கத்திரிக்காய் குழம்பு:* *தேவையான பொருட்கள்:* கத்தரிக்காய் - 1/4 kg புளி - பெரிய நெல்லிக்காய் அளவு கடுகு, வெந்தயம் - தாளிப்பதற்கு சிறிதளவு நல்லெண்ணெய் - குழிக்கரண்டி அளவு உப்பு - தேவையான அளவு வறுத்து அரைக்க தேவையான பொருட்கள் மிளகு - 1 ஸ்பூன் சீரகம் - 1 ஸ்பூன் சின்ன வெங்காயம் - 10 இஞ்சி - சின்ன துண்டு பூண்டு - 10 பல் தக்காளி - 1 மல்லித்தூள் - 3 ஸ்பூன் மிளகாய் தூள் - ஒன்றரை ஸ்பூன் மஞ்சள் தூள் - கால் ஸ்பூன் தேங்காய் துருவல் - கால் மூடி *செய்முறை :* கத்தரிக்காயை நான்காக கீறி தண்ணீரில் போட்டு வைத்துக் கொள்ளவும். புளியை ஒரு டம்ளர் தண்ணீரில் ஊற வைத்துக் கொள்ளவும். கடாயை அடுப்பில் வைத்து இரண்டு ஸ்பூன் எண்ணெய் ஊற்றி மிளகு, சீரகம், சின்னவெங்காயம் இஞ்சி ,பூண்டு சேர்த்து இரண்டு நிமிடம் வதக்கி விட்டு அதனுடன் தக்காளியையும் சேர்த்து நன்கு வதக்கி அதனுடன் மல்லித்தூள்,மிளகாய்த்தூள்,மஞ்சள்தூள் சேர்த்து பச்சை வாசனை போக வதக்கி அதனுடன் தேங்காய் துருவலும் சேர்த்து ஒரு ஐந்து நிமிடம் நன்கு வதக்கி ஆறவைத்து தண்ணீர் சேர்த்து நைஸ் பேஸ்டாக அரைத்துக் கொள்ளவும். கடாயை அடுப்பில் வைத்து 6 ஸ்பூன் எண்ணெய் ஊற்றி கத்தரிக்காய் சேர்த்து உப்பு சேர்த்து நன்கு வதக்கி எடுத்து வைத்துக் கொள்ளவும். அதே எண்ணையில் கடுகு, வெந்தயம், கருவேப்பிலை போட்டு தாளித்து அரைத்து வைத்துள்ள மசாலா விழுது சேர்த்து இரண்டு நிமிடம் வதக்கி விட்டு அதனுடன் புளித்தண்ணீர் கரைத்து ஊற்றி பின்பு அதனுடன் மூன்று டம்ளர் தண்ணீர் குழம்பிற்கு தேவையான அளவுக்கு உப்பு சேர்த்து நன்கு கொதிக்க விட வேண்டும். நன்கு கொதித்து குழம்பு கெட்டியானவுடன் அதனுடன் கத்திரிக்காய் சேர்த்து கடாயை மூடி அடுப்பை 5 நிமிடம் சிம்மில் வைக்கவும். சிம்மில் வைத்தால் கத்தரிக்காயும் நன்கு வெந்து எண்ணெய் மேலே மிதந்து வந்தவுடன் இறக்கினால் மிகவும் சுவையான எண்ணெய் கத்திரிக்காய் குழம்பு ரெடி. #சமையல் ஆன்லைன் அறை