ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mMbe6ep?d=n&ui=v64j8rk&e1=cപരിണയം ❣️ 4 "നിനക്ക് എന്താ നാവില്ലേ അനു. ഒന്ന് വാ തുറന്നു എന്തെങ്കിലും ഒന്ന് പറയുന്നുണ്ടോ നീയ്യ്."? ഹരി കുപ്പിതനായി ചോദിച്ചതും അവൾക്ക് തനിക്ക് ഇനി ഒന്നും പറയാനില്ലെന്ന ഭാവം ആയിരുന്നു. അവൾ പുറത്തേക്ക് മിഴികൾ ഊന്നിയതും ഇനിയും അവിടെ നിന്ന് നേരം കളയാതെ ഹരി ദേഷ്യത്തോടെ ഇറങ്ങി പോയിരുന്നു. ഹരിയുടെ പോക്ക് കണ്ടു സങ്കടത്തോടെ അനു താഴേക്ക് ഊർന്നു പോയിരുന്നു. ഹരിയുടെ അവസ്ഥയും മറിച്ചു ആയിരുന്നില്ല. തന്നെ ഇത്ര നാൾ അവഗണിക്കാത്തവൾ ഇന്ന് ഒരു കാരണം കൂടാതെ അവഗണിക്കുന്നുണ്ടെങ്കിൽ അതിന് പിന്നിൽ മറ്റെന്തെങ്കിലും പ്രശ്നം അവളെ അലട്ടുന്നുണ്ടാകുമെന്ന് കരുതിയിരുന്നു. എന്നാൽ വീണ്ടും വീണ്ടും തന്നെ അന്യനെ പോലെ കാണുന്നവളെ എത്ര ഒക്കെ അരികിൽ ചേർത്തു പിടിക്കാൻ നോക്കിയാലും അകലാൻ തോന്നിയാൽ അവൾ അകന്നു തന്നെ പോകുമെന്ന് ഹരിക്ക് ബോധ്യമായി. ഇനി അനു ആയിട്ട് തന്നോട് എല്ലാം തുറന്നു പറയുന്നത് വരെ താനും പുതിയ ഒരു ഹരിയായിരിക്കും എന്ന് അവനും മനസ്സിൽ കണക്ക് കൂട്ടി. ✨️✨️ വൈകുന്നേരത്തോടെ ചില ഫ്രണ്ട്സിന്റെ സഹായത്തോടെ അനു ഹോസ്റ്റലിൽ നിന്നും ബാഗ് എല്ലാം വീട്ടിലെക്ക് എത്തിച്ചിരുന്നു. മടങ്ങും മുൻപ് ഹരിയുടെ പൈസ തിരിച്ചു കൊടുക്കണമെന്നുള്ളതും അവൾ ഉറപ്പിച്ചിരുന്നു. രാത്രി പതിവ് പോലെ ഹരിയുടെ കാൾ പ്രതീക്ഷിച്ചു എങ്കിലും ഹരി തന്നെ അവഗണിക്കാൻ തുടങ്ങി എന്ന് അനുവിന് മനസ്സിലായി തുടങ്ങി. വീട്ടിൽ വിളിച്ചു വിശേഷങ്ങൾ പറഞ്ഞ ശേഷം അവൾ ഉറങ്ങാൻ ആയി കിടന്നു. എവിടെ ആണ് തനിക്ക് പിഴച്ചത്.? ഹരി തനിക്ക് ജീവൻ ആയിരുന്നില്ലേ എന്നിട്ടും. മറ്റുള്ളവരുടെ വാക്കു കേട്ടു തള്ളി പറയുന്നതല്ല എന്റെ ഹരിയെ. പക്ഷെ അവന്റെ വീട്ടുകാരുടെ പ്രതീക്ഷ മുഴുവൻ അവനാണെന്ന് അറിഞ്ഞിട്ട് കൂടി താൻ അവരിൽ നിന്നും ഹരിയെ അകറ്റാൻ പാടില്ലല്ലോ എന്നൊരു ചിന്തയും ഒപ്പം കുറ്റബോധവും ആയിരുന്നു അനുവിന്റെ മനസ്സിൽ നിറയെ. ✨️✨️ രാവിലെ നേരത്തെ ഉണർന്നു ഫ്രഷ് ആയി ഒരുങ്ങി ഓഫീസിലേക്ക് പോകാനായി തിരിച്ചിരുന്നു അനു. ഓഫീസിൽ പലർക്കും റിലേഷനെ കുറിച്ച് അറിയില്ല. എല്ലാവരെയും അറിയിച്ചു ഇപ്പോഴേ പരസ്യം ആക്കാൻ ഹരിക്ക് താല്പര്യം ഉണ്ടായിരുന്നില്ല. അത് കൊണ്ട് തന്നെ ഹരിക്ക് മറ്റ് സ്റ്റാഫുകൾ എങ്ങനെ ആണ് അങ്ങനെ തന്നെ ആണ് അനുവിനോട് പെരുമാറുന്നത്. പതിവ് സമയം ആയിട്ടും ഹരിയെ കാണാത്തതിനാൽ അനുവിന് അല്പം ടെൻഷൻ തോന്നി തുടങ്ങിയിരുന്നു. ഫോണിൽ ട്രൈ ചെയ്തിട്ടും കാൾ അറ്റൻഡ് ചെയ്തിരുന്നില്ല അവൻ. അങ്ങനെ ആശങ്കയോടെ അവൾ നിന്നപ്പോഴാണ് ഹരി വരുന്നത് കണ്ടത്. ദേഷ്യം മുഖത്ത് കണ്ടത് കൊണ്ട് തന്നെ ഉടൻ അനു തന്റെ ജോലിയിൽ മുഴുകിയിരുന്നു. "അനു. നിന്നെ ഹരി സാർ വിളിക്കുന്നുണ്ട്." തൊട്ടു അരികിലായി ഹരിയുടെ പി എ ആയ ആരുഷി വന്നു പറഞ്ഞതും കയ്യിലെ ഫയൽസ് എല്ലാം അവിടെ തന്നെ വെച്ചു ക്യാബിനിലേക്ക് പോയി അനു. തങ്ങളുടെ വിഷയം എന്തായാലും ഇവിടെ സംസാരിക്കില്ലെന്ന ധൈര്യം ഉള്ളത് കൊണ്ട് ആണ് അനു മറ്റൊന്നും നോക്കാതെ അവന്റെ അരികിലേക്ക് പോയത്. എന്നാൽ ഫോണിൽ ആരുമായോ ദേഷ്യപെടുന്ന ഹരിയെ കണ്ടതും അനുവിന്റെ ഉള്ളൊന്ന് പിടച്ചു. ദേഷ്യം വന്നാൽ ഹരിയെ നിയന്ത്രിക്കാൻ അല്പം പ്രയാസം ആണ്. അനുവിന്റെ അരികിൽ മാക്സിമം ദേഷ്യം പ്രകടിപ്പിക്കാതിരിക്കാൻ ഹരി ശ്രമിക്കാറുണ്ട്.എങ്കിലും അവളുടെ ചില സ്വഭാവം കാണുമ്പോൾ അവൻ നിയന്ത്രണം വിട്ടു പൊട്ടിത്തെറിക്കാറുമുണ്ട്. മടിച്ചു മടിച്ചു അകത്തേക്ക് വരുന്ന അനുവിനെ കണ്ടതും ഹരി കാൾ കട്ട്‌ ചെയ്തു ഫോൺ ടേബിളിലേക്ക് എറിഞ്ഞു. ശബ്ദം കേട്ടു അനു ഒന്ന് പകച്ചു. "സാർ. " പതർച്ചയോടെ അവൾ വിളിച്ചതും രൂക്ഷമായി ഒരു നോട്ടം ആയിരുന്നു ഹരി അവളെ. "അനുഗ്രഹ. തന്നെ ഇവിടെ ജോലിക്ക് എടുത്തത് കമ്പനി നഷ്ടത്തിൽ ആക്കാൻ അല്ല. ഉയർച്ചയിൽ എത്തിക്കാൻ ആണ്. എന്നാലേ മാസം കയ്യിലേക്ക് ഉളുപ്പ് ഇല്ലാതെ സാലറി വാങ്ങാനും കഴിയുകയുള്ളു. നഷ്ടം സംഭവിച്ചാൽ ഇനി മുതൽ അതും ഉണ്ടാവണമെന്നില്ല." പുച്ഛവും പരിഹാസവും നിറഞ്ഞ അവന്റെ സംസാരം കേട്ടു ഒന്നും മനസ്സിലാകാതെ അനു അവനെ നോക്കി. "സാർ എന്താണ് പറയുന്നത്.? മനസ്സിലായില്ല" "മനസ്സിലാവില്ല.തനിക്ക് ഒന്നും മനസ്സിലാവില്ല. അങ്ങനെ ഉള്ളവർ വീട്ടിൽ ഇരിക്കണം. അല്ലാതെ ബാക്കി ഉള്ളോർക്ക് തലവേദന ഉണ്ടാക്കാൻ നോക്കുകയല്ല വേണ്ടത്." "ഹരി.... സോറി സാർ പറയുന്നത് വ്യക്തമാക്കിയാൽ നന്നായിരുന്നു." അവളുടെ ശബ്ദത്തിലെ വ്യത്യാസം അവനും തിരിച്ചറിയുന്നുണ്ടാരുന്നു. "പറയാൻ മാത്രം ഒന്നുല്ല. താൻറെ ഇഷ്ടത്തിന് അല്ല ഫയൽസ് സബ്‌മിറ്റ് ചെയ്യേണ്ടത്. ഉച്ചക്ക് മുൻപ് സബ്‌മിറ്റ് ചെയ്യേണ്ട ഫയൽ ആണ് താൻ ലേറ്റ് ആക്കിയത്. ഇങ്ങനെ പോയാൽ കമ്പനിക്ക് അല്ല തനിക്ക് ആകും നഷ്ടം ഉണ്ടാവുക. സാലറി അങ്ങ് കട്ട്‌ ചെയ്യും " പുച്ഛം നിറഞ്ഞ അവന്റെ സംസാരത്തിൽ തന്നോട് ഉള്ള അടങ്ങാത്ത ദേഷ്യം ആണെന്ന് അനു മനസ്സിലാക്കി. "ഇതിൽ കൂടുതൽ നഷ്ടം ഒന്നും എനിക്ക് സംഭവിക്കാൻ പോകുന്നില്ല സാർ. പേർസണൽ ആയിട്ടുള്ളത് ഇവിടെ സംസാരിക്കില്ല എന്ന് എനിക്ക് ഒരാൾ വാക്ക് തന്നിരുന്നു. എന്നാൽ ഇന്ന് അത് ആരാണ് തെറ്റിച്ചത്. ഞാൻ എന്റെ വർക്ക്‌ എല്ലാം കറക്റ്റ് ടൈം കംപ്ലീറ്റ് ചെയ്യാറുണ്ട്. ഇന്ന് മനഃപൂർവം എന്നെ വേദനിപ്പിക്കാൻ ആയി ഇങ്ങനെ ഒരു സീൻ ക്രീയേറ്റ് ചെയ്യേണ്ടിയിരുന്നില്ല ഹരി. പിന്നെ സാലറി കട്ട്‌ ചെയ്യേണ്ട. ഞാൻ ഒരു ബുദ്ധിമുട്ട് ആയി തോന്നിയെങ്കിൽ ജോബ് റിസൈൻ ചെയ്തു മടങ്ങിക്കോളാം." അവൾ പറഞ്ഞത് ഒന്നും തന്നെ അവൻ ശ്രദ്ധ കൊടുക്കാതെ ലാപ്പിൽ നോക്കി ഇരിക്കുകയാണ്. താൻ വീണ്ടും അവഗണിക്കപെടുന്നു എന്ന് തോന്നിയ നിമിഷം അവൾ അവിടെ നിന്നും ഇറങ്ങി. സീറ്റിൽ പോയിരിക്കുമ്പോഴും അവൻ ചെയ്തതിൽ ഒരു തെറ്റ് ആയി അവൾക്ക് തോന്നിയില്ല. താനും നന്നായി അവോയ്ഡ് ചെയ്തിരുന്നല്ലോ.എന്നാൽ ഓഫിസിൽ ഈ കാര്യം മനസ്സിൽ വെച്ചു മനഃപൂർവം ഒരു പ്രശ്നം ഉണ്ടാക്കുന്നവനോട് അവൾക്ക് ദേഷ്യം തോന്നാതിരുന്നില്ല. രണ്ടാഴ്ച ഹരിയുടെ പെരുമാറ്റം ഈ രീതിയിൽ തന്നെ ആയിരുന്നു. അനുവും ഒട്ടും അയഞ്ഞു കൊടുക്കാതെ തന്റെ നിലപാടിൽ ഉറച്ചു നിന്നു. പ്രണയിച്ചവൻ തന്നെ വേദനിപ്പിക്കാൻ തുടങ്ങിയപ്പോൾ അവൾക്ക് പിടിച്ചു നിൽക്കാൻ കഴിയാതെ ആയി. താൻ കാരണം ഹരി എത്രത്തോളം വേദനിക്കുന്നു എന്ന് അനു അനുഭവിച്ചു അറിഞ്ഞ നാളുകൾ കൂടി ആയിരുന്നു അത്. അനുവിന്റെ അതേ വാശി ആയിരുന്നു ഹരിക്കും. ഇനിയും പരസ്പരം വേദന നൽകി രണ്ടാളും മുന്നോട്ട് പോകുമെന്ന തിരിച്ചറിവ് ഉണ്ടായതിനാൽ ഹരിയിൽ നിന്നും എന്നെന്നേക്കുമായി ഒഴിഞ്ഞു പോകാൻ അനു തീരുമാനിച്ചു അവൾ നാട്ടിലേക്ക് മടങ്ങാൻ തന്നെ ആണ് തീരുമാനം . ഹരി വരാത്തതിനാൽ ജോബ് റിസൈൻ ലെറ്റർ ഹരിക്ക് ഒപ്പം തന്നെ തുല്യ സ്ഥാനം ഉള്ള മറ്റൊരു വ്യക്തിയെ ഏൽപ്പിച്ചു എല്ലാം അവസാനിപ്പിച്ചു അനു അവിടെ നിന്നും പടിയിറങ്ങി. പെട്ടെന്ന് ഉള്ള അനുവിന്റെ ഈ നീക്കം ആരും പ്രതീക്ഷിച്ചിരുന്നില്ല. അത് കൊണ്ട് തന്നെ അറിഞ്ഞപ്പോൾ പലരുടെയും മുഖത്ത് അത്ഭുതം ആയിരുന്നു. ചിലർക്ക് പരിഭവം ആണെങ്കിൽ മറ്റ് ചിലർക്ക് അവൾ പോകുന്നതിൽ സന്തോഷം ആണ് തോന്നിയത്. നന്നായി തന്റെ വർക്കുകൾ കംപ്ലീറ്റ് ചെയ്തു തീർക്കുന്ന അനു ടോപ് പൊസിഷൻ നേടിയെടുക്കും എന്നുള്ള അസൂയ പലർക്കും ഉണ്ടായിരുന്നു. ഹരിയെ കാണാതെ തന്നെ മടങ്ങാൻ ആയിരുന്നു അനുവിന്റെ ഉദ്ദേശം. വീട്ടിൽ എത്തി രണ്ടാഴ്ച താമസിച്ച വാടക കൊടുക്കാതെ തന്നെ കൊടുത്ത ഡെപ്പോസിറ്റ് കുറച്ചു ആണ് അവൾ വാങ്ങിയത്. കീയും അയാളെ ഏൽപ്പിച്ചു ഹരി അയാൾക്ക് കൊടുത്തിരുന്ന പൈസ അവന്റെ അക്കൗണ്ടിലേക്ക് ഗൂഗിൾ പേ ചെയ്തു അനു ബാഗുകളും എടുത്തു ഇറങ്ങി. റെയിൽവേ സ്റ്റേഷനിൽ ഇരിക്കുമ്പോൾ അവളുടെ ചിന്ത മുഴുവൻ ഹരിയെ കുറിച്ചായിരുന്നു. അവൻ ഇതിനോടകം താൻ മടങ്ങിയ വിവരം അറിഞ്ഞിട്ടുണ്ടാകുമെന്ന് അവൾക്ക് ഉറപ്പായിരുന്നു. എന്നാൽ സ്ഥിരം ബസിന് മടങ്ങുന്ന താൻ ട്രെയിനിൽ പോകുമെന്ന് അവൻ കരുതില്ലെന്നു അവൾക്ക് തോന്നി. അത് കൊണ്ട് തന്നെ ആണ് ട്രെയിനിൽ തന്നെ യാത്ര തീരുമാനിച്ചത്. "എല്ലാം അവസാനിപ്പിക്കണം ഹരി. ഞാൻ മടങ്ങുവാ. നിന്റെ കണ്മുന്നിൽ പോലും വരാതിരിക്കാൻ ഞാൻ മാക്സിമം ശ്രമിക്കും. നിനക്കും ഇനി സന്തോഷത്തോടെ ഓഫീസിൽ വരാലോ. എന്നോട് ഉള്ള ദേഷ്യം ആ പാവങ്ങളോട് കൂടി അല്ലെ നീ തീർത്തിരുന്നത്. ഇനി അത് വേണ്ട. ഒരിക്കലും അനു ഹരിക്ക് സ്വന്തം ആകില്ല. ഹരിക്ക് വിധിച്ചവൾ അല്ല അനു. " ട്രെയിൻ വരുന്നത് കണ്ടതും അവനു ഒരു ടെക്സ്റ്റ്‌ മെസ്സേജ് അയച്ചു അവൾ ഫോൺ ബാഗിൽ ആക്കി കയറാൻ ആയി മുന്നോട്ട് നടന്നതും ആരോ അവളെ പിടിച്ചു പിന്നിലേക്ക് വലിച്ചിരുന്നു. (തുടരും ).. കണ്ണൂർകാരൻ 🥰🥰🥰🥰🥰 #📔 കഥ #✍ തുടർക്കഥ #📙 നോവൽ #📚 ട്വിസ്റ്റ് കഥകൾ #💞 പ്രണയകഥകൾ