയുടെ മുൾ മുനയിൽ നിർത്താതെ....അവളാരാണന്ന് പറ വേഗം... പറഞ്ഞുകഴിയുമ്പോൾ എല്ലാവരുടെയും സന്തോഷം പോകുമോ...എന്നാണ് എന്റെ പേടി....എങ്കിലും ഞാൻ പറയാം.... നമ്മുടെ ഫാരിസ് ഇക്കയുടെ ഭാര്യ ജുബി... എന്ത്.... എന്താ...നീ പറഞ്ഞെ. ഹേയ്... അത് നടക്കില്ല. നടക്കും ഇക്കാ... എന്റേയീ ജീവിതത്തിൽ നല്ലൊരു പാതിയായി എനിക്കവളെ മതി. ഡാ.... അവൾ രണ്ട് ഭർത്താക്കൻമാരുടെ ഭാര്യ ആയവളാണ്...പിന്നേ നിന്നെക്കാൾ രണ്ട് വയസിനു മൂത്തത്... എനിക്കതൊന്നും പ്രശ്നമില്ല അവളുടെ സമ്മതമാണ് എനിക്കറിയേണ്ടത്.. ഞാനവളെകൊണ്ട് സമ്മതിപ്പിക്കും.. അവളോ... നിന്റെ ഇക്കാടെ ഭാര്യയാണ്. നിനക്ക് വേറെ ആരെയും കിട്ടിയില്ലേ... ഫാസിലെ. ദെ.. ഉമ്മാ... റഫീഖ്‌മൊത്തുള്ള അവരുടെ വിവാഹം കഴിഞ്ഞപ്പോ ഉമ്മ എന്തല്ലാം ആണ് പറഞ്ഞത്. അവരുടെ വിവാഹത്തിന് പോയിട്ട് ഉമ്മ അവരോട് നേരാവണ്ണം ഒന്ന് മിണ്ടിയോ. കയറ്റിപ്പിടിച്ച മുഖവുമായിട്ടല്ലേ ഇവിടെ വന്ന് കയറിയത്. അതിന്റെ കാരണം എന്തായിരുന്നു ഇത് പോലെ ആരോ..എന്തൊക്കെയോ പറഞ്ഞതിന്റെ പേരിൽ ആ.. പാവത്തിനെ സംശയിച്ചു. ഇപ്പോ അതെ കാര്യം ഞങ്ങളെ കുറിച്ചും പറയുന്നു...എന്ത് കൊണ്ട് ഉമ്മാക്ക് ദേഷ്യം വന്നില്ല എന്നോട്... ഞാൻ തെറ്റ് ചെയ്തിട്ടില്ല എന്നുള്ളതിന് എന്താണ് ഉമ്മാക്ക് ഉറപ്പ്.. സ്വന്തം മോനിലുള്ള വിശ്വാസം അതല്ലേ.... അതുപോലെ അവളെ ഒരു മോളായി ഉമ്മ കണ്ടിട്ടില്ലായിരുന്നു. എന്നതിനുള്ള തെളിവാണ് അന്ന് ഉമ്മയുടെ മുഖത്ത് ഞാൻ കണ്ടത്... ഇപ്പോ അത് പോലെ എന്നെ കുറിച്ചും കുഞ്ഞിത്തയെ കുറിച്ചും ആളുകൾ പലതും പാടിനടക്കുന്നു...എങ്കിൽ പിന്നേ...അത് നടത്തി കാണിച്ചുകൊടുക്കുകതന്നെ വേണമല്ലോ...എന്ന് ഞാനും അങ്ങ് തീരുമാനിച്ചു..എന്താ അഭിപ്രായം.. ഈ..വിവാഹത്തിൽ നിന്നും അവനെ എങ്ങിനെയെങ്കിലും പിന്തിരിപ്പിക്കണമെന്ന ചിന്തയോടെ ഉമ്മയും, ഫൈസലിക്കയും നിന്നു.. (തുടരും.... കണ്ണൂർകാരൻ 🥰🥰🥰 #📔 കഥ #✍ തുടർക്കഥ #💞 പ്രണയകഥകൾ #📚 ട്വിസ്റ്റ് കഥകൾ #📙 നോവൽ