മാളു മുഖം ഉയർത്തി ദേവികയുടെ മുഖത്തേക്ക് നോക്കി... രണ്ടുപേരുടെയും കണ്ണുകൾ നിറഞ്ഞിരുന്നു. മോള് എത്ര നേരം വേണമെങ്കിലും ഉറങ്ങിക്കോളൂ... ഇവിടെ ആരും മോളെ ശല്യം ചെയ്യില്ല... ഇത് മോളുടെ കൂടി വീടല്ലേ...കുറച്ച് വൈകി എണീറ്റെന്നും കരുതി മോളെ ആരും ഇവിടെ വഴക്ക് പറയാനും പോണില്ല..ദേവിക കണ്ണ് തുടച്ച് പുഞ്ചിരിയോടെ അവളോട് പറഞ്ഞു.. മാളുവും അവരെ നോക്കി പുഞ്ചിരിച്ചു ഞാൻ അപ്പച്ചിയുടെ വീട്ടിൽ 4മണിക്ക് എഴുന്നേൽക്കാറുണ്ട്. അവിടെ ഒരുപാട് ജോലിയുണ്ട്.. അപ്പച്ചിയെ കൊണ്ട് ഒറ്റക്ക് നടക്കില്ല ജോലിയൊന്നും..നാല് പശുക്കളുണ്ട്... അവറ്റകളെ കറക്കണം.. പിന്നെ തൊഴുത്തും വൃത്തിയാക്കണം... അങ്ങനെ ആണ് എന്റെ ഒരു ദിവസം തുടങ്ങാ അവിടെ.. അപ്പൊ ആ നേരത്ത് എഴുന്നേറ്റ് എനിക്ക് ശീലമായതാ.. അല്ലെങ്കിൽ അമ്മാവൻ വഴക്ക് പറയും. മാളു പതിഞ്ഞ ശബ്ദത്തിൽ പറഞ്ഞു ദേവികക്കും ചിന്നുവിനും അവളോട് പാവം തോന്നി അപ്പൊ ഏടത്തിയാണോ അവിടത്തെ എല്ലാ ജോലിയും ചെയ്തിരുന്നത്.. ചിന്നു സംശയത്തോടെ ചോദിച്ചു അതേ.... അവൾ പറഞ്ഞു... അപ്പച്ചി പാവമാണ്. എന്നെ വെല്ല്യ ഇഷ്ടാ.. അച്ഛനും അമ്മയും ഒരു ആക്‌സിഡന്റിൽ പോയ ശേഷം എന്നെ അമ്മാവന്റെ വീട്ടിലേക്ക് കൊണ്ടുവന്നതും അപ്പച്ചിയുടെ നിർബന്ധം കൊണ്ടായിരുന്നു.. അന്ന് അമ്മാവൻ വല്ല്യ വഴക്കൊക്കെ ആയിരുന്നു. ഞാനന്ന് കുഞ്ഞാ.. അഞ്ചു വയസ്സേ ഉള്ളായിരുന്നുള്ളു എനിക്ക്.. അപ്പച്ചിക്ക് അമ്മാവൻ വഴക്കിടുന്നത് പേടിയാ.. കാരണം ഞാൻ വന്ന ശേഷം അമ്മാവൻ എന്തെങ്കിലും കാരണത്തിനു വഴക്കിട്ടാൽ ആ ദേഷ്യം തീർക്കുന്നത് എന്നെ അടിച്ചുകൊണ്ടായിരുന്നു.. അതുകൊണ്ട് അപ്പച്ചി അതികം അമ്മാവനോട് ഒന്നിനും പോവില്ല.. പാവമാണ് എന്റെ അപ്പച്ചി.. മാളുവിന്റെ കണ്ണ് നിറഞ്ഞു ചിന്നുവിന്റെയും ദേവികയുടെയും കണ്ണും നിറഞ്ഞിരുന്നു പഠിക്കാൻ വിടാനൊന്നും ആദ്യം സമ്മതിച്ചില്ലായിരുന്നു അമ്മാവൻ. പിന്നെ അപ്പച്ചി കുറേ കെഞ്ചിപറഞ്ഞിട്ടാ എന്നെ അമ്മാവൻ വിട്ടത്... പകരം ആ വീട്ടിലുള്ള ജോലി എല്ലാം ഞാൻ ചെയ്തോണം എന്നായിരുന്നു നിബന്ധന... എനിക്ക് വേണ്ടി അപ്പച്ചി അത് സമ്മതിച്ചു.. എന്നാലും അമ്മാവൻ വീട്ടിൽ ഇല്ലാത്തപ്പോ എന്നെ സഹായിക്കും കേട്ടോ... അമ്മാവന് പണം പലിശക്ക് കൊടുക്കുന്ന ജോലിയാ... ദുഷ്ടനാ...പാവം കുറേ ബുദ്ധിമുട്ടിയിട്ടുണ്ട് എന്റെ അപ്പച്ചി .. അപ്പച്ചിയെ കുറിച്ചോർക്കേ അവൾക്ക് അവരെ കാണാൻ തോന്നിപ്പോയി അപ്പോ ഇന്ദ്രേട്ടനോ? ചിന്നു നെറ്റി ചുളിച്ചുകൊണ്ട് ചോദിച്ചു.. മാളു ചിരിച്ചു ആദ്യമൊക്കെ എന്നെ വല്ല്യ ഇഷ്ടമായിരുന്നു ഇന്ദ്രേട്ടന്... എനിക്കും.. എന്റെ.. എന്റെ ഏട്ടനല്ലേ പക്ഷെ... പക്ഷെ അമ്മാവൻ എന്നോട് കൂട്ടുകൂടാൻ ഇന്ദ്രേട്ടനെ സമ്മതിക്കാതെയായി.പതിയെ പതിയെ ഇന്ദ്രേട്ടൻ എന്നിൽ നിന്നും അകന്നു. സങ്കടം തോന്നിയിട്ടുണ്ട് ആദ്യമൊക്കെ... പക്ഷെ പിന്നീട് അതുമായും ഞാൻ പൊരുത്തപ്പെട്ടു എട്ട് വയസ്സ് വരെ ആ വീട്ടിലെ അടുക്കളയിലായിരുന്നു എന്റെ ഉറക്കം..പിന്നീട് തൊഴുത്തിന്റെ അടുത്തുള്ള റൂമിലും....എത്രയോ രാത്രികളിൽ പേടിച്ചു കരഞ്ഞിട്ടുണ്ട്.. ഇടക്ക് അമ്മാവൻ മദ്യപിച്ച് ബോധമില്ലാതെ വരുന്ന സമയത്ത് അപ്പച്ചി എന്റെ കൂടെ കിടക്കും... അല്ലാത്തപ്പോഴെല്ലാം ഞാൻ തനിച്ചായിരുന്നു.. പ്രതികരിക്കാൻ അപ്പച്ചിക്കും കഴിയുമായിരുന്നില്ല.. അവൾ കണ്ണുനീരിൽ ചാലിച്ച ഒരു പുഞ്ചിരിയോടെ ചിന്നുവിനോടും ദേവികയോടും പറഞ്ഞു. അവരുടെ കണ്ണുകൾ നിറഞ്ഞിരുന്നു ഇന്ദ്രേട്ടനൊക്കെ ടൗണിലെ പേരുകേട്ട ഇംഗ്ലീഷ് മീഡിയം സ്കൂളിലാ പഠിച്ചേ... ഞാൻ അവിടെ അടുത്തുള്ള സാധാ സർക്കാർ സ്കൂളിലും.. സങ്കടം ഒന്നുമില്ലായിരുന്നു ട്ടോ... പഠിക്കാൻ വിട്ടല്ലോ ആ സന്തോഷം മാത്രമായിരുന്നു എനിക്ക്..പ്ലസ് ടു വരെ പോയി.. അത്യാവശ്യം പഠിക്കുമായിരുന്നു.അതുകൊണ്ട് തന്നെ പ്ലസ് വണ്ണിന് മെറിട്ടിൽ സീറ്റ് കിട്ടി....പക്ഷെ പ്ലസ്ടു കഴിഞ്ഞ് പഠിക്കാൻ വിട്ടില്ല. ഒത്തിരി കരഞ്ഞു... പക്ഷെ ആരോട് പറയാനാ.. ഒന്നും പറഞ്ഞില്ല..എന്റെ ആഗ്രഹങ്ങളെല്ലാം ഉള്ളിലൊതുക്കി ആ വീട്ടിൽ തന്നെ ഒതുങ്ങിക്കൂടി.. മാളു പറഞ്ഞു നിർത്തി.. കുറച്ച് നേരത്തിന് ആരും പരസ്പരം ഒന്നും സംസാരിച്ചില്ല. അൽപ സമയത്തിന് ശേഷം ദേവിക സംസാരിക്കാൻ തുടങ്ങി അവിടെ മാളുമോൾക്ക് ഇത്രയും സങ്കടം ഉണ്ടെന്ന് അമ്മ അറിഞ്ഞില്ല ട്ടോ... എന്താ ഞാൻ പറയേണ്ടത് കുട്ട്യേ.. ഒന്നും നിക്ക് അറിയില്ലല്ലോ... അമ്മടെ കുട്ടി വിഷമിക്കരുത്.. അവർ വേദനയോടെ പറഞ്ഞു.. ചിന്നുവും അവളെ വേദനയോടെ നോക്കി.. മാളു അവർക്ക് വേദനയിൽക്കലർന്നൊരു പുഞ്ചിരി നൽകി അമ്മ വിഷമിക്കണ്ട.. എല്ലാം.. എല്ലാം ഞാൻ സഹിച്ചു... അല്ല ഇനിയും സഹിക്കുമായിരുന്നു.. പക്ഷെ... പക്ഷെ... ഇന്ദ്രേട്ടൻ... ഗായു......... അവൾ പറഞ്ഞു മുഴുവനാക്കും മുൻപ് അകത്ത് നിന്ന് വിനോദിന്റെ വിളി കേൾക്കാൻ തുടങ്ങിയിരുന്നു. മാളു പെട്ടന്ന് ഇരുന്നിടത്ത് നിന്നും ചാടി എഴുന്നേറ്റു ഗായു.... അവൻ വീണ്ടും വിളിച്ചു... അവന്റെ ശബ്‌ദം കുറച്ചുകൂടി അടുത്തെത്തിയത് പോലെ എന്തോ... ദാ വരണു... അത്രയും പറഞ്ഞുകൊണ്ട് മാളു പെട്ടന്ന് അകത്തേക്ക് കയറിപ്പോയി ദേവികയും ചിന്നുവും അവൾ പോയ വഴിയേ നോക്കി നിന്നു. ചിന്നു പെട്ടന്ന് ദേവികയുടെ മുന്നിൽ ചെന്ന് ഇരുന്നു. ദേവിക എന്താ എന്ന പോലെ അവളെ നോക്കി ഏടത്തി എന്ത് പാവമാണല്ലേ വല്യമ്മേ... പതിഞ്ഞുപോയ ശബ്ദത്തിൽ അവൾ ചോദിച്ചു മ്മ്... അവരുടെ ശബ്ദവും താഴ്ന്നുപോയിരുന്നു ഒത്തിരി അനുഭവിച്ചു പാവം... എന്തോ പറയാൻ തുടങ്ങുവായിരുന്നു അപ്പഴേക്കും വിനുവേട്ടൻ വിളിച്ചു... ചിന്നു പറഞ്ഞു മ്മ്മ്.....ദേവിക മൂളിയതെ ഉള്ളു ദേ ഉണ്ണിയേട്ടാ വേണ്ടാ ട്ടോ... എന്താ ഈ കാട്ടണേ... മാളുവിന്റെ കുറുമ്പോടെയുള്ള ശബ്‌ദം ദേവികയും ചിന്നുവും പെട്ടന്ന് ഹാളിലേക്ക് നോക്കി. അവിടെ മാളുവിനെ സോഫയിൽ ഇരുത്തി അവൾക്ക് മുന്നിൽ മുട്ടുകുത്തിയിരുന്ന് അവളുടെ കവിളിൽ പിച്ചുകയായിരുന്നു വിനോദ് അപ്പോൾ ദേവികയും ചിന്നുവും പെട്ടന്ന് അങ്ങോട്ട് പോയി മോനെ ഉണ്ണി... നീയെന്താ ഈ കാട്ടണേ... മോൾക്ക് വേദനിക്കുന്നുണ്ടാകും... അവർ ആകുലതയോടെ പറഞ്ഞു.. വിനോദ് പെട്ടന്ന് അവളുടെ കവിളിലുള്ള പിടി വിട്ടു മാളുവിന്റെ മുഖത്തേക്ക് നോക്കി.. നൊന്തോ... അവൻ പതിയെ അവളുടെ കവിളിൽ തലോടിക്കൊണ്ട് അവളോട് ചോദിച്ചു. മാളു പെട്ടന്ന് സങ്കടം അഭിനയിച്ചു മ്മ്... നിക്ക് ഒത്തിരി നൊന്തു... ഉണ്ണിയേട്ടൻ എന്തിനാ എന്റെ കവിളിൽ പിച്ചിയെ.. അവൾ ചുണ്ട് മലർത്തിക്കൊണ്ട് അവനോട് ചോദിച്ചു വിനോദിന്റെ മുഖം മങ്ങി അത് ഉണ്ണിയേട്ടൻ കുറേ വിളിച്ചില്ലേ ഗായുവിനെ... ഞാൻ... ഞാൻ കരുതി ഗായുവെന്നെ വിട്ടു വീണ്ടും പോയെന്ന്.. അപ്പൊ ഇവിടെ വന്നപ്പോ ഗായൂനെ കണ്ട സന്തോഷം കൊണ്ട് ചെയ്തതാ ഞാൻ.. ഒത്തിരി നൊന്തോ മോൾക്ക്... അവൻ സങ്കടത്തോടെയും വാത്സല്യത്തോടെയും അവളോട് ചോദിച്ചു ദേവികയും ചിന്നുവും അവരെ രണ്ടുപേരെയും അത്ഭുതത്തോടെ നോക്കിനിൽക്കുകയായിരുന്നു.. അവന്റെ കുറുമ്പുകളോട് അതേ കുറുമ്പോടെ തന്നെ മറുപടി കൊടുക്കുന്ന മാളുവിനെ കാണേ അവർക്ക് എന്തെന്നില്ലാത്ത സന്തോഷം തോന്നി... നൊന്തു.. നിക്ക് ഒത്തിരി നൊന്തു... മാളു കുറുമ്പോടെ പറഞ്ഞു ആണോ... വേദന പോവാൻ ഉണ്ണിയേട്ടൻ എന്താപ്പോ തരാ... അവൻ ഒരു വിരൽ താടിക്ക് കൊടുത്ത് ചിന്തിച്ചുകൊണ്ടിരുന്നു. മാളു അവനെ വിടർന്ന കണ്ണോടെ നോക്കിയിരുന്നു ഒന്നും തരണ്ട ഞാൻ മിണ്ടൂല... അവൾ പിണക്കം ഭാവിച്ചു അവൻ പെട്ടന്ന് അവളുടെ മുഖം കയ്യിലെടുത്ത് അവളുടെ രണ്ട് കവിളിലും മാറി മാറി ചുംബിച്ചു.. മാളു ഞെട്ടി... അവൾ. അതേ ഞെട്ടലോടെ ദേവികയേയും ചിന്നുവിനെയും ചമ്മലോടെ നോക്കി... അവർ ആ കാഴ്ച കണ്ട് കണ്ണും മിഴിച്ച് നിൽക്കുകയായിരുന്നു.. മാളുവിന്റെ മുഖം ചുവന്നു... അവൾ പെട്ടന്ന് തലതാഴ്ത്തി കണ്ണുകൾ മൂടിയിരുന്നുപോയി.. ആരെയും നോക്കാൻ അവൾക്ക് സാധിക്കുന്നില്ലായിരുന്നു ഇപ്പൊ ഗായൂന്റെ പിണക്കം മാറിയില്ലേ... രാവിലെ എനിക്ക് ഗായു ഇതുപോലെ അല്ലെ ഉമ്മ തന്നത്.. അപ്പോ എനിക്ക് സന്തോഷം ആയില്ലേ... അതുപോലെ ഇപ്പൊ ഗായൂനും സന്തോഷമായില്ലേ.. അവൻ സന്തോഷത്തോടെ ചോദിച്ചു തീർന്നു... മാളു മനസ്സിൽ പറഞ്ഞു... ഇനിയും ആരുടേയും മുഖത്ത് നോക്കാൻ കഴിയാത്തത് പോലെ മാളു പെട്ടന്ന് വിനോദിനെ തട്ടിമാറ്റി നാണത്തോടെ അടുക്കളയിലേക്കോടി ചിന്നുവും ദേവികയും ചിരിച്ചുപോയി.... എന്നാൽ ഗായുവിന്റെ പിണക്കം മാറിയില്ല എന്നുകരുതി അവളുടെ പിണക്കം മാറ്റാനുള്ള അടുത്ത പദ്ധതി ആലോചിക്കുകയായിരുന്നു വിനോദ് അപ്പോൾ... തുടരും 💘 #📙 നോവൽ #💞 പ്രണയകഥകൾ #📔 കഥ