#📙 നോവൽ #📔 കഥ #💞 പ്രണയകഥകൾ MY DOCTOR❤️6                            ജനലിലൂടെ സൂര്യപ്രകാശം അവളുടെ മുഖത്തേക്കടിച്ചു.ഒരു അസ്വസ്തതോടയവൾ കണ്ണ് തുറന്നു.കിടന്നിടത്തു നിന്നും കയ്യെത്തിച് മേശക്കുമുകളിലുള്ള ഫോൺ എടുത്തു.സമയം നോക്കി ,7 മണി കഴിഞ്ഞിരിക്കുന്നു.ഫോൺ ലോക്ക് തുറന്നപ്പോഴാണ് അമ്മയുടെ പത്തോളം മിസ്സ്കാള്സ് കിടക്കുന്നു.ഇന്നലെ ജോലി കഴിഞ്ഞു വന്നതിനു ശേഷം ഇന്നോളം പരിചയമില്ലാത്തൊരാളെ ഓർത്തു ഫോൺ പോലും നോക്കാതെ ആണ് കിടന്നതെന്നോർക്കേ അവൾക്കവളോട് തന്നെ സഹതാപം തോന്നി..പെട്ടന്നൊരു വെപ്രാളം തോന്നി.പൊതുവെ അമ്മ എന്തെങ്കിലും അത്യാവശ്യമുണ്ടെങ്കിൽ മാത്രം വിളിക്കാറുള്ളു .വേഗം തിരിച്ചു വിളിച്ചു.രണ്ടു ബെല്ലടിച്ചതും അപ്പുറത് കാൾ എടുത്തു. "എവിടെ പോയതാടി നീ ,ഇന്നലെ ഞാൻ എത്ര തവണ വിളിച്ചു".ഒരു ഹലോ പോലും പറയുന്നതിന് മുന്നേ നിർമല ദേഷ്യത്തോടെ പറഞ്ഞു. 'അപ്പോൾ ആരും മരിച്ചിട്ടില്ല ,സമാധാനം 'അഞ്ചു മനസ്സിലോർത്തു . "നിനക്ക് നാവില്ലെ അഞ്ചു"വീണ്ടും നിർമല  "അമ്മക്ക് എന്താ പറയാനുള്ളത് വേഗം പറ എനിക്ക് ക്ലാസ് ഉണ്ട് '' മടുപ്പോളവൾ പറഞ്ഞു. ''നീ എന്താ മഹേഷ് മോനോട് പറഞ്ഞത്"? "ഞാൻ എന്ത് പറയാൻ"അത്ഭുദത്തോടവൾ ചോദിച്ചു  ''നീ ഒന്നും പറയാഞ്ഞിട്ടാണോ അവൻ ബാഗ് ഒക്കെ പാക്ക് ചെയ്ത ഒരുമാസം കഴിഞ്ഞിട്ടേ തിരിച്ചു വരുകയുള്ളൂന്നും പറഞ്ഞു പോയത്.നിന്നോട് സംസാരിച്ചതിന് ശേഷം ആണ് എന്റെ മോൻ പോയത്.എവിടേക്കാണെന്ന് ആരോടും ഒരു വാക്ക് പറഞ്ഞിട്ടില്ല."നിർമ്മലയുടെ ശബ്ദം ആർദ്രമായി. അഞ്ജുവിന് വിറഞ്ഞു കേറി വരുന്നുണ്ടായിരുന്നു. "ഞാൻ നിങ്ങടെ മോനോട് ഒന്നും പറഞ്ഞിട്ടില്ല ,ഇനി പോയതിന്റെ കാരണം അറിയണമെങ്കിൽ എന്നെയല്ല അങ്ങേരെ വിളിച്ചു ചോദിക്ക്.അല്ലപിന്നെ''ഇതും പറഞ്ഞു മറുപടി പോലും കേൾക്കാൻ നിൽക്കാതെ അഞ്ചു ഫോൺ കട്ട് ചെയ്തു. അവൾക്ക് ദേഷ്യം വന്നു,അല്ലെങ്കിലും ഇതിൽ കൂടുതലൊന്നും ഏട്ടനിൽ നിന്നും അമ്മയിൽ നിന്നും പ്രതീക്ഷിക്കാനില്ല.ഓർമവെച്ച വച്ച കാലം മുതലേ ഏട്ടന് കിട്ടുന്ന പരിഗണന അവൾക്ക് ലഭിച്ചിട്ടില്ല.കഴിക്കുന്ന ഭക്ഷണത്തിൽ പോലും വേർതിരിവ് കാണിക്കാറുണ്ട്. ചോദിച്ചപ്പോഴൊക്കെയും അവൻ ആൺ കുട്ടിയല്ലേ നീ പെണ്കുട്ടിയല്ലേ ,നിനക്കിതൊക്കെ മതി എന്നായിരുന്നു അമ്മയുടെ മറുപടി.'അമ്മ എന്ന സ്ഥാനത്തിനെ പോലും അവർക്ക് അർഹതയുണ്ടെന്ന് തോന്നുന്നില്ല.ഉണ്ടെങ്കിൽ അവരുടെ മകന്റെ കല്യാണം നടക്കാൻ അവളുടെ ജീവിതം വെച്ചവർ കളിക്കില്ലായിരുന്നല്ലോ.ഒരു പ്രായം കഴിഞ്ഞതും ഏട്ടനും തന്നെ അവഗണിച്ചിട്ടുള്ളു .എത്രയൊക്കെ നാറിയാണെന്ന് പറഞ്ഞാലും മഹേഷിന് മഹിമ ജീവനാണ്.അയാളവളെ സ്നേഹിക്കുന്നത് കണ്ട് ഒരുപാട് കൊതി തോന്നിയിട്ടുണ്ട്.തന്നോടും അങ്ങനെ ഒക്കെ തന്നെയായിരുന്നു അയാൾ ,പക്ഷെ തന്നോടുള്ള അയാളുടെ മനോഭാവം മനസ്സിലാക്കിയതും തകർന്നു പോയി.ആ തകർച്ചയിൽ താങ്ങായത് ആദർശായിരുന്നു .ആ കാരണം കൊണ്ടാണ് അവനോടുള്ള പ്രണയം അസ്തിക് പിടിച്ചതെന്നുവേണമെങ്കിലും പറയാം.അവനോളം തന്നെ മനസിലാക്കിയ മറ്റൊരാളില്ലെന്നോർക്കേ അവൾക്ക് നെഞ്ച് വേദനിക്കുന്ന പോലെ തോന്നി. ഫോണിൽ തുരു തുരെ വരുന്ന നോട്ടിഫിക്കേഷൻ സൗണ്ട് ആണ് അവളെ ചിന്തകളിൽ നിന്നും ഉണർത്തിയത്.ഫോൺ എടുത്ത് whatsapp തുറന്നു.ക്ലാസ് ഗ്രൂപ്പിൽ ചറ പറ മെസ്സേജ് വന്നു കൊണ്ടിരിക്കുന്നു.ഏതോ instagram റീലിന്റെ ലിങ്ക് കാണാം അതിനുള്ള മറുപടിയാണ് ബാക്കി.അവൾ ആ ലിങ്ക് ഓപ്പൺ ആക്കി നോക്കി.റീല് കണ്ടതും അവളുടെ കിളികൾ മുഴുവനും ഒറ്റയടിക്ക് പറന്നു പോയി . "ന്റെ കൃഷ്ണാ........"അവൾ അറിയാതെ വിളിച്ചു പോയി. നല്ലൊരു റൊമാറ്റിക് ഇംഗ്ലീഷ് സോങ്ങിന്റെ അകമ്പടിയോടെ തന്നെ പ്രൊപ്പോസ് ചെയ്യുന്ന സിറിയസ് .slowmotion ഒക്കെ കൊടുത്തു നല്ലൊരു പ്രൊപോസൽ റീല്.മില്യൺ വ്യൂസ് കടന്നിരിക്കുന്നു.അഞ്ചു താടിക്ക് കയ്യ് കൊടുത്തിരുന്നു.കമന്റ് ബോക്സിൽ മൊത്തം "cute couples,prefect combo" തുടങ്ങി ഒടുക്കത്തെ പോസിറ്റീവ് commentsum . ഫ്രഷ് ആയി കയറി വന്ന ഐഷു കാണുന്നത് ഫോണിൽ നോക്കി താടിക്ക് കയ്യ് കൊടുത്തിരിക്കുന്ന അഞ്ജുവിനെയാണ്. "നീ എന്ത് സ്വപ്നം കണ്ടിരിക്കാടി കോളേജിലൊന്നും പോണ്ടേ?"ഐഷു മുഷിഞ്ഞ ഡ്രസ്സ് ബാസ്കറ്റിലേക്കിട്ടുകൊണ്ട് ചോദിച്ചു. "നോക്കെടി ....."അഞ്ചു ഫോൺ ഐഷുവിന് നേരെ നീട്ടി. റീല് കണ്ടതും ഐഷു പൊട്ടിച്ചിരിക്കാൻ തുടങ്ങി .ഫോൺ നിലത്തു വെച്ചു അവളുടെ ബെഡിലേക് കിടന്നവൾ വയർ അമർത്തി ചിരിച്ചു.അഞ്ചു പില്ലോ എടുത്ത് അവൾക്ക് നേരെ എറിഞ്ഞു. "എന്നാലും എന്റെ അഞ്ചു നിന്റെ ഒരു പ്രൊപോസൽ സീൻ ഇത്രേം വൈറൽ ആയല്ലോ "കഷ്ടപ്പെട്ട് ചിരി നിർത്തി കൊണ്ട് ഐഷു പറഞ്ഞു . "ഇനി എന്ത് ചെയ്യുമെടി "അഞ്ചു ആവലാതിയോടെ ചോദിച്ചു. "നമുക്ക് അവനെ പോയി കാണാം ,എന്നിട്ട് ബാക്കി ആലോചിക്കാം"ഐഷു എണീറ്റു. "ഒന്നാമതേ മഹേഷ് നാടുവിട്ടത് ഞാൻ എന്തോ പറഞ്ഞിട്ടാണെന്നും പറഞ്ഞു അമ്മ ഇപ്പോൾ വിളിച്ചു വെച്ചൊള്ളൂ അതിനിടക്ക് ഇതും കൂടി."അവൾ തല ചൊറിഞ്ഞു കൊണ്ട് പറഞ്ഞു. "അയാൾ എവിടെ പോയി?" ആ.........എനിക്ക് എങ്ങനെ അറിയാം?" "എവിടേലും പോയി തുലയട്ടെ പണ്ടാരം ,അതുവരെ എന്റെ കൊച്ചിന് സമാധാനം കിട്ടുമല്ലോ."ആശ്വാസത്തോടെ പറയുന്നവളേ അഞ്ചു നോക്കി. "അതുവരെ സമാധാനം കിട്ടും അത് കഴിഞ്ഞോ..........എത്ര കാലം എനിക്ക് അയാളിൽ നിന്നും ഒളിക്കാനാവും .ഒന്നെങ്കിൽ ഞാൻ അയാളെ കൊല്ലും അല്ലെങ്കിൽ അയാൾ എന്നെ കൊല്ലും .ഒരു മരണം കൊണ്ടേ ഇതൊക്കെ അവസാനിക്കൂ...."ഒരു നെടുവീർപ്പോടെ അഞ്ചു പറഞ്ഞു. "ദേ ...വേണ്ടാത്തത് പറയാതെ എണീറ്റ് പോയി ഫ്രഷ് ആയെ നീ .നിന്നെ രക്ഷിക്കാൻ ഏഴു കടലും താണ്ടി ഒരു രാജകുമാരൻ വരുമെടി നീ നോക്കിക്കോ ." "നോക്കി ഇരിക്കത്തെ ഉള്ളു."അഞ്ചു എണീറ്റ് അലമാരയിൽ നിന്നും ഡ്രസ്സ് എടുത്ത് പുറത്തേക്ക് പോയി. ***************************** ഡോക്ടർ സിംബൽ പതിച്ച ബ്ലാക്ക് ഡിഫൻഡർ ഹോസ്പിറ്റൽ ഗേറ്റ് കടന്ന് ഉള്ളിലേക്ക് വന്നു.സ്റ്റാഫ് പാർക്കിങ്ങിൽ പാർക്ക് ചെയ്ത ഏഥൻ പുറത്തിറങ്ങി.പ്ലെയ്ൻ നേവി ബ്ലൂ ഷർട്ടും ലൈറ്റ് ബ്ലൂ ജീൻസും .ഷർട്ട് ഇൻസൈഡ് ചെയ്തിരിക്കുന്നു.ഏഥൻ പാർക്കിങ്ങിൽ നിന്നും പുറത്തേക്ക് നടന്നു.പെട്ടന്നൊരു കൈ വന്നവനെ തോളിലൂടെ ചേർത്ത് പിടിച്ചു . "നവീൻ .......നേരത്തെ ആണല്ലോ?" "നിന്നെ കാണാമെന്നോർത്തു തന്നെ വന്നതാണ്.ഒപി തുടങ്ങിയാൽ പിന്നെ കഴിയുന്ന വരെ ഏഥൻ ഡോക്ടറെ മഷി ഇട്ട് നോക്കിയാലും കിട്ടില്ലല്ലോ."ചിരിയോടെ നവീൻ പറഞ്ഞു. "എങ്കിൽ നമുക്ക് ക്യാന്റീനിലേക്കിരുന്നാലോ "എഥനെ കൂട്ടി നവീൻ ക്യാന്റീനിലേക്ക് നടന്നു. രണ്ടുപേർക്കുമോരോ ചായ പറഞ്ഞുകൊണ്ടിരുവരും ഒരു ടേബിളിൽ പോയിരുന്നു. "പറ....ഇന്നലെ നൈറ്റ് എന്തുണ്ടായി?"നവീൻ ഗൗരവത്തോടെ ചോദിച്ചു. ഇന്നലെ എന്ന് പറഞ്ഞതും എന്ത് കൊണ്ടോ അവന്റെ മനസിലേക്കൊരു ചെറിയ മുഖം ഓടി വന്നു.അവൻ ഒന്ന് പുഞ്ചിരിച്ചു കൊണ്ട് തല കുടഞ്ഞു. "മെലിൻ ,she proposed me" ''റിജെക്ട് ചെയ്തു കാണും അല്ലെ....?"നവീൻ നെടുവീർപ്പിട്ടു. "ofcourse "ഏഥൻ നിസ്സാരമായി പറഞ്ഞു. "ഏഥൻ ഇതൊരുപാടായില്ലേ വരുന്നവരെ മുഴുവൻ റിജെക്ട് ചെയ്യാൻ തുടങ്ങിയിട്ട്.you have to move on buddy." "നിനക്ക് എന്നെ അറിയതല്ലല്ലോ നവീൻ .മെര്ലിന് ഒരുപാട് ടൈം ഉണ്ടായിരുന്നു  പക്ഷെ എന്നെ കുറിച്ചൊന്ന് അന്വേഷിക്കാനോ മനസ്സിലാക്കാനോ മെർലിൻ ശ്രമിച്ചിട്ടില്ല.അങ്ങനെ ഒരാൾക്ക് എന്റെ ലൈഫിലേക്ക് വരാൻ ഈസി ആയിരിക്കുമെന്ന് തോന്നുണ്ടോ." "i know ഏഥൻ ,മെർലിൻ വേണമെന്നല്ല പക്ഷെ മറ്റൊരാൾ നിന്റെ ലൈഫിലേക്ക് വരേണ്ട സമയം അതിക്രമിച്ചിരിക്കുന്നു എന്നോർത്തോ?" "സമയം ആവട്ടെ എനിക്ക് വിധിച്ചത് എന്റെയടുത്തെത്താതെ എവിടെ പോവാനാ "നേർത്ത ചിരിയോടെ ഏഥൻ പറഞ്ഞു.അപ്പോഴേക്കും ചായ വന്നു.ഇരുവരും ചായ കുടിച്ചു മറ്റു വിഷയങ്ങളിലേക്ക് സംസാരത്തെ വഴി തിരിച്ചു വിട്ടു. ഇന്ന് തന്നെ മെർലിനോടു സംസാരിക്കണമെന്ന് നവീൻ മനസ്സിൽ ഉറപ്പിച്ചു. *************************** "എന്റെ പൊന്നു സിറി നീ എന്തിനാണ് ആ വീഡിയോ ഇൻസ്റ്റാഗ്രാമിൽ ഇട്ടത് "ബൈക്ക് പാർക്ക് ചെയ്ത് ക്ലാസ്സിലേക്ക് നടക്കുന്നിതിനിടെ മൊബൈലിൽ വീഡിയോ play ചെയ്തു കൊണ്ട് വൈശാഖ് ചോദിച്ചു. "മിണ്ടരുത് നീ ,നീ ഒറ്റ ഒരുത്തനാണ് എല്ലാത്തിനും കാരണം .ആ കോംപ്ലിക്കേറ്റഡ് സിറ്റുവേഷനിലും വീഡിയോ എടുക്കാൻ കാണിച്ച ആ മനസുണ്ടല്ലോ അത് വല്ലാത്തൊരു മനസാണ്."ആരോൺ വൈശാഖിന്റെ പുറം നോക്കിയൊന്ന് കൊടുത്തു. "ആ........."കുനിഞ്ഞുകൊണ്ട് പുറം തിരുമ്മി വൈശാഖ് അലറി. സിറി ചിരിച്ചു കൊണ്ട് അവർക്കൊപ്പം നടന്നു. "ആ വീഡിയോ ശരിക്കും എനിക്കൊരു weight അല്ലെ ,ഇപ്പൊ ഈ കോളേജിൽ ഏതൊരാൾക്കും എന്നെ അറിയാം.സീനിയറെ പ്രൊപ്പോസ് ചെയ്ത മാസ്സ് ആയ ജൂനിയർ."അവൻ അഭിമാനത്തോടെ പറഞ്ഞു. "ഇത്രേം കാലം തല്ല് കേസ്സ് മാത്രം ഉണ്ടായിരുന്നുള്ളു ഇനി തൊട്ട് പെണ്ണ് കേസ്സ് കൂടി ഏൽക്കേണ്ടി വരുമെന്ന് തോന്നുന്നു."ആരോൺ ഒരു ദീർഘ നിശ്വാസം എടുത്തു. ക്ലാസ്സിലേക്ക് ചെന്ന് കയറുമ്പോൾ അവരെ കാത്തെന്ന പോലെ ഒരു പെൺകുട്ടി നിൽക്കുന്നുണ്ടായിരുന്നു. "ഹായ് ഗയ്‌സ് ഞാൻ സ്നേഹ നിങ്ങടെ ക്ലാസ്സിൽ ഉള്ളതാണ് ,നമ്മൾ ഇന്നലെ പരിചയ പെട്ടില്ലായിരുന്നു."അവൾ പുഞ്ചിരിയോടവരോട് പറഞ്ഞു. "പരിചയപ്പെടാനാണോ അവളീ വാതിൽക്കൽ ഇളിച്ചോണ്ട് നിന്നത്"വൈശാഖ് ആരോണിന്റെ ചെവിയിലായി പറഞ്ഞു. "നിങ്ങളെ അന്വേഷിച് അഞ്ജന ചേച്ചിയും ഫ്രണ്ടും വന്നിരുന്നു.വന്നാൽ അന്വേഷിച്ചു വന്നിരുന്നതായി പറയാൻ പറഞ്ഞു, അതാ ഞാൻ ഇവിടെ തന്നെ നിന്നത്."അവർ പറഞ്ഞത് മനസിലായെന്ന പോലെ വൈശാഖിനെ നോക്കി സ്നേഹ പറഞ്ഞു. വൈശാഖ് ചമ്മിയ മുഖത്തോടവളെ നോക്കി.അവനെ നോക്കി പുച്ഛിച്ചു ചിരിച്ചു സ്നേഹ ക്ലാസ്സിലേക്ക് കയറി പോയി. "ആ ........ആളുകൾ തിരഞ്ഞു വന്നു തുടങ്ങി .മോനെ സിറി ആണുങ്ങളടിച്ചാൽ തിരിച്ചടിക്കാം പെണ്ണുങ്ങളടിച്ചാൽ നിന്ന് കൊള്ളേണ്ടി വരും അത് ഓർത്തോ നീ......"വൈശാഖ് പറഞ്ഞു. "ചേച്ചി തിരഞ്ഞു വന്ന സ്ഥിതിക്ക് കാണാതിരുന്നത് മോശമല്ലേ .പിന്നെ ആൾടെ കയ്യിന്ന് അടി കിട്ടാനുള്ള ചാൻസ് ഇല്ല.വീഡിയോ മിക്കവാറും ഡിലീറ് ആകേണ്ടി വരും."സിറി ആലോചനയോടെ പറഞ്ഞു. "കോപ്പേ ....ബെല്ലടിച്ചു ഇനി ഫ്രീ ഉള്ളപ്പോ പോയി കാണാം .ഇപ്പോൾ ക്ലാസ്സിൽ കേറാം "ഇരുവരുടെയും കൈ പിടിച്ചു ആരോൺ ക്ലാസ്സിലേക്ക് കയറി. തുടരും............................................