#📙 നോവൽ - കാശിയുടെ പെണ്ണ് 💐💐
🔻 പാർട്ട് _54
✍️ രചന - ജിഫ്ന നിസാർ 💥
കാശി കാർത്തു വിളിച്ചതിനെ കുറിച്ച് പറഞ്ഞപ്പോൾ
ഇതിപ്പോ ഇവരിൽ ആരുടെ കൂടെ നിൽക്കണം എന്നറിയാതൊരു കൺഫ്യൂഷനോടെയാണ് ശിവ അവനെ നോക്കിയത്.
കാർത്തുവിന്റെ ഭാഗത്തു നിന്നും ചിന്തിച്ചു നോക്കിയാൽ അവളാ ചെയ്തത് തന്നെയാണ് ശെരി.
തന്റെ പ്രണയം സ്വന്തമാക്കാൻ ഏതറ്റം വരെയും പോകുന്ന ഒരു പ്രണയിനിയുടെ മനസ്സോടെ.. ധൈര്യത്തോടെ അവളത് അവളുടെ വീട്ടിൽ അറിയിച്ചു.
അശോകേട്ടനോടുള്ള കടപ്പാടിന്റെ പേരിൽ കാശിക്കില്ലാതെ പോയതും അത് തന്നെയാണല്ലോ.
ടെൻഷൻ ഉണ്ടാവും അവൾക്കും.
പക്ഷേ അതിനേക്കാൾ അവനിലേക്ക് ചേരണം എന്നുള്ള ആഗ്രഹം തന്നെയാവും അവളിൽ ഏറ്റവും മുന്നിൽ നില്കുന്നത്.
ഇനി കാശിയുടെ ഭാഗം നോക്കിയാൽ.. അശോകേട്ടനെ കുറിച്ചോർത്തു കൊണ്ടിത് വരെയും കാർത്തുവിനോട് ഒരു നോട്ടം കൊണ്ട് പോലും ഇഷ്ടം പങ്ക് വെക്കാത്ത അവൻ.. ആ വിശ്വാസത്തെ തകർത്തു കൊണ്ടാണ് കാർത്തു അവർ തമ്മിൽ ഇഷ്ടത്തിലാണ് എന്ന് അശോകനെ അറിയിച്ചത്.
തന്റെ വൺ സൈഡ് പ്രണയത്തെ അച്ഛൻ വില കുറച്ച് കാണുമോ എന്നുള്ള ഭയമാണ് അവളെ കൊണ്ടങ്ങനെ ചെയ്യിപ്പിച്ചതെങ്കിൽ, കാശിക്ക് അവനിലുള്ള അശോകേട്ടന്റെ വിശ്വാസമാണ് നഷ്ടമായത്.
പറയുമ്പോൾ രണ്ടു പേരിലും ന്യായമുണ്ട്.
"ഇനിയിപ്പോ എന്ത് ചെയ്യും കാശി.. അശോകേട്ടൻ എല്ലാം അറിഞ്ഞ സ്ഥിതിക്ക്.."
ആശങ്കയോടെ അവന്റെ വലിഞ്ഞു മുരുകിയ മുഖത്തേക്ക് നോക്കി കൊണ്ട് ശിവ ചോദിച്ചു.
"സംശയമെന്ത്.. മഹേഷുമായി കാർത്തികയുടെ കല്യാണത്തിന് അയാൾ ഒരുക്കങ്ങൾ തുടങ്ങും..ആ ഫോട്ടോസ് കൂടി ഇപ്പൊ തെളിവാണ്. കാർത്തിക അതിനെ കുറിച്ച് അറിഞ്ഞിട്ടില്ല. അല്ലെങ്കിൽ അശോകേട്ടൻ മനഃപൂർവം അതിനെ കുറിച്ചവളോട് പറഞ്ഞിട്ടില്ല.പിന്നെ മഹേഷ്...സംഗതി കുറച്ചു കൂടി നന്നായി ആളി കത്തിക്കാൻ അവന്റെ ശ്രമവും നടക്കുന്നുണ്ടാവും..എന്തെങ്കിലും ചെയ്തെ പറ്റൂ ശിവ.. ഇല്ലെങ്കിൽ.."
കാശി അസ്വസ്ഥതയോടെ നെറ്റി തടവി.
"ഇല്ലെങ്കിൽ..."
ശിവ നേർത്തൊരു ചിരിയോടെ ചോദിച്ചു.
"ഇല്ലെങ്കിൽ... അവനെ കുറിച്ച് ശെരിക്കും അറിയാതെ അശോകേട്ടൻ കാർത്തികയെ അവന് കൊടുക്കും. അങ്ങനെ ഉണ്ടാവില്ല എന്ന് ഞാനവൾക്ക് വാക്ക് കൊടുത്തിട്ടുണ്ട്.."
കാശിയുടെ സ്വരം പതിഞ്ഞു പോയി.
"അത് മാത്രമാണോ.. വേറൊന്നുമില്ലേ?"
ശിവ എടുത്തു ചോദിച്ചു.
"വേറെന്ത്.. ഒന്നുമില്ല. അവനെ പോലെ ഒരുത്തന്റെ ചതിയിൽ തീരേണ്ടതല്ല അവളുടെ ജീവിതം.. സമാധാനം. അവള് നന്നായി ജീവിക്കണം. അതിന് അവൻ പോരാ..എന്ത് ചെയ്തിട്ടായാലും ഞാനത് നടത്തില്ല ശിവ.. ഇതിപ്പോ എന്റെ വാശി കൂടിയാണ്.. എനിക്കുറപ്പുണ്ട്. ഇത്രേം ഇത് വളർത്തി വലുതാക്കിയെടുക്കാൻ മഹേഷിന്റെ പങ്ക് ചെറുതൊന്നുമല്ല.. വിടില്ല ഞാനവനെ.."
കാശി അവനെ നോക്കാതെ മുഖം തിരിച്ചു.
വിടരുത്.. അത് നിന്റെ കടമ കൂടിയാണ്.ആ പെണ്ണ് ഇഷ്ടം പറഞ്ഞു പിറകെ വന്നപ്പോഴൊക്കെ അശോകേട്ടൻ കടപ്പാട് കുന്തം കൊട ചക്രമെന്നൊക്കെ പറഞ്ഞു നീ നിന്റെ ഓഞ്ഞ സ്വഭാവം കാണിച്ചു.
ഇനിയെങ്കിലും അതിനോട് നിന്റെയാ ഇഷ്ടമൊന്നു പറഞ്ഞേക്ക് കാശി നീ.
ഇപ്പോഴുള്ള ഈ പ്രതിസന്ധികളെ നീയും അവളും ഒരുമിച്ച് നിന്നാലെ തീർക്കാൻ പറ്റൂ.. നിന്റെയാ നശിച്ച വാശിയും ദേഷ്യവും ഒന്ന് മാറ്റി വെച്ചിട്ട്.. "
മതി ശിവ.. മഹേഷിന്റെ നാറിയ കളിക്ക് ഞാൻ അവളെ ഇട്ട് കൊടുക്കില്ല. അതിൽ കൂടുതൽ അർഥമൊന്നും നീ അതിനു കൊടുക്കേണ്ട.. "
കാശി കടുപ്പത്തിൽ പറഞ്ഞു.
"ഇല്ലെടാ ..ഞാനൊന്നും പറയുന്നില്ല.. പറഞ്ഞാലും നീ നന്നാവില്ല.."
ശിവക് ശെരിക്കും ദേഷ്യം വന്നു അവന്റെ അപ്പൊഴുള്ള ഭാവം കണ്ടിട്ട്.
ആരുടെയോ നമ്പർ ഫോണിൽ തിരയുന്ന തിരക്കിൽ കാശി അവന്റെയാ ദേഷ്യം ഗൗനിച്ചതുമില്ല..
💥💥
"ഞാനിപ്പോ പറഞ്ഞത് പോലെ തന്നെ ചെയ്യണം അങ്കിൾ.. ഒരു കാരണവശാലും കാർത്തുവിന് സംശയമൊന്നും തോന്നരുത്.
കാശിനാഥനുമായുള്ള അവളുടെ അഫയർ അങ്കിൾ കൂടുതൽ എതിർക്കുകയോ അനുകൂലിക്കുകയോ ചെയ്യുന്നില്ലെന്ന് അവൾക്ക് തോന്നണം.
എങ്കിലേ നമ്മൾ ഉദ്ദേശിച്ചത് പോലെ കാര്യം നടക്കൂ. "
മഹേഷിന്റെ വാക്കുകൾ അശോകൻ തലയാട്ടി സമ്മതിച്ചു.
എങ്കിലും അയാളുടെ മുഖം നിറയെ ഏതൊക്കെയോ ചിന്തകളാൽ മൂടപ്പെട്ടിരുന്നു.
അയാൾ മറു കണ്ടം ചാടുമോ എന്നും ഇപ്പോഴും കാശി നാഥനോടുള്ള ചായ് വും വിശ്വാസവുമെല്ലാം കാണുമ്പോൾ മഹേഷിന് തോന്നാറുണ്ട്.
അതിനും കൂടിയുള്ള കുരുക്കുകളാണ് അവൻ ബലത്തിൽ കെട്ടി ഉണ്ടാക്കുന്നത്.
"പിന്നെ കാശി നാഥൻ.. തത്കാലം അവനെ ഇവിടെ നിന്നൊന്ന് മാറ്റി നിർത്തെണ്ടത് അത്യാവശ്യമാണ്. എങ്കിലേ നമ്മുടെ കാര്യങ്ങൾ ഭംഗിയായി നടക്കൂ.."
നിഗൂഡമായൊരു ചിരിയോടെ മഹേഷ് അശോകൻ നോക്കി.
അയാൾ അവനെയും.
"അത് വേണോ മഹി.. തത്കാലം നമ്മുക്ക് കാർത്തുവിനോട് പറഞ്ഞു നിൽക്കാം. കാശിയോട് ഈ ബന്ധം നടക്കില്ലെന്നു ഞാൻ ഉറപ്പിച്ചു പറഞ്ഞാൽ അവനത് മനസ്സിലാവും.. എന്നെ എതിർക്കാൻ അവന് പറ്റില്ല..അവൻ പിന്മാറി പോകും.. എനിക്കുറപ്പുണ്ട് "
അശോകന് ഇപ്പോഴും അവനെ പൂർണമായും അവിശ്വാസമായിട്ടില്ല.
അത് തന്നെയാണ് മഹേഷിന്റെ മുന്നിലെ ഏറ്റവും വലിയൊരു വെല്ലുവിളിയും.
"പറ്റില്ല എന്നല്ല അങ്കിളെ പറയേണ്ടത്.. പറ്റില്ലായിരുന്നു എന്നങ്ങോട്ട് തിരുത്തി പറ.. അവൻ ചെയ്യില്ലായിരുന്നു മുൻപ്.. പക്ഷേ ഇനിയാ ഉറപ്പ് വേണ്ടാന്ന് ഞാൻ പറയും.. കാരണം അവനിപ്പോ പഴയ ആളല്ല.. നിങ്ങളുടെ മകളുടെ കാമുകൻ കൂടിയാണ്. അവളിലൂടെ നിങ്ങളുടെ സ്വത്തുക്കളെ നോട്ടം വെച്ചവനാണ്. അവൻ ഇനിയങ്ങോട്ട് എന്തൊക്കെ ചെയ്യുമെന്ന് അങ്കിളിന് ഊഹിക്കാൻ പോലും പറ്റില്ല.
അങ്കിൾ തന്നെ പറയാറില്ലേ അവന്റെ കൂസലില്ലാത്ത സ്വഭാവം.. ആരെയും ഭയക്കാത്ത ചങ്കൂറ്റം.
അങ്ങനെ ഉള്ള ഒരുവൻ സ്വന്തം പ്രണയത്തിന് വേണ്ടി.. അത് നഷ്ടമാവാതിരിക്കാൻ വേണ്ടി എന്തൊക്കെ ചെയ്യും.. ഒന്നോർത്തു നോക്കിക്കേ.."
പറഞ്ഞു കൊണ്ടിരിക്കെ തന്നെ അശോകന്റെ മുഖത്തു പടർന്ന ആശങ്കയിലാണ് പിന്നെയും മഹേഷിന്റെ പ്രതീക്ഷ.
"അങ്കിൾ അവനെ കുറിച്ചുള്ള പഴയ അളവ് കോൽ കളഞ്ഞിട്ട് ഇപ്പൊ പ്രാകറ്റിക്കലായി ചിന്തിച്ചു നോക്കിയ എല്ലാം നമ്മൾ ഉദ്ദേശിച്ചത് പോലെ തന്നെ നടക്കും. ഇനി അവളെ എനിക്ക് തരുന്നില്ല..കാശിക്ക് തന്നെ കൊടുത്തേക്കണം എന്ന് അങ്കിൾ തീരുമാനം എടുത്താലും ഞാൻ സന്തോഷത്തോടെ അങ്കിളിന്റെ കൂടെ നിൽക്കും.
അങ്കിളും കാർത്തുവും സന്തോഷമായിരിക്കണം എന്നേ എനിക്കോള്ളു.
അതിനർത്ഥം അവളെ നഷ്ടപ്പെടുന്നതിൽ എനിക്ക് സങ്കടമില്ല എന്നൊന്നുമല്ല.
കുറെ സ്വപ്നം കണ്ടൊരു ലൈഫല്ലേ അവളുമായി ഉള്ളത്.
അത് നഷ്ടപ്പെടുത്തിയാലും അങ്കിളിനെ വേദനിപ്പിക്കാൻ എനിക്ക് പറ്റില്ലല്ലോ.."
അശോകന് മുന്നിൽ മഹേഷ് അറിഞ്ഞു കളിക്കുന്നുണ്ട്.
കാശി നാഥനോടുള്ള വിശ്വാസമില്ലാതായി പോകണമെങ്കിൽ അയാൾക്ക് അവനെക്കാൾ തന്നെ വിശ്വാസമാകണം എന്നുള്ളത് അവനറിയാം.
അതിനുള്ള വഴികളും.
"എന്തായാലും ഞാനിപ്പോ പോട്ടെ മഹി. വയ്യെടാ.. എനിക്കെന്തോ പോലെ.. ഇങ്ങനൊന്നും ഞാനെന്റെ സ്വപ്നത്തിൽ പോലും കരുതിയിട്ടില്ല. അതിന്റെ ഒരു.. ഞാൻ നിന്നെ വിളിക്കാം. എനിക്കൊന്നു കൂടി ആലോചിച്ചു നോക്കണം. വിളിക്കുമ്പോ പറയാം എന്റെ തീരുമാനം.."
മഹേഷിനെ വലിയയൊരു ചുഴിയിൽ തള്ളി ഇട്ടത് പോലായിരുന്നു അശോകന്റെ ആ തീരുമാനം.
അയാൾ എന്ത് പറയുമെന്നോർത്തു കൊണ്ട് ഇനിയാ വിളി വരും വരെയും തനിക്കൊരു സമാധാനമുണ്ടാവില്ല എന്നവനും ഉറപ്പായി.
💥💥
ഞാൻ പറഞ്ഞതിനെ കുറിച്ച് എന്താ ഭവ്യ നിന്റെ തീരുമാനം.. "
വിഷ്ണുവിന്റെ ചോദ്യം കേട്ടതും അവളൊരു ചിരിയോടെ നേരെയിരുന്നു.
"അതപ്പോൾ തന്നെ ഞാൻ വല്യേട്ടനോട് പറഞ്ഞതല്ലേ ഇനിയിപ്പോ എന്ത് തീരുമാനം.."
അവളാ പറഞ്ഞു കേട്ടതും അവന്റെ മുഖം കറുത്ത് പോയി.
നോട്ടത്തിന് തീവ്രതയേറി.
എന്നാൽ ഭവ്യ അതൊന്നും തന്നെ ശ്രദ്ധിച്ചതുമില്ല.
"ആ തീരുമാനതിൽ മാറ്റം വല്ലതുമുണ്ടോ എന്നുള്ളതാ എന്റെ ചോദ്യം.."
"എന്റെ തീരുമാനം ഞാനങ്ങനെ ആവിശ്യമില്ലാതെ മാറ്റാറില്ല. ആരെയും പേടിച്ചു കൊണ്ടും മാറ്റാറില്ല.."
"എങ്കിൽ ഇനി നിന്റെയാ തീരുമാനം മാറ്റിക്കുക എന്നുള്ളതാ എന്റെ ലക്ഷ്യം.."
അവനിൽ വല്ലാത്തൊരു ചിരി തെളിഞ്ഞു.
"വാങ്ങിയ കാശിനു നന്ദി കാണിക്കാൻ വല്യേട്ടൻ അത്രയെങ്കിലും ചെയ്തു കൊടുക്കണം..എനിക്കും അത് തന്നെയാ വേണ്ടത്. അപ്പഴാ ഇനിയീ കളിക്കൊരു തീരുമാനമാകൂ.."
അവൾക്കും പുച്ഛം തന്നെയാണ്.
"മര്യാദക്ക് പറഞ്ഞപ്പോ നിനക്കത് കേൾക്കാൻ വയ്യ.. വെറുതെ ഒന്നും വേണ്ട.. നീ പറയുന്നത് കൂടി ഞാൻ അവനിൽ നിന്നും വാങ്ങിച്ചു തരാമെന്ന് പറഞ്ഞിട്ടും നിനക്കതു വേണ്ട.. ഇതിനുള്ളത് നിനക്ക് കിട്ടിയിരിക്കും.."
വിഷ്ണുവിന്റെ വാക്കുകൾക്ക് വെല്ലു വിളിയുടെ ചുവയുണ്ടായിരുന്നു അപ്പോൾ മുതൽ.
തീർത്തും അപരിചിതയായ ഒരുവളോട് സംസാരിക്കുമ്പോൾ പ്രകടമാവുന്ന പോലൊരു ഭാവം.
"ബിബി സാറിന്റെ ഭാര്യ എന്നതിൽ കവിഞ്ഞൊന്നും എനിക്ക് വേണ്ടാന്ന് ഞാൻ നിങ്ങളോടും നിങ്ങളെ ഈ പണിക് വിട്ടവനോടും പറഞ്ഞതാണ്. ഇനിയിപ്പോ അതെന്റെ വാശി കൂടിയാണ് എന്ന് കരുതിക്കോ..അതിന് പകരമായി നിങ്ങൾ തരുന്നതെന്തും ഏത് പണിയും കയ്യും നീട്ടി വാങ്ങിക്കാൻ ഞാനും റെഡിയാണ്.. ഈ കാര്യത്തിൽ നിങ്ങളുടെ അനിയത്തി തന്നെയാണ് ഞാനും.. വല്യേട്ടനത് വൈകാതെ മനസ്സിലാവും.."
അത് പറഞ്ഞിട്ട് യാതൊരു കൂസലുമില്ലാതെ ഭവ്യ ഇറങ്ങി പോകുകയും ചെയ്തു.
വിഷ്ണുവിന് അവളെ അരച്ച് കൊടുത്താൽ കുടിക്കും എന്നുള്ള പരുവത്തിലാണ്.
താൻ കാര്യമായി ഒന്നും ചെയ്യില്ലെന്നുള്ള ചിന്തയിലാണ് അവളുടെ അഹങ്കാരം മുഴുവനും..
കാണിച്ചു കൊടുക്കുന്നുണ്ട് അവൾക്ക് ഈ വിഷ്ണു നാദ് ആരാണെന്നുള്ളത്.
പല്ല് കടിച്ചു കൊണ്ടവൻ ഞൊടിഞ്ഞു.
എന്നാൽ വല്ലാത്തൊരു ക്രൂരത നിറഞ്ഞ ചിരിയോടെ തന്റെ കയ്യിലുള്ള ബിബിനുമൊന്നിച്ചുള്ള വിഡിയോകളിൽ രണ്ടു മൂന്നെണ്ണം ചിത്രയുടെ ഫോണിലെക്ക് അയച്ചു കൊടുക്കുന്ന തിരക്കിലായിരുന്നു ഭവ്യയപ്പോൾ.
തുടരും..
കൊടുക്കങ്ങോട്ട്..അല്ല പിന്നെ..
ബിബി സാറും കൊറച്ചു പഠിക്കാനുണ്ട്.
ഭാര്യയുണ്ട് കൊച്ചുണ്ട് എന്നൊക്കെ മറന്നു കൊണ്ടങ്ങോട്ട് ചെന്ന് ഒട്ടിയിട്ട് ഇപ്പൊ അവനൂരി പോരണം പോലും..
ഊരി തരാ ട്ടാ.. നോക്കി ഇരുന്നോ 😎
റിവ്യൂ ഇട്ടിട്ട് പോണേ..
സ്നേഹത്തോടെ jif💥
#📔 കഥ #💞 പ്രണയകഥകൾ 