ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6X5y1OG?d=n&ui=v64j8rk&e1=c UNDER WORLD = CHAPTER - 16 ============================ ചിരിച്ചുകൊണ്ട് തിരിഞ്ഞ ശേഷം... സാവധാനം നവോമി ഡോറിനരികിലേക്ക് നടന്നു, എന്തൊക്കെയോ ചിന്തകൾ അവളുടെ മനസിനെ കീഴ്പെടുത്തിയിട്ടുണ്ട് എന്ന് ആ കണ്ണുകളിൽ നിന്നെ വായിച്ചെടുക്കാൻ കഴിയും... ഡോർ തുറന്ന് വെളിയിലേക്ക് ഇറങ്ങിയ നവോമിയുടെ മുഖം കോപം കൊണ്ട് ചുവന്ന് തുടുത്തു, നടത്തത്തിന്റെ വേഗത കൂടുന്നതിനനുസരിച് അവളുടെ ശ്വാസ ഗതിയും വർധിച്ചുകൊണ്ടേ ഇരുന്നു. ആ ഇടനാഴിക്ക് അങ്ങകലെയായി അലക്സ് എന്ന് എഴുതിയിരിക്കുന്ന റൂമിന്റെ ഡോർ തുറന്ന് നവോമി അകത്തേക്ക് കയറിയതും കിരണിന്റെയും ജുവലിൻെറയും മുറിയിലെ സംസാരം അതിനകത്തു അലയടിച്ചു കേൾക്കാമായിരുന്നു, ഡോറിന്റെ വലത് വശത്തായി മെഡിക്കൽ ബുക്കുകൾ അടുക്കി വെച്ചിരുന്ന ഷെൽഫിൽ നിന്നും ചെറിയൊരു പൊതി എടുത്ത് അലക്സ് ഇരുന്നതിന്റെ എതിർ വശത്തെ കസേരയിൽ നവോമി ഇരുന്നു...! "ആ നായിന്റെ മക്കൾ എല്ലാം മനസിലാക്കി എന്ന് തോനുന്നു." കിരണിന്റെ റൂമിൽ വെച്ചിരുന്ന മൈക്കിൽ നിന്നും അവരുടെ ശബ്ദം അലക്സിന് മുന്നിലെ ലാപ്ടോപ്പിൽ കൂടി വെളിയിലേക്ക് വന്നു...! "ഗബ്രിയേൽ എന്ന പേര് കൂടി കണ്ടതോടെ നമ്മൾ സ്വപ്നത്തിൽ കണ്ട എല്ലാവരും യഥാർത്ഥ ജീവിതത്തിൽ നമ്മുടെ മുന്നിൽ തന്നെ ഉണ്ട്." ജുവൽ പറഞ്ഞതിന് മറുപടിയായി കിരണിന്റെ ശബ്ദം കേൾക്കാതെ വന്നതും കയ്യിലിരുന്ന കവർ പൊട്ടിച്ച് അകത്തുനിന്നും വെളുത്ത നിറത്തിലുള്ള പൊടി അല്പം എടുത്ത് നവോമി ടേബിളിന് മുകളിൽ വിതറി, ശേഷം വലതു ചൂണ്ടുവിരലിൽ അല്പം പൊടി ഒപ്പിയെടുത്ത് നാവ് നീട്ടി കണ്ണുകളടച്ചു നക്കി. നവോമിയുടെ നാവിൽ അലിഞ്ഞു ചേർന്ന സോംബി ഡ്രഗ് അവളുടെ രക്തത്തിൽ കലർന്നതും ചുവന്ന് തുടുത്ത കണ്ണുകൾ മെല്ലെ തുറന്ന് ടേബിളിന് മുകളിലെ ഡ്രഗിലേക്ക് മുഖം ചേർത്ത് ആഞ്ഞു വലിച്ച് അകത്തേക്ക് കയറ്റി...! "ബോബിയെ വിളിക്ക്... ഇന്ന് തന്നെ രണ്ടിനെയും പരലോകത്തേക്ക് പലായനം ചെയ്യിക്കണം, ഒരു തവണ മിസ്സ്‌ ആയതുപോലെ ഇനി സംഭവിച്ചാൽ സ്വയം ജീവനൊടുക്കിക്കോളാൻ പറഞ്ഞേക്ക് രണ്ടിനോടും അല്ലെങ്കിൽ ഓവർ ഡോസിൽ രണ്ടിനും ഡ്രഗ് നൽകി പരസ്പരം കൊല്ലിക്കുമെന്നും പറയണം." MYSTERY CONTINUE =================== "അതിന് ബോബിയുടെ കൂടെ ആരെയാണ് ലോറിയും കൊടുത്ത് ആക്‌സിഡന്റ് ആക്കാനായി പറഞ്ഞു വിട്ടതെന്ന് ഇതുവരെ എന്നോട് പറഞ്ഞില്ലല്ലോ...?" അലക്സിന്റെ സംശയം കേട്ട് നവോമി ക്രൂരമായി ഒന്ന് ചിരിച്ചു...! "അത് നിങ്ങൾ അറിയേണ്ട സമയം ആയിട്ടില്ല... ബോബിയുടെ കൂടെ പോയവൻ കിരണിനും, അതുപോലെ ജുവലിനും വേണ്ടപെട്ടവൻ ആകുമ്പോൾ അവർക്ക് അതൊരു സ്പെഷ്യൽ ഗിഫ്റ്റ് ആയിരിക്കും... ഒരിക്കലും മനസ്സിൽ കരുതാത്ത ഒരു സ്പെഷ്യൽ ഗിഫ്റ്റ്." നിഗൂഢമായ അവളുടെ ഉറക്കെയുള്ള ചിരി ശ്രദ്ധിച്ചുകൊണ്ട് അലക്സ് ഫോണിൽ നിന്നും ബോബിയുടെ നമ്പർ ഡയൽ ചെയ്തു...! "ഹലോ ബോബി." "ആ സാർ... പറയു." "കിരണിനെയും ജുവലിനെയും ഇല്ലാതാക്കാൻ അവസാനമായി ഒരു അവസരം കൂടി നിങ്ങൾക്ക് തരാം... ഈ അവസരവും വേണ്ട വിധം ഉപയോഗിക്കാതെ കഴിഞ്ഞ തവണത്തേതുപോലെ നഷ്ടപെടുത്തിയാൽ സ്വയം ജീവനൊടുക്കിയാൽ മതി... അല്ലെങ്കിൽ നിനക്കും നിന്റെ കൂടെ വരുന്നവനും ഓവർ ഡോസിൽ സോംബി ഡ്രഗ് നൽകാൻ ആണ് നവോമിയുടെ തീരുമാനം." "ഇത്തവണ മിസ്സ്‌ ആകില്ല സാർ... ആയുസ്സിന്റെ ബലം കൊണ്ട് മാത്രം ആണ് ഇന്നലെ കൊക്കയിൽ നിന്നും അവർ രക്ഷപെട്ടത്, ഇത്തവണ ജീവനറ്റ അവരുടെ ശരീരം കണ്മുന്നിൽ കണ്ടാൽ മാത്രമേ എന്റെ ദൗത്യത്തിൽ നിന്നും ഞാൻ പിന്മാറു." "എന്ത് ചെയ്താലും വേണ്ടില്ല... നാളെ കഴിഞ്ഞുള്ള സൂര്യോദയം ദർശിക്കാൻ കിരണും, ജൂവലും ഈ ഭൂമിയിൽ ഉണ്ടാകാൻ പാടില്ല." "ശെരി സാർ." കോൾ കട്ട്‌ ചെയ്ത് അലക്സ് ലാപ്പിലേക്ക് നോക്കി...! "അവരുടെ സംസാരം ഒന്നും കേൾകുന്നില്ലല്ലോ നവോമി." "കേൾക്കില്ല... അവൾ ആ കിരൺ... അതി ബുദ്ധിമതിയാണ്, നമ്മളെപറ്റിയെല്ലാം മനസിലാക്കിയ സ്ഥിതിക്ക് രഹസ്യമായി എന്തെങ്കിലും പ്ലാനിൽ ആയിരിക്കും, പക്ഷെ അവൾ അറിഞ്ഞ സത്യങ്ങൾ നമ്മൾ മനസിലാക്കിയ വിവരവും, അവൾക്കും അവളുടെ അനിയത്തിക്കും ഇന്ന് രാത്രി നമ്മൾ ഒരുക്കിയിരിക്കുന്ന കുറിയും ആ പാവങ്ങൾ അറിയുന്നില്ലല്ലോ." "എന്നാൽ താൻ പോയി അവരെ വീട്ടിലേക്ക് അയക്കാനുള്ള ഒരുക്കങ്ങൾ ചെയ്യ്... എനിക്ക് ഇന്ന് ഒരു അബോർഷൻ ഉണ്ട്." "ഈ മാസത്തിൽ ഇത് നാലാമത്തെ അബോർഷൻ അല്ലെ...? ഫ്ലൂയിഡ് കളക്ട് ചെയ്യാൻ ആൾ എന്നാണ് വരുന്നത്...?" "അത് ഞാൻ വീട്ടിൽ എത്തിയിട്ട് പറയാം... താൻ പോയി അവരെ വിടാനുള്ള കാര്യങ്ങൾ ചെയ്യ്." ഇരുവരും ക്യാബിനിൽ നിന്നും വെളിയിലേക്ക് ഇറങ്ങി. നവോമി കിരണിന്റെ അടുത്തേക്കും, അലക്സ് ഓപ്പറേഷൻ തീയേറ്ററിലേക്കും നടന്നു...! "എന്തായി ടീച്ചർ കാര്യങ്ങളൊക്കെ കഴിഞ്ഞോ...?" ഡോർ തുറന്ന് അകത്തേക്ക് കയറിയ നവോമിയുടെ കണ്ണുകൾ ശ്രദ്ധിച്ചുകൊണ്ട് കിരൺ ചോദിച്ചതും അവൾ കണ്ണുകളിൽ പതിയെ തിരുമ്മി...! "ആ... എല്ലാം ശെരിയായിട്ടുണ്ട് നിങ്ങൾക്ക് പോകാനുള്ള വണ്ടിയും വെളിയിൽ റെഡിയാണ്." "എന്ത് പറ്റി കണ്ണിന്...?" "അതെന്തോ പൊടി പോയതാണെന്ന് തോനുന്നു." പറഞ്ഞു തീർന്നതിന് പുറകെ അലക്സും, രണ്ട് സെക്യൂരിറ്റിയും സ്ട്രക്ച്ചറുകളുമായി അകത്തേക്ക് വന്നു...! "നന്നായി റസ്റ്റ്‌ എടുക്കണം രണ്ടാളും." കിരണിനെയും ജുവലിനെയും നോക്കി ചിരിച്ചുകൊണ്ട് അലക്സ് പറഞ്ഞത് കേട്ട് നവോമി അലക്സിനെ നോക്കിയും ചിരിച്ചു...! "അത് പിന്നെ താൻ പ്രത്യേകം പറയണോ...? ഇവർ എന്റെ കുട്ടികൾ അല്ലെ... ഇവർക്കുള്ള നിർദ്ദേശങ്ങൾ എല്ലാം ഞാൻ കൊടുത്തിട്ടുണ്ട്." "എന്നാൽ ബാക്കിയുള്ള കാര്യങ്ങൾ കൂടി ടീച്ചർ തന്നെ കുട്ടികൾക്ക് പറഞ്ഞു കൊടുത്തേക്കണേ... എനിക്കല്പം തിരക്കുണ്ട്." ജൂവലും കിരണും സ്ട്രക്ച്ചറിലേക്ക് ഇരിക്കുന്നത് ശ്രദ്ധിച്ചുകൊണ്ട് അത്രയും പറഞ്ഞ ശേഷം അലക്സ് തിരിച്ചു നടന്നു...! "നേരെ വീട്ടിലേക്കല്ലേ കിരൺ...?" "അതെ ടീച്ചർ." "സഹായത്തിന് ആരെങ്കിലും ഉണ്ടോ അവിടെ...?" "ഒരു രണ്ട് പൊലീസുകാരെ വിടാൻ മൂസ ഇക്കയോട് പറഞ്ഞിട്ടുണ്ട്." "അപ്പോ ഭക്ഷണമൊക്കെ...?" കട്ടിലിൽ നിന്നും ഫയലുകൾ എടുത്ത് കിരണിന് നൽകുന്നതിനിടയിൽ നവോമിയുടെ ചോദ്യം കേട്ട് അവൾ ജുവലിന് നേരെ തിരിഞ്ഞു...! "അത് ശെരിയാണല്ലോ ജുവൽ... ഭക്ഷണം എങ്ങനെ ഉണ്ടാക്കും...?" "സ്വിഗ്ഗി അല്ലെ ചേച്ചി ഉള്ളത്... തത്കാലം അതിൽ അഡ്ജസ്റ്റ് ചെയ്യാം." ജുവലിന്റെ മറുപടി കേട്ട് നവോമി ചിരിച്ചതിനൊപ്പം തന്നെ കിരണും ചിരിച്ചു...! "എന്നാ നിങ്ങൾ ഇവരെയും കൊണ്ട് താഴേക്ക് പൊക്കൊളു... ഞാൻ ഇപ്പൊ വന്നേക്കാം." സെക്യൂരിറ്റിയോടായി പറഞ്ഞ ശേഷം ഫോണിൽ നോക്കികൊണ്ട് നവോമി ആദ്യം വെളിയിലേക്ക് ഇറങ്ങി... പുറകെ അവരെയും കൊണ്ട് സെക്യൂരിറ്റികൾ ലിഫ്റ്റിന് നേരെ നടന്നതും റൂമിലേക്ക് തിരികെ കയറി കട്ടിലിനടിയിൽ ഫിറ്റ്‌ ചെയ്തിരുന്ന മൈക്ക് എടുത്ത് നവോമി അലക്സിന്റെ റൂമിലേക്ക് നടന്നു...! "ചേട്ടാ ഈ അലക്സ് ഡോക്ടർ എത്ര നാളായി ഈ ആശുപത്രിയിൽ...?" ലിഫ്റ്റിൽ കയറിയ ഉടനെ കിരണിന്റെ ചോദ്യം കേട്ട് സെക്യൂരിറ്റികൾ പരസ്പരം നോക്കി...! "ഇപ്പോൾ റൂമിൽ വന്ന ഡോക്ടറുടെ കാര്യമാണോ മാഡം ചോദിച്ചത്...?" "ആ... അത് തന്നെ." "അദ്ദേഹം വന്നിട്ട് വർഷങ്ങളായി... എന്താ മാഡം...?" "ഹേയ് ഒന്നുമില്ല... ചോദിച്ചു എന്നൊള്ളു. ഡോക്ടറുടെ സ്വഭാവം എങ്ങനെ ആണ്...?" "ആള് മാന്യൻ ആണ് മാഡം... എല്ലാവർക്കും അദ്ദേഹത്തെ വലിയ കാര്യമാണ്, പാവങ്ങൾക്കൊക്കെ ഒരുപാട് സഹായം ചെയ്യുന്ന കൂട്ടത്തിൽ ആണ് അയാൾ." "അദ്ദേഹത്തിന്റെ മൊബൈൽ നമ്പർ ചേട്ടന്റെ കയ്യിൽ ഉണ്ടെങ്കിൽ അതെനിക്കൊന്ന് തരാമോ...?" ലിഫ്റ്റ് ഇറങ്ങിയ ശേഷം അയാളുടെ കയ്യിൽ നിന്നും അലക്സിന്റെ നമ്പർ വാങ്ങി സേവ് ചെയ്തതും നവോമി അവർക്കരികിലേക്കെത്തി...! "ഞങ്ങൾ ഇവിടെ മുൻപിൽ ഉണ്ട്... പെട്ടന്ന് വരു." നവോമിയുടെ സംസാരം ടാക്സി ഡ്രൈവറോട് ആയിരിക്കും എന്ന് കിരൺ ഊഹിച്ചു... അപ്പോൾ തന്നെ അവരുടെ മുന്നിലേക്ക് ഒരു ഇന്നോവ വന്ന് നിന്നു...! "ഞാൻ വരണോ കൂടെ...?" "വേണ്ട ടീച്ചർ... ഞങ്ങൾ പൊക്കോളാം ഇവിടെ അടുത്ത് തന്നെ അല്ലെ...?" "എന്നാൽ ഓക്കേ കിരൺ... നന്നായി റസ്റ്റ്‌ എടുക്കണം, സമയം കിട്ടിയാൽ ഞാൻ വൈകിട്ട് ഇറങ്ങാം." "ഓക്കേ ടീച്ചർ." തങ്ങളുടെ വീട്ടിലേക്കുള്ള അര മണിക്കൂർ യാത്രയിൽ ഒരക്ഷരം പോലും സംസാരിക്കാതെ ജൂവലും കിരണും ആലോചനയിൽ തന്നെ ആയിരുന്നു, അതിനിടയിൽ അലൻ ഡോക്ടറിന് കിരൺ ഒരു മെസ്സേജ് അയച്ചു...! "ഡോക്ടർ നിങ്ങളുടെ ആശുപത്രിയിൽ ജോലി ചെയ്യുന്ന അലക്സ് നിങ്ങൾ വിചാരിക്കുന്നത് പോലെ ഒരു ആളെ അല്ല... അയാൾ വെറും പകൽ മാന്യൻ ആണ്. അയാൾക്കും നവോമി ടീച്ചർക്കും എന്തൊക്കെയോ നിഗൂഢമായ ബന്ധങ്ങൾ ഉണ്ട്, വിരോധമില്ലെങ്കിൽ തിരക്ക് കഴിയുമ്പോൾ എന്നെ ഒന്ന് വിളിക്കണം... ബാക്കി കാര്യങ്ങൾ വിശദമായി ഞാൻ ഫോണിലൂടെ പറയാം." അലന് മെസ്സേജ് അയച്ചതിനു പുറമെ അലക്സിനും, കൂടെ നവോമിക്കും കിരൺ മെസ്സേജ് അയച്ചു. അപ്പോഴേക്കും വീട്ടിൽ എത്തിച്ചേർന്ന അവരെയും കാത്ത് മൂസയും രണ്ട് പോലീസുകാരും നേരത്തെ എത്തി കഴിഞ്ഞിരുന്നു. വീടിനുള്ളിലേക്ക് കയറിയ ഉടനെ അവസാനത്തെ ഫയൽ ആയ "LABELS" കിരൺ തുറന്നു...! "ജുവൽ എന്റെ മുറിയിൽ നിന്നും മുന്ന എഴുതിയ 'UNDER WORLD' എന്ന പുസ്തകം എടുത്ത് മൂസാക്കക്ക് കൊടുക്ക്." ഇരുവരും അവളുടെ മുറിയിലേക്ക് കയറിയതും, കയ്യിലിരുന്ന ഫയൽ കിരൺ വായിക്കാനൊരുങ്ങി...! ========================================= LABELS ======= പ്രമുഖ മദ്യ കമ്പനികളുടെ എസ്സെൻസും, സ്റ്റിക്കറുകളും, വരുന്നത് "വാ" എന്ന സ്ഥലത്ത് നിന്നും. വ്യത്യസ്ത ബ്രാൻഡുകളുടെ രുചിയും, മണവും, തലക്കേൽക്കുന്ന ലഹരി പോലും വ്യത്യാസം വരുത്തുന്നത് വെറും "വാറ്റിൽ" ചേർക്കുന്ന യൂറേനിയത്തിന്റെ അളവിനെ ആശ്രയിച്ചിരിക്കുന്നു. ശർക്കര, കറുവപ്പട്ട, ഈത്തപ്പഴം, മുന്തിരി, പൈനാപ്പിൾ, തുടങ്ങിയ പഴവർഗങ്ങൾ വെള്ളത്തിൽ ചാലിച്ച്, അതിലേക്ക് ബാറ്ററി പൊട്ടിച്ചതും, ഈസ്റ്റും ചേർത്ത് ദിവസങ്ങളോളം അടച്ചു വെച്ച് പുളിപ്പിച്ചെടുക്കുന്ന "കോട" യെ ഒരു ചെറിയ ഓസിലൂടെ മാത്രം ആവി പുറത്തുകടക്കുന്ന കലത്തിൽ നിറച്ച ശേഷം തിളപ്പിക്കുക, തിളച്ചു മറിയുമ്പോൾ ഓസിലൂടെ പുറത്തേക്ക് വരുന്ന നീരാവിയെ തണുത്ത വെള്ളത്തിലൂടെ കടത്തി വിട്ട് "വാറ്റ്" ആക്കി മാറ്റി അതിലേക്ക് കൂടിയ ബ്രാൻഡുകളുടെ എസ്സെൻസും, ലഹരി വിത്യാസം വരുത്തുന്നതിനുമായി യൂറേനിയവും, കളറും ചേർത്ത് കുപ്പികളിലാക്കി സ്റ്റിക്കറും ഒട്ടിച്ച് ഒറിജിനലിനെ വെല്ലുന്ന വ്യാജനെ വിപണിയിൽ എത്തിക്കുക. ========================================= വായിച്ചു കഴിഞ്ഞ ഉടനെ എതിർവശത്ത് ബുക്കുമായി വന്നിരുന്ന മൂസാക്കയുടെ നേരെയും തന്റെ അരികിൽ ഇരിക്കുന്ന ജുവലിനെയും കിരൺ മാറി മാറി നോക്കി...! "നമ്മുടെ അച്ഛൻ വലിയ മദ്യക്കച്ചവടക്കാരൻ എന്നാണല്ലോ പറഞ്ഞിരുന്നത്... നീ ഇതൊന്ന് വായിച്ചു നോക്കിക്കേ." ഫയൽ ജുവലിന് നേരെ നീട്ടി കിരൺ മൂസയുടെ നേരെ തിരിഞ്ഞു...! "ആ ബുക്കിലെ ചാപ്റ്റർ 3 ന്റെ അവസാനത്തിൽ വരുന്ന കുറച്ച് ചോദ്യങ്ങൾ ഉണ്ട്... അത് ഇക്ക ഒന്ന് വായിക്കാമോ...?" ആ ബുക്ക് മൂസ തുറന്നതും ഫയൽ വായിച്ചു കഴിഞ്ഞ ജുവൽ പഴയത് പോലെ തന്നെ അടച്ചു വെച്ചു...! "അപ്പോ ചേച്ചീ... ഇതെല്ലാം കള്ളത്തരത്തിലൂടെ ആണോ ഉണ്ടാക്കിയിരുന്നത്...?" "അതെ... ഒന്നും ഒർജിനൽ അല്ല ജുവൽ... എല്ലാം വ്യാജൻ ആണ്." "മോളെ ചോദ്യങ്ങൾ കണ്ടു." മൂസ പറഞ്ഞത് കേട്ട് ഇരുവരും അയാളുടെ നേരെ തിരിഞ്ഞു...! "എന്നാ ഓരോന്നായി വായിച്ചോളൂ." ============================ "പെട്ടന്ന് പണം ഉണ്ടാക്കാനുള്ള വഴികൾ... നിരോധനമില്ലാതെ മദ്യ സേവനം... ആരെയും ഭയപ്പെടാതെ മയക്കുമരുന്നിൽ ആറാടി ജീവിക്കാനുള്ള സ്വാതന്ത്ര്യം... ഇതിനെല്ലാം പുറമെ ആർക്കും ആരുമായും ലൈംഗീക ബന്ധത്തിൽ ഏർപ്പെടാനുള്ള പൂർണ അവകാശം. അവരുടെ മോഹ വാഗ്ദാനങ്ങൾ ഒന്നും തന്നെ നടന്നില്ലെങ്കിലും മദ്യവും മയക്കുമരുന്നും പെണ്ണും വേണ്ടുവോളം ലഭിക്കുന്നതിനാൽ ദുഷ്ടമനസിന് ഉടമയായവർ അവരുടെ വലയത്തിൽ തന്നെ തുടർന്ന് പോകും എന്നത് സാത്താൻ ആരാധകരുടെ ശക്തി വർധിപ്പിക്കുക തന്നെ ചെയ്യും." ============================= "ഇക്കാ അതല്ല... അതിന് താഴെയുള്ള കുറച്ചു ചോദ്യങ്ങൾ ഉണ്ട് അത് ഓരോന്നായി വായിച്ചാൽ മതി." മൂസ വായിക്കുന്നതിനിടയിൽ കിരൺ ഇടക്ക് കയറിയതും അയാൾ ഒന്ന് തല ഉയർത്തി നോക്കിയ ശേഷം താഴെയുള്ള ചോദ്യങ്ങളിലൂടെ ഒന്ന് കണ്ണോടിച്ചു...! "* പണം ആവശ്യമായി വരുന്നവർക്ക് പണം നൽകാനുള്ള വരുമാനം സാത്താനിസ്റ്റുകൾക്ക് എവിടെ നിന്നും ലഭിക്കുന്നു...?" "ഈ ചോദ്യത്തിന്റെ ഉത്തരം ഇന്ന് രാത്രി ഞങ്ങൾ മരിച്ചില്ല എങ്കിൽ നാളെ രാവിലെ തന്നെ കണ്ടെത്തിയിരിക്കും." കിരണിന്റെ ഉത്തരം കേട്ട് ഒന്നും മനസിലാകാതെ ജൂവലും മൂസയും അവളെ തന്നെ ഉറ്റു നോക്കി...! "മരിച്ചില്ലെങ്കിലോ ചേച്ചി എന്താ ഈ പറയുന്നത്...?" ജുവലിന്റെ മറു ചോദ്യം കേട്ട് എല്ലാം പറയാം എന്നുള്ള രീതിയിൽ അവളുടെ നേരെ കണ്ണുകളടച്ചു കാണിച്ച ശേഷം അടുത്ത ചോദ്യത്തിനായി കിരൺ മൂസയെ നോക്കി...! "* ലോകം മുഴുവൻ വ്യാപിച്ചു കിടക്കുന്ന അവരുടെ സംഘടനയിലേക്ക് മദ്യത്തിന്റെ കുത്തൊഴുക്ക് എവിടെ നിന്നുമാണ്...?" "അതിന്റെ ഉത്തരം ആണ് ദാ ഈ ഫയൽ... അവർക്ക് ആവശ്യമുള്ള മദ്യം അവർ തന്നെ ഉണ്ടാക്കുന്നു, കേരളത്തിൽ മൊത്തം എന്റെ അച്ഛൻ ആയിരുന്നിരിക്കണം വിപണിയിൽ സാധനം എത്തിച്ചിരുന്നത്. അതുപോലെ തന്നെ അവരുടെ ഈ പൈശാചീക സംഘടന എവിടെയൊക്കെ ഉണ്ടോ അവിടെ എല്ലാം അവർ തന്നെയാണ് മദ്യം നിർമിക്കുന്നത്." പറഞ്ഞവസാനിപ്പിച്ചതും അടുത്ത ചോദ്യത്തിനായി കിരൺ മൂസയെ നോക്കി...! "* സ്വബോധം പോലും നഷ്ടപ്പെടുത്തി ആറാടി തിമിർക്കാൻ വേണ്ടി പല രാജ്യങ്ങളിലും നിർത്തലാക്കിയിട്ടുള്ള ആവശ്യത്തിലേറെ മയക്കുമരുന്നുകൾ അവരുടെ കൈകളിൽ എവിടെ നിന്നും എത്തിച്ചേരുന്നു...?" "സോംബി ഡ്രഗ് എന്ന ഭീകര മയക്കുമരുന്ന് തയ്യാറാക്കുന്ന ഫോർമുല പോലും ദാ ഇതിൽ ഉണ്ട്. വാ എന്ന സ്ഥലത്ത് നിന്നും ആണ് അതിനാവശ്യമായ സാമഗ്രികൾ എത്തിക്കുന്നത്, അത് കേരളത്തിൽ മാത്രം ആയിരിക്കില്ല ലോകം മൊത്തം അങ്ങനെ തന്നെ ആകും. അതായത് അവർക്ക് ആവശ്യമായ മയക്കുമരുന്നിന്റെ ചേരുവകൾ വാ യിൽ നിന്നും എത്തിച്ച ശേഷം അതിനെ സോംബി ഡ്രഗ് എന്നൊരു ഭീകര രൂപത്തിലേക്ക് അവർ തന്നെ മാറ്റുന്നു." "* ഇത്രയും രഹസ്യമായി ഈ പൈശാചിക സംഘടന മുന്നോട്ട് കൊണ്ടുപോകുന്നതിന് പുറകിലുള്ള യഥാർത്ഥ ലക്ഷ്യം എന്താണ്...?" "ഇക്കാ... ഈ ചോദ്യത്തിന്റെ ഉത്തരം കണ്ടെത്താൻ കഴിയുമോ എന്ന് എനിക്ക് അറിയില്ല, പക്ഷെ ഇതിനും ഒരു ഉത്തരം ലഭിക്കണം എങ്കിൽ ഇന്ന് രാത്രി ഞാൻ മരിക്കാതിരിക്കണം." ദൃഢനിശ്ചയത്തോടെയുള്ള കിരണിന്റെ മറുപടി കേട്ട് മൂസക്കും അതുപോലെ തന്നെ ജുവലിനും ഭയം തോന്നി തുടങ്ങിയിരുന്നു...! "*സമൂഹത്തിൽ ഉന്നതിയിൽ നിൽക്കുന്നവരും പണക്കൊഴുപ്പില്ലാത്തവരും സാത്താനിസ്റ്റുകളുടെ കരവലയത്തിൽ അകപ്പെട്ടാൽ ഉള്ള ദോഷങ്ങൾ എന്തെല്ലാം ആണ്...?" "ഇക്കാക്ക് അറിയാവുന്നതല്ലേ എന്റെ സുഹൃത്ത് ഇസ്രക്ക് സംഭവിച്ചത്... അവളുടെ മരണം തന്നെയാണ് ഇതിനുള്ള ഉത്തരം, ആ മരണത്തിന്റെ പിന്നാലെ പോയതിൽ നിന്നുമാണ് ഇത്രയും കാര്യങ്ങൾ കണ്ടെത്താൻ കഴിഞ്ഞത്. ബാക്കിയുള്ള രണ്ട് ചോദ്യങ്ങളുടെ ഉത്തരം നാളെ ഞാൻ ജീവനോടെ ഉണ്ടെങ്കിൽ കണ്ടെത്തി തന്നിരിക്കും." "മോളെ നീ പറയുന്നത് കേട്ടിട്ട് പേടിയാകുന്നല്ലോ... സ്വന്തം ജീവൻ വെച്ചുള്ള എന്താണ് ഉദ്ദേശിക്കുന്നത് എങ്കിലും അതിനേക്കാൾ നല്ലൊരു വഴി നമുക്ക് കണ്ടെത്തിക്കൂടേ...?" "ചേച്ചി... ഇക്ക പറയുന്നതിലും കാര്യമുണ്ട്, ചേച്ചി എന്താണ് മനസ്സിൽ കണ്ടിരിക്കുന്നത് എന്ന് എനിക്കറിയില്ല പക്ഷെ." ജുവൽ പൂർത്തിയാക്കുന്നതിന് മുൻപേ കയ്യിലിരുന്ന FIR ന്റെ കോപ്പികൾ ഒഴികെയുള്ള രണ്ട് ഫയലുകൾ മൂസയുടെ നേരെ കിരൺ നീട്ടി...! "ഈ ഫയലുകളിൽ എന്റെയും,, ജുവലിന്റെയും, ചിലപ്പോ അച്ഛന്റെയും, അമ്മയുടെയും, ഇക്കയുടെയും കൂടാതെ ആശുപത്രിയിൽ ഞങ്ങളെ എത്തിച്ച ആളിന്റെയും വിരലടയാളം ഉണ്ടാകും, അത് കണ്ടെത്തിയ ശേഷം ഞാൻ വാട്സാപ്പിൽ അയച്ചിരിക്കുന്ന മെസ്സേജും ഈ ഫയലുകളും ആയി IG രാഹുൽ മാധവിനെയും, സുപ്രീം കോടതി ജഡ്ജി ശ്രീമതി ലീലാ കൃഷ്ണനെയും ചെന്ന് കാണണം." ഇരുന്നിടത് നിന്നും എഴുന്നേറ്റ് മൂസ കിരണിന്റെ കയ്യിൽ നിന്നും ഫയൽ വാങ്ങി ദയനീയമായി കിരണിനെ നോക്കി...! "ഒരപകടത്തിൽ നിന്നും രക്ഷപെട്ടിട്ട് വീണ്ടും അപകടത്തിലേക്ക് തന്നെ സ്വയം എടുത്ത് ചാടുകയാണോ മോളെ...?" "ഇക്കാ... ഞാൻ ഒറ്റക്ക് ഇറങ്ങി തിരിച്ചാൽ അല്ലാതെ ഇതിനൊരു പര്യവസാനം ഉണ്ടാകില്ല, എന്റെ മനസ് മാറ്റാൻ ശ്രമിക്കാതെ പറഞ്ഞതുപോലെ ചെയ്യ് പ്ലീസ്." "ഒറ്റക്ക് ഇറങ്ങി തിരിക്കാൻ വയ്യാതിരിക്കുന്ന മോൾക്ക് എങ്ങനെ സാധിക്കും എന്ന്...?" മൂസ ചോദ്യം മുഴുവിപ്പിക്കുന്നതിന് മുൻപേ അയാളുടെ നേരെ കിരൺ കരങ്ങൾ ഉയർത്തി...! "ഇക്ക എന്റെ വിളിപ്പുറത് ഉണ്ടായാൽ മതി... ബാക്കി എല്ലാം ഞാൻ ചെയ്തോളാം... എനിക്ക് വയ്യാത്തതുകൊണ്ട് ഇന്ന് രാത്രി തന്നെ ആയിരിക്കണം അവരുടെ നീക്കവും... അതുകൊണ്ട് ഞാനും ഒരു കളിക്ക് ഇറങ്ങാൻ തന്നെ തീരുമാനിച്ചു." ===== WAIT FOR THE NEXT കണ്ണൂർകാരൻ 🌹🌹🌹🌹🌹 #🧟 പ്രേതകഥകൾ! #✍ തുടർക്കഥ #📙 നോവൽ #🕵️‍♀️ കുറ്റാന്വേഷണ കഥകൾ #📔 കഥ