#📙 നോവൽ ..... തന്റെ കവിളിൽ ആരോ ശക്തമായി കൊട്ടിവിളിക്കുന്നത് പോലെ തോന്നിയതും ഗംഗ വളരെ പാടുപെട്ടുകൊണ്ട് അവളുടെ മിഴികൾ തുറന്നു. എടാ.... നിനക്കെന്താണ് പറ്റിയത്.. ഗംഗ... ഉറ്റ സുഹൃത്തായ ദീപികയാണ്. ഹമ്..... വെറുതെ ഒന്ന് മൂളി കൊണ്ട് ഗംഗ അനങ്ങാതെ കിടന്നു. ഗംഗ നീ എവിടെയാണ് വീണത്. നിന്റെ ശരീരം ഒക്കെ വല്ലാണ്ട് ആയല്ലോ മോളെ. ദീപിക സങ്കടത്തോടെ അവളെ നോക്കി. ടാ...... അവൾ പിന്നെയും വിളിച്ചു. അപ്പോഴേക്കും ഡോക്ടർ മഹാദേവൻ അവരുടെ അടുത്തേക്ക് വന്നു.കൂടെ കണ്ടിരുന്ന ഗൈനക്കോളജിസ്റ്റ് ഊർമിള മാഡവും ഉണ്ട്. ഗംഗ സുകുമാരൻ.. ഡോക്ടർ മഹാദേവൻ അവളുടെ അരികിലായി ഇരുന്നു. അവൾ പതിയെ കിടക്കയിൽ നിന്നും ഒന്ന് എഴുന്നേൽക്കുവാൻ ശ്രമിച്ചപ്പോൾ അയാൾ അത് തടഞ്ഞു. വേണ്ട... കുട്ടി കിടന്നോളൂ. അദ്ദേഹം തന്നെയാണ് അവളെ ബെഡിലേയ്ക്ക് പിടിച്ചു കിടത്തിയത്.. ഇത്രയും ക്രൂരമായ പീ ഡനം.. അതും ശാരീരികവും മാനസികവുമായി.. സ്വന്തം വീട്ടിൽ അഭയം തേടി ചെന്നപ്പോൾ, സമൂഹത്തിന്റെ മുന്നിലെ തങ്ങളുടെ അഭിമാനം കുറഞ്ഞു പോകുമല്ലോ എന്ന് ഭയന്ന് നിന്റെ മാതാപിതാക്കൾ നിന്നെ അവനോടൊപ്പം വീണ്ടും തിരിച്ചയച്ചു.. പക വീട്ടുവാൻ വേണ്ടി അവൻ കൊണ്ടുപോയി. എന്നിട്ട് വീണ്ടും നിന്നെ മാനസികമായി പീഡിപ്പിച്ച് തളർത്തി.. ഡോക്ടർ ചോദിച്ചപ്പോൾ ഗംഗ അതെ എന്ന് തലകുലുക്കി. മോളെ.... അവൻ നിന്നെ എന്തിനാണ് തള്ളിയിട്ടത്.? ഞാൻ പ്രഗ്നന്റ് ആണെന്ന് അറിഞ്ഞപ്പോൾ, ഈ കുഞ്ഞ് അയാളുടേതല്ല എന്ന് പറഞ്ഞു. ഗംഗ പറയുന്നത് കേട്ടുകൊണ്ട് തരിച്ചു നിൽക്കുകയാണ് അവളുടെ കൂട്ടുകാരി ദീപിക. കുഞ്ഞിനെ നശിപ്പിച്ച് കളഞ്ഞില്ലെങ്കിൽ അയാൾ എന്നെ കൊന്നു കളയുമെന്ന് ഭീഷണിപ്പെടുത്തി. എന്നെ ഒരുപാട് തവണ അടിച്ചു.. ഇത് അയാളുടെ കുഞ്ഞാണെന്നും, ഞാൻ ഒരു ദുർ നടത്തിപ്പുകാരി അല്ലെന്നും പറഞ്ഞപ്പോൾ അയാൾ എന്റെ വയറ്റിൽ ആഞ്ഞുതൊഴിച്ചു. ശരിക്കും അയാൾ ഒരു മാനസിക രോഗിയാണ് സർ... കുറെയേറെ തവണ ഞാൻ ക്ഷമിച്ചു സഹിച്ചു, പറഞ്ഞു മനസ്സിലാക്കി നോക്കി. പക്ഷേ അയാൾ വഴങ്ങുന്നില്ലായിരുന്നു. ഞാൻ കളവു പറയുന്നതാണെന്ന് പറഞ്ഞ് അയാൾ എന്നെ തള്ളിയിട്ടു. പെട്ടെന്ന് ആയതുകൊണ്ട് എനിക്ക് പിടുത്തം കിട്ടിയില്ല, അരികിലായി കിടന്ന ഒരു മേശയിലേക്ക് പോയി എന്റെ വയറ് ഇടിച്ചു. പിന്നീട് നിലത്തേക്ക് വീണപ്പോൾ എന്റെ ബോധം മറഞ്ഞു. ഹമ്.... വിശാൽ തന്നെയാണ് മോളെ ഹോസ്പിറ്റലിൽ എത്തിച്ചത്. കുറേ പണവും കെട്ടിവെച്ചു. എന്നിട്ട് അർജന്റായിട്ട് ആരെയോ മീറ്റ് ചെയ്യാൻ ഉണ്ടെന്നും, പെട്ടെന്ന് തന്നെ വരുമെന്നും പറഞ്ഞു പോയതാണ്. പിന്നീട് യാതൊരു വിവരവും ഇല്ല. അത് കേട്ട് നിശബ്ദയായി കിടന്നതേയുള്ളൂ പാവം ഗംഗ. മോളുടെ വീട്ടിൽ വിവരം അറിയിക്കണ്ടേ...? വേണ്ട ഡോക്ടർ... ആരോടും ഒന്നും പറയാൻ നിൽക്കണ്ട. എന്റെ അനുജത്തിക്ക് ഒന്ന് രണ്ട് പ്രൊപ്പോസൽസ് വന്നിട്ടുണ്ട്. ഇനി ഞാൻ അവിടെ ചെന്ന് നിൽക്കുന്നതിൽ യാതൊരു പ്രസക്തിയുമില്ല. അപ്പോൾ നീ ഇനി എന്ത് ചെയ്യും മോളെ. ഡോക്ടർ മഹാദേവൻ കരുണയോടു കൂടി അവളെ നോക്കി ചോദിച്ചതും, അതിനൊരു മറുപടി പറയാൻ ഇല്ലാതെ ഗംഗ അങ്ങനെ തന്നെ കിടന്നു. ഡോക്ടർ മഹാദേവന് ഒരു കോൾ വന്നതും അദ്ദേഹം പുറത്തേക്കിറങ്ങി പോയി. പിന്നീട് അവളുടെ അടുത്തേക്ക് ഊർമ്മിള മാഡം ഇരുന്നു. അവരും വളരെ സ്നേഹത്തോടെയും കരുതലോടെയും ആയിരുന്നു ഗംഗയോട് സംസാരിച്ചത്. തന്റെ മകളുടെ അതേ പ്രായമുള്ള, വിദ്യാഭ്യാസപരമായും കുടുംബപരമായും ഉയർന്ന നിലവാരത്തിൽ കഴിയുന്ന അതിസമ്പന്നയായ ഒരു പെൺകുട്ടി.. അവളുടെ അവസ്ഥയിൽ അവർ ഏറെ ദുഃഖിച്ചു. മോളെ അവനെ നമുക്ക് നിയമത്തിന്റെ മുൻപിൽ കൊണ്ടുവരണ്ടേ.. മോൾ ഒരു പരാതി നൽകുകയാണെങ്കിൽ,, നമ്മൾക്ക് പോലീസ് സ്റ്റേഷനിൽ അറിയിക്കാം. ഇപ്പോൾ ഒന്നും വേണ്ട ഡോക്ടർ. ഞാൻ ആകെ റ്റയേർഡാണ് . ഒന്ന് നോക്കിയായ ശേഷം നേരിട്ട് പോയി ഞാൻ പോലീസിന് പരാതി കൊടുത്തോളാം. ഡോക്ടർ ഊർമിളയും ഇറങ്ങി പോയ ശേഷം ദീപികയും ഗംഗയും മാത്രമായി ആ റൂമില്. ഗംഗാ..... ദീപിക വിളിച്ചതും ഗംഗ അവളെ ഒന്ന് നോക്കി. നീ ഇതൊന്നും എന്നോട് എന്താ മോളെ പറയാതിരുന്നത്... ഒരു വാക്ക് എങ്കിലും ഞാൻ അറിഞ്ഞിരുന്നെങ്കിൽ അവന്റെ മുൻപിൽ നിന്നെ ഇട്ടു കൊടുക്കില്ലായിരുന്നു.. സാരമില്ല ദീപിക ഒക്കെ ദൈവത്തിന്റെ തീരുമാനവും എന്റെ വിധിയും ആണ്. ഇങ്ങനെയൊക്കെ അനുഭവിക്കണം എന്നുള്ളത് അദ്ദേഹം മുൻകൂട്ടി നിശ്ചയിച്ചത് ആവും. അത് അനുഭവിക്കാണ്ട് പറ്റില്ലല്ലോ. ദൈവം ഒരിക്കലും നിനക്ക് ഇങ്ങനെ ഒരു വിധി നൽകില്ല. കാരണം അറിഞ്ഞുകൊണ്ട് ഒരു ഉറുമ്പിനെ പോലും ദ്രോഹിക്കാത്തവളാണ് നീയ്. അത്രയ്ക്കും നന്മ നിറഞ്ഞ ഒരു ഹൃദയമുള്ളവളാണ്. ആ നിനക്ക് ഇങ്ങനെ ഒരു വിധി... അതൊരിക്കലുമില്ല. എന്തൊക്കെയായാലും ഇന്ന് ഉച്ചയോടുകൂടി ഡിസ്ചാർജ് ആകും. നീ എന്റെ വീട്ടിലേക്ക് പോരെ കേട്ടോ. വേണ്ടട.. ഇക്കാര്യം പറഞ്ഞു നീ എന്നെ നിർബന്ധിക്കരുത്. പിന്നെ... പിന്നെ നീ എങ്ങോട്ട് പോകും. രണ്ട് പേരും സംസാരിച്ചു കൊണ്ട് നിന്നപ്പോൾ വീണ്ടും ഡോക്ടർ മഹാദേവൻ കയറി വന്നു. മോളെ... എന്റെ അനുജൻ പോലീസിൽ ആണുള്ളത്. അവനോട് ഞാൻ ഈ വിവരങ്ങളൊക്കെ ധരിപ്പിച്ചു. കുറച്ചു മുന്നേ അവനാണ് എന്നെ കോൾ ചെയ്തതും. അരമണിക്കൂറിനുള്ളിൽ ആള് ഇവിടെയെത്തും. എന്നിട്ട് നേരിട്ട് അവനൊരു പരാതി കൊടുക്കാം.അതിനു ശേഷം പോകാം കേട്ടോ. ഡോക്ടർ മഹാദേവൻ പറഞ്ഞതും അവൾ തലകുലുക്കി. മോള് അയാളുടെ വീട്ടിൽ വച്ച് അനുഭവിച്ച എല്ലാ സാഹചര്യങ്ങളും സത്യസന്ധമായി തന്നെ തുറന്നു പറയണം. ഇങ്ങനെയുള്ളവന്മാരെ ഒരിക്കലും വളരുവാൻ അനുവദിച്ചു കൂടാ. പെൺകുട്ടികൾക്ക് പേടിയാണ്, പോലീസ് സ്റ്റേഷനിൽ കയറാനും ഒരു അഡ്വക്കേറ്റിനെ കാണാനും ഒക്കെ അവർക്ക് പേടി. നല്ലൊരു സപ്പോർട്ട് സിസ്റ്റം ഇല്ലാത്തതാണ് ഇതിനൊക്കെ പ്രധാന കാരണം എന്നു പറയുന്നത്. അത് തന്നെയല്ല, പെൺകുട്ടികൾ എന്തെങ്കിലും പീഡനങ്ങൾ അനുഭവിച്ചിട്ടുണ്ടെങ്കിൽ ചേർത്തു പിടിക്കേണ്ട മാതാപിതാക്കൾ പോലും സൊസൈറ്റിയിലെ സ്റ്റാറ്റസ് ഓർത്തുകൊണ്ട് വീണ്ടും അവരെ തള്ളി വിടുകയല്ലേ.. പുച്ഛഭാവത്തിൽ മഹാദേവൻ ഡോക്ടർ പറഞ്ഞു നിർത്തി. ഏകദേശം 35 നും 40 നും അടുത്ത പ്രായം തോന്നിക്കുന്ന ചുറുചുറുക്കുള്ള ഒരു യുവാവാണ് ഡോക്ടർ മഹാദേവൻ. അദ്ദേഹത്തെക്കുറിച്ച് കൂടുതൽ ഒന്നും അറിയില്ലെങ്കിലും വളരെ നല്ലൊരു വ്യക്തിത്വമുള്ള ആളാണ് എന്നുള്ളത് ഗംഗയ്ക്ക് ഏറെക്കുറെ ബോധ്യമായി. ഡോക്ടർ പറഞ്ഞു കൊടുക്കുന്ന ഓരോ വാചകങ്ങളിലും അവൾക്ക് വല്ലാത്ത ഒരു ധൈര്യവും പ്രസരിപ്പും ഒക്കെ തോന്നി. ആ സമയത്ത് ആയിരുന്നു ഡോറിൽ ആരോ മുട്ടിയത്. ദീപിക വാതിൽ തുറന്നതും അകത്തേക്ക് കയറി വന്ന ആളെ കണ്ടു എന്ന് തരിച്ചിരുന്നു പോയി. തുടരും. അഭിപ്രായം പറയണേ.. ഒപ്പം ലൈക്‌